گجرات کی خبریں 24/3/2014
Posted on March 25, 2014 By Geo Urdu سٹی نیوز
ڈسٹرکٹ کوآرڈینیشن آفیسرگجرات لیاقت علی چٹھہ اور ڈسٹرکٹ پولیس گجرات آفیسر رائے اعجاز احمد25مارچ بروز منگل دوپہر دو بجے
گجرات(جی پی آئی)ڈسٹرکٹ کوآرڈینیشن آفیسرگجرات لیاقت علی چٹھہ اور ڈسٹرکٹ پولیس گجرات آفیسر رائے اعجاز احمد25مارچ بروز منگل دوپہر دو بجے گجرات پریس کلب کا دورہ کریں گے جہاں وہ صحافیوں سے ملاقات میںضلع گجرات کے مسائل کے حوالے سے گفتگو کریں گے اراکین پریس کلب اپنے شرکت کو ٹھیک دو بجے یقینی بنائیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مدارس عربیہ اسلام اور پاکستان کی خدمت کررہے ہیں مدارس عربیہ کا سیاست اور تشدد سے کوئی تعلق نہیں ہے
گجرات(جی پی آئی)مدارس عربیہ اسلام اور پاکستان کی خدمت کررہے ہیں مدارس عربیہ کا سیاست اور تشدد سے کوئی تعلق نہیں ہے مدارس میں دینی اور دنیاوی تعلیم دی جارہی ہے اگر حکومت کے پاس کسی مدرسہ کیخلاف کوئی شکایت ہے تو سامنے لائے یہ بات پاکستان علماء کونسل کے چیئرمین حافظ محمدطاہر محمود اشرفی نے گجرات پریس کلب میں پریس کانفرنس سے خطاب کرتے ہوئے کہی انہوں نے کہا کہ ملک کے اندر فرقہ واریت اور فرقہ وارانہ فسادات کروانے کی ہر سازش کو ناکام بنائیں گے ایک قرار داد میں حکومت سے مطالبہ کیاگیا کہ مسلسل عورتوں اور بچیوں کے ساتھ ہونے والے زیادتی کے واقعات قابل تشویش ہیں ملک کی تمام مذہبی وسیاسی جماعتیں زنا بالجبر ‘ غیرت کے نام پر قتل ‘ قرآن اور جانوروں سے شادی اور ونی جیسے واقعات کے مقدمات کو انسداد دہشت گردی کی عدالتوں میں چلانے کے لیے قانون سازی کے لیے جدوجہد کریں اور حالیہ دنوں میں چنیوٹ’ مظفر گڑھ ‘ سانگڑھ کے واقعات کے مجرموں کا مقدمہ انسداد دہشت گردی کی عدالت میں چلایا جائے اور ان کو کیفر کردار تک پہنچایا جائے ایک اور قرار داد طالبان اور حکومت سے مذاکرات کو جاری رکھنے ‘ بچوں ‘ بوڑھوں ‘ عورتوں اور اغواء کنندگان کو خیرسگالی کے جذبے کے تحت رہا کرنے کا بھی مطالبہ کیاگیا ایک اور قرار داد میں لاڑکانہ میں ہونے والے واقعہ کی شدید مذمت کی گئی اور حکومت سے جوڈیشل انکوائری کا مطالبہ کیاگیا اور کہا گیا کہ پاکستان میں رہنے والے مسلمان ہوں یا غیر مسلم سب کا تحفظ حکومت کی ذمہ داری ہے اور حکومت کو تمام مذاہب اور مسالک کے لوگوں کو تحفظ فراہم کرنا چاہیے کانفرنس سے خطاب کرتے ہوئے پاکستان علماء کونسل کے چیئرمین حافظ محمدطاہر محموداشرفی نے کہا کہ وزیراعظم کی طرف سے شام فوج نہ بھیجنے کے اعلان کا خیرمقدم کرتے ہیں پاکستان کسی بھی بیرونی لڑائی میں شرکت کا متحمل نہیں ہوسکتا سعودی عرب ‘ بحرین اور دیگر اسلامی ممالک کے ساتھ بہتر تعلقات پاکستان اور عالم اسلام کے مستقبل کے لیے ضروری ہیں اسلامی ممالک کے درمیان روابط کا مضبوط ہونا ہی مسلم امہ کو مسائل سے نکال سکتا ہے انہوں نے کہا کہ مدارس کے خلاف وزیراعظم اور وزیرداخلہ کی طرف سے کریک ڈائون نہ کرنے کا اعلان اور مدارس کی خدمات کو تسلیم کرنا ایک مثبت فیصلہ ہے جس کی ہم تحصین کرتے ہیں کانفرنس سے خطاب کرتے ہوئے پاکستان علماء کونسل نے کہا کہ پاکستان علماء کونسل پاکستان کے ہزاروں مدارس کی ترجمان ہے اور پاکستان کے مدارس کے خلاف کسی کو کارروائی نہیں کرنے دی جائے گی پاکستان علماء کونسل اسلام آباد کے صدر مولانا عبدالحمید صابری نے کہا کہ مدارس اسلام کی خدمت کررہے ہیں ضرورت اس امر کی ہے کہ علماء عصر حاضر کے تقاضوں کو مدنظر رکھتے ہوئے عوام الناس کی راہنمائی کریں پریس کانفرنس کے موقع پر مولانا محمدعمر عثمانی امیر جمیعت علمائے اہل سنت والجماعت ‘ مولانا انیس الرحمن شوق امیر پاکستان علماء کونسل گجرات ودیگر موجود تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سابق ناظم ضلع گجرات چوہدری شفاعت حسین گزشتہ روز سابق نائب ناظم یوسی 56 چوہدری بہادر خاںمحروم کے گھر گئے
