گجرات کی خبریں 17/2/2014
Posted on February 18, 2014 By Geo Urdu سٹی نیوز
ضلع گجرات میں ایجوکیٹرز بھرتی کے لیے درخواستوں کی سکروٹنی آخری مرحلہ میں داخل ہو گئی ہے
گجرات(جی پی آئی)ضلع گجرات میں ایجوکیٹرز بھرتی کے لیے درخواستوں کی سکروٹنی آخری مرحلہ میں داخل ہو گئی ہے اور 20 فروری کو ابتدائی میرٹ لسٹ آویزا ں کر دی جائے گی۔ ان خیالات کا اظہار ای ڈی او کاشف طاہر نے بات چیت کے دوران کیا۔ انہوں نے بتایا کے ضلع گجرات میں ایس ای ایس ای ،ای ایس ای اور ایس ایس ای کی 530 خالی آسا میوں لیے 3500 امید واروںنے درخواستیں دی ہیں جن کے کا غذات کی جانچ پڑتال کے لئے کام تیزی سے جاری ہے۔ انہوں نے بتایا کہ 20 فروری کو ابتدائی میرٹ لیسٹ آویزاں ہونے کے بعد امیدوار ایک ہفتے تک اپنے اعتراضات داخل کر سکتے ہیں اور اس کے بعد حتمی فہرست آویزاں کر دی جائے گی۔ ان کا مذید کہنا تھاکہ 6 مارچ سے امیدواروں کے انٹرویو شروع ہوں گے اور میرٹ پر پورا اترنے والے امیدوار بطور ایجوکیٹر یکم اپریل سے اپنی ذ مہداریاں سنبھال لیںگے۔
ْْْْْْْْْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) گجرات پریس کلب کا وفد آج ڈی سی او گجرات سے ملاقات کرے گا ، اور صحافی کالونی کے مسائل کے حل کے حوالہ سے تبادلہ خیال کرے گا ، وفد کی قیادت صدر گجرات پریس کلب وسیم اشرف بٹ کرینگے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) صدر گجرات پریس کلب وسیم اشرف بٹ نے گزشتہ روز روزنامہ عقاب پنجاب کا دورہ کیا ان کے ہمراہ جنرل سیکرٹری محمود اختر محمود ، سیکرٹری اطلاعات و نشریات ڈاکٹر رزاق احمد غفاری بھی تھے ، اس موقع پر وفد کے شرکاء کا استقبال چیف ایڈیٹر سہیل رفیق نے کیا ، صدر گجرات پریس کلب وسیم اشرف بٹ نے روزنامہ عقاب پنجاب کی اشاعت پر سٹاف کو مبارک با دپیش کی اور نیک تمنائوں کا اظہار کیا انہوں نے کہا کہ صحافت معاشرے میں انقلابی ترقی لانے میں اہم کردار ادا کر تی ہے ، صحافیوں کو چاہیے کہ وہ اپنی صلاحتیں برئوے کار لاتے ہوئے عوامی مسائل کے حل کیلئے کام کریں اور مثبت صحافت کو فروغ دیں ، جنرل سیکرٹری محمود اختر محمود نے سہیل رفیق اور ان کے سٹاف کی کاوشوں کو سراہا اور اپنے بھرپور تعاون کی یقین دہانی کروائی ، سیکرٹری اطلاعات گجرات پریس کلب ڈاکٹر رزاق احمد غفاری نے روزنامہ عقاب پنجاب کی دوبارہ اشاعت پر سٹاف کو مبارک باد پیش کی اور کہا کہ اس سے قبل شیخ محمد اقبال اس اخبار کو بہترین انداز میں شائع کرتے تھے اب سہیل رفیق اور ان کی ٹیم نے مثبت انداز میں کام شروع کیا ہے اور اخبارات کی دنیا میں جدید ٹیکنالوجی کو برئوے کار لا رہے ہیں ، ہماری دعائیں سہیل رفیق اور ان کی ٹیم کے ساتھ ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)ممتاز ادیب ماہر تعلیم مصنف سیرت تاجدارِ ختم نبوت صلی اللہ علیہ وآلہ وسلم محمد نواز شاہد غفاری کی رہائشگاہ پر عظیم الشان محفل میلاد مصطفی صلی اللہ علیہ وآلہ وسلم کا انعقاد کیا گیا ، جس کی صدارت ممتاز روحانی و مذہبی شخصیت حضرت صاحبزادہ پیر سید ولی حسین شاہ المعروف بلھے شاہ گجراتی نے کی ، تلاوت کلام پاک کا شرف حافظ محمد عمیر عباس نقشبندی نے حاصل کیا ، جبکہ ممتاز ثناء خوانِ رسول صلی اللہ علیہ وآلہ وسلم محمد عامر نقشبندی ، محمد منصور احمد ، محمد ذیشان نواز سخی نقشبندی ، محمد امجد فاروق نقشبندی ، محمد احمد نقشبندی نے ہدیہ نعت بحضور سرور کائنات صلی اللہ علیہ وآلہ وسلم پیش کیا اس موقع پر ممتاز سیاسی ، سماجی ، مذہبی شخصیات کی کثیر تعداد نے شرکت کی ، جن میں محمد خالد نقشبندی ، محمد ارشد نقشبندی ، محمد یوسف نقشبندی ، محمد یونس نقشبندی ، حاجی محمد منیر غفاری ، محمد اشرف ، جاوید صادق نقشبندی ،مرزا محمد راشد نقشبندی ، شبیر احمد غفاری ، فرح اقبال ، علی بلال ، محمود احمد ، مرزا ماجد علی نقشبندی ، چاچا محمد لال خاں ، صوفی محمد عبداللہ ، محمد ابراہیم غفاری ، محمد رفیق احمد غفاری ، محمد ارشد غفاری ، محمد افضال احمد غفاری ، حافظ غلام نبی ، محمد ذوالفقار نقشبندی ، محمد کامران علی ، محمد عرفان احمد غفاری ، مہر عثمان غنی ، محمد ظفر غفاری ، ڈاکٹر رزاق احمد غفاری و دیگر بھی موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہنشاہ ولایت پیر سید ولایت حسین شاہ نے گجرات میں روحانیت کا درس دیا اور دینی تعلیم کے فروغ کیلئے کام کیا
