گجرات (جی پی آئی) دی ایجوکیٹرز بارہ دری کیمپس کے چار اساتذہ سکول کی طرف سے عمرہ کی سعادت حاصل کرنے کیلئے 10 اپریل کو سعودی عرب روانہ ہوں گے۔ تفصیلات کے مطابق دی ایجوکیٹرز بارہ دری کیمپس کے سینئر اساتذہ جن میں مسز سعدیہ سلیمان ۔ مس جویرہ رفیق۔ مس نجف قریشی۔ مظہر اقبال ۔ عمرہ کی سعادت حاصل کرنے کیلئے سعودی عرب روانہ ہوں گے ان کے اعزاز میں خصوصی محفل منعقد ہوگی اور انہیں دعائوں کے سائے میں روانہ کیا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) دی ایجوکیٹرز بارہ دری کیمپس چیئرمین شہزاد شفیق نقشبندی نے کہا ہے کہ بارہ دری کیمپس میں طلبہ میں تعلیم کے بارے میں شعور بیدار کرنے کیلئے انتظامات کئے جا رہے ہیں اور پوزیشن ہولڈر طلباء کو انعامات دئیے جاتے ہیں اب انتظامیہ نے فیصلہ کیا ہے کہ دی ایجوکیٹرز بارہ دری کیمپس کے وہ طلبہ جو بورڈز میں پوزیشن حاصل کریں گے انہیں سکول کی طرف سے بمعہ فیملی عمرہ کی سعادت حاصل کرنے کیلئے بھجوایا جائے گا۔ انہوں نے کہا ہے کہ طلبہ کا فرض ہے کہ اپنی تعلیم کی طرف توجہ دیں۔ اور ملک و قوم کی بہتری کیلئے کام کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) پاکستان تحریک انصاف یوتھ ونگ ضلع گجرات کے سیکرٹری اطلاعات مہر شہباز فاضل نے کہ ہے کہ موجودہ حکمران اپنے تمام تر وعدوں میں اور دعوئوںمیں ناکام ہو چکے ہیں۔حکمرانوں کی کوئی بھی پالیسی ملک کی تعمیر و ترقی کے حوالے سے بار آور ثات نہیں ہو سکی۔ حتیٰ کہ امن و امان کے حوالہ سے ملکی حالات بالکل دگرگوں ہیں اور حکمرانوں نے آج تک جو بھی وعدے کئے ہیں وہ پورے نہیں ہو سکے صرف ڈنگ ٹپائو پالیسیوں پر عمل کیا جا رہا ہے۔ مہر شہباز فاضل نے کہا ہے کہ موجودہ حالات میں صرف پاکستان تحریک انصاف ہی ایسا جماعت ہے جو عوامی مسائل کو حل کر سکتی ہے۔ کیونکہ عمران خان کے پاس بہتر ٹیم اور مثبت ذہین رکھنے والے افراد موجود ہیں۔ گجرات میں بھی ایسے افراد تحریک انصاف میں کام کرر رہے ہیں جو صرف اور صرف عوامی خدمت کے جذبہ کے تحت میدان میںہیں۔ فیضان خالد جو کہ نوجوانوں کے رہنما ہیں ان کی قیادت میں تحریک انصاف یوتھ ونگ اپنی سرگرمیاں جاری رکھے ہوئے ہے۔ انہوںنے کہا کہ ہم چاہتے ہیں کہ ہر سطح پر عوام کو انصاف ملے اور ہم انصاف کیلئے ہمہ تن کوشاں ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) پٹرولنگ پوسٹ فتح پور ایک بار پھر ضلع گجرات میں نمایاں ۔ انچارج پٹرولنگ پوسٹ فتح پور خاور حسین گوندل سب انسپکٹر کی ایک بار پھر شاندار کارکردگی ۔ انچارج پٹرولنگ پوسٹ خاور حسین گوندل سب انسپکٹر نے دوران گشت دو ملزمان کلیم عباس سکنہ شاہ پور اور قمر علی سکنہ گھنسیہ سے 8 ایم ایم رائفل’ 4 میگزین اور 25 روند اور دوسرے ملزم سے 8 ایم ایم رائفل جو کہ G3 میں تبدیل کی گئی تھی 1 میگزین اور 25 روند برآمد کر کے تھانہ دولت نگر میں مقدمہ نمبر 105 اور 106 بجرم 13-2B, Po2015 درج کروائے۔ جو کہ ان کی بہترین ڈیوٹی سر انجام دینے کا منہ بولتا ثبوت ہے۔ یاد رہے کہ خاور حسین گوندل سب انسپکٹر اس سے پہلے پٹرولنگ پولیس پنجاب میں سب سے زیادہ کارکردگی والے افسر ہیں جوکہ افسران بالا سے تعریفی اسناد اور نقد انعام بھی حاصل کر چکے ہیں خاور حسین گوندل ٹیم ورک پر یقین رکھتے ہیں اور وہ اپنی ٹیم جس میں احسان اللہ بٹ ہیڈ کانسٹیبل ‘ مدثر گلزار اور شفاقت ناگی کی ڈیوٹی سے کافی خوش ہیں۔ خاور حسین گوندل سب انسپکٹر کی شاندار کامیابی پر اہل علاقہ نے پوسٹ انچارج کو خراجِ تحسین پیش کیا اور کہا کہ جب سے خاور حسین گوندل فتح پور انچارج ہوئے ہیں۔ علاقے میں امن ہے اور پوسٹ کا تمام عمل بہت خوش اخلاق ہے۔ SSP پٹرولنگ گوجرانوالہ کا بھی شکریہ کرتے ہیں جو تمام پوسٹوں کو اچھے طریقے سے کام کروار ہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) بزم غلامانِ گھمکول شریف ضلع گجرات کا ایک اہم اجلاس چوہدری عباس مہر آف چک میرو شیخ پور کے ڈیرے پر منعقد ہوا۔ جس کی صدارت ضلعی ناظم اعلیٰ غلامانِ گھمکول شریف چوہدری افتخار احمد ملہی نے کی۔ اجلاس میں محفل میلاد مصطفےٰ ۖ جو کہ 20 اپریل بروز سوموار کو چوہدری مہر عباس کے ڈیرے پر منعقد ہو رہی ہے کہ انتظامات کا جائزہ لیا گیا۔ چوہدری افتخار احمد ملہی نے اجلاس سے خطاب کرتے ہوئے کہا کہ محفلِ میلاد مصطفےٰ میں عالمی ثناء خوان مصطفےٰ بارگاہ رسالتۖ میں ہدیہ نعت پیش کریں گے۔ اجلاس میں ضلع گجرات کے ممتاز راہنمائوں چوہدری افتخار آف بھڈانہ ‘ چوہدری اکرم آف کوٹ نتھو’ چوہدری افضال رانجھا’ ماسٹر عنصر آف کوٹ قطب دین’ حاجی امجد رشید آف کھاریاں’ صوفی اشرف آف سرائے عالمگیر’چوہدری مدثر اقبال آف لالہ موسیٰ’ غلام عباس آف گلیانہ’ صوفی اصغر آف کوٹلہ’ محمد سجاد آف دولت نگر’ چوہدری ذکاء اللہ سندھو آف جسوکی’ چوہدری ندیم سیال آف ڈالی بانٹھ’ ملک شاہ جہاں چکوالی آف کالرہ’ راجہ پرویز ‘ خلیفہ صالح محمد آف ڈھل’ چوہدری طاہر’ عمران منہاس آف نصیرہ نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ضلع گجرات کی ممتاز سماجی شخصیت و سرپرست اعلیٰ مرکزی انجمن تاجران حاجی ارشد محمود خاں نے کہا ہے کہ عظیم روحانی شخصیت حکیم پیر زادہ جاگیردار گل نواز جٹ رندھاوا ہوتی لا ہوتی علمدار المعروف مخدوم باوا سائیں اللہ ہو سرکار کے انتظامیہ کی طرف سے انتقامی کارروائیوں کی شدید مذمت کرتے ہیں۔ اور کہا ہے کہ ملک میں پولیس گردی کی وجہ سے کوئی بھی شریف شہری محفوظ نہیں رہا۔ اور لوگ پولیس کے ظلم و ستم سے پریشان ہیں۔ جس طرح مخدوم باوا سائیں اللہ ہو سرکار کے ساتھ رویہ اختیار کیا گیا ہے وہ قابل مذمت ہے اور اس واقعہ میں ملوث تمام پولیس افسران و ملازمین کو نوکری سے برطرف کیا جانا چاہئے۔ جو کسی شریف شہری کی عزت اچھالیں۔ انہوں نے عدلیہ کو خراجِ تحسین پیش کیا ہے جنہوں نے سائیں اللہ ہو سرکار کو با عزت بری کیا ہے۔ اور حق کا بول بالا کیا ہے۔ انہوں نے کہا کہ پولیس افسران جنہوں نے علم کی بے حرمتی کی ہے ان کیخلاف سخت سے سخت کارروائی کی جائے چاہئے وہ پولیس میں ہو چاہئے ٹی ایم اے یا محکمہ تعلیم میں تمام افسران کو قرار واقعہ سزا دی جائے اور احکام بالا اس واقعہ کی شفاف انکوائری کر کے ذمہ داران کو کیفر کردار تک پہنچایا جائے اور علم کی بے حرمتی کرنے والوں کیخلاف 295-B کے تحت مقدمہ درج کیا جائے۔ ہم ہر سطح پر عظیم روحانی شخصیت حکیم پیر زادہ جاگیردار گل نواز جٹ رندھاوا ہوتی لا ہوتی علمدار المعروف مخدوم باوا سائیں اللہ ہو سرکار کے ساتھ ہیں اور انہیں اپنی بھر پور حمایت کا یقین دلاتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ڈی پی او آفس میں ایس پی انویسٹی گیشن محمد ریاض نے دوران پریس کانفرنس بتایا کہ دو ہفتہ قبل جنرل بس اسٹینڈ کے قریب ہونے والا اجنبی نوجوان کا اندھا قتل ٹریس۔ گجرات پولیس اندھے قتل ٹریس کرنے میں سب سے آگے ہے۔ 25 مارچ کو جنرل بس اسٹینڈ کے قریب اجنبی نوجوان کو بذریعہ فائرنگ قتل کر دیا گیا۔ جس کی محسن آفتاب کے نام سے شناخت ہوئی جو کہ بہاولنگر کا رہائشی تھا۔ اندھے قتل کی اس واردات نے گردو نواح کے لوگوں اور تاجروں کو خوف زدہ کر دیا۔ اس ورادات کو ٹریس کرنے کیلئے ڈی پی او گجرات نے ڈی ایس پی سٹی غلام مصطفیٰ گیلانی کی زیر نگرانی ایس ایچ او SI عدنان شہزاد کی سربراہی میں لاری اڈا پولیس کو خصوصی ٹاسک دیا۔ SHO لاری اڈا کی سربراہی میں پولیس ٹیم نے جدید سائنسی ٹیکنالوجی کی مدد سے دن رات محنت کر کے قاتلوں کو ٹریس کر لیا۔ ملزم ذوالفقار ولد مظفر قوم گجر سکنہ چک نمبر 6 شمالی بھلوال ضلع سرگودھا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) سٹیزن فرنٹ سپریم کونسل کا ماہانہ اجلاس 8 اپریل شام ساڑھے چھ بجے حافظ نواب دین ہائوس میں منعقد ہو گا جس کی صدارت ضلعی صدر چوہدری علی ابرار جوڑا کریں گے۔ اجلاس میں تلاوت قرآن ‘ نعت خوانی و دعائے مغفرت ‘ سابقہ کارروائی ‘ ممبر شپ کارڈز اور ممبر شپ مالی اور یوم پاکستان کے حوالہ سے خصوصی خطاب کیا جائے گا۔ تمام ممبران وقت مقررہ پر شریک ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) IHMA ضلع گجرات کے زیر اہتمام چٹھا سالانہ ایجوکیشن سیمینار 10 اپریل کو صبح 10 بجے رائل میرج ہال میں منعقد ہو گا۔ تمام ڈاکٹرز شریک ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) شہر بھر میں ناجائز تجاوزات کی بھر مار ۔ خوبصورت گجرات کو زنگ لگ گیا۔ فوارہ چوک گجرات سے لیکر تھانہ بی ڈویژن تک جگہ جگہ فاسٹ فوڈ کی موبائل سروس اور دکانوں کی بدولت ٹریفک حادثات میں اضافہ ہو گیا۔ عوامی مسائل کی وجہ سے حکام غائب ہو گئے۔ ہوم ڈلیوری کے نام پر موٹر سائیکل پر بڑے بڑے ڈبے لگا کر موٹر سائیکل لاوارث کھڑے کر دئیے جاتے ہیں جو کہ دہشت گردی کیلئے آسانی سے استعمال ہو سکتے ہیں۔ ڈی سی او گجرات کی جانب سے حساس مقامات کی فہرست جاری کی گئی مگر اس میں اس طرف کوئی توجہ نہیں دی گئی ناجائز تجاوزات حادثات اور دہشتگردی کا پیش خیمہ ثابت ہو سکتے ہیں۔ حکام نوٹس لیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) پاکستان تحریک استقلال کے مرکز ی نائب صدر اور انسانی حقوق کمیٹی پنجاب کے چیرمین سید باقر رضوی نے گزشتہ روز عوامی خدمت گار اور مزدور راہنما جمشید دستی کے دور گجرات کے دوران ان سے ملاقات کی اور انہیں ملک میں کرپشن لوٹ مار اور استحصالی نظام کے خلاف ان کی طرف سے چلائی جانے والی مہم پر انہیں زبردست خراج تحسین کیا اس موقع پر سینکڑوں لوگوں نے ان کا شاندار استقبال کیا جب وہ سائیکل مارچ کرتے ہوئے گجرات پہنچے اس موقع پر سید باقر رضوی نے خطاب کرتے ہوئے اپنی اور عوام کی طرف سے جمشید دستی کی اس مہم کے ساتھ مکمل تعاون کا یقین دلایا اور کہا کہ پاکستان میں کرپشن اور لوٹ مار کا استحصالی نظام ختم ہو جائے تو پاکستان ایک خوشحال ملک بن سکتا ہے اور کڑروں پاکستانی جو غربت کی لکیر سے نیچے زندگی بسر کرنے پر مجبور ہیں خوشحال زندگی گزار سکتے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(نمائندہ خصوصی) سول جج گجرات و علاقہ مجسٹریٹ گجرات مسعود اصغر نے تھانہ سوللائن کے سابق ایس ایچ او عارف منیر بٹ اور چوکی انچارج مسعود عالم کو چودہ مئی کو عدالت میں طلب کر لیا ہے ۔