ضلع کونسل ہال میں تقریب 273زکوة کمیٹیوں کی تشکیل کا کام مکمل گجرات (جی پی آئی)ضلع کونسل ہال میں تقریب 273زکوة کمیٹیوں کی تشکیل کا کام مکمل ، چیئرمینوں اور 760ممبران میں تقرر نامے تقسیم ، اراکین اسمبلی اور ڈی سی او گجرات نے امدادی چیک تقسیم کیے ، ضلعی چیئرمین چوہدری تنویر گوندل کو خراج تحسین ، تفصیلات کے مطابق ضلع کونسل ہال میں گزشتہ روز ضلع بھر کی 273زکوة کمیٹیوں کے نو منتخب چیئرمینوں اور 760ممبران میں تقرر ناموں کی تقسیم کی خصوصی تقریب منعقد کی گئی ، جس کی صدارت ضلعی چیئرمین زکوة کمیٹی چوہدری تنویر گوندل نے کی ، جبکہ مہمانانِ خصوصی ڈی سی او لیاقت علی چٹھہ ، ایم این اے چوہدری عابد رضا ، ایم پی اے ملک حنیف اعوان ، سابق ایم پی اے حاجی ناصر محمود ، ایم پی اے حاجی عمران ظفر ، ایم پی اے نوابزادہ حیدر مہدی ، ایم پی اے میجر معین نواز ، ایم پی اے چوہدری اشرف دیونہ ، مسلم لیگ ن کے راہنما نوابزادہ طاہر الملک اور سابق ایم این اے چوہدری مبشر حسین تھے ، تقریب میں ضلعی چیئرمین بیت المال چوہدری ظہور الٰہی سمیت ضلع بھر سے زکوة کمیٹیوں کے چیئرمینوں اور ممبران نے بھرپور شرکت کی ، ڈی سی او لیاقت علی چٹھہ اور اراکین اسمبلی نے نو منتخب چیئرمینوں اور ممبران میں تقرر نامے اور امدادی چیک تقسیم کیے ، ضلعی چیئرمین زکوة کمیٹی چوہدری تنویر گوندل نے خطاب کرتے ہوئے کہا کہ ضلع گجرات کی 117یونین کونسلوں میں چار کروڑ 14لاکھ 78ہزار روپے کے زکوةٰ کے امدادی چیک غریب اور مستحق خاندانوں اور طلباء و طالبات ، بیوائوں اور معذور افراد میں تقسیم کیے جا چکے ہیں ، ضلع بھر میں زکوة کمیٹیاں تشکیل دی جا رہی ہیں ، جلد ضلع گجرات میں 634زکوة کمیٹیوں کی تشکیل کا مرحلہ مکمل کر لیا جائیگا ، ہر غریب خاندان کو اس کی دہلیز پر زکوة کی رقم پہنچانا میرا مشن ہے انشاء اللہ میں اپنا قومی فریضہ ایمانداری اور دیانتداری سے انجام دوں گا ، زکوة کمیٹیوں میں سیاسی بنیادوں پر چیئرمینوں اور ممبران کا انتخاب نہیں کیا گیا ، دیگر جماعتوں سے بھی صالح اور ایماندار اچھی شہرت والے افراد کا چنائو کر کے انہیں چیئرمین اور ممبر منتخب کیا گیا ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اہل تشیع کے نمائندہ وفد کی ڈی پی او سے ملاقات ، ضلع میں امن و امان کی صورتحا گجرات (جی پی آئی)اہل تشیع کے نمائندہ وفد کی ڈی پی او سے ملاقات ، ضلع میں امن و امان کی صورتحال کو بہتر بنانے کیلئے تجاویز ، تفصیلات کے مطابق اہل تشیع کے نمائندہ وفد نے چوہدری منظور وڑائچ کی قیادت میں ڈی پی او گجرات رائے اعجاز احمد سے ان کے آفس میں ملاقات کی ، ملاقات کرنے والے وفد میں جواد حسین جعفری ، پروفیسر سرفراز جعفری ، سید الطاف عباس کاظمی ، علامہ ناظم حسین جعفری و دیگر شامل تھے ، ڈی پی او رائے اعجاز احمد سے اہل تشیع کے علمائے کرام اور دیگر