گجرات کی خبریں 21.08.2013
Posted on August 22, 2013 By Geo Urdu گجرات
مرکزی جامع میراں صاحب المعروف جامعہ جلالیہ محلہ نور پور پڈھے میں تقریب بسم اللہ شریف منعقد ہوئی
گجرات (جی پی آئی) مرکزی جامع میراں صاحب المعروف جامعہ جلالیہ محلہ نور پور پڈھے میں تقریب بسم اللہ شریف منعقد ہوئی، جس کی صدارت محمد نذیر جلالی اور بھکھی شریف نے کی، جبکہ مہمان خصوصی ممبر صوبائی اسمبلی صدر جمعیت علماء پاکستان پیر سید محمد محفوظ شاہ مشہدی تھے، یہ تقریب زیر سرپرستی علامہ محمد ارشد نقشبندی منعقد ہوئی، اس موقع پر ضلع بھر سے علمائے کرام، مشائخ عظام کی کثیر تعداد نے شرکت کی، جن میں علامہ محمد اشرف نقشبندی ، علامہ عبدالرشید اویسی ، علامہ عنصر محمود انجم، علامہ امجد تنویر ، سردار خان محمد لغاری جنرل سیکرٹری JUP، علامہ محمد رضوان، علامہ محمد احسن ، حافظ محمد اسجد محمود، علامہ مفتی فیاض احمد سلطانی، علامہ حافظ شاہد عمران، علامہ محمد سلیم سیالوی ، ڈاکٹر پروفیسر کاشف شریف مصطفائی، الحاج حافظ محمد سید شاہزیب نوشاہی، قاری محمد اویس، حافظ محمد فدا حسین، حافظ محمد شاہزیب رضا ، چوہدری محمد اکرم چیمہ، چوہدری اکرم چیمہ، چوہدری قدیر پڈا، چوہدری شبیر پڈا، مرزا عباس، مولوی ظفر پڈا، قیصر بھٹی، شبیر پڈا و دیگر اہم شخصیات موجود تھیں، اس موقع پر ملک کی ترقی و سلامتی کیلئے خصوصی دعائیں کی گئیں، اور لنگر تقسیم کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب نعت کونسل کے زیر اہتمام چار مستحق بچیوں کی شادی کی تقریب عید الضحیٰ کے تیسرے دن منعقد ہو گی :شیخ عرفان پرویز
گجرات (جی پی آئی) پنجاب نعت کونسل کے زیر اہتمام چار مستحق بچیوں کی شادی کی تقریب عید الضحیٰ کے تیسرے دن منعقد ہو گی، صدر پنجاب نعت کونسل شیخ عرفان پرویز نے پنجاب نعت کونسل کے اجلاس کے دوران بتایا کہ موجودہ حالات میں بیروزگاری اور مہنگائی کی وجہ سے لوگوں کا جینا محال ہو چکا ہے، اور کئی ایسی معصوم بچیاں صرف پیسے یا جہیزہ نہ ہونے کی وجہ سے رشتہ ازدواج سے منسلک نہیں ہو سکتی اس لئے پنجاب نعت کونسل نے فیصلہ کیا ہے کہ ایسی مستحق بچیوں کی شادی کیلئے اپنی مدد آپ کے تحت کام کیا جائے، ہمارے پاس 12سے زائد درخواستیں آ چکی ہیں، جانچ پڑتال کے بعد صحیح مستحق بچیوں کی شادی کی تقریب منعقد ہو گی، جس میں تمام ممبران پنجاب نعت کونسل کی طرف سے اپنی جیب سے باراتوں کے مہمانوں اور معززین شہر کی تواضع کی جائے گی اور بچیوں کو گھریلو ضروری اشیاء بھی فراہم کی جائینگی، تا کہ یہ بچیاں اپنے گھروں میں احسن طریقہ سے زندگی بسر کر سکیں، اجلاس میں عامر چوہدری، مہر عثمان عرف شاری، سیٹھ ظہیر عباس صراف، اورنگزیب میر، ڈاکٹر رزاق احمد غفاری ، میاں سہیل منیر ،شیخ ریحان عرفان و دیگر نے شرکت کی، اجلاس میں دیگر امور پر بھی تبادلہ خیال کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ویلڈن یوکے آکسفورڈ سکول سسٹم ، بورڈ آف انٹر میڈیٹ کے امتحان میں سکول نے شاندار نتائج کا مظاہرہ کیا
