گجرات کی خبریں 8.10.2013
Posted on October 9, 2013 By Geo Urdu گجرات
سٹیزن فرنٹ ضلع گجرات کے وفد نے علی ابرار جوڑا ضلعی صدر کی سربراہی میں جامع نثارانِ مدینہ ڈوگہ شریف کا دورہ کیا
گجرات (جی پی آئی) سٹیزن فرنٹ ضلع گجرات کے وفد نے علی ابرار جوڑا ضلعی صدر کی سربراہی میں جامع نثارانِ مدینہ ڈوگہ شریف کا دورہ کیا، وفد میں سٹی صدر شیخ عرفان پرویز، جنر ل سیکرٹری سپریم کونسل اشرف منہاس، اسد اللہ طاہر، ایم وائی ناصر، اکبر برلاس، راجہ محمد اعجاز و دیگر شامل تھے، اس موقع پر سجادہ نشین آستانہ عالیہ ڈوگہ شریف پیر سید صفدر حسین شاہ نے وفد کو مختلف حوالوں سے خدمات سے آگاہ کیا اور جامع نثارانِ مدینہ کی کارکردگی پر روشنی ڈالی، اس موقع پر پیر سید صفدر حسین شاہ نے وفد کے اعزا زمیں پرتکلف ظہرانہ بھی دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز قاری قرآن قاری محسن رضا قاددری نے کہا ہے کہ اتحاد جماعت اہلسنت خوش آئند ہے اور ہم پیران کرام کے جذبہ کی قدر کرتے ہیں
گجرات (جی پی آئی) ممتاز قاری قرآن قاری محسن رضا قاددری نے کہا ہے کہ اتحاد جماعت اہلسنت خوش آئند ہے اور ہم پیران کرام کے جذبہ کی قدر کرتے ہیں، جنہوں نے جماعت اہلسنت کی مختلف جماعتوں کے اتحاد کیلئے قدم اٹھایا ہے، خصوصاً پیر سید سعید احمد شاہ گجراتی کی خدمات ہمیشہ سے قابل تحسین رہی ہیں، جو اپنے مثبت کردار سے اہلسنت کی جماعتوں کو متحد کرتے ہیں، پیر محفوظ مشہدی، پیر غلام رسول اویسی و دیگر نے جس انداز میں کام شروع کیا ہے اس سے مثبت نتائج برآمد ہونگے، اور ہم پیر سعید احمد شاہ گجراتی کو یقین دلاتے ہیں کہ ان کے شانہ بشانہ چلیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلع گجرات کے نواحی علاقہ گائوں ڈوگہ شریف میں واقعہ جوہڑ بیماریوں کی آماجگاہ بن گیا
گجرات (جی پی آئی) ضلع گجرات کے نواحی علاقہ گائوں ڈوگہ شریف میں واقعہ جوہڑ بیماریوں کی آماجگاہ بن گیا، صفائی کا مناسب انتظام نہ ہونے کی وجہ سے پانی کناروں سے باہر آ رہا ہے، جس سے کوئی ناخوشگوار واقعہ پیش آسکتا ہے، اس لئے حکومت پنجاب کو چاہیے کہ وہ ٹی ایم اے حکام کو ہدایات جاری کریں تا کہ صفائی کا مناسب بندوبست ہو سکے اور سپرے کیا جاسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
علاقوں میں کھلے مین ہول کسی ناخوشگوار واقعہ کا پیشہ خیمہ ثابت ہو سکتے ہیں
گجرات (جی پی آئی) ٹی ایم اے گجرات کی ناقص کارکردگی کی وجہ سے گڑھی شاہدولہ کے علاقوں میں کھلے مین ہول کسی ناخوشگوار واقعہ کا پیشہ خیمہ ثابت ہو سکتے ہیں، جگہ جگہ کھلے مین ہولوں کی وجہ سے عوام کو شدید مشکلات کا سامنا ہے، ٹی ایم اے حکام اطلاع کے باوجود کوئی ایکشن نہیں لے رہے ہیں، ڈی سی او گجرات از خود نوٹس لیتے ہوئے کھلے مین ہولوں پر ڈھکنے رکھوانے کے احکامات کروائیں اور صفائی کے انتظامات کروائے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات سے اعوان شریف جانے والی سڑک ٹھوٹ پھوٹ کا شکار ہو گئی