نمائندہ افراد نے ضلع میں امن و امان کی صورتحال کو مزید بہتر بنانے کیلئے اہم اقدامات کا مطالبہ کیا ، ڈی پی او رائے اعجاز نے چوہدری منظور وڑائچ اور سید الطاف عباس کاظمی سمیت دیگر وفد کے شرکاء سے اس موقع پر کہا کہ ضلع میں امن و امان کی بحالی میں علمائے کرام کو اپنا بہترین کردار ادا کرنا چاہیے اور اپنے خطبوں اور تقریر کے ذریعے انتشار پھیلانے سے اجتناب کرنا چاہیے ، لوڈ سپیکر پر حکومت کے احکامات پر پابندی ہے اس کے استعمال سے گریز ہونا چاہیے ، ضلع گجرات میں امن کی بحالی میری اولین ترجیح ہے ، اہل تشیع سمیت تمام علمائے کرام اور تمام طبقات کے نمائندہ افراد کی سیکورٹی کے فول پروف انتظامات کیے گئے ہیں ، انشاء اللہ ضلع کو امن کا گہوارہ بنا کر دم لیں گے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مرکز اہل سنت نیک آباد مراڑیاں شریف گجرات میں سالانہ معراج مصطفی کانفرنس گجرات (جی پی آئی)مرکز اہل سنت نیک آباد مراڑیاں شریف گجرات میں سالانہ معراج مصطفی کانفرنس اور عرس مبارک فقید اعظم حضرت مولانا خواجہ محمد نیک عالم قادری رحمتہ اللہ علیہ و برکاتہ و جلسہ دستار بندی مورخہ 27رجب 27مئی 9بجے دن بروز منگل انعقاد پذیر ہے ، جس سے مفتی اعظم پاکستان حضرت مفتی پیر محمد اشرف القادری پیشوائے اہلسنت حضرت پیر محمد افضل قادری خطیب پاکستان حضرت سید فدا حسین شاہ حافظ آبادی خطاب کریں گے ، جبکہ کثیر تعداد میں فارغ التحصیل علماء کرام اور حفاظ قرآن مجید کی دستار بندی بھی کی جائے گی ، اور افسران ملک سے ہزاروں خواص و عوام اور بیرونی ممالک سے بھی عقیدت مندان و مریدین عرس مبارک میں شرکت کریں گے ، اور اجتماع میں اہم قومی و دینی مسائل پر قرار دادیں بھی پیش کی جائیں گی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پاکستان تحریک انصاف کے راہنمائوں مہر امتیاز احمد ، چوہدری احمد ندیم گجر گجرات (جی پی آئی)پاکستان تحریک انصاف کے راہنمائوں مہر امتیاز احمد ، چوہدری احمد ندیم گجر ، ملک عبدالستار نے اپنے مشترکہ بیان میں کہا ہے کہ پنجاب حکومت کی ہدایت پر انتظامیہ نے ٹرانسپوٹرز کو ڈرا دھمکا کر اس حد تک خوفزدہ کر رکھا ہے کہ انہوں نے 25مئی فیصل آباد کے جلسہ کے لیے گاڑیاں فراہم کرنے سے انکار کر دیا ہے ، انہوں نے کہا کہ جعلی الیکشن کے ذریعے ملک و قوم پر مسلط ہونے والے جعلی جمہوری حکمرانوں کی اصلیت عوام پر ظاہر ہو چکی ہے ، جمہوریت میں ہر سیاسی جماعت کو احتجاج کا حق حاصل ہے ، مگر حکمران عمران خان اور تحریک انصاف سے اس حد تک خوفزدہ ہو چکے ہیں کہ مارشل لائی حکمرانوں کی طرح انتظامیہ کے ذریعے عوام کو اس کے آئینی اور قانونی حق سے محروم کر رہے ہیں انہوں نے مزید کہا کہ دھاندلی کے ذریعے حکومت میں آنے والے چاہیے جو بھی حربہ استعمال کر لیں ، عمران خان کو چاہنے والوں کا راستہ نہیں روک