گجرات کی خبریں 30.03.2013
Posted on March 31, 2013 By Tahir Webmaster گجرات
ریئر کالج گجرات میں سالانہ سپورٹس فیسٹیول آج شروع ہو گا
گجرات (جی پی آئی) سپریئر کالج گجرات میں سالانہ سپورٹس فیسٹیول آج مورخہ 31مارچ سے شروع ہو رہا ہے اس سلسلہ میں پہلی تقریب گورنمنٹ جامع ہائی سکول کے ہال میں منعقد ہو گی ، جس میں ان ڈورزگیمز کے مقابلہ جات ہونگے ، جبکہ دوسری تقریب بروز سوموار صبح نو بجے ظہور الٰہی سٹیڈیم گجرات میں منعقد ہو گی ، جس میں بوائز کے مقابلہ جات منعقد ہونگے ، ان تقریبات کے مہمان خصوصی وائس چانسلر ڈاکٹر نظام الدین ، ڈی پی او راجہ بشارت ، ڈی سی او نوازش علی ، افتخار چیمہ ، شہزادہ شہزاد شفیق و دیگر ہونگے ، عدنان خان کی طرف سے دعوت نامے بھجوا دئیے گئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آج دی گجرات ینگ فیلوز لائنز کلب گجرات کے زیر اہتمام فری ہومیو پیتھک میڈیکل کیمپ منعقد ہو گا
گجرات (جی پی آئی) آج دی گجرات ینگ فیلوز لائنز کلب گجرات کے زیر اہتمام فری ہومیو پیتھک میڈیکل کیمپ منعقد ہو گا ، جس میں ماہر ہومیو پیتھک ڈاکٹرز و لیڈی ڈاکٹرز مریضوں کو چیک کرینگے اور ادویات دینگے ، ڈاکٹر عرفان رئوف منہاس کی سربراہی میں یہ کیمپ منعقد کیا جا رہا ہے ، جس میں ڈاکٹر انجم نور دین ، ڈاکٹر عدنان ، ڈاکٹر رزاق احمد غفاری ، ڈاکٹر لیاقت علی مہر و دیگر ڈاکٹرز اور لیڈی ڈاکٹرز مریضوں کو چیک کرینگے اور ادویات دینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کارکردگی کی بناء پر ووٹ لیکر میرے بھائی کامیابی سے ہمکنار ہونگے :باجی سمیرا
گجرات (جی پی آئی)سابق وزیراعظم پاکستان چوہدری شجاعت حسین کی ہمشیرہ محترمہ باجی سمیرا نے کہا ہے کہ کارکردگی کی بناء پر ووٹ لیکر میرے بھائی کامیابی سے ہمکنار ہونگے انہوں نے کہا جن لوگوں نے ہمارے خاندان کے اوپر اعتماد کیا انہیں مایوسی کا سامنا نہیں کرنا پڑا ، لوگوں کے خوابوں کو عملی تعبیر دینا گجرات ضلع سے جہالت و تاریکی کا خاتمہ کرنا پختہ راستیں بنائے فاصلے کم کرنے کیلئے فون کی سہولیات کے ساتھ ہمارے خاندان کے لاتعداد کارنامے ہیں وہ گزشتہ روز کالرہ خاصہ میں سابق ناظم چوہدری ارشاد احمد کی رہائشگاہ پر خواتین کے انتخابی اکٹھ سے خطاب کر رہی تھیں ، قبل ازیں کالرہ کلاں میں نور صفیہ کے گھر بھی انہوں نے خطاب کیا اس موقع پر سابق ایم پی اے صفیہ جاوید چوہدری نے کہا پانچ سال کی حکومت نے لوگوں کو مسائل سے دوچار کیا چوہدری برادران جب بھی حکومت میں ہوتے ہیں تعمیر و ترقی کے کام عوامی فلاح و بہبود کے منصوبے شروع ہو جاتے ہیں ،سابق ناظم چوہدری ارشاد نے کہا کہ دیگر قباحتوں کو چھوڑ کر صرف مہنگائی کے حوالے سے ہی دیکھا جائے تو چوہدری پرویز الٰہی