گجرات کی خبریں 6.10.2013
Posted on October 7, 2013 By Geo Urdu گجرات
حضرت پیر میاں جمیل احمد نقشبندی شرقپوری 11 اکتوبر بروز جمعة المبارک بمقام جامعہ شہنشاہ ولایت میں منعقد ہو گی
گجرات (جی پی آئی) ماہانہ محفل پاک بسلسلہ اولیاء نقشبند برائے ایصال ثواب حضرت پیر میاں جمیل احمد نقشبندی شرقپوری 11 اکتوبر بروز جمعة المبارک بمقام جامعہ شہنشاہ ولایت میں منعقد ہو گی، جس کی صدارت صاحبزادہ پیر سید سعید احمد شاہ گجراتی ممبر اسلامی نظریاتی کونسل کرینگے، جبکہ مہمان خصوصی میں شہزاد شفیق نقشبندی، فیاض احمد سیٹھی، محمد افضل کپور، مہر عثمان عرف مسٹرشاری ہونگے، جبکہ نقابت کے فرائض عالمی نقیب محفل خاور بشیر بٹ کرینگے، منتظمین میں چوہدری عبدالوحید، منشی محمد صادق، قاری کرامت ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منہاج لائرز فورم کے زیر اہتمام عرفان القرآن کورس کی تکمیل پر تقسیم اسناد کی پر وقار تقریب گجرات بار کونسل ہال میں منعقد ہوئی
گجرات (جی پی آئی) منہاج لائرز فورم کے زیر اہتمام عرفان القرآن کورس کی تکمیل پر تقسیم اسناد کی پر وقار تقریب گجرات بار کونسل ہال میں منعقد ہوئی، جس کی صدارت صدر بار راجہ محمد حنیف ایڈووکیٹ نے کی، مہمان خصوصی ممتاز مذہبی سکالر علامہ پروفیسر مظہر حسین قادری تھے اس موقع پر سیکرٹری بار چوہدری یاسر مبارک، طاہر صادق بٹ سابق صدر بار صدر منہاس لائرز فورم ملک جنید کھوکھر ایڈووکیٹ سابق صدر منہاج لائرز فورم میاں زاہد سرفراز ایڈووکیٹ، سابق صدر لائرز فورم شہزاد اسلم مہر ایڈووکیٹ، شاہد میر، چوہدری فضل الٰہی ایڈووکیٹ، چوہدری غلام رسول ایڈووکیٹ، چوہدری ہمایوں غنی ایڈووکیٹ، میاں کرامت اللہ ایڈووکیٹ، مرزا نذیر احمد ایڈووکیٹ، میڈم سیدہ سلویٰ زہرہ ایڈووکیٹ، چوہدری رضوان اسلم وڑائچ ایڈووکیٹ، چوہدری محسن بشیر تارڑ، چوہدری فیاض الحسن ایڈووکیٹ، مرزا عثمان مسعود ایڈووکیٹ، رانا کاشف ایڈووکیٹ کے علاوہ دیگر معزز وکلاء کی کثیر تعداد تھی، مدرس عرفان القرآں کورس حافظ فیصل زمان ایڈووکیٹ نے کمپیئرنگ کی، خصوصی خطاب علامہ پروفیسر مظہر حسین قادری سٹی صدر نے کیا اورمنہاج لائرز فورم کے تحت عرفان القرآن کورس تکمیل کرنے والے خوش نصیب وکلاء کو اسناد دی گئیں، جس میں چوہدری فخر الزمان رانجھا ایڈووکیٹ، سمشہ ارشد ایڈووکیٹ نے پہلی پوزیشن حاصل کی، علامہ مظہر قادری نے عرفان القرآن کورس کے انعقاد میں کامیاب تمام کورس مکمل کرنے والے وکلاء کو مبارک باد دی اور بالخصوص حافظ فیصل زمان ایڈووکیٹ مدرس عرفان القرآن کورس کو خراج تحسین پیش کیا، محفل کے اختتام پر حاضرین کیلئے کھانے کا بھی اہتمام کیا گیا تھا، دعا خیر کے ساتھ محفل کا اختتام ہوا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صحافی ضیاء سید کو سچ نیوز چینل اور سائوتھ ایشین نیوز ایجنسی کا گجرات میں ڈسٹرکٹ رپورٹر مقرر کر دیا گیا ہے
گجرات ( جی پی آئی) صحافی ضیاء سید کو سچ نیوز چینل اور سائوتھ ایشین نیوز ایجنسی کا گجرات میں ڈسٹرکٹ رپورٹر مقرر کر دیا گیا ہے، انہوں نے اپنی صحافتی ذمہ داریاں سرانجام دینا شروع کر دی ہیں، سیاسی، سماجی اور صحافتی شخصیات نے ضیاء سید کو مبارک باد دی ہے، اور امید ظاہر کی ہے کہ وہ ہمیشہ کی طرح مثبت صحافت کے فروغ میں اپنی تمام تر صلاحتیں برئوے کار لائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پولیس تھانہ بی ڈویژن کے علاقہ سے نامعلوم چور لاکھوں روپے مالیت کی کمپیوٹر اور ایسسریز لے اڑے
گجرات (جی پی آئی) پولیس تھانہ بی ڈویژن کے علاقہ سے نامعلوم چور لاکھوں روپے مالیت کی کمپیوٹر اور ایسسریز لے اڑے، تفصیلات کے مطابق مدینہ طیبہ پلازہ میں واقع دوبئی کمپیوٹرز سے نامعلوم چور لیپ ٹاپ، کمپیوٹرز اور دیگر قیمتی اشیاء لے اڑے، پولیس تھانہ بی ڈویژن مصروف تفتیش ہے، اس موقع پر ممتاز سماجی شخصیت مہر شہباز نے واقعہ کی مذمت کی ہے اور مطالبہ کیا ہے کہ پولیس تھانہ بی ڈویژن ملزمان کو جلد از جلد گرفتار کرے اور کیفر کردار تک پہنچائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات پولیس کو فرانزک سائنس لیبارٹری کے بارے میں ملٹی میڈیا بریفنگ دی گئی
گجرات (جی پی آئی) گجرات پولیس کو فرانزک سائنس لیبارٹری کے بارے میں ملٹی میڈیا بریفنگ دی گئی تفصیلات کے مطابق گجرات پولیس کو پولیس لائن گجرات میں فرانزک سائنس لیبارٹری کے بارے میں ملٹی میڈیا کے ذریعے بریفنگ دی گئی۔ جس میں ضلع ہذا کے تما م ڈی ایس پی صاحبان اور انسپکٹر صاحبان نے شرکت کی۔ ڈی ایس پی لیگل اختر گوندل نے بریفنگ میں گجرات پولیس کو فرانزک سائنس لیبارٹری کے مختلف شعبوں کے بارے میں تفصیلی بریفنگ دی۔ اور بتایا کہ کس طرح تفتیش میں جدید سائنسی تکنیکس کو استعمال کرتے ہوئے مجرمان کی سراغ رسانی میں مد د حاصل کی جاسکتی ہے۔ بریفنگ میں گجرات پولیس کو کرائم سین سے شواہد اکٹھے کرنے،فنگر پرنٹ اٹھانے ،DNAکے نمونے حاصل کرنے اور کرائم سین کا بغور مشاہد ہ کرنے کے بارے میں تفصیل سے بتایا اور ڈیمو دیا۔ ڈی ایس پی لیگل نے بتایا کہ تفتیش میں فرانزک سائنس لیبارٹری سے مدد حاصل کر کے مقدمات کو بروقت یکسو کیا جاسکتا ہے۔