سکتے ، 11مئی کو بھی تمام ہتھکنڈوں کے باوجود اسلام آباد میں عوام کا ٹھاٹھیں مارتا سمندر پوری دنیا نے دیکھا تھا ، اسی طرح 25مئی کو فیصل آباد میں بھی اس سے بھی یادہ بڑا اجتماع حکمرانوں کے تابوت میں آخری کیل ٹھوکے گا اور اس میں ضلع گجرات سے بھی کارکن بھرپور حصہ لیں گے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ایڈیشنل سیکرٹری خزانہ حکومت پاکستان چوہدری سرور نے گجرات کا دورہ کیا گجرات (جی پی آئی)ایڈیشنل سیکرٹری خزانہ حکومت پاکستان چوہدری سرور نے گجرات کا دورہ کیا ، دورہ کے دوران انہوں نے مختلف سیاسی و سماجی شخصیات سے ملاقاتیں کیں ، وہ تعزیت کیلئے جاوید بٹ کے شو روم پر گئے اور ان کی ہمشیرہ کی وفات پر گہرے رنج و غم کا اظہار کیا اور مرحومہ کے ایصال ثواب کیلئے فاتحہ خوانی کی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ رانا مشرف علی ناز کی رہائشگاہ پر ایڈیشنل سیکرٹری خزانہ حکومت پاکستان گجرات (جی پی آئی)رانا مشرف علی ناز کی رہائشگاہ پر ایڈیشنل سیکرٹری خزانہ حکومت پاکستان چوہدری سرور نے مختلف شخصیات سے ملاقات کی اور اہم امور پر تبادلہ خیال کیا ، ملاقات کرنے والوں میں صدر شیعہ علمائے کونسل سید الطاف عباس کاظمی ، سینئر نائب صدر گجرات چیمبر آف کامرس اینڈ انڈسٹری سید آصف رضانقوی ، سید رضوان علی شاہ ، رانا محمد نذیر ، ڈاکٹر رزاق احمد غفاری و دیگر شامل تھے ،انہو ں نے رانا مشرف علی ناز کی خدمات کو بے حد سراہا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ صدر پاکستان مسلم لیگ سٹی گجرات محمد حنیف حیدر ی نے کہا ہے گجرات (جی پی آئی) صدر پاکستان مسلم لیگ سٹی گجرات محمد حنیف حیدر ی نے کہا ہے کہ (ق)لیگ کا دور ایک یادگاراورعوامی خدمت کا دور تھا۔ کسی بھی حوالے سے آج کے دور اور اُس دور کا موازنہ کیا جائے تو زمین آسمان کا فرق ہے۔ اُس وقت ملک نے جتنی ترقی کی آج تک کسی دور میں کام نہیں ہوئی کاروباری لوگ خوشحال تھے ۔ فیکٹریاں اورمیلیں چل رہی تھیں۔ مزدور طبقہ باعزت دو وقت کی روٹی کھاتا تھا۔ اور خوشحالی کی زندگی بسر کر رہاتھا۔کسان نے لہراتے ہوئے کھیتوں سے روزی خوب کمائی ۔سرکاری لوگ بھی اسی طرح خوشحال تھے۔ یا یو ں کہہ لیا جائے کہ ملک کے تمام ادارے ترقی کی راہ پر گامزن تھے۔ بلدیاتی نظام ترقی کی راہ پر گامزن تھا۔ یونین کونسلوں کو نچلی سطح پر اختیارات دئیے ہوئے تھے۔ عوام کے کام با آسانی ہوتے تھے۔ جب سے موجودہ حکومت برسرِ اقتدار آئی ہے۔ اِن کے شیر کا پیٹا بہت بڑا ہے۔ آٹا گیس بجلی تو پہلے ہی ہضم کر چکا تھا۔ اب رہتی کسر گندم بھی کسانوں کے گھر پہ نہیں رہنے دے رہا۔ اور اس شیر کو وہ منصوبہ پسند ہوتا ہے ۔ جس میں سریا یا سیمنٹ خرچ ہوتا ہو، کیونکہ سریا سیمنٹ کے مالکان اس شیر کے مالک ہیں۔ شیر پھر شیر ہی ہوتا ہے جس طرح پنجاب اور وفا ق میں جنگل چھوڑ کر شیر داخل ہوا ہے۔ اور خوں خوار درندہ ہونے کے ناطے عقل سے آری شیر نیں مختلف اداروں کے خلاف داڑنا شروع کر دیا ہے۔اُس کو نہیں معلوم کہ افواج پاکستان کے خلاف جس نے بھی کو ئی توہین آمیز بات کی وہ کبھی بھی محب وطن نہیں ہو سکتا اورہماری افواجِ پاکستان ایسے غدارِ وطن سے مقابلہ کرناجانتی ہے۔ اور انشاء اللہ تعالیٰ نام نہاد شیروں کا جعلی ٹولاافواجِ پاکستان کے بوٹوں تلےِ ضرور روندا جائے گا۔ اورعوام یہ جانتے ہیں۔ کہ قائداعظم محمد علی جناح نے پاکستان اس لیے نہیں بنایا تھا کہ یہاں غدارِ وطن رہیں اور ملک ِ پاکستان کے ساتھ سازشیں کرتے پھریں۔ اُنھوں نے کہا کہ آج پوری قوم اِن وطن دشمنوں کے خلاف اُٹھ کھڑی ہوئی ہے۔ اور اِن جاتی عمرہ کے سوداگروں کو ملک سے بھگا کر رہے گی۔ اور بہت جلد ملک پاکستان میں پاکستان کی محب وطن جماعت (ق) لیگ کی حکمرانی ہوگئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ محتسب پنجاب جاوید محمود نے کہا ہے کہ علاقائی دفاتر کے قیام گجرات(جی پی آئی)محتسب پنجاب جاوید محمود نے کہا ہے کہ علاقائی دفاتر کے قیام سے عوام کو انکی دہلیز پر انصاف فراہم ہو سکے گا اور اس مقصد کے لئے انہیں لاہور جانے اور دیگر اخراجات سے بھی نجات ملے گی۔ ان خیالات کا اظہار انہوں نے محتسب آفس گجرات کے دورہ کے موقع پر بات چیت کرتے ہوئے کیا۔ ڈی سی او لیاقت علی چٹھہ، ایڈوائز محتسب پنجاب عبدالرئوف بھی اس موقع پر موجود تھے۔ ایڈوائزر گجرات عبدالرئوف نے صوبائی محتسب کو بریفنگ دیتے ہوئے بتایا کہ ضلعی ہیڈکوارٹر ز میں دفتر کے قیام سے ابتک مختلف سرکاری محکموں کے خلاف60سے زائد شکایات موصول ہوئی ہیں جبکہ ابتک متعدد درخواستوں پر فریقین کا موقف سن کر حتمی فیصلہ کے لئے محتسب آفس کو بھجوا دیا گیا ہے ۔صوبائی محتسب نے بات چیت کرتے ہوئے کہا کہ محتسب آفس سے داد رسی کے لئے کوئی بھی سائل سادہ کاغذ پر درخواست دے سکتاہے اور اس مقصد کے لئے اسے کسی بھی وکیل یا درخواست پر کورٹ فیس لگانے کی ضرورت نہیں ۔ انہوںنے کہا کہ صوبے کے تمام اضلا ع میں محتسب آفس کے قیام سے شہریوںکی صوبائی سرکاری محکوں سے متعلق شکایات کا فوری ازالہ ہوگا اور انہیں دہلیز پر فوری انصاف میسر ہو سکے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈی سی او لیاقت علی چٹھہ نے کہا ہے کہ موسم برسات میں سیلاب سے بچائو کے لئے تمام سرکاری محکمے گجرات(جی پی آئی) ڈی سی او لیاقت علی چٹھہ نے کہا ہے کہ موسم برسات میں سیلاب سے بچائو کے لئے تمام سرکاری محکمے الرٹ رہیں۔ سیلاب کی وجہ سے انسانی آبادیوں اور املاک کو نقصانا ت سے محفوظ رکھنے کے لئے عوامی نمائندوں اور سرکاری اداروں کو بروقت مشترکہ کاوشوں کی ضرورت ہے ۔ ان خیالات کا اظہا ر انہوںنے اعلی سطحی اجلاس سے خطاب کرتے ہوئے کیا۔ اے ڈی سی فاروق رشید سندھو، ڈی او سی احمد رضا سرائ، ایم این اے چوہدری عابد رضا، چوہدری محمد اشرف، میجر ر معین نواز، حاجی عمران ظفر، ملک حنیف اعوان، حاجی ناصر محمود، چوہدری رضا علی وڑائچ، اسسٹنٹ کمشنر ز افشاں رباب، میاں اقبال مظہر، وقار حسین، ای ڈی اوز چوہدری محمد نواز، چوہدری محمد اصغر ، رائو خالد محمود اور دیگر افسران بھی اس موقع پر موجود تھے۔ ڈی سی او نے افسران اور ارکان اسمبلی کے ہمراہ نالہ بھمبر اور دریائے چناب کے زیر تعمیر بند کا معائنہ بھی کیا۔ اجلاس کو بتایا گیا کہ سیلاب کی صور ت میں ضلع گجرا ت 222دیہات متاثر ہوسکتے ہیں ان میں 150دیہات کا تعلق تحصیل گجرات سے ہے۔ اجلاس کو بتایاگیارحمانیہ پل کے قریب نالہ بھمبھر میں تجاوزات اور دریائے چناب میں ہیڈ مرالہ کے قریب عارضی بند کی تعمیر کی وجہ سے سیلاب کا خطرہ ہو سکتا ہے۔ ڈی سی او لیاقت علی چٹھہ نے کہا کہ کسی بھی ناگہانی صورت میں حالات سے نمٹنے کے لئے ضلع گجرات کو 16سیکٹرز میں تقسیم کردیاگیاہے ان میں تحصیل گجرات میں 9 کھاریاں میں 2 اور سرائے عالمگیر کو 5 سیکٹرز میں تقسیم کیاگیاہے۔ سیلاب کی صورت میں تحصیل گجرات میں 15′ تحصیل کھاریاںاور سرائے سالمگیر میں پانچ پانچ امدادی کیمپ لگائے جائیں گے۔ ڈی سی او نے محکمہ آبپاشی کے افسران کو ہدایت کی کہ وہ سیلاب سے بچائو کیلئے اپنے منصوبہ جات پر جلد کام شروع کریں اور انہیں موسم برسات کے آغاز سے قبل مکمل کیا جائے۔ڈی سی او نے ہدایت کی کہ سیلاب کے حوالے سے بروقت معلومات کے لئے بہتر نظام وضع کیا جائے اور ایسے دیہات جنہیں سیلاب سے زیادہ خطرات لاحق ہوسکتے ہیں ان کے مکینوں پر مشتمل کمیٹیاں بنائی جائیں اور ان سے رابطے کا نظام وضع کیا جائے۔اجلاس میں ارکان اسمبلی نے بھی اظہار خیال کیا اورسیلاب سے بچائو کے لئے کئے گئے اقدامات پر اطمینان کا اظہار کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سرگودھا روڈنالے کی تعمیرکاکام تسلی بخش اورمعیارکے مطابق کیاجارہاہے:مرزاطالب حسین
گجرات(جی پی آئی)سرگودھا روڈنالے کی تعمیرکاکام تسلی بخش اورمعیارکے مطابق کیاجارہاہے۔ ان خیالات کااظہارسرگودھاروڈگجرات کی معروف کاروباری شخصیت چیف ایگزیکٹوعلی سٹیل ورکس وسینئرسرپرست اعلیٰ تنظیم مغلیہ محلہ فیروز آباد مرزا طالب حسین نے اپنے بیان میں کیا۔ انہوںنے کہاکہ سابق ایم پی اے حاجی ناصرمحموداورایم پی اے حاجی عمران ظفرکی خصوصی دلچسپی سے تمام کام تاجربرادری کی مرضی کے عین مطابق ہورہے ہیں اور مرزاظفراقبال صدرمسلم لیگ ن یونین کونسل 46کی جانب سے بھی خصوصی توجہ دی جارہی ہے جس پرہم ان کے شکرگذارہیں اورتمام تاجربرادری انہیں خراج تحسین پیش کرتی ہے۔انہوںنے کہاکہ نالے کی تعمیرمیں استعمال ہونے والامیٹریل بھی معیاری اوربہترین کوالٹی کاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بزم غلامانِ اہلبیت و اہلسنت معین الدین پور سیداں کے زیر اہتمام جیو ٹی وی پر اہلبیت کی شان میں ہونے والی گستاخی کے خلاف عظیم الشان احتجاجی مظاہرہ
