گجرات (جی پی آئی) گورنمنٹ اسلامیہ ہائی سکول گجرات میں انگلش اُردو تقریری مقابلہ جات۔ گزشتہ روز گورنمنٹ اسلامیہ ہال سکول گجرات کے ظہور اسلامیہ ہال میں وزیر اعلیٰ پنجاب میاں محمد شہباز شریف کے وژن ”پڑھو پنجاب بڑھو پنجاب” کے تحت اردو انگلش تقریری مقابلہ جات ضلعی سطح پر منعقد ہوئے۔ تقریری اور مضمون نویسی کے مقابلہ جات ڈسٹرکٹ کوارڈی نیٹر آفیسر لیاقت علی چٹھہ’ ایگزیکٹو ڈسٹرکٹ آفیسر ایجوکیشن محمد طاہر کاشف’ ڈسٹرکٹ ایجوکیشن آفیسر سیکنڈری ‘ نثار احمد مٹو اور صدر ڈسٹرکٹ ہیڈ ماسٹر ایسوسی ایشن گجرات چوہدری شوکت رئوف احمد کے زیر انگرانی منعقد ہوئے۔مقابلہ جات میں ضلع کی تین تحصیلوں کے طلبہ نے حصہ لیا اور اول دوم سوئم آنے والے طلبہ کو مبارکباد پیش کی اور توقع ظاہر کی یہی ہونہار مستقبل کی باگ دوڑ سنبھالیں گے اور وطن عزیز کو ترقی کی راہ پر گامزن کریں گے اور مقابلہ جات کے کوارڈینیٹر سید محمد انور شاہ کے مطابق انگلش تقریر میں شعور فیصل جناح پبلک سکول حافظ حیات نے اول پوزیشن حاصل کی’ محمد عمر ہاشمی سینٹ فرانسس سکول سرائے عالمگیر نے دوسری پوزیشن اور دائود الحسن گورنمنٹ ایلیمنٹری سکول دھمہ ملکہ نے تیسری پوزیشن حاصل کی۔ اور اردو تقریری مقابلہ جات میں عبداللہ شہزاد جناح پبلک سکول حافظ حیات نے اول’ محمد عبدالرحمن شوکت پاکستان انٹرنیشنل پبلک سکول گجرات اور دوسری محمد شاداب رسول سینٹ فرانسس سکول سرائے عالمگیر نے تیسری پوزیشن حاصل کی۔ ڈی سی او لیاقت علی چٹھہ نے تعلیمی افسران بالخصوص محمد طاہر کاشف’ ایگزیکٹو ڈسٹرکٹ آفیسر ایجوکیشن گجرات اور ڈسٹرکٹ ایجوکیشن آفیسر سیکنڈری گجرات نثار احمد میو کو خراجِ تحسین پیش کیا۔ اور ساتھ ہی ساتھ سینئر ہیڈ ماسٹر گورنمنٹ اسلامیہ ہائی سکول گجرات کے حسن انتظام کو بھی خوب سراہا۔ جبکہ گرلز مقابلہ انگلش تقریری پہلی پوزیشن میمونہ سکندر ‘ سیکنڈ علیشا ساجد’ تھرڈ پوزیشن حدیقہ انجم نے حاصل کی اور اردو مقابلہ تقریر میں پہلی پوزیشن سیدہ بشریٰ گلزار نے حاصل کی اور دوسری پوزیشن عروہ عباس جبکہ تیسری پوزیشن کومل زرین نے حاصل کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) خواتین معاشرتی ترقی میں اہم کردار ادا کرتی ہیں اور گھریلو خواتین کا کردار قابل تحسین ہے۔ ان خیالات کا اظہار اسسٹنٹ کمشنر گجرات میاں اقبال مظہر نے گزشتہ روز گورنمنٹ میونسپل ہائی سکول گجرات میں ڈسٹرکٹ انڈسٹریل ہوم صنعت زار گجرات کے زیر اہتمام جشن بہاراں کے سلسلہ میں منعقدہ کوکنگ فیسٹیول کی تقریب سے خطاب کرتے ہوئے کیا۔ انہوں نے کہا کہ خواتین کو آگے بڑھنے کے مواقع ملنے چاہئیں اور بہترین کھانا پکانا بھی خواتین کا ہنر ہے۔ آج مجھے خوشی ہے کہ ہماری سٹوڈنٹس اور خواتین نے جس انداز میں اچھے اچھے کھانے پکائے اور انہیں پیش کیا یہ ان کی مہارت اور سلیقہ کا ثبوت ہے۔ انہوں نے کہا کہ ضلعی حکومت خواتین کے مسائل کے حل کیلئے بھر پور اقدامات کرے گی۔ ڈسڑکٹ سپورٹس آفیسر ندیم بٹ نے کہا کہ خواتین کا معاشرتی ترقی میں کردار ناقابل فراموش ہے اور ڈی سی او گجرات کی نگرانی میں ہونے والے جشن بہاراں میں خواتین کو بھی شرکت کا موقع دیا گیا ہے۔ مس غزالہ بھٹی ‘ محمد ارشد اور امجد کلیر کی ٹیم کی کاوشیں قابل تحسین ہیں۔ اس موقع پر اول مس شازیہ’ دوئم نگینہ امتیاز’ اور سوئم ثناء فیصل رہیں۔ جن کو نقد انعامات اور تعریفی سرٹیفیکٹس و شیلڈز دی گئیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)متاز دانشور اور قلم کار افتخار احمد بھٹہ کو انجمن ترقی پسند مضنفین کا صدر بننے کی خوشی میں فرئینڈ ز سول سوسائٹی گجرات ان کے اعزاز میں ایک پر تکلف استقبالیہ منعقد کر ے گی ۔جس میں دانشور ،صحافی ،اور ٹریڈ یونین سے وابستہ نامور شخصیات شرکت کر یں گی انسانی حقوق کمیٹی پنجاب کے چیئرمین سید باقر رضوی نے کہا ہے کہ افتخار بھٹہ گجرات کے عوام کا فخر ہیں ان کے کالم پورے ملک میں بڑی توجہ کے ساتھ پڑھے جاتے ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)محکمہ سوئی گیس گجرات ریجنل آفس بننے کے بعد مسائل کا گڑھ بن گیا ہے اور سوئی صارفین کی مشکلات میں پہلے سے زیادہ اضافہ ہو گیا ہے ۔معلوم ہوا ہے کہ گجرات کے باسیوں کو گیس کے کنکشن حاصل کر نا ایسا ہے کہ جیسے امریکہ کا گرین کارڈ حاصل کر نا ہے ،گجرات اور گردونواح کے شہریوں نے عرصہ سے گیس کے حصول کے لیے درخواستیں جمع کر وارکھی ہیںمگر ان پر کوئی عمل درآمد نہیں کیا جارہا اور نہ ہی لوگوں کو سوئی گیس کے کنکشن دہیے جارہے ہیں جو کہ سراسر زیادتی ہے ،2008 سے لیکر 2014تک جمع کرائی گئی درخواستوں پر بھی ابھی تک کوئی کنکشن نہیں لگایا گیا جبکہ 2015میں دی جانے والی درخواستوں پر سیاسی شفارش اور ورپے کی چمک سے ان پر عمل درآمد شروع ہوجاتا ہے مگر بڑے افسوس کی بات ہے کہ عرصہ دراز سے پڑی ہو ئی درخواستوں پر کوئی عمل درآمد نہیں ہو تا اس طرح گجرات محکمہ سوئی گیس ریجنل آفس گجرات میں میرٹ کی دھجیاں اڑائی جا رہی ہیں ،یہ بھی معلو م ہو ا ہے کہ سیاسی شفارش اور منسٹری کوٹہ کے علاوہ سوئی گیس کا عملہ اور آفسراناس کو ٹہ میں اپنے من پسند افراد کی درخواستیںبھی ڈال کر ہزاروں روپے کمائے جارہے ہیں مگر ان کوکو ئی پوچھنے والا نہیں ہے دوسری طرف جن درخواستوں کا ٹائم پریڈ بھی مکمل ہو چکا ہے ان کو بھی نظر انداز کیا جارہا ہے ،گجرات کے سماجی سیاسی حلقوں نے اعلی حکام سے فوری اصلاح و احوال کا مطالبہ کیا ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)جشن بہاراں کے افتتاح کے بعد شہباز شریف پارک میں پارکنگ اسٹینڈ کے نام پر لوٹ مار کی جارہی ہے گزشتہ روز کمشنر گوجرانوالہ کے افتتاح کے بعد پارک میں آنے والے شہریوں سے زبردستی گاڑیوں کی پارکنگ وصول کی جاتی رہی اور جو گاڑی مالکان پرچی کی فیس نہیں دیتا تھا اس کو گاڑی کو کھڑی نہیں ہو نے دیا جاتا تھا جشن بہاراں میں شرکت کرنے والے گجرات کے شہریوں نے اس فعل کو ناپسندیدہ قرار دیا ہے اور کہا ہے کہ ڈی سی او گجرات نے واضح کہا تھا کہ اس جشن بہاراں میں آنے والے شہریوں اور مہمانوں کو پروٹوکول دیا جائے گا مگر جشن بہاراں میں آنے والے شہریوں کو پارکنگ کے نام پر لوٹا جارہا ہے ڈی سی او گجرات فوری نوٹس لیں اور پارکنگ فیس وصول کرنے والے کے خلاف کاروائی عمل میں لاہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)جشن بہاراں میں ٹی ایم اے گجرات کی طرف سے صفائی اور لوگوں کے بیٹھنے کے لیے شاندار انتظامات کیے گئے تھے مگر لوگوں کیے لیے پینے کا پانی میسر نہ تھا جشن بہاراں میں شرکت کے لیے آنے والے مہمان اور شہری پانی کو ترستے رہے مگر ان کو پانی نہ مل سکا سخت گرمی کے باجود لوگوں کی بڑی تعداد جشن بہاراں میں شریک تھی ،کمشنر گوجرانوالہ افتتاح کے بعد ٹی ایم اے گجرات کی صفائی اور اچھے انتظامات کی تعریف بھی نہ کر سکے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) موضع بنگیال میں بابا میاں خاں کے ڈیرہ پر حضرت قاضی سلطان محمود آوانی کے سالانہ عرس مبارک کے سلسلہ میں سالانہ محفل منعقد ہوئی۔ جس کی صدارت صاحبزادہ رضوان منصور آوانی نے کی۔ خصوصی خطاب صاحبزادہ پیر سید عتیق شاہ نے کیا۔ ہدیہ نعت قاری شفیع نوشاہی ڈوگہ شریف اور محمد عارف شاہد گوندل نے پیش کیا۔ اس موقع پر گجرات فیصل آباد اور دیگر مقامات سے آئے ہوئے سنگیوں نے شرکت کی۔ جن میں محمد شبیر فیصل آباد’ بابا غلام رسول فیصل آباد’ مقبول احمد فیصل آباد’ ریاض چوہدری فیصل آباد’ حاجی لیاقت فیصل آباد’ سعید چوہدری فیصل آباد’ مدثر صرا ف ‘ اقبال صراف’ گجرات ‘ رانا فواد رحیم یار خاں’ و دیگر موجود تھے۔ اس موقع پر لنگر کا بھی وسیع انتظام کیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ممتاز سماجی شخصیت چوہدری لیاقت علی چاڑ شریف کے والد چوہدری راجے خان کا سالانہ ختم پاک کی تقریب ان کی رہائشگاہ چاڑ شریف میں منعقد ہوئی۔ صدارت مولانا خادم حسین خطیب اعظم نے کی ۔ نامور ثناء خوان حضرت صاحبزادہ سید علمدار حسین شاہ رانیوال سیداں’ قاری محمد شفیع نوشاہی گولڈ میڈلسٹ آف ڈوگہ شریف نے خصوصی ہدیہ نعت پیش کیا۔ مہمانان گرامی میں مولانا مختار احمد نوشاہی ناظم اعلیٰ جامعہ تبلیغ الاسلام دولت نگر چوہدری عامر حسین لاہور صوبیدار محمد اصغر تھے۔ تمام امور کی نگرانی چوہدری رفاقت حسین چوہدری منظور حسین نے کی۔ تمام شرکاء کیلئے دعو ت کا خاص انتظام کیا گیا۔ چوہدری لیاقت علی چاڑ شریف نے تمام شرکاء کا شکریہ اداکیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) گورنمنٹ کمپری ہینسو سکول جی ٹی روڈ گجرات کے ہونہار طالب علم نے نمایاں کامیابی حاصل کر لی ہے۔ رشید علی حامد آف کھیپڑانوالہ شریف نے کلاس ششم A میں نمایاں نمبروں سے کامیابی حاصل کی ہے۔ یہ اللہ تعالیٰ کا فضَ و کرم والدین کی دعائوں اور تمام اساتذہ کرام کے شب و روز محنت کا ثمر ہے۔ واضح رہے کہ رشید علی حامد نے ہر کلاس میں نمایاں پوزیشن حاصل کی ہے۔ طاہر عباس ہریہ والا’ طارق مسعود حامد’ پناب ٹیچرز یونین گجرات اہل علاقہ میاں محمد آصف’ نواز احمد’چوہدری عامر شہزاد آف موسیٰ کمالہ’ چوہدری فخر شہزاد آف پھلروان’ آفتاب احمد رحمانیہ’ چوہدری خضر عباس آف موسیٰ کمالہ کے علاوہ دیگر احباب نے مبارکباد پیش کی ہے۔ اللہ تعالیٰ مزید کامیابی نصیب فرمائے۔
فوٹو جرنلسٹس ایسوسی ایشن پریس کلب رجسٹرڈ کے انتخابات
ضلع بدین میں لوڈ شیڈنگ کا شدید بحران واپڈا والوں کی من مانیا