کے دور میں اتنی مہنگائی نہ تھی اب حقیقتاً لوگ فاقے کرنے پر مجبور ہیں ، انہوں نے کہا کہ چوہدری برادران بہترین لیڈر ہیں ان کی قیادت پر فخر ہے ان کی کامیابی کیلئے متحرک ہوں اور رہوں گا سابق ممبر تحصیل اسمبلی رخسانہ مغل نے کہا کہ سائیکل کا نشان کو یاد رکھا جائے اور انتخابات میں چوہدری پرویز الٰہی ، میاں عمران مسعود کو کامیاب کرایا جائے انہوں نے کہا کہ جن کا تعلق چوہدری وجاہت حسین کے حلقے سے ہے وہاں چوہدری وجاہت کیلئے ووٹ مانگے جائیں ، نور صفیہ سابق لیڈی جنرل کونسلر محترمہ خالدہ پروین آف کالرہ خاصہ نے بھی خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مشرف مسعود بٹ کی اہلیہ کے انتقال پر غم اور افسوس کا اظہار کیا گیا
گجرات (جی پی آئی)مشرف مسعود بٹ کی اہلیہ کے انتقال پر غم اور افسوس کا اظہار کیا گیا ، مختلف شخصیات نے مرحومہ کے درجات کی بلندی اور مرحومہ کیلئے اللہ تعالیٰ سے مغفرت کی دعا کی ، اجلاس میں خاور بشیر بٹ صدر قمر اکیڈمی ، عمر شریف قادری لبیک یا رسول اللہ ، محمد عارف عطاری ملہو کھوکھر ، محمد قدیر پڈا کنگ موویز ، سیٹھ نوید کپور نے بھی شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی پی او گجرات راجہ بشارت نے حکیم جواد الرحمن نظامی سیفی کو عمرہ کی سعادت پر مبارک باد پیش کی
گجرات (جی پی آئی)ڈی پی او گجرات راجہ بشارت ، حکیم جواد الرحمن نظامی سیفی کو عمرہ کی مبارک باد دینے کیلئے گھر گئے اور عمرہ کی مبارک باد دی اور بہت قیمتی اور اسلامی تحفے بھی دئیے ، جس پر جواد الرحمن نظامی نے کہا کہ آپ کا خود آ جانا بہت بڑی برکت سے کم نہیں ڈی پی او گجرات راجہ بشارت نے کہا کہ آپ نے مدینے شریف میرے لیے ضلع گجرات کیلئے ملک و قوم کیلئے خصوصی دعائیں کیں آپ جیسے اللہ والوں کی چل کر زیارت کرنا بہت بڑی برکت حاصل کرنا ہے ، جواد الرحمن نظامی نے ڈی پی او کیلئے خصوصی دعا کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں نے گجرات سے غنڈہ گردی کا خاتمہ کیا ہے:چوہدری احمد مختار
گجرات (جی پی آئی)سابق وفاقی وزیر اور امیدوار قومی اسمبلی حلقہ NA105چوہدری احمد مختار نے آستانہ عالیہ نظامیہ سیفیہ میں خطاب کرتے ہوئے کہا کہ میں نے گجرات سے غنڈہ گردی کا خاتمہ کیا ہے ، کرپشن مافیا ، رجسٹری مافیا کا خاتمہ کیا ہے ، گجرات کے لوگوں کو پینے کا صاف پانی مہیا کرنے کیلئے واٹر فلٹر پلانٹ لگوائے ہیں ، ہمیشہ شرافت کی سیاست کی ہے ، سوئی گیس اور بجلی کی فراہمی میری ترجیحات تھیں اور ہمارے پانچ سالہ دور میں گجرات میں بجلی اور سوئی گیس کے ریکارڈ کنکشن لگے ، انہوں نے کہا کہ میں سمجھتا ہوں کہ علمائے اکرام نے ہمیشہ حق بات پر زور دیا ہے اور میں علمائے اکرام کے پاس دعا کیلئے حاضر