دی ایجوکیٹرز بارہ دری کیمپس میں جشن آزادی کے سلسلہ میں تیاریاں مکمل
گجرات (جی پی آئی) دی ایجوکیٹرز بارہ دری کیمپس میں جشن آزادی کے سلسلہ میں تیاریاں مکمل۔ 13 اگست کو 14اگست شروع ہوتے ہی رات بارہ بجے چراغاں کیا گیا۔ جبکہ صبح نماز فجر کے وقت 21 گولوں کیساتھ پرچم کو سلامی پیش کی گئی۔ آج دن کے وقت ڈی سی او گجرات لیاقت علی چٹھہ اور ایم پی اے حاجی عمران ظفر خوبصورت تصویری گیلری کا افتتاح کریں گے۔ گجرات کی تاریخ میں پہلی مرتبہ مشاہیر تحریک پاکستان کا تصاویر و تعارفی گیلری بنائی گئی ہے۔ جس میں قائد اعظم سے لیکر تحریک پاکستان کے تمام کارکنوں کا مختصر تعارف پیش کیا گیا۔ بچوں کو تحریک پاکستان کے اغراض و مقاصد سے آگاہ کرنے کے لئے شاندار کوشش کی گئی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ صدر سٹیزن فرنٹ ضلع گجرات چوہدری علی ابرار جوڑا نے کہا ہے کہ 14 اگست تجدید عہد کا دن ہے گجرات(جی پی آئی) صدر سٹیزن فرنٹ ضلع گجرات چوہدری علی ابرار جوڑا نے کہا ہے کہ 14 اگست تجدید عہد کا دن ہے جس دن ہمارے قائد محمد علی جناح نے ہمیں خوبصورت آزاد وطن کا تحفہ دیا۔ ان کی شبانہ روز کوششوں سے یہ وطن معرض وجود میں آیا۔ ہمیں اس بات کی تجدید کرنی ہے کہ ہم اس وقت کی سلامتی و ترقی کے سلسلہ میں تمام تر قربانیاں دیں گے۔ اور ملک کے تحفظ کو یقینی بنائیں گے۔ انہوں نے کہا کہ سٹیزن فرنٹ ملک میں افرتفری کے خاتمہ کیلئے جدوجہد کرنا چاہتی ہے۔ ہمارے تمام ممبران نظریاتی وابستگیوں سے بالاتر ہو کر کام کر رہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سٹیزن فرنٹ سٹی گجرات کے صدر شیخ عرفان پرویز نے کہا ہے کہ 14 اگست کا دن ہمارے لئے تجدید عہد کا دن ہے
گجرات(جی پی آئی) سٹیزن فرنٹ سٹی گجرات کے صدر شیخ عرفان پرویز نے کہا ہے کہ 14 اگست کا دن ہمارے لئے تجدید عہد کا دن ہے ۔ آج کے دن ہم اس پاک سر زمین کے تحفظ کا عہد کرتے ہیں ۔ اور ہم اپنی تمام تر صلاحیتیں اس وطن عزیز کی ترقی و استحکام کیلئے صرف کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ممتاز مذہبی شخصیت صاحبزادہ پیر سید آل احمد شاہ زیب سجادہ نشین آستانہ عالیہ سوہدرہ شریف گجرات(جی پی آئی) ممتاز مذہبی شخصیت صاحبزادہ پیر سید آل احمد شاہ زیب سجادہ نشین آستانہ عالیہ سوہدرہ شریف نے کہا ہے کہ میں پاکستان کی اٹھارہ کروڑ عوام سے اپیل کرتا ہوں کہ پاکستان کے روشن مستقبل کی خاطر جو کوششیں شیخ السلام ڈاکٹر محمد طاہر القادری کر رہے ہیں انہیں کامیاب بنانے کیلئے ہمیں اپنے گھروں سے نکلنا ہے۔ اور ان کی ہر آواز پر لبیک کہنا ہے۔ انہوں نے کہا کہ جو قوتیں ڈاکٹر محمد طاہر القادری کے خلاف برسر پیکار ہیں وہ ناکام ہوں گی کیوں کہ ڈاکٹر محمد طاہر القادری عشق محمد ۖ کے مشن پر لبیک کہتے ہوئے میدان میں آئے اور ہم پاکستانی بلا تفریق ان کے ساتھ کام کر رہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ممتاز کاروباری شخصیت و سٹوڈنٹس لیڈر حمزہ شہباز سیٹھی نے کہا ہے