گجرات (جی پی آئی) بزم غلامانِ اہلبیت و اہلسنت معین الدین پور سیداں کے زیر اہتمام جیو ٹی وی پر اہلبیت کی شان میں ہونے والی گستاخی کے خلاف عظیم الشان احتجاجی مظاہرہ منعقد ہوا ، مظاہرے کا آغاز عید معین الدین پور سیداں سے کیا گیا اور تمام شرکاء جلوس کی شکل میں پورے گائوں کا چکر لگانے کے بعد جلالپور جٹاں روڈ پر پہنچے جہاں پر لال واڑی سٹاف پر عظیم الشان جلسہ عام منعقد ہوا ، جس میں شرکاء نے متفقہ طور پر مطالبہ کیا کہ جیو ٹی وی کو فوری طور پر بند کیا جائے ،جو گستاخی اہلبیت کا مرتکب ہوا ہے ، شرکاء نے جیو ٹی وی کے رویے پر بھرپور احتجاج کیا اور حکومت پاکستان سے مطالبہ کیا کہ ذمہ داران کے خلاف قانونی کاروائی عمل میں لائی جائے ، احتجاجی مظاہرہ کی قیادت سید مردان حسین شاہ ، سید امجد عباس شاہ ، سید خادم حسین شاہ ، سید طارق حسین شاہ ، ڈاکٹر سید مظہر عباس ، سید ساجد حسین شاہ ، ماسٹر عاشق ، سید احسن کلیم ، مقصود علی ، سید مجاہد شاہ ، فرخ شاہ و دیگر نے کی ، اس موقع پر شرکاء نے مختلف بینرز اور پلے کارڈز اٹھا رکھے تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ صدر سٹیزن فرنٹ سٹی گجرات شیخ عرفان پرویز کی نئی رہائشگاہ نزد دربار شہنشاہ ولایت میں ختم قرآن اور محفل میلاد النبی ۖ منعقد ہوئی
گجرات (جی پی آئی) صدر سٹیزن فرنٹ سٹی گجرات شیخ عرفان پرویز کی نئی رہائشگاہ نزد دربار شہنشاہ ولایت میں ختم قرآن اور محفل میلاد النبی ۖ منعقد ہوئی ، اس پررونق محفل کی صدارت صاحبزادہ پیر سید سعید احمد شاہ گجراتی نے کی ، نقابت کے فرائض شہنشاہ نقابت عمران چشتی نے سرانجام دئیے ، تلاوت کلام پاک کا شرف قاری محسن رضا قادری نے حاصل کیا ، نعت رسول مقبول ۖ سید دلدار حسین شاہ نے پیش کی ، اس موقع پر ہر مکتبہ فکر سے تعلق رکھنے والے افراد کی کثیر تعداد نے شرکت کی ، ملک کی ترقی و سلامتی کیلئے خصوصی دعائیں کی گئیں ، شرکاء میں پیر سید جماعت علی شاہ ، مہر مشتاق احمد ، شیخ عدنان پرویز ، پروفیسر جاوید اقبال اسلام آباد ، رانا کاشف سرگودھا ، شیخ جمشید اقبال ، شیخ شاہد جاوید ، شیخ مشاہد پرویز ، شیخ زونیر سرگودھا ، شیخ کاشف جہلم ، شیخ فیض قصور، حافظ لقمان قصور ، رانا مشرف علی ناز ، طارق سلامت ، اکبر بیگ برلاس ، اسجد ، عامر چوہدری ، شیخ ابرار ، شیخ عبدالرحمان ، شیخ ریحان، سید مزمل حسین شاہ ، تنویر بھٹی ، عمر شریف قادری ، شیخ جبران ، ملک افضال ، شیخ ندیم ، راجہ اعجاز ، شہباز سیٹھی ، حمزہ سیٹھی ، سیٹھ ظہیر عباس صراف ، تنویر احمد ، میاں سہیل منیر و دیگر شامل تھے ،اس موقع پر خصوصی دعا کی گئی ، شرکاء محفل نے شیخ عرفان پرویز کو مبارک باد پیش کی ۔ ۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مرکزی چیئرمین ملی یکجہتی کونسل ڈاکٹر ابوالخیر محمد زبیر اور ایم پی اے پیر سید محمد محفوظ مشہدی نے وزڈم پبلک ماڈل سکول اینڈ ڈگری کالج کا دورہ کیا ،