تفصیل کے مطابق پاہڑیانوالی کے رہائشی نبیل احمد نے رٹ دائر کی ہے اس کے عزیز الماس عرف ننھاکے خلاف منشیات کا جھوٹا مقدمہ درج کیا گیا ہے کیونکہ اس نے پولیس کے خلاف تھانہ انٹی کرپشن میں 60ہزار روپے رشوت لینے کا مقدمہ درج کروارکھا ہے جس کا پولیس کو رنج تھا جس پر سول جج نے پولیس آفسران کو عدالت طلب کر لیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ڈی سی او گجرات لیاقت علی چٹھہ کی طرف سے بلائی گئی پریس کانفرنس میں صحافیوں نے گجرات کے مسائل کے متعلقہ سوالات کی بھرمار کر دی جس پر ڈی سی او گجرات لیاقت علی چٹھہ صحافیوں کے سوالات کے معقول جوابات نہ دے سکے اور کہہ کر ٹال گئے کہ یہ مسائل دوسرے محکموں کے ہیں ،پریس کانفرنس کے دوران گجرات کے صحافیوں نے زیادہ ترسوالات کو گجرات کے مسائل پر فوکس رکھا ،پورے شہر کے مسائل کے بارے میں ڈی سی او گجرات کو آگاہ کیا کیا گیا مگر ڈی سی او گجرات کے مسائل کو بھول کر خادم پنجاب کے پروگرام کے پیچھے لگے رہے تاہم پریس کانفرنس میں صحافیوں نے ڈی سی او گجرات کو ٹف ٹائم دیا جس ڈی سی او گجرات نے گجرات کے مسائل کو حل کروانے کا صحفیوں سے وعدہ کیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) پیٹرولنگ پولیس چیک پوسٹ فتح پور کے انچارج چوہدری خاور حسین گوندل نے دوران گشت ایک مشکوک شخص قمر سے ایک عدد رائفل 8MM ایک میگزین اور25عدد گولیاں برآمد کر کے اس کے خلاف مقدمہ درج کر کے اسے جیل بھیج دیا ہے
گجرات (جی پی آئی) گجرات اور گردونواح میں مسلسل بارش سے ایک بار پھر موسم ٹھنڈا اور خوشگوار ہو گیا اور سردی میں اضافہ ہو گیا ہے ،گجرات شہر اور کے ارد گرد علاقوں میں بارش سے کئی کئی فٹ پانی کھڑا ہو گیا ہے جس کی وجہ سے شہریوں کو گزرنے میں کافی مشکلات کا سامنا رہا ۔بارش سے کئی نشیبی علاقے بھی پانی سے بھر گئے جبکہ مسلسل بارش سے گجرات کے اہم روڈ بھی کئی کئی فٹ پانی میں ڈوب گئے ان علاقوں میں پرنس چوک ،جیل چوک ،کچہری چوک ،ریلوے روڈ ،جیل چوک، غریب پورہ چوکسمیت شہر کے کئی علاقے بھی بارش کے پانی میں ڈوب گئے بارش سے سرکاری دفاتر میں ملازمین کی حاضری بھی کم رہی۔بارش کے بعد شہریوں نے دوبارہ گرم کپڑوں کا استعمال بھی شرو کردیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ٹی ایم اے ایمپلائز یونین کا اجلاس گزشتہ منعقد ہوا جس میں ٹی ایم اے ایمپلائز یونین کے سرپرست اعلیٰ اللہ رکھا سہوترا ‘ جنرل سیکرٹری خالد گل’ سینئر نائب صدر حاجی مشتاق بٹ’ نائب صدر ارشد لال’ احسان مسیح سندھو’ سلامت شفیع رانا’ چوہدری نصر اللہ کنگ’ نوید مصطفی’ نومی بٹ نے شرکت کی۔ اجلاس سے خطاب کرتے ہوئے اللہ رکھا سہوترا نے کہا کہ ٹی ایم اے ایمپلائز یونین کابینہ کے ہمراہ ڈی سی او گجرات لیاقت علی چٹھہ ‘ ایڈمنسٹریٹر بلدیہ عرفان علی کاٹھیا سے خصوصی ملاقات کریں گے جس میں چوہدری ارشاد وڑائچ کو CO یونٹ کنجاہ میں تعینات کرنے پر تحفظات سے آگاہ کیا جائے گا۔ انہوں نے کہا کہ اگر چوہدری ارشادو ڑائچ کو چیف آفیسر کنجاہ یونٹ تعینات کیا گیا تو ٹی ایم اے ایمپلائز یونین مکمل طور پر سڑکوں پر نکل آئے گی۔ اجلاس کے بعد ٹی ایم اے ایمپلائز یونین کے اعزاز میں انصر محمود کٹھانہ کی رہائشگاہ پر ظہرانہ کا بھی اہتمام کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) دی ایجوکیٹرز بارہ دری کیمپس کے چار اساتذہ سکول کی طرف سے عمرہ کی سعادت حاصل کرنے کیلئے 10 اپریل کو سعودی عرب روانہ ہوں گے۔ تفصیلات کے مطابق دی ایجوکیٹرز بارہ دری کیمپس کے سینئر اساتذہ جن میں مسز سعدیہ سلیمان ۔ مس جویرہ رفیق۔ مس نجف قریشی۔ مظہر اقبال ۔ عمرہ کی سعادت حاصل کرنے کیلئے سعودی عرب روانہ ہوں گے ان کے اعزاز میں خصوصی محفل منعقد ہوگی اور انہیں دعائوں کے سائے میں روانہ کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) دی ایجوکیٹرز بارہ دری کیمپس چیئرمین شہزاد شفیق نقشبندی نے کہا ہے کہ بارہ دری کیمپس میں طلبہ میں تعلیم کے بارے میں شعور بیدار کرنے کیلئے انتظامات کئے جا رہے ہیں اور پوزیشن ہولڈر طلباء کو انعامات دئیے جاتے ہیں اب انتظامیہ نے فیصلہ کیا ہے کہ دی ایجوکیٹرز بارہ دری کیمپس کے وہ طلبہ جو بورڈز میں پوزیشن حاصل کریں گے انہیں سکول کی طرف سے بمعہ فیملی عمرہ کی سعادت حاصل کرنے کیلئے بھجوایا جائے گا۔ انہوں نے کہا ہے کہ طلبہ کا فرض ہے کہ اپنی تعلیم کی طرف توجہ دیں۔ اور ملک و قوم کی بہتری کیلئے کام کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ڈی سی او لیاقت علی چٹھہ نے کہا ہے کہ خادم پنجاب رورل روڈز پروگرا م کے تحت ضلع میں 13سڑکوں کی تعمیر کا آغاز کر دیا گیا ہے ، کھیت سے منڈی تک آسانی سے رسائی کے لئے ا س منصوبہ کے تحت 65کلومیٹر طویل سٹرکو ں کی تعمیر پر 553ملین روپے خرچ ہوں گے جبکہ اس پراجیکٹ کے تحت تاریخ میں پہلی بار دیہی علاقوں میں کارپٹ سڑکیں بنائی جائیں گی۔ ان خیالات کا اظہار انہوں نے میڈیا کے نمائندوں کو بریفنگ دیتے ہوئے کیا۔ مسلم لیگ ن کے راہنما نوابزادہ طاہر المک، ای ڈی او فنانس اینڈ پلاننگ چوہدری محمد اصغر، ڈی او سی وقار حسین ، ڈسٹرکٹ انفارمیشن آفیسر سید وقار نقوی، پی ایس او ندیم بٹ بھی موجود تھے۔ ایگزیکٹو انجینئر روڈز نے خادم پنجاب روڈز پروگرا م کے بارے میں ملٹی میڈیا کی مدد سے میڈیا کے نمائندوںکو تفصیلات سے آگاہ کیا۔ ڈی سی او لیاقت علی چٹھہ نے کہا کہ خادم پنجاب رورل روڈ پروگرام کے تحت جن سٹرکوں کی مرمت و بحالی کا آغاز کیا گیا ہے انکی چوڑائی دس فٹ تک ہے جبکہ اس پروگرام کے تحت ان سٹرکوں کو دس سے چوڑا کرکے بارہ فٹ کیا جائے گا اور جہاں ضرور ت ہوگی سٹرک کے اطراف نالے بھی تعمیر کئے جائیں گے۔ انہوں نے بتایا کہ کڑیانوالہ تااعوان شریف روڈ کی تعمیر سے ضلع گجرا ت میں اس منصوبہ کا افتتاح کر دیا گیاہے پہلے مرحلے میں جن 13سٹرکوں کو کارپٹ تعمیر کیا جائے گا ان میں 6سٹرکوں کی لمبائی پانچ کلو میٹر سے زیادہ جبکہ 7کی لمبائی پانچ کلو میٹر سے کم ہے جبکہ اس پروگرام کے تحت تین سال میں ضلع کی مجموعی طور پر 79سٹرکیں تعمیر ہوں گی، کارپٹ تعمیر کی جانیوالی ان سٹرکوںکی عمر کم ازکم 14/15سال ہوگی۔ انہوںنے بتایا کہ خادم پنجاب روڈز پروگرام کے تحت سٹرکوں کی تعمیر کے ٹینڈرز انتہائی احتیاط سے ایوارڈ کئے گئے ہیں اور کوشش کی گئی ہے کہ انتہائی اچھی شہرت کی حامل کمپنیوں کو ٹھیکے دیے جائیں تاہم انکو واجبات کی ادائیگی سے قبل روڈز ڈیپارٹمنٹ، کنسلٹنٹ نیسپاک اور تھرڈ پارٹی چیکنگ ہوگی ۔ صحافیوں کے سوالات کے جواب دیتے ہوئے ڈی سی او لیاقت علی چٹھہ نے بتایا کہ جی ٹی روڈ کی گذشتہ سال مرمت کرنیوالے ٹھیکدار کو نوٹس جاری کر دیا گیا ہے وہ انہیں پیسوں سے جہاں سے سٹرک خراب ہے مرمت کا ذمہ دار ہے ، گجرات اعوان شریف روڈکی کارپٹ تعمیر کا منصوبہ 74کروڑ روپے لاگت سے مکمل ہوگا یہ سٹرک گجرا ت کو کشمیر سے ملا دے گی اسی طرح شادیوال روڈ پر ترکھا تا شادیوال کام شروع کر دیا گیا ہے، گجرات تا ہریاوالہ سٹرک کے اطراف نالے کی تعمیر جلد شروع ہو جائے گی بعد ازاں یہاں بھی کارپٹ روڈ بنے گی۔ انہوںنے کہا کہ ایجوکیشن کی طرح ہیلتھ ڈیپارٹمنٹ کی بھی مانیٹرنگ شروع کر دی گئی ہے، حرام گوشت کا مکروہ دھندہ کرنیوالوںکے خلاف بلا تفریق ایکشن جاری ہے، شہر میں سیوریج کے مسائل کے حل کے لئے ٹھوس اقدامات کئے جا رہے ہیں۔ انہوںنے کہا کہ کرپٹ عناصر کے خلا ف کاروائی کے لئے عوام انتظامیہ کا ساتھ دیں میڈیا بھی ایسے عناصر کی نشاندہی کرے انہیں نشان عبرت بنا دیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ایڈیشنل آئی جی ٹریفک پولیس پنجاب کی ہدایت پر پنجاب بھر میں حادثات کی روک تھام کیلئے تمام گاڑیوں پر خصوصی طور پر ٹریکٹر ٹرالیوں ، گدھا گاڑیوں ، ٹرک ، ٹرالہ ، موٹر سائیکل ، آٹو رکشہ ، چنگ چی رکشہ اور ویگنوں وغیرہ پر چمکیلے ریفلکٹر لگوائے جانے کی خصوصی مہم کا آغاز کر دیا گیا ہے ان خیالات کا اظہار ڈی ایس پی ٹریفک سہیل فاضل جس کے تحت تمام گاڑیوں میں مفت ریفلکٹر لگوائے جائیں گے تا کہ رات کے وقت لائٹ خراب ہونے کی صورت میں گاڑی کی سڑک پر موجودگی نمایاں ہو سکے ، ان اقدامات سے ٹریفک کے حادثات میں نمایاں کمی واقع ہو گی اور قیمتی انسانی جانوں کو بچایا جا سکے گا ۔ ریفلکٹر لگوانے کے تمام مراحل میں شہری اور دیہاتی سڑکوں پر خصوصی ٹیمیں تشکیل دی گئیں ہیں ۔ بعد ازاں ڈی ایس پی ٹریفک سہیل فاضل اور ٹریفک ایجوکیشن ونگ انچارج رائو محمد ارشد نے شہر کے مختلف علاقہ جات میں گاڑیوں ، آٹورکشہ ، چنگ چی و دیگر پر ریفلکٹر بھی لگائے گئے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ”اسٹیٹ لائف نے ایک اوروعدہ وفاکر دیا” گجرات کے مشہورباڈی بلڈر عباس بٹ کے بڑے بھائی اقبال بٹ (مرحوم )نے ایک عدد پالیسی لے رکھی تھی اُن کے فوت ہو نے کے بعد اُن کے2ورثا کو869600کے دوعدد چیک دے دئیے گئے اِس موقعہ پر سیلزآفیسر مظفر ڈار سیلز منیجر مہر شعبان سلطان اور ایریا منیجر میاں محمد افضل نے چیک دئیے اُن کے بھائی اعجاز بٹ اور اُن کے بیٹے نقاش بٹ نے چیک وصول کیئے اور شکریہ ادا کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) مسلم لیگ ق کی رکن صوبائی اسمبلی خدیجہ عمرفاروقی نے پنجاب اسمبلی میں تحریک التوائے کار جمع کرواتے ہوئے کہا ہے کہ پنجاب حکومت کی نااہلی کی وجہ سے صوبہ بالخصوصی لاہور کی عوام حرام، مردار، بیمارجانوروں کا گوشت کھانے پر مجبور ہیں جن کی وجہ سے عام شہری حفظان صحت کے اصولوں پر پورا نہ اترنے والے گوشت کے استعمال کے باعث سنگین بیماریوں میں مبتلا ہورہے ہیں ۔