گجرات(جی پی آئی) ممتاز کاروباری شخصیت و سٹوڈنٹس لیڈر حمزہ شہباز سیٹھی نے کہا ہے کہ یوم پاکستان کے موقع پر پوری قوم کو اس بات کا عہد کرنا ہے کہ وہ استحکام پاکستان کے لئے کام کریں گے اور پاکستان کو ایک مضبوط ترین مملکت کی شکل میں سامنے لائیں گے اور دشمن قوتوں کو شکست فاش سے دو چارکریں گے۔ حمزہ سیٹھی نے کہا کہ موجودہ دور میں ہمیں آپس کے اختلافات کو بالاتر رکھتے ہوئے کام کرنا ہو گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ممتاز شیعہ راہنما صدر شیعہ علماء کونسل سید الطاف عباس کاظمی نے پوری پاکستانی قوم کو جشن آزادی کے موقع پر مبارکباد پیش کی ہے
گجرات(جی پی آئی) ممتاز شیعہ راہنما صدر شیعہ علماء کونسل سید الطاف عباس کاظمی نے پوری پاکستانی قوم کو جشن آزادی کے موقع پر مبارکباد پیش کی ہے۔ اور کہا ہے کہ آج وقت ہے کہ ہمیں اتحاد و یگانگت کا مظاہرہ کرتے ہوئے استحکام پاکستان کیلئے یکجا ہو کر کام کرنا ہو گا۔ انہوں نے کہا کہ پاکستان ہے تو ہم سب ہیں ۔ اس وطن کی حفاظت کیلئے ہم سب کو ملک کر کام کرنا ہے۔ شیعہ کمیونٹی پہلے ہی استحکام پاکستان کیلئے قربانیاں دے رہی ہے اور آئندہ بھی استحکام پاکستان کیلئے قربانیاں دیتی رہے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات میں بھی ملک بھر کی طرح یوم آزادی کے موقع پر عوامی تحریک اور تحریک انصاف کی طرف سے ہونے والے مارچ کو روکنے کیلئے حکومت کوششیں کر رہی ہے
گجرات(جی پی آئی) گجرات میں بھی ملک بھر کی طرح یوم آزادی کے موقع پر عوامی تحریک اور تحریک انصاف کی طرف سے ہونے والے مارچ کو روکنے کیلئے حکومت کوششیں کر رہی ہے۔ پولیس نے مختلف مقامات پر چھاپے مار کر سینکڑوں کارکنوں کو گرفتار کر لیا ہے۔ بعض کارکنوں کو نا معلوم مقامات پر منتقل کر دیا گیا ہے جس سے لوگوں میں خوف و ہراس پایا جاتا ہے۔ دوسری طرف مسلم لیگ ق’ تحریک انصاف اور عوامی تحریک سمیت دیگر جماعتوں کے راہنمائوں کا کہنا ہے کہ وہ لانگ مارچ کو بھرپور طریقہ سے کامیاب بنائیں گے۔ اور حکومت کو شکست فاش دیںگے۔ دریں اثناء پولیس نے مختلف گلیوں میں کنٹینرز والی گاڑیاں کھڑی کر رکھی ہیں تاکہ بوقت ضرورت ان کنٹینرز کو سڑکوں پر کھڑا کیا جا سکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ یوم آزادی ہمارے لیے تجدید عہد کا دن ہے ۔ یوم آزادی ہمیں یاد دلاتا ہے
گجرات(جی پی آئی) یوم آزادی ہمارے لیے تجدید عہد کا دن ہے ۔ یوم آزادی ہمیں یاد دلاتا ہے کہ ہم ایک بار پھر سے پاکستان کو حکیم الامت علامہ اقبال کے خوابوں اور قائداعظم محمد علی جناح کی تمنائوں کے مطابق تشکیل دینے کے لیے اپنی کمر کس لیں۔ اس وقت ہم تاریخ کے دوراہے پر کھڑے ہیں جہاں ہمیں بحیثیت قوم اپنی بقا کا فیصلہ کرنا ہے ۔ پاکستان کا قیام ہزار ہا قربانیوںکے نتیجہ میں عمل میں آیا۔ وطن عزیز پاکستان کی بقا ہماری قومی سلامتی اور بقا کی ضامن ہے ۔ کسی بھی قوم کے لیے اپنے مادر وطن کی آزادی ہمیشہ خوش خبری کی پیامبر ہوتی ہے ۔ حقیقی معنوں میں وہی قومیں آزادی کی خوشیوں سے بہرہ ور ہو سکتی ہیں جو تعلیمی ، معاشی ، سماجی اور تہذیبی حوالوں سے مستحکم ہوں۔ میں پاکستان کے 67 ویں یوم آزادی کے مبارک موقع پر یونیورسٹی آف گجرات کی تمام انتظامیہ اور اساتذہ کی جانب سے تمام قوم کو مبارکباد پیش کرتا ہوں۔ جامعہ گجرات کی تمام انتظامیہ و اساتذہ اس مبارک موقع پر دعا گو ہیں کہ خدائے بزرگ و برتر صحیح معنوں میں پاکستان کو استحکام عطا فرمائے۔ میری دعا ہے کہ ہمارے طلباء و طالبات تعلیم کے میدانوں میں اوج ثریا کو چھوئیں اور ان کے کارناموں کی بدولت پاکستان کا نام تمام دنیا میں سر بلند ہو ۔ ان خیالات کا اظہار یونیورسٹی آف گجرات کے وائس چانسلر پروفیسر ڈاکٹر محمد نظام الدین نے یوم آزادی کے موقع پر جامعہ گجرات میں جشن آزادی کے حوالہ سے کئے جانے والے انتظامات کا جائزہ لیتے ہوئے اپنی گفتگو کے دوران کیا ۔ اس موقع پر جامعہ گجرات کی سینئر انتظامیہ کے اراکین، شعبہ جات کے صدور ، اساتذہ اور طلباء و طالبات کے نمائندگان موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈی سی او لیاقت علی چٹھہ نے کہا ہے کہ طلبہ ملک کا مستقبل ہیں حکومت انہیں تعلیم و تربیت کے بہترین مواقع
گجرات(جی پی آئی) ڈی سی او لیاقت علی چٹھہ نے کہا ہے کہ طلبہ ملک کا مستقبل ہیں حکومت انہیں تعلیم و تربیت کے بہترین مواقع فراہم کر رہی ہے تاکہ وہ بڑے ہو کر کامیابی سے وطن عزیز کی بھاگ ڈور سنبھال سکیں۔ ان خیالات کا اظہارانہوںنے یوم آزادی کے حوالے سے محکمہ تعلیم کے زیر اہتمام سکاوٹس شو اور سیمنار سے خطاب کرتے ہوئے کیا۔ ایم پی اے حاجی عمران ظفر، ایم پی اے میجر (ر)معین نواز،سابق ایم پی اے حاجی ناصر محمود ، ای ڈی او ایجوکیشن کاشف طاہر، ڈی او زنانہ مسز رفعت النساء ، پی ایس او ندیم بٹ و دیگر بھی اس موقع پر موجود تھے۔ سکاوٹس شو کے موقع پر طلبا نے اپنی صلاحتیوں کا شاندار مظاہر ہ کیا اور حاضرین سے خوب داد سمیٹی۔ ڈی سی او لیاقت علی چٹھہ نے کہا کہ آج کے طالب علم مستقبل کے معمار ہیں حکومت پنجاب نے ان طلبا کی صلاحیتوں کو نکھارنے کے لئے ایجوکیشن سیکٹر میں انقلابی اقداما ت اٹھائے ہیں جن میں ہونہار طلبہ میں میرٹ کی بنیا د پر لیپ ٹاپس کی تقسیم، سولر لیمپس کی فراہمی، پنجاب ایجوکیشن فاونڈیشن کے زیر اہتمام سکالر شپس، دانش سکولوں کا قیام ، سرکاری سکولوںمیں کمپوٹر لیبز کا قیام، عدم دستیاب سہولتوںکی فراہمی جیسے اقدامات شامل ہیں۔ انہوںنے طلبہ پر زور دیا کہ وہ اپنی تعلیم پر بھر پور توجہ دیں اور خود وطن عزیز کو قائد اعظم اور علامہ اقبال کے خوابوں کی عملی تعبیر بنانے کے لئے اپنا عملی کردار ادا کریں۔ ایم پی اے میجر (ر)معین نواز ،ایم پی اے حاجی عمران ظفراورسابق ایم پی اے حاجی ناصر محمود نے اس موقع پر اظہار خیال کرتے ہوئے کہا کہ وزیر اعلی پنجاب میاں شہباز شریف کی حکومت نے اپنی انقلابی پالیسوں اور گڈ گورنس کے ذریعے ترقی کی شاہراہ پر گامزن کر دیا ہے۔ انہوںنے کہاکہ صوبے میں سرکاری تعلیمی اداروں کے لئے سالانہ اربوں روپے کے فنڈز مختص کئے جا تے ہیں تاکہ ان اداروں میں بہتر سہولیات کی فراہمی ممکن بنائی جا سکے جبکہ اساتذہ کی کمی پر قابو پانے کیلئے میرٹ پر ہزاروں اساتذہ کا تقرر کیا گیا ہے۔ اس سے قبل ای ڈی او ایجوکیشن کاشف طاہر نے اظہار خیال کیا اور سکاوٹس شو اور ایجوکیشن سمینار کے حوالے سے مہمانان خصوصی کو بریفنگ دی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈی سی او لیاقت علی چٹھہ یوم آزادی کے موقع پر آج ضلع کونسل ہال گجرات میں صبح سات بجکر پچپن منٹ پر پرچم کشائی کریں گے
