گجرات (جی پی آئی) ڈی سی او لیاقت علی چٹھہ نے کہا ہے کہ عزیز بھٹی شہید ہسپتال میں تشویشناک حالت میں لائے جانیوالے مریضوں کو علاج کی فوری اوربہتر سہولیات کی فراہمی کے لئے اسٹیٹ آف دی آرٹ آئی سی یو بنایا جائے گا منصوبے پر 50لاکھ روپے لاگت آئے گی اور اسکے لئے وسائل مخیر حضرات کی مدد سے فراہم کئے جائیں گے۔ ان خیالات کا اظہار انہوںنے عزیز بھٹی شہید ہسپتال میں مریضوں کو علاج معالجہ کی بہتر سہولیات فراہم کرنے کے لئے جاری منصوبہ جات پر کام کی رفتار کا جائزہ لینے کے لئے منعقدہ اجلاس سے خطاب کرتے ہوئے کیا، پرنسپل نواز شریف میڈیکل کالج پروفیسر ڈاکٹر ظفر اقبال گل، اورنگزیب بٹ، ایم ایس ڈاکٹر عباس گوندل، ڈسٹرکٹ آفیسر محمد اشفاق، محمد یونس، شاہد محمود، صدر پی ایم اے ڈاکٹر مقصود زاہد، ڈاکٹر خلیل، انجمن بہبودی مریضان کے چوہدری سلیم، خادم علی خادم، ٹی ایم او خرم محمود بھی موجود تھے۔ ڈی سی او لیاقت علی چٹھہ نے کہا کہ 5بستر کے آئی سی یو میں جدید ترین طبی آلات کی فراہمی یقینی بنائی جائے گی جبکہ وارڈ کے لئے مستقل ڈاکٹرز و عملہ بھرتی کیا جائے گا ۔ ڈی سی او لیاقت علی چٹھہ نے کہا کہ ڈاکٹر غلام سرور برن کئیر سنٹر اور ماڈل ایمرجنسی سنٹر کے بعد پبلک پرائیویٹ پارٹنر شپ کے تحت آئی سی یو کا قیام عزیز بھٹی شہید ہسپتال میں بہترین اضافہ ہوگا تمام متعلقہ افسران اس پراجیکٹ کی تیزی سے تکمیل یقینی بنائیں ۔ ڈی سی او لیاقت علی چٹھہ نے کہا کہ ڈاکٹر غلام سرور برن کئیر سنٹر کو بھی عارضی طور پر فعال بنا دیا گیا ہے ابتدائی طور پر متعلقہ وارڈز کے سرجن ہی یہاں مریضوں کا معائنہ کریں گے اسی دوران ضلعی حکومت مستقل پلاسٹک سرجن کی تعیناتی کے لئے اقدامات جاری رکھے جائیں گے۔ ڈی سی او لیاقت علی چٹھہ نے عزیز بھٹی شہید ہسپتال کی مرمت و تزئین کے منصوبہ جات پر کام اور لان میں گھاس لگانے کا عمل ہر صورت 13فروری تک مکمل کرنے کی ہدایت کی اور واضع کیا کہ تعمیراتی کام کے دوران اعلی کوالٹی میٹریل کااستعمال یقینی بنایا جائے۔ ڈی سی او لیاقت علی چٹھہ نے ٹی ایم اے کو ہدایت کی کہ تعلیمی اداروں کی طرح عزیز بھٹی شہید کی دیوار کیساتھ ہر قسم کی تجاوزات کا مستقل خاتمہ یقینی بنایا جائے نیز سیوریج سسٹم کی روانی یقینی بنائی جائے ۔ اس سے قبل ایم ایس ڈاکٹر عباس گوندل نے بریفنگ دیتے ہوئے جاری ترقیاتی کاموں، مشینوں کی مرمت اور دیگر امور بارے تفصیلات سے اگاہ کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)سابق صوبائی وزیر تعلیم میاں عمران مسعود ،سابق تحصیل ناظم میاں ہارون مسعود اور سابق ضلعی ناظم چوہدری شفاعت حسین کا پاک آرمی کے طیارہ حادثہ میں شہید ہونیوالوںمیجر اظہر اور کیپٹن احمد کے لیے دعائے مغفرت اور اظہار افسوس ، تفصیلات کے مطابق پاک آرمی کا تربیتی طیارہ دریائے چناب کے قریب فنی خرابی کے باعث گر کر تباہ ہوگیا ، جس کے نتیجے میں پاک فوج کے دو جوان میجر اظہراور کیپٹن احمد شہید ہوئے، ان کی شہادت پرانھوں نے اظہار افسوس کرتے ہوئے کہا پاک آرمی کے جوانوں کی شہدت پوری قوم کے لیئے ایک عظیم سانحہ ہے دعا ہے کہ اللہ تعالیٰ شہداء کو اپنے جوار رحمت میں جگہ عطافرمائے اور تمام پسماندگان کو صبر وجمیل عطافرمائے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)جلالپور جٹاں سے تعلق رکھنے والے ایم ای ایس کے سب انجینئر عامر منصور مرزا کو ایس ڈی ا و کے عہدے پر ترقی دے دی گئی ، تفصیلات کے مطابق جلالپور جٹاں گجرات سے تعلق رکھنے والے ملٹری انجینئر سروسز کے سب انجینئر عامر منصور مرزا کو پرو موٹ کر کے SDOبنا دیا گیا ترقی پانے کے بعد انہیں فرنٹیئر ورکس آرگنائزیشن FWOراولپنڈی میں تعینات کر دیا گیا ہے اس سے قبل عامر منصور مرزا پنو عاقل کھاریاں اور کشمور کینٹ میں خدمات سر انجام دے چکے ہیں واضح رہے کہ ایس ڈی او عامر منصور کے والد محترم مرزا عبدالغنی مرحوم روزنامہ جذبہ سے بطور کاتب وابستہ رہ چکے ہیں ان کو ترقی ملنا گجرات بالخصوص جلالپور جٹاں کیلئے اعزاز ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)PTIرہنما و سابق آرگنائزر یوسی 1آغا شیراز ملک اور امیدوار برائے چیئرمین یوسی 1ملک ظہیر عامر کا پاک آرمی کے تربیتی طیارہ حادثہ میں شہید ہونے والے میجر اظہر اور کیپٹن عامر کی شہادت پر اظہار افسوس ، اس موقع پر گفتگو کرتے ہوے انہوں نے کہا کہ پاک آرمی کے جوانوں کی شہادت پوری قوم کے لئے افسوس ناک سانحہ ہے ، دعا ہے کہ اللہ تعالیٰ شہداء کو اپنی جوار رحمت میں جگہ عطاء فرمائے اور ان کے لواحقین کو صبرو جمیل عطاء کرے ( آمین ) ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)حکومت پنجاب کے مشینی کاشت کے فروغ کے خصوصی پروگرا م کے تحت دالوں کی کاشت کے لئے سبسڈی پر ڈرل مشین فراہم کرنے کے لئے درخواستوں کی قرعہ اندازی کردی گئی ہے، مشینی کاشت کو فروغ کے اس منصوبے کے لئے قرعہ اندازی کی تقریب کے مہمان خصوصی ڈی سی او گجرات لیاقت علی چٹھہ تھے جبکہ ای ڈی او زراعت محمد جمیل، ڈی او زراعت محمد رفیق تارڑ، ڈی او پلاننگ شاہد اقبال، ڈی ڈی او زراعت سید سجاد حسین بخاری اور زراعت آفیسر اطہر عطاری اور درخواست گذار کسان بھی اس موقع پر موجود تھے۔ ڈی او زراعت محمد رفیق تارڑ نے بتایا کہ قرعہ اندازی کے ذریعہ ہر تحصیل میں ایک ایک کسان کو سبسڈی پر ڈرل مشین فراہم کی جائے گی اور کل قیمت کا 33فیصد حکومت پنجاب ادا کرے گی۔ انہوں نے بتایا کہ تحصیل گجرات میں اس مقصد کے لئے 17کسانوں نے درخواست دی تاہم 11درخواستیں مسترد کر دی گئیں جبکہ 6منظور کرکے انکے نام قرعہ اندازی میں شامل کئے گئے، تحصیل کھاریاں کے 21درخواست گذاروں میں سے 16جبکہ تحصیل سرائے عالمگیر کے 10درخواست گذاروں میں سے 9قرعہ اندازی میں شمولیت کے اہل قرار پائے ۔ دریں اثنا قرعہ اندازی میں تحصیل گجرات میں کاشت کار محمد رفیق، تحصیل کھاریاں سے حقداداور تحصیل سرائے عالمگیر سے مطلوب حسین سبسڈی پر ڈرل کے حقدار قرار پائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈسڑکٹ سپورٹس آفیسر گجرات ندیم بٹ نے بتایا ہے کہ آج مورخہ 11فروری کو گجرات ظہور الہی سٹیڈیم میں اسپیشل پرسن سپورٹس گالا کو موسم کی خرابی کی وجہ سے کینسل کر دیا گیا ہے اب یہ سپورٹس گالا اٹھارہ فروری بروز جمعرات کو دوبار ہ ہو گا اس سلسلہ میں تمام ادارے نوٹ فرمالیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ٹی ایم اے گجرات کی کتا مار مہم ٹھنڈی پڑ گئی شہر اور گردونواح میں آوارہ کتوں کی بہتات نے شہریوں کا جینا دوبھر کر دیا ہے معلوم ہو ا ہے کہ ٹی ایم اے گجرات کا شعبہ کتا مار کی برانچ بند ہونے سے شہر بھر میں آوارہ کتوں میں اضافہ ہو چکا ہے جس کی وجہ سے شہری سخت پریشان ہیں آوارہ کتے روزانہ راہ گیروں کو کاٹ کاٹ کر زخمی کر رہے ہیں ،مگر ٹی ایم اے کا عملہ اس طرف کوئی توجہ نہیں دے رہا ،معلوم ہوا ہے کہ ٹی ایم اے کا عملہ ہر ماہ کتوں کو دینے والی ادویات اور اس میں ملانے والا قیمہ بھی خود ہڑپ کر جاتا ہے ،جس کی وجہ سے کتوں میں دن بدن اضافہ ہوتا جارہا ہے گجرات کے تمام گلی محلوں چوکوں اور اہم شاہراہوں پر غول کے غول نظر آتے ہیں مگر ٹی ایم اے گجرات ان کو تلف کرنے میں ناکام ہے گجرات کے سماجی حلقوں نے فوری کاروائی کا مطالبہ کیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)تھانہ سول لائن گجرات کے علاقہ سرگودھا روڈ پر دن ڈیہاڑے محلہ شاہ حسین کی رہائش خاتون حلیمہ بی بی سے ایک خاتوں سمیت چار مسلح افراد جو کہ ایک کار پر سوار تھے نے گن پواینٹ پر سرگودھا روڈ ایک چنگ چی پر سوار خاتون کو زبردستی اغواء کر کے نامعلوم پر لے جاکر لاکھوں کے زیورات اور لاکھوں کی نقدی چھین کر تشدد کر کے قریبی کھیتوں میں پھینک گئے پولیس سول لائن نے نامعلوم ڈاکوئوں کے خلاف مقدمہ درج کر کے تفتیش شروع کر دی ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ڈی سی او لیاقت علی چٹھہ نے شادیوال روڈ کا اچانک دورہ کیا اور 17کروڑ روپے لاگت سے کارپٹ روڈ کے تعمیراتی کام کا معائنہ کیا۔اس موقع پر بات چیت کرتے ہوئے انہوں نے کہا کہ شادیوال روڈ کا پراجیکٹ گجرات کے لئے نہایت اہم ہے جس کی تکمیل سے اس علاقہ کے لاکھوں افراد مستفید ہو سکیں گے اور کاروباری و تجارتی سرگرمیوں کو فروغ ملے گا۔ا نہوں نے کہا کہ منصوبے کی تکمیل کے لئے جدید مشینری اور اعلی کوالٹی میٹریل کا استعمال یقینی بنایا جارہا ہے جبکہ اسکے دونوں اطراف سیوریج نالے بنائے گئے ہیں تاکہ بارش اور گھروں کے پانی کا نکاس بہتر طریقے سے ہو سکے اور پانی کی وجہ سے سٹرک کو نقصان نہ پہنچے اسی طرح ریلوے پھاٹک کے قریب ڈسپوژل اسٹیشن بھی بنایا جائے گا۔ انہوںنے شہریوں کے مطالبہ پر سٹرک اور سیوریج نالے کے درمیان روڈ کو پختہ کرنے کے حوالے سے بھی ضروری ہدایات جاری کیں۔ ڈی سی او لیاقت علی چٹھہ نے منصوبے پر کام کی رفتار اور معیار پر اطمینان کا اظہار کیا اور محکمہ شاہرات اور کنٹریکٹر کو ہدایت کی کہ شادیوال روڈ کی تعمیر کے دوران منصوبے پر کام کی بروقت تکمیل اور اعلی کوالٹی میٹریل کا استعمال یقینی بنایا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)کمشنرگوجرانوالہ ڈویژن محمد عامر جان نے ہدایت کی ہے کہ میجر شبیر شریف شہید (نشان حیدر) ٹی ایچ کیو ہسپتال کنجاہ کا افتتاح وزیر اعلی پنجاب میاں شہباز شریف دورہ گجرات کے موقع پر کریں گے، بلڈنگز ڈیپارٹمنٹ، ہیلتھ ڈیپارٹمنٹ اور کنٹریکٹر عمارت کا تعمیراتی کام اور طبی آلات کی مقررہ تاریخ تک تنصیب ہر صورت مکمل کریں، محکمہ صحت نئے بھرتی ہونیوالے ڈاکٹرز و عملہ کی ڈیوٹی پر بلا تاخیر حاضری یقینی بنائے۔ ان خیالات کا اظہار انہوںنے ہسپتال کے تعمیراتی کا م کے معائنہ کے موقع پر کیا، ڈی سی او لیاقت علی چٹھہ، اے سی گجرات نورالعین، ای ڈی او ہیلتھ ڈاکٹر طاہر بشیر، ایگزیکٹو انجینئرز محمد یونس، شاہد محمود، ڈی او پلاننگ شاہد اقبال، ڈی او فارسٹ رضا انور شیخ، نیسپاک کے سائٹ انجینئر محمد اصغر، کنٹریکٹر فیصل بھی موجود تھے۔ کمشنر گوجرانوالہ ڈویژن محمد عامر جان نے ڈی سی او لیاقت علی چٹھہ کے ہمراہ نوتعمیر شدہ ہسپتال کا تفصیلی دورہ کیا اور کام کے معیار کا جائزہ لیا اور افسران و عملہ کو ضروری ہدایات جاری کیں۔ ڈی سی او لیاقت علی چٹھہ نے کمشنرکو بتایا کہ ہسپتال کے لئے ڈاکٹرز و عملہ کی 87آسامیوں پر بھرتیوںکا عمل مکمل کیا جا چکا ہے جبکہ 159طبی آلات کی فراہمی کے لئے آرڈر دیا جا چکا ہے جس کی سپلائی آئندہ چند روز میں مکمل ہو جائے گی۔ انہوںنے بتایا کہ حکومت ہسپتال کے منصوبے کے لئے فنڈز کی ہرگز کو ئی کمی نہیں آنے دی گئی اس اہم پراجیکٹ کیلئے مزید فنڈز درکار ہوئے تو وہ بھی فراہم کر دیے جائیں گے۔ ڈی او بلڈنگز اور کنٹریکٹر نے کمشنر کو بتایا کہ گرائونڈ فلور کاکام تکمیل کے آخری مراحل میں ہے جبکہ پہلی منزل پر بھی تیزی سے کام جاری ہے جسے 13فروری تک مکمل کر لیا جائیگا۔ کمشنر گوجرانوالہ ڈویژن نے کہا کہ منصوبے میںاستعمال ہونیوالے میٹریل کے معیار اور کام کی کوالٹی کا ذمہ دار نیسپاک اور بلڈنگز ڈیپارٹمنٹ ہے انہیں اپنے فرائض چوکس رہ کر سرانجام دینا ہوں گے ۔ انہوں نے ہدایت کی لوڈ شیڈنگ کی صورت میںہسپتال کیلئے ہیوی جنریٹر بھی فوری فراہم کیا جائے جبکہ تمام وارڈز میںفوری طور پر اے سی نصب کئے جائیں ۔ انہوں نے ڈی او فارسٹ کو ہدایت کی کہ ٹی ایچ کیو ہسپتال کنجاہ کے مجوزہ نقشہ کے مطابق خوبصورت پودے اور سبزہ لگایا جائے۔ کمشنر نے بلڈنگز ڈیپارٹمنٹ اور کنٹریکٹر کو ہدایت کی کہ وہ کام کی جلد تکمیل کے لئے افرادی قوت بڑھائیںجبکہ ہیلتھ ڈیپارٹمنٹ مشینوںکی تنصیب کیلئے پلاننگ کرکے افسران و اہلکاروں کی ڈیوٹیاں لگائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ٹی ایم اے گولڈ کپ ہاکی ٹورنامنٹ کا فائنل میچ 15فروری 2016سوموار کو دن 10بجے گورنمنٹ زمیندار کالج گجرات میں کھیلا جائے گا ۔ طارق جاوید کٹھانہ صدر DHAگجرات اور عامر اسلم سیکرٹری DHAگجرات نے بتایا کہ فائنل میچ کے مہمان خصوصی ڈی سی او لیاقت علی چٹھہ ، اے ڈی سی عرفان علی کاٹھیا ، حاجی ناصر محمود ، چوہدری محمد ممتاز پرنسپل ہونگے ۔ جبکہ خصوصی شرکت شہباز سینئر اولمپیئن سیکرٹری پاکستان ہاکی فیڈریشن سابقہ کپتان قومی ہاکی ٹیم نوید عالم اولمپیئن ، اجمل خان اولمپیئین اور قومی ہاکی ٹیم کے کپتان محمد عمران شرکت کریں گے ۔ جو کہ گجرات کے لئے ایک اعزاز ہے کہ قومی ہیرو گجرات تشریف لائیں گے فائنل میچ کے تمام انتظامات مکمل کیے جا رہے ہیں ۔ مہمانوں اور قومی ہیروز کا شاندار استقبال کیا جائے گا امید ہے کہ شہباز سینئر گجرات کی ہاکی کیلئے اہم اعلان کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)سٹیزن فرنٹ ضلع گجرات کے زیر اہتمام کشمیریوں کے ساتھ یکجہتی کیلئے منعقدہ تقریب سے خطاب کرتے ہوئے چوہدری علی ابرار جوڑا صدر سٹیزن فرنٹ ضلع گجرات نے کہا مسئلہ کشمیر کے حل کے بغیر پاکستان اور بھارت خوشحال نہیں ہو سکتے ہیں کیونکہ دونوں ممالک اپنے وسائل اور سرمایہ کا کثیر استعمال اسلحہ کی خرید اور فوجی اخراجات پر کر رہے ہیں ہم میں سے کوئی بھی پاکستانی کشمیر کو بھلا نہیں سکتا ہے دنیا کی سپر طاقتوں اور اقوام متحدہ کو اس مسئلہ کے حل کیلئے اپنا کردار ادا کرنا چاہیے ممتاز دانشور اور کالم نگار افتخار بھٹہ نے کہا پچھلے 68سالوں سے پاکستان اور ہندوستان ، جنگی کیفیت میں مبتلا ہیں اور ایک دوسرے سے خوفزدہ ہیں اور اسلحہ خریدنے کی دوڑ میں مصروف ہیں جس سے عوامی مفادات کے شعبے تعلیم اور صحت انتہائی پساندہ صورتحال سے دو چار ہیں مسئلہ کشمیر کے حل نہ ہونے کی وجہ سے یہ دونوں ممالک کے حکمران طبقات دانستہ طور پر اس معاملے میں پیش رفت نہیں چاہتے ہیں ۔ محمد اشرف منہاس نے کہا کہ کشمیر پاکستان کی شہ رگ ہے اور ہماری یہ پالیسی روز اول سے ہے۔ مسئلہ کشمیر کا واحد حل اقوام متحدہ کی قرار دادوں کے مطابق راے شماری ہو سکتا ہے۔ عامر چوہدری نے کہا کہ کشمیر نے ایک لاوا اگلتے آتش فشاں کا روپ دھار لیا ہے۔ کشمیریوں پر ظلم و ستم ڈھائے جا رہے ہیں۔ اللہ کی مہربانی سے انشاء اللہ کشمیری آزادی حاصل کر کے رہیں گے۔ شیخ عرفان پرویز نے کہا دہشت گردی نے تحریک آزاد کشمیر کو نقصان پہنچایا ہے جس سے دہشت گردوں اور مجاہدین آزادی میں تفریق ختم ہو چکی ہے۔ ہمیں شہریوں کی سیاسی اور اخلاقی حمایت جاری رکھنی چاہئے۔ ندیم طفیل نے کہا کہ ہم عالمی امن کا احترام کرتے ہیں۔ اقوام متحدہ کو بھی کشمیریوں کے جذبات کا احترام کرتے ہوئے اُنہیں حق خود مختاری اور رائے دینا ہو گا۔ اس موقع پر چوہدری ندیم طفیل’ مرزا اکبر بیگ برلاس’ سیٹھ علی اصغر’ سلیم حاں’ ڈاکٹر رزاق احمد غفاری’ و دیگر نے بھی خطاب کیا۔ تقریب میں سٹیزن فرنٹ سپریم کونسل’ ضلع و سٹی کے عہدیداران نے بھر پور رشکت کی۔ آخر میں تمام شرکاء تقریب کو پر تکلف عصرانہ بھی دیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ڈائریکٹر جنرل محکمہ اوقاف سید طاہر رضا بخاری نے گزشتہ روز آستانہ عالیہ غوث یگانہ چھالے شریف میں ہونے والے سالانہ عرس مبارک کی تقریب میں حاضری دی ۔ اور سجادہ نشین آستانہ عالیہ غوث یگانہ چھالے شریف پیر سید انتصار الحسن شاہ سروری قادری سجادہ نشین آستانہ عالیہ علی پور سیداں شریف صاحبزادہ پیر سید منور حسین شاہ جماعتی صاحبزادہ پیر سید انتصار الحسن شاہ’ صاحبزادہ پیر سید ابرار الحسن شاہ سے ملاقات کی۔ انہوں نے آستانہ عالیہ غوث یگانہ چھالے شریف کے نظام کو بے حد سراہا۔ جہاں پر صحیح معنوں میں خانقاہی نظام کو پروان چڑھایا جار ہا ہے۔ انہوں نے کہا کہ خانقاہی نظام کی بہتری کیلئے ہونیوالی کاوشیں قابل تحسین ہیں اور میں صاحبزادہ سید انتصار الحسن شاہ اور ان کے رفقائے کار کو مبارکباد پیش کرتا ہوں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) دی ایجوکیٹرز بارہ دری کیمپس شہزاد شفیق نقشبندی شرقپوری نے اپنی زیر نگرانی سیکورٹی کے انتظامات کئے ہیں۔ سکول میں کلاسوں کے اجراء سے لیکرچھٹی تک میں خود ڈیوٹی دیتا ہوں اور سٹاف کی نگرانی کرتے ہیں۔ انہوں نے کہا ہے کہ یہ بچے ہمارے پاس امانت ہوتے ہیں۔ ان کی تعلیم و تربیت اور حفاظت کا فریضہ ہم بہتر انداز میں سرانجام دے رہے ہیں۔ اور اسی طرح اپنی ڈیوٹی سرانجام دیتے رہیں گے۔ انہوں نے والدین کی تعریف کی کہ وہ سکول میں نظام کی بہتری کیلئے انتظامیہ کیساتھ بھر پور تعاون کر رہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کنجاہ (جی پی آئی ) زُعما، قائدین اور عمائدین وزیراعلیٰ کی خوشنودی کے ساتھ ساتھ کنجاہ اور علاقے کی بہبودی کے حصول پر بھی توجہ دیں ۔ صاف پانی کی فراہمی ، نکاسی آب ، چلڈرن پارک ، پلے گرائونڈ ، ووکیشنل انسٹیٹیوٹ ، نادرا آفس اور ویگن اسٹینڈ پر بنیادی سہولیات کی ضرورت ہے ۔ کھنڈر نما سرکلر روڈ کی تعمیر اور دانش سکول کے قیام کی بھی درخواست کی جائے ۔ ان خیالات کا اظہار کنجاہ پریس کلب کے صدر صدیق بٹ نے ایک بیان میں کیا ۔ اُنہوںنے کہا کہ وزیر اعلیٰ پنجاب میاں شہباز شریف نے میجر شبیر شہید ہسپتال کو اَپ گریڈ کر کے پورے علاقے کے غریب عوام کے دل جیت لیے ہیں اور اگر مذکورہ بالا مسائل سے بھی انہیں آگاہ کیا جائے تو وہ دل کھول کر فنڈز دیں گے ۔ اُنہوںنے اس امید کا اظہار کیا کہ ملک کے متحرک ترین وزیر اعلیٰ کے وژن کے حقیقی پیروکار D.C.Oگجرات لیاقت علی چٹھہ کنجاہ اور علاقے کے مسائل کو بطریق احسن پیش کر کے فنڈز فراہم کرنے پر انہیں قائل کرلیں گے ۔ انہوںنے کہا کہ علاقے کی خواتین کی فلاح و بہبود کے لیے ووکیشنل انسٹیٹیوٹ اور غریبوں کے بچوں کے لیے بہترین تعلیمی سہولیات کے لیے دانش سکول کی اشد ضرورت ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کنجاہ (جی پی آئی ) سینئر ہیڈ ماسٹر گورنمنٹ ہائی سکول منگووال غربی ناصر محمود بٹ کی والدہ محترمہ کی وفات پر کنجاہ کی اساتذہ برادری نے گہرے دکھ اور افسوس کا اظہا رکیا ہے ۔ ہیڈ ماسٹر (ر)صفدر اقبال رانجھا ، پرنسپل اسلامیہ ہائی سکول کنجاہ چوہدری منیر حسین ،انصر محمود ، محمد احسان ، محمد آصف ، ہمایوں رضا ، محمد عظمت قریشی ، ظفر عباس، زاہد الحسن ، میر وقار ، شوکت محمود ، سرفراز احمد ، محمود احمد اور میر محمد رزاق سمیت دیگر اساتذہ نے دکھ اور افسوس کا اظہار کرتے ہوئے اﷲ تعالیٰ سے دعا کی ہے کہ مرحومہ کو جنت الفردوس میں بلند مقام عطا فرمائے اور پسماندگان کو صبر جمیل عطا فرمائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کنجاہ (جی پی آئی ) علمی و ادبی قصبہ کنجاہ میں گورنمنٹ پبلک ہائرسیکنڈری سکول کنجاہ کو قائم ہوئے ایک سو سال کا عرصہ مکمل ہوگیا ۔ اس تاریخی ادارہ کو صد سالہ تعلیم و تربیت کے عرصہ مکمل ہونے پر محکمہ تعلیم کے افسران کو چاہیے کہ سو سالہ تعلیمی جشن کا اہتمام کیا جائے اور یادگار تقریب کا انعقاد کیا جائے اور اس ادارہ کی تعمیر وترقی کے لیے بھی عملی طور پر کردار ادا کیا جائے ۔ تاکہ لوگوں میں فروغ تعلیم کے حوالے سے ذوق و شوق میں اضافہ ہوسکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کنجاہ (جی پی آئی ) کنجاہ کا اعزاز ! ضلع گجرات میں آج تک چھپنے والی کتابوںمیں کنجاہ کے نامور آفاقی شاعر مولانا محمد اکرم المختص غنیمت کنجاہی کی مثنوی ”نیرنگ عشق” کو سب سے پہلے شائع ہونے کا اعزاز حاصل ہوگیا ۔ یہ کتاب 1843ء میں لکھنو سے شائع ہوئی یوں یہ کتاب 173سالہ پرانی ہے ۔اس بات کا انکشاف یونیورسٹی آف گجرات میں شائع ہونے والی ”گجرات کا علمی سرمایہ ” میں ڈاکٹر منیر احمد سلیچ نے اپنی تحقیق میں کتاب میں کیا۔ ان کے مطابق1843ء تا2015تک شائع ہونے والی ضلع گجرات کے 765مصنفین کی پچھلے 173برسوں میں چھپنے والی 3200علمی وادبی کتب کے 3900ایڈیشنوں کی کتابیاتی فہرست میں سب سے پہلے شائع ہونے والی کتاب مولانا غنیمت کنجاہی کی مثنوی نیرنگ عشق ہے ۔ یہ اہل کنجاہ کے لیے بہت بڑا اعزاز ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لالہ موسیٰ(جی پی آئی ) سابق سیکرٹری بار ایسوسی ایشن کھاریاںنوازش علی شیخ ایڈووکیٹ کے نئے دفتر” مجدد لاء چیمبر ”کا افتتاح 13فروری بروز ہفتہ کو ہو گا۔مجدد الف ثانی لا ء چیمبر کا افتتاح (شاعر مشرق حضرت علامہ اقبال کے پوتے)پروفیسر ولید اقبال ایڈووکیٹ اپنے دست مبارک سے فرمائیں گے۔ افتتاح سے قبل معزز مہمانِ خصوصی بار روم کھاریاں کے ممبران سے خصوصی خطاب بھی فرمائیں گے،تفصیل کے مطابق سابق سیکرٹری بار ایسو سی ایشن کھاریاں نوازش علی شیخ ایڈووکیٹ کے جناح بلڈنگ میں بننے والے نئے دفترمجدد لاء چیمبر کی افتتاحی تقریب بروز ہفتہ مورخہ13فروری کودن12:30بجے ہو گی جس کے مہمان خصوصی پروفیسر ولید اقبال ایڈووکیٹ کھاریاں بار ایسوسی ایشن سے خصوصی خطاب کریں گے اور مجدد لاء چیمبر کا افتتاح کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی ) اے سی کھاریاں میاں اقبال مظہر نے کنٹونمنٹ بورڈ ایریا میں سینی ٹیشن سسٹم مستقل بنیادوں پر بحال کرنے کے احکامات جاری کر دیئے انہوں نے ہدایات کی ہیں کہ ہیوی مشینری کے ساتھ کھدائی کر کے سینی ٹیشن سسٹم کو بہتر بنایا جائے اور اس پر فوری عملدرآمد بھی کیا جائے اس کے علاوہ انہوں نے لالہ موسیٰ میں نالوں کی صفائی کے لئے بھی ہنگامی بنیادوں پر کام کرنے کے لئے احکامات جاری کئے ان تمام کاموں کی انسپیکشن CO علاقہ کریں گے۔ میاں اقبال مظہر نے مزید کہا کہ کھاریاں میں لیڈیز اینڈ چلڈرن پارک کے لئے ڈیزائننگ کے لئے مشاورت بھی جاری ہے جس کے لئے شادابیہ بلڈرز گجرات اور راہنما مسلم لیگ(ن) کھاریاں حاجی محمد اسلم خان اور کمیٹی کے دیگر ممبران سے تجاویز بھی مانگ لی ہیں ان تجاویز کی روشنی میں کھاریاں لیڈیز اینڈ چلڈرن پارک کو ڈیزائن کیا جائے گا تاکہ کھاریاں کے عوام کے لئے بہترین اور جدید ترین پارک بنایا جا سکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی ) ممتاز عالم دین مولانا فیض احمد چشتی سرپرست اعلیٰ عالمی تنظیم اہلسنّت کھاریاں یورپ کے ڈیڑھ ماہ کے کامیاب تبلیغی دورہ کے بعد گذشتہ روز کھاریاں پہنچ گئے۔ کھاریاں مین چوک پر ان کا شاندار اور فقید المثال استقبال کیا گیا پھولوں کے ہار پہنائے گئے اور پھول پتیاں بھی نچھاور کی گئیں کھاریاں کی فضا یا رسول اللہۖ کے نعروں سے گونج اٹھی استقبال کرنے والوں میں نمایاں طور پر مولانا پیر سید زین العابدین شاہ مرکزی راہنما عالمی تنظیم اہلسنّت، مولانا قاری لہراسب علی سیالوی ناظم اعلیٰ عالمی تنظیم اہلسنّت، پیر سید مشتاق حسین شاہ، قاری جاوید تبسم، حافظ لیاقت علی جلالی راہنما انجمن جلالیہ رضویہ، قاری افضال سیالوی اور دیگر شامل تھے تمام شرکاء نے یورپ کے کامیاب تبلیغی دورہ پر مولانا فیض احمد چشتی کو مبارکباد بھی دی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی ) PTI انٹرا پارٹی الیکشن کروا کر عملی طور پر جمہوریت کے لئے کام کر رہی ہے اگر دوسری سیاسی جماعتیں بھی جمہوریت پر یقین رکھتی ہیں تو وہ پہلے اپنے اندر جمہوری اقدارقائم کریں ہم چیئرمین عمران خان کے ویژن کو عملی جامہ پہنانے کے لئے کوشاں ہیں انشاء اللہ یونین کونسل بھگوال سے نمایاں ممبر سازی کریں گے ان خیالات کا اظہار راہنما PTI یوسی بھگوال ملک محمد بشارت گولڑہ ہاشم سابق امیدوار چیئرمین نے کیا۔ انہوں نے کہا کہ جمہوریت کا راگ الاپنے والی دوسری تمام سیاسی جماعتیں تاحال موروثی نظام پر ہی چل رہی ہیں خود ہی امیدواراور خود ہی ووٹر بن کر اپنے آپ کو اور عزیز و اقارب کو عہدوں سے نوازلیتے ہیں انہوں نے کہا کہ PTI وہ واحد جماعت ہے جو کہ اپنے اندر سے جمہوریت کی ابتداء کر رہی ہے انٹرا پارٹی الیکشن کڑی ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی ) جماعت اسلامی زون پی پی115 کے راہنما ڈاکٹر ذکاء اللہ صدیق نے کہا ہے کہ جماعت اسلامی پاکستان میں نظام مصطفی کے عملی نفاذ کے لئے کوشاں ہے انشا اللہ امیر سراج الحق کی قیادت میں راہیں ہموار ہو رہی ہیں اور جلد ملک میں نظام مصطفیۖ رائج ہوگا۔ انہوں نے کہا کہ 1947ء سے لے کر آج تک وہ نظام نافذ نہیں ہوا جس کے لئے یہ ملک حاصل کیا گیا تھا جماعت اسلامی اقتدار میں آ کر کلمے کا نظام، نظام مصطفی رائج کرے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی ) خلفائے راشدین چوک کچہری روڈ، انار کلی بازار روڈ، گلیانہ روڈ اور بے شمار شہر کے ایسے روڈ جو مسلم لیگ(ن) کی13 کروڑ سے زائد کی گرانٹ کا انتظار کر رہے ہیں اور یہ زخمی روڈ دن بدن ان کے زخموں کے بڑھنے کی وجہ سے سڑکوں کی مزید خستہ حال ہوتی جا رہی ہے اور مسلم لیگ(ن) کی طرف سے دی جانے والی گرانٹ کے منتظر ہے کہ 13کروڑ کی گرانٹ سے ہی شائد میری خستہ حالی دور ہو جائے کھاریاں شہر کے بے شمار ایسے روڈ ہیں جو دن بدن خراب ہو رہے ہیں ان پر پیدل گزرنا بھی محال ہو چکا ہے خلفائے راشدین چوک روڈ، گلیانہ روڈ، انار کلی بازار روڈ سمیت بے شمار روڈ خراب ہو چکے ہیں مگر کوئی ان پر توجہ نہیں دی جا رہی اور کروڑوں کی گرانٹ بھی ان کے کام نہیں آ رہی اگر تیرہ کروڑ میں سے کچھ ان خراب خستہ حال سڑکوں پر لگا دی جائے تو کھاریاں شہر کی بے شمار سڑکیں بہترین اور خوبصورت ہو سکتی ہیں اور عوام کی شدید مشکلات میں بھی کمی ہو سکتی ہے اب تو ان سڑکوں میں گاڑیوں کا اور پیدل چلنے والوں کا جینا بھی محال ہو چکا ہے مسلم لیگ(ن) کی اعلیٰ قیادت اگر ان پر توجہ دے تو بہت جلد کھاریاں شہر کے یہ روڈ بہترین روڈ بن سکتے ہیں اور ان روڈ کو کارپٹ روڈ بنایا جا سکتا ہے کھاریاں شہر کی ہمیشہ ہی بدقسمتی رہی ہے کہ اس شہر کو ہمیشہ ہی نظر انداز کیا گیا ہے اور شہر کے مسائل کم ہونے کی بجائے ان میں اضافہ ہوتا رہا آج مسلم لیگ(ن) کو اللہ نے ایک موقع دیا ہے اگر وہ کھاریاں کے مسائل کو حل کرتے ہیں تو کھاریاں شہر کے عوام نے پہلے بھی اپنا کردار ادا کیا اور آئندہ بھی کرتی رہے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی ) نشہ انسان کی عزت ،دولت اورصحت کادشمن ہے۔ان خیالات کا اظہارپروفیسرعابدمحمودانصاری اورپروفیسرغلام حسین جیلانی نے گورنمنٹ کالج برا ئے خواتین سیٹلائٹ ٹائون گوجرانوالہ ایم ایس سی سوشل ورک ڈیپارٹمنٹ کی طالبات کے 10رکنی وفدکے ہمرا ہ کمبوہ انسدادمنشیات ہسپتال کے دورہ کے موقع پرکیا۔اس موقع پرڈپٹی سوشل ویلفیئرآفیسرامیرآفتاب احمد،ڈائریکٹرکمبوہ ہسپتال محمدعمران سنی ،شعیب علی،عندیل ہاشمی،فرحان شاہ ودیگربھی موجودتھے۔محمدعمران سنی نے طالبات کومریضوںکے متعلق آگاہی فراہم کی اورکہا کہ نشہ ایک لعنت ہے جومعاشرے کودیمک کی طر ح چاٹ رہا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی ) پی ٹی آئی ایک عوامی جماعت ہے وزیرآبادکے غیورعوام کے قیمتی ووٹوںسے حلقہ این اے101میںکامیابی حاصل کرینگے۔ان خیالات کا اظہارپی ٹی آئی کے سابق تحصیل کوارڈنیٹرراجہ عثمان اللہ خان ایڈووکیٹ نے این اے101میںضمنی الیکشن کے سلسلہ میںمنعقدہ مشاورتی اجلاس سے خطاب کرتے ہوئے کیا۔اس موقع پرراجہ فرید اللہ خان،راجہ ظاہر،راجہ اسداللہ خان،مل؛ک مبشرکلیار،خالد وڑائچ،محمدعباس،عامر شاہ،فیصل شاہ،راجہ ظاہر،اسد شاہ،راجہ عنصرودیگربھی موجودتھے۔انہوںنے کہا کہ عمران خاںعوام کی خدمت کی سوچ لیکرنوجوانوںکومیدان سیاست میںمتعارف کروارہے ہیں۔نوجوان قیادت ہی ملک کے مستقبل کوروشن کرے گی۔وزیرآبادکے غیورعوام ملکی سوچ رکھنے والی سیا سی پارٹی کے امیدوارکوبھاری اکثریت سے کامیاب کروائیںگے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی ) سرکاری زمین وپراپرٹی پرقبضہ نہیںہونے دینگے۔ٹی ایم اے عوامی خدمت کاشعبہ ہے اس کی پراپرٹی پرقابضین کے خلاف سخت کاروائی عمل میںلائی جائے گی۔اقبال مصالحہ مارکیٹ کی دوکانیںٹی ایم اے کی ملکیت ہیں۔اس کاکرایہ ٹی ایم اے کاعملہ ہی وصول کرے گا۔ان خیالات کا اظہاراسسٹنٹ کمشنرمحمدانوربریارنے اقبال مارکیٹ میںٹی ایم اے پراپرٹی کے کرایہ داروںاورمصالحہ مارکیٹ کے دوکانداروںسے ملاقات کے موقع پرکیا۔اس موقع پرٹی اوآر جہانگیربٹ،ارسلان ودیگرعملہ بھی موجودتھا۔انہوںنے کہا کہ اقبال مارکیٹ ٹی ایم اے کی دوکانوںکاکرایہ مقررکردہ اہلکارکوہی دیںاورماہوارمقررہ تاریخ تک کرایہ اداکریں۔مقررکردہ اہلکار کے علاوہ کرایہ وصول کرنے کااختیارکسی دوسرے کے پاس نہیںاگرکوئی ٹی ایم اے کی پراپرٹی قبضہ کرنے یامالک بننے کی سوچ رکھتا ہے تووہ اپنے ذہن سے اس خیال کونکا ل دے سرکاری پراپرٹی کاتحفظ کرناہماری ذمہ داری ہے۔سرکاری پراپرٹی کے تحفظ کے لئے ہرممکن اقدام کرینگے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی ) جماعت اسلا می وزیرآبادسٹی کے امیرصابر حسین بٹ نے کہا ہے کہ جماعت اسلا می ایک سوچ وجذبے اورمشن کانام ہے۔حکمرانوںنے عوام کوکچھ نہیںدیا۔سراج الحق نے جماعت اسلا می کوعام آدمی کی پارٹی بنادیا۔اسلامی پاکستان ونظریہ پاکستان کے لئے ہرقربانی دینگے۔لوٹ مار ختم کئے بغیربحرانوںسے چھٹکاراممکن نہیں۔وہ الہ آباد،نظام آباد،محلہ شیرو،گوندل پورہ،سکندرپورہ،گلی گوروکوٹھامیںاجتماعات سے خطاب کررہے تھے۔اس موقع پروسیم شاہد اولکھ،اویس جاوید ملک،ندیم نورحسین،شاکر بٹ،ابوبکرساجد،عقیل احمد،منظوراحمدپھول،ندیم صادق تارڑ نے بھی خطاب کیا۔انہوںنے کہا کہ جماعت اسلا می ملک کوامن ،سکون،محبت واخوت کاگہوارہ بنانا چاہتی ہے۔ملک سے انتشارختم کرنے کے لئے مفاہمت کی سیاست کوفروغ دینا ہوگا۔انہوںنے کہا کہ مارچ میںجماعت اسلا می کرپشن کے خلاف مہم چلا رہی ہے۔ملک کودونوںہاتھوںسے لوٹنے والوںکے خلاف عوام کومتحدکرناہوگا۔اصل احتساب جماعت اسلا می کرے گی جس کے تمام ممبران کرپشن اورکمیشن سے پاک ہیں۔انہوںنے کہا کہ جماعت اسلا می ملک میںنظام کی تبدیلی کے لئے جدوجہدکررہی ہے۔ہم قرآن وسنت کی بالادستی تقویٰ،علم اورخدمت کاپیغام لیکرعوام کے سامنے آئے ہیں۔انہوںنے کہا کہ حکمرانوںنے لوٹ مارکابازارگرم کررکھا ہے قومی اداروںکی نجکاری ملک وعوام کے مفادمیںنہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)صدروزیرآبادچیمبرآف ایجوکیشن محمداشفاق وڑائچ نے کہا ہے کہ مستقبل اساتذہ کرام کے ہاتھوںپروان چڑھتا ہے۔درس وتدریس پیغمبرانہ پیشہ ہے۔اسکی ادائیگی اساتذہ کوعبادت سمجھ کرکرنی چاہئے۔وہ کنارہ ہوٹل میںحیدرمیموریل سکولزکڈزکیمپس ساروکی اوروزیرآبادکے اساتذہ کی ورکشاپ سے خطاب کررہے تھے۔اس موقع پرریجنل ڈائریکٹردارارقم سکولزصابر حسین بٹ،پرنسپل حیدرمیموریل عنصرمحمود،پرنسپل آسیہ بٹ سمیت متعددذمہ داران موجودتھے۔انہوںنے کہا کہ اساتذہ کی ذمہ داری ہے کہ بچوںکوزیورتعلیم سے آراستہ کرنے کے ساتھ ساتھ انکی اخلاقی تربیت بھی کریںتاکہ وہ نہ صرف زندگی کی دوڑمیںآگے بڑھ سکیںبلکہ اچھے شہری بھی ثابت ہوں۔انہوںنے اساتذہ کوتلقین کی کہ وہ فروغ تعلیم کاپناطمع نظربنالیںاوراس مشن کوعبادت سمجھ کرآگے بڑھیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)پیپلزپارٹی کے نامزدامیدوارقومی اسمبلی حلقہ101چوہدری اعجاز احمدچیمہ ایڈووکیٹ نے کہا ہے کہ جھوٹے وعدوںاورکرپشن کوفروغ دینے والوںکایوم حساب قریب آچکا ہے۔