گجرات کی خبریں 31/3/2014
Posted on April 1, 2014 By Geo1 Webmaster سٹی نیوز
رانا مشرف علی ناز کے پیر و مرشد سائیں بشیر المعروف سائیں ککر کا عرس مبارک عقیدت و احترام کے ساتھ بروز جمعرات منایا جائیگا
گجرات (جی پی آئی) رانا مشرف علی ناز کے پیر و مرشد سائیں بشیر المعروف سائیں ککر کا عرس مبارک عقیدت و احترام کے ساتھ بروز جمعرات منایا جائیگا ، عرس مبارک کی تقریب انکی رہائشگاہ محلہ مسلم آباد میں منعقد ہو گی ، جس کی صدارت ممتاز روحانی شخصیت صاحبزادہ حکیم جواد الرحمن نظامی سیفی کرینگے جبکہ مہما ن خصوصی ممتاز سیاسی و سماجی شخصیات ہونگی ، عرس مبارک کے سلسلہ میں مورخہ 3اپریل بروز جمعرات کو رانا مشرف علی ناز کی رہائشگاہ پر محفل میلاد منعقد ہو گی ، جس میں ممتاز ثناء خواں رسول ۖ ہدیہ نعت پیش کرینگے ، ملک کی ترقی و سلامتی کیلئے دعائیں کی جائیں گی ، محفل نعت کے بعد جلوس کی شکل میں عقیدت مندان قبرستان چاہ ترہنگ میں روایتی انداز میں حاضری پیش کرینگے اور دربار شریف پر چادر چڑھائی جائے گی ،اور لنگر تقسیم کیا جائیگا ، رانا مشرف علی ناز اور ان کے صاحبزادے رانا ثاقب رضا نے تمام دوست احباب سے شرکت کی اپیل کی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رانا مشرف علی ناز نے مصروف ترین دن گزارا اور اہم روحانی شخصیات کے مزارات پر حاضری پیش کی
گجرات (جی پی آئی) رانا مشرف علی ناز نے مصروف ترین دن گزارا اور اہم روحانی شخصیات کے مزارات پر حاضری پیش کی اور ملک کی ترقی و سلامتی کیلئے دعائیں کیں ان کے ہمراہ سید رضوان علی شاہ اور ڈاکٹر رزاق احمد غفاری بھی تھے ، وہ قطب الاقطاب سائیں عبدالرحیم ، سائیں بشیر المعروف سائیں ککر نوشاہی ، میاں محمد پناہ اور حضرت کبیر الدین شاہدولہ دریائی کے مزارات پر حاضر ہوئے اور دعائیں کیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دی ایجوکیٹرز بارہ دری کیمپس میں داخلوں کا سلسلہ جاری ہے ، ضلع بھر سے ممتاز شخصیات اپنے بچوں کے داخلوں کے حصول کیلئے
گجرات (جی پی آئی) دی ایجوکیٹرز بارہ دری کیمپس میں داخلوں کا سلسلہ جاری ہے ، ضلع بھر سے ممتاز شخصیات اپنے بچوں کے داخلوں کے حصول کیلئے رابطے کر رہے ہیں ، کیونکہ سکول کا معیار بہتر ہے اور بچوں کی بہترین تعلیم و تربیت کیلئے انتظامات کیے جاتے ہیں ، شہزاد شفیق نقشبندی کی سربراہی میں سکول کا سٹاف طلباء و والدین کی رہنمائی کیلئے دن رات کوشاں ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک انصاف کے راہنما چوہدری محمد اصغر گوندل آف دھارووال سپین نے کہا ہے
گجرات (جی پی آئی) پاکستان تحریک انصاف کے راہنما چوہدری محمد اصغر گوندل آف دھارووال سپین نے کہا ہے محنت لگن سے علم حاصل کرنے والے بچے کامیابی کی منازل طے کر جاتے ہیں ، اساتذہ کی قدر نہ کرنے والی قومیں تاریکی کی اتھاہ گہرائیوں میں گر جاتی ہیں ، جن اقوام نے ترقی کی ہے علم کے بل بوتے پر کی ہے ، وہ گزشتہ روز گورنمنٹ ہائی سکول دھارووال میں تقسیم انعامات کی تقریب سے خطاب کر رہے تھے اس موقع پر اول آنے والے طلبہ کو فی کس ایک ہزار روپے ، دوئم آنے والوں کو سات سوروپے فی کس اور سوئم آنے والے طلبہ کو پانچ سو روپے فی کس دئیے ، 18کے قریب بچوں کو انعام دینے کے ساتھ 25ہزار روپے سکول کی فلاح و بہبود کیلئے عطیہ میں دیا، اس موقع پر چوہدری جمشید ریاض سندھو، زہران احمد اور دیگر ہی موجود تھے ، انہوں نے کہا ناکام ہو نے والے طلبہ پریشان نہ ہوں ، ناکامیاں