ہوا ہوں اور علمائے اکرام کو چاہیے کہ وہ لوگوں کو کہیں کہ اپنا ووٹ سوچ سمجھ کر استعمال کریں انہوں نے کہا کہ میں نے اہل گجرات کی بڑی خدمت کی ہے اور انشاء اللہ آئندہ بھی گجرات کے لوگوں کی خدمت کریں گے ، معروف صحافی مشتاق چوہدری نے کہا کہ جب چوہدری احمد مختار وزیر پانی و بجلی بنے تو گجرات میں لوڈ شیڈنگ بہت کم ہوتی تھی ، جوں ہی وہ وزارت سے علیحدہ ہوئے دورانیہ یکم دم 20گھنٹے تک پہنچ گیا ہے ، چوہدری احمد مختار نے بہت سے کام کئے ہیں ، بڑے مافیا کو ختم کیا ہے لیکن وہ گجرات سے پاسپورٹ مافیا ختم نہیں کر سکے ، لوگ کئی ماہ سے حصول پاسپورٹ کیلئے دھکے کھاتے ہیں ، انہوں نے کہا کہ میں نے سب سے پہلے جذبہ میں لکھا تھا کہ چوہدری احمد سعید اور چوہدری احمد مختار میں سے صرف ایک بھائی الیکشن لڑے گا اور یہ بھی لکھا تھا کہ نواب زادگان کے دونوں بھائیوں میں سے بھی صرف ایک بھائی الیکشن لڑے گا ، یہ میں نے 6ماہ پہلے لکھا تھا اور آج جذبہ کی اس بات کی تصدیق ہو چکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سابق وفاقی وزیر چوہدری احمد مختار نے گزشتہ روز آستانہ عالیہ نظامیہ سیفیہ پر دعا کیلئے گئے
گجرات (جی پی آئی)سابق وفاقی وزیر چوہدری احمد مختار نے گزشتہ روز آستانہ عالیہ نظامیہ سیفیہ پر دعا کیلئے گئے ، ان کے ہمراہ امیدوار برائے صوبائی اسمبلی حلقہ پی پی 111چوہدری زاہد حسین سلیمی ، سٹی صدر رضوان دلدار ، چوہدری اسلم لنگے ایڈووکیٹ ، چوہدری گل نواز ، عامر لطیف ، مرزا بلال ، احتشام بٹ ، صادق طور اور پیپلز پارٹی کے دیگر راہنما اور کارکن بھی ہمراہ تھے ، آستانہ نظامیہ پہنچنے پر ان کا استقبال حکیم جواد الرحمن نظامی سیفی اور علماء اکرام نے کیا ، مہمان خصوصی کو ہار پہنائے گئے اور ان کو خوش آمدید کہا گیا ، چوہدری احمد مختار نے اپنی انتخابی مہم کا آغاز دعا کروا کے کیا اس موقع پر خطاب کرتے ہوئے چوہدری زاہد حسین سلیمی نے کہا کہ گزشتہ حکمرانوں نے گجرات کو عیاشی کا اڈہ بنا دیا ، قبضہ مافیا عروج پر تھا ، لوگوں کی قیمتی زمینوں پر قبضہ کر لیا جاتا تھا کسی کی عزت محفوظ نہ تھی ، ناظمین بذات خود ڈکیتیاں کرواتے تھے ، یہ کریڈٹ چوہدری احمد مختار کو جاتا ہے کہ انہوں نے ان قبضہ مافیا اور لٹیروں سے گجرات کی عوام کی جان چھڑائی ، حکیم جواد الرحمن نظامی سیفی نے خطاب کرتے ہوئے کہا کہ ہم ملک میں نظام مصطفی کے نفاذ کا مطالبہ کرتے ہیں اور چوہدری احمد مختار سے کہتے ہیں کہ اگر وہ نظام مصطفی کیلئے کام کرینگے تو ہم ان کا ساتھ دینگے ، جب ملک میں نظام مصطفےٰ ہو گا تو حقدار کو حق ملے گا اور اگر اسلام کی روح سے دیکھا جائے ، جب بندہ فوت ہوتا ہے تو اس کو سفید کپڑے کا کفن ہی ملتا ہے اور تمام امتیازات ختم ہو جاتے