گجرات (جی پی آئی) عزیز بھٹی شہید ہسپتال ظہور الٰہی شہید بلاک میں عبدالستار ایدھی کی غائبانہ نماز جنازہ ادا کی گئی۔ نماز جنازہ میں ہر مکتبہ فکر سے تعلق رکھنے والے افراد نے شرکت کی۔ پیرا میڈیکل سٹاف’ ڈاکٹرز کمیونٹی’ سول سوسائٹی’ ایدھی سنٹر کے ملازمین و دیگر افراد نے بھر پور شرکت کی۔ اس موقع پر صوبائی صدر YDA پنجاب ڈاکٹر سعود افضل’ ڈاکٹر کامران لطیف’ ڈاکٹر آصف محمود’ چوہدری سلیم اختر انجمن بہبود مریضاں ‘سماجی کارکن مہر فاروق خالد’ ڈاکٹر فلک شیر’ ڈاکٹر ندیم’ ڈاکٹر بلال’ ڈاکٹر سلیمان’ ڈاکٹر فریاد’ و دیگر ڈاکٹرز کمیونٹی سول سوسائٹی نے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)عبدالستار ایدھی بلا شبہ ایک عظیم سماجی شخصیت تھے۔ ان خیالات کا اظہار ممتاز سماجی شخصیت مہر فاروق خالد نے گزشتہ روز عزیز بھٹی شہید ہسپتال گجرات میں ظہور الٰہی ٹرسٹ کے زیر اہتمام تعزیتی ریفرنس کے موقع پر کیا۔ انہوں نے کہا کہ آج پوری قوم مرحوم عبدالستار ایدھی کو خراجِ تحسین پیش کر رہی ہے کیوں کہ عبدالستار ایدھی نے اپنا سب کچھ عوام کی خدمت کیلئے قربان کر دیا۔ DMS ڈاکٹر آصف محمود نے کہا کہ پوری قوم عبدالستار ایدھی پر فخر کرتی ہے اور انہیں خراجِ تحسین پیش کرتی ہے کیونکہ وہ قوم کیلئے جئے اور قوم کیلئے مرے۔ صوبائی صدر YDA ڈاکٹر سعود افضل نے کہا کہ ڈاکٹر عبدالستار ایدھی کو جتنا بھی خراجِ تحسین پیش کیا جائے کم ہے۔ کیونکہ وہ ہمیشہ عوام کے دلوں میں رہیں گے۔ اور عوام ان پر بلا شبہ فخر کرتی رہے گی ۔ اس موقع پر دیگر شرکاء نے بھی عبدالستار ایدھی کو خراجِ تحسین پیش کیا۔ اس موقع پر ڈاکٹر کامران لطیف’ ڈاکٹر ندیم’ ڈاکٹر بلال’ ڈاکٹر عامر’ ڈاکٹر سلمان’ و دیگر پیرا میڈیکل سٹاف کے صدر شبر حسین’ ایدھی سنٹر کا عملہ ، سول سوسائٹی کے اراکین نے بھی بھر پور شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)سٹیزن فرنٹ ضلع گجرات کے زیر اہتمام ممتاز سماجی کارکن اور فخر پاکستان عبدالستار ایدھی کی حدمات کو خراجِ تحسین پیش کرنے کیلئے تعزیتی ریفرنس کا انعقاد کیا گیا۔ جس سے خطاب کرتے ہوئے چوہدری علی ابرار جوڑا صدر سٹیزن فرنٹ ضلع گجرات نے کہا عبدالستار ایدھی کی دکھی انسانیت کیلئے خدمات کی مثال پورے بر صغیر پاک و ہند کی تاریخ میں نہیں ملتی ہے۔ ایدھی صاحب ایک احساس کا نام تھا اور ہر نمود و نمائش سے پاک در حقیقت ایک عظیم انسان تھے۔ انہوں نے لاکھوں لا وارث بچوں کی سرپرستی ‘ ہزاروں لاوارثو ں میتوں کو اپنے ہاتھوں سے غسل دیا۔ ملک میں در پیش آنے والی آفات میں اُنکے کارکنوں نے ہر ممکن مدد کی۔ انہوں نے کہا کہ پاک افواج نے جس طرح عبدالستار ایدھی کی سرکاری اعزاز کے ساتھ تدفین کا بندوبست کیا وہ اسکے حقدار تھے۔ افتخار بھٹہ نے کہا کہ ایدھی کی زندگی کا میرے نزدیک ایک ہی سبق ہے کسی شخص سے محض اس کے مذہب کی بنیاد پر محبت یا نفرت نہیں کی جا سکتی۔ ہم نے انسانیت کی خدمت کیلئے کوئی کام کیا ہے ایدھی نے تمام عمر انسانیت کی خدمت کی ۔ برصغیر کی تاریخ میں انسانیت خدمت کے حوالہ سے مدر ٹریسا کا نام بھی ممتاز اور مشہور ہے مگر وہ خدمت کے ساتھ عیسائیت کی تبلیغ کرتی تھیں۔ شیخ عرفان پرویز صدر سٹیزن فرنٹ گجرات سٹی نے کہا کہ عبدالستار ایدھی ایک گوہر نایاب تھے جسے ملکوں ملکوں ڈھونڈنے سے بھی پایا نہیں جا سکے گا۔ ریفرنس میں راجہ محمد اعجاز’ اویس مرزا’ و دیگر نے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پہلی پنجاب موئی تھائی چیمپین شپ 17ـ16جولائی کو گجرات میں منعقد ہوگی۔جس میں پنجاب بھر سے کھلاڑی شر کت کریں گے اور ٠٥ کلو۔٠٦کلو،٠٧کلو،٠٨کلو اور ٠٨کلو پلس کیٹگریز میں مقابلے منعقد کئے جائیں گے۔ یہ بات گجرات موئی تھائی ایسوسی ایشن کے سیکرٹری راشد محمود سپورٹس ورلڈ کو بتائی۔ اْنہوں نے بتایا کہ اس چیمپئین شپ میں شرکت کرنے والے کھلاڑیوں کو رہائش اور فوڈ کے علاوہ جیتنے والے کھلاڑیوں کو کیش پرائز بھی دئیے جا ئیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈی سی او لیاقت علی چٹھہ نے کہا ہے کہ سول ہسپتال جلالپور جٹاں کو ماڈل ہسپتال بنایا جائے گا ، ہسپتال میں مریضوں کو فراہم کرنے کیلئے وافر مقدار میں ادویات فراہم کر دی گئیں ہیں ۔ وارڈز میں اے سی اور لوڈ شیڈنگ کی صورت میں بجلی فراہمی کیلئے جنریٹر بھی مہیا کیے جا چکے ہیں ان خیالات کا اظہار انہوں نے سول ہسپتال جلالپور جٹاں میں مریضوں کو بہتر سہولیات کی فراہمی کے حوالے سے منعقدہ اجلاس کی صدارت کرتے ہوئے اس موقع پر اسسٹنٹ کمشنر نور العین ، ای ڈی او ہیلتھ ڈاکٹر الطاف حسین ، ڈی ڈی او ڈاکٹر محمد علی مفتی ، مسلم لیگ ن کے راہنما چوہدری تنویر گوندل ، شیخ شاہد انور ، حاجی ریاض ابراہیم و دیگر بھی موجود تھے ۔ ڈی سی او لیاقت علی چٹھہ نے مختلف شعبہ جات کا بھی معائنہ کیا اور مریضوں سے فراہم کی جانے والی سہولیات کے بارے میں دریافت کیا ۔ ڈی سی او لیاقت علی چٹھہ نے ہدایت کی کہ ایمرجنسی وارڈ سمیت تمام شعبہ جات میں ڈاکٹر ز ذمہ داری سے اپنے فرائض سرانجام دیں ، ڈیوٹی اوقات میں تمام میڈیکل افسران اپنی سیٹ پر موجود ہونے چاہیں غفلت کسی بھی صورت برداشت نہیں کی جائے ڈی سی او لیاقت علی چٹھہ نے کہا کہ سول ہسپتال جلالپور جٹاں کو تمام ضروری ادویات فراہم کر دی گئیں ہیں ، ڈاکٹرز مریضوں کو ہسپتال کے اندر سے ادویات کی فراہمی یقینی بنائیں ۔ انہوں نے ہدایت کی کہ محکمہ صحت اور مخیر حضرات باہم کوارڈی نیشن سے لیبارٹری میں مریضوں کو ٹیسٹوں کی سہولیات فراہم کرنے کیلئے فوری اقدامات کریں اسی طرح ایکسرے کیلئے فلموں کی فراہمی یقینی بنائی جائے ۔ انہوں نے ہدایت کی کہ ہسپتال میں بلا تاخیر سیکورٹی کیمروں کی تنصیب یقینی بنائی جائے جبکہ ہسپتال کی خوبصورتی میں اضافہ کیلئے لان میں خوبصورت پودے لگائے جائیں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ممتاز سماجی شخصیت عبدالستار ایدھی کی غائبانہ نماز جنازہ ظہور الٰہی اسٹیڈیم میں ادا کی گئی جس میں ڈی سی او لیاقت علی چٹھہ ، جماعت اسلامی کے راہنما ڈاکٹر طارق سلیم ، سماجی کارکن خادم علی خادم ، بابر بھیا ، لالہ جی سعید اقبال ، ایدھی سنٹر کے انچارج احسان اللہ بٹ سمیت مختلف شعبہ ہائے زندگی سے تعلق رکھنے والے افراد کی کثیر تعداد نے نماز جنازہ میں شرکت کی ۔ اس موقع پر مرحوم کے درجات کی بلندی کیلئے خصوصی دعا کی گئی ۔ اس موقع پر بات چیت کرتے ہوئے ڈی سی او لیاقت علی چٹھہ نے کہا کہ عبدالستار ایدھی کی انسانیت کیلئے خدمات ناقابل فراموش ہیں پاکستانی قوم ان کی خدمات کو ہمیشہ یاد رکھے گی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)عید ملن خوشیوں کے اجتماعی اظہار کی اہم روایت ہے۔ جامعہ گجرات عظیم روایات کی علمبردار دانش گاہ ہے۔ جامعہ گجرات اپنے طلبا و طالبات کی ذہنی و فکری صلاحیتوں کو جلا بخشتے ہوئے انہیں ملک و ملت کے ذمہ دار اور مفید شہری بنانے کی راہوں پر گامزن ہے۔میں دُعا گو ہوں کہ ہماری تمام اجتماعی کاوشیں جامعہ گجرات کی نیک نامی اور کارکردگی میں اضافہ کا باعث ثابت ہوں۔ رمضان المبارک کی پُر نور اور ضیاء پرور مقدس عبادت کے صلہ میں عید الفطر کا تہوار ایک انتہائی پُر مسرت اور خوش کُن اُمیدوں کی بہار لے کر آتا ہے۔ ان خیالات کا اظہار وائس چانسلر جامعہ گجرات پروفیسر ڈاکٹر ضیاء القیوم نے مختلف شعبہ جات کے ڈین، ڈائریکٹروں، چیئرپرسن، صدور شعبہ جات اور انتظامیہ کے ممتاز اراکین کے اعزاز میں منعقدہ عید ملن پارٹی کے شرکاء سے خطاب کرتے ہوئے کیا۔ اُنہوں نے مزید کہا کہ عید کا تہوار ہمیں معاشرہ کے پسماندہ اور محروم طبقات کو اپنے ساتھ خوشیوں میں شامل ہونے کا موقع فراہم کرتا ہے۔ اسلام دین فطرت ہے اور وہ ہمیں غرباء اور مساکین کے ساتھ حسن سلوک اور صلہ رحمی کا درس دیتا ہے۔ جامعہ گجرات کے طلبہ کی شخصیت سازی ہمارے نظام تعلیم و تربیت کا ایک اہم حصہ ہے۔ میری اساتذہ سے استدعا ہے کہ وہ طلبہ کی علمی صلاحیتوں میں اضافہ کے ساتھ ساتھ ان کی شخصیت اور کردار سازی پر خصوصی توجہ دیتے ہوئے انہیں معاشرہ کا ایک ایسا کار آمد فرد بننے میں مدد دیں جو حقیقی معنوں میں پاکستان کی علمی و معاشی ترقی کا ستارا بن کر اُبھرے۔ رجسٹرار جامعہ گجرات ڈاکٹر طاہر عقیل نے اظہارِ خیال کرتے ہوئے کہا کہ جامعہ گجرات موجودہ قیادت کی دور اندیش فکر و تدبر کے سایہ میں جامعہ کے تعلیمی نظام کو بہتر سے بہترین بنانے کی راہوں پر گامزن ہے۔ ہماری اجتماعی کاوشیں یقینا ہمیں کامیابی سے ہمکنار کریں گی۔ڈین فیکلٹی برائے سائنسز ڈاکٹر محمد فہیم ملک نے کہا کہ دین اسلام سراسر فلاح انسانیت کا پیغام ہے۔ بحیثیت مسلمان ہمیں اپنے فرائض منصبی دیانتداری اور خلوص سے ادا کرنے کی کوشش کرنا چاہیے۔ عید ملن پارٹی کے موقع پر صدور شعبہ جات، چیئرپرسن اور ڈائریکٹروں نے اپنے خیر سگالی جذبات کا اظہار کرتے ہوئے ادارہ کے لیے نیک خواہشات کا پرچار کیا۔ اس موقع پر ایک یادگاری کیک کاٹنے کا اہتمام بھی کیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)انسانیت کی خدمت کی لگن ارفع ترین انسانی جذبہ ہے۔ تاریخ انسانیت میں انہیں عظیم لوگوں کی خدمات کو سنہری حروف میں لکھا گیا جنہوں نے اپنی زندگیاں انسانیت کی فلاح و بہبود کے لیے وقف کرتے ہوئے کارہائے نمایاں سر انجام دئیے۔ عبدالستار ایدھی کا نام پاکستان کی تاریخ میں ایک عظیم اور مخلص شخصیت کی حیثیت سے ہمیشہ زندہ رہے گا۔ ایدھی ایک صاحب دل قد آور شخصیت اور انسان دوستی کا استعارہ تھے۔ ایدھی جیسی عظیم شخصیات صدیوں میں پیدا ہوتی ہیں۔ ان کی موت میں بھی ایک عظمت پنہاں ہے۔ انہوں نے پاکستان میں قومی خدمت کے جذبہ کو فروغ دینے میں اہم کردار ادا کیا۔ ان خیالات کا اظہار وائس چانسلر پروفیسر ڈاکٹر ضیاء القیوم نے جامعہ گجرات میں معروف انسان دوست شخصیت عبدالستار ایدھی کی وفات پر منعقدہ ایک تعزیتی اجلاس کی صدارت کرتے ہوئے کیا۔ اس تعزیتی اجلاس میں رجسٹرار ڈاکٹر طاہر عقیل، ڈین پروفیسر ڈاکٹر محمد فہیم ملک، ٹریژ رر وحید بٹ، کنٹرولر امتحانات ڈاکٹر محمد دانش، پرنسپلNSMCڈاکٹر ظفر اقبال گل، پرنسپلUOGجی ٹی روڈ کیمپس محمد عارف چوہدری کے علاوہ مختلف شعبہ جات کے چیئرپرسن، صدور شعبہ جات ، UOGڈائریکٹران اور انتظامیہ کے ممتاز اراکین نے شرکت کی۔ تعزیتی اجلاس کی نظامت کے فرائض ڈائریکٹر میڈیا شیخ عبدالرشید نے سرانجام دئیے۔ عبدالستار ایدھی کی رُوح کے ایصال ثواب کے لیے اجتماعی فاتحہ خوانی کا اہتمام بھی کیا گیا۔ ڈاکٹر طاہر عقیل نے کہا کہ ایدھی ایک قد آور عوامی شخصیت تھے۔ اُنہوں نے اپنی خدمات کے ذریعے محروم اور پسماندہ عوام کے دل جیت لئے۔ ان کے فلاحی منصوبہ جات صداقت کا ملہ کے حامل تھے۔ ایدھی نے صدق دل سے عوامی خدمت کے جذبہ سے معمور ہو کر فلاح انسانیت کا ایک بہت بڑا نیٹ ورک تشکیل دیا۔ ڈاکٹر فہیم ملک نے کہا کہ قوموں کی پہچان کا فریضہ ہمیشہ ایدھی جیسی عظیم شخصیات سر انجام دیتی ہیں۔ عبدالستار ایدھی اپنی عظیم عوامی خدمت کی بناء پر پاکستانی عوام کے دلوں میں گھر کر چکے تھے۔ ڈاکٹر جاوید حیدر سید نے کہا کہ ایدھی کے مشن نے پاکستانی قوم کو شخصی و قومی سطح پر متاثر کیا۔ عبدالستار ایدھی جیسی شخصیات پاکستان کا اصل چہرہ ہیں۔ محمد حیدر معراج نے کہا کہ ایدھی نے ذاتی جذبوں پر ہمیشہ قومی خدمت کو ترجیح دی۔ اس تعزیتی اجلاس میں شامل تمام افراد نے عبدالستار ایدھی کو بہترین الفاظ میں خراج عقیدت پیش کرتے ہوئے اس امر کا اعادہ کیا کہ ان کی عظیم قومی خدمات کو پاکستانی عوامی تاریخ میں سنہرے حروف سے لکھا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)عبدالستار ایدھی کی روح کے ایصال ثواب کے لئے سحر ویلفیئر سوسائٹی (رجسٹرڈ) کھاریاں کے مرکزی دفتر میں قرآن خوانی اور دعائیہ تقریب کا اہتمام کیا گیا جو کہ سوسائٹی کے جنرل سیکرٹری علی ظفر ملک اور فنانس سیکرٹری مس فرح عنصر نے کیا تھا اس موقع پر سوسائٹی کے عہدیداران، ایدھی سنٹر کھاریاں کے ملازمین اور سماجی شخصیات، صحافیوں نے بھی شرکت کی۔ سوسائٹی کے سینئر نائب صدر صحافی سید تنویر نقوی نے سحر ویلفیئر سوسائٹی (رجسٹرڈ) کھاریاں کے پلیٹ فارم پر حکومت سے مطالبہ کیا کہ اسلام آباد، راولپنڈی میں نئے تعمیر ہونے والے انٹرنیشنل ایئرپورٹ کا نام عبدالستار ایدھی کے نام سے منسوب کر کے مرحوم کو خراج عقیدت پیش کیا جائے۔ اس موقع پر سرپرست سوسائٹی چوہدری محمد اختر حقیقہ، صدر میڈم دانش زہرا، سماجی کاروباری شخصیت محمد منیر سیٹھی، اسرار الحق، سوشل ویلفیئر آفیسر سرفراز مسیح، کلرک حافظ عابد علی، کلرک ظہیر احمد، صحافی حکیم غلام شبر، رفیق مغل اور دیگر بھی شریک تھے خصوصی دعا محمد منیر سیٹھی نے کروائی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)ممتاز کاروباری شخصیت صوبیدار(ر) مظہر اقبال، M.D حماد کریانہ اینڈ جنرل سٹور ایم بلاک کارنر شاپ نے وائس چیئرمین یوسی بدرمرجان چوہدری اجمل حسین پیارا کو PTI یوتھ ونگ حلقہ پی پی 115 کا صدر منتخب ہونے پر مبارکباد پیش کی ہے اور کہا ہے کہ قائدین نے بہترین انتخاب کیا ہے انشاء اللہ چوہدری اجمل حسین پیارا قائدین کے اعتماد پر پورا اتریں گے اور یوتھ ونگ کو فعالب نانے کے ساتھ ساتھ ناقابل تسخیر تنظیم بھی بنائیں گے اور قائد عمران خان کے ویژن کی تکمیل کے لئے بھرپور کردار بھی ادا کریں گے ہمارا ہر قسم کا تعاون چوہدری اجمل حسین پیارا کے ساتھ شامل حال رہے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی) ڈیرہ چوہدری عبدالمالک حلقہ این اے107 بلکہ پورے ضلع گجرات کے عوام کے لئے اجتماعی اور انفرادی مسائل کے حل کا مرکز بن چکا ہے۔ M.N.A چوہدری عابد رضا، MPA چوہدری شبیر احمد، چیئرمین چوہدری محمد علی تنویر، چوہدری آصف رضا اور تمام سیکرٹری ہمہ تن مسائل کے حل کے لئے مصروف عمل ہیں ان خیالات کا اظہار نوجوان مسلم لیگی راہنما کونسلر محمد ناصر ایوب سیٹھ رڑیالہ نے کیا۔ انہوں نے کہا کہ ڈیرہ چوہدری عبدالمالک اس وقت علاقہ کے امن و امان کے قیام اور دشمنیاں ختم کرووانے کا سمبل بن چکا ہے جو کہ قائدین کوٹلہ برادران کی علاقائی اور عوامی خدمت کا منہ بولتا ثبوت ہے چوہدری عابد رضا کوٹلہ کی وجہ سے علاقہ سے چوریاں، ڈکیتیاں اور قتل و غارت گری ختم ہوئی ہے پورے حلقہ این اے107 میں کوئی بھی نوگو ایریا نہیں ہے لوگ رات کے اوقات میں بھی بلاخوف و خطر سفر کرتے ہیں ہم قائدین کوٹلہ برادران کی قیادت میں متحد ہو کراپنے اپنے علاقہ میں انہی کا مشن مکمل کر رہے ہیں اور امن و امان کے قیام کے لئے بھرپور کردار ادا کر رہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی) ممتاز سماجی شخصیت اوورسیز پاکستانی چوہدری عقیل انجم لطیف مہمند چک (ڈنمارک) نے کہا ہے کہ عبدالستار ایدھی جیسی انسان دوست شخصیت صدیوں بعد بھی پیدا نہیں ہوتی ان کی وفات سے دنیا ایک مسیحا سے محروم ہوئی ہے فقیرانہ طرز زندگی کے حامل عبدالستار ایدھی کی زندگی انسانیت کے لئے مشعل راہ ہے مرحوم کی انسانی اور بے لوث خدمات کو تاقیامت یاد رکھا جائے گا ہم دعا گو ہیں کہ اللہ تعالیٰ مرحوم کے درجات بلند کرے اپنی جوارِ رحمت میں مقام عظیم عطا فرمائے اور پوری انسانیت کو عبدالستار ایدھی کے راستے پر چلنے کی توفیق بھی دے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)کھاریاں جی ٹی روڈ پر دونوں اطراف میں اڈے اور بس بے کے ساتھ قائم کھوکھا مالکان نے ات مچا رکھی ہے۔ جبکہ گرانفروشی بھی عروج پر ہے۔ کولڈ ڈرنک، سیگریٹ اور دیگر اشیاء کے من مانے ریٹ وصول کئے جا رہے ہیں عوام کو دونوں ہاتھوں سے لوٹا جا رہا ہے لوگوں کی مجبوری کا ناجائز فائدہ اٹھایا جا رہا ہے عوامی حلقوں نے AC کھاریاں سے از خود نوٹس لینے اور ان کھوکھا والوں کے خلاف ایکشن لینے کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)کھاریاں کینٹ کے ایریا گیمن بازار میں سبزی، فروٹ فروشوں نے انہی مچا دی۔ خود ساختہ ریٹ لسٹوں کے مطابق قیمتیں وصول کر کے عوام کی الٹی چھری سے کھال ادھیڑنا شروع کر دی۔ تفصیل کے مطابق گیمن بازار کھاریاں کینٹ کے سبزی ، فروٹ فروش بے لگام گھوڑوں کا روپ دھار گیا۔ کھاریاں کے دوسرے بازاروں کی نسبت ہر چیز پر کئی گنا زیادہ منافع کما رہے ہیں سرکاری نرخ ناموں کو بالائے طاق رکھ کر اپنی مرضی کے نرخ نامے تیار کر کے اُن کے مطابق اشیاء کی قیمتیں وصول کر رہے ہیں گیمن کے مکینوں کی محنت مزدوری کی کمائی سبزی، فروٹ فروش جونک بن کر چوس رہے ہیں گیمن کے رہائشی اپنی کمائی سبزی ، فروٹ فروشوں کے ہاتھوں لٹانے پر مجبور ہیں ان پر کوئی چیک اینڈ بیلنس نہیں۔ عوامی سماجی حلقوں نے سی ای او کنٹونمنٹ بورڈسے اپیل کی ہے کہ گیمن بازار کے سبزی ، فروٹ فروشوں کو نکیل ڈالیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)ایس ایچ او تھانہ صدر کھاریاں عید کا وہ چاند بن گئے جو کسی بھی مائیکروسکوپ سے دیکھے نہیں جا سکتے۔ تھانہ میں ایس ایچ او کی کئی کئی گھنٹے غیر حاضری سے سائلین رل گئے۔ تفصیلات کے مطابق ایس ایچ او تھانہ صدر کھاریاں کھلی کچہری کے نام پر صرف 2گھنٹے ”منورنجن” کے بعد پھر غائب ہو جاتے ہیں اُن کی عدم موجودگی میں سائلین تفتیشی آفیسران اور دیگر عملہ کے رحم و کرم پر ہوتے ہیں جو سائلین کو دل کھول کر خجل و خوار کرتے رہتے ہیں اکثر اوقات دیکھنے میں آیا ہے کہ ایک معمولی سے مسئلہ کے حل کے لئے بھی سائلین کو کھلی کچہری کا انتظار کرنا پڑتا ہے اور وہاں پر بھی صرف ایس ایچ او موصوف کے ماضی کے بہادری کے قصے سننے کے علاوہ کچھ حاصل نہیں ہوتا اگر کوئی سائل بدقسمتی سے تھانہ میں کسی اور اہلکار کے ہتھے چڑھ جائے تو پھر بیچارے کے ساتھ وہ سلوک کیا جاتا ہے کہ وہ اپنے مسئلہ سے ہی دستبردار ہو جاتا ہے ۔ ذرائع کے مطابق تھانہ صدر کھاریاں میں ٹائوٹ بھی بڑی تعداد میں گھومتے پھرتے ہیں اگر کوئی مصیبت کا مارا ٹائوٹوں کے جال میں پھنس جائے تو ٹائوٹ اسے کہتے ہیں ”جناب آپ ایس ایچ او کو چھوڑیں ہم سے تعاون کریں ہم آپ کا کام کرا دیں گے اور آپ کا کام کچھ دو کچھ لو کی بنیاد پر ہوگا۔ ایس ایچ او شام 4سے 6بجے تک کھلی کچہری منعقد کرتے ہیں باقی 22گھنٹے ٹائوٹ مافیا تھانہ کے باہر کھلی کچہری لگا کر مصیبت زدہ عوام کو لوٹنے میں مصروف ہے ٹائوٹ مافیا اتنا بے رحم اور نڈر ہو چکا ہے کہ انہیں ایس ایچ او کی بھی رتی برابر پرواہ نہیں ہوتی۔ شہر بھر میں چہ میگوئیاں جاری ہیں کہ ڈی پی او کے جانے کے بعد ایس ایچ او کے ذہن میں شائد یہ بات آ گئی ہے کہ اب میں نئے ڈی پی او کی تعینات ہی ضلع بھر کے پولیس آفیسران کو اِدھر سے اُدھر کر دیا جائے گا اس لئے تھانہ میں عدم دلچسپی کا مظاہرہ کر رہے ہیں عوامی سماجی حلقوں نے وزیراعلیٰ پنجاب، آئی جی پنجاب اورآر پی او گوجرانوالہ سے مطالبہ کیا ہے کہ ایس ایچ او تھانہ صدر کھاریاں کو پابند کیا جائے کہ وہ کھلی کچہری کے چکروں سے نکل کر تواتر کے ساتھ تھانہ میں بیٹھ کر عوام کے مسائل حل کرائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)خدمت خلق کے جذبوںکوپروان چڑھانے والی قومیںہی ترقی کی منازل طے کرتی ہیں۔عبدالستارایدھی نے انسانیت کی خدمت کی جوتحریک شروع کی اسکے اثرات پوری دنیامیںمحسوس کئے جارہے ہیں۔عبد الستار ایدھی ایک تحریک اورجذبے کانام ہے اورجذبے مردہ نہیںہوتے اورتحریکیںانقلاب لاتی ہیں۔انہوںنے سماجی کاموںکے ذریعے لوگوںکے ذہن تبدیل کرکے تبدیلی کے نعرے کوعملی جامہ پہنایا۔ان خیالات کااظہارصدرانجمن بہبودی مریضاںتحصیل یڈکوارٹرہسپتال وزیرآبادناصر محموداللہ والے نے عبد الستار ایدھی کی وفات کے سلسلہ میںمنعقدہ تعزیتی ریفرنس سے خطاب کرتے ہوئے کیا۔اس موقع پرسابق سیکرٹری قانون حسن نوازجوندہ،ایم ایس ڈاکٹرافتخاراحمد،حاجی ارشدمحمودسلیمی،حاجی محموداختر،جاوید اسلم خاں،محمداکبر بٹ،عمران رسول بٹ،ڈاکٹررضا سلطان،محمداشرف نثار،محمداسلم جتالہ،حاجی محمداشفاق مغل،حاجی ثناء اللہ،شیخ شوکت رضا،شہزاداعوان،محمدعاصم جمیل بھی موجودتھے۔انہوںنے کہا کہ عبد الستار ایدھی خدمت خلق کاموںکوسیکھنے والوںکے لئے مکتب کی حیثیت رکھتے تھے۔ان کاکردارانسانیت کی خدمت اورسادگی اپنانے میںپانی مثال آپ تھے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)والدین اولاد کے لئے عطیہ خداوندی ہیںاولاد کے لئے والدین وہ شجرسایہ دارہوتے ہیںجواولادپرہمیشہ ہمیشہ قائم رہتا ہے۔اولادکی کامیابی کے پیچھے والدین کی دعائوںکی طاقت ہوتی ہے۔