ہی کامیابی کی کنجی ہوا کرتی ہیں ، آئندہ پوزیشن لینے کے لیے ابھی سے تیاری شروع کر دیں انہوں نے کہا کہ میری خواہش ہے ، اس علاقہ کے لوگ زیور تعلیم سے آراستہ ہوں انہوں نے بچوں سے خصوصی گزارشات کرتے ہوئے کہا کہ والدین اساتذہ کا احترام کرنے کے ساتھ ہمیشہ سچ بولیں ، انہوں نے محنت کا خود کو عادی بنائیں اور اچھے اخلاق کا مظاہرہ کریں ، اور ہمیشہ دوسروں کے لیے عمدہ مثال بنیں میری دعائیں اور سپورٹ ہمیشہ آپ کے ساتھ رہے گی ، اس موقع پر سکول کے ہیڈ ماسٹر محمد اقبال دیگر سٹاف اور بچوں کے والدین کے ہمراہ بچوں میں انعامات اور شیلڈیں تقسیم کیں جبکہ قبل ازیں سکول کے ہیڈ ماسٹر سماجی شخصیات جمشید ریاض سندھو ، زہران احمد نے پرائمری حصہ میں انعامات اور ٹرافیاں تقسیم کیں ، اس موقع پر پرائمری کے بچوں کا جذبہ قابل دید تھا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دور حاضر میں مادی لحاظ سے انسان نے بے پایاں ترقی کر لی ہے مگر اس کے ساتھ فرد واحد کئی پریشانیوں اور ذہنی الجھنوں کا شکار ہو چکا ہے
گجرات(جی پی آئی)دور حاضر میں مادی لحاظ سے انسان نے بے پایاں ترقی کر لی ہے مگر اس کے ساتھ فرد واحد کئی پریشانیوں اور ذہنی الجھنوں کا شکار ہو چکا ہے۔ مادی ترقی کی قیمت ہمیں من کی دنیا کی ویرانی کی صورت میں چکانا پڑی ہے ۔ انسانوں کو مادی ترقی کے ساتھ روحانی بالیدگی اور ذہنی آسودگی کی بھی اشد ضرورت ہے ۔ عشق حقیقی ہی دراصل وہ زینہ ہے جو انسان کو دنیاوی واہموں اور خوف سے مبرا کرتا ہے۔ اس سلسلہ میں قرآن پاک کی لافانی تعلیمات ہر شعبہ میں ہماری راہنمائی کرتی ہیں۔ قرآن کتاب زندہ ہے اور اسلام مکمل ضابطہ حیات ہے ۔ دور حاضر کی جدید تر اور ہر لحظہ بدلتی دنیا میں جب تک زندگی گزارنے کے گر نہ سیکھے جائیں اس وقت تک زندگی بیکار ہے۔ ان خیالات کا اظہار معروف مفکر، دانشور صاحب حال صوفی اور پاکستان کی مایہ ناز تعلیمی شخصیت ڈاکٹر حسین مبشر ملک نے یونیورسٹی آف گجرات میں منعقدہ تین روزہ نیشنل یوتھ لیڈر شپ کانفرنس کے شرکاء اور مندوبین سے جذباتی خواندگی اور پریشانی کا تدارک کے موضوع پر گفتگو کرتے ہوئے کیا۔ ڈاکٹرحسین مبشر نے بڑے شستہ اور دل نشین انداز میں ارفع عشق یعنی عشق حقیقی پر روشنی ڈالتے ہوئے کہا کہ انسان کی کامیابی کا راز خود شناسی اور خود آگاہی میں پنہاں ہے ۔ اللہ کے ولی ہر قسم کے غم سے مبرا ہوتے ہیں اور اللہ کو اپنے دوستوں سے کوئی پیارا نہیں ہوتا۔ عشق دراصل اپنی ذات کو بھلا کر کسی ارفع و عظیم مقصد کی تلاش میں گم ہو جانے کا نام ہے ۔ قرآن میں فکر و تدبر اور اس وسیع و عریض کائنات میں اللہ کی نشانیوں پر تفکر کرنے کا حکم دیا گیا ہے ۔ انہوں نے نفسیاتی حوالوں، صوفیاء کے کلام اور قرآنی آیات کو بنیاد بنا کر طلباء و طالبات کو روحانی بالیدگی حاصل کرنے کے طریقہ کار سے آگاہ کیا ۔ وائس چانسلر پروفیسر ڈاکٹر محمد نظام الدین نے کہا کہ ڈاکٹر حسین مبشر ملک نے فلسفیانہ انداز میں صوفیانہ واردات کو طلباء و طالبات کی راہنمائی کے لیے انتہائی دل نشین انداز میں بیان کیا۔ کسی انسان کی جڑیں جب تک اپنی تہذیب اور کلچر میں مضبوط نہ ہوں وہ مکمل انسان نہیں بن سکتا۔ ہمارے صوفیاء کرام اور شعراء نے اپنے لافانی کلام کے ذریعے انسانیت کے اعلیٰ ترین مقاصد کو دریافت کرنے کی کوشش کی ہے ۔ ڈائریکٹر میڈیا شیخ عبدالرشید نے مہمان مقرر کا تعارف کرواتے ہوئے کہا کہ انسان جسم و روح کے امتزاج کا نام ہے ۔ جدید مادہ پرست دور میں ذہنی سکون حاصل کرنے کے لیے روحانیت سے آشنائی ایک بہت بڑا سہارا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خوشگوار یادیں ہماری زندگی کا بہترین سرمایہ ہوتی ہیں کسی بھی کار عظیم کو سر انجام دینے کے لیے زندگی کا بامقصد ہونا بہت ضروری ہے