انہوںنے کہا کہ الیکٹرانک میڈیا کی رپورٹ نے پنجاب حکومت اور اسکے متعلقہ اداروں کی نااہلی اور مجرمانہ غفلت بے نقاب کردی ہے انہوں نے کہا کہ وزیراعلیٰ پنجاب صرف بیانات دینے کی چیمپئین ہیں ان کی نظر اگر ان مسائل پر ہوتی تو جرائم پیشہ عناصر عوام کو حرام گوشت نہ کھلارہے ہوتے اور اپنی جیبیں نہ بھر رہے ہوتے۔خدیجہ فاروقی نے کہا کہ اگر قومی میڈیا کے چند درجن صحافی جرم اور برائی کی طے تک پہنچ جاتے ہیں اور دستاویزی اور ڈاکومینٹری ثبوت قوم کو دکھادیتے ہیں تو ہزاروں کی تعداد پر مشتعمل پولیس اور دیگر اہلکار کیا کررہے ہیں ؟انہوں نے کہا کہ سرکاری محکموں میں نااہل اور نان پروفیشنل افراد کی وسیع پیمانے پر بھرتیوں کی وجہ سے اشیائے خوردونوش میں ملاوٹ ہورہی ہے اور ملی بھگت سے شہریوں کو گدھے سمیت مردار گوشت کھلایا جارہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پارلیمنٹ کے مشترکہ اجلاس میں ن لیگ کا رویہ غیر جمہوری تھا،خدیجہ فاروقی گجرات (جی پی آئی) مسلم لیگ ق کی رکن صوبائی اسمبلی خدیجہ عمرفاروقی صدر مسلم لیگ شعبہ خواتین پنجاب نے پنجاب اسمبلی کے باہر صحافیوںسے بات چیت کرتے ہوئے کہا کہ ن لیگ نے پارلیمنٹ کے مشترکہ اجلاس میں غیر جمہوری رویہ اختیار کیا اس رویے کے بعد یہ کہنا بے جا نہ ہو گا کہ ن لیگ کے وزیروں کو سیاسی اور اخلاقی تربیت کی ضرورت ہے۔ دھرنے کے دوران وزیراعظم کی آنکھیں ہر وقت کھلی اور حلق خشک رہتا تھا اور وہ منتیں ترلے کرتے پھرتے تھے جیسے ہی سیاسی مفاہمت سامنے آئی وہ دوبارہ تکبر اور غرور پر اتر آئے ن لیگ والے یاد رکھیں اسی تکبر اوررعونت کے باعث وہ پہلے بھی دربدر ہو چکے ہیں، اقتدار اور طاقت ہمیشہ کیلئے نہیں ہوتے اور نہ ہی دن پھرتے ہوئے دیر لگتی ہے۔خدیجہ فاروقی نے کہا کہ یہ ایک عجیب و غریب منظر تھا کہ اپوزیشن والے ایوان کے ماحول کو پرامن رکھنے کیلئے کوشش کررہے تھے اور حکومت جس نے یہ اجلاس بلایا تھا وہ اسے تلپٹ کرنے پر تلی ہوئی تھی۔ یوں لگ رہا تھا جیسے یہ پارلیمنٹ کا مشترکہ اجلاس نہیں بلکہ لاہور کی کسی یونین کونسل کا اجلاس ہورہا ہے۔ انہوں نے کہا کہ ن لیگ نے سیاسی قوتوں کو یہ پیغام دیا ہے کہ وہ ان کے ساتھ سوچ سمجھ کر مذاکرات اور ان کا اعتبار کریں۔ انہوں نے کہا کہ وزیر دفاع کو یمن کے ایشو پر اپنے موقف کا دفاع کرنا چاہیے تھا مگر یہ دنیا کے واحد وزیر دفاع ہیں جو اپنی فوج کے اوپر اسی پارلیمنٹ میں کھڑے ہو کر حملہ آور ہو چکے ہیں جو یقیناً شرم والی بات ہے۔ انہوں نے کہا کہ یمن کے ایشو پر پارلیمنٹ کا مشترکہ اجلاس میں تمام اپوزیشن جماعتوں کاکھلے دل کے ساتھ خیرم مقدم کیا جانا چاہیے تھا ،یہ پارلیمنٹ اور نظام کسی کی جاگیر نہیں ہے مگر ن لیگ نے اپنے افسوسناک رویے سے ثابت کیا کہ قومی اہمیت کے حامل مواقع پر بھی وہ اپنی ذاتی انتقامی سیاست سے الگ تھلگ نہیں رہ سکتے۔ انہوں نے کہا کہ ن لیگ کے پارلیمنٹ میں اختیار کیے گئے رویے کو نرم سے نرم الفاظ میں بھی شرمناک ہی قرار دیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) فروغ عشقِ رسول ۖ سے ہی وطن عزیز کو پر امن بنایا جا سکتا ہے ۔ فروغ عشقِ رسول ۖ ہی اتحاد امت کا ضامن ہے ۔محافل میلاد النبی ۖ سے دلوں میں عشقِ محمدی ۖ کے چراغ روشن ہوتے ہیں۔ رحمت عالمیان حضرت محمد مصطفےٰ ۖ کی آمد سے تمام طبقات فیض یاب ہوئے ۔ غلاموں کے چہرے کھل اُٹھے ۔دکھی انسانیت نے فخر انسانیت حضرت محمد رسول اللہ ۖ کے میلاد پر سکھ کا سانس لیا۔ دنیا سے تاریکی اور جہالت کے اندھیرے ختم ہوئے ۔مکہ میں سیدہ آمنہ رضی اللہ عنہ نے کہا بدر منیر آیا اور مدینہ منورہ میں ہجرت کے موقعہ پر بنو نجار کی بچیوں نے جشن و خوشی منا کر کہا ہم میں بدر منیر آیا ۔آج کائنات میں تمام نور ،ہدایت ،اخوت اور انسانی حسن حضور اکرم ۖ کے میلاد پاک کی برکت سے ہے ۔حکمران اغیار کے نظام فرسودہ کو ترک کر کے پیغمبر امن ،ہادی کل ، امام الرسل حضرت محمد مصطفےٰ ۖ کا پاکیزہ و نورانی نظام نافذ کر کے دنیا و آخرت سنواریں ۔ان خیالات کا اظہارقائد تحریک اویسیہ پاکستان و صوبائی امیر عالمی تنظیم اہلسنت پنجاب علامہ پیر محمد تبسم بشیر اویسی سجادہ نشین مرکز اویسیاں نارووال نے انجمن غلامان مصطفےٰ ۖ کے زیر اہتمام محلہ جنوبی سرخ پور میں سالانہ عظیم الشان عشق مصطفےٰ ۖ کانفرنس سے خطاب کرتے ہوئے کیا ۔ علامہ پیر محمد تبسم بشیر اویسی نے کہا کہ آج پھر لسانی ،نسلی ،لونی ،علاقائی اور صوبائی تعصبات سے بالا تر ہو کر ملکی مفاد کے لئے میلاد والے آقا ۖکی سیرت کو اپناتے ہوئے اتحاد و یکجہتی کی اشد ضرورت ہے۔کانفرنس سے خطاب کرتے ہوئے مختلف سنی تنظیمات کے علمائے کرام نے کہا کہ پر امن علماء پر شیڈول فورتھ لگانا دہشت گردوں کی حوصلہ افزائی کرے گا۔ اہلسنت و جماعت پاکستان بنانے والے محب وطن ہیں ۔پاکستان کا قیام علماء و مشائخ اہلسنت کی انتھک کاوشوں کا نتیجہ ہے ۔