گجرات(جی پی آئی)سابق ناظم ضلع گجرات چوہدری شفاعت حسین گزشتہ روز سابق نائب ناظم یوسی 56 چوہدری بہادر خاںمحروم کے گھر گئے اور اظہار افسوس کیا اور فاتحہ خوانی کی ۔ چوہدری شفاعت حسین نے مرحوم چوہدری بہادر خاں کی سماجی، سیاسی خدمات کو خراج تحسین پیش کرتے ہوئے کہا کہ وہ اول آخر مسلم لیگی تھے۔ اور مثالی سوشل ورکر تھے۔ چوہدری شفاعت حسین نے کہا کہ چوہدری بہادر خاں مر حوم ہمیشہ اجتماعی منصوبوں کی تکمیل کیلئے کوشہ رہتے اور انہوں نے علاقے میں ریکارڈ ترقیاتی کام کروائے۔ چوہدری بہادر خاں کی وفات سے علاقہ ایک مخلص سماجی و سیاسی رہنما سے محروم ہو گیا ہے۔ چوہدری شفاعت حسین کے ہمراہ قاضی خالد سیف اللہ بھی تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات شہر اور اردگرد کے علاقوں میں دوسرے روز کی مسلسل بارش نے ٹی ایم اے گجرات کی شاندار کارکردگی کا پول کھول دیا ہے
گجرات (جی پی آئی) گجرات شہر اور اردگرد کے علاقوں میں دوسرے روز کی مسلسل بارش نے ٹی ایم اے گجرات کی شاندار کارکردگی کا پول کھول دیا ہے ‘ بارش سے نشیبی علاقے پانی سے بھر گئے سٹرکیں گلیاں نالیاں ندیوں کا نقشہ پیش کر تے رہے ‘ شہریوں کو سخت مشکلات کا سامنا کرنا پڑا ‘ جبکہ ٹی ایم اے کی جانب سے بارش کے پانی کے نکاسی کے سارے دعویٰ دھرے کے دھرے رہ گئے ‘ ٹی ایم اے کا عملہ بارشی پانی کو نکالنے میں بری طرح ناکام رہا ‘ مسلسل بارش سے سردی میں اضافہ کے باعث سرکاری دفاتر اور سکولوں میں حاضری بھی انہتائی کم رہی ‘ محکمہ موسم کے مطابق مزید دو دن تک بارش جاری رہنے کا امکان ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت پنجاب عامر نواز کو اسسٹنٹ ڈائریکٹر ایف آئی اے گجرات تعینات کر دیاہے جبکہ اُن کے پیش رو کو لاہور رپورٹ کرنے کا حکم دیا گیا ہے
گجرات (جی پی آئی)حکومت پنجاب عامر نواز کو اسسٹنٹ ڈائریکٹر ایف آئی اے گجرات تعینات کر دیاہے جبکہ اُن کے پیش رو کو لاہور رپورٹ کرنے کا حکم دیا گیا ہے ‘ عامر نواز نے اسسٹنٹ ڈائریکٹر ایف آئی اے گجرات کا چارج سنبھال کر کام کرنا شروع کر دیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انٹی کرپشن گوجرانوالہ کے اسپیشل جج نجم الحسن نے 17لاکھ روپے کر کرپشن میں ملوث سابق ای ڈی او ہیلتھ
گجرات (جی پی آئی) انٹی کرپشن گوجرانوالہ کے اسپیشل جج نجم الحسن نے 17لاکھ روپے کر کرپشن میں ملوث سابق ای ڈی او ہیلتھ گجرات ڈاکٹر نصر ت ریاض کی ضمانت منظور کرتے ہوئے انہیں فوری طور پر رہا کرنے کا حکم دیا ہے انٹی کرپشن کی جانب سے ڈاکٹر نصرت ریاض پر لگائے گئے 17لاکھ روپے کی کرپشن ثابت نہ ہوسکی ۔ رابطہ کرنے پر سابق ای ڈی او ڈاکٹر نصرت ریاض نے میڈیا کو بتایا کہ بے گناہ تھا کرپشن کا جھوٹا مقدمہ درج کیا گیا تھا اللہ تعالیٰ خود انصاف کرنا والا ہے ‘ ایک پائی کی کرپشن نہیں کی سرخرد ہوا ہوں اس میں میری ایمانداری اور دوستوں کی دعائیں بھی شامل ہوں ‘ انشاء اللہ اب دودھ کا دودھ اور پانی کا پانی ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی ایس پی سٹی سرکل غلام مصطفی گیلانی نے کہا ہے کہ اشتیاق احمد کھوکھر ایڈووکیٹ اور اُن کے ساتھی فیاض احمد جنجوعہ کے قتل میں ملوث