گجرات(جی پی آئی)”خوشگوار یادیں ہماری زندگی کا بہترین سرمایہ ہوتی ہیں کسی بھی کار عظیم کو سر انجام دینے کے لیے زندگی کا بامقصد ہونا بہت ضروری ہے۔ انسانیت کا تقاضہ یہی ہے کہ دوسرے انسانوں کے لیے اپنی خدمات کے ذریعے آسانیاں پیدا کی جائیں۔ زندگی کے مقاصد کو حاصل کرنے کے لیے زندگی میں نظم و ضبط پیدا کرنا بہت ضروری ہے۔ آج کی مادہ پرست دُنیا میں جو لوگ اپنے ارد گرد معاشرہ کی بے لوث خدمت کرتے ہیں وہی انسانیت کا افتخار ہیں” ان خیالات کا اظہار مہمانِ خصوصی معروف سماجی شخصیت ڈاکٹر اعجاز بشیر نے یونیورسٹی آف گجرات میں سابق طالب علموں کی تیسری الومنی ری یونین 2014 ء کی تقریب کے شرکاء سے خطاب کرتے ہوئے کیا۔ تقریب کے مہمان خصوصی رجسٹرار جامعہ گجرات ڈاکٹر طاہر عقیل نے کہا کہ یونیورسٹی آف گجرات ہر سال اپنی شاندار روایات کے پیش نظر سابقہ طالب علموں کو ایک جگہ جمع ہونے کا موقع فراہم کرتی ہے۔ جامعات کے سابق طالب علموں کی بہترین کارکردگی موجودہ طالب علموں میں ترقی کرنے کا حوصلہ پیدا کرتی ہے۔اس موقع پر سابق طالب علموںکو ایک دوسر ے سے ملنے کا موقع ملتا ہے اور یوں انہیں جامعہ گجرات میں گزرے ہوئے خوشگوار ماضی کی تجدید کا موقع ملتا ہے۔ ڈائریکٹر میڈیا شیخ عبدالرشید نے کہا کہ ہمارا خوشگوار ماضی ہمارے حال اور مستقبل کو تابناک بناتا اور زندگی میں ہمیں مزید بہتر طریقہ سے آگے بڑھنے کا حوصلہ دیتا ہے۔زندگی وہی بہتر ہے جو ہمیں انساینت کی خدمت کے جذبہ سے روشناس کروائے کیونکہ معاشرہ کی بے لوث خدمت ہی انسانی زندگی کی معراج ہے اور یہی جذبہ انسان کو اشرف المخلوقات کا درجہ دلواتا ہے ڈائریکٹر SSC محمد یعقوب نے تقریب کے شرکاء کو خوش آمدید کہتے ہوئے کہا کہ کسی بھی درسگاہ کا سب سے قیمتی سرمایہ اس کے طلباو طالبات ہوتے ہیں۔ جامعہ گجرات نے وائس چانسلر پروفیسر ڈاکٹر محمد نظام الدین کی قیادت میں علم کی جو شمع جلائی ہے اس کی روشنی دور دور تک پھیل رہی ہے۔ جامعہ کے فارغ التحصیل طلبا و طالبات زندگی کے مختلف شعبہ جات میں اہم خدمات سر انجام دے رہے ہیں۔پاکستا ن کے مایہ ناز مصنف اور مقرر قیصر عباس نے کامیابی وکامرانی کے موضوع پر گفتگو کرتے ہوئے کہا کہ دُنیا میں ہر انسان صلاحیتیں لے کر پیدا ہوتا ہے۔زندگی میں کامیابیاں حاصل کرنے لیے کڑی محنت، جذبہ اور لگن بہت ضروری ہے ، مصمم ارادہ اور مقصدیت ہمیں ہمیشہ کامیابی کی جانب لیکر جاتا ہے۔جامعہ گجرات کے دو سابق طالب علموں صائم ارشد اور کامران احمد نے جامعہ گجرات میں گزرے ہوئے وقت کو یاد کرتے ہوئے اپنے تاثرات کا اظہار کیا۔جامعہ کے طلباو طالبات نے اس تقریب میں ایک کلچر ل شو بھی پیش کیا جس میں صوفیانہ کلام اور نغمات شامل تھے۔اوڈیم آرٹ سوسائٹی کے ممبران نے کوارڈینٹر SADA غفار محی الدین کی ڈائریکشن میں پاکستان کی موجودہ صورتحال پر ایک مختصر ڈرامہ اُمید سحر کے نام سے پیش کیا۔ اس کاوش کو ناظرین نے بہت سراہا۔ اس تقریب میں جامعہ گجرات کے سابق طلبا و طالبات کی ایک بڑی تعدا د کے علاوہ یونیورسٹی انتظامیہ کے سینئر اراکین، بیگم جہاں آرا نظام اور اساتذہ نے شرکت کی۔ تقریب کے اختتام پر ایک ڈنر کا اہتمام کیا گیا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یونیورسٹی آف گجرات ڈے کیئر کی ملازمہ یاسمین عارف ٹریفک حادثے میں جاں بحق ہو گئیں