گجرات(جی پی آئی) ڈی سی او لیاقت علی چٹھہ یوم آزادی کے موقع پر آج ضلع کونسل ہال گجرات میں صبح سات بجکر پچپن منٹ پر پرچم کشائی کریں گے۔ ارکان اسمبلی، سرکاری افسران اور سول سوسائٹی کے افراد بھی تقریب میں شرکت کریں گے۔ اسی نوعیت کی تقریبات پرچم کشائی ضلع کے تمام تحصیل ہیڈکوارٹرز اور بلدیہ دفاتر میں بھی ہوں گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بین الاقوامی سطح پر اپنی برانچوں کا مضبوط نیٹ ورک رکوھنے اور برطانیہ کیمبرج یونیورسٹی سے الحاق یافتہ پاکستان
گجرات(جی پی آئی) بین الاقوامی سطح پر اپنی برانچوں کا مضبوط نیٹ ورک رکوھنے اور برطانیہ کیمبرج یونیورسٹی سے الحاق یافتہ پاکستان کا صف ِ اول کا معیاری سکول سسٹم بیکن ہائوس سکول سسٹم گجرات کیمپس کے حسب ِ روایت بھی امتحانی نتائج شاندار رہے ۔بیکن ہائوس سکول سسٹم جو کہ اندرون و بیرون ملک اپنی برانچوں کا مضبوط نیٹ ورک رکھتا ہے اور تعلیم کے میدان میں اپنے معیار اور تربیت کے حوالے سے پاکستان میں تعلیم کے میدان میں اپنا کوئی ثانی نہیں رکھتا ،بیکن ہائوس سکول سسٹم گجرات کیمپس نے سالانہ امتحانات 2014ء BSSمیں تاریخی اور مثالی نتائج دیے ،سکول کے ہونہار طلباء و طالبات جن میں امامتہ البراخاں نے 10Asلیکر سکول بھر میں پہلی محمد قہباد نے 8asلیکر دوسری طاہر محمود نے 8asلیکر تیسری سید شاہ زبیر علی نے 7as للیکر چوتھی مشعل گیلانی نے 7asلیکر پانچویں اقراء ولایت نے 7asلیکر چھٹی عبداللہ یونس نے 6asلیکر ساتویں محمد دائود نے 6as لیکرآٹھویں عمائمہ گل نے 5asلیکر نویں جبکہ اسامہ بن اشرف نے 5asلیکر دسویں پوزیشن حاصل کی بیکن سکول سسٹم گجرات کیمپس کے سینئر ٹیچر محمد وسیم صابری نے نتائج کے حوالے سے گفتگو کرتے ہوئے میڈیا کے نمائندوں کو بتایا کہ ہمارے کیمپس نے کیمبرج یونیورسٹی کے سالانہ امتحان میں 27طلباء و طالبات نے73Aگریڈ اور 88نے بی گریڈ حاصل کیا ۔جوکہ گجرات میں تعلیم کے میدان میں ایک ریکارڈ ہے بیکن ہائوس سکول سسٹم پاکستان کا واحد تعلیمی نیٹ ورک ہے جوکہ نہ صرف اندرون ملک بلکہ بیرون ملک میں بھی اپنی برانچوں کا وسیع اور مضبوط نیٹ ورک رکھتا ہے ہم نے بچوں کی تعلیم و تربیت پر کمپرومائز نہ کیا ہے بیکن سکول سسٹم میں بچوں کو ان کے مقامی رسم و رواج کلچر اور مذہب کے مطابق انٹرنیشنل اصولوں و طریقوں کے مطابق تعلیم دی جاتی ہے یہی وجہ ہے بیکن سکول سسٹم میں پڑھنے والے بچے دنیا بھر میں عملی زندگی میں جہاں بھی جائیں انہیں کوئی مشکل پیش نہیں آئی اور وہ ہر جگہ پر آسانی کیساتھ ایڈجسٹ ہوجاتے ہیں ،اس موقع پر سکول کی ہیڈ پرنسپل مسز فائزہ شریف نے اپنی گفتگو میں کہا کہ میں اپنے کیمپس کے شاندار اور تاریخی نتائج پر بہت خو ش ہوں ۔