نیک صالح والدین اولاد کے لئے انمول تحفہ ہیں۔اولاد کے حق میں ماں کی دعا کو اللہ رب العزت کبھی رد نہیں کرتا۔ ان خیالات کا اظہار ممتاز عالم دین علا مہ ثناء اللہ ربانی نے بابر بٹ کے والدحاجی غلام رسول بٹ کے قل شریف کے ختم کے موقع پر کیا۔اس موقع پرعقیل احمدسمیت منتخب نمائندے،سیا سی وسماجی تنظیموںکے عہدیداران اوراہل علاقہ کی کثیرتعدادموجودتھی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)سیا سی وسماجی راہنما ملک عدنان احمدکلیاراورملک نبیل احمدکلیارنے کہا ہے کہ عبد الستار ایدھی اپنے فلا حی کاموںسے لوگوںمیںزندہ ہیںاورزندہ رہیںگے۔انہوںنے ملک میںانسانی خدمت کے جذبے کوپروان چڑھاکرحقیقی تبدیلی لاکر دکھائی۔عبدالستارایدھی کی خدمت کے ولولوںکوپوری دنیامیںمحسوس کیا جارہا ہے۔انہوںنے کہا کہ عبد الستار ایدھی نے ہر قسم کے لالچ دھونس سے بے خوف خطرانسانی بھلائی کے کاموںکاجاری رکھامورخ فلا حی کاموںکی تاریخ مرتب کرتے وقت ان کے کام کونظراندازنہیںکرسکتا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآبا(جی پی آئی)ناظم ضلع انجمن طلباء اسلام محمد شاذب رضا اور ضلعی فنانس سیکرٹری اپنا عمر رضانے کہاہے کہ عبدالستار ایدھی جیسا انسان صدیوں بعد پیدا ہوتا ہے عبدالستار ایدھی ہمارے لیے رول ماڈل تھے ان کے جانے کے بعد ملک یتیم ہو گیااور ان کے جانے کے بعد جو خلا پیدا ہوا ہے وہ کبھی بھی پُر نہیں ہو گا ۔ہم سلام پیش کرتے ہیں اس آدمی کو جس کے دنیا سے جاتے ہوئے بھی یہ الفاظ تھے میرے ملک کہ غریبوں کا خیال رکھنا کاش یہ خیال ہمارے ملک کے کسی حکمران کو بھی آیا جائے اور ملک سے کوئی بچہ بھی بغیر تعلیم کے نہ رہے۔ہم سب کو رول ماڈل بننا ہو گا اور ایدھی صاحب کے مشن کو آگے لے کر چلنا ہو گا۔زندگی کا اصل مقصد ہی انسانیت کی خدمت کرنا ہے اور جو سکون انسانیت کی خدمت سے ملتا ہے وہ کہنی بھی نہیں ملتااور اللہ تعالٰی سے دعا گو ہیں کے اللہ ان کے درجات بلند فرمائے آمین۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)انسانی خدمت کے طالب علموںکے لئے یونیورسٹی کادرجہ رکھنے والے عبد الستار ایدھی اپنے فلا حی کاموںسے لوگوںکے دلوںمیںزندہ رہیںگے۔انہوںنے سرکاری اورغیر ملکی امدادنہ لیکرفلا حی تنظیموںکواپنی مددآپ کے تحت انسانیت کی خدمت کرنے کادرس دیااورانہوںنے معاشرے کے دکھ سمیٹ کرسکھ بانٹنے میںعمرگزاردی۔ان خیالات کا اظہارجنرل سیکرٹری النورویلفیئرسوسائٹی ڈاکٹر سیدرضا سلطان نے قومی ہیروعبد الستار ایدھی کی وفات پرمنعقدہ تعزیتی اجلاس سے خطاب کرتے ہوئے کیا۔اس موقع پرمولوی محمداعظم غفاری،اویس میو،سیدشفاعت رضا،سیدسعادت رضاعلی،شیروزچوہان،رانا محمداسلم،سیدوجاہت رضا،سیدوصی الحسن زیدی بھی موجودتھے۔انہوںنے کہا کہ انسانیت کی خدمت کرنے والوںکے لئے دنیامیںتوانعامات ہیںمگرآخرت میںجودرجے رب کریم نے ان کوعطاء کرنے ہیںوہ انسان اورخالق کائنات کے درمیان ہیں۔عبد الستار ایدھی نے اپنوںکے ٹھکرائے ہوئے افرادکوسینے سے لگایااوربے سہارا،یتیم ،لاوارث انسانوںکواپنے ایدھی ہومزمیںایک خاندان بناکرکنبے کی شکل دی۔انکی وفات سے ان سے پیارکرنے والاہرفرداشکبارہے ان سے پیارکرنے والے ان کواپنے دلوںمیںزندہ وجاوید رکھیںگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) خطہ پوٹھوہار کے عظیم روحانی پیشوا،ولی اللہ،درویش ،فقیرسلطان العارفین حضرت سائیں محمد اشرف بادشاہ قادری قلندری کا 77واں سہ روزہ سالانہ عرس کاانعقاد15تا17جولائی زیرسرپرستی سجادہ نشین پیرنسیم احمدہاشمی قادری قلندری دربارعالیہ قادریہ قلندریہ تمیرشریف اسلام آبادمیں ہوگا۔عرس کی تقریبات کے مہمان خصوصی صاحبزادہ پیر سائیں مطلوب حسین سجادہ نشین کامرہ شریف ہوںگے۔دربارعالیہ قادریہ قلندریہ تمیرشریف کے ترجمان صاحبزادہ سالم شاہ اظہراورشہزادہ حسن شاہ اطہرکے مطابق عرس کی تقریبات کاباقاعدہ آغاز15جولائی بروزجمعہ محفل میلاد،محفل ذکرواذکار،غسل دربار شریف سے ہوگا،سجادہ نشین دربار عالیہ پیر نسیم احمد ہزاروں زائرین کی موجودگی میں روضہ مبارک کوعرق گلاب سے غسل دینگے اور پھولوں کی چادریں چڑھائیں گے۔سہ روزہ عرس کے دوسرے روز16جولائی بروزہفتہ سلطان العارفین حضرت سائیں محمداشرف بادشاہ قادری قلندری کے حضورڈالیاںپیش کی جائیںگی۔تمیرگائوں، لہتراڑ،کوٹلی ستیاں،ترامڑی چوک،غوری ٹائون،غوری گارڈن،کورال چوک،جھٹہ ہتھیال، تختی راجگان،نکڑالی چک بیلی روڈ،پوٹھی گوجرخان،علی پور،جھنگ سیداں،راولپنڈی،لاہوراورچکوال سے درجنوںڈالیاں پیش کی جائیں گی،عرس کی خصوصی تقریب زائرین کی پریڈہوتی ہیجس میں ہزاروں زائرین فوجی جوانوں کی طرزپرنظم وضبط سے پریڈکرتے ہوئے دربارشریف کوسلامی دیتے ہوئے گزرتے ہیں۔اس موقع پر دربار شریف میںنعت خوانی اور محفل سماع منعقد ہوگی جس میںمعروف نعت خوان اور قوال نذرانہ عقیدت پیش کرینگے محفل نعت وسماع صبح نمازفجرتک جاری رہیگی،جس کے بعد سجادہ نشین دربار شریف پیر نسیم احمد ملک وقوم کی فلاح و بہبود کے لیے خصوصی اجتماعی دعا کرائینگے۔ عرس کی تقریبات facebook.com/tumairsharifپربراہ راست نشرکی جائیںگی۔ ملک بھرکے مختلف علاقوں سے ہزاروں افرادکا عرس کی تقریبات میں شرکت کے لیے تمیر شریف اسلام آبادآمدکاسلسلہ جاری ہے ۔عرس کی تقریبات کے دوران تین دن تک دربار کی جانب سے زائرین میں لنگر بھی تقسیم کیا جائیگا۔ عرس کے موقع پرسلطان العارفین حضرت سائیں محمد اشرف بادشاہ قادری قلندری کی بستی تمیرشریف میں میلہ لگ گیاہے اور دربارشریف پر خوبصورت برقی قمقموں سے چراغاں کیا گیاہے اورجھنڈوںاورجھنڈیوں سے سجایاگیاہے۔اس موقع پر کسی بھی ناخوشگوار واقعہ سے نمٹنے کیلئے سیکورٹی کے سخت ترین حفاظتی انتظامات کیئے گئے ہیں۔رضاکاروں کے علاوہ مقامی پولیس کے سیکڑوں جوانوںنے سیکورٹی کی ذمہ داریاں سرانجام دینگے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی(جی پی آئی)پاکستان تحریک انصاف کے مرکزی رہنما ڈاکٹر عارف علوی نے کہاہے کہ محکمہ موسمیات کے مطابق کراچی میں تیز بارشوں کا امکان ہے کوہ سلیمان سے آنے والے سیلابی ریلے کی وجہ سے اربن فلڈنگ اورکراچی سمیت پورے سندھ میں حکومتی تیاریاں نامکمل اورغیر تسلی بخش ہیں ۔ جس کے لیے صوبے کے تمام اہم اداروں میں ایمرجنسی نافذ کی جائیں ۔کسی بھی ہنگامی صورتحال میں انصاف ہائوس کراچی میں مرکزی ریلیف کیمپ( رین ایمرجنسی سنٹر) اورانصاف مانیٹرنگ سیل قائم کردیاجائے گا۔جس کے لیے پورے سندھ کے عہدیداراور کارکنان حکومتی اداروں اور دیگر اداروں کے ساتھ ملکر کر امدادی سرگرمیوں میں بھرپور حصہ لینگے ہم نے اپنی تمام تنظیموں کو متحرک کردیاگیاکیونکہ ہمیں خطرہ ہے کہ سندھ اور بلوچستان کے پانی سے سندھ ڈوب سکتاہے ، حلیم عادل شیخ نے گزشتہ بارشوں میں جو ایمرجنسی بوٹس شہریوں کی مدد کے لیے فراہم کی تھی وہ بھی ضرورت پڑنے پر استعمال میں لائی جائینگی۔یہ بات انہوں نے حلیم عادل شیخ کے ہمراہ انصاف ہائوس میں مشترکہ پریس کانفرنس میں کہیں ۔ڈاکٹر عارف علوی نے کہا کہ 2011 میں رین فلیڈنگ برساتی سیلاب کی وجہ سے 91لاکھ متاثر ہوئے ،جبکہ اسی طرح حکومت کی عدم توجہ کی وجہ سے 2012 میں 35 لاکھ لوگ متاثر ہوئے ۔ اس تمام عرصے میں NDMAمیں اپنی کارکردگی دکھانے میں ناکام رہاہے ۔اس بار بھی ان ہی خدشات کا سامناہے کراچی میں نالوں کی صفائیاں بہت دیر سے شروع کی گئی یہ لوگ پشتے ٹوٹنے اورلوگوں کے ڈوبنے کاانتظار کرتے ہیں تاکہ ان کو فنڈ ملے ۔نالوں پرتجاوزات اور کچراڈمپ ہونے کرنے کی وجہ سے برساتی نالے چوک ہوچکے ہیں ،برساتی نالوں پر بلڈنگیں بن چکی ہیں۔۔شہر میں ڈیذاسٹرمینجمنٹ کا کوئی ادارہ باضابطہ طور پر کام نہیں کررہاہے ۔انہوں نے کہا کہ کوہ سلیمان پر بارشوں کی وجہ سے دریائے سندھ کے کچے کے علاقے زیر آب آنے کا خطرہ ہے ۔اس وقت تقریباً 14لاکھ آبادی کچے میں رہتی ہے جبکہ ابھی تک کچے سے انخلاء نہیں کرایا گیا۔دریائے سندھ کے بند اورنہروں کے پشتے کمزرو ہیں نہ تو بندوں کو مظبوط کیا گیا اور نہ ہی نہروں کی بھل صفائی بہتر انداز میں کرائی گئی ۔حلیم عادل شیخ نے کہا کہ ایری گیشن ڈیپارٹمنٹ میں بے پناہ کرپشن کی بنیاد پربند اور پشتے کمزور ہیں ۔اصولی طور پر اصل ذمہ داریNDMA کی بنتی ہے جس کا دفتر پرائم منسٹر ہائوس میں ہے جو کسی بھی ایمرجنسی کی صورت میں ایڈمنسٹریٹرڈیپارٹمنٹ کے طور پر کام کرے اور اداروں میں کوارڈینیشن کا کردار اداکرے جو ہمیشہ ناکام رہا۔اس وقت صوبے میں کوئی Erly warning کام نہیں کررہاہے اور نہ ہی حکومت کی جانب سے سیلابی سورتحال میں محفوظ مقامات کی نشاندہی کی گئی ۔اس موقع پر ان کے ہمراہ سبحان ساحل ،سرورراجپوت ،نصرت وہاب اور دیگرموجود تھے۔ڈاکٹر عارف علوی نے ایک سوال کے جواب میں کہا کہ ماضی میں حکومتوں کی غلطیوں کو نظر انداز کرتے ہوئے تحریک انصاف یہ سمجھتی ہے کہ قدرتی آفات کا مقابلہ حکومتیں نہیں بلکہ قومیں کیا کرتی ہیں اس کے لیے ہم حکومت کو چند تجاویزدینا چاہتے ہیں ۔صرف ڈسٹرکٹ ایڈمنسٹریشن ،ہیلتھ اور لوکل گورنمنٹ ہی نہیں بلکہ ورکس اینڈ سروسز میں بھی ایمرجنسی لگائی جائے اس لیے کہ دوران سیلاب روڈ اور راستے بھی تباہ ہوجائینگے ۔.2 ایجوکیشن ڈیپارٹمنٹ دوران ایمرجنسی سب سے زیادہ متاثر ہونے والا ادارہ ہے کیونکہ بہت سے اسکولوں میں تو پانی آجاتاہے اور جو اسکول بچ جاتے ہیں ان میں متاثرین کے کیمپ لگادیئے جاتے ہیں ۔.3سوشل ویلفیئر میں ایمرجنسی ۔ سوشل ویلفیئر میں بھی ایمرجنسی نافذ ہونا ضروری ہے تاکہ تمام NGO’sاورESOS بھی حکومت کے ساتھ ایمرجنسی میں امدادی سرگرمیوں میں مصروف ہوتے ہیں ۔4 ۔ ایری گیشن ڈیپارٹمنٹ میں بھی ایمرجنسی لگائی جائے تاکہ 24گھنٹے بندوں کی نگرانی ممکن ہوسکے اور زیر آب علاقوں کی فوری طورپر ڈی واٹرنگ کی جاسکے ۔5۔واپڈااور کے الیکٹرک میں ایمرجنسی کا نفاذ بھی ضروری ہے کیونکہ بارشوں میں کرنٹ لگنے سے اموات زیادہ ہوتی ہیں المیہ یہ ہے کہ بارشیں ہوتے ہی یا کوئی بھی ایمرجنسی کی صورت میں بجلی چلی جاتی ہے ۔لائیو اسٹاک میں ایمرجنسی لگائی جائے کیونکہ کسی بھی ایمرجنسی کی صورت میں آبادی کے ساتھ جانور بھی متاثر ہوتے ہیں اس محکمہ میں ایمرجنسی کی صورت میں وبائی امراض سمیت بروقت بروقت ویکسی نیشن ممکن ہوسکے گی ۔