گجرات (جی پی آئی) شہنشاہ ولایت پیر سید ولایت حسین شاہ نے گجرات میں روحانیت کا درس دیا اور دینی تعلیم کے فروغ کیلئے کام کیا ان خیالات کا اظہار صاحبزادہ پیر سید ولی حسین شاہ المعروف بلھے شاہ گجراتی نے گزشتہ روز محمد نواز شاہد غفاری کی رہائشگاہ پر منعقدہ عظیم الشان محفل میلاد مصطفی صلی اللہ علیہ وآلہ وسلم سے خطاب کرتے ہوئے کیا انہوں نے کہا کہ نبی پاک ۖ کی ذات ہمارے لیے مشعل راہ ہے اور اگر ہم ان کی سیرت پر عمل کریں تو دنیا کے تمام مسائل بخوبی حل ہو سکتے ہیں ، اور دنیا و آخرت میں کامیابی کی منازل طے کر سکتے ہیں ، شہنشاہ ولایت پیر سید ولایت حسین شاہ نے سیرت النبی صلی اللہ علیہ وآلہ وسلم پر عمل کرنے پر زور دیا انہوں نے کہا کہ ہمارے لیے اولیاء کرام کی تعلیمات مشعل راہ ہیں ، اور ہمیں اولیاء کرام کی تعلیمات پر عمل پیرا ہونا چاہیے ، محمد نواز شاہد غفاری نے کہا کہ شیخ الحدیث پیر سید حاجی احمد شاہ نے شہنشاہ ولایت کے فیضان کو آگے بڑھایا اور لوگوں میں عشق رسول ۖ کی شمع کو روشن کیا اور ان کے مشن کو پیر سید بلھے شاہ گجراتی صحیح انداز میں آگے بڑھا رہے ہیں ، محمد عامر بوٹا غفاری نے کہا کہ آستانہ عالیہ شہنشاہ ولایت کی خدمات ناقابل فراموش ہیں ہر شعبہ میں اس آستانہ کے چشم و چراغ خدمات سرانجام دے رہے ہیں اور ہم جو کچھ بھی ہیں اسی آستانے کی برکتوں اور فیض کی بدولت ہیں ، اس موقع پر لنگر کا وسیع انتظام کیا گیا تھا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مرکزی جماعت اہلسنت ضلع گجرات کے زیر اہتمام عظیم الشان شان اولیاء کانفرنس و تقسیم اسناد کی تقریب
گجرات (جی پی آئی) مرکزی جماعت اہلسنت ضلع گجرات کے زیر اہتمام عظیم الشان شان اولیاء کانفرنس و تقسیم اسناد کی تقریب 21فروری بروز جمعتہ المبارک بعد نماز مغرب جامع میراں صاحب المعروف جامع جلالیہ نور پور پڈھے میں منعقد ہو گی ، جس کی صدارت پیر فخر نذیر قاسم چیف آرگنائزر آستانہ عالیہ گھمگول شریف کرینگے ، جبکہ یہ تقریب زیر سرپرستی پیر سید محمد محفوظ مشہدی منعقد ہو رہی ہے ، جس کی قیادت پیر سید زاہد حسین شاہ ترمذی نائب امیر مرکزی جماعت اہلسنت پنجاب و زیر سایہ حافظ نذیر احمد جلالی منعقد ہو گی ، خصوصی خطاب پیر سید محمد عرفان شاہ موسوی مشہدی کرینگے ، اس موقع پر پنجاب بھر سے علماء و مشائخ کی کثیر تعداد شرکت کرے گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامع میراں صاحب میں ہونے والی عظیم الشان شان ِ اولیاء کانفرنس کی تیاریاں عروج پر پہنچ گئیں
گجرات (جی پی آئی) جامع میراں صاحب میں ہونے والی عظیم الشان شان ِ اولیاء کانفرنس کی تیاریاں عروج پر پہنچ گئیں ، ناظم اعلیٰ جامع جلالیہ میراں صاحب علامہ محمد ارشد نقشبندی کی سربراہی میں مختلف کمیٹیاں تشکیل دے دی گئی ہیں جو کہ کانفرنس کے انتظامات کو ختمی شکل دیں گی ، یہ کمیٹیاں مختلف علمائے کرام اور پیران کرام سے رابطہ بھی کر رہی ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چیف ایڈیٹر جی پی آئی ڈاکٹر رزاق احمد غفاری کے والد محترم غلام حسن غفاری جو کہ گزشتہ دنوں رضائے الٰہی سے انتقال کر گئے تھے
