گجرات یونین آف جرنلسٹس کا اہم اجلاس سن ٹی وی نیوز کے اافس میں منعقد ہوا
Posted on April 10, 2014 By Geo1 Webmaster سٹی نیوز
گجرات:( پ۔ر) گجرات یونین آف جرنلسٹس کا اہم اجلاس سن ٹی وی نیوز کے اافس میں منعقد ہوا۔اجلاس میں گذشتہ عبوری کابینہ کی تحلیلی اور آئندہ دو سالہ دور قیادت گجرات یونین آف جرنلسٹس کے سلسلہ میں 27اپریل کوانتخابات کے انعقاد اور قواعد و ضوابط کا اعلان کیا گیا۔چیئرمین الیکشن کمیشن گجرات یونین آ جرنلسٹس شفران اقبال نے انتخابات کی شفافیت کے ضامن قواعد و ضوابط پر تفصیلاًروشنی ڈالی۔
انہوں نے امیدواران اور ووٹرز پر جمہوری و اعلی تہذیبی روایات کی روش اپنانے پر زور دیا۔اس موقع پر تمام ممبران نے الیکشن کمیشن کی انتخابی قواعد و ضوابط کی تشکیل و کاوش پر اظہار اطمینان و تحسین کیا۔ شرکاء اجلاس نے جمہوریت اور صحافت کو مہذب معاشرے کے منور ماہ و خورشید قراردیتے ہوئے امید ظاہر کی کہ انشاء اللہ گجرات یونین آف جرنلسٹس جمہوری روایات کے حوالہ سے ضلع بھر میں دیگر شعبوں کیلئے مینارہ نور ہو گی۔ اجلاس میں عامر بیگ مرزا، طاہر جمیل سیال، عمر فاروق چوہدری،عبدالعزیز،افتحار احمد بھٹہ،خان محمد اختر ،مرزا محمد اکرم،مس ناہید فاطمہ،،نوید انور،اسحاق کیانی، ملک شبیر احمد خیالی،طاہریوسف، اورنگزیب عالمگیر شاکر،فیصل ادریس بٹ، غفار چوہدری،مہر شوکت، وحید سیال، محمد ظہور، ظہیر احمد کھوکھر، کے علاوہ دیگر ممبران نے بھرپور شرکت کی۔
