گجرات (جی پی آئی) قطب الاقطاب گجرات شہر صاحبزادہ سرکار سائیں عبدالرحیم سرکار کا 70 واں عرس مبارک عقیدت و احترام کے ساتھ منایا گیا۔ عرس مبارک کی تقریبات کی صدارت گدی نشین دربار عالیہ سہیل شاہین خان نے کی۔ جبکہ انتظامات کی نگرانی صاحبزادہ فہد احمد خان نے کیں۔ پہلی نشست میں محفل میلاد النبی منعقد ہوئی۔ جس میں نقابت کے فرائض عمران چشتی نے سرانجام دئیے جبکہ ہدیہ نعت علی رضا نوری، غلام مصطفی سیفی ، و دیگر نے پیش کی۔ تلاوت قرآن پاک قاری محسن رضا قادری نے پیش کیں۔ دوسری نشست میں چادر پوشی کے بعد محفل سماع منعقد ہوئی۔ ملک کے ممتاز قوال اسد مبارک گلشن و ہمنوا ، اور امانت علی خاں و ہمنوا قوالوں نے شام سے فجر تک سماع کے رنگ پیش کئے۔ محفل میں لنگر کا وسیع انتظام تھا۔ منتظمین میں مخدوم احمد ، محسن مخدوم، مجدد مخدوم، مدثر مخدوم، انصر محمود وریاء ، مرزا وٹو ، آفاق ہاشمی، چوہدری عارف ، منیر احمد، ناصر رحمانی، فیضان خان’ چاند خان’ رانا شہباز’ رانا شاہزیب ۔ حافظ شہروز، ثناء اللہ ، سائیں مراد علی، رانا یاسر، حماد خاں، یامین خاں و دیگر شامل تھے۔ ملکی ترقی و سلامتی کیلئے دعائیں کی گئیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) سلسلہ نوشاہیہ کے عظیم روحانی پیشواء حضرت علامہ پیر سید ابوالکمال برق نوشاہی کا دو روزہ سالانہ عرس مبارک دربار نوشاہی ڈوگہ شریف میں 2اور 3 اپریل بروز جمعرات ، جمعتہ المبارک منعقد ہو گا۔ سرپرستی حصرت پیر سید تصور حسین شاہ نوشاہی سجادہ نشین دربار نوشاہی ڈوگہ شریف فرمائیں گے۔ نگرانی حافظ وسیم عباس نوشاہی مرکز بزم تصور پاکستان کرینگے۔ رونق محفل صاحبزادہ سید محسن شاہ جمال نوشاہی ، مہمان خصوصی جانشین عالمی مبلغ اسلام حضرت علامہ صاحبزادہ پیر سید محمد احسن شاہ، شرافت نوشاہی دربار نوشاہی نوشہ پور شریف ہوںگے۔ مہمانان گرامی میں چوہدری نثار احمد نوشاہی ، ناظم اعلیٰ مرکزی بزم نوشاہیہ پاکستان ممتاز بزنس مین حفیظ حسین مغل اسلام آباد شامل ہیں۔ خصوصی خطابات علامہ مفتی وسیم رضا نوشاہی، وزیر اعظم سیکرٹریٹ آزاد کشمیر علامہ سلیمان لیاقت جلالی ، علامہ عمران کاشف چشتی علامہ منور حسین نوشاہی ، علامہ مبشر اقبال فرمائیں گے۔محفل سماع میں عالمی شہرت یافتہ فیض احمد فیض قوال جمیل صابری قوال عبدالقدوس نوشاہی اپنے فن کا مظاہرہ کریں گے۔ تمام تقریبات کی نقابت قاری محمد شفیع نوشاہی گولڈ میڈلسٹ کرینگے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) سینئر صحافی ڈاکٹر رزاق احمد غفاری کی جامعہ تبلیغ الاسلام دولت نگر میں ناظم اعلیٰ مولانا مختار احمد نوشاہی اور ثناء خوان مصطفی قاری محمد شفیع نوشاہی سے ملاقات اور قاری مختار احمد نوشاہی کو عمرہ شریف کی سعادت پر مبارکباد پیش کی۔ جامعہ تبلیغ الاسلام دولت نگر علاقہ کی قدیم درسگاہ ہے۔ اس کا پر فضاء اور عالمی روحانی ماحول قابل ستائش ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) دی ایجوکیٹرز بارہ دری کیمپس کے سٹاف نے چیئرمین شہزاد شفیق نقشبندی کی سربراہی میں ممتاز عالم دین صاحبزادہ غلام بشیر نقشبندی کی دادی محترمہ کی وفات پر اظہارِ تعزیت کیا۔ اور جامعہ صفتہ المدینہ جا کر مرحومہ کے ایصال ثواب کیلئے فاتحہ خوانی کی۔ان کے ہمراہ ایڈمنسٹریٹر دی ایجوکیٹرز بارہ دری کیمپس حافظ محمد طاہر ‘ علامہ فیض رسول ، و دیگر سٹاف بھی موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ممتاز مسلم لیگی رہنما و بزنس مین اورنگ زیب بٹ آف زیب بلڈرز اپنے ساتھیوں کے ہمراہ جامع صفتہ المدینہ گئے اور صاحبزادہ غلام بشیر نقشبندی کی دادی محترمہ کی وفات پر اظہارِ تعزیت کیا اور مرحومہ کے ایصال ثواب کیلئے فاتحہ خوانی کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) لائنز کلب انٹرنیشنل ڈسٹرکٹ305-N2 زون 10 کے کلبوں کی مشترکہ وزیٹریشن کی تقریب منعقد ہوئی۔ جس کے مہمان خصوصی ڈسٹرکٹ گورنر لائنز کلب ڈسٹرکٹ 305-N2 پاکستان ڈاکٹر احمد شفیع تھے۔ اس موقع پر پاکستان کے مختلف علاقوں سے آئے ہوئے لائنز ممبران اور عہدیداران کی کثیر تعداد موجود تھی۔ اس موقع پر گجرات فرینڈز لائنز کلب ، گجرات شاہین لائنز کلب ، گجرات کنجاہ لائنز کلب ، گجرات بارہ دری لائنز کلب، گجرات ایڈن لائنز کلب ، و دیگر کلبوں کی وزیٹیشن منعقد ہوئی۔ ڈسٹرکٹ گورنر لائنز کلب ڈاکٹر احمد شفیع نے کہا کہ لائنز کلب دنیا بھر میں خدمت خلق کیلئے کام کر رہا ہے اور ہمارا مقصد دنیا میں خدمت خلق کے مشن کو آگے بڑھانا ہے۔ ڈسٹرکٹ 305-N2 دنیا بھر میں لائنز ازم کے پلیٹ فارم پر اہم پوزیشن پر ہے اور ہم انشاء اللہ ٹاپ پر ہونگے۔ سالانہ تقریب 22 مئی کو پشاور میں منعقد ہو گی۔ صدر گجرات فرینڈز لائنز کلب لائن عمر اقبال نے کہا کہ ہم نے لاکھوں روپے کے فنڈز خدمت خلق کیلئے صرف کئے ہیں۔ اور اس سال ہم نے پچاس فلاحی پراجیکٹس مکمل کرنے ہیں ، 35پراجیکٹ مکمل ہو چکے ہیں۔ عید گفٹ، افطار ڈنر ، جہیز فنڈز۔ میڈیکل کیمپس۔ بلڈ ڈونیشن کیمپس ، سیلاب فلڈ ریلیف کیمپس اور ان کی فلاح و بہبود شامل ہیں۔ ریئل پروگریسو لائنز کلب کے صدر مرزا محمد فیاض نے کہا کہ ہمارا سب سے بڑا پراجیکٹ کلیفٹ سنٹر ہے جس میں بچوں کے فری آپریشن کئے جاتے ہیں۔ ملک شاہد ایڈین لائنز کلب نے کہا کہ ہم فری یونیفارم و بکس کی تقسیم کے ساتھ ساتھ جہیز پیکیج اور سکریننگ کیمپ بھی لگا رہے ہیں۔ کنجاہ لائنز کلب کے صدر ڈاکٹر عارف مسعود نے کہا کہ 1989 ء میں یہ کلب قائم کیا گیا تھا اس وقت سے لے کر آج تک ہم اندھے پن کے خاتمہ کیلئے کام کر رہے ہیں۔ شوگر کے کیمپ بھی لگائے جا رہے ہیں۔ اس موقع پر لائنز ممبران نے بھرپور تعداد میں شرکت کی اور انکو تحائف بھی دئیے گئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) گجرات شہر کی طرح، کھاریاں ، گلیانہ میں بھی گداگروںکیخلاف کریک ڈائون کیا جائے خصوصی طور پر خوبرو نوجوانوں دوشیزائوں کو ٹارگٹ بنایا جائے جو کہ گدا گری کی آڑ میں جہاں دعوت گناہ دیتی ہیں وہاں پر چوری ،نوسربازی اور ڈکیتی جیسی وارداتیں بھی کرتی ہیں روزانہ سینکڑوں بچے،بوڑھے،نوجوان ،خواتین ومرد گداگروں کی فوج کھاریاں اور گلیانہ کے دکانداروں پر حملہ آور ہوتی ہے دکانداروں کے ساتھ ساتھ گاہک بھی پریشان ہوتے ہیں خریدار کرنے والی خواتین کے پرس چرائے جاتے ہیں اور بھیک مانگنے کے بہانے ان کو ذلیل بھی کیا جاتے ہے اگر