گجرات (جی پی آئی) چیف ایڈیٹر جی پی آئی ڈاکٹر رزاق احمد غفاری کے والد محترم غلام حسن غفاری جو کہ گزشتہ دنوں رضائے الٰہی سے انتقال کر گئے تھے ، مرحوم کے ایصال ثواب کیلئے ختم چالیسواں کی محفل بروز اتوار مورخہ 23فروری 2014کو منعقد ہو رہی ہے ، جس میں ممتاز علماء و مشائخ کی شرکت متوقع ہے ، دوست احباب سے شرکت کی استدعا کی جاتی ہے ، محفل صبح نو بجے شروع ہو جائے گی اور ٹھیک گیارہ بجے دعا کی جائے گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں ناجائز تجاوزات کی وجہ سے عوامی مسائل میں بے پناہ اضافہ ہو گیا ، بازاروں میں دکانداروں نے اپنی دکانوں کے سامنے کئی کئی فٹ پھٹے لگا لیے
گجرات (جی پی آئی) گجرات میں ناجائز تجاوزات کی وجہ سے عوامی مسائل میں بے پناہ اضافہ ہو گیا ، بازاروں میں دکانداروں نے اپنی دکانوں کے سامنے کئی کئی فٹ پھٹے لگا لیے ، عوام الناس خصوصاً خواتین کو بے پناہ مشکلات کا سامنا کرنا پڑ رہا ہے ، بازار میں سے گزرنا محال ہو چکا ہے ، معلوم ہوا ہے کہ دکاندار اپنی دکانوں کا کرایہ ان پھٹے والوں سے وصول کرتے ہیں اور خود اضافی پیسے بٹورتے ہیں ، ٹی ایم او ، پولیس یا کوئی بھی متعلقہ محکمہ ایکشن کا روادار نہیں جب بھی کوئی آپریشن شروع کیا جاتا ہے تو نام نہاد تاجر راہنما ہڑتالوں کی آڑ میں محکموں کو بلیک میل کر کے اپنی سیاست چمکاتے ہیں ، عوامی حلقوں نے اس کی شدید مذمت کی ہے اور حکام سے مطالبہ کیا ہے کہ ناجائز تجاوزات کے خلاف آپریشن کے دوران ان نام نہاد تاجر راہنمائوں کے دبائو میں نہ آئیں بلکہ عوام کی سہولت کیلئے اقدامات کیے جائیں ، سابقہ دور حکومت میں ڈی سی او گجرات نے یہ روٹین بنائی تھی کہ ہر ہفتہ ایمبولینس یا فائر بریگیڈ کی گاڑی بازار سے گزاری جاتی کیونکہ موجودہ صورتحال میں فائر بریگیڈ کی گاڑی کیا چھوٹی ایمبولینس بھی بازار سے نہیں گزر سکتی اگر خدانخواستہ کوئی سانحہ پیش آیا تو امداد ی کاروائیاں کیسے ہونگی ، ڈی سی او گجرات اور متعلقہ محکمہ تمام تر حالات کو مدنظر رکھتے ہوئے لائحہ عمل مرتب کریں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نادرا حکام اور حکومت کی عدم دلچسپی کی وجہ سے یونین کونسلوں میں ضروری فارموں کی قلت واقعہ ہو گئی
گجرات (جی پی آئی) نادرا حکام اور حکومت کی عدم دلچسپی کی وجہ سے یونین کونسلوں میں ضروری فارموں کی قلت واقعہ ہو گئی ، یونین کونسلوں میں پیدائش ، وفات اورکمپیوٹرائزڈ نکاح کے فارم دستیاب نہیں ہیں ، جس کی وجہ سے عوام کو شدید مشکلات کا سامنا کرنا پڑ رہا ہے ، عوامی حلقوں نے ڈی سی او گجرات سے اپیل کی ہے کہ اس سلسلہ میں فوری ایکشن لیا جائے اور متعلقہ فارم فوری طور پر فراہم کیے جائیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سماجی شخصیت رانا مشرف علی ناز کی ممتاز شخصیات نے ان کی رہائشگاہ پر جا کر عیادت کی اور ان کی صحت یابی کیلئے دعائیں کیں
گجرات (جی پی آئی) ممتاز سماجی شخصیت رانا مشرف علی ناز کی ممتاز شخصیات نے ان کی رہائشگاہ پر جا کر عیادت کی اور ان کی صحت یابی کیلئے دعائیں کیں ، جن میں سید الطاف عباس کاظمی ، ڈاکٹر رزاق احمد غفاری ، شیخ عرفان پرویز ، چوہدری عامر جاوید آف جیٹ میڈیکل سٹور و دیگر شامل ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سٹیزن فرنٹ سٹی گجرات کے صدر شیخ عرفان پرویز ، جنرل سیکرٹری خاور بشیر بٹ و دیگر عہدیداران نے مشترکہ بیان
گجرات (جی پی آئی) سٹیزن فرنٹ سٹی گجرات کے صدر شیخ عرفان پرویز ، جنرل سیکرٹری خاور بشیر بٹ و دیگر عہدیداران نے مشترکہ بیان میں چیف ایگزیکٹو روزنامہ عقاب پنجاب سہیل رفیق کو نئے اخبار کی اشاعت پر مبارک باد پیش کی اور امید ظاہر کی ہے کہ وہ صحافت کی دنیا میں اپنا مقام بنائیں گے اور مثبت صحافت کو فروغ دینے کیلئے دن رات کام کرینگے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اردو زبان کے نثری سرمایے کی تشکیل و وسعت میں مختلف اسالیب مخصوص ادوار میں اہم کردار ادا کرتے رہے ہیں
