گجرات کی خبریں 10/11/2013

Posted on November 11, 2013 By Majid Khan گجرات

موجودہ حکومت کی پالیسیاں ایڈ ہاک ہیں اور بغیر پلاننگ کے فیصلے کیے جا رہے ہیں:چوہدری شفاعت حسین
گجرات (جی پی آئی) سابق ناظم ضلع گجرات چوہدری شفاعت حسین نے کہا ہے کہ موجودہ حکومت کی پالیسیاں ایڈ ہاک ہیں اور بغیر پلاننگ کے فیصلے کیے جا رہے ہیں۔ اب بھی عدالتی حکم پر بلدیاتی الیکشن تو کرائے جا رہے ہیں لیکن کاغذات نامزدگی میں ختم نبوت کا کالم ختم کر دیا گیا ہے حلانکہ پاکستان ایک اسلامی اور نظریاتی ملک ہے لیکن فیصلے ایسے کیے جار ہے ہیں جیسے اسلامی نظریاتی نہیں سیکولر ملک ہے۔ چوہدری شفاعت حسین نے کہا کہ مسلم لیگ ن کی حکومت بیرونی قوتوں کی آلہ کار ہے اب تو ن لیگ کا کردار عیاں ہو گیا ہے کہ اسے نظریاتی اساس نہیں اپنا ذاتی مفاد عزیز ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ضلع گجرات میں محرم الحرام کے جلوسوں اور مجالس کی سیکیورٹی کے لیے پولیس نے فلیگ مارچ کیا
گجرات (جی پی آئی ) ضلع گجرات میں محرم الحرام کے جلوسوں اور مجالس کی سیکیورٹی کے لیے پولیس نے فلیگ مارچ کیا گذشتہ روز ڈی پی او گجرات سید علی ناصر رضوی کی سربراہی میں گجرات لالہ موسیٰ کھاریاں سرائے عالمگیر جلالپورجٹاں ٹانڈہ کڑیانوالہ کوٹلہ ارب علی خان کنجاہ منگووال ڈنگہ اور دیگر مقامات پر محرم الحرام کے جلوسوں اور مجالس کی سیکیورٹی چیکنگ کے لیے فلیگ مارچ کیا فلیگ مارچ میں ڈی ایس پی سٹی ڈی ایس پی صدر ڈی ایس پی کھاریاں ڈی ایس پی سرائے عالمگیر کے علاوہ ایلیٹ فورس اور تمام تھانوں کے ایس ایچ اوز سب انسپکٹرز اسسٹنٹ سب انسپکٹرز ہیڈ کانسٹیبلز اور کانسٹیبلز نے بھی شرکت کی ڈی پی او نے بتایا کہ محرم الحرام میں سیکیورٹی کو فول پروف بنا دیا گیا ہے کسی بھی ناخوشگوار واقع سے نمٹنے کیلئے گجرات پولیس کے جوان اور آفیسرز پوری طرح تیار ہیں گوجرانوالہ امام بارگاہ میں فائرنگ کے واقع کے بعد سیکیورٹی مزید سخت کر دی گئی ہے جلوسوں کے مقررہ راستوں میں آنے والی دکانوں اور مکانات کی چھتوں پر پولیس اہلکار تعینات کئے جائیں گے جن کے پاس جدید دوربینیں بھی ہوں انہوں نے بتایا کہ جلوسوں اور مجالس کی ویڈیوز بھی بنائی جائیں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بلدیاتی الیکشن کی تیاریاں عروج پر پہنچ چکی ہیں کاغذات نامزدگی فارم آج سے ضلعی الیکشن کمیشن آفس دستیاب ہوں گے