کوئی بھیک نہیں دیتا تو اسے بددعائیں دینے کیساتھ ساتھ برا بھلا بھی کہا جاتا ہے اگر ان گداگروں کیخلاف موثر کاروائی کی جائے تو بازاروں سے جرائم کی شرح کم ہوسکتی ہے کھاریاں،گلیانہ کے تاجروں عوامی حلقوںنےDPOگجرات سے آپریشن کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) کنٹونمنٹ بورڈز کے بلدیاتی الیکشن کا شیڈول جاری کردیا گیا پولنگ 25اپریل کو ہوگی اگر انتخابات ملتوی نہ ہوئے تو گہماگہمی کہیں نظر نہیں آرہی امیدواروں کا بھی تا حال علم نہیں شیڈول کے مطابق23مارچ کو کاغذات جاری کردئیے جائیں گے29سے31مارچ تک کاغذات نامزدگی جمع ہونگے2اپریل کو سکروٹنی کا عمل ہوگا جبکہ نتائج کا اعلان28اپریل کو کیا جائیگا ریٹرننگ آفیسران کو مجسٹریٹ درجہ اول کے اختیارات دئیے جائیں گے قانون شکنوں کو فوری سزائیں بھی دے سکیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) بلدیاتی انتخابات میں میدان خالی نہیں چھوڑیں گے یوسی بدرمرجان کے عوام کو پڑھی لکھی اور نوجوان قیادت فراہم کریں گے ان خیالات کا اظہار نوجوان سیاسی وسماجی شخصیت چوہدری اجمل حسین پیاراMDحمزہ موبائلز کارنرشاپ کھاریاں کینٹ نے کیا انہوں نے کہا کہ پہلے بھی علاقہ کی عوام سے مشاورت سے فیصلہ کیا تھا اور آئندہ بھی بلدیاتی الیکشن میں عوام کی مشاورت سے ہی فیصلہ کریں گے یوسی بدرمرجان کے لوگ ہمارے اپنے ہیںہم ایک دوسرے کے دکھ درد اور خوشی غمی میں شریک ہوتے ہیں بلدیاتی الیکشن میں عوام کے بھرپور تعاون سے کامیابی حاصل کر کے علاقہ کی تعمیروترقی کیلئے کوئی کسرباقی نہ چھوڑیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) 23 مارچ یوم پاکستان کے دن نیوسپر آٹوز ہنڈا ایجنسی جی ٹی روڈ کھاریاں پرایک روزہ فری سروس کیمپ لگایا جائیگا جس میں ہنڈاموٹرسائیکل کی فری سروس کی جائیگی اور جینئین پارٹس میں15فیصد تک رعایت بھی دی جائے گی ان خیالات کا اظہار چیف ایگزیکٹو محمدعامر رشید بھٹی نے کیا انہوں نے کہا کہ یہ کیمپ صبح9بجے شروع ہوگا اور شام4بجے تک جاری رہے گا اور سروس کروانے والوں میں بذریعہ قرعہ اندازی انعامات دئیے جائیںگے یادرہے کہ ہرسال23مارچ یوم پاکستان کے موقع پر فری سروس کیمپ لگایا جاتا ہے اور صارفین میںقیمتی انعامات بھی دئیے جاتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پاکستان تحریک انصاف ضلع گجرات کے سابق جنرل سیکرٹری ممبر صوبائی کونسل پنجاب نوازش علی شیخ ایڈووکیٹ نے انصاف مرکز سے جاری اپنے ایک بیان میں کہاکہ جوڈیشل کمیشن کا قیام تحریک انصاف کی اہم کامیابی ہے اور یہ کامیابی پاکستان میں حقیقی جمہوریت قائم کرنے کا پیش خیمہ ثابت ہو گی ،کیونکہ قبل ازیں پاکستان میں جتنے بھی الیکشن ہوئے ان میں کسی نہ کسی شکل میں دھاندلی ،سینہ زوری اور خرید و فروخت کر کے امیدواران کامیابیاں حاصل کرتے رہے جس سے عوام کی طرف سے حقیقی نمائندے اسمبلیوں میں نہ پہنچ سکے اور اسی وجہ سے آج تک پاکستانی عوام مسائل در مسائل کا شکار ہوتے چلے آئے ،انہوں نے کہاکہ اگر پارلیمنٹ صحیح معنوں میں آئین اور قانون کے مطابق اپنے اختیارات کو استعمال کرتی اور عوام کی نمائندگی کا حق ادا کرتی تو پوری