گجرات(جی پی آئی)اردو زبان کے نثری سرمایے کی تشکیل و وسعت میں مختلف اسالیب مخصوص ادوار میں اہم کردار ادا کرتے رہے ہیں۔ اسالیب کی انہی نیرنگیوں کی وجہ سے اردو زبان نے بہت کم مدت میں ایک ترقی یافتہ زبان ہونے کی حیثیت حاصل کر لی ہے ۔ اردو زبان میں نثر کی ترویج صوفیانہ افکار سے شروع ہوئی۔ کسی بھی زبان کے اسلوب پر زمانہ کے رسم و رواج گہرا اثر چھوڑتے ہیں۔ ادب کا اسلوب دراصل اپنے عہد کے انسانی کردار کا بہترین نمونہ ہوتا ہے ۔ اسلوب کسی بھی ادیب کی زندگی کا حاصل اور نچوڑ ہوتا ہے ۔ کسی بھی زبان کے لکھاریوں کا تعلق طبقہ امراء سے کم اور متوسط طبقہ سے زیادہ ہوتا ہے ۔ کسی بھی تحریر کو سمجھنے کے لیے اس دور کی سیاسیات، بشریات، نفسیات، سماجی علوم، لوگوں کے رہن سہن اور رسو و رواج کو مد نظر رکھنا لازم ہے ورنہ ترسیل کا عمل ممکن نہیں ہوتا اور قاری متن کے پیغام کو سمجھنے میں ناکام رہتا ہے ۔ جامعہ گجرات نے مرکز برائے السنہ و علوم ترجمہ قائم کر کے ایک اہم سماجی ذمہ داری نبھانے کی بہترین کوشش کی ہے ۔ زبانوں کا مطالعہ اور مختلف زبانوں سے مقامی زبانوں میں تراجم تہذیب و تمدن کو کشادگی سے آشنا کرنے میں اہم کردار ادا کرتے ہیں”ان خیالات کا اظہار اردو زبان کے ممتاز محقق و مصنف ڈاکٹر سعادت سعید نے یونیورسٹی آف گجرات کے مرکز برائے السنہ و علوم ترجمہ کے زیر اہتمام توسیعی خطبات کے سلسلہ ترجمہ اور تخلیقی تحریر کے حوالہ سے ”اسالیب نثر اردو” پر سیمینار کے شرکاء سے خطاب کرتے ہوئے کیا ۔ ڈاکٹر سعادت سعید نے اردو زبان میں مختلف اسالیب کے تاریخی پہلوؤں پر روشنی ڈالتے ہوئے کہا کہ ادب ، سائنس اور سماجی علوم میں ایک گہرا رشتہ پایاجاتا ہے ۔ موجودہ دور کے اسلوب پر صارفیت اور کمرشلزم نے غلبہ پا لیا ہے ۔ جہاں تک تراجم کا تعلق ہے تو وہ کسی بھی زبان کے دامن کو مزید کشادہ کرتے ہیں۔ ترجمہ کرنا ایک مشکل کام ہے ۔ ترجمہ کرنے کے لیے مترجم کا اس تحریر کے پس منظر سے آگاہ ہونا نہایت ضروری ہے ۔ ترجمہ میں لفظ اور معنی کی نزاکت کو ملحوظ خاطر رکھنا ضروری ہے ۔ مرکز برائے السنہ و علوم ترجمہ کے سرپرست ایمبیسیڈر توحید احمد نے اپنے افتتاحی کلمات میں کہا کہ ہر زبان کا ایک تاریخی پس منظر ہوتا ہے ۔ کسی بھی متن کی تاریخی حیثیت کو نظر انداز کرنا نا ممکن ہے ۔ جب تک ہم کسی تحریر کے پس منظر سے آگاہ نہیں ہوتے اس وقت تک وہ مکمل طور پر ہماری سمجھ میں نہیں آسکتی۔ زبان کی ثقافتی اہمیت ہوتی ہے ۔ اردو زبان کے تاریخ پر نظر د وڑائی جائے تو اس کے ڈانڈے ہمارے ہندوستانی ثقافت کی قدیم کڑیوں سے جا ملتے ہیں۔ زبان کے طالب علموں کے لیے ضروری ہے کہ وہ لفظ اور معنی کے باہمی روابط کو ثقافتی پس منظر میں رکھ کر سمجھنے کی کوشش کرے ۔ ڈائریکٹر میڈیا وپبلی کیشنز شیخ عبدالرشید نے کہا کہ جامعہ گجرات نے مقامی زبانوں کے فروغ کے حوالہ سے مرکز السنہ و علوم ترجمہ کا قیام عمل میں لاکر نہ صرف بیدار مغزی کا ثبوت دیا ہے بلکہ وقت کی ایک اہم ضرورت کو پورا کیا ہے ۔ سماجی علوم کی ترقی و ترویج کسی بھی معاشرہ کی ذہنی بیداری کا اہم ثبوت ہیں۔ مرکز السنہ و علوم ترجمہ کے کوارڈینیٹر غلام علی نے تمام شرکاء اور مہمانوں کا شکریہ ادا کرتے ہوئے کہا کہ زندہ معاشروں میں زبانوں کے فروغ کو بڑی اہمیت حاصل ہے ۔ زبان مختلف خیالات کے عمدہ اظہار کا بہترین ذریعہ ہے ۔ زبان جتنی ترقی یافتہ ہو گی خیالات کا اظہار کرنے میں اتنی ہی آسانی ہو گی ۔ مرکز السنہ و علوم ترجمہ کا بنیادی کام پاکستان کی مقامی زبانوں کو تراجم کے ذریعے فروغ دینا اور طلباء و طالبات میں بہترین پیرائے اظہار کو پروان چڑھانا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رائے اعجاز احمد کی کھاریاں میں کھلی کچہری کھلی کچہری میں کھاریا ں سرکل کے نمبرداران اورمصالحتی کمیٹیوں کے ممبران نے شرکت کی
