گجرات (جی پی آئی) دی ایجوکیٹرز بارہ دری کیمپس سیکنڈری بوائز کی تقریب تقسیم انعامات آج صبح 9 بجے منعقد ہو گی۔ اس تقریب میں اہم شخصیات بطور مہمان خصوصی شریک ہونگی۔ تقریب میں سیکنڈری بوائز اور پری سکول کے طلبہ و طالبات میں انعامات تقسیم کئے جائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) گجرات میں ہلکی بوندا باندی سے موسم سرد ہو گیا۔ لوگوں نے گرم کپڑے اور کمبل دوبارہ نکال لئے۔ گزشتہ روز ہونے والی بارش نے ہوا میں سردی کی لہر کو دوڑا دیا۔ لوگ سردی کی وجہ سے گھروں میں ہی موسم سے لطف اندوز ہوتے رہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)انسانی مزاج کی قرینہ سازی اور معاشرہ میں برداشت اور میانہ روی کی تشکیل میں کھیل اہم کردار ادا کرتا ہے۔ کھیل کے میدان طلبا و طالبات کی کردار سازی میں معاون ثابت ہوتے ہیں ۔ کھیلوں کو زمانۂ قدیم سے ہی انسانی تہذیب کے ارتقاء میں نمایاں اہمیت حاصل رہی ہے۔ کھیلوں کے قوانین وضوابط کی پیروی طلبہ کی انفرادی شخصیت سازی اور انکے مزاج میں نظم و ضبط کو پروان چڑھاتی ہے۔ مجھے خوشی ہے کہ نواز شریف میڈیکل کالج کے طلبا و طالبات تے تین روزہ سپورٹس گالا میں بہترین کارکردگی کا مظاہر ہ کیا۔ کھیل ہمارے جسم کو چست و توانا اور ہمارے ذہن و دماغ کی جلا کا باعث بنتے ہیں۔ کھیل طلبا و طالبات کی شخصیت کی تکمیل میں اہم کردار ادا کرتے ہوئے انہیں زندگی گزارنے کے سلیقہ سے آگاہ کرتے ہیں۔ ایک تندرست و توانا جسم ایک صحت مند دماغ کا مالک ہوتا ہے۔ کھیل ایک ایسی ورزش ہے جو ہمیں مختلف جسمانی بیماریوں اور ذہنی عوارض سے بچائے رکھتی ہے۔ NSMCکے طلبہ بنیادی طور پر طب کے طالب علم اور مستقبل میں ہماری قوم کے معالج ہیں۔ ان میں کھیلوں جیسی فائدہ مند سرگرمیوں کا پروان چڑھانا ایک قابل قدر امر ہے۔ ان خیالات کا اظہار مہمان ِ خصوصی پرنسپل نواز شریف میڈیکل کالج پروفیسر ظفر اقبال گلِ نے جامعہ گجرات کے نواز شریف میڈیکل کالج کے زیر اہتمام منعقدہ سالانہ سپورٹس گالا2016ء کی تقریب تقسیم انعامات کے شرکاء سے خطاب کرتے ہوئے کیا۔ یہ سپورٹس گالا جامعہ گجرات میں جاری جشن بہاراں کے سلسلہ کی ایک کڑی تھا۔ اس سپورٹس گالا میںNSMCکی تمام کلاسوں کے طلبا و طالبات نے کرکٹ، فٹ بال، بیڈ منٹن، باسکٹ بال، ٹیبل ٹینس وغیرہ میں اپنی مہارت کے جوہر دکھاتے ہوئے ناظرین کو محظوظ کیا۔سپورٹس گالا میں کامیابی حاصل کرنے والے طلبا و طالبات میں انعامات بھی تقسیم کیے گئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) جامعہ گجرات میں دوسرے تین روزہUOGبُک فیئر2016کا انعقاد28سے30مارچ 2016ء کو ہو گا۔ دوسرے UOG بُک فیئر2016ء میں پاکستان بھر سے تقریباً60پبلشرز، بُک سیلرز اور بُک ڈسٹری بیوٹرز شرکت کر رہے ہیں۔ جامعہ گجرات میں منعقد ہونے والے اس بُک فیئر کا بنیادی مقصد طلبا و طالبات میں کتب دوستی اور کتب بینی کے شوق کو مضبوط کرنا اور ان کے ذوق مطالعہ کو مہمیز کرنا ہے۔ دوسرےUOGبُک فیئر کے کامیاب انعقاد کے لیے وائس چانسلر جامعہ گجرات پروفیسر ڈاکٹر ضیاء القیوم کی صدارت میں ایک کمیٹی تشکیل دے دی گئی ہے جس میں چیئرمین لائبریری کمیٹی ڈاکٹر محمد مشاہد انور، ڈائریکٹران جامعہ گجرات صاحبزادہ فیصل خورشید، محمد یعقوب، ڈاکٹر محمد فیصل مرزا اور شیخ عبدالرشید شامل ہیں۔ ترجمان جامعہ گجرات کے مطابق امسالUOGبُک فیئر2016ء کا انعقاد وسیع و عریض اکڈیمک بلاک لان میں کیا جائے گا۔ کتاب میلہ کے دوران اس بات کا خاص اہتمام کیا جائے گا کہ نمائش کی جانے والی تمام کتابیں طلبا و طالبات و اساتذہ کو رعایتی نرخوں پر دستیاب ہوں۔ جامعہ گجرات کا کتاب میلہ وقت کے ساتھ ساتھ یونیورسٹی کا ایک اہم ایونٹ بنتا جا رہا ہے اور اُمید کی جاتی ہے کہ آئندہ سالوں میں اس کتاب میلہ کو مزید وسعت دی جائے گی تاکہ طلبا و طالبات اور اساتذہ کو معیاری کتب ایک ہی جگہ پر بیک وقت میسر ہو سکیں اور اپنے شوق کتب کی آبیاری کے لیے انہیں زیادہ سے زیادہ مواقع میسر آ سکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ممتاز سماجی و سیاسی رہنما چوہدری نعمان علی آف معروف اور چوہدری شیراز احمد آف معروف نے گزشتہ روز مسلم لیگ کے مرکزی رہنما و سابق وفاقی وزیر چوہدری وجاہت حسین سے ان کی رہائشگاہ پر ملاقات کی اور تارکین وطن کے مسائل بتائے ۔چوہدری نعمان علی اور چوہدری شیراز احمد نے کہا کہ تارکین وطن خون پسینے کی کمائی وطن بھیجتے ہیں لیکن یہاں کاروباری مواقع نہیں اور تارکین وطن کو تحفظ نہیں ۔سیاسی جماعتیں مل کر تارکین وطن کے مسائل حل کرائیں جس سے ترسیلات زر میں اضافہ ہوگا ۔کیونکہ تارکین وطن جب خود کو محفوظ تصور کریں گے تو وہ سرمایہ وطن بھیجنے میں مزید تیزی لائیں گے ۔چوہدری وجاہت حسین نے چوہدری نعمان علی اور چوہدری شیراز احمد سے گفتگو کرتے ہوئے کہا کہ آپ کی تجاویز بہت اچھی ہیں ۔میں نے ہمیشہ تارکین وطن کو کہا ہے کہ وہ اپنی رقوم کو صرف گھر بنانے پر ہی نہ صرف کریں بلکہ کاروبار میں لگائیں تاکہ روزگار کے مواقع بھی پیدا ہوں اور آمدنی میں بھی اضافہ ہو۔انہوں نے کہا کہ این اے 104میں صنعتیں بہت کم ہیں اور مقامی طور پر روزگار کے مواقع بھی بہت کم ہیں اس لئے تارکین وطن اپنے سرمائے کو کاروبار میں لگائیں ۔ انہوں نے کہا کہ این اے 104زرعی علاقہ ہے جہاں صنعتوں کے لئے زرعی اجناس وافر مل سکتی ہیں جن سے تارکین وطن کو فائدہ اٹھانا چاہئے ۔چوہدری نعمان علی اور چوہدری شیراز احمد چوہدری ظہور الٰہی ہائوس پہنچے تو مسلم لیگ کے مرکزی رہنما چوہدری حسین الٰہی نے ان کو خوش آمدید کہا۔چوہدری وجاہت حسین نے چوہدری نعمان علی اور چوہدری شیراز احمد کے اعزاز میں ظہرانہ بھی دیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) یوم پاکستان کے سلسلہ میں ڈسٹرکٹ سپورٹس آفس گجرات کے زیر اہتمام ویمن انٹر کالجز بیڈ منٹن ٹورنامنٹ کا انعقاد کیا گیا۔ گجرات جمنازیم میں ہونے والے اس ٹورنامنٹ کے مہمان خصوصی اے ڈی سی جی عرفان علی کاٹھیا ‘ ڈسٹرکٹ سپورٹس آفیسر ندیم حسین بٹ’ TMO خرم ترہنگی تھے۔ اس موقع پر اظہارِ خیال کرتے ہوئے ADCG عرفان کاٹھیا نے کہا کہ یوم پاکستان کے موقع پر کھیلوں کے فروغ کیلئے ڈی ایس او کی کاوشیں قابل تحسین ہیں۔ انٹر کالجز ٹورنامنٹ میں گجرات کے مختلف کالجوں کی ٹیموں نے حصہ لیا جس کیلئے ہم ڈسٹرکٹ سپورٹس آفیسر ندیم بٹ کو مبارکباد پیش کرتے ہیں۔ انہوں نے گجرات کے عوام کے دل جیت لئے ہیں۔ ممتاز سماجی شخصیت رانا ثاقب مشرف ناز نے کہا کہ آج ہر طرف ڈسٹرکٹ سپورٹس آفیسر کی کاوشوں کی وجہ سے کھیلوں کے فروغ کیلئے کام ہو رہا ہے۔ جس کیلئے ہم انہیں خراجِ تحسین پیش کرتے ہیں۔ TMO خرم ترہنگی نے کہا کہ کھیلوں کا فروغ وقت کی اہم ضرورت ہے۔ سیکرٹری جم خانہ عدنان خان نے کہا کہ کھیلو ں کے فروغ کے سلسلہ میں ہونے والی کاوشیں قابل تحسین ہیں۔ اس موقع پر کھلاڑیوں میں انعامات تقسیم کئے گئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) میڈیکل اسپشلسٹ ڈاکٹر سید بابر حسنین کی سربراہی میں جناب سیدہ علیہ السلام میڈیکل کمپلیکس کھیپڑانوالہ شریف میں ٹی بی ڈاٹس پروگرام کے زیر اہتمام ٹی بی کے مریضوں کے علاج کیلئے میڈیکل کیمپ لگایا گیا۔ جس میں ڈاکٹر اعتزاز بشیر چوہدری’ ڈاکٹر محمد اکرم نذیر اور منور حسین CHO نے مریضوں کو چیک کیا اور ٹیسٹ بھی کئے گئے۔ جبکہ مریضوں کو فری ادویات بھی فراہم کی گئیں۔ صاحبزادہ سید فیضان الحسن بخاری قادری نے کیمپ کا افتتاح کیا اور دعا کرائی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ضلع گجرات کے ممتاز تعلیمی ادارے دی ایجوکیٹرز بارہ دری کیمپس کا 14 واں سالانہ جلسہ تقریب تقسیم انعامات منعقد ہوا۔ جس کی صدارت ڈائریکٹر دی ایجوکیٹرز شہزاد شفیق شرقپوری نے کی۔ جبکہ مہمان خصوصی ڈین یونیورسٹی آف گجرات ڈاکٹر فہیم ملک ‘ سابق ایم پی اے قمر عامر چوہدری’ چیئرمین آل پاکستان پرائیویٹ سکولز مینجمنٹ ایسوسی ایشن سید ممتاز شاہ’ سینٹرل کوارڈی نیٹر دی ایجوکیٹرز ہیڈ کوارٹر طلعت جبران’ ڈسٹرکٹ سپورٹس آفیسر ندیم حسین بٹ’ سعودی کی ممتاز شخصیت ساجد محمود ڈار’ ممتاز صحافی محمود اختر’ شہباز اے چوہدری’ ڈاکٹر رزاق احمد غفاری’ وائس پریذیڈنٹ نیشنل بنک آف پاکستان تنویر احمد’ علی رضا سہیل ‘ چوہدری نجیب محکمہ سوئی گیس’ سابق صدر بار چوہدری رخسار احمد’ رانا ثاقب مشرف ‘ خالد چوہدری و دیگر موجود تھے۔ اس موقع پر بچوں میں انعامات تقسیم کئے گئے۔ بچوں نے مختلف خاکے بھی پیش کئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) بچے قوم کا قیمتی اثاثہ ہیں’ اور ان بچوں کی بہترین تعلیم و تربیت ہماری ذمہ داری ہے’ ان خیالات کا اظہار ڈین یونیورسٹی آف گجرات ڈاکٹر فہیم ملک دی ایجوکیٹرز بارہ دری کیمپس میں تقریب تقسیم انعامات کے دوران کیا۔ انہوں نے کہا کہ جہاں پر بچوں کی تعلیم و تربیت کے سلسلہ میں ٹیچرز سکول میں اپنا کردار ادا کرتے ہیں وہیں والدین کا بھی فرض ہے کہ وہ بچوں کی تعلیم کے سلسلہ میں تعاون کریں۔ کیونکہ جب تک والدین کا تعاون نہیں ہو گا۔ بچے تعلیمی حوالے سے ترقی نہیں کر سکتے۔ اچھے ٹیچرز ہمیشہ والدین کے تعاون سے بچوں کو تعلیم دیتے ہیں۔ سابق MPA قمر عامر چوہدری نے کہا کہ بچوں کی تعلیم و تربیت کے حوالہ سے شہزاد شفیق نقشبندی کا کردار قابل تحسین ہے۔ وہ بچوں میں جدید طریقہ سے تعلیم کے فروغ کیلئے کام کرتے ہیں۔ اور میں جب بھی یہاں آتی ہوں کچھ نہ کچھ نیا ملتا ہے۔ سید ممتاز حسین شاہ چیئرمین آل پاکستان پرائیویٹ سکولز مینجمنٹ ایسوسی ایشن نے کہا کہ بلا شبہ دی ایجوکیٹرز بارہ دری کیمپس کی کاوشیں قابل تحسین ہیں۔ اساتذہ کی بہترین صلاحیتوں کی بدولت بچے ہر میدان میں ٹاپ کر رہے ہیں۔ ڈسٹرکٹ سپورٹس آفیسر ندیم حسین بٹ نے کہا کہ بچوں کی تعلیم و تربیت کے حوالہ سے وقتی فیصلے اہم ہوتے ہیں۔ اور شہزاد شفیق اور انکی ٹیم بچوں کی صلاحیتوں کو اجاگر کرنے کیلئے مثبت فیصلے کرتے ہیں۔ ڈائریکٹر دی ایجوکیٹرز بارہ دری کیمپس شہزاد شفیق شرقپوری نے کہا کہ 14 سال قبل 2002ء میں ایک چھوٹا سا پودا لگایا گیا جو آج دی ایجوکیٹرز بارہ دری کیمپس کے بچے بڑے بڑے تعلیمی اداروں میں اپنے ادارہ کا نام روشن کر رہے ہیں۔ بورڈز میں پوزیشنز حاصل کر رہے ہیں۔ ہم بچوں کی بنیاد کو بہتر بنانے کیلئے کام کرتے ہیں۔ یہ واحد ادارہ ہے جو 2002ء سے CCTV مانیٹرنگ ‘ جدید ترین سیکورٹی آلات کیساتھ کام کر رہا ہے۔ اساتذہ کی تربیت کی جانب توجہ دیتے ہیں۔ شعبہ حفظ کے بانی ہیں۔ ہمیں دیکھ کر دیگر ادارے بھی شعبہ حفظ شروع کر رہے ہیں۔ میڈیکل اور سائیکالوجی کے ماہرین بھی بچوں کے مدد کیلئے کام کر رہے ہیں۔ تدریس شعبہ پیغمبری ہے اور اسے کاروباری کی بجائے عبادت سمجھ کر کام کر نے والے ہمیشہ کامیاب رہتے ہیں۔ اور میں فخر سے کہتا ہے کہ اس ادارے میں ایک ہزار سے زائد طلبہ و طالبات بالکل فری تعلیم حاصل کر رہے ہیں جبکہ 107 یتیم بچوں کو کتابیں’ یونیفارم اور پاکٹ منی بھی سکول کی جانب سے فراہم کی جاتی ہے۔ دی ایجوکیٹرز ہیڈ کوارٹر کی رہنمائی میں ہم کام کر رہے ہیں اور طلبہ کی مزید خدمت کیلئے کام کرتے رہیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) معروف سرجن ڈاکٹر طاہر رشید نے بھمبر روڈ ہیلتھ پلس ڈائیگناسٹک اینڈامیجنگ سنٹر کا وزت کیا جبکہ اس موقع پرا مینیجنگ ڈئرایکٹر عزیز الحسن اور وقاص سلیم ڈار نے پولی کلینک ہسپتال کہ انچارج و معروف سرجن ڈاکٹر طاہر رشیدکوہیلتھ پلس ڈائیگناسٹک میں لگائی گئی جدید ترین مشینر ی جی .ای .اوپن .ایم آر آئی ،ملٹی سلائس سی ٹی سکین ،ڈیجیٹل کمپیوٹر ازڈایکسرے /سپیشل پروسیجرز،تھری ڈی الٹراساؤنڈ /کلرڈوپلر،سپیشل کمسٹری ہارمونز/کلینکل لیبارٹری اورفلی آٹومیٹڈرئیل ٹائم پی سی آر ، کے بارے بریف کیااوربتایا کہ ضلع گجرات کی تاریخ میں یہ پہلا ہیلتھ پلس ڈائیگناسٹک اینڈامیجنگ سنٹر قائم ہوا ہے جہاں پر ایک ہی چھت نیچے اور ماہر ریڈیالوجسٹ پیتھالوجسٹ ڈاکٹر زکی زیر نگرانی مریضوںکیلئے سہولیات مہیاکرے گاانہوں نے بریف کرتے ہوئے بتایا ہے کہ اب مریضوںکو دوسرے بڑے شہروں میں جانے کی ضرورت نہیںاب اُن کے تمام چیک اپ گجرات میںہی جدیدترین مشینری سے کیے جائے گئے جبکہ پولی کلینک ہسپتال کہ انچارج و معروف سرجن ڈاکٹر طاہر رشیدنے اپنے خیالات کا اظہار کرتے ہوئے کہاکہ گجرات کی عوام کیلئے یہ بہت بڑی خوشی کی بات ہیںکہ انہیں اب گجرات میںجدیدترین مشینری اورماہر ریڈیالوجسٹ پیتھالوجسٹ ڈاکٹر زملے گئے جوکہ مریضوں میں سہولیات فراہم کریں گئے جبکہ اس کے قیام پر امرجنسی صورت میں مریضوںکیلئے دور دراز شہروں کے فاصلے بھی اب کم ہوجائے گئے اور انہوں نے کہا کہ ہم بھمبرروڈپر ہیلتھ پلس ڈائیگناسٹک اینڈامیجنگ سنٹر کے قیام پرا مینیجنگ ڈائریکٹر عزیز الحسن، وقاص سلیم ڈار اور ان کی پوری ٹیم کو مبارک باد ددیتے ہیںجبکہ انہوں نے آخر میں کہا کہ گجرات کی تاریخ میں یہ پہلا ہیلتھ پلس ڈائیگناسٹک اینڈامیجنگ سنٹرقائم ہوا ہیں جہاں مریضوں کیلئے جدیدترین مشینری کا استعمال لیا گیا ہے جو گجرات کیلئے فخرکی بات ہیں اور ہم ان کیلئے دعا گو ہیں کہ اللہ تعالیٰ انہیں کامیابی دیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) حکومت پنجاب کی یہ خواہش ہے کہ بھٹہ مالکان اور بھٹہ مزدوروں کی نمائندہ تنظیموں کے ساتھ باہمی مشاورت کر کے بھٹہ خشت پر چائلڈ لیبرکے خاتمہ کا ایک ایسا جامع قانون بنایا جائے جس پر کسی کو کوئی اعتراض نہ ہو۔ اور بھٹہ خشت پر کام کرنے والے محنت کشوں کے بچے بھی زیور تعلیم سے آراستہ ہو کر معاشرہ میں اپنا مقام پیدا کر سکیں۔ ان خیالات کا اظہار صوبائی وزیر محنت راجہ اشفاق سرور نے گزشتہ روز سٹینڈنگ کمیٹی برائے بھٹہ لیبر میں کیا۔ سٹینڈنگ کمیٹی کا اجلاس ظفر اقبال ناگرہ ایم پی اے کی زیر صدرارت صوبائی اسمبلی کی عمارت کے کمیٹی روم ( اے) میں منعقد ہوا۔ اس اجلاس میں بھٹہ مالکان کی نمائندگی بھٹہ مالکان ایسوسی ایشن پاکستان کے صدر شعیب خان نیازی ، جنرل سیکرٹری مہر عبدالحق نے کی جبکہ پنجاب بھر کے بھٹہ مزدوروں کی نمائندگی آل پاکستان فیڈریشن آف یونائٹیڈ ٹریڈ یونینز کے سیکر ٹری جنرل پیرزادہ امتیاز سید ، بانڈڈ لیبر لبریشن فرنٹ کی لیڈر سیدہ غلام فاطمہ اور متحدہ لیبر فیڈریشن کے جنرل سیکرٹری محمد حنیف رامے نے کی۔ بھٹہ مالکان کی ایسوسی ایشن کے صدر شعیب نیازی نے کمیٹی کو تجاویز دیں کہ چائلڈ لیبر کا قانون 1991 ء سے موجود ہے نیا قانون بنانے کی کوئی ضرورت نہ ہے۔ سال2014ء سے بچوں کی تعلیم کا قانون موجود ہے حکومت نیا قانون نہ بنائے۔ بچے اپنے والدین کے ساتھ بھٹوں پر رہتے ہیں لہذا انکو چائلڈ لیبر نہ کہا جائے۔ بھٹہ مزدوروں کے بچوں کی عمر کا تعین کرنے کے کاغذات بنوانا بھٹہ مالکان کی ذمہ داری نہ ہے۔ بھٹوں کو سیل کرنا ایک ظالمانہ اقدام ہے۔ 2016ء کے آرڈیننس کو ناقابل دست اندازی پولیس بنایا جائے۔ پیس ریٹ کام کرنے کا فائدہ بچوں کے والدین کو ہوتا ہے۔ اجرتوں کا تعین کرنے کے لئے ہر ضلع کی سطح پر منیمم ویجز بورڈ تشکیل دئے جائیں۔اور بھٹہ مالکان کو پیشگی کے سلسلہ میں تحریری معائدہ منظور ہے ، نیز بھٹہ مالکان کی پیشگی کو قانونی تحفظ فراہم کیا جائے۔ بعد ازاں بھٹہ مزدوروں کی نمائندگی کرتے ہوئے مزدور راہنما پیرزادہ امتیاز سید نے کہا کہ پاکستان مسلم لیگ (ن)کی حکومت نے پہلے 1992ء بانڈڈ لیبر سسٹم ابالیشن ایکٹ بنایا تھا۔ جو اٹھارویں ترمیم کے بعد صوبائی حکومت نے 2012ء میں اڈاپٹ کیا یعنی اس قانون کو اپنایا۔ اس قانون کی دفعہ 4 کے تحت پیشگی سسٹم کو غیر قانونی قرار دیا گیا۔ اس سے قبل 1988 ء کے ماہ ستمبرمیں سپریم کورٹ نے درشن مسیح بنام سٹیٹ کا فیصلہ دیا جس میں پیشگی کو جبری مشقت کی جڑ قرار دیا گیا۔ بعد ازاں بھٹہ مالکان نے نیشنل شرعی عدالت میں اپیل کی جس پر فیصلہ کیا گیا کہ یہ سپریم کورٹ کا فیصلہ درست ہے اور یہ قران و سنت کے ہر گز خلاف نہ ہے۔ لہذا ہمارامطالبہ ہے کہ پیشگی دینے کے نظام کو ہر گز قانونی تحفظ نہ دیا جائے۔ ملک میں بھٹہ مزدور پہلے ہی حبس بے جا میں ہیں ۔ اور آج کل بھٹہ مالکان بھٹہ مزدوروں کو ہفتہ وار خرچہ بھی نہیں دے رہے۔ اگر پیشگی کوقانونی تحفظ فراہم کر دیا گیا تو بھٹہ مالکان پہلے سے زیادہ جبر اور تششدد مزدوروں پر شروع کر دیں گے۔ نیز جبری مشقت اور حبس بے جا میں رکھنے میں اضافہ ہو جائے گا۔ بھٹہ مالکان کو پابند کیا جائے بلکہ ان سے تحریری اقرار نامہ لیا جائے کہ وہ منیمم ویجز بورڈ پنجاب کی جانب سے مقرر کردہ اجرت ریٹ مبلغ 962/- ادا کرنے کے پابند ہو جائیں گے۔ انہوں نے کہا کہ اگر حکومت نے ہر صورت میں بھٹہ مالکان کی پیشگیوں کو تحفظ فراہم کرنا ہے تو ہمیں گزشتہ 26 سالوں کی کم جو اجرت ادا کی گئی ہے وہ لیکر دی جائے وہ ہمارے مزدوروں کا قانونی حق ہے۔ بی ایل ایل ایف کی لیڈڑ سیدہ غلام فاظمہ نے کہا کہ نئے قانون میں جو بھی کمیٹیاں بنائی جائیں ان میں بھٹہ مالکان اور بھٹہ مزدوروں کی نمائندہ تنظیموں کو بھی شامل کیا جائے۔ پیرزادہ امتیاز سید نے کہا کہ اس بات کی سمجھ نہیں آ رہی کی اس آرڈینینس میں درج کیا گیا ہے کہ حکومت جس کو چاہے گی اسکو انسپکٹر مقرر کرے گی۔ مگر ہم کہتے ہیں کہ یہ سارا کیس اور قانون ہی لیبر کا ہے۔ لہذا محکمہ لیبر کے ڈسٹرکٹ آفیسرز کو انسپکٹرز کے اختیارات دئے جائیں۔ اس موقع پر متحدہ لیبر فیڈریشن کے جنرل سیکریٹری محمد حنف رامے نے تجاویز پیش کیں ۔ جن بھٹہ مزدوروں کے پاس شناختی کارڈز اور انکے بچوں کے فارم ( ب) نہیں ہیں انکو وارننگ جاری کی جائے کہ وہ 3ماہ کے اندر اندر اپنے اور اپنے بچوں کے شناختی کارڈز بنوا لیں۔ دوسرا یہ کہ جب بھٹہ مالکان لیبر کے ساتھ کام کرنے کا معائدہ کریں تو وہ بھٹہ مزدوروں سے انکے اور انکے بال بچوں کے شناختی کارڈز اور فارم ( ب) کی تصدیق کر لیں ۔ اگر وہ مکمل ہوں تو کام پر لگائیں وگرنہ وہ ہر گز انکو کام پر نہ لگائیں۔ تینوں مزدور راہنماوں نے یہ تجویز بھی دی کہ جب بھٹہ مالک بھٹہ مزدور کے ساتھ کام کرنے کا معائدہ کرے تو بھٹہ مالکان ایسوسی ایشن ، محکمہ لیبر اور بھٹہ مزدوروں کی نمائندہ تنظیم کے عہدے دار کے بطور گواہ دستخط کروائے جائیں ۔ تاکہ بھٹہ مالک اور بھٹہ مزدور کے مابین بعد میں کسی قسم کا کوئی جھگڑا پیدا نہ ہو۔انہوں نے یہ بھی کہا کہ جتنی جلدی ممکن ہو بھٹہ مزدوروں کے سوشل سکیورٹی اور بڑھاپے کے کارڈ جاری کئے جاہیں۔ اس موقع پر مزدور راہنماوں نے کمیٹی کے روبرو یہ بات بھی واضع کر دی کہ بھٹہ مزدوروں کے ذمہ سابقہ سب پیشگیاں بانڈڈ لیبر سسٹم ابالیشن ایکٹ کے تحت معاف ہیں۔ اور بھٹہ مالکان وہ پیشگیاں لینے کے ہر گز حقدار نہ ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) وفاقی محتسب اعلیٰ کے سینئر ایڈوائزز ملک محمد اقبال اور ڈائریکٹر محمد رمضان نے کہا ہے کہ گوجرانوالہ میں محتسب سیل کے قیام سے لوگوں کو انصاف کے حصول کیلئے محکموں کے چکر لگانے سے نجات ملی ہے۔انہوں نے کہا کہ وفاقی محتسب اعلیٰ محمد سلمان فاروقی (ستارہ امتیاز)کی ہدایات کی روشنی میں ضلعی سطح دفاتر کے قیام کے ثمرات حاصل ہونا شروع ہو گئے ہیں۔