گجرات ( جی پی آئی ) پنجاب نعت کونسل کے صدر شیخ عرفان پرویز نے کہا کہ عید میلاد النبیصلی االلہ علیہ وآلہ وسلم کے سلسلہ میں جامعہ شہنشاہ ولایت سے نکلنے والی عظیم الشان ریلی میں بھرپور شرکت کی جائے گی ‘ تمام عاشقان رسول ۖ اس ریلی میں شرکت کرینگے اور اس ریلی کو کامیاب بنایا جائے گا ‘ انہوں نے کہا کہ پنجاب نعت کونسل ربیع الاول کے سلسلہ میں تمام پروگراموں کو بھرپور طریقہ سے کامیاب بنے گی ۔ اور تمام پروگراموں میں شرکت کی جائے گی ۔ اس سلسلہ میں جلد پنجاب نعت کونسل کا اجلاس طلب کیا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔ گجرات ( جی پی آئی ) ممتاز ہومیو فزیشن ڈاکٹر انجم نور دین ڈاکٹر رزاق احمد غفاری ‘ ڈاکٹر عدنان اعجاز ودیگر نے گزشتہ روز ممتاز ماہر تعلیم منیر احمد چغتائی کے بہنوئی کی لاہور میں وفات پر اُن سے گہرے رنج و غم اظہار کیا ۔ اور مرحوم ایصال ثواب کیلئے فاتحہ خوانی کی۔ ۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔ گجرات ( جی پی آئی ) غلامان گھمکول شریف ضلع گجرات کے ناظم اعلیٰ چوہدری افتخار احمد ملہی نے کنجاہ کوٹ قطب دین ‘ ایشرہ ‘ دھاروال اور مختلف علاقوں کا دورہ کیا اور پیر بھائیوں کو میلاد مصطفےٰ ریلی میں شرکت کی ‘ دعوت دی ‘ تمام پیر بھائیوں نے بھرپور شرکت کا عزم کیا ‘ کنجاہ میں افضال رانجھا ایشرہ میں چوہدری یوسف ‘ کوٹ قطب دین میں ماسٹر عنصر ‘ کوٹ نتھو میں چوہدری اکرم ٹاہلی صاحب میں ڈاکٹر طارق گجر جسوکی میں چوہدری ذکا اللہ سندھو گولیکی میں صوبیدار اعظم ‘ دھاووال میں صوفی ریاض اور شاہین چوک میں صوفی عامر سے ملاقات کی اور ریلی میں شرکت کی دعوت دی۔ ۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔ گجرات ( جی پی آئی ) غلامان گھمکول شریف ضلع گجرات کے ناظم اعلیٰ چوہدری افتخار احمد ملہی نے محلہ قطب آباد میں خلیفہ صوفی محمد رفیق سے ملاقات کی اور میلاد مصطفی ریلی میں شرکت کی دعوت دی خلیفہ صاحب نے ریلی میں ساتھیوں کے ساتھ بھرپور شرکت کا یقین دلایا۔ ۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈی سی او لیاقت علی چٹھہ نے کہا ہے کہ خصوصی بچوں کو گھروں سے تعلیمی اداروں میں لانا انہیں فعال شہر بنانا معاشرے کی اجتماعی ذمہ داری ہے کمیونٹی اور انتظامیہ کو یقینی بنانا ہوگا کہ کوئی خصوصی بچہ سکولوں سے باہر نہ رہے ۔ ان خیالات کا اظہا ر انہوںنے سپیشل ایجوکیشن سنٹر سرائے عالمگیر کے دورہ کے موقع پر کیا۔ اسسٹنٹ کمشنر شعیب نسوانہ، ای ڈی او کمیونٹی ڈویلپمنٹ چوہدری محمد نواز، پرنسپل نرگس ارشد، سماجی کارکن ڈاکٹر شازیہ ، ذکا ڈار، فیضان جمیل، رشید انجم و دیگر بھی موجود تھے۔ انہوں نے سکول میں زیرتعلیم طلبہ اور اساتذہ سے ملاقات کی اور سنٹر کے مختلف حصوں کا معائنہ بھی کیا۔ڈی سی ا ولیاقت علی چٹھہ نے کہا کہ سپیشل ایجوکیشن سنٹر میں سہولیات میں اضافہ کرکے یہاں طلبہ کی تعداد میں مزید اضافہ ممکن ہے اس مقصد کے لئے ضلعی حکومت تمام دستیاب وسائل بروئے کا ر لائے گی جبکہ سرائے عالمگیر کے مخیر حضرات بھی اس مقصد کے لئے آگے آئیں۔ ڈی سی او لیاقت علی چٹھہ نے ہدایت کی کہ سپیشل ایجوکیشن سنٹر کے لئے بہتر عمارت کا انتظام کیا جائے اور انرولمنٹ میں اضافہ کے لئے کاوشیں کی جائیں اور خصوصی بچوں کے والدین کو ان بچوں کو سکولوں میں بھیجنے پر قائل کیا جائے۔ اس موقع پر ممتاز سماجی شخصیت ذکا ء ڈار نے سنٹر کے لئے ایک لاکھ روپے مالیت کا فرنیچر فراہم کرنے کا اعلان کیا ۔ سماجی شخصیت فیضان جمیل نے دو کمروں کا فرنیچر دینے اور ٹورز کے لئے اخراجات برداشت کرنے اور چیئرمین زکواة کمیٹی عمران بٹ نے بس مرمت کرانے کے لئے فنڈز فراہم کرنے کا اعلان کیا۔ ڈی سی او لیاقت علی چٹھہ نے سپیشل ایجوکیشن سنٹر کی بہتری کے لئے کاوشوں پر صاحب ثروت حضرات کی کاوشوں کو سراہا۔ ۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)اسسٹنٹ کمشنر میاں اقبال مظہر نے کرپشن کے الزام میں معطل پٹواری ملک شریف کو ملازمت سے برخاست کر دیا ہے۔ مذکورہ پٹواری کو اینٹی کرپشن کی ٹیم نے 2012میں ایک شہری سے رشوت لیتے ہوئے رنگے ہاتھوں گرفتار کیا تھا جس کے خلاف فوجداری کاروائی کے ساتھ محکمانہ کاروائی کا بھی آغاز کیا گیا اور الزام ثابت ہونے پر اسے محکمہ سے فارغ کر دیا گیا۔ اسسٹنٹ کمشنر میاں اقبال مظہر نے خبردار کیا ہے کہ ڈی سی او لیاقت علی چٹھہ کی ہدایات کے مطابق کرپشن ہرگز برداشت نہیں کی جائے گی اور ایسے عناصر کے خلاف سخت ترین محکمانہ کاروائی ہو گی۔ ۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) گجرات پریس کلب کی الیکشن کمیٹی کا اجلاس زیر صدارت چیئرمین کمیٹی بشارت خان لودھی منعقد ہوااجلاس میں ممبران الیکشن کمیٹی محمدیٰسین اورذیشان ذوالفقار موجود تھے جبکہ صدر گجرات پریس کلب وسیم اشرف بٹ اور فنانس سیکرٹری سجاد حیدر نا ز نے خصوصی طور پر شرکت کی چیئرمین الیکشن کمیٹی نے مشاورت سے سال 2015 کے انتخابات کے لیے الیکشن شیڈول اور ضابطہ اخلاق جاری کردیا ہے جس کے مطابق 20 اور 21 دسمبر کو کاغذات نامزدگی وصول کیے جائیں گے 22 دسمبر کو کاغذات کی جانچ پڑتال ہو گی ، کاغذات نامزدگی 23 دسمبر کوواپس لیے جا سکتے ہیں جبکہ امیدواروں کی حتمی فہرست24 دسمبرکو نوٹس بورڈ پر آویزاں کر دی جائے گی الیکشن کمیٹی نے ان ممبران پریس کلب کو تاکید کی ہے جنہوں نے ابھی تک اپنے واجبات ادا نہیں کیے کہ وہ 19 دسمبر تک اپنے واجبات ادا کردیں عدم ادائیگی کی صورت میں ان کا نام حتمی ووٹر لسٹ میں شامل نہیں کیا جائے گا، کاغذات نامزدگی مقررہ تاریخوں پر دن 12 بجے سے لیکر4 بجے سہ پہر تک وصول کیے جائیں گے جبکہ پولنگ 31 دسمبر2014 ء صبح 10 بجے سے سہ پہر 4 بجے تک بذریعہ خفیہ بیلٹ ہو گی، الیکشن کمیٹی نے انتخابات کیلئے ضابطہ اخلاق بھی جاری کردیا ہے جو نوٹس بورڈ پر آویزاں کردیاجائے گاـ ۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)اسسٹنٹ کمشنر کھاریاں /ایڈمنسٹریٹر ٹی ایم اے میڈم افشاں رباب نے ٹی ایم اے کی نقشہ برانچ میں کروڑوں روپے گھپلے کی خبر کا سخت نوٹس لے لیا ہے اور اس بارے میں ٹی او پی اینڈ ایس سے رپورٹ طلب کر لی گئی ہے۔ انہوںنے ہدایت کی ہے کہ وہ فوری ریکارڈ ملاحظہ کر کے رپورٹ پیش کریں تاکہ ذمہ داران کے خلاف سخت کاروائی عمل میں لائی جائے۔ ۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈی سی او لیاقت علی چٹھہ نے معروف سماجی کارکن جیزان اعظم ڈار کو ضلعی پرائس کنٹرول کمیٹی کا ممبر مقرر کر دیا ہے اور ضمن میں نوٹیفکیشن جاری کر دیا گیا ہے۔ ۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) وزیر اعلی پنجاب کے پروگرام کے تحت گجرات کے ہونہار طلبہ میں لیپ ٹاپس تقسیم کرنے کے لئے تقریب آج گورنمنٹ زمیندارہ کالج میں ہوگی ۔ ڈپٹی ڈائریکٹر کالجز محمدا فضل کے مطابق تقریب کے مہمان خصوصی ایم این اے چوہدری جعفر اقبال ہوں گے جبکہ سیکرٹری ہائر ایجوکیشن کمشن عبداللہ سنبل ، ڈی سی او لیاقت علی چٹھہ، ڈائریکٹر کالجز گوجرانوالہ غلام سرور سپرا تقریب کے مہمانا ن اعزاز ہوں گے۔ ۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔ گجرات ( جی پی آئی ) رمضان ویلفیئرسوسائٹی گجرات کے زیر اہتمام رمضان سکالر شپ سکیم کے تحت 60طلباء و طالبات کو لاکھوں روپے کے تعلیمی وظائف دیئے گئے ‘ اس سلسلہ میں رمضان ہال محلہ نور شرقی میں ایک اہم تقریب منعقد ہوئی جس میں طلباء و طالبات اُن کے والدین نے شرکت کی ۔ چیف آرگنائزر رمضان ویلفیئر سوسائٹی محمد اصغر قاضی نے کہا کہ رمضان ویلفیئر سوسائٹی کے زیر اہتمام ہر سال ذہین طلباء و طالبات کو لاکھوں روپے کے وظائف دیئے جاتے ہیں تاکہ وہ اپنی تعلیمی ضروریات پوری کر سکیں ۔ سکول لیول سے لیکر یونیورسٹی لیول تک ہزاروں طلباء و طالبات مستفید ہو رہے ہیں اس تحت ذہین طلباء و طالبات رمضان ویلفیئر سوسائٹی کی ویب سائیڈ سے فارم ڈائون لوڈ کر کے طریقہ کار کے تحت اپلائی کرتے ہیں جنہیں رمضان ویلفیئر سوسائٹی کی طرف سے وظائف دیئے جاتے ہیں اس موقع پر قاضی وفد اور قاضی اسد اور دیگر ممبران رمضان ویلفیئر سوسائٹی میں موجود تھے ‘ حق دار طلباء و طالبات کو طریقہ کار کے تحت یہ وظائف تقسیم کئے گئے۔ ۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی )ممتاز تعلیمی ادارے دی ایگزا ہائی سکول میں یوم اقبال کے سلسلہ میں 25دسمبر کو عظیم الشان مزاجیہ مشاعرہ منعقد ہو گا ‘ جس میں مہمان خصوصی ملک کے ممتاز شاعر مسعود انور ہونگے ‘ اس میں شعار کرام مزاجیہ شاعری پیش کرینگے ۔ اس سلسلہ میں طلباء و طالبات بھی بڑھ چڑھ کر حصہ لے رہے ہیں اور تیاریاں مکمل کی جا رہی ہیں ‘ ۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) ممتاز ثناء خواں رسول ۖ مظہر عزیز بٹ قادری کے صاحبزادے سہیل مظہر بٹ رشتہ ازدواج منسلک ہو گئے ‘ اُن کی بار ات اور دعوت ولیمہ میں ہر مکتبہ فکر سے تعلق رکھنے والے افراد کی کثیر تعداد نے شرکت کی ‘ جن میں صاحبزادہ پیر سید محمود الحسن شاہ بخاری قادری سجادہ نشین آستانہ عالیہ کھپیڑانوالہ شریف المعروف پیر صاحب ‘ ثناء خواں رسول ۖ پروفیسر جامع غوثیہ فیضلہ کھپیڑانوالہ شریف علامہ قاری شفقت محمود قادری ‘ عامر محمود قادری ‘ ڈاکٹر رزاق احمد غفاری ‘ قاری مقصود احمد ‘ مظہر نت ‘ شفقت بٹ ‘ منتصر چیمہ ‘ حاجی اعجاز احمد بٹ’ حاجی سعید احمد بٹ’ حاجی منیر احمد بٹ’ حاجی رحمت خاں ‘ محمد سلیم ساجد ڈار ‘ مبشر عزیز بٹ ‘ انور سعید بٹ ‘ محمد نعیم ڈار ‘ اختر سعید بٹ ‘ عاصم اعجاز بٹ’ عبدالرحمان بٹ ‘ محبوب سلیم ڈار ‘ دانیال اختر بٹ ‘ محمد بلال انور بٹ معین الرحمان بٹ اور دیگر نے کثیر تعداد میں شرکت کی ۔ ۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) کنزیہ لائبرٹریز اور الحیدر ہومیو کلینکل اینڈ سٹور کے زیر اہتمام 19دسمبر کو صبح دس بجے اہم تقریب منعقد ہو رہی ہے جس میں ہومیو ڈاکٹر امتیاز احمد گوندل بی ایچ ایم ایس ڈاکٹرز کو لیکچر دینگے۔