ہیں ، ہمیں دنیاوی اختیارات یا امتیازات کی بجائے آخرت کیلئے کام کرنا ہے اور جس نے نظام مصطفی ۖ کیلئے آواز اٹھائی اس کیلئے دونوں جہانوں میں کامیابی ہے ، قبل از یں چوہدری احمد مختار نے جامع مسجد نظامی بلال ٹائون سے منسلک مدرسے کا دورہ کیا اور مدرسے کے معیار کو بے حد سراہا جہاں طلباء کو دینی تعلیم دی جاتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات کے معروف صحافی لالہ عبدالماجد جماعتی کا بیٹا حامد اعوان گردن پر ڈوڑ پھرنے سے شدید زخمی ہو گئے
گجرات (جی پی آئی)گجرات کے معروف صحافی لالہ عبدالماجد جماعتی کا بیٹا حامد اعوان گردن پر ڈوڑ پھرنے سے شدید زخمی ہو گئے ، لیکن کسی ناگہانی نقصان سے بال بال بچ گئے ، تفصیلات کے مطابق لالہ عبدالماجد جماعتی کے صاحبزادے حامد اعوان اپنے دوست کے ہمراہ موٹر سائیکل پر سرگودھا روڈ پل سے گز ر رہے تھے کہ ڈوڑ پھرنے سے شدید زخمی ہو گئے لیکن اللہ تعالیٰ کے فضل و کرم سے کسی ناگہانی نقصان سے محفوظ رہے ،ڈی سی او گجرات نوازش علی اور ڈی پی او گجرات سے مطالبہ کیا جاتا ہے کہ وہ اس سلسلہ میں ایکشن لیں اور پتنگ بازی پر پابندی عائد کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موضع موسیٰ کمالہ کی فضائیں درود و سلام کی صدائوں سے گونج اٹھیں
گجرات (جی پی آئی) موضع موسیٰ کمالہ کی فضائیں درود و سلام کی صدائوں سے گونج اٹھیں ، چھٹی سالانہ محفل نعت کرم کی رات پیر سید محمود الحسن قادری بخاری کی زیر صدارت منعقد ہوئی ، جس میں خصوصی خطاب حضرت مولانا علامہ محمد منشاء قادری گوجرانوالہ نے کیا ، جبکہ یہ محفل نعت عباس قیصر سیفی کی سربراہی میں منعقد ہوئی ، تلاوت کلام پاک کا شرف قاری زاہد رفیق نے حاصل کیا ، نقابت کے فرائض عالمی نقیب محفل خاور بشیر بٹ گولڑوی نے سرانجام دئیے ، اس موقع پر ممتاز علمائے کرام ، مشائخ عظام کی کثیر تعداد نے شرکت کی ، خصوصی نعت راجہ عبدالرئوف نے پیش کی ، پیر سید زوار شاہ ، عمران لطیف ایڈووکیٹ ، عارف عطاری ، قاری عبدالغفار نقشبندی ، قاری مقصود ، شہزاد بشیر ، امتیاز اشرف و دیگر خصوصی طور پر شریک ہوئے ، یہ محفل ساری رات جاری رہی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چیئرمین گجرات معاشی انقلاب فورس عمر مسعود فاروقی نے NA105سے کاغذات نامزدگی ریٹرننگ آفیسر کے پاس جمع کروا دئیے