انہوں نے کہاکہ ابتدائی طور پر ضلعی سطح پر شکایات نمٹانے کا یہ سلسلہ03ماہ کیلئے شروع کیا گیا تھا تاہم اس تجربہ کے حوصلہ افزا نتائج برآمد ہوئے ہیں اور توقع ہے کہ ضلعی سطح پر مستقل دفاتر قائم کر دئیے جائیں گے یا اس سلسلہ کوہی مزید توسیع دے دی جائیگی تاہم اس بات کا حتمی فیصلہ وفاتی محتسب اعلی ٰ کی طرف سے3ماہ کی کارکردگی کے جائزہ اجلاس کے بعد ہی کیا جائیگا۔گوجرانوالہ الیکٹرک پاور کمپنی (گیپکو ) کے بجلی چوروں کے خلاف جاری گرینڈ آپریشن کے دوران مزید 8بجلی چور پکڑے گئے، 4کے خلاف ایف آئی آر درج،میٹر ٹمپرنگ اور ڈائریکٹ کنڈے ڈال کر بجلی چوری کرنے والوں کو21146یونٹس کی مد میں2 لاکھ64ہزارروپے سے زائد کے ڈیٹیکشن بِل جاری۔تفصیلات کے مطابق ریجن بھر میں بجلی چوروں کے خلاف جاری آپریشن کے دوران مختلف حربوں سے بجلی چوری کرتے ہوئے پکڑے جانے والوں میںسردار عبدالحفیظ (حویلی ہنجراواہ)، محمد صادق (بیگ پور)، عمران ظفر ولد محمد ظفر (جوگی والا)، محمد جاوید ولد محمد صدیق(رشید کالونی)، غلام حسین، محمد افضل( کوٹلی پیر احمد شاہ)، بشیر ولد محمد شریف(اڈا پیرانوالی) اور ریاست علی ولد نذر محمد (اڈا پیرانوالی)کے نام شامل ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ڈی سی او لیاقت علی چٹھہ نے کہا ہے کہ سپیشل افراد کوتعلیم و تربیت کے بہتر مواقع کی فراہمی سے انہیں عام افراد کی طرح بہتر طریقے سے زندگی گذارنے کے قابل بنایا جا سکتا ہے، معاشرے کو اجتماعی طور پر ذمہ داری نبھاتے ہوئے خصوصی بچوں کو تعلیمی اداروں تک لانا ہوگا۔ ان خیالا ت کا اظہار انہوں نے گورنمنٹ سپیشل ایجوکیشن سنٹر لالہ موسیٰ میں سالانہ تقریب تقسیم انعامات سے خطاب کرتے ہوئے کیا، ایم پی ایز چوہدری اشرف دیونہ، چوہدری شبیر احمد، ڈاکٹر اعجاز بشیر نے بھی اظہار خیال کیاجبکہ ایم پی اے چوہدری تنویر احمد، ای ڈی او کمیونٹی ڈویلپمنٹ چوہدری اصغر، لالہ جی سعید اقبال ،پرنسپل سکول اور ویلفیئر کمیٹی کے ممبران ، اساتذہ کرام اور طلبہ و طالبات بھی اس موقع پر موجود تھے۔ ڈی سی او لیاقت علی چٹھہ نے کہا کہ ضلع گجرات میں خصوصی بچوں کے تعلیمی اداروں کی تمام تر ضروریات پوری کرنے کی کوشش کی جارہی ہے، خصوصا تعلیمی اداروں میں بہتر سہولیات کی فراہمی ، پک اینڈ ڈراپ کے لئے ٹرانسپورٹ کی فراہمی سمیت ان اداروں کی ہر ضرورت کوپورا کیا جاتاہے۔ انہوں نے کہا کہ گجرات میں خصوصی بچوں کے تعلیمی ادارے پنجاب بھر کے لئے ماڈل بن چکے ہیں جہاں خصوصی بچوں کو پک اینڈ ڈراپ، مفت کتابیں ، یونیفارم، ماہانہ 800روپے وظیفہ دیا جاتاہے ۔ انہوں نے اس امر پر اطمینان کا اظہار کیا کہ سپشل ایجوکیشن سنٹرز میںطلبہ کی تعداد میں اضافہ ہوا ہے تاہم انکا کہنا تھا کہ اب بھی بڑی تعداد میں بچے گھروں تک محدود ہیں جنہیں تعلیمی اداروں تک لانا ہوگا۔ انہوںنے بہترین کارکردگی پر گورنمنٹ سپشل ایجوکیشن سنٹر لالہ موسیٰ کے اساتذہ کو اضافی تنخواہ دینے اور طلبہ کو اپریل میں تفریحی دورے پر بھجوانے کا بھی اعلان کیا۔ ایم پی ایز چوہدری اشرف دیونہ اور چوہدری شبیر احمد نے کہا کہ خصوصی بچے ملک کا سرمایہ ہیں جنہیں قدرت نے بہترین صلاحیتوں سے نوازا ہے تاہم ان کی صلاحیتوں کو نکھارنے کے لئے مواقع فراہم کرنا ہیں۔ انہوںنے کہا کہ خصوصی بچے خصوصی صلاحیتوں کے حامل ہیں اور حکومت کی کوشش ہے کہ ان بچوں کو تعلیم و تربیت کے ایسے مواقع فراہم کئے جائیں کہ ترقی کے سفر میں وہ ہمارے شانہ بشانہ ہوں ۔ انہوںنے کہا کہ حکومت، منتخب نمائندے اور ضلعی انتظامیہ جس طرح تعمیر و ترقی کے لئے کام کر رہی ہے اسی طرح خصوصی بچوں کی تعلیم و تربیت اور انہیں سہولیات کی فراہمی کے لئے بھی اقدامات جاری رہیں گے۔ اس سے قبل ڈی سی او لیاقت علی چٹھہ، ارکان اسمبلی چوہدری اشرف دیونہ، چوہدری شبیر احمد ، چوہدری تنویر احمد و دیگر نے بہتر کارکردگی کا مظاہرہ کرنیوالے طلبہ و طالبات کو انعامات سے نوازا ۔ تقریب میں طلبہ و طالبات نے ٹیبلوز بھی پیش کئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) اسسٹنٹ کمشنر /ایڈمنسٹریٹر ٹی ایم اے سرائے عالمگیرشعیب نسوانہ کے مطابق موسم کی خرابی کے پیش نظر 25سے27مارچ تک پبی فارسٹ پارک میں جشن بہاراں فیملی گالا ملتوی کر دیا گیا ہے اب یہ پروگرام یکم اپریل سے 3اپریل کو ہوگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لالہ موسیٰ(جی پی آئی) لالہ موسیٰ کے شہریوں نے بچوں کے سنہرے مستقبل کیلئے ڈوثیرنل پبلک سکول(DPS) کارخ کر لیا داخلہ کیلئے مقرر کردہ ہدف سے30فیصد زائد درخواستیں وصول عوام کی طرف سےDPSسکول کو ملنے والی پزیرائی نے ثابت کرد یا کہ لالہ موسیٰ کے عوام اپنے بچوں کو بہتر تعلیم دلوانے کے خواہاں ہیں بہترین معیاراور پاکستان کے نامور سکول میں داخلہ کیلئے والدین نے شفارشیں کروانا شروع کر دی ہیںDPSانتظامیہ نے بچوں کیلئے داخلہ ٹیسٹ اور مقررہ معیار پر پورا اترنے والے امیدواروں کو ہی داخلہ دینے کا فیصلہ کیا ہے یہ بات بھی قابل ذکر ہے کہDPSسکول میں داخلہ شروع ہوتے ہی لالہ موسیٰ کے دو صف اول کے نجی سکولوں کی ساکھ شدید متاثر ہوئی ہے اور DPSسکول میں داخلہ کی درخواستیں دینے والے70طلباء کا تعلق ان ہی دونوں سکولوں کی ہے اس سلسلہ میں ڈاکٹر آصف محمود نے میڈیا کو بتایا کہ DPSسکول کی بورڈ آف گورنرز نے سکول کی بڑھتی ہوئی مقبولیت کے پیش نظر نرسری کے تین سیکشن بنانے کا فیصلہ ہے جس کیلئے سکول میں ہی موجود ایک عمارت کی رینوویشن کے احکامات جاری کر دئیے ہیں۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لالہ موسیٰ(جی پی آئی) عبدالرحمن طارق صدر پریس کلب لالہ موسیٰ ناصر محمود ناصر جنرل سیکرٹری نے باہمی مشاورت سے پریس کلب لالہ موسیٰ 2016کی کابینہ کا اعلان کر دیا سرپرست اعلی چوہدری محمد سرور(روزنامہ جذبہ)سرپرست افتخار احمد زرگر(روزنامہ پاکستان)چیئرمین محمدیاسین بٹ(روزنامہ سات سمندر پار) وائس چیئرمین افضال گھمن(انڈس نیوز،روز نامہ احتساب ایکسپریس) سینئر نائب صدر ملک اسدعلی(کوئیک نیوز)نائب صدور۔ مرزا شفاقت علی(روزنامہ شانہ بشانہ) فرحان بیگ(روز نامہ احتساب ایکسپریس) جاوید اقبال(اپنا نیوز)جوائنٹ سیکرٹری عثمان طارق(کوئیک نیوز)فنانس سیکرٹری نوید کھوکھر(روز نامہ آئینہ گجرات) اور چیئرمین مجلس عاملہ ڈاکٹر جمال الدین(روزنامہ خبریں) ممبران مجلس عاملہ میں چوہدری حامد اشرفی(روزنامہ گجرات ٹائمز)ڈاکٹر عبدالمنان بٹ(روزنامہ چیلنج انٹر نیشنل)محبوب الہی بٹ(روز نامہ گجرات ٹائمز) ممبران میں حاجی عبدالغفار(روز نامہ جذبہ)ڈاکٹر ذوالفقار احمد(روزنامہ دن)نصراللہ مجید(روزنامہ ایکسپریس)علی شیخ،محمد حنیف بٹ،عبدالحمید مغل،مہر الیاس قادری شامل ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) سینئر صحافی قاری غلام شبیر شاہد کے ہاں بیٹے کی ولادت پر کھاریاں پریس کلب کے ممبران کی جانب سے مبارکباد۔ بیٹے کی عمر دراز صحت یابی کے لئے خصوصی دعا۔ مبارک باد دینے والوں میں صدر کھاریاں پریس کلب حاجی عبدالرئوف، جنرل سیکرٹری آفتاب احمد نذر، فنانس سیکرٹری جبار ساگر، نصراللہ چوہدری ایڈووکیٹ، انعام مرزا، چوہدری محمد یوسف سونو، سید تنویر نقوی، عبدالعزیز گوندل، اعجاز مرزا، حافظ محمد عمران خلجی، شہزاد احمد، عزیز الرحمن مجاہد، زمان احسن، نیئر صدیقی، لیاقت قادری، میاں محمد صفدر، ڈاکٹر ذکاء اللہ صدیق، مرید حسین جعفری، امجدحسین امجد، محفوظ احمد بٹ، ایم عمر، جبران سعید سمیت دیگر شامل ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) پاکستان کی ترقی اور خوشحالی کے لئے صالح قیادت کی ضرورت ہے غریب آدمی آج بھی انصاف کے حصول کے لئے دربدر ٹھوکریں کھا رہے ہیں اس ظالمانہ نظام کے خاتمے اور عدل و انصاف کے قیام کے لئے جماعت اسلامی جدوجہد کر رہی ہے فری کرپشن پاکستان مہم میں قوم بڑھ چڑھ کر حصہ لے رہی ہے اور لوگ کرپٹ نظام سے چھٹکارا چاہتے ہیں ان خیالات کا اظہار جماعت اسلامی ضلع گجرات کے نائب امیر سید ضیاء اللہ شاہ ایڈووکیٹ نے کیا۔ انہوں نے کہا کہ ملکی ترقی اور خوشحالی کے لئے بیرونی قرضوں کی نہیں بلکہ خوف خدا رکھنے والی ایماندار اور صالح قیادت کی ضرورت ہے جماعت اسلامی اس ظالمانہ نظام کے خلاف جدوجہد کر رہی ہے اور ایسے معاشرے کے قیام کے لئے کوشاں ہے جس میں غریب آدمی کے لئے تعلیم صحت اور انصاف کا حصول آسان ہو۔ انہوں نے کہا کہ جماعت اسلامی کے زیر اہتمام فری کرپشن پاکستان مہم سے قوم میں بیداری پیدا ہوئی ہے انشاء اللہ سراج الحق کی قیادت میں پاکستان اسلامی اور فلاحی مملکت بنے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) راہنما مسلم لیگ(ن) حاجی محمد اسلم خان نے گذشتہ روز صحافیوں سے گفتگو کرتے ہوئے کہا کہ ہم نے پہلی دفعہ کھاریاں میں ریکارڈ ترقیاتی کاموں کا آغاز کیا ہے کھاریاں کے عوام کے تمام دیرینہ مسائل کا خاتمہ اوّلین ترجیح ہے کھاریاں میں کوٹلہ برادران کی وساطت سے فیملی پارک کی تعمیر کا آغاز ہو چکا ہے جبکہ عنقریب اسٹیڈیم کا بھی کام شروع کریں گے جبکہ سروس روڈ کی منظوری بھی آخری مراحل میں ہے مسلم لیگ(ن) نے کھاریاں میں تعمیری سیاست کو فروغ دیا ہے اور شہر کے گلی محلوں میں تعمیراتی کام بھی شروع ہیں ہم نے جھوٹی اور وعدوں کی سیاست نہیں کی بلکہ عملی طور پر ترقیاتی کام اور عوامی فلاح بہبودکے لئے کام شروع کرائے ہیں اللہ کے فضل سے آئندہ دو سالوں میں پارک، اسٹیڈیم اور سروس روڈ مکمل ہو گی حاجی محمد اسلم خان نے کہا کہ وارڈ نمبر5میں عوام مسلم لیگ(ن) کے امیدوار چوہدری راشد محمود کو کامیاب بنائیں چوہدری عابد رضا نے کھاریاں کے عوام کے ساتھ وفا کا رشتہ نبھایا ہے انشاء اللہ مزید ترقیاتی منصوبہ جات کو شروع کریں گے اور تمام بنیادی مسائل کا خاتمہ کر کے دم لیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) کھاریاں شہر کی وارڈ نمبر3میں ضمنی بلدیاتی الیکشن کا پراسیس جاری ہے گذشتہ روز کاغذات کی جانچ پڑتال کا مرحلہ مکمل کرلیا گیا کسی بھی امیدوار نے دوسرے پر کوئی اعتراض نہیں لگایا سب کو الیکشن لڑنے کی اجازت مل گئی اگلے مرحلے میں امیدوار اپنے کاغذات واپس لیں گے اس وارڈ میں PTI کے سلطان احمد چھپر اور مسلم لیگ(ن) کے چوہدری راشد کے مابین کانٹے دار مقابلے کی توقع کی جا رہی ہے دونوں پارٹیوں نے ایڑی چوٹی کا زور لگانے کا سلسلہ شروع کر رکھا ہے ووٹروں کی منتیں سماجتیں اور وعدے دعوے بھی کئے جا رہے ہیں اور کامیاب ہو کر تعمیر و ترقی اور خوشحالی کے سہانے خواب بھی دکھائے جا رہے ہیں اس وارڈ میں چھپر خاندان کا مکمل ہولڈ ہے پہلے بھی عوام نے چھپر خاندان اور PTIکو ووٹ دیئے تھے اب مسلم لیگ (ن) اس وارڈ کو فتح کرنے کے دعوے کر رہی ہے فیصلہ 7اپریل کو عوام اپنے ووٹوں سے کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) عزت زلت اللہ تعالیٰ کے پاس ہے ہم اپنے لوگوں کی عزت جان و مال کی حفاظت کرنے کا فریضہ سرانجام دیتے ہیں اور یہ سلسلہ ہماری نسلیں بھی جاری رکھیں گی ان خیالات کا اظہار راہنما PTI ضلع گجرات چوہدری مختار احمد ڈھل نے کیا۔ انہوں نے کہا کہ ہم بے لوث اور بلاتفریق خدمت پر یقین رکھتے ہیں اور اپنے ووٹروں، سپورٹروں اور ساتھیوں کا تحفظ کرنا بھی جانتے ہیں تاریخ گواہ ہے کہ ہم ہمیشہ مظلوم کے ساتھ رہے ہیں اور ظالم کا مقابلہ کیا ہے ہمیں اپنی معزز عدالتوں پر بھی مکمل بھروسہ ہے انصاف ملنے پر اللہ کے حضور سربسجود ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) سماجی شخصیت ملک محمد اکرام اعوان ڈوگہ (ہالینڈ) نے کہا ہے کہ ڈوگہ اور اتفاق پیٹرولیم منڈی بہائوالدین پر منعقدہ فری آئی کیمپوں کی کامیابی پر اللہ تعالیٰ کے حضور سربسجود ہیں اور ہر سانس پر اسی کا شکربجا لاتے ہیں کہ اس نے ہمیں توفیق دی اور ہم دکھی انسانیت کی خدمت کر رہے ہیں انشاء اللہ آئندہ یہ کیمپ تین مختلف جگہوں پر لگانے کا عزم ہے ڈوگہ، اتفاق پیٹرولیم کے ساتھ ساتھ ایک اور ایسی جگہ کا اضافہ کریں گے جہاں پر حقداروں کو سہولت دی جائے گی ملک محمد اکرام اعوان نے مزید کہا کہ دکھی انسانیت کی خدمت کر کے دلی اور روحانی سکون ملتا ہے اور میں یہ سب کچھ اپنی ماں اور غریبوں کی دعائوں کی وجہ سے کر رہا ہوں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) ہلکی پھلکی بوندا باندی سے موسم سرد ہو گیا لوگوں نے پھر گرم کپڑوں کا استعمال شروع کر دیا دن بھر ہلکی بارش کا سلسلہ جاری رہنے سے موسم میں خوشگوار تبدیلی واقع ہوئی ہے دوسری طرف بیماریوں میں کمی آئے گی اور گندم کی فصل پر بھی شاندار اور مثبت اثرات مرتب ہوں گے بارش سے ٹمپریچر میں بھی کمی ہوئی ہے اور سردی میں اضافہ ہو گیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) پاکستان مسلم لیگ (ن)عوام کی جماعت ہے۔حکومت کی جانب سے کئے گئے اقداما ت سے غریب عوام کوریلیف مل رہا ہے۔میاں نواز شریف پاکستان کے ہی نہیںپوری مسلم امہ کے قائد ہیں۔