یہ سب میرے سٹاف کی محنت اور اللہ تعالیٰ کے فضل و کرم سے ممکن ہوا ،میں ان شاندار تاریخی نتائج پر اللہ کے حضور سجدہ شکر بجا لاتی ہوتی ۔بیکن سکول سسٹم گجرات کیمپس نے ہمیشہ تاریخی اور مثالی نتائج دیے ہیں یہی وجہ ہے کہ والدین اپنے بچوں کو اعلیٰ اور معیاری تعلیم دلوانے اور ان کے بہتر مستقل کیلئے بیکن سکول سسٹم کا ہی انتخاب کرتے ہیں بیکن سکول سسٹم نے والدین کے اعتماد کی وجہ سے گجرات ہسپتال بھمبر روڈ کے بالمقابل چھوٹے بچوں کیلئے علیحدہ برانچ کا آغا زکیا ہے ۔جس میں داخلے جاری ہیں میری والدین سے گزارش ہے کہ اپنے بچوں کو بین الاقوامی معیارکے اس سکول سسٹم کی برانچ میں داخل کروائیں تاکہ اُن کو اچھی بنیاد مل سکے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ آعوانہ کی ممتاز سیاسی و سماجی شخصیات چوہدری محمد اعظم آعوانہ کے پوتے
گجرات(جی پی آئی) آعوانہ کی ممتاز سیاسی و سماجی شخصیات چوہدری محمد اعظم آعوانہ کے پوتے ،چوہدری محمد اختر آعوانہ کے صاحبزادے اور چوہدری جاوید آعوانہ ،چوہدری مظہر اقبال آعوانہ کے بھانجے چوہدری احتشام اختر کی پروقار دعوت ِ ولیمہ کا اہتمام گزشتہ روز سفینہ میرج ہال میں ہوا ۔معزز مہمانوں کا استقبال چوہدری محمد اعظم نے کیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈی پی او گجرات رائے اعجاز احمد نے سید صغیر شاہ کو ایس ایچ او سرائے عالمگیر تعینات کردیا ہے
گجرات(جی پی آئی)ڈی پی او گجرات رائے اعجاز احمد نے سید صغیر شاہ کو ایس ایچ او سرائے عالمگیر تعینات کردیا ہے۔ جبکہ رائے فیاض کو معطل کر کے لائن حاضر کردیاہے،صغیر شاہ نے بطور انچارج سرائے عالمگیر چارج سنبھال کر کا شروع کر دیاہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تھانہ اے ڈویژن نے محلہ چاکھولے میں چھاپہ مار کر پی ٹی آئی کے تین کارکن گرفتار کر لیے۔بتایا گیا ہے
گجرات(جی پی آئی)تھانہ اے ڈویژن نے محلہ چاکھولے میں چھاپہ مار کر پی ٹی آئی کے تین کارکن گرفتار کر لیے۔بتایا گیا ہے کہ تھانہ اے ڈوثیزن کے ایس ایچ او ساجد سوہل نے محلہ چا کھولے میں چھاپہ مارکر پی ٹی آئی کارکن کاکا نائی اور دو ورکر کو گرفتار کرکے جیل بھیج دیا ہے اور پولیس دیگر کی گرفتاری کے لیے چھاپے مارہی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کوٹلہ ارب علی خان پولیس نے موبائل چور گرفتار کر لیابتایا گیا ہے
گجرات(جی پی آئی)کوٹلہ ارب علی خان پولیس نے موبائل چور گرفتار کر لیابتایا گیا ہے کہ ککرالی پولیس نے ایک موبائل چورعلی احمد کو گرفتار کر کے اس کے قبضہ سے درجنوں موبائل برآمد کر کے تفیتش شروع کر دی ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ کے گاوئں شیخو چک میں سابقہ دشمنی کی بنا پر مخالفین نے فائرنگ کر کے 21سالہ نوجوان کو قتل کر دیا
