گجرات کی خبریں 11.09.2013
Posted on September 12, 2013 By Geo Urdu گجرات
ممتاز روحانی شخصیت میاں محمد جمیل شرقپوری سجادہ نشین آستانہ عالیہ شرقپور شریف گزشتہ روز رضائے الٰہی سے انتقال کر گئے
گجرات (جی پی آئی) ممتاز روحانی شخصیت میاں محمد جمیل شرقپوری سجادہ نشین آستانہ عالیہ شرقپور شریف گزشتہ روز رضائے الٰہی سے انتقال کر گئے، مرحوم کی مذہبی خدمات قابل تحسین ہیں، ان کی وفات اہل اسلام کیلئے بہت بڑا سانحہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رئیس اعظم صابووال الحاج خان ملک کے بھائی چوہدری ظفر چئیرمین جو کہ گذشتہ روز مسلح افراد کی فائرنگ سے جاں بحق ہوگئے تھے
گجرات (جی پی آئی) رئیس اعظم صابووال الحاج خان ملک کے بھائی چوہدری ظفر چئیرمین جو کہ گذشتہ روز مسلح افراد کی فائرنگ سے جاں بحق ہوگئے تھے کو سینکڑوں سوگواروں کی موجودگی میں سپر د خاک کر دیا گیا۔ اس موقع پر پولیس نے بھرپور حفاظتی اقدامات کئے تھے نماز جنازہ میں ہر مکتبہ فکر سے تعلق رکھنے والے افراد کی کثیر تعداد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک انصاف کے راہنما سابق امید وار حلقہ پی پی 111 گجرات مہر امتیاز احمد نے کہا ہے کہ گجرات میں جھوٹ پر سیاست کرنیوالوں کے چہرے عدالتوں نے بے نقاب کر دیئے ہیں
گجرات (جی پی آئی) پاکستان تحریک انصاف کے راہنما سابق امید وار حلقہ پی پی 111 گجرات مہر امتیاز احمد نے کہا ہے کہ گجرات میں جھوٹ پر سیاست کرنیوالوں کے چہرے عدالتوں نے بے نقاب کر دیئے ہیں اب عوام ان جھوٹے سیاستدانوں کے پیچھے نہیں جائینگے اور با کردار لوگوں کا انتخاب کرینگے۔ انہوںنے اپنے ایک بیان میں کہا کہ لوگوں سے قرآن پر حلف لینے والے اور خود جھوٹا حلف دینے والے پر اللہ تعالیٰ کا قہر نازل ہو چکا ہے۔ گجرات کے با شعور با کردار لوگ اب انہیں ہمیشہ کیلئے رد کر دینگے انہوںنے کہا کہ گجرات میں پاکستان تحریک انصاف میں با کردار ایمان دار قیادت موجود ہے عوام ان کا ساتھ دیں انشا ء اللہ تعالیٰ ہم اہل گجرات کے مسائل حل کرنے میں کبھی کوئی کسر نہیں اٹھا رکھیں گے۔ ہمارا اوڑھونا بچھونا اہل گجرات کیساتھ ہے۔ انہوں نے کہا کہ اب جعلی ڈگری کا باب بند ہو گیا ہے۔ ہم جعلی ڈگری پر سیاست نہیں چمکائیں گے اور نہ ہی ہم مخالفت برائے مخالفت کی سیاست اپنائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز تحریک انصاف کے رہنما مہر شہباز فاضل نے اپنے بیان میں کہا ہے کہ حکومت پنجاب کی کارکردگی سوالیہ نشان ہے
گجرات (جی پی آئی) ممتاز تحریک انصاف کے رہنما مہر شہباز فاضل نے اپنے بیان میں کہا ہے کہ حکومت پنجاب کی کارکردگی سوالیہ نشان ہے عوام کو اسی قسم کا ریلیف نہیں فراہم کیا گیا اور بیروزگاری ،لوڈشیڈنگ نے عوام کی قمر توڑ کر رکھ دی ہے اور دوسری طرف اب محکمہ سوئی گیس کے اہل کار جو ظلم وستم کا بازار گرم کئے ہوئے ہیں جنریٹرز پر لوگ گرمی کے موسم میں اپنے بچوں کا تحفظ کرتے ہیںاور انہیں گرمی سے بچاتے ہیں مگر اب سوئی گیس پر جنریٹرز چلانے والوں کو پکڑنا شروع کردیا ہے جو کہ سراسر ناانصافی ہے اگر عوام کو تحفظ فراہم نہ کیا گیا تو عوام بھرپور احتجاجی مہم چلائے گئے جس کی تمام تر ذمہ داری محکمہ سوئی گیس پر ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معروف ثناء خوان مصطفی محمد عارف شاہد گوندل نے کہا ہے کہ کالرہ خاصہ کے قریب سندھ بینک کا گارڈ انتہائی بدتمیز اور غیر ذمہ دارہے