گجرات (جی پی آئی) مرکزی چیئرمین ملی یکجہتی کونسل ڈاکٹر ابوالخیر محمد زبیر اور ایم پی اے پیر سید محمد محفوظ مشہدی نے وزڈم پبلک ماڈل سکول اینڈ ڈگری کالج کا دورہ کیا ، جہاں پر ان کا استقبال ممتاز ماہر تعلیم و عالم دین قاری محمد عمران فاروقی نے استقبال کیا ، اس موقع پر صاحبزادہ ڈاکٹر ابوالخیر محمد زبیر نے کہا کہ شعبہ تعلیم میں اہلسنت کی کاوشیں قابل تحسین ہیں ، یہ ملک بھی اہلسنت نے بنایا تھا اور اہلسنت ہی اس کی آبیاری میں اہم کردار ادا کریں گے ، مرکزی جنرل سیکرٹری جے یو پی صاحبزادہ پیر سید محمد محفوظ شاہ مشہدی نے کہا کہ بانٹھ جیسے قصبہ میں وزڈم پبلک سکول و ڈگری کالج کا قیام خوش آئند ہے ، اور جس جذبہ کے تحت اس ادارہ کو چلایا جا رہا ہے وہ بھی قابل تحسین ہے ، قاری محمد عمران فاروقی نے بتایا کہ اس ادارہ میں جدید علوم کے ساتھ ساتھ قرآن پاک کی تعلیم کو بھی اہمیت دی جاتی ہے اور اہلسنت کے اسلاف کی قربانیوں کے بارے میں طالب علموں کو آگاہ کیا جاتا ہے اس موقع پر جمعیت علمائے پاکستان کے مرکزی راہنما سنی اتحاد کونسل محمد خان لغاری ، پیر عنصر محمود انجم ، حضرت علامہ قاری محمد اسلم قادری ، پیر شبیر سیفی ، علامہ راشد نقشبندی پیر محمد عابد جلالی ، و دیگر راہنما بھی موجود تھے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ JUPکے مرکزی صدر ڈاکٹر ابوالخیر محمد زبیر نے گجرات کا دورہ کیا ،
گجرات (جی پی آئی) JUPکے مرکزی صدر ڈاکٹر ابوالخیر محمد زبیر نے گجرات کا دورہ کیا ، گجرات پہنچنے پر ان کا استقبال JUPکے ڈویژنل امیر علامہ عنصر محمود انجم ، ضلعی صدر محمد شبیر سیفی ، ضلعی جنرل سیکرٹری قاری محمد اسلم قادری ، سٹی صدر قاری راشد محمود نقشبندی ، جنرل سیکرٹری سٹی قاری محمد عمران فاروقی و دیگر راہنمائوں نے کیا ، ڈاکٹر ابوالخیر محمد زبیر کے ہمراہ ممبر صوبائی اسمبلی و مرکزی جنرل سیکرٹری پیر سید محمد محفوظ مشہدی ، سنی اتحاد کونسل کے راہنما سردار محمد خاں لغاری ، جمعیت علمائے پاکستان کے نائب صدر آغا سید ذوالفقار علی ، صوبائی صدر پیر سید عاشق حسین شاہ بخاری ، صوبائی جنرل سیکرٹری محمد ایوب ایڈووکیٹ و دیگر بھی تھے ، اس موقع پر ڈاکٹر ابوالخیر محمد زبیر نے JUPکی تنظیم سازی کے حوالہ سے راہنمائوں سے تبادلہ خیال کیا اور جے یو پی کو متحرک کرنے کے سلسلہ میں ہدایات جاری کیں ، انہوں نے جے یو پی کے تمام راہنمائوں کو کہا کہ وہ اپنی صفوں میں اتحاد پیدا کریں اور اہلسنت و جے یو پی کو مضبوط بنائیں ۔
دوست ہمسایہ ملک چین کے تعاون سے میٹرو ٹرین چلانے کا منصوبہ وزیراعلی شریف کا ایک عظیم کارنامہ ہے: شازیہ مبشر اقبال
گجرات کی خبروں کی تصویری جھلکیاں