گجرات (جی پی آئی) ممتاز سیاسی و سماجی شخصیت و چیئرمین گجرات معاشی انقلاب فورس عمر مسعود فاروقی نے NA105سے کاغذات نامزدگی ریٹرننگ آفیسر کے پاس جمع کروا دئیے ، اس موقع پر میڈیا سے گفتگو کرتے ہوئے انہوں نے کہا کہ میں گجرات میں امن ، شانتی کے قیام کے لئے الیکشن میں حصہ لے رہا ہوں ، اور گجرات کا امن بحال کرنا میری ترجیح ہے ، انہوں نے کہا کہ معاشی انقلاب سے ہی امن و امان قائم ہو سکتا ہے ، جس ملک میں معاشی انقلاب ہو وہاں کبھی چوری ڈکیتی یا قتل نہیں ہوتے ، نوجوان نسل کو میرا ساتھ دینا ہو گا تا کہ میں صحیح طریقہ سے امن و امان کے قیام کیلئے کام کر سکوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحریک انصاف کے راہنما عثمان منظور دھدرا نے NA105کیلئے کاغذات نامزدگی جمع کروا دئیے ہیں
گجرات (جی پی آئی) تحریک انصاف کے راہنما عثمان منظور دھدرا نے NA105کیلئے کاغذات نامزدگی جمع کروا دئیے ہیں ، وہ اپنے ساتھیوں کے ہمراہ کاغذات نامزدگی جمع کروانے کیلئے ریٹرننگ آفیسر کے آفس گئے اس موقع پر میڈیا سے گفتگو کرتے ہوئے انہوں نے کہا کہ بدمعاشی ، غنڈہ گردی کے خاتمہ کیلئے ہمیں ملکر کرنا ہے ، اور تحریک انصاف کی قیادت بے داغ ماضی کی حامل ہے ، اور ہم تحریک انصاف کے پلیٹ فارم سے امن وامان کے قیام اور معاشی ترقی کیلئے میدان میں آئے ہیں اور کامیاب ہو کر عوام کو مستحکم پاکستان دینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامعہ جلالیہ ایجوکیشن سنٹر میراں صاحب میں سالانہ تقریب تقسیم انعامات منعقد ہوئی
گجرات (جی پی آئی) جامعہ جلالیہ ایجوکیشن سنٹر میراں صاحب میں سالانہ تقریب تقسیم انعامات منعقد ہوئی ، جس میں کلاس ششم اور ہفتم میں پوزیشن ہولڈرز طلباء کو انعامات دئیے گئے ، مہمان خصوصی ممتاز سماجی شخصیت خاور بشیر بٹ اور صدر پنجاب نعت کونسل شیخ عرفان پرویز تھے ، اس موقع پر ممتاز شخصیات کی کثیر تعداد موجود تھی ، علامہ محمد ارشد نقشبندی نے جامع کی کارکردگی پر تفصیل سے روشنی ڈالی ، اس موقع پر خطاب کرتے ہوئے مقررین نے جامع کی کارکردگی کو بے حد سراہا اور امید ظاہر کی کہ جامع جلالیہ ایجوکیشن سنٹر صحیح معنوں میں عوام کی ترقی و فلاح و بہبود کیلئے کام کرے گا اور علاقہ میں تعلیم کے فروغ کو یقینی بنایا جائیگا اس موقع پر کلاس ششم کے فرسٹ رجب علی ، دوئم عبدالرحمن ، سوئم عبدالرحیم ، کلاس ہفتم کے اول مزمل حسین ، دوئم اسد اللہ اور سوئم بلال حسین کو انعامات دئیے گئے ، کاشف شریف ، قاری اویس ، سید شاہزیب نوشاہی ، حافظ محمد اسجد ، ڈاکٹر رزاق احمد غفاری ، اکرم چیمہ ، مظفر پڈا و دیگر بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عمر مسعود فاروقی نے رانا مشرف علی ناز کی عیادت کی
گجرات (جی پی آئی) چیئرمین گجرات معاشی انقلاب فورس عمر مسعود فاروقی نے گزشتہ روز رانا مشرف علی ناز کی عیادت کی اور ان کی صحت یابی کیلئے خصوصی دعائیں کیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عمر مسعود فاروقی تعزیت کیلئے کنجاہ پریس کلب گئے
