گجرات کی خبریں 07.08.2013
Posted on August 8, 2013 By Geo Urdu گجرات
بجلی کی قیمتوں میں ظالمانہ اضافہ صنعتوں کو تباہ کرنے کا منصوبہ ہے ، حکومت بجلی کی قیمتوں میں کیا گیا اضافہ فوراً واپس لے ورنہ صنعتکار احتجاج کرینگے
گجرات (جی پی آئی) بجلی کی قیمتوں میں ظالمانہ اضافہ صنعتوں کو تباہ کرنے کا منصوبہ ہے، حکومت بجلی کی قیمتوں میں کیا گیا اضافہ فوراً واپس لے ورنہ صنعتکار احتجاج کرینگے ، ان خیالات کا اظہار رائس ملز ایسوسی ایشن ضلع گجرات کے صدر مہر محمد حبیب بسوی نے رائس ملز ایسوسی ایشن ضلع گجرات کے جنرل اجلاس کے موقع پر خطاب کرتے ہوئے کیا انہوں نے کہا کہ بجلی کی قیمتوں میں ظالمانہ اضافے سے ملکی معیشت مذید خراب ہو گی حکمرانوں کو چاہیے کہ ملک کی صنعتی و معاشی ترقی کیلئے بہتر اور دیر پا منصوبے شروع کرئے، اجلاس میں رائس ملز ایسوسی ایشن ضلع گجرات کے سرپرست غلام رسول شارق، جنرل سیکرٹری چوہدری عرفان اکبر، ایگزیکٹو ممبران شیخ نصیر احمد، چوہدری محمد سلیم ، حاجی محمد اصغر اور رانا عبدالغفار نے اظہار خیال کیا اور اپنی اپنی تجاویز پیش کیں، اجلاس میں شرکت کرنے والوں میں چوہدری عظمت ، میاں شہباز انصاری ، میاں عمران منیر ، چوہدری شوکت، چوہدری وقار عزیز، چوہدری قیصر محمود، ملک یاسر شریف، سید امام شاہ، چوہدری عبید اللہ ، ملک طارق بلال ، بشیر احمد کنگ، حاجی مختار حسین، حاجی عاشق حسین، میاں محمد اعظم، طارق محمود، مظہر حسین، شعیب احمد ساہی ، خضر حیات ، چوہدری ریاست علی، حاجی مختار احمد، آصف پرویز، نعیم اسلم بھٹی ، قطب الدین اور اعتزاز احسن بھٹی شامل تھے ، اجلاس کے اختتام پر ضلعی صدر مہر محمد حبیب بسوی کی طرف سے شرکاء اجلاس کو پر تکلف افطار ڈنر بھی کروایا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مچھ: میں 13افراد کا قتل نہایت اذیت ناک ہے:علامہ ایاز نعیمی
گجرات (جی پی آئی)پاکستان سنی تحریک سٹی گجرات کے صدر علامہ ایاز اختر نعیمی نے کہا کہ لسانیت کے نام پر پاکستانیوں کو آپس میں لڑایا جارہا ہے ۔ یہ کسی مسلمان کا کام نہیں بلکہ اسلام اور پاکستان دشمنوں کو پروپیگنڈا اور یہود و ہنود کے ایجنٹوں کا کام ہے ۔یہ ملک دشمن عناصر ہم وطنوں کو ایک دوسرے سے لڑانے کے لیے کبھی سندھی، کبھی بلوچی، کبھی پختون، اور کبھی پنجابیوں کو قتل کرکے ان کا الزام دوسروں پر ڈال دیتے ہیں، تاکہ یہ لوگ ہمیشہ آپس میں ہی لڑتے رہیں اور ان کفار کی غلامی سے چھٹکار احاسل نہ کرسکیں ۔ انہوں نے مزید کہا کہ جس طرح مچھ بلوچستان میں 13غریب افراد کو نہایت بیدردی کے ساتھ شہید کر کے اپنی محرومیوں کا رونا رویا گیا اس طرح ملک بھر میں کہیں بھی غریب افراد کو قتل کر کے ان کو اپنے ظلم و بر بریت کا نشانہ بنا کوئی بھی شخص اپنے حقوق کی محرومیوں کا ازالہ نہیں کرسکتا ۔انتہا پسند عناصر وطن عزیر کی بنیادیں کھوکھلا کرنے کے درپے ہیں۔ محب وطن افراد ان باغیوں کے دھوکے میں نہ آئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بہترین کارکردگی دکھانے پر DPOگجرات نے پولیس افسران و جوانوں میں انعامات اور تعریفی سرٹیفکیٹ تقسیم کئے