گجرات (جی پی آئی)ڈی ایس پی سٹی سرکل غلام مصطفی گیلانی نے کہا ہے کہ اشتیاق احمد کھوکھر ایڈووکیٹ اور اُن کے ساتھی فیاض احمد جنجوعہ کے قتل میں ملوث دو ملزمان حاجی ریاض احمد اور ساجد سلیم نے خود کو پولیس اے ڈویژن کے حوالے کر دیا ‘ جبکہ باقی ملزمان کی گرفتاری کیلئے پولیس چھاپے مار رہی ہے امید ہے کہ باقی ملزمان بھی ایک دو روز میں خود کو پولیس کے حوالے کر دیں گے ‘ انہوں نے کہا کہ وکلاء برادری کو یقین دلاتے ہیں کہ اس وقوعہ میں ملوث کو گرفتار کر کے کیفر کردار تک پہنچائیں گے اور ورثاء کو مکمل انصاف دلائیں گے ‘ غلام مصطفی گیلانی نے کہا کہ مقدمہ قتل میں ملوث ملزمان کا ڈیٹا بھی حاصل کر لیا ہے اور اُن کی گرفتاری کے قریب پہنچ چکے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں پولیو مہم کا افتتاح ڈی سی او لیاقت علی چٹھہ ‘ایم پی اے حاجی عمران ظفر اور ای ڈی او ڈاکٹر عابد غوری نے پولیو مہم کا افتتاح
گجرات(جی پی آئی)گجرات میں پولیو مہم کا افتتاح ڈی سی او لیاقت علی چٹھہ ‘ایم پی اے حاجی عمران ظفر اور ای ڈی او ڈاکٹر عابد غوری نے پولیو مہم کا افتتاح بچوں کو قطرے پلا کر کیا ۔ 24مارچ سے 28مارچ تک 4,13,076بچوں کو پولیو سے بچاؤ کے حفاظتی قطرے پلائے جائینگے۔تفصیلات کے مطابق گجرات میں پولیو مہم 24مارچ سے 28مارچ کا افتتاح ڈی سی او لیاقت علی چٹھہ ‘ ایم پی اے حاجی عمران ظفر اور ای ڈی او/ڈی ایچ او ڈاکٹر عابد غوری نے گورنمنٹ میٹرنٹی ہسپتال فوارہ چوک میں بچوں کو پولیو سے بچاؤ کے قطرے پلا کر کیا ۔ اس موقع پر ڈی ڈی او ایچ ڈاکٹر محمد علی مفتی ‘ ایم ایس عزیز بھٹی ہسپتال ڈاکٹر طاہر نوید ‘ ڈاکٹر عباس گوندل ‘سوشل ورکر خادم علی خادم ‘ انچارج میٹرنٹی ہسپتال ڈاکٹر امین شہزاد نے بھی بچوں کو پولیو کے قطرے پلائے ۔ ای ڈی او ہیلتھ نے ڈی سی او گجرات کو بریفنگ کے دوران بتایا کہ ضلع گجرات میں پولیو مہم کے دوران 5سال تک کے 4,13,076بچوں کو پولیو کے قطرے پلائے جائینگے ۔ جس کے لیے 781موبائل ٹیمیں ترتیب دی گئی ہیں جو گھر گھر جا کر بچوں کو پولیو کے حفاظتی قطرے پلائیں گی ‘ اس کے ساتھ 119مختص مراکز اور 31ٹرانزٹ پر بھی پولیو کے حفاظتی قطرے پلائے جائینگے ‘ جن کی نگرانی کے لیے 164ایریا انچارجز کے ساتھ ساتھ 119یو سی انچارجز بھی موجود ہونگے ۔ اس موقع پر ڈی سی او گجرات لیاقت علی چٹھہ کی طرف سے میٹرنٹی ہسپتال کے مسائل بارے دریافت کرنے پر انچارج ہسپتال ڈاکٹر امین شہزاد نے درپیش مسائل کی نشاندہی کی جس پر ڈی سی او گجرات نے ای ڈی او ہیلتھ /ڈی ایچ او ڈاکٹر عابد غوری کو مسائل کے فوری حل کی ہدایت کر دی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غلامان گھمکول شریف ضلع گجرات کے نائب ناظم اعلیٰ چوہدری افتحار احمد ملہی نے پاکستان علماء
گجرات(جی پی آئی)غلامان گھمکول شریف ضلع گجرات کے نائب ناظم اعلیٰ چوہدری افتحار احمد ملہی نے پاکستان علماء ومشائخ کونسل کے وائس چیئرمین پیرسیدامجد شاہ گیلانی کے ساتھ DPOگجرات رائے اعجاز احمد کے ساتھ حصوصی ملاقات کی۔اس موقع پر 14اپریل کو عید گاہ گجرات میں ہونے والیمحفل میلاد کے حوالہ سے گفتگو کی گئی اور سیکورٹیٰ کے سلسلہ میں معاملات طے پائے۔اور DPOگجرات نے مکمل تعاون کی یقین دہانی کرائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او گجرات لیاقت علی چٹھہ نے گجرات کے داخلی گیٹ سمیت شہرکو خوبصورت بنانے کیلئے مختلف جگہوں کا و زٹ کیا