ان خیالات کا اظہارمسلم لیگی رہنما امتیازاظہرباگڑی نے مسلم لیگی کارکن افضال گل کی طرف سے دئے گئے عشائیہ کے موقع پر کیا۔اس موقع پرافضال گل،ارسلان بلوچ،مرزا ندیم بیگ،طاہر فیاض کھوکھر،شاہد اصغر،محمداشرف قریشی،چوہدری عاطف ریاض ،عمران علی ودیگر نے بھی خطاب کیا۔انہوںنے کہا کہ مسلم لیگ (ن)نے این اے101میںضمنی الیکشن جیت کرہیٹرک مکمل کرلی۔مسلم لیگی کارکنوںاورنظریاتی ووٹروںنے مسلم لیگ (ن)کے انتخابی نشان شیرپرمہرلگاکراپنی مسلم لیگ کوکامیابی سے ہمکنار کیاہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) ممبر صوبائی شوریٰ جماعت اسلا می مزمل طاہرنے کہا ہے کہ ہم پیا رے وطن پاکستان کوآخری دم تک کرپشن فری وطن بنانے کی کوشش کرینگے۔جماعت اسلا می ملک میںایسا نظام لانا چاہتی ہے جسمیںصدر سے لیکرعام آدمی تک سب کااحتساب ہو۔اس وقت وطن عزیزجس گھمبیر مسائل سے دوچار ہے اسکی سب سے بڑی وجہ کرپشن ہے۔پاکستان کلمہ کی بناد پر معرض وجود میںآیا ہے اورجماعت اسلا می ملک میںاسلا می نظام کونافذکرنے کی جدوجہد جاری رکھے گی اورپاکستان کوکرپشن فری بنانے میںآخری دم تک کوشش کرینگے۔وہ جماعت اسلا می خواتین حلقہ وزیرآباد کے زیراہتمام کرپشن فری پاکستان کے سلسلہ میںخواتین کاایک عظیم الشان جلسہ منعقد ہوا۔اس موقع پرنائب ناظمہ ضلع شہنازفاطمہ،ناظمہ گھکامیترشمع وحید،ناظمہ دھونکل نسیم،ناظمہ جمعیت طالبات فائزہ بٹ،معاون نورین،ناظمہ پی پی 10عشرت نے بھی خطاب کیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) مسلم لیگ (ن)کے رہنماچوہدری شاہنواز چیمہ،بابو محمداکرم سنڈل،حاجی ارشدمحمودسلیمی،چوہدری محمدشوکت آف تلواڑہ،میرماجد علی سالار،ناصر محموداللہ والے،کونسلرزافتخاراحمدبٹ ،عبد الرحمن ،کرنل (ر)وقار انورشیخ،محمداعجاز پارس نے اپنے مشترکہ بیان میںکہا ہے کہ این اے101میںمسلم لیگ (ن)کی حکومت پرعوام کے اعتماد کااظہارہے۔افتخاراحمدچیمہ کی کامیابی مخلص کارکنان کی محبت کا نتیجہ ہے اورمسلم یگ (ن)ہی عوام کی آخری امیدہے۔انہوںنے کہا کہ جسٹس (ر)افتخاراحمدچیمہ کی ضمنی الیکشن میںتاریخی فتح دراصل عوام کی جانب سے میاںبرادران اورانکی حکومت کی مثبت اورعوام دوست پالیسیوںپراعتماد کاکھلا اظہارہے۔انہوںنے کہا کہ ملکی ترقی وخوشحالی واستحکام کے لئے پاکستان کے باشعور عوام میاںنوازشریف کے ساتھ کھڑے ہیںاورضمنی انتخابات کے ذریعے اپنی رائے کااظہارکرتے ہوئے ترقی دشمن ٹولے کاباربارمسترد کررہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) مسلم لیگ (ن)کے تحصیل صدراعجازاحمدپرویا ایڈووکیٹ نے اپنے موقف میں کہا ہے کہ میںنواحی گائوںڈھلہ چٹھہ میںقتل کے واقعہ پرافسوس ہے اورمیرا یا میرے کسی ساتھی کااس میںکوئی ہاتھ نہیں ہے جبکہ مرنے والے میرے ملازم تھے اورسیا سی مخالفین مقتولین کے ورثاء کوورغلا کرمیرے خلاف بیان بازی کروارہے ہیں۔اعجازاحمدپرویا نے کہا کہ وقوعہ کے روزمیںاس علاقہ میںموجودہی نہیںتھااوراس واقعہ میںمجھے خوامخواہ ملوث کیا جارہا ہے ۔انہوںنے کہا کہ یہ کتنی عجیب بات ہے کہ بھلا کوئی اپنے ہی ملازمین کوکیسے قتل کرسکتا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) تحریک انصاف کے امیدوار قومی اسمبلی محمداحمدچٹھہ نے کہا ہے کہ شاندار عوامی پذیرائی نے حوصلہ دیا وزیرآبادکو(ن)لیگ کاقلعہ ثابت کرنے والے منہ چھپاتے پھررہے ہیں۔حکمرانوںنے بدترین دھاندلی سے رزلٹ تبدیل کئے۔ری کائونٹنگ کے لئے درخواست دے دی ہے۔ہرمیدان میںمقابلہ کرینگے۔ساتھیوںکوتنہا نہیںچھوڑینگے۔جماعت اسلا می سمیت تمام محسنوںکابے انتہا ممنون ہوں۔عوام کاشکریہ اداکرنے اتوار 27مارچ کومین بازارمیںآئونگا۔وہ محمدمشتاق بٹ کی قیادت صابر حسین بٹ،زما ن حیدرچیمہ،مرزاغلام مصطفی،عدنان انورکھرل پرمشتمل وفد سے گفتگوکررہے تھے۔اس موقع پرسابق اسپیکرقو می اسمبلی حامد ناصر چٹھہ ،عامر مظفر چیمہ،رانا محمدخلیل سمیت متعددذ مہ داران موجودتھے۔انہوںنے کہا کہ نوجوانوںکی انتھک محنت اورمخلص کارکنوںکی ٹیم نے حالات تبدیل کئے جس کومیںکبھی فراموش نہیںکرسکتا۔انہوںنے کہا کہ رابطہ عوام مہم کے لئے نیٹ ورک بنا رہے ہیں۔ہرکارکن کی اپروچ میںہونگے۔انہوںنے کہا عوام نے جسطرح پذیرائی دی میںانکی توقعات پرپورا اترونگا۔محمداحمدچٹھہ نے این اے101میںجماعت اسلا می کے کارکنان اورذ مہ داران کی طرف سے بھرپور تعاون اورمہم چلا نے پرشکریہ ادا کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) ایس ڈی او گیپکوسب ڈویژن چوہدری محمداشرف کی پریس ریلیز کے مطابق ضروری مرمت کے سلسلہ میں26-03-2016کولار،27-03-2016 اور03-04-2016 ہیڈ خانیکی ،فتح گڑھ فیڈرصبح9بجے سے دوپہر3بجے تک بند رہے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) شیعہ علما کونسل کے وفد نے بزرگ عالم دین وفاق المدارس الشیعہ پاکستان کے صدر آیت اللہ حافظ ریاض حسین نجفی اور نائب صدر علامہ نیاز حسین نقوی سے جامعتہ المنتظر میں ملاقات کی ، ان سے ملی امور پر تبادلہ خیال کیا اور رہنما ئی لی۔ ملاقات میں مرکزی سیکرٹری جنرل علامہ عارف حسین واحدی، صوبائی صدر علامہ سبطین حیدر سبزواری، مرکزی سیاسی سیل کے چیرمین علامہ شبیر حسن میثمی اورعلامہ محمد افضل حیدری بھی شا مل تھے۔آیت اللہ حافظ ریاض نجفی نے قائد ملت جعفریہ علامہ سید ساجدعلی نقوی اور قومی پلیٹ فارم شیعہ علما کونسل کے اتحاد بین المسلمین کی فضا کو بہتر بنانے میں کردار کو سراہتے ہوئے واضح کیا کہ مکتب اہل بیت تمام مسالک کا احترام کرتا ہے اور ان سے قریبی روابط بھی رکھتا ہے۔اصولی اختلافات اپنی جگہ کسی مسلمان کی تکفیر کو حرام سمجھتے ہیں۔ علامہ عارف واحدی نے کہا کہ اسلامی تحریک کا آئندہ دنوںمیں سیاسی کردار مزید ابھر آئے گا۔ ہم اتحاد و وحدت اور عوامی خدمت پر یقین رکھتے ہیں۔ اور امت کی مضبوطی اور پاکستان میں اسلام کے عادلانہ نظام کا نفاذہماری منزل ہے۔ انہوں نے واضح کیا کہ متحدہ مجلس عمل کی بحالی کی خواہش تو ہے مگر ابھی کافی کام باقی ہے۔ علامہ سبطین سبزواری نے کہا کہ مکتب تشیع کا کسی مسلک سے اختلاف نہیں، تمام امت مسلمہ کا حصہ اور کلمہ گو ہیں۔ دیوبندی مکتبہ فکر کی نمائندگی مولانا فضل الرحمان اور مولانا سمیع الحق کرتے ہیں ، ہم ان سے ملتے بھی رہتے ہیں، کسی بازاری، تکفیری دہشت گردگروہ کو کسی بھی فرقے کا نمائندہ نہیں سمجھتے اور اس کے ساتھ بیٹھنا اپنی توہین سمجھتے ہیں۔