گجرات(جی پی آئی) رائے اعجاز احمد کی کھاریاں میں کھلی کچہری کھلی کچہری میں کھاریا ں سرکل کے نمبرداران اورمصالحتی کمیٹیوں کے ممبران نے شرکت کی ۔تفصیلات کے مطابق DPOگجرات رائے اعجاز احمد نے عوام الناس کی سہولت کے لئے کھاریاں میں کھلی کچہری لگائی ۔اس موقع پر DSPکھاریاں قیوم گوندل اور تمام SHO,sسرکل کھاریاں موجود تھے ۔تقریب کا آغاز کلام پاک کی تلاوت سے کیاگیا۔اس کے بعد DPOگجرات نے کھلی کچہری کے شرکاء سے خطاب کر تے ہو ئے کہاکہ مہذب معاشروں میں عوام جرائم کے انسداد کے لئے قانون نافذ کرنے والے اداروں کے شانہ بشانہ کام کرتے ہیںکیونکہ عوام کی مدد کے بغیر جرائم پر پوری طرح قابو نہیں پا یا جاسکتا ۔انہوں نے ٹھیکری پہرے کی افادیت بیان کر تے ہوئے نمبرداروں پرزور دیا کہ وہ ٹھیکری پہرے کواپنے اپنے دیہات میں موثر بنائیں اور جہاں پولیس کی ضرورت ہو پولیس آپ کے ساتھ پورا تعاون کر ے گی ۔انہوں نے مصالحتی کمیٹیوں کے کردار کی تعریف کی اور کہا کہ اس کومزید فعال بنا یا جائے گا۔DPOگجرات نے کہا کہ رشوت ستانی کسی طور بھی قابل قبول نہیں جو بھی افسر یا ملازم کر پشن کا مرتکب ہو ا اس کے خلاف سخت محکمانہ کارروائی عمل میں لائی جائے گی ۔انہوں نے کہا کہ کالی وردی کا صرف ایک ہی مقصد ہے کہ ہر حال میں عوام کے جان و مال کا تحفظ کیا جائے ۔اس موقع پر تمام افسران نے اپنے اپنے پرسنل موبائل نمبرز شرکاء کو بتائے تاکہ انہیں اپنے مسائل کے متعلق افسران سے رابطہ کرنے میں کسی دشواری کا سامنا نہ کرنا پڑے ۔کھلی کچہری میں کئی لوگوں نے DPOگجرات کو اپنے مسائل کے متعلق درخوستیں بھی دیں جو DPOگجرات نے موقع پر متعلقہ افسرا ن کو احکامات جاری کر دیے ۔کھلی کچہر ی میں بہت سے لوگوں نے پولیس کی بہتری کے لئے اپنی تجاویز بھی دیں جو DPOگجرات رائے اعجاز احمد نے یقین دلایا کہ وہ ان تجاویز کا خیر مقدم کرتے ہیں اور جہاں تک ممکن ہوا ان تجاویز کو عملی جامہ پہنایا جائے گا ۔کل مورخہ18.02.14بروز منگل لا لہ موسیٰ میں DPOگجرات کھلی کچہری لگائیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او آصف بلال لودھی نے کہا ہے کہ بازاروںاور ما رکیٹوںمیںتجاوزات ہر گز بردا شت نہیں کی جا ئیں گی ناجائز تجاوزات اور رکاوٹیں پیداکرنے والے عناصر کے ساتھ سختی سے نمٹا جائے گا
گجرات(جی پی آئی) ڈی سی او آصف بلال لودھی نے کہا ہے کہ بازاروںاور ما رکیٹوںمیںتجاوزات ہر گز بردا شت نہیں کی جا ئیں گی ناجائز تجاوزات اور رکاوٹیں پیداکرنے والے عناصر کے ساتھ سختی سے نمٹا جائے گا ۔ ان خیالات کا اظہار انہوں نے سر کلر روڈ ،کٹرا بازار مسلم بازارکے اچانک دورہ کے موقع پر بات چیت کرتے ہوئے کیا ۔ انہوں نے اس موقع پر غیر قا نونی تجاوزات فوری طور پر ختم کرنے کا حکم دیا ۔انہوں نے کہا کہ بازاروں کے راستے اور سڑکیں شہریوں اور ٹریفک کے گزرنے کے لئے ہیں۔ تجاوزات مافیہ کو ان پر قبضہ کرنے کی ہر گز اجازت نہیں دی جائے گی ۔ انہوں نے کہا کہ تاجر از خود تجاوزات ہٹا لیں بصورت دیگر انتظامیہ فورسز کی مدد سے کاروائی کر کے ان تجاوزات کا خا تمہ کر دے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او آصف بلال لودھی نے گذشتہ روز سرکلر روڈ،پرنس چوک اور شہر کے مختلف علاقوںکا دورہ کیا اور پھلوں اور اشیا ء خوردو نوش کی قیمتوں کا جا ئزہ لیا
گجرات(جی پی آئی)ڈی سی او آصف بلال لودھی نے گذشتہ روز سرکلر روڈ،پرنس چوک اور شہر کے مختلف علاقوںکا دورہ کیا اور پھلوں اور اشیا ء خوردو نوش کی قیمتوں کا جا ئزہ لیا۔ڈی سی اونے اشیا ء خوردو نوش کی دوکا نوں پر اور پھلوں کی ریڑیوں پر ریٹ کا رڈ نہ لگائے جانے پر نا را ضگی کا اظہا ر کیا اور متلقہ ڈیپارٹمنٹ کے حکام کو ہدایت کی کے پھلوں اور اشیا ء خوردو نوش کے ریٹ کارڈ دوکانداروں کو بروقت فراہم کئے جائیں تا کہ نا جا ئز منا فع خور اسکا فا ئدہ نہ ا ٹھا سکیں اور عوا م ا لنا س پر مقررہ نرحوں پر ا شیاء ضروریات فراہم ہو سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلع بھر کی عوام کاACعابدحسین بھٹی کو ناجائز منافع خوری کرنے والے اور ون ڈش کی خلاف ورزی کرنے والے غریبوں کے حق پر ڈاکہ ڈالنے والوں کے خلاف ایکشن
