گوجرانوالہ (جیوڈیسک) گوجرانوالہ میں ایک شخص نے بدلہ لینے کے لئے مبینہ طور پر ایک لڑکی کو آگ لگا کر قتل کردیا۔ پولیس کے مطابق گوجرانوالہ کے علاقے لوئیانوالہ میں نصیر نامی شخص نے 18 سالہ منزہ پر اس کے گھر میں داخل ہوکر اس پر پیٹرول چھڑک کر آگ لگادی۔
منزہ کو فوری طور پر طبی امداد کے لئے ڈسٹرکٹ ہیڈکوارٹر اسپتال منتقل کیا گیا جہاں وہ دم توڑ گئی۔ پولیس کے مطابق ملزم نصیر کی بہن کو ایک سال قبل منزہ کے بھائی نے اغوا کرکے شادی کرلی تھی۔ جس پر نصیر نے آج بدلہ لینے کے لئے منزہ کو جلا دیا۔
پولیس نے مقدمہ درج کرکے ملزم نصیر کو گرفتار اور اس کی والدہ اور بہن کو حراست میں لے کر تحقیقات شروع کردی ہے۔ ملزم نصیر کا کہنا ہے کہ وہ جھگڑا کرنے ضرور گیا تھا لیکن اس نے لڑکی کو نہیں جلایا بلکہ اس کے گھر والوں نے اسے جلا دیا۔
فرید خان کی نماز جنازہ صبح ادا کی جائیگی ، تعلیمی ادارے بند رہینگے
ملتان میں لوڈشیڈنگ کے خلاف پاور لومز ایسوسی ایشن کا مظاہرہ