گجرات ( جی پی آئی ) ضلع گجرات میں بلدیاتی الیکشن کی تیاریاں عروج پر پہنچ چکی ہیں کاغذات نامزدگی فارم آج 11 نومبر سے ضلعی الیکشن کمیشن آفس دستیاب ہوں گے ضلع بھر میں امیدواروں کا الیکشن میں حصہ لینے کے لیے جوش و خروش میں اضافہ ہو گیا امیدوار اپنے سینکڑوں ساتھیوں کے ہمراہ سیاسی جماعتوں کی قیادتوں کے پاس ٹکٹ کے حصول کیلئے پہنچنا شروع ہو چکے ہیں مسلم لیگ ن مسلم لیگ ق تحریک انصاف اور پیپلز پارٹی کے امیدواروں نے باقاعدہ طور پر اپنی انتخابی مہم کا آغاز کر دیا ہے جبکہ دوسری جانب الیکشن کی ڈیوٹیوں کے لیے سرکاری ٹیچروں اور ضلعی انتظامیہ کے افسران کی ڈیوٹیاں لگانے کا کام بھی شروع ہو چکا ہے سیاسی جماعتوں نے ہنگامی طور پر اجلاس بلانے شروع کر دئیے ہیں اور امیدواروں کی لسٹوں کو فائنل کیا جا رہا ہے تحصیل گجرات کی 64 تحصیل کھاریاں کی 47 سرائے عالمگیر کی 7 یونین کونسلوں اور 133 وارڈوں میں امیدوار کھل کر سامنے آ چکے ہیں ریٹرننگ آفیسرز کے پاس امیدواروں نے کاغذات نامزدگی حاصل کرنا شروع کر دئیے ہیں جبکہ آج اور کل امیدوار کاغذات نامزدگی جمع کرائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مسلم لیگ ق کے امیدواروں کے کاغذات نامزدگی اور کاغذات کو پر کرنے کیلئے نت ہائوس اور ظہور پیلس میں لیگل سیل قائم کر دیا
گجرات ( جی پی آئی ) بلدیاتی الیکشن میں حصہ لینے والے مسلم لیگ ق کے امیدواروں کی سہولت کے لیے نت ہائوس اور ظہور پیلس گجرات میں کاغذات نامزدگی اور کاغذات کو پر کرنے کی سہولیات فراہم کرنے کے لیے لیگل سیل قائم کر دیا گیا ہے امیدواروں کو کاغذات نامزدگی بھی مہیا کئے جائیں گے سابق وفاقی وزیر چوہدری وجاہت حسین کی ہدایات پر لیگل سیل بنایا گیا ہے جہاں امیدواروں کو وکلاء کی خدمات بھی حاصل ہوں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گجرات میں کھلے پیٹرول اور گیس ری فلنگ کا دھندہ عروج پر پہنچ چکا ہے
گجرات ( جی پی آئی ) گجرات میں کھلے پیٹرول اور گیس ری فلنگ کا دھندہ عروج پر پہنچ چکا ہے گلی محلوں اور جگہ جگہ پیٹرول فروخت کرنے کی ایجنسیاں اور گیس ری فلنگ کا کام جاری ہے ضلعی انتظامیہ نے ایکشن لینے کی خاموش تماشائی بن گئی گجرات شہر اور دیگر علاقوں میں جگہ جگہ کھلے عام پیٹرول فروخت کیا جا رہا ہے جبکہ پابندی کے باوجود گیس کی ری فلنگ بھی جاری ہے پیٹرول ایجنسیاں اور گیس ری فلنگ کا کام گلی محلوں اور گنجان آباد آبادیوں میں جاری رہنے سے لوگوں کی زندگیوں کو شدید خطرات لاحق ہو چکے ہیں جبکہ شہریوں نے متعدد مرتبہ ڈی سی او گجرات کو ان غیر قانونی پیٹرول ایجنسیوں اور ری فلنگ کا کام کرنے والے افراد کے خلاف درخواستیں دے رکھی ہیں مگر ضلعی انتظامیہ ان کے خلاف ایکشن لینے کی بجائے خاموش تماشائی کا کردار ادا کر رہی ہے شہریوں کا کہنا ہے کہ جب کوئی بڑا حادثہ رونما ہو گا جس میں درجنوں ہلاکتیں ہوں گی اس وقت انتظامیہ کو ہوش آئے گی ضلعی انتظامیہ کے مطابق غیر قانونی پیٹرول ایجنسیوں اور گیس ری فلنگ کرنے والوں کے خلاف سخت ایکشن لیا جاتا ہے اور عوامی شکایات پر فوری نوٹس لے کر متعلقہ افراد کے خلاف قانونی کارروائی عمل میں لائی جاتی ہے اور بھاری جرمانے عائد کئے جاتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شہداء کربلا نے قربانی دے کر دین اسلام کو تا حیات زندہ کر دیا:چوہدری نثار احمد
