گجرات کی خبریں 10/4/2014

Posted on April 11, 2014 By Majid Khan گجرات

گجرات (جی پی آئی) چیئرمین ضلعی زکوة کمیٹی چوہدری تنویر گوندل نے کہا ہے کہ مقامی زکوة کمیٹیوں میں ایسے افراد کو شامل کیا جائیگا ، جو کہ معاشرہ میں باعزت مقام رکھتے ہوں اور عوام کی خدمت کرنے کا جذبہ رکھتے ہوں ، وہ گزشتہ روز ضلع کونسل ہال گجرات میں حلقہ پی پی 110میں زکوة کمیٹیوں کی تشکیل کے سلسلہ میں منتخب افراد میں LC1فارم تقسیم کرنے کی تقریب سے خطاب کر رہے تھے ، انہوں نے تمام افراد پر زور دیا کہ وہ ایسے افراد کا چنائو کریں جو کہ میٹرک پاس اور نمازی ، پرہیزگار ہوں ، اور وہ خدمت خلق کے جذبہ سے سرشار ہوں ، انہوں نے کہا کہ ہمارا مقصد حقداروں کو ان کا حق پہنچانا ہے ، اور زکوةٰ ایک حساس اور مقدس شعبہ ہے ، جس مقصد کیلئے ہمیں چنا گیا ہے ، اس مقصد کو احسن طریقہ سے سرانجام دینے کی کوشش کرنی ہے ، انہوں نے کہا کہ مجھے امید ہے کہ تمام افراد اپنے فرائض احسن طریقے سے سرانجام دینگے ، اور ایسے افراد کو منتخب کریں گے جو حقدار ہوں انہوں نے کہا کہ زکوة کمیٹیوں میں شامل افراد کو اپنا کردار شفاف رکھنا ہوگا ، اس موقع پر چوہدری رضا علی متہ بھی موجود تھے ، رضا علی متہ نے چوہدری تنویر گوندل کی خدمات کو بے حد سراہا ، جو وہ مستحقین زکوة تک ان کے حق پہنچانے کیلئے کوشاں ہیں ، انہوں نے امید ظاہر کی کہ چوہدری تنویر گوندل اپنے فرائض بہتر طریقہ سے سرانجام دینگے اس موقع پر چوہدری اسحاق آرائیں و دیگر بھی موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ضلعی چیئرمین زکوة و عشر کمیٹی چوہدری تنویر گوندل نے گورنمنٹ گرلز ہائی سکول کنجاہ کی طالبات میں مورا سکالر شپ سکیم کے تحت 57,9,72روپے کے چیک تقسیم کیے ، اس سلسلہ میں گزشتہ روز خصوصی تقریب منعقد ہوئی جس کی صدارت پرنسپل مس صداقت پروین نے کی ، اس موقع پر علاقہ کی ممتاز شخصیات کی کثیر تعداد موجود تھی ، جن میں چوہدری جاوید ماجرہ ، سیٹھ قمر خورشید صراف ، چوہدری اسحاق آرائیں ، پروفیسر محمد انیس ، خورشید احمد منہاس ، چوہدری خالد ہنجراو دیگر بھی شامل تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) فروغ تعلیم حکومت پنجاب کی اولین ترجیح ہے اور ڈسٹرکٹ زکوة و عشر کمیٹی فروغ تعلیم کے سلسلہ میں تعلیمی اداروں میں بھرپور معاونت کرے گی ، ان خیالات کا اظہار چیئرمین ڈسٹرکٹ زکوة و عشر کمیٹی چوہدری تنویر گوندل نے گزشتہ روز گورنمنٹ گرلز ہائی سکول کنجاہ میں مورا سکالر شپ سکیم کے تحت چیک تقسیم کرنے کی تقریب سے خطاب کرتے ہوئے کیا ، انہوں نے کہا کہ ایک بچی کی تعلیم پوری قوم کی تعلیم ہے ، کیونکہ بچیوں نے قوم کو پڑھانا ہوتا ہے ، سول سوسائٹی کے نمائندگان کا فرض ہے کہ وہ تعلیمی اداروں میں زیر تعلیم طلباء و طالبات کی مالی معاونت کریں تا کہ وہ بہتر طریقہ سے اپنی تعلیم حاصل کر سکیں ، انہوں نے کہا کہ کنجاہ میں جس طرح مسلم