گجرات(جی پی آئی)یونیورسٹی آف گجرات ڈے کیئر کی ملازمہ یاسمین عارف ٹریفک حادثے میں جاں بحق ہو گئیں۔ نواحی گائوں کوٹ امیر حسین سے تعلق رکھنے والی UOG ڈے کیئر سینٹر کی ورکر یاسمین عارف لالہ موسیٰ کے قریب سڑک کراس کر رہی تھی کہ تیز رفتار گاڑی نے ٹکر مار کر کچل دیا، جس سے وہ ہسپتال جاتے ہوئے دم توڑ گئی۔ مرحومہ کو سینکڑوں سوگواران کی موجودگی میں کوٹ امیر حسین میں سپرد خاک کر دیا گیا ۔ وائس چانسلر ڈاکٹر محمد نظام الدین، مسز جہاں آراء نظام، رجسٹرار ڈاکٹر طاہر عقیل، مسز روبینہ طاہر، ڈائریکٹر ایس ایس سی محمد یعقوب، مینجرڈے کیئر محترمہ نیلم یعقوب، ڈائریکٹر میڈیا اینڈ پبلی کیشنز شیخ عبدالرشید، ڈاکٹر اظہر محمود چوہدری، ڈائریکٹر ارفع کریم سنٹر ڈاکٹر مدثر اقبال، ڈاکٹر زاہد یوسف و دیگر نے محترمہ یاسمین عارف کی حادثاتی وفات پر گہرے رنج و غم کا اظہار کیا اور دعا کی کہ پروردگار مرحومہ کو جوار رحمت میں جگہ عطا فرمائے اور پسماندگان کو صبر جمیل دے۔ یونیورسٹی آف گجرات کے ڈے کیئر سنٹر کے لیے یاسمین عارف کی خدمات خراج تحسین کے لائق اور ناقابل فراموش ہیں۔ یونیورسٹی آف گجرات کام سے محبت کرنے والی یاسمین عارف کی خدمات کو ہمیشہ یاد رکھے گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری مونس الہٰی کے حقیقت پسندانہ خطاب نے نام نہاد حکمرانوں کی نیندیں حرام کردیں :ذوالفقار پپن
گجرات(جی پی آئی)پاکستان مسلم لیگ یوتھ ونگ پنجاب کے صدر چوہدری ذوالفقار پپن نے کہا ہے کہ یوتھ ونگ کے کامیاب کنونشن سے چوہدری مونس الہٰی کے حقیقت پسندانہ خطاب نے نام نہاد حکمرانوں کی نیندیں حرام کردیں ہیں ،جعلی لیپ ٹاپس ،بلند شرح سود پر قرضے اور نوجوانوں کو تعلیم سے دور کر کے یوتھ فیسٹول کے ذریعے بیوقوف بنانے والے حکمرانوں کو پاکستان مسلم لیگ کے یوتھ کنونشن سے بخوبی اندازہ ہوگیا ہے کہ نوجوان حقیقت پسندی کا ساتھ دینا پسند کرتے ہیں ،وہ کسی شعبدہ بازی کے ہاتھوں کھلونا نہیں بننا چاہتے ۔ان خیالات کا اظہار انہوں نے گزشتہ روز مسلم لیگ ہائوس لاہور میں منعقدہ تنظیمی اجلاس سے خطاب کرتے ہوئے کیا۔اجلاس میں مختلف اضلاع کے صدور و جنرل سیکرٹریز نے شرکت کی ،اجلاس کے آغاز میں صدر یوتھ ونگ پنجاب چوہدری ذوالفقار پپن نے کامیاب کنونشن کے انعقاد پر یوتھ ونگ کے ضلعی صدور ،جنرل سیکرٹریز و عہدیداران کو مبارکباد دی اور ان کی کاوشوں کیلئے ان کا شکریہ اداکیا۔اجلاس سے خطاب کرتے ہوئے چوہدری ذوالفقار پپن نے کہا کہ چوہدری مونس الہٰی نے گزشتہ روز جن حقیقی اور ملک کو درپیش مسائل کا ذکر کیا ہے اس کو معاشرے کے تمام طبقوں اور دانشوروں نے خوب سراہا ہے۔موجودہ سرمایہ دار حکمران تیسری بار اقتدار میں آنے باوجود عوام کے مسائل کو حل نہیں کرناچاہتے،عوام کا بنیادی مسئلہ توانائی بحران ،تباہ حال معیشت اور نوجوانوں کو روزگار کی عدم فراہمی ہے،ان تمام مسائل کا واحد حل کالا باغ ڈیم کی تعمیر ہے، انہوں نے کہا کہ کالا باغ ڈیم کی تعمیر سے جہاں ایک طرف توانائی بحران ختم ہوگا وہاں دوسری طرف سستی بجلی دستیاب ہوگی اور ہماری معیشت کا پہیہ چلے گا جس سے روز گار کے نئے مواقع پیدا ہونگے۔اجلاس میں یوتھ ونگ کے عہدیداران ملک فراز اعوان، اجمل ضیاء چیمہ ،صدف بٹ ،عرفان احسان،اسلم فاروقی ،رانا ولید،نصیر سندھو،افضل چیمہ،حق نواز سنگلہ،شاہد بیگ،عابد رانجھا،ساجد کھیتران،طارق مجید ودیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ ق سٹی گجرات کے صدر محمد حنیف حیدری نے اپنے بیان میںکہا ہے