گجرات (جی پی آئی) چیئرمین گجرات معاشی انقلاب فورس عمر مسعود فاروقی تعزیت کیلئے کنجاہ پریس کلب اور یاور عباس صدر کنجاہ پریس کلب کی خوش دامن کی وفات پر گہرے رنج و غم کا اظہار کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گوررنمنٹ پبلک ہائی سکول نمبر 1برانچ نمبر 2میں بسلسلہ سالانہ نتائج 2013شاندار تقریب تقسیم انعامات کا انعقاد
گجرات (جی پی آئی)گورنمنٹ پبلک ہائی سکول نمبر 1برانچ نمبر 2میں بسلسلہ سالانہ نتائج 2013شاندار تقریب تقسیم انعامات کا انعقاد ، مہمان خصوصی سینئر ہیڈ ماسٹر یاسین جنید بٹ و دیگر ماہرین تعلیم کی شمولیت ، گورنمنٹ پبلک ہائی سکول نمبر 1برانچ نمبر 2چوک پاکستان گجرات میں سالانہ تقریب تقسیم انعامات منعقد ہوئی ، جس کی صدارت صدر PTUضلع گجرات و انچارج برانچ ہذا محمد منیر چغتائی نے کی ، سینئر ہیڈ ماسٹر سکول ہذا یاسین جنید بٹ نے بطور مہمان خصوصی شرکت کی ، جبکہ دیگر مہمانان گرامی قدر میں AEOجنرل و صدر انجمن اساتذہ پاکستان ضلع گجرات علامہ ساجد قادری ، ڈپٹی ہیڈ ماسٹر حافظ اسد جمیل اور سینئر ٹیچر گورنمنٹ ہائی سکول پاہڑیانوالی چوہدری سلطان احمد شامل تھے ، مہمانانِ ذی وقار نے سالانہ امتحان میں نمایاں پوزیشن حاصل کرنے والے طلباء میں انعامات تقسیم کیے اور ان میں مزید لگن سے تحصیل علم کا جذبہ اجاگر کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری انصر محمد ایڈووکٹ، ڈاکٹر طارق سلیم کی رابطہ عوام مہم سرگودھاروڈ پر انفرادی ملاقاتیں
گجرات(جی پی آئی )چوہدری انصر محمد ایڈووکٹ، ڈاکٹر طارق سلیم کی رابطہ عوام مہم سرگودھاروڈ پر انفرادی ملاقاتیں ۔یونین کونسل 57 یں کارنر میٹنگ سے خطاب ، عوام کیطرف سے والہانہ خیر مقد م، بھرپور حمایت کی یقین دہانی۔کارنر میٹنگ سے خطاب کرتے ہوئے امیدوار برائے قومی اسمبلی حلقہ 105سے گجرات سے چوہدری انصر محمد ایڈووکیٹ نے کہاکہ بار بار آزمائے ہوئے سیاستدان سے چھٹکارا حاصل کرنے میں عوام کی بہتری ہے۔صاف ستھری دیانت دار قیادت ہی مسائل کے حل کی ضمانت ہے۔ڈاکٹر عبدالقدیر خاں اور سید منور حسن کی حمایت ہمارے لیے اعزاز سے کم نہیں۔ڈاکٹر طارق سلیم نہیں کہاجو پارٹیاں اپنے امیدواروں کے ٹکٹ کنفرم کرنے میں لیت ولعل سے کام لے رہی ہیں ملک کے مسائل حل کرنے میں ان کی نئی پالیسی ہے۔اور یہی لوگ مسائل کی دلدل میں قوم کو پھنسانے کے ذمہ دار ہیں ۔ ڈاکٹر طارق سلیم نے کہا باری کے بخار کی طرح قوم کی گردنوں پر مسلط لوگ پھر پانچ سال بعد عوام کی نظروں میں دھول جھونکنے کے لئے پُر فریب نعروں کے ساتھ نکل آئے ہیں۔کارنر میٹنگ سے چوہدری انصر محمد ایڈووکٹ،چوہدری گلزار احمد،مظہر حسن نے بھی خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اورنگزیب بٹ نے فیاض حسین بٹ کی والدہ محترمہ کی وفات پر فاتحہ خوانی کی