علامہ شبیر میثمی نے کہا کہ گلگت بلتستان میں اسلامی تحریک نے عوامی خدمت پہلے بھی کی اور اب بھی کریں گے۔ قائدملت جعفریہ کی پالیسیاںمستقل اور تحمل مزاجی پر مشتمل ہوتی ہیں، اس وقتی ابال اور پانی کا بلبلہ ثابت نہیں ہوتیں، اسی وجہ سے دور رس اثرات رکھتی ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سیالکوٹ(جی پی آئی)سیدنا صدیق اکبر رضی اللہ عنہ کی خدمات اسلام تاریخ کا سنہرہ باب ہیں۔سفر و حضر ،جنگ و امن،مکہ و مدینہ اور غار و مزار میں معیت رسول ۖ کی سعادت آپ رضی اللہ عنہ ہی کے حصہ آئی۔اسلام کے پہلے خطیب سیدنا ابو بکر صدیق رضی اللہ عنہ نے اپنا جان و مال حکم رسول ۖ پر نچھاور کر کے قومِ مسلم کو ایثار و قربانی کا درس دیا ۔اسلام سے قبل بھی شراب نوشی ،زنا، بت پرستی اور شرکیہ نظریات سے مبرا و منزہ رہے ۔سیرت و کردار میں سنتِ نبوی ۖ کا غلبہ خلیفہ اول کے عشقِ رسول ۖ کو اجاگر کرتا ہے ۔سفر و حضر میں خدمتِ رسول ۖ کر کے ابو بکر صدیق رضی اللہ عنہ تمام صحابہ رضی اللہ عنہم سے منفرد مقام پاگئے ۔رحمت دو عالم ۖ نے آپ کو دنیا میں جنت کی بشارت سب سے پہلے عطا فرمائی ۔اسلام میں اول ،مدحت رسولۖ میں اول، نیکی میں اول، تحفظ حدود اللہ میں اول سیدنا صدیق اکبر رضی اللہ عنہ خلافت و امامت میں بھی اول ہی رہے ۔ان خیالات کااظہار قائد تحریک اویسیہ پاکستان علامہ پیر محمد تبسم بشیر اویسی سجادہ نشین مرکز اویسیاں نارووال نے مرکزی جامع مسجد حنفیہ نقشبندیہ رضوی چوبارہ میں دینی اجتماع سے خطاب کرتے ہوئے کیا ۔انہوں ںے کہا کہ مسیلمہ کذاب جیسے جھوٹی نبوت کے دعویدار سے جہاد کر کے قصر ختم نبوت کو محفوظ بنایا ۔وصالِ مصطفےٰ ۖ کے بعد منصب خلافت پر فائز ہو کر اس والہانہ انداز سے دفاع اسلام فرمایا کہ تاقیامت ملتِ اسلامیہ اپنے محسن سیدنا ابو بکر صدیق رضی اللہ عنہ کی احسان مند رہے گی ۔مانعین زکوٰة سے جہاد کر کے انہیں راہِ راست پہ لانا خلیفہ ٔ اول کے کمال اسلام دوستی کا ثبوت ہے۔انہوںنے کہا خلافتِ راشدہ کا نظام دنیا میں ایک ماڈل نظام ہے ۔ سیدنا صدیق اکبر رضی اللہ عنہ کی پیروی ہی ملک و ملت کی فلاح کی ضامن ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فیصل آباد(جی پی آئی)جنرل ہسپتال غلام محمد آباد فیصل آباد میں میرٹ کے خلاف بھرتیاں ہوئی ہیں۔وزیر اعلیٰ پنجاب نوٹس لیں ۔جامع مسجد گول فیصل آباد میں جمعہ کے اجتماع میں قرارداد۔پاکستان علماء کونسل کے مرکزی سیکرٹری جنرل ،ممبر اسلامی نظریاتی کونسل صاحبزادہ زاہد محمود قاسمی نے جامع مسجد گول فیصل آباد میں ایشیاء کی سب سے بڑی کالونی غلام محمد آبادکی عوام کے مطالبے پر اجتماع میں قرارداد پیش کی اور وزیر اعلیٰ پنجاب میاں محمد شہباز شریف سے مطالبہ کیا ہے کہ جنرل ہسپتال غلام محمد آباد میں ہونے والی خلاف میرٹ بھرتیوں کانوٹس لیں انہوں نے کہاکہ جنرل ہسپتال غلام محمد آباد میں تقریباً 117خالی آسامیوں کو پر کرنے کے لیئے میرٹ کا لحاذ نہیں رکھا گیا اور میرٹ پر پورا اترنے والے مستحق افراد کو نظر انداز کیا گیا ملی بھگت سے من پسند افراد کو نوازا گیا ہے ملازمت کے لیئے جن افراد نے درخواست دی تھی ان کو انٹرویو کے لیئے نہیں بلایا گیا انتہائی خفیہ طریقے سے117افراد کی لسٹ تیار کی گئی وزیر اعلیٰ پنجاب اس معاملہ کی شفاف تحقیقات کے لیئے اعلیٰ سطح کی انکوائیری کمیٹی تشکیل دیں اہل علاقہ کی طرف سے جنرل ہسپتال غلام محمد آباد کو خصوصی گرانٹ دے کر تعمیر کروانے پروزیر اعلیٰ پنجاب کا شکریہ ادا کیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)تحفظ حقوق نسواں بل پر علماء اور پنجاب حکومت کے درمیان اہم نکات پر اتفاق ہوا ہے۔مذہبی جماعتوں اور علماء کرام کو اپنی تجاویز سے حکومت کو آگاہ کرنا چاہئے۔حکومت بل میں تبدیلی کیلئے تیار ہے تو پھر احتجاج کیسا ۔یہ بات پاکستان علماء کونسل کے مرکزی چیئرمین اور وفاق المساجد پاکستان کے صدر حافظ محمد طاہر محمود اشرفی نے مختلف مکاتب فکر کے علماء اور مشائخ کے وفود سے گفتگو کرتے ہوئے کہی۔ اس موقع پر صاحبزادہ زاہد محمود قاسمی،مولانا ایوب صفدر،حافظ محمد امجد،مولانا اسد اللہ فاروق،مولانا شفیع قاسمی،مولانا مشتاق لاہوری،مولانا عبد القیوم ودیگر بھی موجود تھے۔حافظ محمد طاہر محمود اشرفی نے کہا کہ علماء کمیٹی اور حکومتی ذمہ داران کے درمیان ہونے والے اجلاسوں کے بعد گزشتہ روز یہ طے پاگیا ہے کہ جن شقوں پر علماء کے قرآن وسنت اور آئین پاکستان کے مطابق اعتراضات ہیں ان شقوں میں تبدیلی لائی جائے گی اور مذہبی جماعتوں اور علماء کرام سے کہا گیا ہے کہ اگر ان کے مزید کوئی اعتراضات ہیں تو حکومت انکو بھی دور کرنے کیلئے تیار ہے۔انہوں نے کہا کہ تحفظ حقوق نسواں بل کی اصلاح کیلئے وزیر اعظم پاکستان میاں محمد نواز شریف نے ذاتی طورپر جو مثبت کردار اداکیا ہے اس سے بہتری پیدا ہوئی ہے۔اگر حکومت پنجاب اس بل کی منظوری سے پہلے علماء سے مشاورت کرلیتی تو یہ مسائل پیدا ہی نہ ہوتے لیکن ہم امید کرتے ہیں کہ اس بل کے معاملے پر کوئی مسائل پیدا نہیں ہوں گے۔انہوں نے کہا کہ اسلام میںعورتوں پر تشدد حرام ہے اور جو قوتیں تشدد کو اسلام ، مسلمانوں اور علماء کے ساتھ جوڑ تی ہیں وہ اسلامی تعلیمات سے ناواقف ہیں ۔علماء کے سوالوں کا جواب دیتے ہوئے انہوں نے کہا کہ بلاول بھٹو زرداری سمیت کسی کو بھی آئین پاکستان کے ساتھ کھیلنے کی کوشش نہیں کرنی چاہئے۔پاکستان کے مسلمان غیر مسلم پاکستانیوں کے حقوق کے محافظ ہیں اور پاکستان کے آئین نے مسلمان اور غیر مسلم کو برابر کا شہری قرار دیا ہے جس کے بعد کسی اور تبدیلی کی ضرورت نہیں ہے۔