گجرات کی خبریں 7.09.2013
Posted on September 7, 2013 By Geo Urdu گجرات
گجرات کے نواحی گائوں جسوکی میں آٹھ افراد کے اجتماعی قتل کا مقدمہ درج
گجرات (جمیل احمدطاہر) گجرات کے نواحی گائوں جسوکی میں آٹھ افراد کے اجتماعی قتل کا مقدمہ درج ،تفصیل کے مطابق جمعہ کی سہ پہر تھانہ کنجاہ کے گائوں جسوکی میں 70 سالہ پیر سید فصیلت حسین شاہ المعروف پھل شاہ ولدبوٹے شاہ جسوکی، سید اعجاز شاہ ولد عاشق شاہ جسوکی، سید ارجد شاہ ولد اعجاز شاہ جسوکی، غلام عباس ولد بہادر شاہ سکنہ گوجرانوالہ، سید غضنفر علی شاہ ولد نواب شاہ جسوکی، علی وقاص ساکن وزیر آباد، اعجاز زرگر عرف ججی ولد احسان اللہ سکنہ الٰہ آباد وزیر آباد، نزاکت علی شاہ ولد عاشق شاہ سکنہ وزیر آباد قتل جبکہ رانا ساجد ولد حاجی اقبال جسوکی، رضوان شاہ ولد اخترشاہ جسوکی، سید عاشق شاہ، شفقت محمود زخمی ہوئے پولیس تھانہ کنجاہ نے ارشاد حسین کی رپورٹ پر چار نامعلوم ملزمان کیخلاف قتل، دہشت گردی ودیگر دفعات کے تحت مقدمہ درج کر لیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیراعلیٰ پنجاب میاں شہباز شریف،آئی جی پنجاب خان بیگ نے گجرات میں 8 افراد کے قتل کی رپورٹ طلب کرلی ہے
گجرات (جمیل احمدطاہر) وزیراعلیٰ پنجاب میاں شہباز شریف، آئی جی پنجاب خان بیگ نے گجرات میں 8 افراد کے قتل کی رپورٹ طلب کرلی ہے،توقع ہے کہ آئندہ 36 گھنٹوں میں انسپکٹر جنرل پولیس پنجاب خان بیگ گجرات کا دورہ کرکے قتل کے محرکات اور تفتیش کا جائزہ لیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انسداد دہشت گردی کی خصوصی عدالت گوجرانوالہ کا فیصلہ
گجرات (جمیل احمدطاہر) انسداد دہشت گردی کی خصوصی عدالت گوجرانوالہ کا فیصلہ، لالہ موسیٰ کے مشہور بھتہ کیس کے ملزم کو چودہ سال قید بامشقت کی سزا سنادی گئی۔ عدالت نے ممتاز معالج ڈاکٹر ندیم خان سے بھتہ سے انکار پر فائرنگ کرکے زخمی کرنے والے ملزم شیخ رگو کو چودہ سال قیدبامشقت کی سزاسنائی ہے جبکہ ملزم عبید نیئر کو کوبری، تیسرے ملزم مفرور کاکا کو اشتہاری کر دیا گیا ہے۔ ملزمان نے چندماہ قبل لالہ موسیٰ کے ممتاز معالج ڈاکٹر ندیم احمدخان کے کلینک واقع مندروالی گلی لالہ موسیٰ میں داخل ہوکر بھتہ مانگا اور انکار پر فائرنگ کر کے ڈاکٹر ندیم احمد خان کو شدید زخمی کر دیا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ میں چار مسلح ڈاکوئوں کی جنرل سٹور پر ڈکیتی کی دلیرانہ واردات
گجرات (جمیل احمدطاہر) لالہ موسیٰ میںچار مسلح ڈاکوئوں کی جنرل سٹور پر ڈکیتی کی دلیرانہ واردات، تفصیل کے مطابق گزشتہ شام چار نامعلوم ڈاکوئوں نے جی ٹی روڈ پر واقع گلی پیرفصیح الدین میں واقع جنرل سٹور کے مالک شعیب اصغر بٹ سے اسلحہ کی نوک پر 14 ہزار نقدی موبائل فون لوٹ لیا، شور مچانے پر ڈاکو فرار ہونے میں کامیاب ہوگئے، یاد رہے کہ شہر میں اکثر ڈکیتی کی واردوتوں میں یہی چار ڈاکو ملوث ہیں لیکن پولیس ڈاکوئوں کو پکڑنے میں ناکام دکھائی دے رہی ہے۔