گجرات(جی پی آئی)ضلع بھر کی عوام کاACعابدحسین بھٹی کو ناجائز منافع خوری کرنے والے اور ون ڈش کی خلاف ورزی کرنے والے غریبوں کے حق پر ڈاکہ ڈالنے والوں کے خلاف ایکشن لینے پر خراج تحسین اور مبارکباد ۔عوامی حلقوں میں خوشی کی لہرعوام ناجائز مہنگائی اور منافع خوروں سے تنگ ہے ضلع بھر کی عوامی شکایت پرACگجرات عابد حسین بھٹی ان ایکشن عوام نے وزیر اعلیٰ پنجاب اور چیف سیکرٹری پنجاب اورDCOگجرات آصف بلال لودھی کا شکریہ ادا کیاہے۔ACعابد حسین بھٹی کو گجرات میں تعینات کرنے پر عوامی حلقوں میں امتحان کا اظہارمنافع خوروں اور ذخیرہ اندوزوں کے خلاف کاروائی کرنے پر عوام ACعابد حسینبھٹی پر خوش ہے۔عوامی حلقوں نے مزیدACگجرات عابد حسین بھٹی اورDCOگجرات سے مطالبہ کیا کچہری چوک کے قریب اور شہر میں باسی دہی فروخت کرنے والے اور صبح کا ناشتہ بنانے والوں کے چنے اور حلوہ پوڑی بھی چیک کی جائے بعض دفعہ یہ لوگ کھلے عام کھٹا اور باسی دہی عوام کو فروخت کردیتے ہیںجب غریب لوگ شاپر میں ڈال کر گھرلے جاتے ہیں کھانے پر پتہ چلتاہے دہی تو باسی آگئی بچوں کے والدین کو سخت پریشان ہوتی ہے اور یہ کھلم کھلا غریبوں پر ظلم کررہے ہیں ایسی دوکانوں کے سیمپل لے کر چیک کیاجائے اورباسی اور کھٹا دہی فروخت کرنے والوں کے خلاف بھیFIRکاٹ کر دوکانیںسیل کریں۔تاکہ دوسرے ظلم کرنے والے دوکاندار عبرت پکڑیں۔ بعض لوگوں کے پکے ہوئے حلوہ میں بھی سُسری مری ہوتی ہے اس کا مطلب ہے سوجھی کو صاف کیے بغیر عوام کو صبح کا ناشتہ کھلا دیتے ہیں جس سے معدے کی بیماریاں بھی پھیل سکتی ہیں عوام نے صبح کے ناشتہ بنانے والے تمام دوکانداروں کا معیار چیک کرنے کا مطالبہ کیاہے۔ACگجرات اورDCOنیک آدمی ہیںعوام کی نظریں ان پر جمی ہوئی ہے عوام کوانتہائی امیدہےDCOگجراتACگجرات ان ظالموں کو جو غریبوں اور امیروںپر اکٹھا ظلم کررہے ہیں ۔فوری ایکشن لیاجائے۔ تاکہ گجرات میں اندھیر نگری ڈالنے والوں کو نکیل ڈالی جائے۔گجرات کی عوامACعابد حسین بھٹی اورDCOگجرات کے ساتھ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان کے واحد کلفٹ ہسپتال میں کٹے ہونٹوں اور تا لوؤں کے آپریشن کے فری کیمپ کا آغا ز کر دیا گیا ہے
گجرات(جی پی آئی) پاکستان کے واحد کلفٹ ہسپتال میں کٹے ہونٹوں اور تا لوؤں کے آپریشن کے فری کیمپ کا آغا ز کر دیا گیا ہے ۔ کیمپ 21 فروری تک جاری رہے گا جس میں برطا نیہ ، جا پا ن اور پا کستان سے تعلق رکھنے والے ما ہر ڈا کٹر ز کٹے ہونٹوں اور تا لو ئوں کا مفت آ پریشن کر یں گے ۔کلفٹ ہسپتال کے چیئرمین ڈاکڑ اعجاز بشیر اور علی شبیر نے بتایا 21 فروری تک جا ری رہنے والے فری کیمپ میں برطا نیہ سے ڈاکٹر اے آ ر گیٹر ڈ، ڈا کٹر نکولس بی ہارٹ، ڈاکٹر محمدریاض ، جاپان سے ڈاکٹر کا نا ما ئج اور مقا می ڈاکٹرز کٹے ہونٹوںاور تا لوئو ںکے مریضوں کا آپریشن کر رہے ہیں انہوں نے بتایا کہ کیمپ کے دوران روزانہ 200 سے زائد مریضوںکا آپریشن کیا جا رہا ہے جبکہ ایک مریض کے آپریشن پر 2 سے اڑھا ئی لا کھ روپے خرچ ہوتے ہیںاور یہ اخراجات ٹرسٹی اور ڈونرز کی مدد سے پورے کئے جاتے ہیں۔ انہوں نے بتایا کہ1997 سے گجرات میں کٹے ہونٹوں اور تا لو ئوںکے آ پریشن کا آغازکیا گیا ہے اور اب تک پانچ ہزار سے زا ئد مریض یہا ن سے مفت علاج کروا چکے ہیں۔انہوں نے بتایا کہ گجرات میں کلفٹ ہسپتال پورے پا کستان میں اپنی نو عیت کا واحد ادارہ ہے جہاں سے نہ صرف پنجاب بلکہ دیگرمقامات آزاد کشمیر اورافغا نستان سے بھی مریض آ تے ہیں۔انہوں نے بتایا کہ22 کنال اراضی پر مشتمل کلفٹ ہسپتال میں 2 آپریشن تھیٹر ہیںیہاں ہر سال فروری اور اکتوبر میں کٹے ہونٹوںاور تا لوئو ں کے لئے کیمپ لگا یا جاتا ہے اس کے علا وہ پورے سال کے دوران مریضوں کے مفت علاج کا سلسلہ جاری رہتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ن کے رہنماء سید عقیل شاہ اور ممتاز سماجی شخصیت الحاج مرزا سعید بیگ ‘حمید اللہ بھٹی سیکرٹری ظہور پیلس
