وزیر اعلی پنجاب میاں محمد شہباز شریف سے ڈی سی او گجرات لیاقت علی چٹھہ گجرات ( جی پی آئی )وزیر اعلی پنجاب میاں محمد شہباز شریف سے ڈی سی او گجرات لیاقت علی چٹھہ، جنرل سیکرٹری مسلم لیگ ن حاجی ناصر محمود اور ایم پی اے میجر (ر) معین نواز کی زیر قیادت وفد نے ملاقات کی اور شمالی وزیرستان آپریشن متاثرین کی امداد کے لئے 2کروڑ 80لاکھ روپے کے چیک پیش کئے۔ وزیر اعلی پنجاب سے ملاقات کے موقع پر وفد میں شامل ارکان قومی و صوبائی اسمبلی نوابزادہ مظہر علی خان، چوہدری جعفر اقبال، چوہدری عابد رضا، میجر (ر) معین نواز، حاجی عمران ظفر، چوہدری شبیر رضا، میاں طارق محمود، نوابزادہ حیدر مہدی ، ٹکٹ ہولڈر چوہدری رضا علی وڑائچ متہ نے پانچ پا نچ لاکھ روپے،مسلم لیگ (ن) کے رہنما نوابزادہ طاہر الملک نے 20لاکھ روپے، صدر چیمبرآف کامرس طارق بلا ل 20لاکھ روپے، ممتاز صنعتکار حاجی الیاس آف جی ایف سی فین 25لاکھ روپے، میاں احسان آف پاک فین 20لاکھ روپے، تیمور رفیق آف رائل فین 20لاکھ روپے، آفتاب احمد ایڈووکیٹ صدر پاٹر ی ایسویسی ایشن 15لاکھ روپے، ڈاکٹر جاوید ریاض 10لاکھ روپے، صدر مرکزی انجمن تاجران جاوید بٹ 10لاکھ روپے، جناح پبلک سکول 5لاکھ روپے ندیم ملہی 3لاکھ روپے، کھاریاں کے مخیر حضرات کی طرف سے 40لاکھ روپے اور سرائے عالمگیر کے مخیر حضرات کی طرف سے 20لاکھ روپے کے امدادی چیک وزیر اعلی پنجاب کو ریلیف فنڈ برائے آئی ڈی پیز کے لئے پیش کئے۔ وزیر اعلی پنجاب میاں محمد شہباز شریف نے آئی ڈی پیز کی امداد کے لئے گجرات ضلعی انتظامیہ ، ارکان اسمبلی ، مسلم لیگ ن کے عہدے داروں ، صنعتکاروں، تاجروں اور مخیر حضرات کے جذبہ کو زبر دست سراہا ہے اور کہا ہے کہ مخیر حضرات کے تعاون سے آئی ڈی پیز کی مشکلات کا خاتمہ یقینی بنایا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ صوبائی وزیر ہاوسنگ اینڈ ورکس ملک تنویر اسلم اعوان نے کہا ہے گجرات ( جی پی آئی )صوبائی وزیر ہاوسنگ اینڈ ورکس ملک تنویر اسلم اعوان نے کہا ہے کہ حکومت پنجاب کی طرف سے رمضان بازاروں کا اور 5ارب روپے کے رمضان پیکج سے عوام کو بھر پور ریلیف ملا ہے ۔ رمضان بازاروں کے مثالی انتظامات پر ضلع گجرات کی انتظامیہ خراج تحسین کی مستحق ہے ان خیالات کا اظہار انہوں نے رمضا ن بازار لالہ موسی، کھاریاں اور ڈنگہ کے اچانک دورہ کے موقع پر کیا ڈی او سی گجرات شجاع قطب بھٹی بھی اس موقع پران کے ہمراہ تھے۔ صوبائی وزیر ہاوسنگ کے رمضان بازاروں میں لگے پھلوں، سبزیوں ، آٹے، گھی، چاول، گوشت اور دیگر سٹالز پر فروخت کے لئے رکھی گئی اشیا کا معائنہ کیا اور انکے معیار کو سراہا۔ انہوں نے رمضان بازاروں میں خریداری کے لئے آنیوالے افراد سے یہاں فراہم کی جانے والی سہولیات کے بارے میں دریافت کیا اور ہدایت کی کہ خریداری کے لئے آنیوالے افسراد کی شکایات کا فوری ازالہ یقینی بنایا جائے۔ صوبائی وزیر نے ہدایت کی کہ جس طرح ماہ رمضان کے پہلے دو عشرے رمضان بازاروں کے انتظامات پر خصوصی توجہ دی گئی ہے اسی طرح آخری عشرہ میں بھی عوام کو ریلیف فراہم کرنے کا سلسلہ جاری رکھا جائے۔ اس موقع پر ڈ ی او سی نے صوبائی وزیر کو رمضان بازاروں میں انتظامات کے حوالے سے بریفنگ دی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ایڈیشنل ڈسٹرکٹ اینڈ سیشن جج گجرات ظفر اقبال تارڑ نے تھانہ ٹانڈہ کے ایک مقدمہ کا فیصلہ گجرات ( جی پی آئی )ایڈیشنل ڈسٹرکٹ اینڈ سیشن جج گجرات ظفر اقبال تارڑ نے تھانہ ٹانڈہ کے ایک مقدمہ کا فیصلہ سناتے ہوئے مجرم کفیل الطاف کو سزائے اور دو لاکھ روپے جرمانہ جبکہ مجرم فرزند علی کو عمر قید اور اور دو لاکھ روپے جرمانہ کی سزا کا حکم سنایا ہے ‘ عدم ادائیگی جرمانہ پر مجرموں کو مزید دو دو سال قید بھگتنا ہو گی ‘ استغاثہ کے مطابق مجرموں نے 2010میں معمولی تنازعہ پر نوجوان کو فائرنگ کر کے قتل کر دیا تھا ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پولیس تھانہ بولانی نے چھ رکنی ڈکیت گینگ کو سر غنہ سمیت گرفتار کر کے لوٹا گیا گجرات ( جی پی آئی ) پولیس تھانہ بولانی نے چھ رکنی ڈکیت گینگ کو سر غنہ سمیت گرفتار کر کے لوٹا گیا مال مسروقہ اور اسلحہ برآمد کر لیا ‘ ڈی پی او گجرات رائے اعجاز احمد نے پولیس لائن میں پریس کانفرنس کرتے ہوئے بتایا کہ چھ رکنی ڈکیت گینگ کے سرغنہ عبدالجبار عرف جارا اسکے ساتھیوں ذیشان ‘ جابر ‘ طارق ‘ رئیس اصغر اور عدیل عرصہ دراز سے جی ٹی روڈ اور لنک روڈ ز پر ڈکیتیاں کرتے تھے جس سے مسافر دروان سفر عدم تحفظ کا شکار ہو چکے تھے ‘ ڈی ایس پی محمد ارشد کی قیادت میں ایس ایچ او تھانہ بولانی صغیر بھدر نے ڈاکوئوں کو آپریشن کر کے گرفتار کر لیا اور لوٹا گیا مال تین لاکھ نقدی ‘ زیورات ‘ ایک عدد کلاشنکوف ‘ ایک عدد 224بور رائفل ‘ اور 30بور پسٹل برآمد کر لئے ‘ ڈی پی او نے بتایا کہ دوران تفتیش ملزمان نے 20وارداتوں کا انکشاف کیا ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرائے عالمگیر میں DIGکی ہمشیرہ کے گھر ڈکیتی کی واردات نقدی ‘ زیورات ‘ قیمتی گھریلو اشیاء لوٹ لی گئیں
گجرات ( جی پی آئی ) سرائے عالمگیر میں DIGکی ہمشیرہ کے گھر ڈکیتی کی واردات نقدی ‘ زیورات ‘ قیمتی گھریلو اشیاء لوٹ لی گئیں ‘ گزشتہ روز راجہ عمر خطاب جو کہ کراچی میں DIGتعینات ہیں ‘ سرائے عالمگیر میں ان کی ہمشیرہ کے گھر نامعلوم مسلح ڈائو گھس آئے اور اہل خانہ کو اسلحہ کی نوک پر یر غمال بنا کر لاکھوں روپے کی نقدی ‘ 17تولے زیورات اور دیگر قیمتی گھریلو اشیاء لوٹ کر فرار ہوگئے ‘ پولیس نے مقدمہ درج کر کے تفتیش شروع کر دی ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جماعة الدعوہ کے امیر حافظ محمد سعید نے کہا ہے گجرات ( جی پی آئی ) جماعة الدعوہ کے امیر حافظ محمد سعید نے کہا ہے کہ اسرائیل امریکی پشت پناہی پر فلسطین کے بے گناہ شہریوں معصوم بچوں اور خواتین پر ظلم ڈھا رہا ہے ‘ دنیا میں امن قائم کرنیو الے ٹھیکیداروں نے فلسطین کے عوام پر ہونیوالی دہشت گردی پر آنکھیں بند کر رکھی ہیں ‘ ان خیالات کا اظہار انہوں نے گزشتہ روز ضلع کونسل گجرات میں اجتماع سے خطاب کرتے ہوئے کیا ‘ حافظ محمد سعید نے کہا کہ فلسطین عوام پر اسرائیل ظلم پر اسلامی ممالک کی خاموشی بھی قابل افسوس ہے مسلم ممالک کو چاہیے کہ وہ سلامتی کونسل اور او آئی سی سے مستقل بنیادوں پر فلسطین کا مسئلہ حل کرائیں تاکہ اسرائیل فلسطینی عوام پر ظلم کرنا بند کر دے ‘ اقوام متحدہ کو چاہئے کہ وہ اسرائیلی جارحیت کو فوری طور پر رکوائے ‘ اور اُمت مسلمہ کو متحد ہو کر فلسطینیوں کو تحفظ دے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات میں موسلا دھار بارش سے موسم خوشگوار ہو گیا ‘ بارش سے گرمی کا زور ٹو ٹ گیا گجرات ( جی پی آئی ) گجرات میں موسلا دھار بارش سے موسم خوشگوار ہو گیا ‘ بارش سے گرمی کا زور ٹو ٹ گیا ‘ گزشتہ روز شہر اور گردونواح کے علاقوں میں موسلا دھار بارش ہوئی جس سے گرمی کا زور ٹو ٹ گیا ‘ بارش سے گرمی اور لوڈ شیڈنگ کے ستائے روزہ داروں نے سکھ کا سانس لیا ‘ موسلا دھار بارش سے پورا شہر پانی میںڈو ب گیا ٹی ایم اے کے اہلکار شہر سے نکاسی آب میں مصروف رہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات میں موسم خوشگوار ہونے کے باوجود بجلی کی طویل لوڈ شیڈنگ کا سلسلہ تھم نہ سکا