انہوں نے کہا کہ تحفظ حقوق نسواں بل اور دیگر امور پر مزید مشاورت اور غور وخوض کیلئے پاکستان علماء کونسل کی مرکزی مجلس شوریٰ کا اجلاس 27مارچ کو فیصل آباد میں بلایا گیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اسلام آباد(جی پی آئی)پاکستان ہندوکونسل کے سرپرست اعلیٰ اور ممبر قومی اسمبلی ڈاکٹر رمیش کمار ونکوانی نے بلوچستان سے بھارتی خفیہ ایجنسی “را”کے اہلکار کی گرفتاری کی خبروں پر سخت اظہارِ تشویش کرتے ہوئے پاک بھارت امن عمل کے خلاف سازش قرار دیا ہے، جمعے کو پارلیمنٹ ہاؤس کے باہر صحافیوں سے گفتگو میں ڈاکٹر رمیش کمارونکوانی نے کہا کہ جس طرح پٹھانکوٹ حملے کے بعد وزیراعظم نواز شریف نے بھارتی وزیر اعظم مودی کو بذات خود ٹیلیفون کرکے تعاون کی پیشکش کی، اسی طرح مودی کو بھی فون کرکے بلوچستان سے بھارتی خفیہ ایجنٹ کی گرفتاری پر اپنا موقف دیکر تحقیقات میں تعاون کرنا چاہیے، انہوں نے کہا کہ خطے کا مستقبل پاک چین اقتصادی راہداری منصوبے سے وابستہ ہے، بھارتی خفیہ ایجنسی کا مبینہ طور پر راہداری منصوبے کو سبوتاژ کرنے میں پاکستانی سرزمین پر عملی کردار اداکرنے کی اطلاعات تشویشناک ہیں، پاکستان ہندوکونسل بارہا انتباہ کرچکی ہے کہ جب بھی پاکستان اور بھارت کے مابین امن قائم ہونے کی توقع ہونے لگتی ہے، نادیدہ ہاتھ سرگرم ہوجاتے ہیں، ڈاکٹر رمیش ونکوانی نے پاک بھارت کو قریب لانے کیلئے اپنے عملی تعاون کی پیشکش کرتے ہوئے کہا کہ ضرورت اس امر کی ہے کہ دونوں ممالک کی اعلیٰ قیادت ایسے ناپسندیدہ عناصر کا سدباب مشترکہ طور پر کریں، ایسے حالات میں چین سے بھی مدد لینے میں کوئی مضاحقہ نہیں ہونا چاہیے، ایک سوال کے جواب میںانہوںنے ہندو مذہبی تہوار “ہولی”کو پاکستان میں سرکاری طور پر منائے جانے کو خوش آئین اقدام قرار دیا، انہوں نے مزید کہا کہ پاکستان کی ترقی و خوشحالی کیلئے تمام پاکستانیوں بشمول اقلیتوں کو اپنا بھرپور کردار ادا کرنا چاہیے، اس سلسلے میں ہولی جیسے تہوار بدی پر نیکی کی فتح کی یاد دلاتے ہیں اور ملک میں بین المذاہب ہم آہنگی کے فروغ میں کلیدی کردار ادا کرسکتے ہیں، علاوہ ازیںپاکستان ہندوکونسل نے پیپلز پارٹی کے چیئرمین بلاول بھٹو زرداری کی طرف سے سندھ میں ہولی منائے جانے کا خیرمقدم کیا ہے، کونسل کے سرپرست اعلیٰ ڈاکٹر رمیش کمار ونکوانی نے بلاول بھٹو زرداری کے ملک کے اعلیٰ ترین عہدوں پر اقلیتوں کے حوالے سے بیان پر تبصرہ کرتے ہوئے تعاون کی یقین دہانی کرائی، انہوں نے کہا کہ پیپلز پارٹی صدر اور وزیراعظم کے عہدوں کے دروازے اقلیتوں کیلئے کھولنے کیلئے آئینی ترمیمی بل پارلیمنٹ میں پیش کرے، وہ اِس آئینی ترمیم کے حق میں سب سے پہلے اپنا ووٹ کا حق استعمال کریں گے۔پاکستان ہندوکونسل نے سندھ میں کچی شراب کے باعث تاحال 45ہندو باشندوں کی ہلاکت پر سخت رنج و غم کا اظہارکیاہے،ڈاکٹر رمیش ونکوانی نے اس افسوسناک سانحے کا ذمہ دارصوبائی ایکسائز منسٹر کو قرار دیتے ہوئے فوری برطرفی کا بھی مطالبہ کیاہے، ڈاکٹر رمیش کا کہنا ہے کہ ہندو مت سمیت ہر مذہب دھرم میں شراب کی ممانعت ہے اور پاکستان ہندوکونسل ملک میں اقلیتوں کے نام پر شراب کی خرید و فروخت پر پابندی کے حق میں ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی (جی پی آئی)تحریک انصاف کے تحت گلشن حدید فیز 2میں عوامی ممبر سازی میں عوام کا جوش وخروش،ایل گرائونڈ میں ممبر سازی کیمپ میں عمران خان کی قیادت پر بھرپور اعتماد کا اظہار کرتے ہوئے مختلف جماعتوں سے تعلق رکھنے والے کارکنوں اور رہنمائوں کی پی ٹی آئی میں شمولیت۔گلشن حدید میں شاندار تقریب کی پزیرائی کے بعدپی ٹی آئی کے رہنما نعیم عادل ،عبدالرحیم ابڑو،ایازمغیری،ہدایت اللہ گھمرو،عطاء حسین میرانی ،عبدالرسول جلالی ،محسن سیال کے ہمراہ حلیم عادل شیخ نے عوامی ممبر سازی کی کامیابی کے لیے پورے علاقے کا گشت کیا اور مقامی رہنمائوں کے گھروں میں موجود میٹنگوں میں عوام کو پارٹی میں شمولیت کی دعوت دی گئی ۔اس موقع پر حلیم عادل شیخ کا کہنا تھاکہ سندھ میں ہاری ،اقلیتیں اور تمام مظلوم طبقات عمران خان کے ساتھ کھڑے ہیں۔ہم نے سندھ کے کونے کونے میں اپنے قائدعمران خان کا پیغام پہنچادیاہے،تحریک انصاف عوام دوست جماعت ہے جس کی وجہ سے عوام کی بڑی تعداد پارٹی میں شامل ہورہی ہے سندھ میں پیپلزپارٹی کاخاتمہ ہورہاہے ،پیپلزپارٹی کا زوال شروع ہونے کے بعد پی ٹی آئی سندھ میں کے عام آدمی کی ترجمان بن چکی ہے ،سندھ کی عوام نے اپنے جائز مطالبا ت کو حاصل کرنے کیلیے بہت سی قربانیاں دی ہیں ۔انہوں نے کہا کہ عمران خان ہی کراچی کا امن واپس لاسکتے ہیں سندھ حکومت مکمل طور پر ناکام ہوچکی ہے حکومت سندھ اگر سیکورٹی اداروں کا بھرپور ساتھ دیتی تو دہشت گردی کاناسور صوبے سے بہت پہلے ہی ختم ہوجاتاانہوں نے مزید کہا کہ کراچی کے امن واستحکام کے لیے جرات مند انہ فیصلوں کی ضرورت ہے اور یہ جرات پیپلزپارٹی کے حکمرانوں میں موجود نہیں ہے،یہ معاملہ ایک بہادر لیڈر ہی کرسکتا ہے اور یہ تمام خوبیاں عمران خان میں موجود ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)پاک فوج مالاکنڈ دویژن کے امن وامان کے ساتھ ساتھ فلاحی اور بحالی سرگرمیوں میں بھی سرگرم عمل ہے۔ انہی فلاحی سرگرمیوں کے ضمن میں گورنمنٹ ڈگری کالج بدرگامالاکنڈ میں پاک فوج کے زیراہتمام ایک روزہ مفت طبعی کیمپ کا انعقاد کیا گیا۔تفصیلات کے مطابق پاک فوج کے زیر اہتما م ایک روزہ فری میڈیکل کیمپ کا گورنمنٹ ڈگری کالج بدرگامالاکنڈ میں انعقاد کیا گیا۔ میڈیکل کیمپ کا بریگیڈئیر مظہرالحسن نے دورہ کیا اور وہاں پر کیے گئے انتظامات کا جائزہ لیا۔ طعبی کیمپ میں آرمی کے سپیشلٹ ڈاکٹرزکے علاوہ سول ڈاکٹرز پر مشتمل ٹیم نے خصوصی طور پر اپنی خدمات سرانجام دیں ۔ پاک فوج کی یہ کاوش مالاکنڈڈویژن کی عوام کی خدمات کا تسلسل ہے ۔ ایک روزہ کیمپ کے دوران تقریباََ 1050مرد ، 1300عورتیں ااور 850 بچوںنے اپنا معائنہ کروایا۔ کیمپ میں صبح نو سے چار بجے تک معائنہ اور ادویات کی فراہمی جاری رہی ۔ اردگرد کے تمام دیہات کے لوگوں نے اس فری میڈیکل کیمپ سے بھر پور استفادہ حاصل کیا اور اہلیان علاقہ نے طبعی کیمپ کے انعقاد پر پاک فوج کا شکریہ ادا کیا اور ایسی سرگرمیوں کو عوام کی فلاح وبہبود کیلئے انتہائی فائدہ مند قرار دیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)(بیورورپورٹ )طنزو مزاح اور سنجیدہ مضامین پر مشتمل فضل مولا زاہد کی کتاب ”خدا گواہ” شائع ہوگئی، فضل مولا زاہد خوب صورت لہجے اور شگفتہ اُسلوب کے مالک ہیںجن کا ہر لفظ کاٹ رکھنے والا دو دھاری تلوار ہے لیکن اس کاٹ میں جو شگفتگی اور مزاح پوشیدہ ہے وہ پڑھنے والے کو مسکرانے پر مجبور کر دیتا ہے ان کے طنز و مزاح میں مشتاق احمد یوسفی کا رنگ جھلکتا ہے اور اسی وجہ سے ہم انھیں ”سوات کے یوسفی” کا خطاب بجا طور پر دے سکتے ہیں، مطالعہ کا ستھرا اور پاکیزہ ذوق رکھنے والے ہر شخص کو ”خدا گواہ” کا مطالعہ ضرور کرنا چاہئے اور مصنف کی خوب صورت اور شگفتہ نگارشات سے لطف اٹھانا چاہئے۔
سرائے خربوزہ کے آمدہ انتخابات کے لئے راجہ محمد جان کو امیدوار نامزد
گجرات کی خبروں کی تصویری جھلکیاں
