گجرات (جی پی آئی) IHMA ضلع گجرات کے صدر ڈاکٹر اظہر اقبال چیمہ اور ڈاکٹر انصر محمود شاد نے گزشتہ روز لاہور میں صوبائی وزیر صحت ڈاکٹر سلیمان ریاض سے خصوصی ملاقات کی ۔ ملاقات کے دوران ہومیو پیتھک ڈاکٹرز کے مسائل کے حوالہ سے تبادلہ خیال کیا گیا اور RHC لیول پر ہسپتالوں میں ہومیو ڈاکٹرز کی تعیناتی کا مطالبہ کیا گیا۔ صوبائی وزیر صحت خواجہ سلیمان ریاض نے کہا ہے کہ حکومت صحت کے میدان میں گرانقدر خدمات سرانجام دے رہی ہے اور اس سلسلہ میں کاوشیں جاری رہیں گی۔ انہوں نے کہا کہ ہومیو پیتھک ڈاکٹرز کے مسائل کے حل کو یقینی بنایا جائے گا تاکہ وہ اپنی خدمات احسن طریقہ سے سرانجام دے سکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) میونسپل ہائی سکول گجرات میں داخلوں کا سلسلہ جاری ہے ۔ پرنسپل غزالہ بھٹی کی سربراہی میں خصوصی ٹیم تشکیل دی گئی ہے جو کہ داخلوں کو مانیٹر کر رہی ہے۔ میرٹ پر داخلوں کو یقینی بنایا جا رہا ہے۔ غزالہ بھٹی نے صحافیوں سے گفتگو کرتے ہوئے کہا کہ میونسپل ماڈل ہائی سکول گجرات کو صحیح معنوں میں معیاری تعلیمی ادارہ بنایا جا رہا ہے اور اس سلسلہ میں ڈی سی او گجرات اور محکمہ تعلیم کے افسران کی سربراہی میں کام ہو رہا ہے۔ تمام سٹاف محنت سے اپنے فرائض سرانجام دے رہا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) مقامات مقدسہ کی حفاظت کرنا ہر مسلمان پر فرض ہے ان خیالات کا اظہار مسلم لیگ ن کے راہنما چوہدری ظہور الٰہی آف صباحت گروپ نے کیا انہوں نے کہا کہ چونکہ ہم مسلمان ہیں ، مسلمان ہونے کے ناطے ہم سب پر فرض ہے کہ ہم سعودیہ میں مقدس مقامات کی حفاظت کیلئے اپنی تمام تر توانائیاں لگا دیں ۔ اس میں کچھ شک نہیں کہ مقامات مقدسہ کی حفاظت کا ذمہ خود اللہ پاک نے لیا ہوا ہے اور جب ہاتھی والوں کا لشکر آیاتو سارے عالم نے دیکھ کہ اللہ تعالیٰ نے اپنے حرمین شریف کو کیسے بچایا اور اس کی کیسی حفاظت کی اس وقت چونکہ پاکستان ایک ایٹمی طاقت ہے اور سارے مسلمان ممالک اس کی طرف دیکھ رہے ہیں کہ پاکستان کیا پالیسی بناتا ہے آج وزیراعظم کے بیان کے ثابت کر دیا ہے کہ ہم سعودیہ میں مقدس مقامات کی حفاظت کریں گے اور ان پر کسی بھی قسم کی آنچ نہیں آنے دیں گے یہ فیصلہ چند دن پہلے اسمبلی میں بھی پاس ہوا تھا۔ وزیراعظم پاکستان کا فیصلہ ساری قوم کی امنگوں پر مشتمل ہے پوری قوم میاں نواز شریف کے فیصلے کا خیر مقدم کرتی ہے ۔ پوری قوم میاں نواز شریف کے ساتھ کھڑی ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) اے ڈی سی /ایڈ منسٹریٹر ٹی ایم اے عرفان علی کاٹھیا نے کہا ہے کہ 24سے 26اپریل تک جشن بہاراں گجرات کے انعقاد کے لئے تیاریاں تیزی سے مکمل کی جارہی ہیں ، اس رنگا رنگ پروگرام کے دوران شہریوں کو تفریح کے انتہائی شاندار مواقع میسر آئیں گے اور گجرات کی ثقافت کو فروغ ملے گا۔ ان خیالات کا اظہار انہوںنے جشن بہاراں گجرات کے انعقاد کے لئے شہباز شریف پارک میں تیاریوں کے جائزہ کے موقع پر بات چیت کرتے ہوئے کیا ۔ مسلم لیگ ن کے راہنما چوہدری رضا علی وڑائچ، جی اے آر ذوالفقار باگڑی، ای ڈی او زراعت چوہدری مبشرحسین، ٹی ایم او محمود اقبال گوندل اور دیگر افسران بھی اس موقع پر موجود تھے۔ اے ڈی سی نے کہا کہ شہباز شریف پارک میں جشن بہاراں گجرات کے سلسلے میں 24سے 26مارچ تک روزانہ صبح 10بجے نیزہ بازی کے مقابلے شروع ہو ں گے جبکہ نیز ہ بازی کے لئے مختص مقام کے ساتھ ہی کیٹل شو اور زرعی آلات کی نمائش ہوگی۔ انہوںنے بتایا کہ دیگر مقابلوں میں 25اپریل کو دن دو بجے ظہور الہی اسٹیڈیم میں پولیس اور واپڈ ا کی ٹیموں کے مابین کبڈی میچ ہوگا جبکہ شام سات بجے ضلع کونسل ہال میں مشاعرہ ہوگا۔ 26اپریل کو نیزہ بازی مقابلوںکی اختتامی تقریب کیساتھ شام سات بجے لوک موسیقی کا اہتمام کیا گیا ہے ۔ انہوںنے ہدایت کی کہ شہباز شریف پارک میں نیزہ بازی ، کیٹل شو اور زرعی نمائش میں شرکت کے لئے آنیوالے مہمانوں کے لئے بنائے گئے اسٹیج کے ساتھ میڈیا کے نمائندوں کے لئے پریس گیلری بھی قائم کی جائے تاکہ انہیں کوریج میں آسانی ہوسکے۔ اے ڈی سی نے بتایا کہ جشن گجرات کی افتتاحی تقریب میں اہم شخصیات کی شرکت متوقع ہے اس دوران پولیس ، جیل کے بینڈ اپنی پرفارمنس پیش کریں گے ۔ اس موقع پر اے ڈی سی کو بتایا گیا کہ نیزہ باز ی کے لئے گرائونڈ 15اپریل تک تیار ہوجائے گی جبکہ مقابلوں میں شرکت کے لئے آنیوالے گھڑ سواروں اور گھوڑوں کے لئے انتظامات کو بھی حتمی شکل دی جارہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) اسسٹنٹ کمشنر میاں اقبال مظہر نے گرانفروشوں کے خلاف کریک ڈائون کے دوران ریٹ لسٹیں آویزاں نہ کرنے اور کم وزن روٹی فروخت کرنے پر 6دوکاندارو ں اور تندور مالکان پر 14ہزار روپے جرمانہ عائد کر دیا ہے۔ ڈی سی او لیاقت علی چٹھہ کی ہدایت پر کاروائی کے دوران اے سی گجرات نے کھوکھر غربی کے علاقہ میں اچانک چیکنگ کی اور ریٹ لسٹیں آویزاں نہ کرنے پر سلطان ، ندیم، گلزار، شاہین چوک کے علاقہ میں کم وزن روٹی فروخت کرنے پرصغیر اور خادم پر اور ریٹ لسٹ آویزاں نہ کرنے پر سکندر سکنہ منڈ پرفی کس دو دو ہزا رروپے جرمانہ عائد کر دیا
زیر انتظام تحریک دفاع حرمین شریفین پریس کانفرنس
ڈی ٹی ای محمد شہباز بھٹی کی زیر قیادت گورنمنٹ گرلز پرائمری سکول تیرو چک میں داخلہ آگا ہی مہم کا آغاز
