گجرات کی خبریں 7.10.2013
Posted on October 8, 2013 By Geo Urdu گجرات
عیدالاضحی کی آمد آمد ہے اور قربانی کے جانوروں کی منڈیاں بھی ضلع بھر میں سج گئی
گجرات (جی پی آئی) عیدالاضحی کی آمد آمد ہے اورقربانی کے جانوروں کی منڈیاں بھی ضلع بھر میں سج گئی ہیں قربانی کے جانوروں کی قیمتیں آسمانوں سے باتیں کر رہی ہیں 25 ہزار روپے سے لیکر 2 لاکھ روپے تک کے جانور منڈی میں دستیاب ہیں عام آدمی جو کہ قربانی دینے کا خواہشمند ہے کا بجٹ مہنگائی نے خراب کر کے رکھ دیا ہے اور وہ دس سے پندرہ ہزار روپے تک کا جانور خرید سکتاہے منڈی مویشیاں میں گاہکوں کی آمد نہ ہونے کے برابر ہے مہنگائی سے جہاں پر تمام طبقہ بری طرح متاثر ہوا ہے وہاں پر منڈی مویشیاں میں جانور لیکر آئے بیوپاری بھی سخت پریشان ہیں ان کا کہنا ہے کہ چارہ انتہائی مہنگا ہو چکا ہے اور حکومت کو مختلف ٹیکس بھی دینے پڑتے ہیں اور زیادہ ترجانور پاکستان سے سمگل کئے جاتے ہیں جس کی وجہ سے جانوروں کی قیمتوں میں اضافہ کرنا پڑتاہے اور گاہک کی پہنچ سے جانور باہر ہیں لہٰذا حکومت کو چاہئے کہ وہ ملک سے سمگل ہونے والے جانوروں کی اسمگلنگ کو روکے تاکہ عام آدمی کو فائدہ حاصل ہو اور عیدالاضحی پر قربانی دے سکے ضلع گجرات میں بیس سے زائد منڈیاں لگائی گئی ہیں اور ضلعی حکومت نے اس کے لئے مقامات مقرر کئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عیدالاضحی کی آمد کے موقع پر تمام سرکاری محکموں کے ملازمین اور افسران نے عیدی مہم شروع کر دی ہے
گجرات (جی پی آئی) عیدالاضحی کی آمد کے موقع پر تمام سرکاری محکموں کے ملازمین اور افسران نے عیدی مہم شروع کر دی ہے جس کی وجہ سے سائلین کو شدید مشکلات کا سامنا کرنا پڑ رہا ہے ایک جانب ملک بھر میں مہنگائی کا سیلاب امنڈ آیا ہے دوسری جانب لوڈ شیڈنگ کی وجہ سے سرکاری دفاتر میں پہلے ہی کوئی کام نہیں ہو رہے اور سرکاری ملازمین اور افسران ہیں کہ عوام کو مجبور کرتے ہیں کہ کچھ دو گے تو کام ہو گاورنہ انتظار کرنا پڑے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹی ایم اے گجرات کی غفلت کی وجہ سے شہر میں مختلف مقامات پر گندگی کے انبار لگ گئے
گجرات (جی پی آئی) ٹی ایم اے گجرات کی غفلت کی وجہ سے شہر میں مختلف مقامات پر گندگی کے انبار لگ گئے، عوام کے مسائل میں اضافہ ہو گیا، ٹی ایم اے کا عملہ کئی کئی دن صفائی کیلئے نہیں آتا، یونین کونسل 49 کی سیاسی، سماجی شخصیات نے ٹی ایم اے گجرات سے مطالبہ کیا ہے کہ نیو فرنیچر مارکیٹ اور اس سے ملحقہ علاقوں کا از خود دورہ کریں اور صفائی کے نظام کو بہتر بنانے کیلئے اقدامات عمل میں لائے جائیں، ٹی ایم اے کا عملہ تو بلکل کوئی کام نہیں کر رہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سرگودھا روڈ پر قائم ہونے والی بکرا منڈی کی وجہ سے ریلوے پھاٹک میں گندگی کے انبار لگ گئے