لیگ ن کے راہنما تعلیمی اداروں کی معاونت کر رہے ہیں ، قابل تحسین ہے ، اور ہم تمام افراد کو خراج تحسین پیش کرتے ہیں ، جو اپنی صلاحتیں فروغ تعلیم کیلئے صرف کر رہے ہیں ، اور میں بحیثیت کارکن مسلم لیگ ن اپنی صلاحیتیں عوام کی خدمت کیلئے برئو ے کار لائوں گا ، اور جس طرح پہلے میں اپنی صلاحتیں برئوے کار لا رہا ہوں اس طرح کام جاری رکھوں گا اور مجھے خوشی ہے کہ یہ سکول بہتر طریقہ سے کام کر رہا ہے ، اور سکول کی کارکردگی قابل تحسین ہے ، پرنسپل محترمہ صداقت پروین گھمن نے کہا کہ ہماری خوش قسمتی ہے کہ چیئرمین ڈسٹرکٹ بیت المال کمیٹی چوہدری تنویر گوندل آج ہمارے ادارہ میں تشریف لائے ہیں ، ہمارے ادارہ میں اس وقت 15سو طالبات زیور تعلیم سے آراستہ ہو رہی ہیں ، اور ہم زکوة کمیٹی کے مشکور ہیں کہ یہ ہمارے ساتھ ہمیشہ تعاون کرتے ہیں اور اس فنڈ میں مزید اضافہ ہونا چاہیے تا کہ مزید طالبات مستفید ہو سکیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ممتا ز سماجی شخصیت چوہدری رضا وڑائچ آف متہ نے کہا ہے کہ چوہدری تنویر گوندل کی خدمات قابل تحسین ہیں ، وہ گزشتہ روز ضلعی دفتر زکوة کمیٹی صحافیوں سے گفتگو کر رہے تھے ، انہوں نے کہا کہ ہم قائدین کے شکر گزار ہیں کہ انہوں نے ایسے شخص کو چیئرمین نامزد کیا ہے جو خدمت خلق کا جذبہ رکھتے ہیں ، اور چوہدری تنویر گوندل ہمیشہ کی طرح اپنی صلاحیتیں عوام کی خدمت کیلئے صرف کر رہے ہیں ، اگر اس طرح کارکنوں کی حوصلہ افزائی کی جائے تو کارکن پارٹی کی بہتری کیلئے کام کر سکتے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ممتاز ثناء خوانِ رسول عارف شاہد گوندل کی اہلیہ گزشتہ روز رضائے الٰہی سے انتقال کر گئیں ، مرحومہ عرصہ دراز سے علیل تھیں ، مرحومہ کو سینکڑوں سوگواروں کی موجودگی میں مقامی قبرستان میں سپرد خاک کر دیا گیا ، مرحومہ کے ایصال ثواب کیلئے ختم قل آج صبح دس بجے محلہ خالدہ آباد میں منعقد ہو گا ، دوست احباب سے شرکت کی اپیل کی جاتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) GPIکا تعزیتی اجلاس ڈاکٹر رزاق احمد غفاری کی صدارت میں منعقد ہوا ، جس میں ممتاز ثناء خوانِ رسول عارف شاہد گوندل کی اہلیہ محترمہ کی وفات پر ان سے گہرے رنج و غم کا اظہار کیا گیا ، مرحومہ کے ایصال ثواب کیلئے فاتحہ خوانی کی گئی ، اجلاس میں عامر چوہدری ، ذوالفقار علی شاہ ، عرفان یوسف ، یاسر وریاء و دیگر موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ٹی ایم اے کی ناقص کارکردگی کی وجہ سے جی پی او آفس کے باہر گندگی کے انبار لگ گئے ، عوام کو شدید مشکلات کا سامنا کرنا پڑ رہا ہے۔

by Majid Khan

Nasir Mehmood - Chief Editor at GeoURDU.com

علاقہ کی ممتاز درس گاہ غزالی پبلک سکول عمر فاروق کیمپس ملکہ میں تقریب تقسیم انعامات ممتاز ثناء خوانِ رسول عارف شاہد گوندل کی اہلیہ گزشتہ روز رضائے الہی سے انتقال کر گئیں