گجرات(جی پی آئی)پاکستان مسلم لیگ ق سٹی گجرات کے صدر محمد حنیف حیدری نے اپنے بیان میںکہا ہے کہ افواج پاکستا ن کے سابقہ سربراہ جنرل پرویز مشرف پر اکیلے ایک فرد پر مقدمہ چلانہ انصاف کے تقاضے پورے نہیں کرتا جس شخص نے ساری عمرملک کی خدمت کیلئے دن رات ایک کیا او راپنی جان کو ہتھیلی پررکھ کرملک کو سنوار ا اور قوم کے مسائل حل کئے ملک پاکستان کی ترقی کی طرف گامزن کیا اور قوم کو خوشحال اور قوم کو خوشحال کیا کیا وہ شخص غدار ہوسکتا ہے آج پورے پاکستان کی نظریں جنرل پرویز مشرف کے کیس پر ہیں ساری عمرملک کا دفاع کرنیوالوںپر غداری کیلئے کیس بھگتنے پڑتے ہیں تو سیاہ چین پر بیٹھے پاک فوج کے جوان کیا سوچ رہے ہونگے انہوں نے کہا کہ حکومت اگر مقدمہ تمام افراد جو جنرل پرویز مشرف کے ساتھ ملوث تھے سب پر چلایا جائے تو انصاف پھرہوگا اکیلے جنرل پرویزمشرف کو ذاتی انا پر ٹارگٹ کیا جارہا ہے جو سراسر زیادتی ہے اس سے پاکستان میںنئی افراتفری پھیلنے کا امکان ہے اور ہمارا ملک کسی بھی ایسے نئے بحران کا متحمل نہیں ہوسکتا جنرل پرویز مشرف فوج کا سپہ سالار اور نڈر انسان ہے اور ہم اس کی عظمت کوسلام پیش کرتے ہیں اور اس کی ملکی وفاداریوں کو خرا ج تحسین پیش کرتے ہیں اورانتقامی سیاست کرنیوالوںکی بھرپورمذمت کرتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامعہ گجرات میں ہونے والی” “I-Matter ورکشاپ طلباء کی زہنی صلاحتوں کو ابھارنے کا بہتریں موقع تھی۔ایسے اقدام خوش آئند ہیں
گجرات (جی پی آئی)جامعہ گجرات میں ہونے والی” “I-Matter ورکشاپ طلباء کی زہنی صلاحتوں کو ابھارنے کا بہتریں موقع تھی۔ایسے اقدام خوش آئند ہیں لیکن اس طرح کی مثبت سرگرمیوں کے ساتھ ساتھ “boan fire” اور “Musical Nights” پاکستانی معاشرے کے لیئے جان لیوا ہیں۔رئیس الجامعہ کو پاکستان کی اسلامی روایات یا کم از کم مشرقی روایات کا ضرور خیال رکھنا چاہئے۔پاکستان کے تعلیمی اداروں میں ایسی سرگرمیوں پر حکومت پاکستان کو پابندی لگانی چاہئے لیکن بدقسمتی سے ایسی سرگرمیوں کو سیاسی سرپرستی حا صل ہے۔ رانا مشہود وزیر تعلیم پنجاب، طلباء اور اساتذہ کی حوصلہ افزائی کے ساتھ ساتھ اس طرح کی سرگرمیوں کا نوٹس لیں اور اگر وہ خود اس کی سیاسی سرپرستی کر رہے ہیں تو کم از کم خدا کا خوف کریں اور ”ن” لیگ کے تشخص کو برباد مت کریں۔ ن لیگ بھی دوغلی پالیسی ختم کرے اور واضح کرے کہ وہ شیطانی قوتوں کے ساتھ ہے یا خدائی ،یہ منافقانہ طرز عمل پاکستان کے جمہوری ، سیاسی ، ثقافتی اور تعلیمی نظام کے لیئے تباہ کن ثابت ہو گا۔ میری والدین سے بھی یہ گزارش ہے کہ وہ اس طرح کی سرگرمیوں کا نوٹس لیںاور انتظامیہ پر دبائو بڑھائیں کہ وہ اس طرح کی سرگرمیاں ختم کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان پیپلز پارٹی شعبہ خواتین کی ڈویژنل صدر سابقہ ایم این اے پارلیمانی سیکرٹری ثمینہ فخر نے گوجرانوالہ کا تنظیمی دورہ کیا
گجرات (جی پی آئی)پاکستان پیپلز پارٹی شعبہ خواتین کی ڈویژنل صدر سابقہ ایم این اے پارلیمانی سیکرٹری ثمینہ فخر نے گوجرانوالہ کا تنظیمی دورہ کیا انکے ہمراہ وزیر انسائ،صائمہ بھی تھیں۔انہوں نے شمع رشید جٹ کو صدرگوجرانوالہ ڈسٹرکٹ نامزد کیا ۔اس موقع پر سٹی صدر راشدہ پروین،راحت فردوس ،نور فاطمہ اور دیگر خواتین نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ سو ل لائن پولیس کا منشیات فروشوں /ناجائز اسلحہ کے خلاف کریک ڈائون تفصیلات کے مطابق DPOگجرات رائے اعجاز احمد