گجرات ( جی پی آئی ) جماعت اسلامی کے رہنما چوہدری نثار احمد ایڈووکیٹ نے کہا کہ شہداء کربلا نے قربانی دے کر دین اسلام کو تا حیات زندہ کر دیا انہوں نے کہا کہ حضرت امام حسین نے ظلم و جبر برداشت کر کے ثابت کر دیا کہ حق و باطل کے سامنے جھکا نہ جائے انہوں نے کہا کہ محرم الحرام کا مہینہ مسلمانوں کو امن و اتحاد کا درس بھی دیتا ہے انہوں نے کہا کہ آج امت مسلمہ کو دنیا بھر میں جو خطرات درپیش ہیں وہ دین اور ایمان کی کمزوری کا نتیجہ ہے انہوں نے کہا کہ ملک و قوم کو دہشت گردی سمیت جو مسائل آج در پیش ہیں ان سے نمٹنے کے لیے ضروری ہے کہ ہمیں حضور ۖ کے نقش قدم پر چلنا ہو گا اللہ اس کے رسول ۖ اور قرآن پاک کے بتائے ہوئے راستوں پر عمل کر کے ہم تباہی اور بربادی سے بچ سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سانحہ گوجرانوالہ میں بے گناہ افراد کو شہید کیا گیا :چوہدری منظور حسین وڑائچ
گجرات ( جی پی آئی ) صدر حسینیہ ٹرسٹ گجرات چوہدری منظور وڑائچ پروفیسر سرفراز جعفری جواد جعفری صدر شیعہ علماء کونسل سید الطاف عباس کاظمی نے مشترکہ بیان میں کہا ہے کہ سانحہ گوجرانوالہ میں بے گناہ افراد کو شہید کیا گیا جو لوگ پاکستان کی سلامتی کے خلاف برسرِ پیکار ہیں ان کے خلاف بھرپور مہم چلانے کی ضرورت ہے انہوں نے کہا کہ محرم الحرام میں اس طرح کے واقعات سے ملک کو نقصان پہنچتا ہے اور اتحاد بین المسلمین کی کوششیں بھی ناکام ہوتی ہیں ان حالات میں حکومت کو کڑے اقدامات کرنے چاہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گجرات میں نامعلوم افراد نے کانسٹیبل کے بیٹے سمیت دو نوجوانوں کو اغواء کر لیا
گجرات ( جی پی آئی ) گجرات میں نامعلوم افراد نے کانسٹیبل کے بیٹے سمیت دو نوجوانوں کو اغواء کر لیا ایک اغواء کاروں کے چنگل سے فرار ہو کر واپس پہنچ گیا تھانہ سول لائن گجرات کے علاقہ سرگودھا روڈ کے رہائشی کانسٹیبل عاشق حسین کا بیٹا جبکہ رحمان شہید روڈ پر ایک ہوٹل میں کام کرنے والا 16 سالہ نوجوان کو نامعلوم اغواء کار اغواء کر کے نامعلوم مقام پر منتقل کر دیا ہوٹل پر کام کرنے والا نوجوان اغواء کاروں کے چنگل سے فرار ہو کر واپس گجرات پہنچ گیا پولیس تھانہ سول لائن گجرات نے دونوں نوجوانوں کے اغواء کا مقدمہ درج کر لیا ہے۔

by Majid Khan

Nasir Mehmood - Chief Editor at GeoURDU.com