گجرات(جی پی آئی)ڈی سی او گجرات لیاقت علی چٹھہ نے گجرات کے داخلی گیٹ سمیت شہرکو خوبصورت بنانے کیلئے مختلف جگہوں کا و زٹ کیا ۔ ڈی سی او گجرات نے داخلی راستے اور گجرات کی خوبصورت کے منصوبے کے لیے متعلقہ افسران کو ہدایت کرتے ہوئے کہا کہ اس کام کی انجام دہی میں کوئی کوتاہی برداشت نہیں کی جائے گی ۔ گجرات کا داخلی گیٹ اپنی مثال آپ ہونا چاہیے ۔ انہوں نے کہا کہ میں خود بھی روزانہ 8بجے صبح کام کے جائزے کے لیے اس روڈ کا دورہ کیا کروں گا ۔ڈی سی او گجرات لیاقت علی چٹھہ نے گجرات کو خوبصورت بنانے کے منصوبے کا افتتاح بھی کیا ۔ اس موقع پر اے ڈی سی جی فاروق رشید ‘ اے سی افشاں رباب ‘ ڈی او سی شجاع قطب بھٹی ‘ ڈی ڈی او آر وقار خاں’پی ایس او ٹو ڈی سی او ندیم بٹ’ٹی ایم او خرم ترہنگی ‘ سوشل ورکر خادم علی خادم ‘ چیف آفیسر محمد فیاض ‘ نصر اللہ ‘تحصیلدار محسن طارق و دیگر موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صدر مسلم لیگ ( ق ) سابق وزیر اعظم چوہدری شجاعت حسین ، سابق ڈپٹی وزیر اعظم چوہدری پرویز الہٰی ، سابق وفاقی وزیر چوہدری وجاہت حسین،سابق ضلع ناظم گجرات چوہدری شفاعت حسین کے بھانجے
گجرات(جی پی آئی)صدر مسلم لیگ ( ق ) سابق وزیر اعظم چوہدری شجاعت حسین ، سابق ڈپٹی وزیر اعظم چوہدری پرویز الہٰی ، سابق وفاقی وزیر چوہدری وجاہت حسین،سابق ضلع ناظم گجرات چوہدری شفاعت حسین کے بھانجے ، سابق ضلع ناظم میجر طاہر صادق کے بیٹے پنجاب اسمبلی میں ڈپٹی اپوزیشن لیڈر چوہدری مونس الہٰی کے کزن،سیاست کے میدان میں انفرادیت اہمیت سے شہرت پانے والے ضلع اٹک کے ہر دل عزیز عوامی لیڈر سابق ناظم میجرطاہر صادق نے اکلوتے بیٹے آزادرکن قومی اسمبلی محمدزین الہٰی کی دعوت ولیمہ میں انفرادیت قائم کر دی کی شادی کے سلسلہ میں 10سے زائد ولیمے کر کے انفردایت کی مثال قائم کی میجر طاہر صادق نے اس سلسلہ میں ضلع بھر کی تمام تحصیلوں نے اپنے حمایتیوں ، ووٹروں ، سپوٹروں کے علاوہ تمام سیاسی مذہبی جماعتوں کے لیڈروں کے اعزاز میں ولیمے منعقد کیے دعوت ولیمہ کی سب سے بڑی تقریب زین ہائو س باہتر گائوں میں دیو قامت شامیانوں میں دی گئی،محمد زین الہٰی کی شادی خانہ آباد ی لاہور کی معروف کاروباری شخصیت محمد فاروق ڈار کی صاحبزادی آمنہ ڈار کے ساتھ باخیر خوبی سرانجام پائی ، دعوت ولیمہ کی تقریب سیاسی جماعتوں کی اے پی سی بن گئی دعوت ولیمہ میں عوامی مسلم لیگ کے سربراہ سابق وفاقی وزیر شیخ رشید احمد، سربراہ مسلم لیگ ( ضیاء الحق ) سابق وفاقی وزیر محمد اعجاز الحق ، سابق وزیر خارجہ گوہر ایو ب، مرکزی رہنما پی پی پی سابق وزیر سنیٹر ملک حاکمین خان،سابق وفاقی وزیر غلام احمد بلور، مرکزی سینئر نائب صدر تحریک انصاف شاہ محمود ایم این اے، مسلم لیگ(ن) کے رکن قومی اسمبلی ملک ابرا ر احمد، مظفر گڑھ سے آزاد رکن قومی اسمبلی جمشید دستی، مرکزی رہنما آل پاکستان مسلم لیگ معروف قانون دان ، سابق صدر جنرل پرویز مشرف کے قانونی مشیر احمد رضا قصوری ، سابق وفاقی وزیر خالد رانجھا ، سابق وزیر مملکت ملک امین اسلم، سابق صوبائی وزراء احمد علی اولکھ آف لیہ ، وزیر کرنل محمد انو ر آف پنڈی گھیب، سابق وزیر داخلہ رکن آزاد جموں کشمیر قانون ساز اسمبلی راجہ محمد صدیق ، سابق تحصیل ناظمین قاضی خالد محمود، رضا خان بہبودی، ملک لیاقت علی خان ، سردار منظر امیر خان ، سردار صبیح خان، سردار افتخا ر خان المعروف مٹھو خان ، سابق نائب ضلع ناظم ملک محمد سمین خان، سابق ایم پی اے پیر عباس محیی الدین، سردار محمد علی خان،سابق نائب ناظمین تحصیل کونسل ملک شمیم محمد خان ، عاطف شاہ، سابق امیدواران قومی و صوبائی اسمبلی ملک امانت خان راول، عطا المصطفیٰ جمیل، ملک جمشید الطاف، صاحبزادہ سعید احمد دریا شریف، ڈاکٹر سید اسد عباس بخاری ، سردار ممتاز خان آف بسال،صدر نیشنل پریس کلب اسلام آباد شہریار خان ، جنرل سیکرٹری چوہدری طارق، چیئرمین اٹک پریس کلب(رجسٹرڈ) ندیم رضا خان ، ضلعی امیر جماعت اسلامی اقبال