بے لوث خدمت مشن ہے عوامی توقعات پرپورااترینگے۔اپوزیشن جماعتوںکوساتھ لیکرچلینگے۔وہ سما جی رہنماحاجی ارشاداحمداورحاجی عبد الرزاق کے بھا ئی غلام عباس چیمہ کے آف پھالوکی کی وفات پراظہار تعزیت کے بعدمقامی صحافیوںسے گفتگوکررہے تھے۔ اس موقع پرچوہدری اعجازاحمدسماں،محمدعامر مغل ودیگربھی موجودتھے۔انہوںنے کہا کہ حکمرانوںکی طرف سے کروڑوںروپے کی لاگت سے تعمیرہونیوالے وزیرآبادکارڈیالوجی انسٹیٹیوٹ کومسلسل نظراندازکیا جارہا ہے۔آئوٹ ڈورسے عوام کوبیوقوف بنایا جارہا ہے۔عارضہ قلب میںمبتلا ہزاروںمریض بروقت طبی امدادنہ ملنے سے ہلا ک ہوچکے ہیں۔8اضلاع کے ساتھ سوتیلی ماں جیساسلوک سمجھ سے بالاتر ہے۔انہوںنے کہا کہ وہ کارکنان کوہرسطح پرمنظم کررہے ہیںضمنی الیکشن میںنئی تاریخ رقم کرینگے۔حکمرانوںنے ہویونین کونسل میںایم پی اے اورلاکھوںوسائل سے میدان سجانے کی پلاننگ شروع کردی ہے عوامی طاقت سے حکومتی وسائل شکست دینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)مختلف اسلامی ممالک کے قائدین اور ملک بھر کے پانچ ہزار سے زائد علماء نے پیغام اسلام کانفرنس میں انتہاء پسندی ، دہشت گردی ، فرقہ وارانہ تشدد کے خاتمے کیلئے جدوجہد کرنے اور عالمی ، فکری ، نظریاتی اتحاد کے قیام کی ضرورت پر زور دیا ہے ۔ پاکستان علماء کونسل کے زیر اہتمام اسلام آباد میں ہونے والی پیغام اسلام کانفرنس میں مفتی اعظم فلسطین سمیت آٹھ سے زائد اسلامی ممالک کے سکالرز ، سفراء ، یورپی یونین اور ناروے اور بوسینیا کے سفرا ء نے بھی شرکت کی۔ کانفرنس کی پہلی نشست کی صدارت پاکستان علماء کونسل کے مرکزی چیئرمین حافظ محمد طاہر محمود اشرفی نے کی ۔ کانفرنس سے خطاب کرتے ہوئے سینٹ میں قائد ایوان راجہ ظفر الحق نے کہا کہ مسلم امہ کے مسائل کا حل صرف اور صرف وحدت میں ہے اور پیغام اسلام کانفرنس مثبت سمت قدم ہے ۔ انہوں نے کہا کہ آج مسلم دنیا جن مسائل کا شکار ہے اس کا مسلم دنیا کے پاس ہے اور قرآن و سنت کی رہنمائی سے ہی ہم مسلم دنیا ان مسائل سے نکل سکتی ہے ۔ انہوں نے کہا کہ اسلام کو تشدد اور وحشت کے ساتھ جوڑنے والے اسلام کی کوئی خدمت نہیں کر رہے ۔ وفاقی وزیر مذہبی امور سردار محمد یوسف نے کہا کہ حکومت نہ صرف مدارس بلکہ سکولوں میں بھی تعلیمی اصلاحات لانا چاہتی ہے اور پیغام اسلام کانفرنس پاکستان سے انتہاء پسندی اور دہشت گردی کے خاتمے میں مدد دے گی۔ انہوں نے کہا کہ حکومت مدارس مساجد کے خلاف کوئی ایکشن نہیں لے رہی اور نہ ہی مدارس اور مساجد کو کسی حکومتی قدم سے خوفزدہ ہونے کی ضرورت ہے ۔یورپی یونین کے سفیر نے کانفرنس سے خطاب کرتے ہوئے کہا کہ عورتوں کے حقوق اوربین المذاہب ہم آہنگی کیلئے پاکستان میں علماء کی کوششیں قابل قدر ہیں لیکن ہم امید کرتے ہیں کہ پاکستان علماء کونسل اس پر مزید جدوجہدکرے گی۔ پاکستان میں سعودی عرب کے سفیر عبد اللہ الزہرانی نے کہا کہ جس طرح مساجداور عوام الناس کے خلاف دھماکے ہوتے تھے آج سعودی عرب میں ہو رہے ہیں لیکن ہم خوفزدہ نہیں ہیں ہم دہشت گردی اور انتہاء پسندی کا مقابلہ کریں گے ۔ ہم پاکستانی قوم ، حکومت اور فوج کے مشکور ہیں کہ انہوں نے ہمیشہ سعودی عرب کے ساتھ اپنی دوستی کو نبھایا ہے ۔ انہوں نے کہا کہ امت مسلمہ کے مسائل کا حل امت کی وحدت میں ہے اور وہ لوگ جو بے گناہ انسانوں کا قتل کرتے ہیں وہ کسی مذہب کے نمائندہ نہیں ہیں۔ مکہ مکرمہ سے شیخ الحدیث مولانا سعید احمد عنایت اللہ نے کہا کہ اسلام اعتدال کا دین ہے اور جو لوگ اسلام کا نام لے کر انتہاء پسندی اختیار کرتے ہیں وہ اسلام کو نقصان دے رہے ہیں اور ایسے لوگوں کو روکنا ہماری ذمہ داری ہے ۔جامعہ اسلامیہ کے وائس چانسلر ڈاکٹر درویش نے کہا کہ اسلام اعتدال کا دین ہے اور سعودی عرب کی حکومت بین المذاہب ، بین المسالک ہم آہنگی کیلئے کوشاں ہے ۔پوری امت کو اسلام کے اعتدال والے پیغام پر جمع ہوجانا چاہیے ۔ کانفرنس کی دوسری نشست سے خطاب کرتے ہوئے وفاقی وزیر اطلاعات و قانون پرویز رشید نے کہا کہ اسلام کا نام لے کر فتنے پھیلانے والوں کے خلاف علماء کو نکلنا ہے ۔ علماء نے ہمیشہ قوم کی مثبت سمت رہنمائی کی ہے اور ہمیں امید ہے کہ پیغام اسلام کانفرنس ایک درست سمت قدم ہے جس کا مقصد نوجوانوں اور عوام کی رہنمائی کرنا ہے ۔انہوں نے کہا کہ علما ء رہنمائی کریں ، حکومت ہر سطح پر انتہاء پسندی اور دہشت گردی کے خاتمہ کیلئے عزم کیے ہوئے ہے ۔ سیکرٹری جنرل صاحبزادہ زاہد محمود قاسمی نے کہا کہ پاکستان سعودی عرب اور ترکی کے خلاف سازشیں ہو رہی ہیں اور ہمیں متحدہو کر ان سازشوں کا مقابلہ کرنا ہے ۔پاکستان میں فلسطین کے سفیر احمد ابو ولید نے کہا کہ فلسطینیوں اور کشمیریوں کا خون ایک دن صبح انقلاب لائے گا۔ انہوں نے کہا کہ اسلام کا نام لے کر وحشت اور دہشت پھیلانے والوں نے مسئلہ کشمیر اور فلسطین کو کمزور کیا ہے۔مفتی اعظم فلسطین ڈاکٹر محمد احمد حسین نے کہا کہ عالم اسلام میں بہت فتنے ابھر رہے ہیں ، ان فتنوں کے مقابلوں کیلئے علماء کو متحد ہونا ہو گا اور عملی طور پر جدوجہد کرنی ہو گی۔انہوں نے کہا کہ پاکستان میں میری آمد اور پاکستانی عوام کی طرف سے استقبال پر میں حکومت اور پاکستانی عوام کا شکریہ ادا کرتا ہوں ۔ انہوں نے کہا کہ مسئلہ فلسطین اور کشمیر کا حل اسی صورت میں ممکن ہے کہ جب بے گناہ کشمیریوں اور فلسطینیوں کا قتل عام بند کیا جائے ۔ انہوںنے کہا کہ بلاد اسلامیہ میں بیرونی مداخلت بند ہونی چاہیے۔کانفرنس میں سفیر بحرین ، سفیر قطر ، سفیر کویت ، سفیر اردن ، سفیر ناروے ، سفیر جرمن اور یورپی یونین کے نمائندوں اور سعودی عرب ، قطر ، مصر ، بحرین سمیت مختلف اسلامی ممالک کے وفود نے شرکت کی۔کانفرنس سے مولانا عبد الکریم ندیم ، مولانا عبد الحمید وٹو ، مولانا عبد الحق مجاہد ،الحاج محمد بوستان اور دیگر نے بھی خطاب کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) پاکستان تحریک انصاف کی رکن پنجاب اسمبلی سعدیہ سہیل رانا نے کہا ہے کہسینکڑوں نئے منصوبوں کے باوجود سرد موسم میں بجلی کی لوڈشیڈنگ میں کمی کیوں نہ ہو سکی۔ تیل کی قیمت میں عالمی مارکیٹ کے مطابق کمی کر کے مہنگائی کے جن کو قابو کیا جا سکتا تھا لیکن حکومت بے لچک بنی رہی موجودہ حکومت کا انجام بھی پیپلز پارٹی جیسا ہونے والا ہے اسکی واضح مثال بلدیاتی انتخاب میں مسلم لیگ ن پر عوام کا اعتماد نہ کرنا ہے کیونکہ انہیں عوامی مسائل کا احساس نہیں ہے اپنے ایک بیان میں انہوں نے کہا کہ دہشت گردی پر قابو پانے میں فوج کا کردار اہم ہے جبکہ حکومت کی کارکردگی صفر ہے بھارت اگر افغانستان کے راستے دہشت گردی کرواتا ہے تب بھی نواز شریف بھارت پر فدا ہوتے ہوئے نظر آتے ہیں وزیر اعظم کی بھارت دوستی کی خوش گمانی ختم ہوتی نظر نہیں آ رہی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) پاکستان پیپلز پارٹی پنجاب کے ڈپٹی سیکرٹری اطلاعات عابد حسین صدیقی نے وزیر اعظم نواز شریف کے بیان کو مضحکہ خیز قرار دیتے ہوئے کہا ہے کہ اگر کاروبار چلانا حکومت کا کام نہیں ہے تو پھر حکمران بھی کاروبار نہ چلائیں انہوں نے کہا کہ پوری دنیا میں حکمرانوں کو کاروبار کرنے اجازت نہیں لیکن ہمارے حکمران تو آتے ہی اپنے کاروبار کو وسعت دینے کے لئے ہیں انہوں نے کہا کہ شریف خاندان کے کاروبار کو دن دگنی رات چگنی ترقی مل رہی ہے جبکہ قومی اداروں کو خسارے کا سامنا ہے جس کو بنیاد بنا کر نجکاری کی جا رہی ہے پیپلز پارٹی مسلم لیگ ن کو ملکی وسائل پر قبضہ نہیں کرنے دے گی اور نہ ہی قومی اداروں کی بندربانٹ کرنے دے گی۔ اس سلسلہ میں پیپلز پارٹی اپوزیشن جماعتوں سے مل کر بھرپور احتجاج کر رہی ہے حکمرانوں کو اپنی ظالمانہ پالیسیاں بدلنی ہوں گی۔ انہوں نے مزید کہا کہ مسلم لیگ ن جب بھی اقتدار میں آتی ہے ریاست کو کمزور کرنے کا سبب بنتی ہے قومی ادارے ریاستی استحکام کا سبب ہوتے ہیں اس لئے ان کی نجکاری عوام کے مفاد میں ہے نہ قومی مفاد میں پیپلز پارٹی میاں برادران کو مذموم ارادوں میں کامیاب نہیں ہونے دے گی انہوں نے کہا کہ حکمرانوں کی مداخلت اور انتقامی سوچ سے قومی ادارے تباہ ہورہے ہیں۔ عوام وفاق اور پنجاب میں بیڈگورننس کیخلاف سراپااحتجاج ہے۔ لیکن حکمرانوں کے کانوں پر جون تک نہیں رینگ رہی اور ملک کو عدم استحکام کرنے کے در پے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی ( جی پی آئی ) ہمدم ویلفیئر کے زیر اہتمام روبینہ شاہین ‘ اقبال چاند اور عزیز صدیقی کی میزبانی ‘ گجراتی سرکار امیر سولنگی عرف پٹی والا المعروف سورٹھ ویر کی سرپرستی ‘ماہر قانون و روحانی تصانیف نگار الطاف حسین ایڈوکیٹ کی صدارت میں ہونے والی ”غوثیہ کانفرنس ”کے مہمان خصوصی و سماجی رہنما بشیر لاٹھی والا و دیگر مقررین نے اپنے خطاب میں غوث الاعظم کی شخصیت و کرامات پر روشنی ڈالتے ہوئے کہا کہ غوث الاعظم کی شخصیت صاحب ولایت تھی اور انہوں نے اپنے کشف و کرامات کے ذریعے اسلام کی خدمت کے ساتھ تمام انسانیت کو فیض پہنچایا اسی لئے ہر مذہب و مسللک کے ماننے والے ان سے عقیدت و محبت رکھتے ہیں ۔تقریب میں معروف کمپیئر اقبال موٹلانی ‘ فنکار علی مرزاد ‘ گلوکارہ لبنیٰ غزل ‘سماجی رہنما عرفان فاروق کمال ‘ ہارون حسین کعبہ والیہ’حاجی اقبال ہنگورہ ‘ یحییٰ خانجی تنولی ‘ نورمحمد غازی ‘ دوست محمد انجینئر ‘ ابراہیم ابو بھائی ‘یونس شیخ ‘ سید مشتاق علی عرف چنو بھائی ‘ اکمل پراچہ ‘عرفان رضوی ‘ عارف زہری ‘ خالد بھائی ‘ رشید بھائی ‘ماہر قانون صدیق بلوچ ایڈوکیٹ ‘ معروف روحانی شخصیت سید یاسین شاہ بابا ‘ خواتین سیاسی و سماجی رہنما سپنا خان ‘ فرح ناز ‘ سکینہ میمن ‘ سیدہ صبا ‘ آفرین صدیقی و دیگر نے شرکت کی ۔ تقریب کے اختتام پر الطاف حسین ایڈوکیٹ کی نئی تصنیف ”افضال حسین چشتی المعروف خواجہ بابا”کی رونمائی بھی کی گئی جبکہ مصنف نے اپنی تصنیف جی کیو ایم سربراہ و سرپرست اعلیٰ”غوثیہ کانفرنس ” گجراتی سرکار امیر سولنگی عرف پٹی والا المعروف سورٹھ ویرکی خدمت میں پیش کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی ( جی پی آئی ) پاکستان تحریک انصاف کی کراچی میں عوامی رابطہ مہم اور ممبرسازی کادوسرا روز۔انصاف بس کا ملیر اور کورنگی کا دورہ ۔جہاںسے گزرے شہریوں کی جانب سے زبردست استقبال کیا گیا پی ٹی آئی رہنمائوں پر پھولوں کی پتیاں نچھاور کرنے کے ساتھ عمران خان زندہ باد کے نعرے لگائے گئے ،شہری بڑی تعداد میں اپنا موبائل اور شناختی کارڈ لیکر قائد آباد میں لگائے گئے کیمپوں میں پہنچ گئے اور ممبرسازی مہم میں بڑھ چڑھ کر حصہ لیا۔تحریک انصاف کے کارکنوں نے اپنے قائدعمران خان کے بڑے بڑے پوسٹرزاور بینرزاٹھارکھے تھے گلے میں پی ٹی آئی کا مفلراور ہاتھوں میں جھنڈا اٹھائے لوگ انصاف بس (سونامی بس) پر چڑھ گئے)انصاف بس میں لگائے گئے پی ٹی آئی کے نغمے بجائے جاتے رہے ۔اس موقع پر تحریک انصاف کے رہنما حلیم عادل شیخ نے قائد آباد میں موجودہ دکانوں کے بھی دورے کیئے اور کیمپوں میں آئے ہوئے شہریو ں کو ممبر شپ حاصل کرنے کے طریقہ کار کووضح کیا اور انہیں تبدیلی کے لیے عمران خان کا ساتھ دینے پر مبارکباد بھی دیتے رہے ،میڈیا کے ساتھ بات چیت میں حلیم عادل شیخ کا کہنا تھا کہ تبدیلی کی ہوا چل پڑی ہے لوگ عمران خان کو نجات دہندہ سمجھتے ہیں ،انہوں نے کہا کہ اس مرحلے کے بعد ہماری انصاف بس عوام کو پارٹی میں شمولیت کی دعوت دینے کے لیے اندرون سندھ روانہ ہوگی جہاں ہم شہر شہر گوٹھوگوٹھ میں جاکر اپنے قائد کے پیغام پہنچائیں گے ۔انہوں نے کہا کہ تحریک انصاف اس بار عوام کی طاقت سے اگلی حکومت ضرور بنائے گی اس وقت پورے پاکستان میں موجود ہر گھر میں پی ٹی آئی کا ورکر موجود ہے جو ملک میں تبدیلی لانے کے لیے قائد عمران خان کا ساتھ دینے کے لیے بے چین ہے ۔انہوں نے مزیدکہا کہ ہر عام آدمی کے پاس جائینگے تبدیلی سندھ کی عوام کا مقدربن چکی ہے ہم اس ملک میں آئین کی بالادستی اور قانون کی حکمرانی کو لیکر آئینگے کیونکہ اس وقت ملک میں عام آدمی کو ہر طرح کے معاملات میں شدیدمسائل کا سامنا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی ( جی پی آئی )قومی اسمبلی کی قائمہ کمیٹی برائے انصاف و قانون کی جانب سے ہندو میرج ایکٹ 2015ء بل کی منظوری پر اظہار خیال کرتے ہوئے پاکستان سولنگی اتحاد کے سینئر رہنما امیر سولنگی ‘سردار اکرم سولنگی ‘ سردار شبیر سولنگی ‘ سردار راحیل سولنگی ‘ سردار خادم حسین سولنگی و دیگر نے کہا ہے کہ اس بل سے ہندو برادری کی شادی رجسٹر ہونا لازمی قرار پانے سے نہ صرف 18سال سے کم عمری کے شادی کے واقعات میں کمی ہوگی بلکہ اقلیتوں کی شادی کی رجسٹریشن کے باعث ریکارڈ ربھی رکھا جاسکے گا اور مذہب کی تبدیلی کی صورت میں شادی ٹوٹ جانے کی شق سے تبدیلی مذہب کے رجحان میں بھی کمی واقع ہوگی ۔