گجرات (جی پی آئی) ایڈمنسٹریٹر ڈسٹرکٹ گورنمنٹ/ڈی سی او لیاقت علی چٹھہ نے ضلع کی حدود میں دفعہ 144 نافذ کرتے ہوئے 13 اور 14 اگست کو امن امان برقرار رکھنے اور شہریوں کے جان و مال کی تحفظ کیلئے ہر قسم کے جلسے ، جلوس ریلیوں، اجتماع پر پابندی عائد کر دی ہے، اسی حکم کے تحت ہر قسم کا نفرت انگیز مواد رکھنے یا اسکی نمائش کرنے، موٹر سائیکل پر ون ویلینگ پر بھی پابندی ہوگی۔ ڈی سی او نے تمام متعلقہ افسران کو ہدایت کی ہے کہ حکمنامے پر عمل درآمد یقینی بنایا جائے اور خلاف ورزی کے مرتکب عناصر کے خلاف قانون کے مطابق کاروائی کی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) گجرات لائنز کلب کے ممبران آج 14 اگست کے موقع پر شادمان کالونی میں آرفن ہوم میں بچوں کیساتھ آزادی کی تقریبات منائیں گے اور بچوں میں تحائف تقسیم کریں گے اس سلسلہ میں تمام ممبران صبح 10 بجے پر پہنچ جائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) عزیز بھٹی شہید ہسپتال میں یوم آزادی کے سلسلہ میں تقریب منعقد ہو گی۔ مریضوں میں تحائف تقسیم کئے جائیں گے۔ آزادی کیک کاٹا جائے گا۔ مہر فاروق خالد کی سربراہی میں انتظامات مکمل کر لئے گئے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) آج موضع موجوکی میں پیر سید آصف حسین شاہ کا سالانہ عرس مبارک عقیدت و احترام کیساتھ منایا جائے گا۔ عرس مبارک کی تقریبات کی صدارت آستانہ عالیہ مہمدہ شریف صاحبزادہ رضوان منصور آوانی کریں گے جبکہ عرس مبارک کے انتظامات سید عرفان شاہ سجادہ نشین کی زیر سرپرستی کئے جا رہے ہیں ۔ صاحبزادہ قاضی رضوان منصور آوانی خصوصی دعا کریں گے۔ عرس کی تقریبات صبح 9 بجے تا تمام ظہر منعقد ہوں گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) 14 اگست کے مبارک موقع پر ممتاز سماجی شخصیت چوہدری شکیل گجر آف معروف نے پوری قوم کو آزادی کی مبارکباد پیش کی ہے۔ انہوں نے کہا کہ آزادی کا مفہوم وہی لوگ جانتے ہیں جو غیروں میں رہ رہے ہیں یا جیلوں میں قید ہیں۔ ہمیں چاہئے کہ اس پاک وطن کی سلامتی اور حفاظت کیلئے پاکستان مسلح اافواج کا ساتھ دیں اور ملک کو مستحکم بنائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) یوم آزادی کے موقع پر پروقار تقریب آج ضلع کونسل ہال میں منعقد ہوگی ، مہمان خصوصی ڈی سی او لیاقت علی چٹھہ ایم پی اے حاجی عمران ظفر صبح 8بجکر 55منٹ پر پرچم کشائی کرینگے جبکہ سکولوں کے طلبہ و طالبات قومی ترانہ پیش کریں گے۔پرچم کشائی کے بعد ڈی سی او لیاقت علی چٹھہ ڈسٹرکٹ جیل کا بھی دورہ کریں گے اور قیدیوں میں مٹھائی تقسیم کریں گے بعد ازاں وہ عزیز بھٹی شہید ہسپتال میں مریضوں میں تحائف تقسیم کریں گے۔ یوم آزادی کے حوالے سے ہی بلدیہ دفاتر کھاریاں، سرائے عالمگیر ، جلالپور جٹاں میں بھی تقاریب ہوں گی جہاں منتخب عوامی نمائندے پرچم کشائی کریںگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) جشن آزادی کی خوشیوں میں مستحق افراد کو شامل کرنے کیلئے ریلوے روڈ پر دیوار مہربانی کا آ ج باقاعدہ افتتاح کر دیا جائے گا جہاں سے ضرورت مند افراد ہر 2ماہ میں ایک مرتبہ دو جوڑے کپڑے اور ایک جوتے حاصل کر سکیں گے۔ یہ فیصلہ ڈی سی او لیاقت علی چٹھہ کی قیادت میں منعقدہ اجلاس میں کیا گیا جس ا ے ڈی سی عرفان علی کاٹھیا، ای ڈی او فنانس چوہدری اصغر، ڈی او سوشل ویلفئیر چوہدری امجد کلیر، ڈیسنٹ ویلفئیر سوسائٹی کے سربراہ ڈاکٹر اعجاز بشیر ، صدر پی ایم اے ڈاکٹر مقصود زاہد،ذیشان زیب بٹ، چوہدری نواز ریحانیہ بھی موجود تھے۔ ڈی سی او لیاقت علی چٹھہ نے دیوار مہربانی پر اپنی طرف سے 10جوڑے کپڑے، اے ڈی سی عرفا ن علی کاٹھیا نے 10جوڑے کپڑے دینے کا اعلان کیا، ڈی او سوشل ویلفیئر امجد کلیر 50جوڑے، ذیشان زیب بٹ ، چوہدری نواز ریحانیہ بھی پچاس پچاس جوڑے کپڑے دیوار مہربانی کے لئے عطیہ کریں گے جبکہ دیوار مہربانی کے روح رواں ڈاکٹر اعجاز بشیر نے 400سے 500جوڑے کپڑے فراہم کرنے کا اعلان کیا ہے۔ ڈی سی او لیاقت علی چٹھہ نے بتایا کہ دیوار مہربانی کے لئے فراہم کئے جانیوالے کپڑے دھلے، پریس ہوئے اور ہینگر کئے ہونے چاہیں ، نیز مختلف علاقوں میں اس حوالے سے آگاہی بھی فراہم کی جائے ۔ اس سے قبل اے ڈی سی عرفان علی کاٹھیا ، ڈاکٹر اعجاز بشیر نے دیوار مہربانی کے قیام کے حوالے سے تفصیلات سے آگاہ کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)قائد اعظم کے ساتھی مجاہد تحریک ختم نبوت اور مجاہد تحریک پاکستان جگر گوشہ شہنشاہ ولایت حضرت پیر سید محمود شاہ گجراتی کے 23 ویں سالانہ عرس مبارک کے سلسلہ میں عظیم الشان مجاہد ملت کانفرنس کا انعقاد کیا گیا۔ یوم مجاہد ملت کے سلسلہ میں منعقدہ اس عظیم الشان کانفرنس کی صدارت زیب سجادہ آستانہ عالیہ شہنشاہ ولایت پیر سید حسن محمود شاہ گجراتی نے کی ۔ زیر سرپرستی پیر سید سعید احمد شاہ گجراتی منعقد ہوئی۔ جبکہ خصوصی خطاب عالمی مبلغ اسلام صاحبزادہ پیر سیداحمد حسین شاہ ترمذی خطیب اعظم یو کے نے کیا۔ جبکہ عرس مبارک کی تقریب میں ممتاز ماہر تعلیم ماسٹر محمد نواز شاہد نے مجاہد ملت کی خدمات کے حوالہ سے تفصیلی بیان کیا۔ جبکہ نقابت کے فرائض قاری دلاور حسین جلالی نے سرانجام دئیے۔ تلاوت قرآن پاک کا شرف قاری کرامت علی نقشبندی نے حاصل کیا۔ نعت رسول مقبول ۖ ممتاز عالم دین علامہ قاری محمد شعیب ‘ محمود احمد’ حافظ محمد صدیق و دیگر نے پیش کی۔ اس موقع پر پیر سید نور حسین شاہ گجراتی’ پیر سید محمد حسین شاہ ‘ پیر سید حسین محمود شاہ گجراتی’ سید جماعت علی شاہ’ ضلعی رہنما منہاج القرآن پروفیسر مظہر حسین قادری’ محمد یوسف جنجوعہ’ پیپلز پارٹی کے سیکرٹری اطلاعات عبدالرزاق سلیمی’ راجہ اسلم پرویز’ صاحبزادہ فاروق نقشبندی’ مہر جمشید سونی’ و دیگر اہم شخصیات کی کثیر تعداد نے شرکت کی۔ اختتام پر ملکی ترقی و سلامتی کیلئے خصوصی دعائیں کی گئیں اور لنگر تقسیم کیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پیر سید محمود شاہ گجراتی نے اپنی ساری زندگی اسلام کی سربلندی کیلئے صرف کی۔ نہ صرف قیام پاکستان بلکہ تحریک ختم نبوت میں بھی انکا کردار ناقابل فراموش ہے ان خیالات کا اظہار خطیب اعظم یو کے صاحبزادہ پیر سید احمد حسین شاہ ترمذی نے یوم مجاہد ملت کے موقع پر منعقدہ عظیم الشان مجاہد ملت کانفرنس کے دوران کیا۔ انہوں نے کہا کہ پیر سید محمود شاہ گجراتی کا شمار ان مذہبی راہنمائوں میں ہوتا ہے جنہوں نے ہمیشہ حق اور سچ کا ساتھ دیا ان کی کاوشوں کی وجہ سے پاکستان میں ختم نبوت کا قانون موجود ہے۔ انہوں نے کہا کہ آستانہ عالیہ شہنشاہ ولایت کی خدمات ناقابل فراموش ہیں اور دنیا میں اس آستانے سے تعلق رکھنے والے دنیا بھر میں فروغ ِ تبلیغ کیلئے کوشاں ہیں۔ میں بھی اسی خدمت میں دن رات کوشاں ہوں۔ صاحبزادہ پیر سید حسن محمود شاہ گجراتی نے کہا کہ دنیا بھر میں شہنشاہ ولایت کی خدمات سنہری حروف میں لکھی جائیں گی اور ہم اپنے آبائو اجداد کے افکار اور تعلیمات کو آگے پہنچاتے رہیں گے۔جو لوگ پاکستان کے قیام کے خلاف تھے اور کہتے تھے کہ ہم پاکستان کی ”پ” آج وہ لوگ پاکستان میں ہر جگہ پر قبضہ کرنے کے در پے ہیں اور خود کو مجاہد پاکستان کہلا رہے ہیں یہ ملک ہمارے اسلاف نے بنایا تھا اور ہم خود ہی اس کے استحکام کیلئے کام کریں گے۔ میرے والد محترم پیر سید سعید احمد شاہ گجراتی بھی جس طرح اسلامی نفاد کیلئے کوشاں رہے ہیں ہمارا عہد ہے کہ ہم اسی طرح کام کرتے رہیں گے۔ ‘ ممتاز ماہر تعلیم اور ادیب ماسٹر نواز شاہد غفاری نے کہا کہ میری زندگی اس آستانے کی خدمت کرتے گزری ہے اور میں نے اس آستانے کے کسی بھی فرد کو باطل کے سامنے جھکتے نہیں دیکھا۔ اس موقع پر دیگر علمائے کرام نے بھی خطاب کیا۔ ملکی ترقی و سلامتی کیلئے دعائیں کی گئیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ممتاز سماجی شحصیت مظہر اقبال چوہان کی صاحبزادی کی تقریب رخصتی بشیر میرج ہال گجرات میں منعقد ہوئی۔ ان کی تقریب رخصتی میں بارات کا استقبال علاقہ کی اہم شخصیات نے کیا۔ جن میں سابق تحصیل ناظم حاجی الیاس الرحمن’ چوہدری عطاء اللہ گل’ وائس چیئرمین یونین کونسل فیض آباد طاہر مانڈہ’ حاجی عقیل مانڈہ’ عامر چوہدری’ خالد چوہان اور دیگر معززین کی کثیر تعداد موجود تھی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) غلامان گھمکول شریف کے زیر اہتمام منعقد ہونے والی عظیم الشان محفل ذکر و ختم خواجگان سیکورٹی خدشات کی وجہ سے ملتوی کر دی گئی ہے۔ اب یہ محفل 2 ستمبر بروز جمعتہ المبارک بوقت سہ پہر 5 بجے تک نماز مغرب منعقد ہو گی۔ جس میں اہم شخصیات کی شرکت متوقع ہے۔ افتخار احمد ملہی’ راجہ اسلم پرویز’ کی سربراہی میں دعوت نامے جاری کر دئیے گئے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پاکستان مسلم لیگ کے صدر و سابق وزیراعظم چودھری شجاعت حسین، سینئرمرکزی رہنما و سابق نائب وزیراعظم چودھری پرویزالٰہی اور مونس الٰہی نے کہا ہے کہ پاکستان ہم سب کی شناخت ہے ہم سب کا فرض ہے کہ مادرِ وطن کا حق ادا کریں، بانی پاکستان محمد علی جناح کے فرمان اتحاد، ایمان اور تنظیم پر عمل کرتے ہوئے پاکستان کی داخلی و خارجی سلامتی کیلئے نسلی، علاقائی اور فرقہ وارانہ اختلافات و تعصبات ختم کر دیں، قیام پاکستان اور پاک سرزمین کے تحفظ کیلئے اپنی جان کی عظیم قربانی دینے والے شہداء کے مقدس خون سے وفا کا عہد کریں اور قومی یکجہتی و ترقی کیلئے کسی قربانی سے دریغ نہ کیا جائے۔ اسلامی جمہوریہ پاکستان کے یوم آزادی پر اپنے پیغامات تہنیت میں انہوں نے کہا کہ سانحہ کوئٹہ کے باعث ہم سب کے دل بوجھل ہیں لیکن اللہ تعالیٰ کا شکر ہے کہ پاکستان کے عوام، مسلح افواج، سکیورٹی فورسز اور پولیس کی گراں قدر قربانیوں کے باعث ہم آج ایک آزاد قوم اور ملک کی حیثیت سے یہ دن منا رہے ہیں۔ انہوں نے کہا کہ مادر وطن کے حالات پر ہر کسی کو تشویش ہے اسے سنگین خطرات، مسائل اور چیلنجز درپیش ہیں جن پر قابو پانے کیلئے انفرادی اور اجتماعی کوششوں کی ضرورت ہے تاکہ بداَمنی، لاقانونیت، بیروزگاری اور مہنگائی جیسے مسائل پر قابو پایا جا سکے۔ انہوں نے کامیاب ضرب عضب پر پاک فوج کو خراج تحسین پیش کرتے ہوئے کہا کہ نیشنل ایکشن پلان ”نیپ” پر فوری اور مکمل عملدرآمد کیلئے حکمرانوں کو اپنی ذمہ داریاں پوری کرنی چاہئیں، قیام پاکستان کے مقاصد کی تکمیل کیلئے ہمیں ذاتی، گروہی اور جماعتی مفادات پر قومی مفادات کو ترجیح دینا ہو گی اور اس خطہ ارض کو اسلامی فلاحی مملکت بنانے کیلئے پوری ایمانداری اور تن دہی سے اپنا اپنا کام کرنا ہو گا۔# ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈی اسی پی گجرات عرفان الحق سلہریانے کہا ہے کہ دکھی انسانیت کی بے لوث خدمت افضل ترین عبادت ہے۔غریبوں،یتیموں،مسکینوں،نادار کی ہرممکن مددکرکے دل اورروح کوسکون ملتا ہے۔نئی نسل کونظریہ پاکستان سے آگاہ کرناوقت کی اہم ضرورت ہے۔وہ الخدمت فائونڈیشن کے زیراہتمام یوم آزادی کے سلسلہ میںالخدمت آرفن کئیرکی تقریب سے خطاب کررہے تھے۔اس موقع پرجہانگیرنثار،جاوید اقبال،فیصل حمید،محمدمشتاق بٹ ،ناصر محمودکلیر،عبد الوکیل علوی،ناصر محموداللہ والے،،ڈاکٹرحبیب اللہ،محمدفیاض،صابر حسین بٹ ،وسیم شاہد اولکھ،سجاد احمدمدنی،محمداشفا ق وڑائچ،عدنان مجید ملک،محموداحمد،افتخارحسین صدیقی،زمان حیدرچیمہ سمیت معززین علا قہ،آرفن بچے اورانکے والدین کثیرتعدادموجودتھی۔عرفان الحق نے کہا کہ ملک میںخوف کی کیفیت ہے بچوںکے اغواکی افواہیںپھیلائی جارہی ہیں۔کسی میںہمت نہیںکہ وہ ہمارے بچوںکومیلی آنکھ سے بھی دیکھ سکیں۔پولیس فورس،پاکستانی ایجنسیاںاپنی قوم کادفاع کرنا جانتی ہیں۔پاکستانی قوم باہمت قوم ہے۔ڈائریکٹرآرفن کئیرجہانگیرایثار،ڈائریکٹرپنجاب فیصل حمیدنے کہا کہ انسانیت کی خدمت رب کی رضا،جنت کے حصول اورنبی مہرباںۖ کی ہمسائیگی کی ضمانت ہے۔انہوںنے کہا کہ آرفن کئیرپروگرامکے ذریعے مخیرحضرات کے تعاون سے بے سہارا،یتیم بچوں کی تعلیم وکفالت کابیڑااٹھایا ہے تاکہ انہیںمفیدشہری بنایا جاسکے۔ضلعی صدرجاوید اقبال ،محمدمشتاق بٹ نے کہا کہ الخدمت فائونڈیشن عوامی خدمت میںبھرپورحصہ لیکراپنا فرض حقیقی اندازمیںپوراکررہی ہے۔ججزکے فرائض پروفیسرمحمدارشدبخاری،حافظ عمران احمد،محمدشہباز،حافظ حسین احمد،مولانانبیل احمد نے سرانجام دیئے۔تقریب کے اختتام پرپوزیشن ہولڈرزمیںمہمانان خصوصی نے انعامات تقسیم کئے۔
زیارت: ایک گاڑی کا پاکستانی جھنڈے کا کلر دے کر سجایا گیا
گجرات کی خبروں کی تصویری جھلکیاں
