گوجرانوالہ (جیو ڈسک) ڈاکوؤں نے شاہین آباد کے قریب ناکہ لگا کر درجنوں شہریوں کو لوٹا۔ اس دوران ایک شہری نے بہادری کا مظاہرہ کرتے ہوئے ایک ڈاکو کو پکڑ لیا۔
اس کے دو ساتھی فرار ہو گئے۔ شہریوں نے ڈاکو کی خوب دھنائی کی۔ اطلاع ملنے پر پولیس جب موقع پر پہنچی تو شہریوں نے ڈاکو کو پولیس کے حوالے کرنے سے انکار کر دیا اور گوجرانوالہ میں ڈکیتی کی بڑھتی ہوئی وارداتوں پر جی ٹی روڈ پر مظاہرہ کرنا شروع کر دیا۔ جو رات گئے تک جاری رہا۔