گجرات(جی پی آئی)ڈنگہ کے گاوئں شیخو چک میں سابقہ دشمنی کی بنا پر مخالفین نے فائرنگ کر کے 21سالہ نوجوان کو قتل کر دیا ۔پولیس نے مقدمہ درج کر لیا ہے ۔تھانہ ڈنگہ کے نواحی گاوئں شیخو چک میںسابقہ رنجش پر ملزمان باسط،رضوان ،اورنواست نے اپنے ہی گاوں کے رہائشی 21محسن ولد نثار احمدکو فائرنگ کر کے موت کے گھاٹ اتاردیا اور فرار ہو گئے۔پولیس نے مقتول کے والد نثار احمد کی رپورٹ پر ملزمان کے خلاف مقدمہ درج کر لیاہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات شہر اور گردونواح کے علاقوں میںگیس ریلفنگ اور ڈبہ پیٹرول کا دھندا عروج پر، کوئی پوچھنے والا نہیں،
گجرات(جی پی آئی)گجرات شہر اور گردونواح کے علاقوں میںگیس ریلفنگ اور ڈبہ پیٹرول کا دھندا عروج پر، کوئی پوچھنے والا نہیں، انتظامیہ اور سول ڈیفنس نے اپنی آنکھیں موند لیں۔ سپریم کورٹ کے واضع احکامات کی دھجیاں آڑائی جا رہی ہیں۔ گجرات کی اہم شاہراہوں اور گنجان آباد علاقوں کے علاوہ ، دیہاتوں میںخطرناک دھندا دھڑلے سے ہو رہا ہے، کالو پورہ روڈ محلہ رحمت آباد اور جناح روڈ ، سرگودھا روڈ، شاہجہانگیر روڈ، سٹاف گلہ، شاہین چوک، عثمان پورہ، فروٹ منڈی روڈ، چک سادہ، شیخ پور، ریلوے روڈ، رامتلائی روڈ، لاری اڈا ٹائر مارکیٹ، محلہ غریب پورہ، حسن چوک ، سادیوال روڈ،کے علاوہ دیگرکیںعلاقے شامل ہیںجہاں پر گیس ریفلنگ اور کھلے پیٹرول کی فروخت دھڑلے سے جاری ہے، کوئی پوچھنے والا نہیں، شہر کی گنجان آباد آبادی میں موت کا کھیل کھیلاجارہا ہے۔آئین شاہدین کے مطابق پولیس افسران اور ملازمین کا گزر بھی یہیں سے ہوتا ہے لیکن وہ مفت پیٹرول ڈلوا کر اپنی آنکھیں بن لیتے ہیں۔ محکمہ سول ڈیفنس کا عملہ صرف تنخواہ لینے پر اتفاق کرتا ہے ، اگر خدانخواستہ کوئی اور سانحہ منگووال رونما ہوا تو اُس کی تمام تر ذمہ داری سول ڈیفنس انتظامیہ پر ہو گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات شہر میں جشن آزدی کی تیاریاں عروج پر پہنچ گیں۔شہر بھر کی تمام سرکاری عمارتوں کو خوبصورت لائیٹوں سے سجادیا گیا ہے
گجرات(جی پی آئی)گجرات شہر میں جشن آزدی کی تیاریاں عروج پر پہنچ گیں۔شہر بھر کی تمام سرکاری عمارتوں کو خوبصورت لائیٹوں سے سجادیا گیا ہے ۔اور ان پر سبز ہلالی پرچم بھی لہرادیئے گے ہیں ۔ڈی سی او گجرات لیاقت علی آج صبح 8بجے ضلع کونسل ہال گجرات میں پرچم کشائی کریں گئے۔علاوہ ازیں گجرات شہر کو بھی جگہ جگہ خوبصورت جھنڈوں اور جھنڈیوں سے سجا دیا گیا ہے۔ڈی سی او گجرات ڈسڑکٹ جیل میں قیدیوں میں مٹھائی بھی تقسیم کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پا کستا ن تحر یک ا نصا ف کے آزادی ما رچ اور عو امی تحر یک کے انقلا ب ما رچ کی میزبا نی گجرات میں چو ہدری بر ادرن کر ینگے ما رچ کے شر کا ء کا گجرات
گجرات(جی پی آئی)پا کستا ن تحر یک ا نصا ف کے آزادی ما رچ اور عو امی تحر یک کے انقلا ب ما رچ کی میزبا نی گجرات میں چو ہدری بر ادرن کر ینگے ما رچ کے شر کا ء کا گجرات پہنچے پر شا ندار استقبا ل کیا جا ئیگا اور انکی تو ا ضح بر یا نی جو سز اور ٹھنڈے پا نی سے کی جا ئے گی مسلم لیگ( ق)گجرات کے تر جمان نے بتا یا ہے کہ چوہدری شجا عت حسین ،چو ہدری پرو یز الہیٰ ،چو ہد ری و جا ہت حسین چو ہدری شفاعت حسین کی طرف سے کھانا دیا جائیگا علاوہ ازیں دونوں جماعتوں کے اکابرین گجرات آئینگے