گجرات (جی پی آئی)بہترین کارکردگی دکھانے پر DPOگجرات سید علی ناصر رضوی نے پولیس افسران و جوانوں میں نقد انعامات اور تعریفی سرٹیفکیٹ تقسیم کئے تفصیلات کیمطابق DPOآفس میں ایک خصوصی تقریب کے دورانDPOگجرات سید علی ناصر رضوی نے بہترین کارکردگی کے حامل پولیس افسروں و جوانوں کو تعریفی سرٹیفکیٹ اور نقد انعامات تقسیم کئے ۔اس موقع پر خطاب کرتے ہو ئے DPOگجرات سید علی ناصر رضوی نے کہا کہ آج گجرات پولیس کے ان جوانوں کی کارکردگی کو دیکھ کر میر اسینہ فخر سے چوڑا ہو گیا ہے ۔انہوں نے پولیس افسران و جوانوں کی کارکردگی کو سراہتے ہو ئے مزید کہا کہ دیکھو یہ ہیں میرے اصلی شیر جو جرائم کی بیخ کنی اور عوام کی خدمت کے لئے ہمہ وقت تیار رہتے ہیں اور اپنی جان کی پرواہ نہ کرتے ہو ئے مشکل حالات میں بہترین کارکردگی کا مظاہر ہ کیا ہے ۔انہوں نے کہا کہ یہ انعام آپ کی کارکردگی اور ایمانداری کے سامنے کچھ بھی نہیں اصل انعام آپ کو اپنے رب تعالی ٰسے اور غریبوں و مظلوموں کی دعائوں سے ملے گا ۔ سلام ہے آپ کے والدین کو جنہوں نے آپ کی پرورش میں کسی قسم کی کمی نہیں رہنے دی ۔انہوں نے محافظ اسکوارڈ کی اتنے کم عرصے میں شاندار کارکردگی کو سراہا ۔DPOگجرات سید علی ناصر رضوی نے اس بات کا اعادہ کیا کہ عوام کے جان ومال کے تحفظ کی خاطر کسی قربانی سے دریغ نہیں کیا جا ئے گا ۔تفصیل انعامات :1۔فراست علی چٹھہ SI 7000/-روپے 2۔امجد پرویز HC 5000/-روپے 3۔عمران سہیل HC 4000/-روپے 4۔کلیم نواز HC 4000/-روپے اس کے علاوہ 9ملازمین کو 2000/-روپے فی کس ،12ملازمین کو 1000/-روپے فی کس ،41ملازمین کو 500روپے فی کس دیئے گئے جبکہ 22ملازمین کو تعریفی سرٹیفیکٹسCC.3دیے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات شہر میں مون سون بارشوں کی وجہ سے شہرندی نالوں کا منظر پیش کر رہے ہیں
گجرات (جی پی آئی)گجرات شہر میں مون سون بارشوں کی وجہ سے ضلع کچہری DPOآفس، ضلع کونسل ہال جیل روڈ ، کورٹ روڈ، عثمان پلازہ چوک ،امپریل کالج روڈ پرنس چوک، فوارہ چوک، قمر سیالوی روڈ و دیگر محلہ جات ندی نالوںکا منظر پیش کر رہے ہیں، ان بارشوں کی وجہ سے عوام شدید مشکلات کا شکار ہے، پانی کی درست نکاسی نہ ہونے کی وجہ سے متعدد ٹیلی فون کے پول گر گئے ہیں، ضرورت اس امر کی ہے کہ مون سون کے موسم میں تمام محکمے اپنی اپنی ذمہ داری ایمانداری سے نبھائیں تا کہ عوام کی پریشانیاں جلد ختم ہو سکیں۔
کوٹلہ کی صحافت کے نامور سپوت اور معروف صحافی چوہدری شریف آزاد دنیا فانی سے کوچ کر گئے