آخر میں ہم عوام اورسول سوسائٹی کے لوگوں سے اپیل کرتے ہیں کہ وہ عوام کو مشکلات سے بچانے کے لیے اپنا اپنا کردار اداکریں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)کرن ویلفیئر فائونڈیشن کی صدر روبی ہاشم نے کہا ہے کہ عبدالستار ایدھی پاکستان کی پہچان اوراثاثہ تھے ۔ انہوںنے خدمت خلق کی عظیم بنیاد ڈالی اورزندگی بھر انسانیت کی خدمت کرکے ایک نیا باب رقم کیا۔ انہوںنے کہا کہ عبدالستار ایدھی پوری قوم کے ہیرو ہیں اور یہ اعزاز انہیں بلاوجہ نہیں ملا بلکہ ان کی انسانیت کی خدمت کے صلے میں ملا ہے۔اپنے ایک بیان میں انہوں نے کہا کہ ایدھی کو ایدھی بنانے میں ان کا خلوص، نیک نیتی، انسانیت سے محبت، تشہیر سے مکمل بے نیازی اور سب سے بڑھ کر ان کی کئی عشروں پر محیط محنت شامل ہے۔ انہوں نے کہا کہ عبدالستار ایدھی پاکستان میں تبدیلی کے حقیقی علمبردار ہیں۔ دکھی انسانیت کی خدمت کیلئے ان کی خدمات کو کبھی فراموش نہیں کیا جاسکتا۔ وہ پاکستان کی پہچان اور اثاثہ تھے۔ ان کے انتقال سے ملک انسانیت کے سب سے بڑے خدمتگار سے محروم ہو گیا ہے۔ عبدالستار ایدھی نے زندگی بھر دکھی انسانیت کی خدمت کو اپنا اوڑھنا بچھونا بنائے رکھا۔انہوں نے کہا کہعبدالستار ایدھی نے اپنی ساری زندگی انسانیت کی خدمت کیلئے وقف کی اور وہ کام کئے جو حکمرانوں کے کرنے والے تھے مگر آج تک کسی حکمران نے ایدھی جیسے خدمت خلق کے کام نہیں کئے۔انہوں نے کہا کہ عبدالستار ایدھی نے سادہ زندگی گزاری اور ذات پات اور مذہب کی تمیز کئے بغیر صرف انسانیت کی خدمت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) شیعہ علماکونسل پنجاب اور اسلامی تحریک کے صوبائی صدر علامہ سید سبطین حیدر سبزواری نے کشمیر میں بھارتی فوج کی دہشت گردانہ کارروائیوں کی شدید مذمت کرتے ہوئے مطالبہ کیا ہے کہ قومی سلامتی کونسل کی قراردادوں کے مطابق مسئلہ کشمیر کا حل استصوا ب رائے کے ذریعے کیا جائے۔ تو خطے میں بدامنی ختم ہوسکتی ہے۔ کشمیریوں کی طرف سے پاکستانی پرچم لہرانے اور فوج کے سامنے مزاحمت پر عالمی ضمیر خاموشی کیوں اختیار کئے ہوئے ہے۔او آئی سی کو متنازع بننے کی بجائے امت مسلمہ کے مسائل میں دلچسپی لینی چاہیے۔ افادیت کھوگئی تو حشر لیگ آف نیشنز کی طرح ہوگا۔ہم ملک میں اتحاد و وحدت کی فضابرقراررکھنا چاہتے ہیں۔ اپنے مسلک پر قائم رہتے ہوئے دوسروںکے عقائد کا احترام مکتب اہل بیت کا ہی خاصہ ہے۔ ان خیالات کا اظہارانہوں نے شیعہ علما کونسل لاہور کے اجلاس کی صدارت کرتے ہوئے کیا ۔ جس میںمولانا حافظ کاظم رضانقوی،فرزند علی چھچھر، شہباز نقوی،ضلعی آرگنائزر توقیر حسین بابا،آصف علی زیدی، علی قاسمی،شبیر نقوی ، صغیر ورک اور دیگر شامل تھے۔علامہ سبطین سبزواری نے تنظیم کی فعالیت پر زوردیتے ہوئے کہا کہ اسلامی تحریک ملک میں اسلام کے عادلانہ نظام کے قیام اور قومی معاملات کے حل کے لئے کوشاں ہے، جس کے لئے تنظیموں کی مضبوطی بنیادی شرط ہے ۔ انہوں نے کہا کہ کشمیر ی رہنما برہان وانی کی بھارتی فوج کے ہاتھوں شہادت کے بعد سے مقبوضہ وادی میں امن و امان کے حوالے سے خراب صورت حال کا تقاضا ہے کہ مسئلہ کشمیرکے مستقل حل پر توجہ دی جائے، جو بدقسمتی سے کہیں نظر نہیں آرہی ۔ ان کا کہنا تھاکہ عالمی سطح پر اقوام کا حق خود ارادیت تسلیم شدہ ہے، اس پرہر حال میں عملدرآمد ہونا چاہیے۔ علامہ سبطین سبزواری نے کہا کہ حکو مت مسئلہ کشمیر کے عالمی سطح پر اجاگر کرنے کے لئے حکمت عملی وضع کرنے کی ضرورت ہے، کیونکہ پاکستان اس مسئلے میں فریق ہے۔ انہوںنے کشمیر کی جدوجہد آزادی کی حمایت کرتے ہوئے حریت کانفرنس کے رہنماوں سید علی گیلانی ،میر واعظ عمر فاروق، یاسین ملک اور دیگر کی نظر بندی ختم کرنے اور انسانی حقوق کی عالمی تنظیموں کو مقبوضہ کشمیر میں دورہ کرنے کا مطالبہ کیا۔ ان کاکہنا تھا کہ جمہوری اور انسانی اقدار سے عاری بھارتی حکومت کو کشمیری جدوجہد سے سبق حاصل کرنا چاہیے کہ وہ 68سال بعد بھی آزادی کی تحریک کو دبانے میں ناکام رہی ہے، اب اسے حقوق دے دینے چاہیں۔ علامہ سبطین سبزواری نے کہا کہ اپوزیشن اور حکومت کے درمیان پاناما لیکس پر مذاکرات کامیاب ہونے چاہیں، ورنہ حالات جمہوری نظام کے لئے اچھے نہیں ہوں گے۔ انہوں نے کہا کہ احتجاج ہر جماعت کا حق ہے، ملت جعفریہ کے افراد کی تسلسل کے ساتھ جاری ٹارگٹ کلنگ اور علما کی اوباش لوگوںکے ہاتھوں توہین قابل مذمت ہے۔ ان کا کہنا تھاکہ ریاستی اداروں عوام کو تحفظ فراہم کرنے میں ناکام رہی ہے، فوج کا ضرب عضب آپریشن ڈیر ہ اسمٰعیل خان اور کراچی میں کہیں نظر نہیں آرہا۔ شیعہ علما کونسل کے صوبائی صدر نے کہا کہ سیاسی جماعتوں کو آزادی کے ساتھ کراچی اور فاٹا کے علاقوں میں کام کرنے کی اجازت ہونی چاہیے، جمہوری عمل کو روکنا ملکی سلامتی کے لئے نقصان کا باعث ہوگا۔ انہوں نے کہا کہ قومی پلیٹ فارم تحریک جعفریہ پاکستان ہی سے قومی مسائل حل ہوتے رہے ہیں ، جس پر سپریم کورٹ پابندی اٹھاچکی ہے مگر ابھی تک اسے بحال کرنے کے نوٹیفیکیشن کے اجرا میں لیت و لعل سے کام لیا جارہا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)انٹرنیشنل میڈیافورم کے مرکزی دفتر سے جاری ایک اعلامیہ کے مطابق فخرانسانیت عبدالستار ایدھی کو خراج تحسین پیش کرنے کے لئے ان کی یاد میں شمعیں روشن کرنے کی ایک تقریب پریس کلب لاہور کے سامنے منعقد کی جائے گی۔