گوجرانوالہ (جیوڈیسک) گوجرانوالہ کی تحصیل کامونکی میں بااثر زمیندار اور اس کے بیٹے نے کھیت میں سے راستہ دینے کے تنازع پر خاتون پر تشدد کے بعد اس پر ٹریکٹر چلا دیا اور اسکے مکان پر پیٹرول چھڑک کر آگ لگا دی خاتون کی ٹانگ متعدد جگہوں سے ٹوٹ گئی۔
پولیس نے باثر زمیندار کو گرفتارکر لیا۔ تھانہ صدر کامونکی پولیس کے مطابق یہ واقع نواحی گاؤں دراجکے میں پیش آیا جہاں زمیندار جعفر حسین اور خاتون منظوراں بی بی کے درمیان کھیت میں سے راستہ دینے کا تنازع چلا آرہا تھا۔ گزشتہ رات زمیندار جعفر حسین اپنے بیٹے اور مزارعوں کے ساتھ آیا اور زبردستی کھیت سے راستہ بنانا شروع کر دیا اس دوران خاتون نے مزاحمت کی تو زمیندار نے پہلے تشدد کیا اور پھر اس کے اوپر ٹریکٹر چڑھا دیا جس سے خاتون بری طرح زخمی ہوگئی۔
زمیندار نے زخمی خاتون کے گھر کو بھی جلا ڈالا۔ پولیس نے زمیندار کو گرفتار کرکے ٹریکٹر قبضہ میں لے کر کارروائی شروع کر دی ہے۔ اسپتال ذرائع کے مطابق خاتون کی متعدد جگہوں سے ٹانگ ٹوٹ گئی ہے۔
پشاورمیں پولیس کا سرچ آپریشن،41 مشتبہ افراد گرفتار
نظام بدلے گا، تحریک زور پکڑے گی، چودھری پرویز الہی