اس سلسلہ میں سکیورٹی کے انتظامات پولیس کیلئے چیلنج ہے جی ٹی ایس چوک میں لانگ مارچ کے شرکاء کو استقبالیہ دیا جائیگا تاہم ابھی تک انتظامیہ نے بتایا ہے کہ اس جگہ کیلئے کسی جماعت نے اجازت نامہ نہ لیا ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ محکمہ پوسٹ آفس کے مشہور فراڈ کیس جو کہ بر چھ بسویا تحصیل کھاریاں میں ہوا تھا میں ناجائز طور پر ملوث کیے گجرات(جی پی آئی)محکمہ پوسٹ آفس کے مشہور فراڈ کیس جو کہ بر چھ بسویا تحصیل کھاریاں میں ہوا تھا میں ناجائز طور پر ملوث کیے جانے والا ڈپٹی پوسٹماسٹر سیونگ گجرات جی پی او غلام رسول کو محکمہ نے باعزت بری کر دیا اور انہیں نوکری پر بحال کر دیا گیا ہے تفصیلات کے مطا بق گجرات پوسٹل یونٹ موضع برچھ بسویا میں 2011 میں سیونگ بینک کے شعبہ میں آٹھ کروڑ کافراڈ ہوا تھا جس میں محکمہ نے غلام رسول کے خلاف ایف آئی آر بھی درج کرادی تھی اور انہیں معطل کر دیا گیا تھا کیس کو ڈپٹی پوسٹماسٹر جنرل لاہور سرکل کے شعیب علی جعفری نے سنا اور غلام رسول کے موقف سے اتفاق کرتے ہوئے اسے باعزت بری کرتے ہوئے اپنی نوکری پر بحال کر دیا ہے محکمہ پوسٹ آفس کے نے ڈپٹی پوسٹماسٹر جنرل شعیب احمد جعفری’ ڈپٹی پوسٹماسٹر جنرل سیالکوٹ ریجن کا شکریہ ادا کیا اور کہا کہ فتح ہمیشہ حق کی ہوئی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نتھوکوٹ کے قریب سے 14 سالہ نوجوان علی حسن کی نعش برآمد’ ورثاء کے حوالے کردی گئی بتایا گیا ہے
گجرات(جی پی آئی)نتھوکوٹ کے قریب سے 14 سالہ نوجوان علی حسن کی نعش برآمد’ ورثاء کے حوالے کردی گئی بتایا گیا ہے شیخوپورہ کا رہائشی 14 سالہ نوجوان علی حسن نتھوکوٹ کے قریب نہر میں نہانے گیا جہاں وہ پانی کی نذرہو گیا ہے تین دن بعد نعش کو پولیس نے قبضہ میں لے لیا انچار ج چوکی خوجیانوالی وقار گجر نے بتایا ہے کہ نعش کو قبضہ میں لیکر تمام تفتیش مکمل کرکے ورثاء کے حوالے کردی ہے نوجوان پانی میں نہاتے ہوئے ڈوب گیا ۔ ۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جشن آزادی کے سلسلہ میں گورنمنٹ مسلم ہائی سکول سے ریلی نکالی گئی تعفصلات کے مطابق14اگست جشن آزادی کے سلسلہ میں گورنمنٹ مسلم ہائی سکول
گجرات(جی پی آئی)جشن آزادی کے سلسلہ میں گورنمنٹ مسلم ہائی سکول سے ریلی نکالی گئی تعفصلات کے مطابق14اگست جشن آزادی کے سلسلہ میں گورنمنٹ مسلم ہائی سکول سے ظہور الہی سٹیدیم تک ریلی نکالی گئی جس میں گورنمنٹ مسلم ہائی سکول گجرات ،گورنمنٹ زمیندارہائی سکول گجرات،گورنمنٹ پبلک ہائی سکول نمبر 1گجرات، گورنمنٹ پبلک ہائی سکول نمبر 2گجرات،گورنمنٹ ہائی سکول ملوکھوکھرگجرات،گورنمنٹ رضویہ ہائی سکول لنگے گجرات،گورنمنٹ ماڈل ہائی سکول لالہ موسیٰ ، گورنمنٹ ہائی سکول لکھنوال، گورنمنٹ ہائی سکول سیکریالی، گورنمنٹ ہائی سکول ٹھیکریاں مونیاں، گورنمنٹ ہائی سکول ڈنگہ ، گورنمنٹ ہائی سکول چیچیاں، گورنمنٹ ہائیرسیکنڈری سکول باگڑیانوالی، گورنمنٹ ہائی سکول جوڑا،گورنمنٹ اسلامیہ ہائی سکول کنجاہ، گورنمنٹ ہائی سکول ٹھیکریاں جی ٹی روڈ لالہ موسیٰ، گورنمنٹ اسلامیہ ہائی سکول لالہ موسیٰ، گورنمنٹ تعلیم الدین ہائی سکول جلالپورجٹاں، گورنمنٹ اسلامیہ ہائی سکول گجرات کے طلباء و اساتذہ کرام کے علاوہ ڈی سی او گجرات لیاقت علی چٹھہ ، ای ڈی او ایجوکیشن ، ایم پی اے حاجی عمران ظفر، سابق ایم پی اے حاجی ناصر محمود ، ایم پی اے میجر (ر)معین نواز، سید حسنین شاہ ، ماسٹر فاروق ، سید قادر حسین کے علاوہ دیگر نے شرکت کی۔ ڈی سی او گجرات ، حاجی عمران ظفر ، ای ڈی او ایجوکیشن و دیگر نے ظہور الٰہی اسٹیڈیم میں 25اسکائوٹ یونٹ کا وزٹ کیااور طلبہ کی خدمت کو سراہا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ انشاء اللہ لانگ مارچ وزیراعظم کو گھر بھیج کر ہی ختم ہو گا: چودھری پرویزالٰہی گجرات(جی پی آئی) پاکستان مسلم لیگ کے سینئرمرکزی رہنما اور سابق نائب وزیراعظم چودھری پرویزالٰہی نے کہا ہے کہ انشاء اللہ لانگ مارچ وزیراعظم کو گھر بھیج کر ہی ختم ہو گا، آج سب آن بورڈ ہیں کل 14اگست کو سب آن روڈ ہوں گے اور حکومت کی تمام غیر قانونی رکاوٹوں اور ہتھکنڈوں کو ناکام بناتے ہوئے اپنی اسلام آباد کی منزل پر پہنچ کر حکومت کے خاتمے تک وہیں رہیں گے۔ اپنی رہائش گاہ پر میڈیا اور پارٹی رہنمائوں و کارکنوں سے خطاب کرتے ہوئے انہوں نے کہا کہ پاکستان مسلم لیگ مارچ میں بھرپور حصہ لے رہی ہے، انشاء اللہ ہر مقام پر ہمارے کارکن نمایاں ہوں گے، پاکستان مسلم لیگ، پاکستان تحریک انصاف، پاکستان عوامی تحریک، سنی اتحاد کونسل اور مجلس وحدت المسلمین کے اتحاد سے حکمران گھبراہٹ، بوکھلاہٹ اور مایوسی کا شکار ہیں، ظلم اور دھاندلی کے اندھیرے اب ختم ہونے والے ہیں، یہ انصاف، انسانی حقوق، جمہوریت اور آئین پر یقین نہیں رکھتے، منہاج القرآن میں لوگوں کو کھانے پینے کی اشیاء اور ادویات کی فراہمی تک بند ہے۔ انہوں نے ایک سوال پر کہا کہ حکمرانوں نے پہلے انتخابات میں دھاندلی کے ذریعے عوامی مینڈیٹ کی توہین کی اب عدلیہ کے احکامات کی توہین کر رہے ہیں، گرفتاریاں بند کرنے اور کنٹینر ہٹانے کے حکم پر عمل نہیں کیا جا رہا۔ انہوں نے کہا کہ ماڈل ٹائون کا غزہ کی طرح محاصرہ جاری ہے، ہم عدلیہ کا احترام کرتے ہیں اور کرتے رہیں گے، حکمرانوں کا غیر جمہوری چہرہ بے نقاب ہو گیا ہے، انقلاب اور آزادی کیلئے کسی سے اجازت لینے کی ضرورت نہیں ہوتی۔ انہوں نے میڈیا پر نواز شریف کی تنقید کی مذمت کرتے ہوئے کہا کہ انہیں میڈیا کے بارے میں بھی اپنے رویہ اور سوچ پر نظر ثانی کرنی چاہئے، یہ سب کو اتفاق فائونڈی کا ذاتی ملازم سمجھتے ہیں۔ انہوں نے کہا کہ دیگر شہروں کی طرح گجرات میں بھی کریک ڈائون شروع ہے مگر ہمارے اور دیگر اتحادی جماعتوں کے کارکنوں کی جتنی پکڑ دھکڑ کر لیں کل مارچ ضرور ہو گا۔ اس موقع پر کامل علی آغا، طارق بشیر چیمہ، چودھری ظہیر الدین، خرم منور منج کے علاوہ صوبہ سندھ کے رہنما حلیم عادل شیخ، بابو سرور سیال، عبدالطیف، آغا رفیع اللہ، راکیش کمار، سید فرحان علی شاہ بھی موجود تھے۔#
تلہ گنگ کی خبریں 13/8/2014
ڈی ایس ڈی کا مشن سرکاری سکولوں کے معیار تعلیم میں بہتری ہے۔اعجاز احمد وڑائچ