اس حوالے سے چیئرمین ایم اے تبسم اور صدراقبال کھوکھر کی قیادت میںمختلف سیاسی وسماجی شخصیات وسول سوسائٹی ارکان عبدالستار ایدھی کی سماجی وانسانی خدمات پر اظہارخیال کریںگے۔پاکستان کے تمام عہدیداران واراکین کو شرکت کی اپیل کی گئی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)پاکستان کی مختلف مذہبی و سیاسی جماعتوں کے قائدین نے حرمین الشریفین کے تحفظ اور سلامتی کیلئے حکومت پاکستان سے سعودی عرب کی حکومت کے ساتھ مکمل تعاون کی اپیل کرتے ہوئے 15 جولائی کو ملک بھر میں یوم تحفظ حرمین الشریفین منانے کا اعلان کیا ہے اور کہا ہے کہ سعودی عرب کی حکومت کی طرف سے کیے جانے والے انتظامات قابل تحسین ہیں اور ہم سعودی عرب کی حکومت او ر عوام کو پاکستانی عوام کی طرف سے ہر ممکن تعاون کا یقین دلاتے ہیں ۔ حرم مسجدنبوی ۖ کے تحفظ اور سلامتی کیلئے شہید ہونے والے سعودی سلامتی کے اداروں کے جوانوں کو محسن امت کا خطاب دیتے ہوئے ان کیلئے اعزازی شیلڈ جاری کرنے اور ارض حرمین الشریفین کے خلاف ہونے والی سازشوں اور تکفیری فتنوں کی سازشوں سے آگاہی کیلئے ملک گیر مہم چلانے کا اعلان کیا ہے اور 14 جولائی کو اسلام آباد میں مختلف مذہبی و سیاسی جماعتوں کا نمائندہ اجلاس بلانے کا فیصلہ کیا ہے ۔ یہ بات آج پاکستان علماء کونسل کے زیر اہتمام لاہور پریس کلب میں پریس کانفرنس سے خطاب کرتے ہوئے پندرہ سے زائد مذہبی و سیاسی جماعتوں کے نمائندوں اور تمام مسلم مکاتب فکر کے قائدین نے کہی۔ پاکستان علماء کونسل کے مرکزی چیئرمین حافظ محمد طاہر محمود اشرفی ، مرکزی سیکرٹری جنرل صاحبزادہ زاہد محمود قاسمی ، جمعیت اہلحدیث کے مولانا غلام اللہ خان ، جمعیت علماء پاکستان کے مولانا سردار محمد خان لغاری ، سنی اتحاد کونسل سواد اعظم کے پیر محفوظ مشہدی ، جمعیت علماء امامیہ کے مولانا غلام اکبر ساقی ، وفاق المساجد پاکستان کے مولانا محمد ایوب صفدر ، انٹر نیشنل ختم نبوت موومنٹ کے مولانا عبد الحمید وٹو ، تحفظ مدارس دینیہ (رجسٹرڈ) کے مولانا محمد طیب ، جمعیت علماء اسلام کے مولانا محمد عبد اللہ ، جمعیت مشائخ اہلسنت پاکستان کے پیر سیف اللہ خالد، مولانا سلیم زاہد ، حافظ محمد امجد، مولانا شبیر احمد عثمانی ، مولانا اسد اللہ فاروق ، مولانا محمد مشتاق لاہوری، مولانا شعیب الرحمن اور دیگر قائدین نے سعودی عرب کے دیگر شہروں اور مدینہ منورہ میں بم دھماکوں کی شدید مذمت کرتے ہوئے کہا کہ امت مسلمہ اور اسلامی ممالک میں فتنہ وفساد پھیلانے اور بے گناہ انسانیت کے قتل عام کیلئے داعش جیسے گروہ اسلامی ممالک میں تخریب کر رہے ہیں۔ان گروہوں کا مقصد اسلامی دنیا میں انتشار پیدا کر کے عالم اسلام اور مسلمانوں کو کمزور کرنا ہے ۔ لہذا مسلم نوجوانوں کو ان تکفیری اور خارجی گروہوں سے بچانے کیلئے علماء اسلام اور مفکرین کو اپنا بھر پور کردار ادا کرنا ہو گا۔ قائدین نے سعودی قیادت میں دہشت گردی کے خلاف بننے والے عسکری اتحاد کی مکمل حمایت و تائید کرتے ہوئے مطالبہ کیا کہ داعش اور حزب اللہ جیسے گروہوں سے مسلم نوجوانوں کو بچانے کیلئے فکری اور نظریاتی اتحاد کے قیام کی طرف توجہ دی جائے ۔ ان قائدین نے سعودی عرب کے سلامتی کے اداروں کی طرف سے رمضان المبارک میں زائرین کیلئے امن و امان کے بہترین انتظامات پر سعودی عرب کے فرمانروا شاہ سلمان ، ولی عہد امیر محمد بن نائف اور نائب ولی عہد امیر محمد بن سلمان کی خدمات کو قابل تحسین قرار دیتے ہوئے کہا کہ حجاج اور زائرین کی خدمت اور ارض حرمین الشریفین کیلئے گذشتہ 86 سالوں سے آل سعود کی خدمات روز روشن کی طرح واضح ہیں اور سعودی عرب کی قیادت نے ہمیشہ امت مسلمہ کی وحدت اور اتحاد کیلئے ہر قسم سے تعصبات سے بالا تر ہو کر کوششیں کی ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)چیئرمین یونین کونسل نمبر23 ملک محمد لطیف کھوکھر کے ڈیرے پر عید ملن پارٹی کا انعقاد ہوا جس میں وائس چیئرمین حنیف بھٹی،چیئرمین یونین کونسل نمبر21 اظہر شاہ،وائس چیئرمین حاجی محمد علی،صدر انجمن مین بازار کھوکھر روڈ میاں ذوالفقار علی بھٹو،جنرل سیکرٹری ملک عارف پپ،صدر انجمن تاجران مین بازار صدیقیہ کالونی بابا ساجد جٹ،جنرل سیکرٹری نعیم شمس اور علاقہ کے تمام مکاتب فکر کے لوگوں نے بھر پور شرکت کی ۔عید ملن پارٹی کے موقع پر ملک لطیف کھوکھر نے خطاب کیا جس میں انہوں نے درپیش علاقے کے مسائل بارے بات کی اور انہوں کا کہنا تھا کہ تمام مسائل جلد حل ہوں گے انکا مزید کہنا تھا کہ پورے علاقہ میں مسلم لیگ(ن) کی مضبوط حکومت قائم ہے یہاں سے ہماری پارٹی کو کامیابی ملی ہے جس طرح پہلے بھی (ن) لیگ ہی علاقے کے مسائل حل کرواتی رہی ہے اسی طرح اب بھی ہم ہی ان تمام مسائل کو حل کروائیں گے۔
عباس پور کی خبریں 12/7/2016
گجرات کی خبروں کی تصویری جھلکیاں
