گجرات (جی پی آئی) گجرات شہر کے متعدد علاقوں میں گزشتہ دو ماہ سے سوئی گیس کی بندش کا سلسلہ جاری ہے۔ تفصیلات کے مطابق ریلوے روڈ ، نیو فرنیچر مارکیٹ ‘ قاسم پورہ’ نور پور پڈھے ‘ چاہ کھولے و دیگر علاقوں میں سوئی گیس کی بندش کی وجہ سے عوامی مسائل میں بے پناہ اضافہ ہو گیا ہے اور لوگ احتجاج کرنے پر مجبور ہو گئے ہیں۔ آج صبح 10 بجے سوئی گیس دفتر کے باہر علاقہ کی خواتین سوئی گیس کی بندش کیخلاف احتجاجی مظاہرہ کریں گی۔ جس کی قیادت ممتاز لیبر لیڈر پیر زادہ امتیاز سید اور نو منتخب چیئرمین چوہدری سلیم کمبوہ اور وائس چیئرمین وحید مرزا کریں گے۔ احتجاج کے دوران محکمہ سوئی گیس کے افسران کو علاقہ کی صورتحال سے آگاہ کیا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ڈپٹی میڈیکل سپرنٹنڈنٹ آفیسر ڈاکٹر عالم خاں نے کہا ہے کہ عزیز بھٹی شہید ہسپتال گجرات میں مریضوں کی سہولت کیلئے اقدامات کئے جا رہے ہیں۔ ہر قسم کی ادویات کی فراہمی کو یقینی بنایا گیا ہے۔ اور ایمرجنسی میں مریضوں کا مکمل چیک اپ مستند ڈاکٹرز کرتے ہیں۔ مریض کسی بھی شکایت کے ازالہ کیلئے رابطہ کر سکتے ہیں۔ ڈاکٹر عالم نے کہا کہ ڈاکٹرز مریضوں کی جان بچانے کیلئے اپنے فرائض سرانجام دیتے ہیں۔ لواحقین کا فرض ہے کہ وہ عملہ اور ڈاکٹرز کے ساتھ تعاون کریں تاکہ مریضوں کو بہتر طبی سہولیات کی فراہمی ممکن ہو سکے۔ انہوں نے کہا کہ حکومت پنجاب کے احکامات کے مطابق مریضوں کو فوری طبی امداد فراہم کی جاتی ہے۔ اس سلسلہ میں ہسپتال کا عملہ دن رات اپنے فرائض کی ادائیگی کیلئے کوشاں رہتا ہے۔ ایمرجنسی میں آنیوالے حضرات دوسرے مریضوں کی حالت کو بھی مد نظر رکھیں اور ڈاکٹرز کیساتھ تعاون ممکن بنائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) جعفریہ یوتھ پاکستان کے زیر اہتمام امام بارگاہ حسینیہ میں 27 ویں سالانہ مجلس عزاء و شب بیداری کا انعقاد کیا گیا۔ حضرت امام حسن مجتبیٰ علیہ السلام کی شہادت کے سلسلہ میں ”شہزادہ ٔ امن کا ماتم” کے سلسلہ میں مجلس منعقد ہوئی۔ جس میں ملک کے ممتاز ذاکرین نے فضائل و مصائب شہدائے کربلا پر تفصیل سے روشنی ڈالی۔ جن میں مولانا سید مشتاق حسین شاہ آف جھنگ’ اور ذاکر سید تقی عباس شاہ اور آغا مبارک علی موسوی شامل تھے۔ ملکی ترقی و سلامتی کیلئے خصوصی دعائیں کی گئیں۔ اختتام پر شبیہہ ذوالجناح حضرت امام حسین علیہ السلام اور شبیہہ تابوت امام حسن مجتبیٰ برآمد ہوا۔ ملک بھر سے آئی ہوئی ماتمی سنگتوں نے نوحہ خوانی کی اور شہدائے کربلا کو پرسا دیا گیا۔ پروفیسر سید سرفراز حسین جعفری’ سید الطاف عباس کاظمی’ جواد حسین جعفری’ ومیر ثقلین و دیگر ممبران حسینیہ ٹرسٹ اور جعفریہ یوتھ پاکستان نے اپنے فرائض سرانجام دئیے۔ ڈی پی او گجرات کی ہدایت کے مطابق سخت حفاظتی انتظامات کئے گئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) سدھار سوسائٹی کے زیر اہتمام کام کرنے والے ضلعی گروپ برائے انتخابی اصلاحات ڈپٹی کنوینئر ڈاکٹر انجم نور دین نے ممبران کے ہمراہ مسلم لیگ (ن) کے رہنما چوہدری تنویر گوندل سے ملاقات کی۔ ملاقات کے دوران انتخابی اصلاحات کے حوالہ سے مختلف امور پر تبادلہ خیال کیا گیا۔ اور چوہدری تنویر گوندل نے ضلعی گروپ برائے انتخابی اصلاحات کی کارکردگی کو بے حد سراہا۔ اور اپنے بھر پور تعاون کی یقین دہانی کروائی۔ اس موقع پر ڈسٹرکٹ کوارڈی نیٹر بدر احمد اور ڈاکٹر رزاق احمد غفاری بھی موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) پاکستان پیپلز پارٹی کے سینئر رہنما عبدالرزاق سلیمی کی والدہ کی وفات پر صدر سٹیزن فرنٹ سٹی گجرات شیخ عرفان پرویز اور جنرل سیکرٹری خاور بشیر بٹ اور صحافی ذوالفقار علی باجوہ اور ڈاکٹر رزاق احمد غفاری نے اظہارِ تعزیت کیا اور مرحومہ کے ایصال ثواب کیلئے فاتحہ خوانی کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ممتاز بزنس مین غلام مصطفی بھیا ، حاجی نعیم شہزاد اور بابر بھیا کی والدہ کی نمازِ جنازہ آج ادا کی جائے گی ۔ ممتاز کاروباری شخصیات چوہدری غلام مصطفی بھیا ، حاجی چوہدری نعیم شہزاد (بھیا پیزا اینڈ فاسٹ فوڈ والے ) اور بابر ظہیر بھیا کی والدہ محترمہ قضائے الٰہی سے انتقال کر گئیں ۔ مرحومہ کی نمازِ جنازہ آج مورخہ 11دسمبر بروز جمعتہ المبارک دوپہر 3بجے قبرستان بھٹیا ں میں ادا کی جائے گی ۔ دوست احباب سے شرکت کی اپیل کی گئی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) کمشنر گوجرانوالہ ڈویژن شمائل احمد خواجہ نے ہدایت کی ہے کہ کسان پیکج کے تحت رقوم کی ادائیگیاں 15دسمبر تک مکمل کی جائیں تمام اضلاع انتقال وراثت کی زیر التواء درخواستیں پر رواں ماہ کے آخر تک نمٹا دی جائیں ان خیالات کا اظہار انہوں نے گجرات میں منعقدہ ڈی سی اوز کانفرنس سے خطاب کرتے ہوئے کیا اس موقع پر ڈی سی او گجرات لیاقت علی چٹھہ ،ڈی سی او گوجرانوالہ عامر جان ، ڈی سی او سیالکوٹ آصف طفیل ، ڈی سی او حافظ آباد محمد عثمان اور ڈی سی او منڈی بہائوالدین مظفر سیال ، اے ڈی سی عرفان علی کاٹھیاو دیگر افسران بھی موجودد تھے ۔ کمشنر گوجرانوالہ ڈویژن شمائل احمد خواجہ نے کہا کہ گوجرانوالہ ڈویژن میں لینڈ ریکارڈ کمپیوٹرائزیشن کا کام اختتامی مراحل میں ہے اب تک 5ہزار موضعات کا ریکارڈ کمپیوٹرائزڈ ہو چکا ہے انہوں نے ڈی سی اوز کو ہدایت کی کہ دیہی علاقوں کے بعد شہری علاقوں کے لینڈ ریکارڈ کی کمپیوٹرائزیشن پر توجہ دی جائے ۔ کمشنر نے اراضی مراکز پر بعض اہلکاروں کے غلط رویہ کی شکایات کا سخت نوٹس لیا اور ہدایت کی کہ ایسے عناصر کو نشان عبرت بنا دیا جائے ۔ کمشنر نے ہدایت کی کہ سکولوں کی خطرناک عمارتوں کی تعمیر فوری شروع کی جائے اور یقینی بنایا جائے کہ کسی خطرناک عمارت میں بچے نہ بیٹھیں ۔ کمشنر نے پنجاب فورڈ اتھارٹی کے تحت کاروائی پر اطمینان کا اظہار کیا اور ہدایت کی کہ بڑے ہوٹلز کے خلاف کریک ڈائون تیز کیا جائے تمام ہوٹلوں کے کچن میں سی سی ٹی وی کیمرے اور ہالز میں ایل سی ڈی کی تنصیب یقینی بنائی جائے ۔ اجلاس میں ڈی پی ایس لالہ موسیٰ کی عمارت کے نقشہ کی منظوری دی گئی ، کمشنر نے ایم ڈی کیٹل مارکیٹ کو ہدایت کی کہ ڈویژن میں مویشی منڈیوں کی بہتری کیلئے جامع پلان واضع کیا جائے۔
بھمبر کی خبریں 11/12/2015
لبریشن فرنٹ کوٹلی سٹی کے زیرِاہتمام انسانی حقوق کے عالمی دن کے موقع پر سیمینار کا انعقاد
