گجرات (جی پی آئی) جمعیت اہلحدیث کے مرکزی رہنما سید الطاف الرحمن نے کہا ہے کہ ضرب عضب آپریشن کو جاری رہنا چاہئے کیونکہ ملکی سلامتی کیلئے یہ آپریشن نا گزیر ہے۔ وہ گزشتہ روز جامع مسجد اہلحدیث محلہ قاسم پورہ میں خطبہ جمعتہ المبارک میں خطاب کر رہے تھے۔ انہوںنے کہا کہ ضربِ عضب کو تنقید کا نشانہ بنانے والے سیاستدانوں کو چاہئے کہ وہ ملکی استحکام کی بات کریں۔ پاکستان سے دہشتگردی کا خاتمہ وقت کی اہم ترین ضرورت ہے۔ ہم چیف آف آرمی سٹاف جنرل راحیل شریف کو خراجِ تحسین پیش کرتے ہیں کہ وہ پاکستان کے استحکام اور دفاع کیلئے دن رات کوشاں جنگ لڑ رہے ہیں۔ دہشتگردوں کا کوئی مذہب نہیں ہے۔ ضربِ عضب کو سیاست کے نام پر استعمال نہیں ہونا چاہئے۔ ملک میں استحکام کیلئے تمام مسالک کو ملکر دہشتگردوں کے خاتمے کیلئے پاکستان آرمی اور حکومت کا ساتھ دینا چاہئے۔ اسلام رواداری اور محبت کا درس دیتا ہے۔ نبی پاک ۖ کے زمانہ میں عیسائی بھی مسجد نبوی میں عبادت کر سکتے تھے۔ مگر آج ایک مسلک دوسرے مسلک کو برداشت نہیں کرتا۔ ہمیں آپس میں اتحاد ‘ محبت اور یگانگت کو فروغ دینا ہو گا۔ تاکہ پاکستان کا دفاع مضبوط ہو سکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) حسینیہ ٹرسٹ گجرات کے ممبران نے پروفیسر سرفراز حسین جعفری کی قیادت میں بزم غلامان گھمول شریف کے زیر اہتمام ربیع الاول ریلی کا استقبال کیا اور تمام شرکاء جلوس کو عید میلاد النبی ۖ کی مبارکباد پیش کی۔ استقبال کرنے والوں میں سید الطاف کاظمی ‘ جواد حسین جعفری’ وقار الحسن ہیرا و دیگر شامل تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ممبر اسلامی نظریاتی کونسل صاحبزادہ پیر سید سعید احمد شاہ گجراتی نے کہا ہے کہ ربیع الاول میں پورے جہاں میں خوشیاں منائی جاتی ہیں۔ اور دنیا کا ہر ذی شعور اس موقع پر خوشی کا اظہار کرتا ہے اور بزم غلامان گھمکول شریف مبارکباد کے مستحق ہیں کہ انہوں نے نبی ۖ کی آمد کے موقع پر خوشی منائی اور شاندار موٹر سائیکل ریلی کا انعقاد کر کے عاشقان رسول ۖ میں اپنا نام لکھوایا۔ جو لوگ نبی پاک ۖ کا میلاد مناتے ہیں دنیا و آخرت میں اپنا مقام بناتے ہیں اور جو لوگ میلاد منانے کے انتظامات کرتے ہیں جلوسوں میں شرکت کرتے اور معاون بنتے ہیں وہ سب مبارکباد کے مستحق ہیں۔ پیر سید سعید احمد شاہ گجراتی نے کہا کہ ناظم اعلیٰ بزم گھمکول شریف چوہدری افتخار ملہی اور انکے ساتھیوں نے اس عظیم الشان موٹر سائیکل ریلی کے انتظامات کے سلسلہ میں دن رات کام کیا اور عاشقان رسول کو میلاد کی خوشیاں منانے کا موقع فراہم کیا۔ اس موقع پر انچارج غلامان گھمکول شریف چوہدری افتخار ملہی نے کہا کہ آستانہ عالیہ گھمکول شریف کی ہدایت پر صاحبزادہ پیر سید حبیب اللہ شاہ سجادہ نشین آستانہ عالیہ گھمکول شریف کی سرپرستی میں سال بھر مختلف تقریبات کا انعقاد کیا جاتا ہے اور میلاد النبی ۖ کے سلسلہ میں موٹر سائیکل ریلی کا انعقاد دو سال قبل کیا گیا اور اس روایت کو برقرار رکھتے ہوئے اس ریلی میں عاشقان رسول ۖ جوق در جوق شامل ہوتے ہیں۔ ہم ضلعی انتظامیہ کے بھی شکر گزار ہیں کہ انہوں نے ریلی کے سلسلہ میں ہمارے ساتھ بھر پور تعاون کیا۔ انہوں نے ریلی کے استقبال کرنے والے تمام افراد ‘ اور تنظیموں کا شکریہ ادا کیا۔ جنہوں نے جگہ جگہ ریلی کا استقبال کیا اور عاشقان رسول ۖپر پھول نچھاور کئے۔ اللہ تعالیٰ سب کو اس کا اجر عظیم عطا فرمائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) SHO تھانہ بی ڈویژن سید سجاد زیدی ‘ SHO اے ڈویژن عدنان شہزاد ‘ DSP ٹریفک میاں سہیل فاضل کی قیادت میں پولیس کے مسلح دستے بزم غلامان گھمول شریف کی ریلی میں ڈیوٹی سرانجام دیتے رہے۔ ایلیٹ فورس کے دستے بھی ریلی کے دوران تعینات رہے۔ بزم غلامان گھمول کے انچارج چوہدری افتخار ملہی نے سب کا فرداً فرداً شکریہ ادا کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) معروف گلوکارہ سائرہ ارشد نے سانحہ پشاور کے شہدائے کیلئے گیت ریلیز کردیا۔سائرہ ارشد نے سانحہ پشاور میں شہید ہونے والے طلبہ کو خراجِ عقیدت پیش کرنے کیلئے ویڈیو سانگ ”سلام ” ریلیز کر دیا۔ تقریب میں صدر لاہور پریس کلب ارشد انصاری ‘ گلوکارہ حمیرا ارشد’ فرحت عباس شاہ اور ویڈیو ڈائریکٹر ایاز چوہان’ قیصر شریف اور دیگر موجود تھے۔ انہوں نے میڈیا سے گفتگو کرتے ہوئے کہا کہ گزشتہ بس جب سانحہ پشاور تو میں اس وقت امریکا کے دورے پر تھی۔ میں بچوں کی قربانیوں اور انکی مائوں کے درد کو محسوس کرتے ہوئے اسی فیصلہ کر لیا تھا کہ ننھے منے شہداء کو خراجِ عقیدت پیش کرنے کیلئے اپنی خدمات پیش کروں گی۔ گیت کی ویڈیو کیلئے جب میں نے آئی ایس پی آر سے رابطہ کیا تو انہوں نے بھر پور تعاون کیا۔ جس کیلئے میں آئی ایس پی آر کی بے حد مشکور ہوں۔ انکا کہنا تھا کہ ڈائریکٹر نے ویڈیو کیلئے بہت محنت کی ہے ۔ میری کوشش ہے کہ آرمی پبلک سکول کے شہداء کی پہلی برسی پر سلام پیش کروں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) کرائم پروفائل گجرات پولیس سال 2015۔ضلع گجرات دو دریائوں کے درمیان بسنے کا خوبصورت ضلع ہے ۔یہا ں کے زیادہ تر لوگ بیرون ممالک مقیم ہیں ۔کچھ عرصہ سے ضلع گجرات کو دہشت گردی جیسے سنگین جرائم سے واسطہ پڑا ہوا ہے ۔اس کے علاوہ ضلع گجرات میں خاندانی دشمنیاں ہونے کی وجہ سے سینکڑوں افراد خاندانی دشمنی کی بھینٹ چڑھ چکے ہیں ۔اور قتل جیسے جرائم کی تعداد بڑھ گئی ۔سال 2015میں پولیس کی بہترین حکمت عملی کی وجہ سے لوگوں کو انصاف کا بروقت ملنا،مقدمات کی تفتیش میرٹ پر ہونا ،انسدادی کارروائی اور دوران تفتیش لوگوں کو اچھائی کی طرف مائل کرنا ۔ایسے اقدامات تھے جن کی وجہ سے پچھلے سال کی نسبت قتل و غارت کے مقدمات میں کافی حد تک کمی آئی۔
کمشنر کراچی انٹر کلب باسکٹ بال ٹورنا منٹ فائنل مرحلے میں داخل
ایدمنسٹریٹر قرة العین میمن کی ہدایت پر بلدیہ کورنگی نے مسیحی عبادت گاہوں اور بستیوں میں کرسمس کے حوالے سے بلدیاتی انتظامات کا آغاز کردیا