گجرات (جی پی آئی) سرگودھا روڈ پر قائم ہونے والی بکرا منڈی کی وجہ سے ریلوے پھاٹک میں گندگی کے انبار لگ گئے، ریلوے لائن کیساتھ ساتھ گندگی کی وجہ سے کئی بیماریاں پھیلنے کا خدشہ پیدا ہو گیا ہے، فوری طور پر صفائی کے انتظامات بہتر بنانے کی ضرورت ہے، ڈی سی او گجرات ریلوے اسٹیشن اور اس کے اردگرد کے علاقوں میں سپرے کروائے تا کہ بکرا منڈی کی وجہ سے کوئی بیماریاں نہ پھیل سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامعہ حنفیہ تعلیم القرآن بھیرووال تحصیل پھالیہ کے زیر اہتمام چودھویں سالانہ دستار فضیلت و دستار بندی کانفرنس
گجرات (جی پی آئی) جامعہ حنفیہ تعلیم القرآن بھیرووال تحصیل پھالیہ کے زیر اہتمام چودھویں سالانہ دستار فضیلت و دستار بندی کانفرنس 9 اکتوبر بروز بدھ بعد نماز مغرب جامع مسجد صدیق اکبر المعروف مہاجرین بھیرووال میں بڑی شان و شوکت کے ساتھ منعقد ہو رہی ہے جمعیة اشاعت توحید و سنت پاکستان کے مرکزی قائدین پیر طریقت مولانا سید ضیاء اللہ شاہ بخاری مرکزی ناظم اعلیٰ خطیب دلپسند علامہ سجاد الرحمن نواسہ شیخ القرآن علامہ آغا شاکر محمود راولپنڈی خطاب کرینگے جبکہ مقامی علماء کرام نعت خواں حضرات بھی بیان و حمد و نعت پیش کرینگے مولانا قاری اعجاز احمد فاروقی کی زیر نگرانی کانفرنس کے انتظامات کو حتمی شکل دے دی گئی ہے گجرات سے قافلہ حضرت پیر بخاری کے ہمراہ روانہ ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وام کے متفیقہ فیصلے سے uc55 سے بلدیاتی الیکشن لڑنے کا اعلان کر دیا
گجرات (جی پی آئی) ممتاز سیاسی وسماجی شخصیت سابقہ کونسلر uc-55مولوی خلیل الرحمن نے uc55 کی عوام کے متفیقہ فیصلے سے uc55 سے بلدیاتی الیکشن لڑنے کا اعلان کر دیا مولوی خلیل الرحمن نے اپنے ایک بیان میں کہا کے مجھے اپنی برادری سمیت uc-55 کی عوام کی بھرپور حمایت حاصل ہے مزیدانہوں نے کہا کے مجھے کسی پاڑٹی کی طرف سے ٹکٹ ملے یا نہ ملے میں آزاد حیثیت سے بھی الیکشن میں حصہ لو گا اور انشااللہ uc-55 سے بھاری اکثریت سے جیت کر دیکھائوں گا تفصیلات کے مطابق مولوی خلیل الرحمن uc55 سے تین بار بھای اکثریت سے بلدیاتی الیکشن جیت چکے ہے حلقہ کی عوام نے کہا ہے کہ مولوی خلیل الرحمن ہی وہ شخص ہے جواپنی یونین کے مسائل حال کر سکتے ہے جوکہ حلقہ کی عوام کے ہر وقت شانہ بشانہ ساتھ ہوتے ہیں اور عوام کی ہر خوشی وغمی میں برابر کے شریک ہوتے ہیں اگرہر یونین میں اسے مخلص اور سادا انسان موجود ہو تو عوام کو کسی قسیم کے مسائل پیش نہ ہو۔
وزیراعلٰی پنجاب محمد شھباز شریف نواحی گاؤں موھلہ لنگڑیال میں انسانی سمگلر کے ھاتھوں قتل ہونے والے محمد قدیر کی والدہ کو دلاسہ دے رھے ہیں
ڈسٹرکٹ چیئرمین عمر گجر، سرگودھا کے تاجر شیخ طارق کے والد کی وفات پر ان سے اظھار تعزیت و فاتحہ خوانی کر رھے ہیں