سولنگی رہنماؤں کا کہنا تھا کہ جبری شادیوں اور تبدیلی مذہب کے حوالے سے لاحق ہندو برادری کے خدشات کو ودر کرنے کیلئے پارلیمنٹ میں اس بل کی منظوری سے قبل ہندو اراکین پارلیمنٹ اور ہندو کمیونٹی کے رہنماؤں کو اعتماد میں نہ لینے سے مسائل پیدا ہوں گے اگر اس حوالے سے ہندو کمیونٹی و اراکین پارلیمنٹ کی رائے کو بھی ملحوظ رکھا جاتا تو اس سے اقلیتی برادری کے خدشات دور کرنے میں مددملتی مگر بوجوہ اس ضروری و ناگزیر اقدام سے گریز اور بل کی منظوری میں عجلت بعید از قیاس و سمجھ سے بالاتر ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی ( جی پی آئی ) پی آئی اے کی ہڑتال یقینا مسافروں کیلئے پریشانی و اذیت کا باعث ہونے کے ساتھ پی آئی اے کیلئے نقصان اور قومی خزانے کیلئے خسارے کے اسباب پیدا کررہی تھی جس کا خاتمہ یقینا خوش آئند اور پی آئی اے سے سفر کرنے والوں کیلئے باعث مسرت ہے مگر قوم کیلئے یہ بات یقینا حیرت و استعجاب کا سبب ہے کہ تین ملازمین کی زندگی کی قربانی دینے والی پی آئی اے جوائنٹ ایکشن کمیٹی نے مطالبات کی منظوری کے بناء ہی ہڑتال کا خاتمہ کیوں کر کس مفاد کے تحت یا کس کی دھمکی سے ڈر کر کیا ۔ یہ بات پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما سردار خادم حسین سولنگی ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن’ہیومن رائٹس رہنما امیر علی خواجہ ودیگرنے کہا ہے جمہوریت کا راگ الاپنے والی سیاسی قیادتیں جوڑ توڑ اور ہارس ٹریڈنگ کی ماہر ہیں اور اقتدار میں موجود جماعتوں کے پاس ہر لالچ ‘ ہر دہشت اور ہر وہ طاقت ہوتی ہے جس سے ہارس ٹریڈنگ میں آسانی ملتی ہے اور پی آئی اے ہڑتال کا غیر فطری و غیر منطقی انجام ہارس ٹریڈنگ کا نتیجہ ہی معلوم ہوتا ہے جبکہ یہ حقیقت ہے کہ ہارس ٹریڈنگ سے کبھی ملک و قوم یا عوام کو فائدہ نہیں ملا البتہ نقصان ضرور پہنچا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی ( جی پی آئی )محب وطن روشن پاکستان پارٹی کے قائد و چیئرمین امیر پٹی نے پاک ایران گیس پائپ لائن کے حوالے سے نئی امریکی ڈکٹیشن پر حکومت کو قومی مفادات کو پیش نظر رکھنے کا مطالبہ کرتے ہوئے کہا ہے کہ امریکہ کی جانب سے ایران پر پابندیاں برقرار ہیں پاکستان و ایران اس صورتحال کو ملحوظ رکھتے ہوئے گیس پائپ لائن منصوبے کا جائزہ لیں اس بات کی اظہار ہے کہ امریکہ ہمیں ایران کے ساتھ گیس پائپ لائن منصوبہ ترک کرنے کی ہدایت دے رہا ہے جس کے ذمہ دار حکمران ہیں جنہوں نے توانائی بحران کی سنگینی کے باوجود گزشتہ برس ایران پر عالمی پابندیوں کا خاتمہ ہوتے ہی پاک ایران گیس پائپ لائن منصوبے پر عملدرآمد کے آغاز سے گریز و اجتناب کیا جس کی وجہ سے اب امریکہ اس منصوبے میں مداخلت کا جواز و اختیار مل رہا ہے لیکن اگر حکمران محب وطن ہیں تو وہ امریکہ کو باور کرائیں گے اسے ہماری اندرونی پالیسیوں پر ہمیں ڈکٹیشن دینے کی قطعاً ضرورت نہیں اگر امریکہ کو ہر عالمی قانون کے برعکس اپنے مفادات عزیز ہیں تو ہمیں بھی صرف اپنے ہی مفادات عزیز ہونے چاہئیں اگر ہمارے حکمران بھی ایران جیسی جرأت مندانہ پالیسیاں اختیار کریں تو امریکہ ہمارے سامنے بھی گھٹنے ٹیکنے پر مجبور ہوگابصورت دیگر ہماری خودمختاری امریکہ کے ہاتھوں پامال ہوتی ہی رہے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)ڈی ایس پی ظاہر شاہ خان کے ہدایت پر ایس ایچ او کوکارئی نواب خان کی کارروائی منشیات سمگلنگ کی کوشش ناکام بنادی ،ملزم عرفان ولد احمد خان سکنہ جمرود کرم ایجنسی کو گرفتار کرلیاگیا جسکے قبضے سے ایک کلو گرام چرس برامد کرلی گئی پولیس نے مقدمہ درج کرکے مزید تفتیش شروع کردی تفصیلات کے مطابق گزشتہ روز ڈی ایس پی ظاہر شاہ خان کے ہدایت پر ایس ایچ او کوکارئی نواب خان نے دوران ناکہ بندی بونیر کے راستے سوات انیوالے گاڑی کی تلاشی لی جس کے دوران پولیس نے گاڑی میں چھپائے گئے ایک ہزار گرام چرس برامد کرلی اس موقع پر ڈی ایس پی ظاہر شاہ خان نے اخباری نمائندوں سے کو تفصیلات بتاتے ہوئے کہاکہ ملزم عرفان کا تعلق کرم ایجنسی سے ہے جو منشیات کو سوات سمگل کررہاتھا جسے کوکارئی پولیس نے ناکام بناتے ہوئے ملزم کو منشیات سمیت گرفتار کرلیا پولیس نے مقدمہ درج کرکے مزید تفتیش شروع کردی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)ایم ایل اے ڈی ایس پی درویش خان نے کہاہے کہ ڈرائیونگ لائسنس کا حصول اسان اور شفاف بنایاگیا ہے ،عوام کو اگاہ کرنا چاہتے ہیں کہ وہ اس سلسلے میں کسی بھی کرپٹ شخص اور ایجنٹوں کے دھوکے میں ائے بغیر ڈائریکٹ ڈرائیونگ لائسنس برانچ سے رابطہ رکھیں تاکہ ان کرپٹ عناصر کی حوصلہ شکنی ہوسکے ،عوام بھی صاف اور شفاف طریقے کااحترام کرتے ہوئے سفارشی اور رشوت کلچر کے خاتمے میں اپنا کردار ادا کریں ان خیالات کا اظہار انہوںنے گزشتہ روزلائسنس کلرک اقبال اور دیگر کے ہمراہ اخباری نمائندوں سے بات چیت کرتے ہوئے کیا انہوںنے کہا کہ سوات میں تعنیات ٹریفک پولیس اہلکار ایمانداری سے اپنی ڈیوٹیاں انجام دیتے ہیں جبکہ لائسنس برانچ میں عوامی سہولیات اور اسانی کیلئے انتظامات بہتر بنائے گئے ہیں انہوںنے کہاکہ کسی بھی شکایت کی صورت میں سوات کے عوام براہ راست مجھ سے مل سکتے ہیں انہوںنے مزید کہاکہ لائسنس برانچ میں تعینات عملہ کوالیفائیڈ اور بااخلاق ہے تاہم اس سلسلے میں عوام کو اگاہ کرنا چاہتے ہیں کہ وہ غیر قانونی طریقوں کے بجائے قانون کے مطابق لائسنس کے حصول کے طریقوں پرعمل پیرا رہے اور اس سلسلے میں کسی ایجنٹ یا رشوت طلب کرنے والے افراد سے دور رہے تاکہ یہ شفاف عمل جاری رہ سکے۔
سول کریم صلی اللہ علیہ والہ وسلم کی عظمت شان بہت بلند ہے، علامہ عبدالعزیز طاہر سراجوی
گجرات کی خبروں کی تصویری جھلکیاں
