گجرات (علی بھٹی سے) گجرات کی اہم ترین سٹرک شادیوال روڈ ‘ چک سادہ ‘ شاہد دولہ روڈ ‘ مدینہ سیداں ‘ اسلام نگر بڑے بڑے کھڈوں میں تبدیل ‘ علاقہ مکینوں کا پنجاب حکومت سے روڈ تعمیر کا مطالبہ ‘ تفصیلات کے مطابق گجرات کی اہم شاہروں کی سٹرکیں بڑے بڑے کھڈوں میں تبدیل ہو چکی ہیں’ جس کی وجہ سے آمدو رفت کا نظام درہم برہم ہے ‘ علاقہ کے منتخب اراکین اسمبلی سمیت ضلعی انتظامیہ کے کسی عہدیدار اور ذمہ دارنے بھی توجہ نہ دی ہے ‘ اس روڈ پر متعدد گائوں واقع ہیں ‘ جن میں چک سادہ ‘ شاہدولہ روڈ ‘ مدینہ سیداں روڈ ‘ اسلام نگر اور شادیوال روڈ شامل ہیں ‘ روڈ خراب ہونے کی وجہ سے گردوغبار اڑنے سے علاقہ مکین مختلف امراض میں مبتلا ہو رہے ہیں ‘ شہری حلقوں نے اعلیٰ حکام سے پر زور مطالبہ کیا ہے کہ روڈ کی فوری تعمیر کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (علی بھٹی سے) پاکستان مسلم لیگ (ن) کے رہنما یوسی 59 امیدوار برائے چیئر مین چوہدری افتخار احمد وڑآئچ نے اپنے بیان میں کہا ہے کہ تحریک انصاف عمران خان کے پلان سنی کا مقصد شہریوں میں تصادم اور لاشیں گرنا ہے ‘ جس کو عوام بردشت نہیں کریگی ‘ جس کو عوام برداشت نہیں کریگی ‘ ماضی میں جنگوں کے فیصلے مذاکرات کے ذریعے ہوسکتے ہیں ‘ تو عمران خان مذاکرات کیوں نہیں کرتے ‘ ذوالفقار علی بھٹو جیسا بین الاقوامی لیڈر قومی اتحاد کے قائد مفتی محمود سے مذاکرات سکتا ہے تو یہ کیوں بھاگتے ہیں ‘ انہوں نے کہا کہ سانحہ فیصل آباد کی بھرپور مذمت کرتے ہیں ‘ کسی بھی پارٹی کے جلائو گھیرائو کی سیاست نہیں کرنی چاہیے ‘ پاکستان مسلم لیگ ن کو عوام نے بھاری مینڈیٹ دیا ہے ‘ عوامی حمایت سے مدت پوری کرینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (علی بھٹی سے) گجرات شہر اور گردونواح میں غیر اعلانیہ لوڈ شیڈنگ کا سلسلہ بد ستور جاری ہے ‘ شہر میں 12 گھنٹے اور گردونواح میں تقریبا15گھنٹے تک بجلی کی بندش کی جا رہی ہے ‘ جس سے کاروباری زندگی ٹھپ ہو کر رہ گئی ہے ‘ اور خاص طور پر رات 8 بجے سے 10 بجے تک دو گھنٹے کی لگا ر تار بجلی کی بندش کی وجہ سے وارداتوں کا خطرہ بڑھ جاتا ہے ‘ اور اکثر اوقات وارداتیں بھی ہو جاتی ہیں عوامی و سماجی حلقوں نے مطالبہ کیا ہے کہ لوڈ شیڈنگ کا دورانیہ کم کیا جائے اور خاص طور پر رات 8 بجے سے 10 تک بجلی کی بندش کا سلسلہ بند کیا جائے۔