پاکستانی قوم کا پرلیمنٹ پر اعتماد ہوتا لیکن اس کے بر عکس ہمیشہ دھاندلیوں اور کام چلائو پالیسیوں کی وجہ سے کوئی سود مند نتائج برآمد نہ ہو سکے اور پاکستانی عوام کے مسائل جو ں کے توں ہی رہے انہوں نے مزید کہاکہ اگر اگست 2014میں حکومت تحریک انصاف کے مطالبے پر عمل کرتے ہوئے جو ڈیشل کمیشن کا قیام عمل میں لے آتی تو آج ملک کے اتنے ابتر حالات نہ ہوتے اور پارلیمنٹ پر عوام کے اعتماد میں اضافہ ہوتا نوازش علی شیخ ایڈووکیٹ نے مزید کہاکہ دھاندلی کی تحقیقات کیلئے جوڈیشل کمیشن کی تشکیل پاکستان کی جمہوریت کیلئے خوش آئند ہے پاکستان میں حقیقی جمہوریت کیلئے حکومت وقت کو عوامی مفادات کے حق میں فیصلے کرنا ہوں گے۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ڈی پی اوگجر ات رائے اعجازاحمدنے تھانہ کنجاہ میںمحافظ کمیٹی ،مصالحتی کمیٹی اور امن کمیٹی کے ممبران سے خطاب کرتے ہوئے کہاکہ دہشتگردی کے خاتمہ کیلئے محافظ کمیٹی ،امن کمیٹی کے ممبران پولیس کاساتھ دیںاورجرائم پیشہ افرادکی نشاندہی کریںتاکہ جرائم کاخاتمہ ہوسکے انہوںنے کہاکہ معصوم بچوںکی شہادتوںکومدنظررکھتے ہوئے ہرپاکستانی کافرض بنتاہے کہ وہ دہشتگردی کے خاتمہ کیلئے اپنا کرداراداکریںورنہ تاریخ ہمیںکبھی معاف نہیںکرے گی انہوںنے کہاکہ محافظ کمیٹی ،مصالحتی کمیٹی اورامن کمیٹی کے ممبران کوکارڈجاری کیے جائیںگے سترہ کروڑعوام ان مٹھی بھردہشت گردوںکامقابلہ نہیںکرسکتے توہمیںہجرت کرجانی چاہیے اورانہوںنے کہاکہ اپنے علاقے میںافغانیوں،کرایہ داروں،بھکاریوںاورمشکوک افرادپرکڑی نظررکھیں دوماہ کے اندر منگووال پولیس چوکی کوتھانے کادرجہ دے دیاجائے گااورکنجاہ میںصدرسرکل کادفتربنایاجائے گاجہاںڈی ایس پی تعینات کیاجائے گا۔ااورمین بازارکنجاہ میںآرمی میںکے تربیت یافتہ سیکیورٹی گارڈرکھیںجائیںگے اورمین بازارکنجاہ کے سیکیورٹی کیمروںکاکنٹرول انتظامیہ کے ساتھ ہوگااس موقع پرصدرمسلم لیگ ن میرصلاح الدین،نائب صدرمسلم لیگ ن تحصیل گجرات میاںسلیم کپڑے والا،چیئرمین مسلم لیگ ن شہزادہ طاہریوسف ،صدرجمیعت علماء پاکستان ضلع گجرات صاحبزادہ محمدشبیرسیفی ،کنجاہ جرنلسٹس ایسوسی ایشن کے صدرچوہدری نویدبشیرکنجاہی ،نائب صدرمسلم لیگ ن یوتھ ونگ ضلع گجرات یاسرجرال،چوہدری احسان فیصل ،صدرپریس کلب کنجاہ محمدبلال بٹ ،جنرل سیکرٹری اشتیاق احمدآفتاب،میاںوحیدسلیم،سابقہ نائب ناظم شیخ شہکازاسلم،،سیٹھ قمرخورشیدصراف،ملک نثارذولف،صحافیوںمیںشفران اقبال،یاورعباس،مرزاعبدالرحمن ،خالدہنجرا،شاہ زیب شبیر باجوہ،اعجازجرال عوام کی بہت بڑی تعدادبھی موجودتھی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ڈی پی اوگجرات رائے اعجازاحمدنے ناقص کارکردگی اورعوامی شکایات پرانچارج پولیس چوکی کنجاہ محمدافضل چیمہ کوتبدیل کردیاہے جبکہ منگووال چوکی کے اے ایس آئی محمداحسن اورمحررمحمدپرویزکومعطل دیا۔اورمحررتھانہ کنجاہ محمدیونس کوبہترین کارکردگی پرسی ٹی تھری سرٹیفکیٹ دیا۔
عظیم محسنوں کی یاد میں پاسبان ایوارڈ شو 2015ء کی تقریب 2 مارچ TMA ہال کھاریاں میں منعقد ہوگی
تبدیلی کا نعرہ صرف نعرہ نہ بنایا جائے فلاحی معاشرے کا قیام یقینی بنایا جائے۔ شمیم اختر