عالمی تنظیم اہلسنت کے مرکزی امیر اور سنی مجلس عمل کے چیئرمین پیر محمد افضل قادری کو شیڈول فورتھ میں شامل کرنا سراسر نا انصافی اور ظلم ہے ۔حکمران قومی ایکشن پلان کے حمایتی اور مخالفوں میں فرق کریں۔ دہشت گرد اور اُن کے حمایتی تو سر عام گھوم رہے ہیں پرامن محب وطن اہلسنت جنہوں نے ہمیشہ ہر سطح پر پاک فوج کی حمایت اور دہشت گردی کی مذمت کی اُن کو پابند سلاسل کرنا کہاں کا انصاف ہے ۔ پاکستان میں دہشت گردوں کے مکمل خاتمے اور نفاذِ نظام مصطفےٰ ۖ سے ہے خوشحالی کے دروازے کھلیں گے۔ حضور اکرم ۖنے ہر شعبہ اور ہر سطح پر انصاف قائم فرمایا۔ صحابہ کرام رضی اللہ عنہم اور آل رسول نے عدل کی تاریخ رقم فرمائی۔ کالعدم تنظیمات پر کریک ڈائون کر کے حکومت وطن عزیز میں امن کی سحر طلوع کرے ۔ پیر محمد افضل قادری سمیت پر امن علماء و مشائخ کے ناموں کو شیڈول فورتھ سے نکال کر حکومت اپنی ساکھ مضبوط بنائے بصورت دیگر تنظیمات اہلسنت راست قدم اٹھانے پر مجبور ہوں گی۔ ہمارے اسلاف نے پاکستان بنایا اور ہم اس وطن کے حقیقی پاسبان ہیں۔اس موقعہ پر تحریک اویسیہ پاکستان، عالمی تنظیم اہلسنت ، سنی مجلس عمل سمیٹ دیگر تنظیمات اہلسنت نے حکومت پنجاب سے مطالبہ کیا کہ پیر محمد افضل قادری سمیت دیگر علماء و مشائخ اہلسنت پر فورتھ شیڈول کے تحت قائم مقدمات ختم کئے جائیںاور علماء و مشائخ کا نام شیڈول فورتھ سے نکالا جائے ۔اس موقعہ پر علامہ محمد اعظم اعوان ،محمد یعقوب اویسی ایڈووکیٹ،صاحبزادہ محمد عاصم بشیر اویسی،ملک عبد الغفور ، قاری احسان اللہ قادری، سید زاہد حسین شاہ کاظمی،حافظ شمس الدین مجددی، محمد افضل قادری سمیت دیگر حضرات نے بھی خطاب و ہدیہ نعت پیش کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)آستانہ عالیہ حضرت سخی سلطان باہو کے خلیفہ پیر سید جمن شاہ گل بادشاہ مقامِ قرآن آستانہ عالیہ شاہ پور صدر ، جھاوریاں روڈ ، نے گجرات کا روحانی دورہ کیا۔ انہوں نے ولی کامل حضرت پیر سید کبیر الدین شاہدولہ دریائی کے دربار اقدس پر حاضری دی۔ جہاں پر ان کا استقبال گدی نشین پیر سید اعجاز حسین شاہ نے کیا۔ اس موقع پر سائیں سہیل سلطانی ، سید سخاوت کاظمی’ و دیگر بھی ان کے ہمراہ تھے۔ انہوں نے دربار شریف پر حاضری دی اور فاتحہ خوانی کی۔ اس موقع پر سید اعجاز حسین شاہ نے پیر سید جمن شاہ گل بادشاہ کی دستار بندی بھی کی۔ انہوں نے ملک کی ترقی و سلامتی کیلئے خصوصی دعائیں کیں۔ بعد ازاں وہ آستانہ عالیہ حضرت سائیں کرم الٰہی المعروف کانوانوالی سرکار پر حاضر ہوئے جہاں ان کا استقبال گدی نشین سائیں اختر حسین نے کیا۔ ملک کی ترقی و سلامتی کیلئے دعائیں کی گئیں۔ اس موقع پر اظہارِ خیال کرتے ہوئے پیر سید جمن شاہ گل بادشاہ نے کہا کہ اللہ تعالیٰ کے ہر کام میں کوئی نہ کوئی حکمت چھپی ہوتی ہے۔ اور جب تک اللہ تعالیٰ کے احکامات پر عمل پیرا نہ ہوں کامیابی ممکن نہیں ہوتی۔ اولیاء کرام کے آستانوں سے جہاں دنیا کو فیض ملتا ہے وہیں انکی دنیاوی و دینی مسائل کا بھی حل ہوتا ہے۔ انہوں نے کہا کہ ہمیں چاہئے کہ اولیاء کرام کی درگاہوں کا احترام کریں جس طرح والدین کی قبر پر حاضری فرض ہے اسی طرح اولیاء کرام کے مزارات پر حاضری میں حکمت چھپی ہوتی ہے۔ اولیاء کرام نے اپنی زندگیاں دکھی انسانیت کی خدمت کیلئے صرف کیں اور دن رات اپنے اللہ کو راضی کیا۔ اور دکھی انسانیت کی بھر پور خدمت کی۔ انہوں نے ملکی صورتحال کے حوالہ سے گفتگو کرتے ہوئے کہا کہ پاکستان مسلم لیگ (ن) کی فتح ہے۔ کیونکہ یہ جماعت اولیاء کرام کے تحفظ اور اسلام کی سربلندی کیلئے کام کر رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)ممتاز روحانی شخصیت پیر سید جمن شاہ گل بادشاہ مقامِ قرآن آستانہ عالیہ شاہ پور صدر جھاوریاں روڈ نے ممتاز صحافی شیخ عبدالشفاعت کی وفات پر ان کی رہائشگاہ پر جا کر فاتحہ خوانی کی اور مرحوم کے ایصال ثواب کیلئے دعا کی۔ اس موقع پر مرحوم کے صاحبزادگان محمد عمر’ عمر عثمان’ محمد عمران اور ان کے داماد سائیں سہیل سلطانی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) انجمن جلالیہ رضویہ ضلع گجرات کے زیر اہتمام پانچویں سالانہ عظیم الشان مشائخ بھکھی شریف کانفرنس کا انعقاد کیا گیا۔ جس میں ہر علمائے کرام کی کثیر تعداد نے شرکت کی۔ اس کانفرنس کی صدارت سرپرست اعلیٰ انجمن جلالیہ رضویہ پاکستان پیر سید محمد نوید الحسن شاہ سجادہ نشین آستانہ عالیہ بھکھی شریف نے کی۔ اس کانفرنس میں حضرت علامہ پروفیسر ظفر اقبال جلالی شیخ الحدیث جامعہ اسلام آباد ، مولانا نواز بشیر جلالی مرکزی جائنٹ سیکرٹری انجمن جلالیہ رضویہے پاکستان ‘ مولانا لیاقت علی جلالی مرکزی سیکرٹری انجمن جلالیہ رضویہ پاکستان مولانا قاری عبدالرحمن جلالی ضلعی صدر انجمن جلالیہ رضویہ گجرات ، علامہ قاری عبدالقیوم جلالی فنانس سیکرٹری ضلع گجرات ، قاری اختر حسین نورانی جلالی سیکرٹری جنرل گجرات، ڈاکٹر اسلم جلالی صدر انجمن جلالیہ رضویہ اسلام آباد، قاری محمد حنیف جلالی سرپرست انجمن ضلع گجرات۔ مولانا مستنصر جاوید جلالی جہلم’ مولانا نذیر جلالی پوران، قاری اختر جلالی صدر سنی علماء کونسل، حافظ محمد اصغر توحیدی ، میاں اختر کھاریاں، مولانا صفدر جلالی، انجمن جلالیہ رضویہ کی تنظیموں جن میں کھاریاں’ جنڈانوالہ’ کڑیانوالہ’ حاجی چک’ جانی چک ‘ لالہ موسیٰ’ سیدھڑی’ کرنانہ’ شادیوال ڈنگہ’ ٹوپہ آدم’ جلالپور صوبتیاں’ لادیاں’ کڑیانوالہ’ پنڈی سلطان’ کوٹلہ ‘ سیکریالی کے ممبران نے بھی شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) مشائخ بھکھی شریف کی زندگیاں نبی کریم کے اسوہ ٔ حسنہ سے عبارت تھی۔ ان خیالات کا اظہار حضرت پیر سید محمد نوید الحسن مشہدی ، سجادہ نشین آستانہ عالیہ بھکھی شریف نے دیوان خاص میرج ہال میں انجمن جلالیہ رضویہ پاکستان کے زیر اہتمام منعقدہ عظیم الشان سالانہ مشائخ بھکھی شریف کانفرنس کے موقع پر خطاب کرتے ہوئے کیا۔ انہوں نے کہا کہ پاکستان اہل سنت کے مشائخ کی کوششوں سے معارض وجود میں آیا تھا۔ اور پاکستان کی بقاء صوفیا کرام کی تعلیمات اور افکار میں مضمر ہے اور ہم چاہتے ہیں کہ پاکستان میں سنیت کا بول بالا ہو اہل سنت ترقی کرے۔ مشائخ اہلسنت نے ہر موقع پر پاکستان کے قیام سے لیکر آج تک قربانیاں دی ہیں۔ تحریک ختم نبوت ۖ ہو یا کوئی بھی اسلامی تحریک ، اہل سنت کے مشائخ ہمیشہ صف اول میں کھڑے ہوئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ڈی ایس پی ٹریفک میاں سہیل فاضل نے کہا ہے کہ ٹریفک قوانین کی پابندی سے انسان جان کا تحفظ ممکن ہے ۔ وہ گزشتہ روز پولیس لائن گجرات میں ”اپنا روزگار” سکیم کے تحت گاڑیاں حاصل کرنے والے خوش نصیب افراد کو ٹریفک قوانین کے حوالے سے ٹریننگ دے رہے تھے۔ انہوں نے کہا کہ دیر سے پہنچنا کبھی نہ پہنچنے سے بہتر ہے۔ اور ہمیں چاہئے کہ گاڑی چلاتے وقت دوسروں کے حقوق کا بھی خیال کریں تاکہ ٹریفک کے مسائل میں کمی ہو سکے۔ ٹریفک کے اشاروں پر عمل کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) شام ڈھلتے ہی گجرات کی سڑکوں پر ناجائز تجاوزات اور رانگ پارکنگ کا سلسلہ شروع ہو جاتا ہے۔ جس سے شہریوں کے مسائل میں بے پناہ اضافہ ہو جاتا ہے۔ ایمرجنسی کی شکل میں عوامی مسائل بڑھ جاتے ہیں۔ تفصیلات کے مطابق ریلوے روڈ ، خواجگان روڈ، ڈھکی روڈ، سرکلر روڈ پر بنے بڑے بڑے پلازوں میں کوئی پارکنگ کا نظام نہیں ہے۔ جس کی وجہ سے شاپنگ کرنے والے افراد اپنی موٹر سائیکل اور گاڑیاں سڑک پر ہی پارک کر دیتے ہیں۔ اور فاسٹ فوڈ کے ریسٹورنٹوں میں کھانا کھانے چلے جاتے ہیں۔ جس کی وجہ سے ٹریفک بلاک ہو جاتی ہے اور فٹ پاتھوں پر کرسیاں لگنے کی وجہ سے پیدل چلنے والوں کو بھی شدید مشکلات کا سامنا کرنا پڑتا ہے۔ ڈی ایس پی ٹریفک میاں سہیل فاضل اور ایڈمنسٹریٹر ٹی ایم اے عرفان علی کاٹھیا سے مطالبہ کیا جاتا ہے کہ وہ اس سلسلہ میں از خود نوٹس لیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)عالمی تنظیم اہلسنت کے مرکزی امیر پیر محمد افضل قادری نے مرکز اہلسنت نیک آباد مراڑیاں شریف میں علماء ومشائخ سے خطاب کرتے ہوئے کہا: قانون ناموس ِرسالت کے تحفظ ،غازیان اسلام کی شرعی حمایت اور فحاشی کی روک تھام کی پاداش میں حکومت پنجاب اور ضلعی انتظامیہ گجرات نے میرے اور میرے ساتھیوں کے خلا ف فورتھ شیڈول کی پابندیاں عائد کی ہیں جن کو میں پوری قوت ایمانی کے ساتھ مسترد کرتا ہوں اور واضح کرتا ہوں کہ دین اسلام کی خاطر جیل کیا ! جام شہادت نوش کرنے کے لئے بھی تیار ہوں ۔پیر محمد افضل قادری نے کہا: فورتھشیڈول کی پابندیاں کالعدم تنظیموں ،چوروں ،ڈاکوئوں ،قاتلوں اور دہشت گردوں پر لگائی جاتی ہیں میرے جیسے حق گو عالم دین پر فورتھشیڈول کی پابندیاں لگانے والے قادیانیوں اور طاغوتی طاقتوں کے ایجنڈے پر عمل پیرا ہیں لہذا مسلمانوں پر لازم ہے کہ وہ ختم نبوت ،ناموس رسالت اور دیگر دینی اقدار کی حفاظت کے لئے میدان عمل میں آئیں اور قربانیاں پیش کریں ۔انہوں نے کہا: حکمران کہتے ہیں کہ وہ کسی کو کافر کہنے کی اجازت نہیں دیں گے جبکہ قرآن وسنت اور آئین ِپاکستان قادیانیوں اور گستاخان رسول کو کافر قرار دیتا ہیں لہذا حکمرانوں کو چاہیے کہ وہ انتہاء پسندی اور فرقہ واریت کی غلط تشریحات سے باز رہیں اور مسلمانوں کو اسلامی ملک کے اندر قرآن وسنت کے صریح احکام کی خلاف ورزی کا شیطانی سبق نہ دیں ۔پیر محمد افضل قادری نے کہا: حکومت نے تین اطراف لائوڈ اسپیکر اتروانے کے لئے ایمپلی فائر آرڈیننس بنایا ہے اس سے کفر کی بو آتی ہے کیوں کہ اس میں تین اطراف سے اذان کی آواز بند کرنے کی سازش ہے لہذا مسلمانوں پر فرض ہے کہ وہ ایمپلی فائر آرڈیننس کو مسترد کریں اور حکومت پر دبائو ڈالیں کہ وہ اس دین شکن اور ظالمانہ آرڈیننس کو فی الفور منسوخ کرے ۔