گجرات (جی پی آئی) گجرات سے اعوان شریف جانے والی سڑک ٹھوٹ پھوٹ کا شکار ہو گئی، جگہ جگہ ٹھوٹ پھوٹ کی وجہ سے کئی حادثات پیش آ رہے ہیں، ابھی تک روڈ ڈیپارٹمنٹ نے اس سلسلہ میں کوئی اقدامات نہیں کیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹی ایم اے ڈیلی ویجز ملازمین نے تنخواہیں نہ ملنے پر احتجاج کیا
گجرات ( جی پی آئی ) ٹی ایم اے ڈیلی ویجز ملازمین نے تنخواہیں نہ ملنے پر احتجاج کیا گذشتہ روز ٹی ایم اے گجرات کے ڈیلی یوجز ملازمین نے تنخواہیں نہ ملنے پر احتجاجی مظاہرہ کیا اور ٹی ایم اے کے اعلیٰ حکام سے تنخواہوں کی بروقت فراہمی یقینی بنانے کا مطالبہ کیا تاکہ گھروں کے معاملات چل سکیں ملازمین کا کہنا ہے کہ عیدالاضحی نزدیک ہے مگر تنخواہیں نہ ملنے سے بچوں کیلئے عید کی خریداری بھی نہیں کر سکتے ڈسٹرکٹ آفیسر کوآرڈی نیشن گجرات قطب شجاع بھٹی نے بتایا کہ ڈیلی ویجز ملازمین کو تنخواہوں کی فراہمی یقینی بنائی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں پیٹرول پمپ پر اچانک آگ بھڑک اٹھنے سے رکشے اور گاڑیاں جل گئیں
گجرات ( جی پی آئی ) گجرات میں پیٹرول پمپ پر اچانک آگ بھڑک اٹھنے سے رکشے اور گاڑیاں جل گئیں گذشتہ روز جی ٹی روڈ پر قائم ایک پیٹرول پمپ میں اچانک آگ بھڑک اٹھنے سے پیٹرول پمپ پر کھڑی 10 گاڑیاں اور رکشے جل کر خاکستر ہو گئے اطلاع ملنے پر ریسکیو 1122 نے موقع پر پہنچ کر آگ پر قابو پا لیا پیٹرول پمپ انتظامیہ کے مطابق آئل ٹینکر سے تیل منتقل کرتے ہوئے آگ لگی جبکہ پیٹرول پمپ آگ سے محفوظ رہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ریلوے روڈ پر کھدائی سے گندگی کی وجہ سے شہریوں کے ناک میں دم ہو گیا
گجرات ( جی پی آئی ) ریلوے روڈ پر کھدائی سے گندگی کی وجہ سے شہریوں کے ناک میں دم ہو گیا ریلوے روڈ گجرات پر ٹھیکیدار نے پائپ ڈالنے کیلئے کھدائی کی اور پائپ ڈالنے کے بعد سڑک تعمیر کئے بغیر کام چھوڑ دیا جس سے مٹی دھول اڑنے سے اہل علاقہ اور شہریوں کو شدید مشکلات کا سامنا ہے شہری مٹی اور دھول کی وجہ سے مختلف امراض میں مبتلا ہو رہے ہیں شہریوں نے متعلقہ حکام سے سڑک کی فوری تعمیر اور صفائی ستھرائی کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں میں ٹریفک حادثہ میں خاتون جاں بحق دو افراد شدید زخمی ہو گئے
گجرات ( جی پی آئی ) کھاریاں میں ٹریفک حادثہ میں خاتون جاں بحق دو افراد شدید زخمی ہو گئے گذشتہ روز جی ٹی روڈ کھاریاں کے قریب دو کاروں میں تصادم کے نتیجہ میں خاتون سعدیہ بی بی موقع پر ہی جاں بحق ہو گئی جبکہ حادثہ میں دو افراد لیئق احمد اور شہباز شدید زخمی ہو گئے جنہیں طبی امداد کیلئے ہسپتال منتقل کر دیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سرگودھا روڈ پر دو موٹر سائیکل سوار تیز رفتار ٹیوٹا سے ٹکرانے کے باعث 3 افراد شدید زخمی ہو گئے
گجرات ( جی پی آئی ) سرگودھا روڈ پر دو موٹر سائیکل سوار تیز رفتار ٹیوٹا سے ٹکرانے کے باعث 3 افراد شدید زخمی ہو گئے جنہیں فوری طبی امداد کیلئے عزیز بھٹی شہید ہسپتال پہنچایا گیا تاہم ٹیوٹا ڈرائیور فرار ہونے میں کامیاب ہو گیا۔
محلہ گڑھی شاھدولہ میں ٹی ایم اے کی غفلت کی وجہ سے مین ھول کھلے پڑے ہیں، کوئی بڑا نقصان ھو سکتا ھے