گجرات(جی پی آئی)بیوروچیف دن فیاض حسین بٹ کی والدہ محترمہ کی وفا ت پر اورنگزیب بٹ فاتحہ خوانی کے لئے ان کے آفس گئے ان کے ہمراہ محمد شعیب درانی،شیخ رضوان،چوہدری تنویر،صدیق بٹ ،شبیر گھمن کے علاوہ کثیر تعداد موجود تھی اس موقع پر اورنگزیب بٹ نے کہا کہ اللہ تعالی مرحومہ کو جنت میں اعلی مقام عطاء کرے اور لواحقین کو صبر عطاء کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم اللہ کی رضا اور عوام کی بے لوث خدمت کے لئے انتخابات میں حصہ لے رہے ہیں :جماعت اسلامی
گجرات(جی پی آئی)جماعت اسلامی کے نامزد امیدواربرائے قومی اسمبلی حلقہ این اے 107سید ضیا ء اللہ ایڈووکیٹ ،امیدوار برائے صوبائی اسمبلی حلقہ پی پی 115چوہدری محمد لطیف لنگڑیال اور نامزد امیدوار برائے صوبائی اسمبلی حلقہ پی پی 113چوہدری عبدالستار نے گزشتہ روزکھاریاں میںکاغذات نامزدگی جمع کروادئیے۔ اس موقع پہ جماعت اسلامی کے کارکنان کی کثیر تعداد موجود تھی۔بعدازاں میڈیا سے گفتگو کرتے ہوئے جماعت اسلامی کے نمازد امیدواران نے کہا کہ ہم اللہ کی رضا اور عوام کی بے لوث خدمت کے لئے انتخابات میں حصہ لے رہے ہیں دریں اثناء انہوں نے جماعت اسلامی گوجرانوالہ کے امیر بلال قدرت بٹ پر قاتلانہ حملہ کی شدید مذمت کرتے ہوئے اسے بزدلانہ کاروائی قرار دیاہے اور نگران حکومت سے مطالبہ کیاہے کہ جماعت اسلامی گوجرانوالہ کے ضلعی امیر اور حلقہ این اے 98 سے قومی اسمبلی کے امیدوار بلال قدرت بٹ پر قاتلانہ حملہ کرنے والوں کو فوری طور پر گرفتار کیا جائے ۔ انہوں نے کہاکہ بلال قدرت بٹ پر قاتلانہ حملہ کے مجرموں کی گرفتاری نگران حکومت کا کڑا امتحان ہے ۔انہوں نے کہاکہ کرپٹ اور بد دیانت وڈیروں ، جاگیرداروں اور سرمایہ داروں کو آئندہ انتخابات میں اپنی واضح شکست نظر آرہی ہے اب یہ اسلحہ کے زور پر عوام کو ہراساں اور مخالف امیدواروں کو خوفزدہ کرنا چاہتے ہیں لیکن یہ ان کی بھول ہے کہ جماعت اسلامی کے امیدوار کسی بدمعاش اور غنڈہ گردی کے خوف سے میدان چھوڑدیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایک ہفتے کے اندر اندر کھاریاں لنڈابازار متاثرین کی بحالی کا کام مکمل کرلیا جائے گا:ڈاکٹر سید احسان اللہ شاہ
گجرات(جی پی آئی)جماعت اسلامی ضلع گجرات کے امیر ڈاکٹر سید احسان اللہ شاہ نے کہا ہے کہ ایک ہفتے کے اندر اندر کھاریاں لنڈابازار متاثرین کی بحالی کا کام مکمل کرلیا جائے گا۔گزشتہ روزالخدمت فائونڈیشن کھاریاں کے زیراہتمام لنڈا بازار کھاریاں کے متاثرین کی ریلیف کے لئے لگائے گئے کیمپ کے دورہ کے موقع پہ میڈیا سے گفتگوکرتے ہوئے انہوں نے مزید کہا کہ لنڈا بازار کھاریاں کے متاثرین ہمارے بھائی ہیں اور ان کی ریلیف اور بحالی کے لئے ہم ترجیحی بنیادوں پہ کام کررہے ہیں۔