گوجرانوالہ (جیوڈیسک) گوجرانوالہ میں تحریک انصاف کے قائد عمران خان کے پوسٹر جلانے والا اور جلسے کے دوران انڈے اور ٹماٹر مارنے کی تیاری کرنے والا بلال بٹ گرفتار ہو گیا ہے۔
بلال بٹ کا تعلق مسلم لیگ ن سے بتایا گیا ہے ، اس حوالے سے ذرائع کا کہنا ہے کہ بلال بٹ نے گوجرانوالہ میں عمران خان کے جلسے کے دوران انہں مارنے کیلئے انڈے اور ٹماٹر بھی اکٹھے کر لئے تھے اور پولیس نے کارروائی کے دوران تمام سامان ضبط کر کے ملزم کو گرفتار کر لیا۔
دوران حراست ملزم نے بتایا کہ عمران خان نے ان کے قائد میاں نواز شریف کے خلاف نازیبا زبان استعمال کی اور اسی لئے انہوں نے گوجرانوالہ آمد کے موقع پر عمران خان کو ان کی بدتمیزی کا سبق سکھانے کیلئے یہ سامان اکٹھا کیا تھا