خان، سابق صدر ڈسٹرکٹ بار ایسوسی ایشن رانا افسر علی خان، مرکزی جنر ل سیکرٹری تحریک اسلامی علامہ عارف واحدی، سابق ناظمین یونین کونسل ملک طاہر اعوان ، جمریز خان، سید سبطین شاہ، ملک ریاض الدین اعوان ،ڈی آئی جی موٹروے پولیس محمدوصال فخر سلطان راجہ ، ایڈیشنل آئی جی سپیشل برانچ کیپٹن زبیر احمد، سابق ڈائریکٹر ایف آئی اے راولپنڈی زون کیپٹن ظفر اقبال اعوان،ڈی ایس پی حفیظ احمد اولکھ، ٹی ایم او اٹک سردار آفتاب احمد خان، ٹی او ریگولیشن ملک مبارک علی خان،سابق چیئرمین بلدیہ حضرو محمد افضل ڈار، سابق سینئر وائس چیئرمین ضلع کونسل اٹک ملک رستم خان آف ہارون کے علاوہ ملک بھر سے اعلیٰ سول و فوجی حکام سیاسی شخصیات اور مقتدر حلقوں سے تعلق رکھنے والے اعلیٰ عہدیداروں نے کثیر تعداد میں شرکت کی میجر طاہر صادق نے اپنے آٹھ سالہ دور میں ضلع بھر میں اربوں روپے کام کروا کر جس طرح انفرادیت قائم کی اسی طرح انہوں نے اپنے بیٹے کی شادی کے موقع پر دعوت ولیمہ کر کے انفرادیت کی مثال قائم کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
) 23مارچ 1940ء کا دن تشکیل پاکستان کی راہ میں ایک سنگ میل کی حیثیت رکھتا ہے ، یوم پاکستان کو منانے کیلئے گورنمنٹ انسٹی ٹیوٹ آف کامرس برائے خواتین گجرات
گجرات (جی پی آئی) 23مارچ 1940ء کا دن تشکیل پاکستان کی راہ میں ایک سنگ میل کی حیثیت رکھتا ہے ، یوم پاکستان کو منانے کیلئے گورنمنٹ انسٹی ٹیوٹ آف کامرس برائے خواتین گجرات میں سیمینار کا انعقاد ، یوم پاکستان 23مارچ 1940ء کو منانے کے لیے ادارہ ہذا میں ایک سیمینار کا انعقاد کیا گیا ، سیمینار کی صدارت پرنسپل ادارہ مسز ثوبیہ عامر نے کی ، سٹیج سیکرٹری کے فرائض مس آسیہ یونس لیکچرار انگریزی نے سرانجام دئیے ، اس سیمینار کے انعقاد کا بنیادی مقصد 23مارچ 1940ء یوم پاکستان کی تاریخی اہمیت کو اجاگر کرنا نیز طالبات میں یہ شعور اجاگر کرنا تھا کہ یہ ملک برصغیر پاک و ہند کے تمام مسلمانوں کی ایک طویل جدوجہد کا ثمر ہے ، سمینار کا باقاعدہ آغاز تلاوت کلام پاک سے ہوا ، جس کی سعادت ڈی کام پارٹ ون کی طالبہ قندیل فاطمہ نے حاصل کی ، بعد ازیں نعت رسول مقبول ۖ ڈی کام پارٹ ون کی طالبہ توحید امجد نے پیش کی ، جسکے بعد مسز سعدیہ ساجد لیکچرار مطالعہ پاکستان نے طالبات سے خطاب کیا ، انہوں نے اپنے لیکچر کے دوران 23مارچ 1940ء کو پیش کی جانے والی قرار داد کی تمام تفصیلات سے طالبات کو آگاہ کیا ، ادارہ کی مختلف طالبات نے نہایت خوش و جذبے سے ملی ترانے پیش کیے ، توحید امجد ، نجمہ مقصود اور معصومہ جعفری کے پیش کردہ ملی نغموں کو زیادہ سراہا گیا ، ادارہ کی پرنسپل مسز ثوبیہ عامر نے طالبات سے خطاب کیا ، انہوں نے کہا کہ 23مارچ 1940ء کا دن تشکیل پاکستان کی راہ میں اہم سنگ میل کی حیثیت رکھتا ہے ، 1940ء میں بانی پاکستان قائداعظم محمد علی جناح نے قرار داد پاکستان منظور کروا کے اسے ملی مطالبے کی شکل دے دی ، اور صرف سات سال بعد ہی انہوں نے اپنی بے پناہ جدوجہد کے نتیجے میں پاکستان حاصل کر لیا ، اب یہ نوجوانان پاکستان کا فرض ہے کہ وہ دل لگا کر علم حاصل کریں اور اپنی صلاحیتیوں کو برئوے کار لا کر ملک و قوم کا نام روشن کریں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فروغ تعلیم کیلئے پرائیویٹ سیکٹرز کی خدمات قابل تحسین ہیں پرائیویٹ سیکٹر کے بغیر فروغ تعلیم