گجرات (جی پی آئی) معروف ثناء خوان مصطفی محمد عارف شاہد گوندل نے کہا ہے کہ کالرہ خاصہ کے قریب سندھ بینک کا گارڈ انتہائی بدتمیز اور غیر ذمہ دارہے جس کی وجہ سے بینک میں آنے جانے والے افراد کو اس کے نازیبہ رویہ سے سخت پریشانی کا سامنا کرنا پڑ رہا ہے اور انتہائی افسوس کی بات ہے کہ بینک انتظامیہ کو اس بات کا علم بھی ہے لیکن پھر بھی وہ خاموش ہے اگر بینک انتظامیہ نے گارڈ کے خلاف ایکشن نہ لیا تو اس کا نقصان بینک کو ہوگا اور عوام کا صبر کا پیمانہ ایک دن لبریز ہوجائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات پولیس نے منشیات فروشوں کے خلاف کارروائی کر تے ہو ئے 110 گرام چرس اور 4 بوتل شراب برآمد کرلی
گجرات (جی پی آئی) گجرات پولیس نے منشیات فروشوں کے خلاف کارروائی کر تے ہو ئے 110 گرام چرس اور 4 بوتل شراب برآمد کرلی۔تھانہ کنجاہ پولیس نے دوران ناکہ بندی ملزم ذیشان علی ولد افتخار احمد سکنہ خوجیانوالی سے 110 گرام چرس برآمد کر کے مقدمہ درج کرلیا۔تھانہ صدر لالہ موسیٰ پولیس دوران گشت ملزم عبدالخالق ولد محمد شریف سکنہ چھوکر کلاں سے 2 کپی شراب برآمد کر کے مقدمہ درج کرلیا تھانہ سول لائن پولیس نے دوران گشت ملزم امتیاز احمد ولد محمد اقبال سکنہ ناگریانوالہ سے 2 بوتل شراب برآمد کر کے مقدمہ درج کر لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں تین نامعلوم مسلح موٹر سائیکل سوار افراد کی حویلی میں بیٹھے افراد پر فائرنگ سے ایک شخص قتل جبکہ تین افراد شدید زخمی ہو گئے
گجرات (جی پی آئی ) گجرات میں تین نامعلوم مسلح موٹر سائیکل سوار افراد کی حویلی میں بیٹھے افراد پر فائرنگ سے ایک شخص قتل جبکہ تین افراد شدید زخمی ہو گئے گذشتہ روز تھانہ رحمانیہ کے علاقہ صابووال میں تین نامعلوم موٹر سائیکل سوار مسلح افراد نے اندھا دھند فائرنگ کر کے 70 سالہ شخص چوہدری ظفر کو قتل اس کے بھتیجے چوہدری عمران ظفر سارب اعظم اور ملازم شان بھی شدید زخمی ہو گئے زخمیوں کو طبی امداد کے لیے ہسپتال منتقل کر دیا گیا ہے پولیس نے نعش کو پوسٹمارٹم کے بعد ورثاء کے حوالے کر کے نامعلوم افراد کے خلاف مقدمہ درج کر لیا ہے وقوعہ کے وقت مقتول اور زخمی اپنی حویلی میں بیٹھے ہوئے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات چیمبر آف کامرس اینڈ انڈسٹری کے الیکشن میں ملک طارق بلال صدر آصف رضا نقوی سینئر نائب صدر اور ضیغم عباس شاہ نائب صدر منتخب ہو گئے
گجرات (جی پی آئی ) گجرات چیمبر آف کامرس اینڈ انڈسٹری کے الیکشن میں ملک طارق بلال صدر آصف رضا نقوی سینئر نائب صدر اور ضیغم عباس شاہ نائب صدر منتخب ہو گئے جیتنے والے چیمبر کے تمام عہدیدار بلامقابلہ منتخب ہوئے ہیں اور ان کا تعلق شاہین گروپ سے ہے جبکہ ان کے مد مقابل فائونڈرز گروپ نے اپنا کوئی امیدوار کھڑا نہیں کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جلالپورجٹاں میں نامعلوم افراد نے 13 سالہ بچے کو قتل کر کے نعش کھیتوں میں پھینک دی
گجرات (جی پی آئی ) جلالپورجٹاں میں نامعلوم افراد نے 13 سالہ بچے کو قتل کر کے نعش کھیتوں میں پھینک دی گذشتہ روز تھانہ صدر جلالپورجٹاں کے گائوں ماجرہ کے رہائشی 13 سالہ بچے خرم کو نامعلوم مسلح افراد نے فائرنگ کر کے قتل کرنے کے بعش نعش کھیتوں میں پھینک دی اور فرار ہو گئے اطلاع ملنے پر پولیس نے موقع پر پہنچ کر نعش قبضہ میں لے کر عزیز بھٹی شہید ہسپتال گجرات سے پوسٹمارٹم کے بعد ورثاء کے حوالے کر دی پولیس نے مقتول کے چچا محمد ادریس کی رپورٹ پر نامعلوم ملزمان کے خلاف مقدمہ درج کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈسٹرکٹ جیل گجرات میں مسلم لیگ ن ضلع گجرات کے جنرل سیکرٹری سابق ایم پی اے حاجی ناصر محمود کو وی آئی پی سہولیات میسر کر دی گئی