گجرات (جی پی آئی) ویلڈن یوکے آکسفورڈ سکول سسٹم ، بورڈ آف انٹر میڈیٹ اینڈ سیکنڈری ایجوکیشن گوجرانوالہ کے امتحان میں سکول نے شاندار نتائج کا مظاہرہ کیا اور 95فیصد رزلٹ سے علاقہ میں ممتاز پوزیشن حاصل کر لی، پرنسپل رائے عمر دراز کی سربراہی میں سکول کے طلباء و طالبات نے محنت سے یہ مقام حاصل کیا ہے ، علاقہ کی سیاسی و سماجی شخصیات نے مبارک باد پیش کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت پنجاب تعلیم کے فروغ کیلئے جو اقدامات کر رہی ہے : فراز ملک
گجرات (جی پی آئی) ممتاز سماجی راہنما صدر گجرات فرینڈز لائنز کلب فراز ملک نے کہا ہے کہ حکومت پنجاب تعلیم کے فروغ کیلئے جو اقدامات کر رہی ہے ، تعلیمی اداروں میں ان اصلاحات کو رائج کیا جائے اور میرٹ پر داخلے کیے جائیں، کیونکہ سفارش کی وجہ سے کئی مستحق طلباء و طالبات کالجز میں داخلوں سے رہ جاتے ہیں اور وہ زیور تعلیم سے آراستہ نہیں ہو سکتے غریب عوام کے بچوں کا بھی حق ہے کہ وہ تعلیم حاصل کریں مگر میرٹ پالیسی پر عمل نہ ہونے کی وجہ سے ہر سال ہزاروں بچے تعلیم جیسی بنیادی سہولت سے محروم رہ جاتے ہیں ، کالج کے سربراہان کو سیاسی پشت پناہی کی بجائے میرٹ پر داخلے کو یقینی بنانے کا پابند کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مذہبی تعلیمی ادارے ملک میں اسلام کے فروغ میں اہم کردار ادا کر رہے ہیں
گجرات (جی پی آئی) ممبر صوبائی اسمبلی صدر جمعیت علماء پاکستان سواد اعظم مہتمم جامع محمدیہ نوریہ رضویہ بھکھی شریف الحاج پیر محمد محفوظ مشہدی نے کہا ہے کہ مذہبی تعلیمی ادارے ملک میں اسلام کے فروغ میں اہم کردار ادا کر رہے ہیں، کیونکہ ان تعلیمی اداروں سے فارغ التحصیل طلباء امام بنتے ہیں، اور قوم کی صحیح راہنمائی کا فریضہ سرانجام دیتے ہیں، وہ گزشتہ روز جامع میراں صاحب المعروف جامع جلالیہ کی تقریب بسم اللہ کے موقع پر میڈیا سے گفتگو کر رہے تھے ، انہوں نے کہا کہ حکومت پنجاب دینی اداروں میں اصلاحاتکیلئے پیش رفت کر رہی ہے ، تاکہ یہ ادارے مستحکم ہو سکیں اور ملک کی ترقی میں اہم کردار ادا کر سکیں، اس موقع پر سردار محمد خاں لغاری بھی موجود تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامع میراں صاحب قبرستان شہریوں اورٹی ایم اے کی ذمہ داری کا منہ چڑانے لگا ،