ہم نے الخدمت فائونڈیشن کے تحت اپنے بھائیوں کی ریلیف کے لئے فنڈز کی اپیل کردی ہے اور انشاء اللہ ہم اگلے سوموار تک لنڈا بازار کی تعمیرنو مکمل کرنے میں کامیاب ہوجائیں گے۔دریں اثناء الخدمت فائونڈیشن صوبہ پنجاب کے نائب صدر ضیاء اللہ ایڈووکیٹ نے لنڈا بازار کے متاثرین کی بحالی کے لئے لگائے جانے والے کیمپ کے دورہ کے موقع پہ الخدمت فائونڈیشن کھاریاں شہر کے صدر ڈاکٹر حامدالرحمان سے ریلیف کیمپ کے حوالے سے خصوصی گفتگو کرتے ہوئے ریلیف کیمپ کی کارکردگی پہ اظہاراطمینان کرتے ہوئے مزید ہدایات دیں اس موقع پرجماعت اسلامی پی پی 115کے امیر حاجی غضنفراقبال، ضلعی سیکرٹری نشرواشاعت عزیزالرحمان مجاہد،الخدمت فائونڈیشن ضلع گجرات کے پروجیکٹ مینجرمولانا اسعد سعید،جمشید اقبال،نوید احمد گوندل،شہاب احمد اور دیگر بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بزم سرور کونین کے زیر اہتمام 8ویں سالانہ محفل نعت ”باران رحمت” کاجلالپور جٹاں میںکامیاب انعقاد،ہزاروںشرکاء کی شرکت
گجرات(جی پی آئی)بزم سرور کونین کے زیر اہتمام 8ویں سالانہ محفل نعت ”باران رحمت” کاجلالپور جٹاں میںکامیاب انعقاد،ہزاروںشرکاء کی شرکت،محفل نعت پیر سید انتصار حسین چھالے شریف کی زیر قیادت منعقد ہوئی،محفل کے مہمان خصوصی چوہدری افتخار چیچی تھے،باران رحمت میں شہباز قمر آفریدی،یوسف میمن،محمد عمیر،زبیر قادری،اور راوء برادران نے حضور سرور کونین ۖکی خدمت میں ہدیہ عقیدت پیش کیا،محفل میں بذریعہ قرعہ اندازی دو موٹر سائیکل انعامات دیے گئے،محفل کی انتظامیہ کی جانب سے سمارٹ ویو ایڈورٹائزنگ کمپنی کے مالک سلیم رضا،ڈان لائیٹ سروس کے مالک فدا حسین،منیر ساونڈ سروس کے مالک مزمل حسین کوبہترین کارکردگی پر گولڈ میڈل بھی دیے گئے،بزم سرورکونین کے سرپرست اعلی علامہ محمد حنیف جلالپوری نے محفل میں شریک ہزاروں شرکا ء کا شرکت کرنے پر شکریہ ادا کرتے ہوئے کہا کہ الحمداللہ باران رحمت ضلع گجرات کی سب سے بڑی محفل بن چکی ہے،محفل کی انتظامیہ نے شرکا کی تواضع کیلئے تیس من دودہ کی سبیل بھی لگائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شادیوال کے رہائشی شاہد سعودی عرب میں ٹریفک کے المناک حادثہ میں وفات پا گئے
گجرات(جی پی آئی)شادیوال کے رہائشی شاہد ولد محمد زاہد وڑائچ المعروف کھبے جو کہ روز گار کے سلسلے میں سعودی عرب میں مقیم تھا گذشتہ دنوں وہ سعودی عرب میں اپنی گاڑی میں جا رہے تھے کہ ٹریفک کے المناک حادثہ میں موقع پر ہی وفات پا گئے۔ ان کی نعش کا امکان ہے کہ دودن بعد شادیوال میں پہنچ جائے گی ، جب ان کے گھر اطلاع ملی تو گھر میں صف ماتم بچھ گئی، معلوم ہوا ہے کہ مرحوم کی عمر 25سال تھی اور سعودی عرب میں وہ عرصہ پانچ سال سے مقیم تھا۔