گجرات (جی پی آئی ) ڈسٹرکٹ جیل گجرات میں مسلم لیگ ن ضلع گجرات کے جنرل سیکرٹری سابق ایم پی اے حاجی ناصر محمود کو وی آئی پی سہولیات میسر کر دی گئی ہیں گذشتہ روز ڈی آئی جی جیل خانہ جات نے ڈسٹرکٹ جیل گجرات کا دورئہ کیا اور حفاظتی انتظامات چیک کئے ڈسٹرکٹ جیل میں حاجی ناصر محمود کی حفاظت کیلئے سخت انتظامات کئے گئے ہیں واضح رہے کہ حاجی ناصر محمود کو جعلی ڈگری کیس میں گذشتہ روز ڈیڑھ سال سزا ہوئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری ریاض احمد نے کہا ہے کہ ضلع گجرات میں پاسپورٹ کے حصول کیلئے روزانہ 400 کے قریب سائل اپنی درخواستیں جمع کروا رہے ہیں
گجرات (جی پی آئی ) اسسٹنٹ ڈائریکٹر اینڈ امیگریشن گجرات چوہدری ریاض احمد نے کہا ہے کہ ضلع گجرات میں پاسپورٹ کے حصول کیلئے روزانہ 400 کے قریب سائل اپنی درخواستیں جمع کروا رہے ہیں اور انہیں بھرپور ریلیف دیا جا رہا ہے انہوں نے کہا کہ اب شہریوں کو پاسپورٹ کے حصول کیلئے کسی مشکل کا سامنا نہیں رہا ڈی جی پاسپورٹ سکندر سلطان کی خصوصی ہدایت پر پاسپورٹ آفس کے باہر بیٹھے ایجنٹوں کا مکمل طور پر خاتمہ کر کے شہریوں کی مشکلات کو کم کر دیا گیا ہے چوہدری ریاض احمد نے بتایا کہ میں خود صبح 4 بجے پاسپورٹ آفس میں بیٹھ کر لوگوں کے ٹوکن لگوا کر پاسپورٹ فارم جمع کراتا ہوں اب پاسپورٹ آفس میں مکمل طور پر کرپشن کا خاتمہ کر دیا گیا ہے التوا میں پڑے ہوئے پاسپورٹ بھی شہریوں کو فراہم کر دئیے گئے ہیں اگر کسی شہری یا سائل کو پاسپورٹ کے حصول کے لئے کوئی پریشانی ہو تو وہ براہ راست مل کر اپنا معاملہ حل کروا سکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اوورسیز پولیس ہیلپ ڈیسک کے انچارج سب انسپکٹر محمد وسیم نے بتایا ہے
گجرات (جی پی آئی ) اوورسیز پولیس ہیلپ ڈیسک کے انچارج سب انسپکٹر محمد وسیم نے بتایا ہے کہ اوورسیز پولیس ہیلپ ڈیسک گجرات کو 8 ماہ میں اوورسیز کی 51 درخواستیں موصول ہوئی ہیں جن میں سے 47 درخواستوں کو نمٹا دیا گیا ہے ان درخواستوں میں زیادہ تر سول میٹر کی تھیں جبکہ باقی چاردرخواستیں التوا میں پڑی ہیں ان کو حل کرا دیا جائے گا اوورسیز پاکستانیوں کی جانب سے 2013 ء میں کسی کے خلاف کوئی مقدمہ درج نہیں ہو سکا تمام درخواستوں کی مصالحت کروا کر انہیں حل کرایا گیا ہے انہوں نے کہا کہ اوورسیز پولیس ہیلپ ڈیسک 24 گھنٹے اوورسیز پاکستانیوں کی خدمت کیلئے دن رات کام کر رہا ہے فون نمبر اور ای میل اڈریس بھی موجود ہے بیرون ملک مقیم پاکستانی اپنے مسائل کے حل کیلئے فوری رابطہ کر سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دولت نگر میں اوباش نوجوان نے دسویں کلاس کی طالبہ پر تیزاب پھینک دیا
گجرات (جی پی آئی ) دولت نگر میں اوباش نوجوان نے دسویں کلاس کی طالبہ پر تیزاب پھینک دیا گذشتہ روز اوباش نوجوان سنی نے دسویں کلاس کی طالبہ نائلہ شاہد کے منہ پر تیزاب پھینک دیا طالبہ تیزاب سے شدید زخمی ہو گئی اسے طبی امداد کیلئے ہسپتال منتقل کر دیا گیا ہے طالبہ سکول سے چھٹی کے بعد گھر واپس جا رہی تھی ایس ایچ او تھانہ دولت نگر قیصر شاہ نے ملزم کو گرفتار کر لیا ہے ملزم کے خلاف مقدمہ درج کر لیا گیا ہے۔
گجرات : تنظیم الغفاری سٹی گجرات کے اجلاس سے محمد نواز شاھد غفاری، محمد بوٹا عامر غفاری و دیگر خطاب کر رھے ھیں