گجرات (جی پی آئی) جامع میراں صاحب قبرستان شہریوں اورٹی ایم اے کی ذمہ داری کا منہ چڑانے لگا، قبرستان میں بھنگ کے پودے قد آور ہو چکے ہیں ، جیتے جاگتے انسانوں کی آخری آرام گاہ کس قدر بھیانک منظر پیش کر رہی ہے، دن کو بھی جاتے ہوئے ڈر لگتا ہے، زندگی میں تو انسان دکھ مصیبتیں برداشت کر کے اپنی زندگی بھر کی پونجی پختہ اینٹوں پر خرچ کر کے مکانات کوٹھیوں پر لگا دیتا ہے، مرنے کے بعد اسے کس قدر پیار ملتا ہے، جامع میراں صاحب میں جا کر نظار کیا جا سکتا ہے، ٹی ایم اے ٹیکس سے تو کسی کو مستثنیٰ قرار نہیں دیتا، مگر اپنی باری آئے تو پہلو تہی کر جاتا ہے، لوگوں کے لیے مشکلات بڑھانا شاہد اس کے قیام کا واحدمقصد رہ چکا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ماڈل ٹائون میں سڑکوں پر گندا پانی کھڑا
گجرات (جی پی آئی)گجرات شہر کے پوش علاقوں میں ماڈل ٹائون کا شمار بھی کیا جاتا ہے، کھلی سڑکیں کھلا ماحول حاصل کرنے کیلئے لوگوں نے مہنگے ترین پلاٹ حاصل کیے اور ان پر کروڑوں روپے خرچ کر کے کوٹھیاں بنائیں، اب صورتحال یہ ہے کہ بڑی بڑی کوٹھیوں میں گندا پانی بغیر رکاوٹ کے داخل ہو جاتا ہے، ٹی ایم اے کی لاپرواہی ہے یا کہ اور ادارے کا عمل دخل ماڈل ٹائون میں کوٹھیاں بنانے والے اب پچھتا رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلع گجرات میں انسداد پولیو مہم کامیابی سے جاری ہے:ڈاکٹر خالد فیاض
گجرات(جی پی آئی)ضلع گجرات میں انسداد پولیو مہم کامیابی سے جاری ہے اور پہلے دو دن کے دورا ن پانچ سال تک عمر کے 98فیصد ٹارگٹ بچوں کو حفاظتی قطرے پلا دیے گئے ہیں۔ان خیالات کااظہار ای ڈی او ہیلتھ ڈاکٹر خالد فیاض نے بات چیت کے دوران کیا۔ انہوں نے بتایا کہ انسداد پولیو مہم کے پہلے دن 136535 بچوں کو حفاظتی قطرے پلانے کا ہدف تھا جبکہ ان میں سے 135848 بچوں کو حفاظتی قطرے پلائے گئے ۔ انہوں نے بتایا کہ انسداد پولیو مہم کے دوسرے دن ٹارگٹ 132524 میں سے 130425 بچوں کو حفاظتی قطرے پلائے گئے۔ اس طرح دو روز کے دوران ٹارگٹ 269059بچوں میں سے 266273بچوں کو حفاظتی قطرے پلائے گئے ۔ای ڈی او نے بتایا کہ تیسرے روز ٹارگٹ بچوں کے ساتھ رہ جانے والے بچوں کو بھی حفاظتی قطرے پلانے کی ہدایت کی گئی ہے تاہم اس کے باوجود قطرے پینے سے رہ جانے والے بچوں کو فالو اپ کے دوران کور کرلیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عوام الناس اور بزنس کمیونٹی کی سہولت کے لئے واپڈا لوڈ شیڈنگ کا باقاعدہ شیڈول جاری کرے :آصف بلال لودھی
