گوجرانوالا (جیوڈیسک) پی پی 97 کے 33 پولنگ سٹیشنوں پر نتائج ہو گئے ہیں۔ غیر حتمی اور غیر سرکاری نتائج کے مطابق پی ٹی آئی کے ناصر چیمہ 10405 ووٹ لے کر کامیاب جبکہ (ن) لیگ کے اشرف وڑائچ 9966 ووٹ لے سکے ہیں۔
پی پی 97 کے 119 پولنگ سٹیشنوں پر پی ٹی آئی کے ناصر چیمہ مجموعی طور پر 27529 ووٹ لے کر فاتح رہے۔ (ن) لیگ کے امیدوار اور اس حلقے سے اپنی سیٹ سے محروم ہونے والے سابق ایم پی اے اشرف وڑائچ 26216 ووٹ حاصل کر سکے۔
خیال رہے کہ پی پی 97 گوجرانوالا پر 2013ء کے الیکشن میں (ن) لیگ کے اشرف وڑائچ کامیاب ہوئے تھے تاہم (ق) لیگ کے امیدوار ناصر چیمہ نے دھاندلی کا الزام عائد کیا اور الیکشن ٹربیونل میں رٹ دائر کی جس میں موقف اختیار کیا گیا کہ اشرف وڑائچ نے 15 ہزار جعلی ووٹ ڈالے ہیں۔ الیکشن ٹربیونل کے جسٹس کاظم علی ملک نے 33 پولنگ سٹیشنوں پر دوبارہ الیکشن کروانے کا حکم جاری کیا۔
ناصر چیمہ (ق) لیگ کو چھوڑ کر تحریک انصاف میں شمولیت اختیار کر چکے ہیں اور پی ٹی آئی نے انہیں اپنا امیدوار نامزد کیا ہے تاہم ان کا انتخابی نشان سائیکل ہی رہا۔ ناصر چیمہ کو پی ٹی آئی کے علاوہ پیپلز پارٹی، جماعت اسلامی، عوامی تحریک، چٹھہ لیگ اور سنی تحریک کی حمایت بھی حاصل تھی۔
33 پولنگ سٹیشنوں کے ووٹ حذف کرکے ناصر چیمہ کے ووٹ 17124 اور اشرف وڑائچ کے 16250 ووٹ تھے۔ آج 33 پولنگ سٹیشنوں پر ہونے والے دوبارہ الیکشن میں ناصر چیمہ نے 10405 اور اشرف وڑائچ نے 9966 ووٹ حاصل کئے۔
اس طرح کل 119 پولنگ سٹیشنوں پر پی ٹی آئی کے ناصر چیمہ 27529 ووٹ لے کر کامیاب قرار پائے۔ (ن) لیگ کے اشرف وڑائچ 26216 ووٹ لے سکے۔
لاہور، گوجرانوالہ، اسلام آباد سمیت ملک کے بعض علاقوں میں ہلکی بارش کا امکان
کراچی : پولیس کارروائی کے دوران غیر ملکیوں سمیت 7 ملزمان گرفتار