گجرات (جی پی آئی) فروغ تعلیم کیلئے پرائیویٹ سیکٹرز کی خدمات قابل تحسین ہیں پرائیویٹ سیکٹر کے بغیر فروغ تعلیم کا حدف پورا نہیں ہو سکتا ، ان خیالات کا اظہار سابق ایم این اے محترمہ ثمینہ فخر پگانوالہ نے دی ایگزاسکول سسٹم نیو شادمان گجرات کی تقریب تقسیم انعامات کے موقع پر خطاب کرتے ہوئے کیا انہوں نے کہا کہ فروغ تعلیم کے بغیر ملکی ترقی ناممکن ہے ، اور فروغ تعلیم کیلئے ہر شعبہ ہائے زندگی سے تعلق رکھنے والے افراد کو اپنا کردار احسن طریقہ سے ادا کرنا ہو گا ، مجھے خوشی ہے کہ دی ایگزاسکول نے بہت ہی کم عرصہ میں اپنا مقام بنایا ہے ، سکول کی انتظامیہ مبارک باد کی مستحق ہے ، ڈی ایس پی کھاریاں عبدالقیوم گوندل نے خطاب کرتے ہوئے کہا کہ صوفیاء کرام سے محبت کرنی والی دھرتی گجرات میں فروغ تعلیم کیلئے جو اقدامات ہو رہے ہیں وہ قابل تحسین ہیں ، اور قیام پاکستان میں بھی صوفیاء کرام نے بہت اہم کردار ادا کیا تا کہ ایک اسلامی فلاحی ریاست کا خواب جو کہ علامہ محمد اقبال نے دیکھا کو پورا کیا جا سکے ، انہوں نے کہا کہ دی ایگزا سکول کی خدمات قابل تحسین ہیں ، کہ یہ بچوں میں عملی طور پر آگے بڑھنے کا جذبہ پیدا کر رہے ہیں ، اور بچوں کا اعتماد دیکھ کر محسوس ہوتا ہے کہ ان بچوں کی تربیت اچھے طریقے سے ہو رہی ہے ، چوہدری مظہر اقبال دیونہ نے خطاب کرتے ہوئے کہا کہ ملک میں نظام تعلیم کو بہتر بنانے کی اشد ضرورت ہے ، جب تک نظام تعلیم بہتر نہیں ہو گا یہ ملک ترقی نہیں کر سکے گا ، اور نظام تعلیم کو بہتر بنانے کیلئے ہر شہری کو اپنا کردار ادا کرنا ہے ، اور محنت کا ثمر ہمیشہ حاصل ہوتا ہے ، اور بچوں کو فیل پاس کے چکر سے نکل کر ان میں وطن کی خدمت کا جذبہ پیدا کرنے کی ضرورت ہے ، صدر پنجاب نعت کونسل شیخ عرفان پرویز نے کہا کہ تعلیم انسان میں نکھار پیدا کرتی ہے ، اور اچھے والدین اچھے اساتذہ کسی بھی قوم کا اثاثہ ہوتے ہیں ، بچوں میں احساس ذمہ داری پیدا کرنے کی ضرورت ہے ، تاکہ یہ بچے ملک کی ترقی میں اپنا کردار احسن طریقہ سے ادا کر سکیں ، اس موقع پر بچوں نے مختلف خاکوں کا مظاہرہ کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت پنجاب فروغ تعلیم کیلئے دن رات کام کر رہی ہے ، ان خیالات کا اظہار ممبر صوبائی اسمبلی حاجی عمران ظفر نے گزشتہ روز دی ایگزا سکول گجرات میں بطور مہمان خصوصی خطاب کرتے ہوئے کیا
گجرات (جی پی آئی) حکومت پنجاب فروغ تعلیم کیلئے دن رات کام کر رہی ہے ، ان خیالات کا اظہار ممبر صوبائی اسمبلی حاجی عمران ظفر نے گزشتہ روز دی ایگزا سکول گجرات میں بطور مہمان خصوصی خطاب کرتے ہوئے کیا ، انہوں نے کہا کہ وزیراعلیٰ پنجاب میاں شہباز شریف نے جس انداز میں فروغ تعلیم کیلئے کام شروع کیا ہے ، وہ قابل تحسین ہے ، گزشتہ چند پانچ سالوں میں پرائیویٹ سیکٹر اور گورنمنٹ سیکٹر کو سہولیات فراہم کی گئیں ، کروڑوں روپے کے لیپ ٹاپس فراہم کیے گئے تا کہ بچوں میں آگے بڑھنے کا جذبہ پیدا ہو ، انہوں نے کہا کہ نوازشریف میڈیکل کالج بھی گجرات میں قائم کیا گیا ، جس کے مثبت ثمرات برآمد ہو رہے ہیں ، اس سال پہلا بیج فراغ التحصیل ہو رہا ہے ، اور 50ڈاکٹرز عوام کی خدمت کیلئے میدان میں آ رہے ہیں ، انہوں نے کہا کہ والدین کا فرض ہے کہ وہ اپنی ذمہ داریاں احسن طریقہ سے سرانجام دیں ، اور بچوں کو ذمہ دار شہری بنائیں ، ڈائریکٹر یونیورسٹی آف گجرات پروفیسر ڈاکٹر فہیم ملک نے اپنے خطاب میں کہا کہ بچوں کو ذمہ دار شہری بنانا وقت کی اہم ضرورت ہے ، اور ذمہ دار قوم ہی ملک و قوم کی ترقی میں اہم کردار ادا کر سکتی ہے ، بچوں کی کارکردگی دیکھ کر محسوس ہوا ہے کہ مایوسی کی ضرورت نہیں ، لوگوں میں شعور بیدار ہو رہا ہے ، اور بچوں میں لگن کا جذبہ پیدا ہو تو ملک ترقی کرتا ہے ، دی ایگزا سکول سسٹم کی انتظامیہ مبارک باد کی مستحق ہے ، چیئرمین ایگزا سکول سسٹم ضیغم ثناء نے کہا کہ ہم ملک کو اچھی نسل دینا چاہتے ہیں جو عوام کی خدمت کو ترجیح بنائے اور ہمیں خوشی ہے کہ ہمارے ساتھ ایسے لوگ موجو د ہیں ، جو کہ ہماری رہنمائی کر رہے ہیں ، اور ہم اسی انداز میں آگے بڑھتے رہینگے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دی ایگزا سکول گجرات میں سالانہ تقریب تقسیم انعامات منعقد ہوئی ، جس کی صدارت چیئرمین دی