گجرات ( جی پی آئی ) گجرات میں موسم خوشگوار ہونے کے باوجود بجلی کی طویل لوڈ شیڈنگ کا سلسلہ تھم نہ سکا ‘ شہر اور مضافاتی علاقوں میں موسم میں تبدیلی کے باوجود بجلی کی اعلانیہ اور غیر اعلانیہ لوڈشیڈنگ کے باعث لوگوں کو شدید مشکلات درپیش ہیں ‘ لوگوں کے کاروبار متاثر ہو چکے ہیں ‘ جبکہ اکثر کا رخانے اور فیکٹریاں بند ہونے سے سینکڑوں افراد بے روزگار ہو چکے ہیں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات میں گن پوائنٹ پر ڈاکوئوں نے 2دکانوں کو لوٹ لیا
گجرات ( جی پی آئی ) گجرات میں گن پوائنٹ پر ڈاکوئوں نے 2دکانوں کو لوٹ لیا ‘ گزشتہ روز تھانہ سول لائن کے علاقہ بھمبر روڈ پر واقع دو کانوں پر مسلح ڈاکو گھس آئے اور وہاں موجودعملہ کو یر غمال بنا کر لاکھوں کی نقدی ‘ موبائل فون اور دیگر قیمتی اشیاء لوٹ کر فرار ہو گئے ۔ پولیس مصروف تفتیش ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تبلیغ دین کی عالمی تنظیم تبلیغ اسلامی کے زیر اہتمام مرکزی جامع مسجد عیدگاہ گجرات (جی پی آئی ) تبلیغ دین کی عالمی تنظیم تبلیغ اسلامی کے زیر اہتمام مرکزی جامع مسجد عیدگاہ جی ٹی روڈ گجرات میں سینکڑوں اسلامی بھائی اجتماعی اعتکاف میں بیٹھ گئے ہیں ‘ گزشتہ روز ہر عمر کے سینکڑوں افراد نے نماز عصر با جماعت جامع مسجد عید گاہ جی ٹی روڈ گجرات میں ادا کی اور تبلیغ اسلامی کے اجتماعی اعتکاف میں اپنی رجسٹریشن کروا کر اعتکاف میں بیٹھ گئے ۔ دس روزہ اجتماعی اعتکاف میں ممتاز مفتی اورپروفیسر حضرات مختلف موضوعات پر درس قرآن دیا کرینگے ‘ 21جولائی 2014ء بروز پیر بمطابق 22رمضان المبارک بعد نماز تروایح جگر گوشہ شیخ القرآن حضرت علامہ مولانا پروفیسر ڈاکٹر محمد آصف ہزاروی پرنسپل گورنمنٹ ڈگری کالج وزیر آباد ” تخلیق اوّل” کے موضوع پر درس قرآن دینگے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ممتاز ثناء خوان مظہر عزیز قادری کے والد محترم ممتاز ماہر تعلیم ماسٹر عزیز احمد
گجرات (جی پی آئی ) ممتاز ثناء خوان مظہر عزیز قادری کے والد محترم ممتاز ماہر تعلیم ماسٹر عزیز احمد کی نو ویں برسی کی روحانی محفل پاک ان کی رہائشگاہ پر منعقد ہوئی ‘ تلاوت قرآن پاک کا شرف حافظ محمد افضل نے حاصل کیا جبکہ ممتاز ثناء خواں قاری شفقت اللہ قادری اور مظہر عزیز قادری نے ہدیہ نعت پیش کیا بعدازاں ختم شریف پڑھا گیا اور قاری مقصود احمد قادری نے خصوصی دعا فرمائی’ محفل پاک میں حاجی غلام حسین ‘ حاجی سعید احمد ‘ حاجی اعجاز احمد ‘ حاجی منیر احمد ‘ حاجی رحمت خاں ‘ تنویر نواز چیمہ ‘ عبدالمجید بٹ’ چوہدری اعجاز احمد ‘ چوہدری ظفر محمود ‘ سلیم ماجد ڈار ‘ ڈاکٹر رزاق احمد غفاری ‘ عامر چوہدری ‘ بابر قادری ‘ محمد ذیشان ‘ عمران عرف مانی بٹ’ سہیل بٹ و دیگر نے خصوصی شرکت کی آخر میں تمام شرکاء محفل کو افطار ڈنر بھی کروایا گیا ۔
گجرات کی خبروں کی تصویری جھلکیاں
پیر محل کی خبریں 19/7/2014