گجرات(جی پی آئی)تھانہ سو ل لائن پولیس کا منشیات فروشوں /ناجائز اسلحہ کے خلاف کریک ڈائون تفصیلات کے مطابق DPOگجرات رائے اعجاز احمد کی ہدائیت پر SHO تھانہ سول لائن انسپکٹر توصیف احمد کی زیر نگرانی انچارج چوکی جٹووکل SIشاہد حسنین نے معہ ٹیم منشیات فروشوں کے خلاف کارروائی کرتے ہوئے ملزم مناظر حسین اور مسمات شمائلہ بی بی سکنائے جلالپور صوبتیاں سے 4کلو گرام چرس برآمدکی جبکہ ملزم بابر ولد محمد الیاس سے اسلحہ آتشیں برآمد کیا ۔ جس پر DPOگجرات نے SHOتھانہ سول لائن اور ان کی ٹیم کو تعریفی سرٹیفکیٹ و نقد انعام دینے کا اعلان کیا ۔ملزمان سے بھاری مقدار میں منشیات برآمد ہوئی ۔1عددرائفل کلاشنکوف معہ10عدد میگزین معہ70ضرب روند1عدد پسٹل 30بور معہ 2عدد میگزین معہ 40ضرب روندبرآمد ہوئیگجرات شہر کی عوام نے پولیس کی منشیات فروشوں کے خلاف مہم کو سراہا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ رحمانیہ پولیس کی کارروائی ، اوڈھ گینگ گرفتار تفصیلات کے مطابق DPOگجرات رائے اعجاز احمد
گجرات(جی پی آئی)تھانہ رحمانیہ پولیس کی کارروائی ، اوڈھ گینگ گرفتار تفصیلات کے مطابق DPOگجرات رائے اعجاز احمد کی ہدائیت پر ڈی ایس پی ملک منظور اعوان کی سربراہی میںفراست علی چٹھہ SIسی آئی اے ، SHO تھانہ رحمانیہSI بشارت احمد وڑائچ نے معہ ٹیم سماج دشمن عناصر کے خلاف کارروائی کرتے ہوئے اوڈھ گینگ کے 4ممبران گرفتار کر لئے اور ملزمان سے لاکھوں روپے مالیت کا گھریلو سامان ،کیری ڈبہ اور نقدی برآمد کرلی ۔ جس پر DPOگجرات نے ملک منظور اعوان ڈی ایس پی لالہ موسیٰ کی بہترین کارکردگی کو سراہا اور SHOتھانہ رحمانیہ بشارت وڑائچ SI اور ان کی ٹیم کو تعریفی سرٹیفکیٹ و نقد انعام سے نوازا ۔ گینگ میں محمد صدیق عرف بلا ولد بشیر قوم اوڈھ سکنہ شیخوپورہ ،محمد عارف ولد وریام قوم اوڈھ سکنہ ٹھوکر نیاز بیگ لاہور ۔شاہد ندیم ولد محمد شفیع قوم آرائیں چک نمبر 14کوٹ رادھا کشن ۔شہباز عرف ننھا ولد قاسم قوم اوڈھ سکنہ کراچی اس گینگ سے تھانہ رحمانیہ کے علاقہ دھول سرائے اور تھانہ صدر لالہ موسیٰ کے علاقہ ٹھیکریاں کی وارداتیں ٹریس ہوگئی ہیں اور دیگر درجنوں وارداتوں کا انکشاف ہوا یہ ملزمان کراچی ،سکھر ،لاہور ،قصور ،حافظ آباد ریڈ کرکے گرفتارکئے گئے جبکہ دیگر ملزمان کی گرفتار ی کے لئے مختلف ٹیمیں تشکیل دے کر مختلف اضلاع روانہ کی گئی ہیں جو جلد انشاء اللہ دیگر ملزمان بھی گرفتارکرلئے جائیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بین الاضلاعی چاولوں کے ٹرک ،ٹرالہ چھینے والا ڈکیت گینگ گرفتار ،تفصیلات کے مطابق ڈی پی او گجرات رائے اعجاز احمد
گجرات(جی پی آئی)بین الاضلاعی چاولوں کے ٹرک ،ٹرالہ چھینے والا ڈکیت گینگ گرفتار ،تفصیلات کے مطابق ڈی پی او گجرات رائے اعجاز احمد کی ہدائیت پر ڈی ایس پی صدر راجہ صداقت علی کی سربراہی میں ایس ایچ او کنجاہ انسپکٹر شاہد تنویر نے اپنی ٹیم کے ہمراہ بہترین حکمت عملی اورجدید سائنسی ٹیکنالوجی کی مدد سے دن رات سخت محنت کرکے بین الاضلاعی ٹرک و ٹرالہ ڈکیت گینگ کوٹریس کرکے گرفتارکرلیا ۔یہ گینگ پورے پنجاب میں وارداتیں کرتا تھا خاص طور پر چاول کے شیلروں سے چاولوں کے بھرے ہوئے ٹرک چھین کر راولپنڈی اور پشاور لے جاکر فروخت کردیتے تھے ۔ ڈی پی او گجرات رائے اعجاز احمدنے ڈی ایس پی راجہ صداقت علی کی کارکردگی کو سراہا اور ایس ایچ او کنجاہ شاہد تنویر اور ان کی ٹیم کو تعریفی سرٹیفکیٹ او ر نقد انعام سے نوازا۔ ملزمان میںرزاق علی ولد محمد شفیق قوم سید سا کن محلہ غلام آ باد رسول نگر فیصل آ باد،محمد عا مر ولدعمر حیات قوم ملک سا کن محلہ نمبر 2غلام آ باد گلی نمبر 5سکیم نمبر 5تحصیل و ضلع فیصل آ باد،محمد تنو یر ولد جا وید محمد قوم دیندار سکنہ چک نمبر 279تحصیل و ضلع فیصل آ باد،را حت محمود ولد منور حسین قوم ملک سا کن محلہ عباس نگر گلی نمبر 3فیصل آ بادشامل ہیں،یہ بین الا ضلا عی گینگ پورے پنجاب میں چا ول کے شیلروں پر وارداتیں کر تا تھا ۔واردات سے 2/3دن قبل 4/5گینگ ممبران جس جگہ وار دات کر نی ہو آ جاتے ہیں اسکی ریکی مکمل کر کے بقایا ممبران کو بلا لیتے ہیں ٹرک کو جعلی نمبر پلیٹ لگا کر چا ول وغیرہ را ولپنڈی /پشا ور لے جا کر فرو خت کر تے ہیں دو ران وار دا ت چھو ٹا اسلحہ استعمال کر تے ہیں وار دات عموماً رات کو ہی کر تے ہیں۔ ملزمان نے 2کروڈ روپے سے ز ائد مالیت کے چاول اور دھاگا لوٹا ہوا ہے جبکہ مزید انکشافات متوقع ہیں۔مورخہ11/12-02-14کو احمد را ئس ملزچکوڑہ موڑ کنجاہ پر بشب در میا نی 15/20کس نا معلوم اشخا ص نے مسلح ہو کر دھا وا بول دیا مزدوروں کو قا بو کر کے ٹر ک پر چا ول 541تو ڑے50کلوگرام والے لو ڈ کر کے فرار ہو گئے مور خہ 27-05-13بشب درمیانی 13/17کس نا معلوم اشخا ص مسلح ہو کر ایم ریا ض نٹنگ ملز ملت رو ڈ فیصل آ بادمیں داخل ہو گئے اور مزدوران کو باندھ کر دھا گہ 170بیگ ما لیتی 27لا کھ روپے ٹرک میں لوڈ کر کے پشا ور لے گئے جس پر مقدمہ نمبر 381/13مور خہ 27-05-13بجر م 395ت پ تھا نہ ملت ٹا ئو ن فیصل آ باد میں در ج رجسٹر ہوا مور خہ 8-03-13کو شب در میا نی ایک شیلر میں 15/18کس نا معلوم اشخا ص دا خل ہو گئے اورمزدوران کوباندھ کر وہا ں سے چا ول ما لیتی 30لا کھ رو پے ٹرک میں لو ڈ کر کے لے گئے جس پر تھانہ صدر جلالپوربھٹیاں میں مقدمہ نمبر 115/13مور خہ 10-03-13بجر م 395ت پ تھا نہ صدر جلالپور بھٹیا ںضلع حافظ آ باددرج رجسٹر ہوا مور خہ 05-03-14کو شب درمیانی 15/17نا معلوم اشخا ص ایک شیلر میں دا خل ہو گئے جہا ں پر نا معلوم اشخا ص نے اسلحہ کے زور پر مزدوران و گن مین کو باندھ کر شیلر سے چا ول 600بور ی ٹرک میں لو ڈ کر کے پشاور کی طرف لے گئے جس پر تھا نہ صدر مریدکے میں مقدمہ نمبر 130/13مور خہ 06-03-14بجر م 395/397ت پ تھا نہ صدر مر یدکے ضلع چنیو ٹ میں مقدمہ درج رجسٹر ہو اضلع او کا ڑ ہ میں ایک شیلر پر 15/18نا معلوم اشخا ص دا خل ہو گئے اور مزدوران و گن مین کو اسلحہ کے زور پر با ندھ کر 20لا کھ ما لیتی گندم کی بور یا ںٹرک میں لو ڈ کر کے پشا ور لے گئیبہا ول نگر میں علا قہ تھانہ صدر کے ایر یا میں ایک شیلر میں 15/17کس اشخاص مسلح د اخل ہو ئے اور مزدوران و گن مین کو اسلحہ کے زور پر رسیو ں کیساتھ باندھ کر گندم ما لیتی 15لا کھ ٹرک میں لوڈ کر کے پشا ور لے گئے کا مو نکی شہر گو جرا نوا لہ میں ایک شیلر میں 13/17کس اشخا ص اسلحہ سے لیس ہو کر شیلر میں دا خل ہو ئے اور مزدوران کو ایک کمرہ میں بند کر کے شیلر سے چا ول کی بوریاں ما لیتی 17لا کھ رو پے ٹرک میں لو ڈ کر کے پشا ور لے گئے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ صدر کھاریاں پولیس کا منشیات فروشوں کے خلاف کریک ڈائون تفصیلات کے مطابق DPOگجرات رائے اعجاز احمد