گجرات(جی پی آئی)ڈی سی او آصف بلا ل لودھی نے کہا ہے کہ عوام الناس اور بزنس کمیونٹی کی سہولت کے لئے واپڈا لوڈ شیڈنگ کا باقاعدہ شیڈول جاری کرے اور اس پر عملدرآمد یقینی بنایا جائے۔ ان خیالات کا اظہار انہوں نے اجلاس سے خطاب کرتے ہوئے کیا جس میں اے ڈی سی فاروق رشید، ڈی او سی شجاع قطب بھٹی، نائب صدر چیمبر آف کامر س اینڈ انڈسٹری،ای ڈی او ز محمد نواز غازی، چوہدری محمد نواز، سید وقار الحسن، اسسٹنٹ کمشنرسرائے عالمگیر ماریہ طارق، ڈپٹی دائریکٹر گیپکو محمد زاہد،ڈی ایس پی ذوالفقار حسین، ٹی ایم اومحمود اقبال گوندل، سماجی کارکن خادم علی خادم اور دیگر افسران نے شرکت کی۔ ڈی سی او نے کہا کہ گیپکو لوڈ شیڈنگ شیڈول سے بروقت ضلعی انتظامیہ، اسسٹنٹ کمشنرز، چیمبر آف کامرس اور میڈیا کو باخبر رکھے۔ انہوں نے ہدایت کی کہ واپڈا کے مراکز شکایات پر عوامی شکایات کا ازالہ یقینی بنایا جائے ، مراکز شکایات 24گھنٹے کھلے رکھیں جائیں نیز اگر کالز بہت زیادہ ہیں تو ان مراکز پر ٹیلی فون لائن ایک سے زیادہ کردی جائیں۔ ڈی سی او نے کہا کہ پنجاب حکومت کی ہدایات کے تحت بجلی چوری روکنے کے لئے ضلعی انتظامیہ بھر پور اقدامات کررہی ہے اور ابتک درجنوں افراد کو بجلی چوری کرتے پکڑ کر انکے خلاف مقدمات درج کرادیے گئے ہیں تاہم انہوں نے گیپکو افسران پر زور دیا کہ وہ بھی اس ضمن میں اپنی کارکردگی بہتر بنائیں، منظور شدہ لوڈ سے زائد استعمال کرنے والوں ، بجلی چوروں کے خلاف ایکشن لیاجائے۔ ڈی سی او نے تمام اسسٹنٹ کمشنر ز اور ٹی ایم اوز کو ہدایت کہ وہ اپنے علاقوں میں سی این جی اسٹیشنوں، پلازوں، میرج ہالز، ریستورانوں پر لگی آرائشی لائٹس ختم کرائیں ۔ انکے مالکان کو فوری نوٹس جاری کئے جائیں اور آرائشی لائٹس ختم نہ کرنے والوںکے میرج ہالز، سی این جی، پلازوں،میرج ہالز، ریستورانوں کو سیل کر دیا جائے۔ انہوں نے واضع کیا کہ آرائشی لائٹس چلانے سے کہیں زیادہ اپنی نئی نسل کو پڑھائی کے لئے روشنی فراہم کرنا ضروری ہے۔ آصف بلا ل لودھی نے اس عزم کا اظہار کیا کہ بجلی اور گیس چوروں کے خلاف کریک ڈائون جاری رہے گا اور ملوث افراد کو کیفر کردار تک پہنچانے کے لئے تمام وسائل بروئے کار لائے جائیںگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
GTFاور محافظ فورس کی تشکیل ڈی پی او گجرات کا نمایاں کارنامہ ہے:چوہدری عمر گجر
گجرا ت(جی پی آئی )ڈسٹرکٹ کو آرڈی نیٹر مصالحتی کمیٹیز چوہدری عمر گجر نے کہا ہے ڈ ی پی او گجرات سید علی ناصر رضوی نے تھوڑے عرصہ میں ضلع گجرات کا امن بحال کیا ہے مجموعی طورپر قتل و غارت ڈکیتی اور سنگین جرائم کی وارداتوں میں کمی آئی ہے انہوں نے کہا کہ ضلع گجرات میں GTFاور محافظ فورس کی تشکیل ڈی پی او گجرات کا نمایاں کارنامہ ہے جس سے سٹریٹ کرائم کا خاتمہ ہوا ہے اور چناب پل سے لیکر جہلم پل تک ضلع گجرات کی جی ٹی روڈ وارداتوں سے محفوظ ہو گئی ہے ہم ڈی پی او گجرات سیدعلی ناصر رضوی کو بہترین کارکردگی اور ضلع گجرات سے جرائم کے خاتمہ پر انہیں زبردست خراج تحسین پیش کرتے ہیں اور اپنے بھر پور تعاون کا یقین دلاتے ہیں۔