گجرات (جی پی آئی) دی ایگزا سکول گجرات میں سالانہ تقریب تقسیم انعامات منعقد ہوئی ، جس کی صدارت چیئرمین دی ایگزا سکول سسٹم ضیغم ثناء وڑائچ نے کی ، مہمان خصوصی ڈائریکٹر یونیورسٹی آف گجرات پروفیسر ڈاکٹر فہیم ملک ،سابق ایم این اے ثمینہ فخر پگانوالہ ، ایم پی اے حاجی عمران ظفر ، صدر پنجاب نعت کونسل شیخ عرفان پرویز ، صاحبزادہ حکیم جواد الرحمن نظامی سیفی ، خادم علی خادم ، مظہر نت ، تھے ، اس موقع پر طلباء و طالبات نے مختلف خاکے پیش کیے ، مہمانانِ گرامی نے بچوں میں انعامات تقسیم کیے ،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
) ممتاز تاجر راہنما محمد سلیم خان گزشتہ روز رشتہ ازدواج سے منسلک ہو گئے ، ان کی دعوت ولیمہ
گجرات (جی پی آئی) ممتاز تاجر راہنما محمد سلیم خان گزشتہ روز رشتہ ازدواج سے منسلک ہو گئے ، ان کی دعوت ولیمہ ، مقامی میرج ہال میں منعقد ہوئی ، جس میں ہر مکتبہ فکر سے تعلق رکھنے والے افراد نے شرکت کی ، جن میں علی ابرار جوڑا ، شیخ عرفان پرویز ، شاہد جوڑا ، مرزا اکبر بیگ برلاس ، اشرف منہاس و دیگر شامل ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ویں سالانہ محفل ذکر خیر الانام صحرائے مدینہ میلاد کمیٹی محلہ حسن پورہ کے زیر اہتمام 28مارچ کو منعقد ہو گی
گجرات (جی پی آئی) 8ویں سالانہ محفل ذکر خیر الانام صحرائے مدینہ میلاد کمیٹی محلہ حسن پورہ کے زیر اہتمام 28مارچ کو منعقد ہو گی ، جس کی صدارت صوفی محمد عارف چشتی سجادہ نشین آستانہ عالیہ بھٹی کے شریف کرینگے ، جبکہ مہمان خصوصی پیر سید زاہد حسین شاہ ترمذی ، پیر سید جرار حسین شاہ ، پیر رضوان منصور آوانی ، پیر سعید احمد شاہ گجراتی ہونگے ، اس محفل نعت میں ممتاز عالم دین مولانا عبدالحمید چشتی خطاب کرینگے ، نقابت کے فرائض طاہر عباس خضر خچی اور خاور بشیر بٹ سرانجام دینگے ، تلاوت کلام پاک کا شرف قاری محسن رضا قادری حاصل کرینگے ،ممتاز ثناء خوانِ رسول محسن علی حیدری ، عرفان حیدری ، محمد عمر صدیقی ہدیہ نعت پیش کرینگے ، ممتاز علمائے کرام و پیران کرام کی کثیر تعداد شرکت کریگی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈسٹرکٹ آفیسر زراعت محمد صدیق نے کہا ہے کہ کاشتکار جدید ٹیکنالوجی پر عمل کرکے گندم
گجرات(جی پی آئی) ڈسٹرکٹ آفیسر زراعت محمد صدیق نے کہا ہے کہ کاشتکار جدید ٹیکنالوجی پر عمل کرکے گندم فی ایکڑ پیداوار میں اضافہ کریں ۔ ان خیالات کا اظہار انہوں نے زیادہ گندم اگائو کے پراجیکٹ کے تحت موضع پنڈی تا تار میں چوہدری محسن عباس کے فارم پر یوم کاشتکاران کے دن پر کیا ۔اس موقع پر سید سجاد حسین کاظمی ڈسٹرکٹ آفیسر (سائل فرٹیلٹی ) سید سجاد حسین بخاری ڈپٹی ڈسٹرکٹ آفیسر زراعت ،خلیل احمد زراعت آفیسر سمیت کاشتکاروں کی بڑی تعدادبھی مو جود تھی ۔ تمام شرکاء کو گندم کھیلیوں پر کاشت کئے گئے نمائشی پلاٹ کا معائنہ کرایا گیا ۔اس موقع پر کاشتکاروں سے خطاب کرتے ہوئے محمد صدیق ڈسٹرکٹ آفیسر زراعت نے کاشتکاروں کو کھیلیوں پر کاشتہ فصل کے فوائد سے آگاہ کیا ۔انہوں نے کہا کھیلیوں پر کاشت کے طریقہ سے نا صرف پانی کی بچت ہوتی ہے بلکہ پیداوار میں بھی 10تا 15فیصد اضافہ ہوتا ہے ۔ کاشتکاران نے پلا ٹ کی ٹیکنالوجی میں بڑی دلچسپی کا اظہار کیا ہے مزید یہ کہ محسن عباس زمیندار نے کچن گارڈننگ کے لئے پلاٹ تیار کیا تھا جس پر ڈسٹرکٹ آفیسر زراعت نے سبزی کا شت کرنے کا افتتاح کیا ۔ علاقے کے کاشتکاران نے محکمہ زراعت کی اس طرح کی سر گرمیوں کی تعریف کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایم پی اے چوہدری محمد اشرف دیونہ نے کہا ہے کہ کا شتکار گھریلو پیمانہ پر سبزیاں کاشت کرکے بچت کے ساتھ اپنی صحت کی بھی حفاظت کر سکتے ہیں