پیر محمد افضل قادری نے کہا: اگر حکومت پنجاب اور گجرات انتظامیہ باز نہ آئی تو میں مسلمانوں سے کہوں گا کہ وہ سڑکوں پر نکل کر حکومت پنجاب اور انتظامیہ گجرات کو اس ظلم وجبر سے روکنے کی تیاریاں کریں اور کال آنے پر سراپا احتجاج بن جائیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ڈی سی او لیاقت علی چٹھہ نے موضع چکوڑی بھیلووال کے معززین کی درخواست پر دیہہ کے گورنمنٹ گرلز مڈل سکول چکوڑی بھیلووال کو اپ گریڈ کرکے ہائی کرنے کے لئے ای ڈی او ایجوکیشن سے رپورٹ طلب کرلی ہے۔ ڈی سی او سے معززین کے وفد نے چوہدری محمد اختر نمبردار، چوہدری محمد افسر، چوہدری امجد اقبال ایڈووکیٹ، چوہدری محمد افضل، ضیا الرحمان، عبدالرحمان، مہندی خان، چوہدری محمد اکرم کی قیاد ت میں ملاقات کی اور بتایا کہ گائوں میں واقع گورنمنٹ گرلز مڈل سکول میں طالبات کی تعداد 450کے قریب سے اور ارد گرد کے متعدد دیہات سے بھی یہاں طالبات حصول علم کے لئے آتی ہیں ۔ انہوں نے اپیل کی کہ سکول کو اپ گریڈ کرکے ہائی کادرجہ دیا جائے تاکہ بچیاں میٹرک تک یہاں سے تعلیم حاصل کرسکیں۔ ڈی سی او نے معززین کو یقین دلایا کہ انکی درخواست پر ہمدردانہ غور ہو گا۔ انہوں نے ای ڈی او ایجوکیشن کو ہدایت کی کہ وہ دو دن میں سکول کا دورہ کریں اور رپورٹ دیں۔ ای ڈی او ایجوکیشن طاہر کاشف نے ڈی سی او کو بتایا کہ ایم پی اے میاں طارق محمود آف ڈنگہ کی طرف سے خصوصی دلچسپی لی جا رہی ہے اور وزیراعلیٰ پنجاب سے ڈائریکٹو جاری ہو چکا ہے اور اس کی جلد سے جلد فیزیبلٹی رپورٹ تیار کی جائے گی تاکہ اس کی اپ گریڈیشن کے لئے اقدامات کئے جا سکیں۔چوہدری امجد اقبال ایڈووکیٹ نے ڈی سی او گجرات کو بتایا کہ گورنمنٹ گرلز مڈل سکول کی 14 کنال اراضی ہے جبکہ 10 کنال اراضی میں سکول اور گراؤنڈ موجود ہے۔ کمرے بھی موجود ہیں، یو سی چکوڑی میں کوئی گرلز ہائی سکول نہیں ہے، 17 دیہاتوں کی بچیاں زیرتعلیم ہیں ، اہل علاقہ کو پریشانی سے بچانے کے لئے اس سکول کو اپ گریڈ کیا جائے۔ جس پر ڈی پی او گجرات نے کہا کہ ای ڈی او کی رپورٹ آنے کے بعد فیصلہ کیا جائے گا اور میری خواہش ہے کہ اس سکول میں جلد سے جلد میٹرک کی کلاسز کا اجراء ہو کیونکہ وزیر اعلیی پنجاب کا وژن بھی یہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)اسسٹنٹ کمشنر کھاریاں ڈاکٹر افشاں رباب نے ون ڈش کی خلاف ورزی پر سکائیویز میر ج ہال کو سیل کر دیا ہے۔ ڈی سی او لیاقت علی چٹھہ کی ہدایت پر اے سی کھاریاں نے ٹی ایم او کے ہمراہ مذکورہ میرج ہال کی اچانک چیکنگ کی اور ون ڈش کی خلاف ورزی کا مرتکب پائے جانے پر اسے فوری سیل کرکے رپورٹ ڈی سی او کو ارسال کردی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)عالمی تنظیم اہلسنت کے مرکزی امیر حضرت پیر محمد افضل قادری نے مرکز اہلسنت نیک آباد مراڑیاں شریف میں علماء ومشائخ سے خطاب کرتے ہوئے کہا ہے کہ اسلام اور پاکستان کے تحفظ کیلئے کلمہ حق کہنے کی پاداش میں حکومت پنجاب اور ضلعی انتظامیہ گجرات نے میرے اور میرے ساتھیوں کیخلا ف فور شیڈیول کی پابندیاں عائد کی ہیں۔ جبکہ میں پوری قوت ایمانی کیساتھ تمام غیرمنصفانہ اقدامات کو مسترد کرتا ہوں اور واضح کرتا ہوں کہ دین اور ملک کی خاطر بڑی سے بڑی قربانی اور جام شہادت کیلئے تیار ہوں۔ حضرت پیر محمد افضل قادری نے کہا کہ فور شیڈول کی پابندیاں کالعدم تنظیموں، ڈاکوئوں ، قاتلوں اور دہشت گردوں پر لگائی جاتی ہیں میرے جیسے حق گو عالم دین پر فورتھ شیڈیول کی پابندیاں لگانے والے طاغوتی قوتوں کے ایجنڈے پر عمل پیرا ہیں لہذا مسلمانوں پر لازم ہے کہ وہ ختم نبوت ،ناموس رسالت اور دیگر دینی اقدار کی حفاظت کیلئے میدان عمل میں آئیں۔ دوسری طرف لاہور میں 20 سنی تنظیموں کے نمائندگان نے اعلان کیا ہے کہ اگر فوری طور پر حضرت پیر محمد افضل قادری کا نام فور شیڈول سے خارج نہ کیا گیا تو اہم مقامات پر زبردست دھرنے دئے جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ڈی سی او لیاقت علی چٹھہ نے موضع چکوڑی بھلوال کے معززین کی درخواست پر دیہہ کے گورنمنٹ گرلز مڈل سکول کو اپ گریڈ کرکے ہائی کرنے کے لئے ای ڈی او ایجوکیشن سے رپورٹ طلب کرلی ہے۔ ڈی سی او سے معززین کے وفد نے چوہدری محمد افضل، امجد اقبال ، ضیا الرحمان، عبدالرحمان، مہندی خان، چوہدری محمد اکرم کی قیاد ت میں ملاقات کی اور بتایا کہ گائوں میں واقع گورنمنٹ گرلز مڈل سکول میں طالبات کی تعداد 450کے قریب سے اور ارد گرد کے متعدد دیہات سے بھی یہاں طالبات حصول علم کے لئے آتی ہیں ۔ انہوں نے اپیل کی کہ سکول کو اپ گریڈ کرکے ہائی کادرجہ دیا جائے تاکہ بچیاں میٹرک تک یہاں سے تعلیمحاصل کرسکیں۔ ڈی سی او نے معززین کو یقین دلایا کہ انکی درخواست پر ہمدردانہ غور ہو گا۔ انہوں نے ای ڈی او ایجوکیشن کو ہدایت کی کہ وہ دو دن میں سکول کا دورہ کریں اور رپورٹ دیں
شباب ملی کے زیر اہتمام اسلامک سینٹر میں ورکرز کنونشن کا انعقاد کیا گیا
ملکہ کی خبریں 07/04/2015