گجرات(جی پی آئی)مسلم لیگ ن کے رہنماء سید عقیل شاہ اور ممتاز سماجی شخصیت الحاج مرزا سعید بیگ ‘حمید اللہ بھٹی سیکرٹری ظہور پیلس ‘سہیل احمد بٹ سمیت دیگر نے سینئر صحافی محمد انور شیخ کو ڈسٹرکٹ پریس کلب گجرات کا چیئر مین منتخب ہونے پردلی مبارکباد پیش کرتے ہوئے کہا کہ محمد انو رشیخ کا چیئر مین پریس کلب بننا ان کی بہترین صحافتی خدمات کا اعتراف ہے انہوں نے کہا کہ ہم امید کرتے ہیں کہ انو رشیخ صحافیوں کے مسائل کو بہتر انداز میں حل کرانے کی کوشش کرینگے اور ان کے شانہ بشانہ چلتے ہوئے کسی قربانی سے دریغ نہیں کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات اور گردونواح میں کھانسی کی وباء پھیلنے سے سینکڑوں کی تعداد میںشہری مبتلا ہونے سے سخت بیمار پڑ گئے
گجرات(جی پی آئی)گجرات اور گردونواح میں کھانسی کی وباء پھیلنے سے سینکڑوں کی تعداد میںشہری مبتلا ہونے سے سخت بیمار پڑ گئے کھانسی اور زکام کی وجہ سے ڈاکٹروں کی چاندی ہوگئی ہے تفصیل کے مطابق گزشتہ کئی روز سے گجرات اور گردونواح اور اردگرد کے علاقوں میں کھانسی کی وباء پھیلنے سے نوجوان بوڑھے بچے کھانسی میں مبتلا ہونے سے سخت پریشانی میں مبتلا ہیں سردی کی شدت اورکم ہونے کی وجہ سے کھانسی جیسی وباء پھیل گئی ہے دوسری طرف ڈاکٹروں نے بھی اپنی فیسیں بڑھا لی ہیں ہر دوسرا شخص کھانسی اور بخار میںمبتلا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحصیل میونسپل آفیسرگجرات خرم وڑائچ ترہنگی نے کہا کہ شہر بھر میں نکاسی آب کیلئے ٹی ایم اے گجرات نو لاکھ روپے مالیت کے تین پیٹرز انجن خریدے گا
گجرات(جی پی آئی)تحصیل میونسپل آفیسرگجرات خرم وڑائچ ترہنگی نے کہا کہ شہر بھر میں نکاسی آب کیلئے ٹی ایم اے گجرات نو لاکھ روپے مالیت کے تین پیٹرز انجن خریدے گا ان پیٹر انجنوں کو شہر بھر میں اور گردونواح میں نشیبی علاقوں میں جمع پانی کے نکاس کیلئے استعمال میں لایا جائیگا برسات کے دنوں میں بھی ان سے کام لیا جائیگا اس سلسلہ میں پیٹرز انجن خریدنے کیلئے باقاعدہ طور پر ٹینڈرز بھی دیئے جائینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹی ایم اے گجرات نے 44کمرشل بلڈنگز کے مالکان کے پلازے اور عمارتوں کو سیل کرنے کے احکامات جاری کردیئے ہیں
گجرات(جی پی آئی)ٹی ایم اے گجرات نے 44کمرشل بلڈنگز کے مالکان کے پلازے اور عمارتوں کو سیل کرنے کے احکامات جاری کردیئے ہیں گزشتہ روز ایڈمنسٹریٹر بلدیہ گجرات فاروق رشید سندھو اور ٹی ایم او گجرات خرم ترہنگی نے ٹی او آر گجرات کو گجرات میں 44کے قریب غیر قانونی تعمیر ہونیوالی بلڈنگز اور پلازہ مالکان کی عمارتوں کو فوری طور پر سیل کرنے کا حکم دیا ہے ایڈمنسٹریٹر بلدیہ نے کہا کہ ان پلازوں اور عمارتوں کی فیسیں مالکان نے ایک ہفتے کے اندر اندر ٹی ایم اے گجرات میں جمع نہ کروائی تو پھر ان تمام پلازوں اور دیگر عمارتوں کوسیل کردیا جائیگا اس سلسلہ میں ٹی او آر کو باقاعدہ طورپر ان پلازوں کے متعلق رپورٹ بھیج دی گئی ہے ایڈمنسٹریٹر بلدیہ گجرات فاروق رشید سندھو نے مزیدبتایا کہ ٹی ایم اے گجرات نے 24لاکھ روپے کمرشلائزیشن کی مد میںا کٹھے کرکے حکومتی خزانہ میںجمع کروا دیئے ہے جبکہ ٹی ایم اے گجرات کی دوکانات کے بقایا جات بھی لاکھوں روپے اکٹھے کئے گئے ہیں ایڈمنسٹریٹر بلدیہ نے کنورشن فیس جمع نہ کروانے والے پلازہ مالکان اور دیگر عمارتوں کے مالکان کو وارننگ دیتے ہوئے کہاکہ وہ اپنی اپنی پراپرٹی کی کنورشن فیسیں فوری طور پرٹی ایم اے میں جمع کرا دیں بصور ت دیگر ان کیخلاف کاروائی عمل میںلائی جائیگی۔جبکہ پلازہ مالکان کاکہنا ہے کہ کمرشل پراپرٹی کا کوئی ٹیکس نہیں ہوتا ٹی ایم اے جان بوجھ کر پلازہ مالکان کو تنگ کررہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سپورٹ آفس گجرات میں پاسپورٹ کا عملہ بھی شہریوں کو لوٹنے میں مصروف ہوگیا ہے