گجرات(جی پی آئی) ایم پی اے چوہدری محمد اشرف دیونہ نے کہا ہے کہ کا شتکار گھریلو پیمانہ پر سبزیاں کاشت کرکے بچت کے ساتھ اپنی صحت کی بھی حفاظت کر سکتے ہیں ۔ محکمہ زراعت توسیع گجرات کی جانب سے موضع چھنی حافظ میں چوہدری میاں خاں کے ڈیرے پر کچن گارڈننگ کے سلسلہ میں یوم کاشتکاران منایا گیا ۔ اس موقع پر ایم پی اے چوہدری محمد اشرف دیونہ، چوہدری مبشر احمد چیمہ ای ڈی او زراعت، چوہدری محمد صدیق ڈسٹرکٹ آفیسر زراعت ،سید سجاد حسین بخاری ڈپٹی ڈسٹر کٹ آفیسر زراعت ،زرعی آفسران اور کاشتکاروں کی بڑی تعدادبھی موجود تھی ۔ اس موقع پر ڈاکٹر عرفان اللہ وڑائچ نے کاشتکاروں کو سبزیات کی غزائی اور طبی اہمیت سے آگاہ کیا ۔ اور گرمیوںکی سبزیات کی پیداوری ٹیکنالوجی سے روشناس کرایا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محکمہ جنگلات گجرات فاریسٹ ڈویژن گجرات کے زیر انتظام کڑیانوالہ جنگل سر کاری پلانٹیشن ایک شاندار سیمینار منعقد ہوا
گجرات(جی پی آئی) محکمہ جنگلات گجرات فاریسٹ ڈویژن گجرات کے زیر انتظام کڑیانوالہ جنگل سر کاری پلانٹیشن ایک شاندار سیمینار منعقد ہوا جس میں عاصم نقوی DFOگوجرنوالہ ،ریحان خان DFOسیالکوٹ ،چوہدری محمد علی گجر حاجیوالہ ، چوہدری محمد طارق آف ماجرا شمالی، چوہدری افتخار احمد بلاک آفیسر ،سید احمد حسین شاہ بلاک آفیسر ، چوہدری ندیم ظفر آف حاجیوالہ انچارج پلانٹیشن کڑیانوالہ جنگل ، چوہدری انار خان ،رحمت شہزاد ، یونیورسٹی آف گجرات کے پروفیسرز ،طلبا ء وطالبات ،گورنمنٹ ہائی سکول کے طالبات اور معززین علاقہ پاکستان آرمی جلالپور جٹاں کینٹ کے افسران وجوانوں نے خصوصی طور پر شرکت کی ۔ تقریب سے خطاب کرتے ہو ڈاکٹر زاہد جاوید کنزرویٹرآف سرکل گوجرانوالہ نے اس بات کی طر ف توجہ دلائی کے محکمہ جنگلات سرکاری طور پر شجر کاری کر رہا ہے ۔ اس موقع پر انہوں شہریوں سے اپیل بھی کی کے وہ اپنے پرائیویٹ رقبہ جات میں زیادہ سے زیادہ شجر کاری کریں اس سے نہ صرف قیمتی لکڑی حاصل کی جا سکے گی بلکہ ایندھن جلانے کے طور پر بھی اور گرمیوں میں سائے کے لئے بھی درخت کارآمد ہیں ۔ جبکہ اس موقع پر سردار فدا حسین ڈویژنل فاریسٹ آفیسر گجرات نے شہریوں پر زور دیا کہ جتنے پودے لگائے جائیں نہ صرف لگائیں جائیں بلکہ ان کی خصوصی طور پر نگہداشت پر توجہ دی جائے تاکہ وہ پودے مکمل پروان چڑھ سکیں اور پنا مقصد زندگی پورا کر سکیں۔ڈسٹرکٹ آفیسر فاریسٹ شیخ رضا انور نے اسٹیج سیکرٹری کے فرائض بھی انجام دئیے اور خصوصی طور پر ایک شعر کے اندر ہی کوزے کو دریا میں بند کیا ۔” اے کاش کہ تو سمجھ جائے اتنی سی بات ہے قتل شجر اصل میں قتل حیات ہے ” بعد ازاں تمام شرکاء اور پروفیسر، یونیورسٹی گجرات کی طالبات اور ہائی سکول کے طلباء اورمعززین علاقہ نے اپنے اپنے حصہ کی شجر کاری اپنے ہاتھو ںسے پودے لگا کر کی ۔ اس موقع پر محکمہ جنگلات کے سربراہان نے بتایا کہ 21مارچ کو عالمی یوم جنگلات کے دن سے منا یا جاتا ہے اور یہ دن اس بات کی طرف خصوصی توجہ دلاتا ہے کہ زیادہ سے زیادہ شجر کاری کی جائے اور ان کی حفاظت کی تاکہ ماحول خوشگوار ہو اور ملکی لکڑی کی ضرورت پوری ہوسکے۔