گجرات(جی پی آئی)تھانہ صدر کھاریاں پولیس کا منشیات فروشوں کے خلاف کریک ڈائون تفصیلات کے مطابق DPOگجرات رائے اعجاز احمد کی ہدائیت پر SHO تھانہ صدر کھاریاںانسپکٹر راجہ فخربشیر نے معہ ٹیم منشیات فروشوں کے خلاف کارروائی کرتے ہوئے ملزم عبدالقیوم سے 1100گرام چرس برآمد کی اور ملزمان (1)جنید حسن ولد محمد شفیع (2)ظفر اقبال ولد محمد اقبال سکنائے کھاریاں سے 40بوتل شراب برآمد کرکی ۔ جس پر DPOگجرات نے SHOتھانہ صدر کھاریاں راجہ فخر بشیر اور ان کی ٹیم کو تعریفی سرٹیفکیٹ و نقد انعام دینے کا اعلان کیا ۔ پولیس ٹیممیں ایس ایچ او صدر کھاریاں راجہ فخر بشیر ،SIافتخار احمد ۔SIمشتاق احمد ،محمد اکرم 161/HC،محمد عظیم 567/HC،عاصم عباس 3565/C،عدنان احمد ،انیس خالد 3310/C ، یاسر محمود 3466/C،عبدالنعیم 3512/C،خلیل امیتاز 1595/C،قمر عباس 3517/C شامل تھے ملزمان سیبھاری مقدار میں منشیات برآمد ہوئی کھاریاں کی عوام نے کھاریاں پولیس کی منشیات فروشوں کے خلاف کارروائی کو سراہا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میاں عبدالستار رحمتہ اللہ تعالیٰ علیہ کی دھرتی محلہ حسن پورہ درود و سلام کی صدائوں سے گونج اٹھی
گجرات (جی پی آئی)میاں عبدالستار رحمتہ اللہ تعالیٰ علیہ کی دھرتی محلہ حسن پورہ درود و سلام کی صدائوں سے گونج اٹھی ، ضلع گجرات کی ممتاز بزم صحرائے مدینہ میلاد کمیٹی کے زیر اہتمام آٹھویں سالانہ عظیم الشان محفل نعت ”ذکر خیر الانام ۖ” عقیدت و احترام کے ساتھ منعقد ہوئی ، بفیضان نظر حضرت مولانا محمد الیاس عطار قادری و زیر سرپرستی قاری محمد عامر رضوان عطاری قادری منعقد ہوئی ، جس کی صدارت مرکزی نائب امیر مرکزی جماعت اہلسنت سجادہ نشین آستانہ عالیہ ڈھینڈہ شریف پیر سید زاہد حسین شاہ ترمذی نے کی ، محفل کا آغاز تلاوت کلام پاک سے ہوا ، جس کا شرف قاری محسن رضا قادری اور قاری احمد رضا قادری عطاری نے حاصل کیا ، خصوصی خطاب حضرت مولانا علامہ عبدالحمید چشتی آف سیالکوٹ نے کیا ، جبکہ نعت رسول مقبول ۖ محسن علی حیدری ، محمد عرفان حیدری ، محمد عمر صدیقی ، محمد نعمان الحق ، محمد علی سیفی ، حافظ امیر حمزہ قادری ، اکمل حسین دریائی ، علی رضا نوری ، قاری عامر رضوان عطاری قادری ، قاری احمد رضا قادری اور پیر سید جرار حسین شاہ نے پیش کی ، اس موقع پر اہم سیاسی ، سماجی ، مذہبی شخصیات کی کثیر تعداد نے شرکت کی جن میں حاجی چوہدری غلام نبی گل ، پیر سید زمان حسین شاہ ، شیخ محمد عرفان پرویز ، رانا مشرف علی ناز ،ڈاکٹر ثوبان شاہد ، محمد عبدالرفیق المعروف پاء جی ، سیٹھ نوید کپور ، چوہدری نعیم پرویز تارڑ ،چوہدری خاور رشید گل ، چوہدری اختر حسین دھول ، چوہدری اشفاق حسین گل ، چوہدری جہانگیر ،عادل ورک ، حافظ محمد سفیر احمد ، راجہ شہزاد ، سعیداحمد ڈار ،سید ظہیر عباس شاہ ، شہزاد شفیق نقشبندی ، سید سخاوت شاہ ، سید شاہزایب علی شاہ ، محمد امجد علی قادری و دیگر موجود تھے ، صحرائے مدینہ میلاد کمیٹی کے منتظمین نے قاری عامر رضوان عطاری کی قیادت میں شاندار انتظامات کیے اور مہمانوںکو خوش آمدید کہا، برقی قمقموں کی مدد سے خوبصورت پنڈال سجایا گیا، وسیع لنگر کا اہتمام کیاگیا ، اس موقع پر پیر سید زاہد حسین شاہ ترمذی نے خصوصی دعا کی اور حضور اکرم ۖ کے حضور درود و سلام کے تحائف پیش کیے گئے ،سیکورٹی کے شاندار انتظامات کیے گئے تا کہ کوئی ناخوشگوار واقعہ پیش نہ آئے ۔
حافظ محمد صدیق مدنی کا اعزاز
