ملکہ (عمر فاروق اعوان) جمیعت علماء اہلسنت ضلع گجرات کے ایک وفد نے ڈیرہ چوہدری عبد المالک پر نو منتخب ایم این اے چوہدری عابد رضا سے ملاقات کی۔ اس موقع پر خطاب کر تے ہوئے چوہدری عابد رضا نے کہا کہ ن لیگ علماء کرام کو قدر کی نگاہ سے دیکھتی ہے ۔علماء نے پاکستان کی ترقی میں اہم کردار ادا کیا ہے ۔انھوں نے کہا کہ ن لیگ کا مینڈیٹ چوری کیا گیا ہے ۔پاکستان مسلم لیگ ن کے قائد میاں محمد نواز شریف ابھی بھی بائیس کروڑ عوام کے وزیر اعظم ہیں ۔انھوں نے کہا کہ میرے قائد نے ملک سے بے روزگاری ،لا قانونیت ،لوڈشیڈنگ کا خاتمہ ۔اور سی پیک جیسے میگا پراجیکٹ کو پایہ تکمیل تک پہنچایا ہے ۔انھوں نے کہا کہ عمران خاں نے تبدیلی کا جو نعرہ لگایا تھا دس دن گزرنے کے باوجود نیا پاکستان نظر نہیں آیا ۔بلکہ لوڈشیڈنگ میں اضافہ کر کے عوام کی چیخیں نکلوا دی ہیں ۔انھوں نے کہا کہ عمران خاں کو اس الیکشن میں وزیر اعظم نہ بنایا جاتا تو ملکی سلامتی کو خطرہ لا حق کر دینا تھا ۔جس سے ملک کو بہت بڑا نقصان ہو سکتا تھا ۔جلد ہی تبدیلی کا نعرہ لگانے والے تبدیل خاں کو وزارت عظمی سے باہر پھینک دیںگے ۔جمیعت علماء اہلسنت گجرات کے وفد کی قیادت مولانا عمر عثمانی نے کی ۔گزشتہ روز سہوا غلطی سے اہلسنت و الجماعت لکھا گیا تھا ،جبکہ تنظیم کا نام جمعیت علماء اہلسنت گجرات ہے ۔ ٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭ ملکہ ( عمر فاروق اعوان )دو موٹر سائیکل سواروں کی آپس میں ٹکر نوجوان واصف فاروق موقع پر جاں بحق تفصیل کے مطابق نواحی موضع ملکہ کا رہائیشی واصف فاروق ہسپتال چوک ملکہ سے اپنے گھر کی طر ف آ رہا تھا کہ ٹریکٹر ٹرالی کو کراس کرتے ہوئے سامنے سے آنے والی موٹر سے جا ٹکرایا ۔واصف فاروق موٹر سائیکل سے ٹکرانے کے بعد نیچے گر گیا ،اور ٹرالی کے پچھلے ٹائروں کے نیچے آ گیا ۔اور موقع پر جاں بحق ہو گیا ۔جبکہ دوسرا موٹر سائیکل سوار محمد ارشد جو کہ نواحی موضع ٹھوٹھہ رائے بہادر کا رہائشی ہے شدید زخمی ہو گیا ۔محمد ارشد کو فوری طور پر آر ایچ سی ملکہ پہنچایا گیا ۔جہاں انہیں فرسٹ ایڈ کے بعد گھر بھیج دیا گیا ہے ۔واصف فاروق کی وفات پر ملکہ بھر میں سوگ کی کیفیت طاری ہو گئی ہے ۔واصف فاروق چار بہنوں کا اکلوتا بھائی تھا ۔اور فاران کالج گجرات میں زیر تعلیم تھا ۔ ٭٭٭٭٭٭٭٭٭٭٭٭٭٭٭٭٭٭٭٭
ترکی میں آغوش الخدمت کا قیام پاکستانی بہن بھائیوں کی جانب سے شامی یتیم بچوں کے لئے تحفہ ہے۔ محمد عبدالشکور
گورنمنٹ گرلز ڈگری کالج گلیانہ کی طالبہ کائنات منیر نے بی اے کے سالانہ امتحان میں یونیورسٹی آف گجرات میں دوسری پوزیشن حاصل کی