گجرات(جی پی آئی)سپورٹ آفس گجرات میں پاسپورٹ کا عملہ بھی شہریوں کو لوٹنے میں مصروف ہوگیا ہے اور پاسپورٹ آفس کے انچارج بھی بہتی گنگا میں ہاتھ دھونے لگے پاسپورٹ کے حصول کیلئے آنیوالے سائلین عملہ کو رشوت دینے پر مجبور ہوگئے بتایا گیا ہے کہ پاسپورٹ آفس گجرات میں انجنٹوں کی عدم موجودگی کا فائدہ پاسپورٹ گجرات کے عملہ نے اٹھانا شروع کردیا ہے پاسپورٹ گجرات میں پہلے تو ایجنٹ شہریو ں اور سادہ لوح لوگوں کولوٹتے تھے اب ان کی جگہ پاسپورٹ کے عملہ نے لے لی ہے پاسپورٹ بنوانے کیلئے آنیوالے سائلین کو بے پناہ مشکلات کا سامنا کرنا پڑرہا ہے پاسپورٹ آفس کا عملہ ٹوکن لگوانے کی 500سے لیکر 1000تک وصول کرتا ہے اس کے بعد فارموں پراعتراض کے پیسے لیکر اسے دور کیا جاتا ہے یہ سارا واقعہ پاسپورٹ آفس کے انچارج کے زہن میںہوت ہے اس طرح انچارج پاسپورٹ آفس اور عملہ روزانہ ہزاروں کی ڈیہاڑیاں لگا کر شہریو کولوٹ رہے ہیں ڈی جی پاسپورٹ ایک بار گجرات کا دورہ کریں تو انہیںتمام لوٹ مار کا پتہ چل جائیگا شہریوں نے فوری کاروائی کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیبیا میں ٹریفک حادثہ میں گجرات کے رہائشی ماں ‘دوبیٹوں اور بہو سمیت جاں بحق ‘بتایا گیا ہے
گجرات(جی پی آئی)لیبیا میں ٹریفک حادثہ میں گجرات کے رہائشی ماں ‘دوبیٹوں اور بہو سمیت جاں بحق ‘بتایا گیا ہے کہ محلہ شاہ حسین کی رہائشی ماں کشور اپنے دوبیٹوں شعیب رضا ‘عمر رضا اور بہو صائمہ لیبیا میں ٹریفک کے ایک حادثہ میں ہلاک ہوگئے ہلاک ہونیوالوں کی نعشیں ابھی تک گجرات نہیں پہنچ سکیں حادثہ میں ہلاک ہونیوالے ماں ‘بیٹوںاور بہو کی ہلاکت کے بعد گجرات محلہ شاہ حسین میں ان کے رشتہ داروں کے گھر صف ماتم بچھ گئی اہل محلہ کی کثیر تعداد نے اس المناک حادثہ پر گہرے دکھ اور افسوس کا اظہا رکیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز صنعتکار عدنان نسیم سیٹھی کے صاحبزادے عمیر سیٹھی کی شادی پر مبارک دینے والوں کا گزشتہ روز تانتا بندھا رہا ضلع بھر کی اہم سیاسی وسماجی عوامی مذہبی شخصیات
گجرات(جی پی آئی)ممتاز صنعتکار عدنان نسیم سیٹھی کے صاحبزادے عمیر سیٹھی کی شادی پر مبارک دینے والوں کا گزشتہ روز تانتا بندھا رہا ضلع بھر کی اہم سیاسی وسماجی عوامی مذہبی شخصیات نے بذریعہ ٹیلی فون اور عدنان نسیم سیٹھی کی رہائشگاہ پر جاکران کے بیٹے کی شادی پر مبارکباد دینے کے بعد انہیں مٹھائی بھی پیش کی اور ان کے بیٹے کی عمر درازی اور نیک خواہشات کا اظہار کیا عدنان نسیم سیٹھی نے مبارک دینے والوں کا تہہ دل سے شکریہ ادا کیا اس موقع پر صحافیوں عثمان طیب ‘مرزا شاکر بیگ ‘انور شیخ ‘مشتاق مغل ‘مرزا خرم حسنین ودیگر بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انچارج میڈیا مسلم لیگ ق گجرات مرزا شہزاد بیگ نے گجرات کے ترقیاتی کاموں کے حوالے سے خبر پر تبصرہ کرتے ہوئے
گجرات(جی پی آئی)انچارج میڈیا مسلم لیگ ق گجرات مرزا شہزاد بیگ نے گجرات کے ترقیاتی کاموں کے حوالے سے خبر پر تبصرہ کرتے ہوئے کہا کہ یہ 195 ترقیاتی سکیمیں TMA کی ہیں۔ کوئی کریڈٹ نہیں لے سکتا ۔ ان فنڈز میں نواز حکومت کا کوئی مارکہ نہیں۔ اس طرح کی سکیمیں ہر سال معمول کے مطابق آتی رہتی ہیں۔ اور یہ TMA کے اپنے فنڈز سے لگتی ہیں۔ یہ سکیمیں ہر سال روٹین وائز لگتی ہیں۔ اس میں پنجاب حکومت یا کسی ممبر پارلیمنٹ کا کوئی قردار نہیں ہوتا۔ فنڈز کے بارے میں میاں برادران صاف الفاظ میں کہہ چکے ہیں کہ کوئی ممبر پارلیمنٹ ہم سے فنڈزکی امید نہ رکھے۔
