گجرات : تحریک لبیک یارسول اللہ کے بانی اور عالمی تنظیم اہلسنت کے مرکزی امیر حضرت پیر محمد افضل قادری ودیگر علماء کو فی الفور رہا کیا جائے۔ دہشت گردوں کی بجائے پاکستان کے بزرگ ترین اور شدید علیل عالم دین کی گرفتاری انتہائی قابل مذمت ہے۔ ان خیالات کا اظہار پیر عثمان افضل قادری، پیر قاضی محمود احمد، علامہ حنیف طاہر، مفتی عبد الرحمن نعیمی، پیر نصر اللہ قادری، پروفیسر محمد عظیم، علامہ شاہد چشتی، مولانا عبد الواحد سیالوی، مولانا نعیم اختر رضوی، ڈاکٹر نور محمد دانش ودیگر نے کیا۔ انہوں نے کہا کہ ضرورت اس امر کی تھی کی ساری توجہ آپریشن رد الفساد کی طرف مبذول کی جاتی لیکن دہشت گردی کے ازلی ابدی مخالف علماء مشائخ کو بے جا پریشان کیا جارہا ہے۔ یاد رہے کہ حضرت پیر محمد افضل قادری کی گرفتاری کے بعد سے اندرون وبیرون ملک ان کے مریدوں اور عقیدتمندوں میں شدید تشویش پائی جاتی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات: (پریس ریلیز) پیر عثمان افضل قادری ودیگر علما بدھ کو چار بجے سہ پہر پریس کلب گجرات میں پریس کانفرنس کریں گے۔ الیکٹرک وپرنٹ میڈیا کے حضرات سے گزارش ہے کی کوریج کا اہتمام کریں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ممتاز روحانی شحصیت صاحبزادہ حکیم جواد الرحمٰن نظامی سیفی صحت یاب ہو کر اپنے گھر شفٹ ہو گئے۔وہ گذشتہ کئی روز سے شدید علیل تھے اور اسلام آباد F-10کے ایک معروف ہسپتال میں زیر علاج تھے ۔کئی دنوں کے علاج کے بعد وہ صحت یاب ہوئے ہیں ،ہزاروں مریدین ،عقیدت مندوں کی دعائوں اور اللہ تعالی کے فضل وکرم کی بدولت انہیں صحت ملی ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ممتاز روحانی شحصیت صاحبزادہ حکیم جواد الرحمٰن نظامی سیفی سرپرست اعلیٰ متحدہ علماء مشائح بورڈ کے بذریعہ ٹیلی فون ضلعی انتظامیہ سے طویل ترین کامیاب مذاکرات،صاحبزادہ مفتی عثمان افضل قادری کو رہا کردیا گیا ۔جبکہ متعدد گرفتار علماء کرام کی رہائی بھی عمل میں آگئی۔پیشواء اہلسنت پیر محمد افضل قادری بھی جلد اپنے چاہنے والوں کے درمیان ہوں گے۔تفصیلات کے مطابق صاحبزادہ حکیم جواد الرحمٰن نظامی سیفی سرپرست اعلیٰ متحدہ علماء مشائح بورڈ نے بذریعہ ٹیلی فون DPOگجرات اور ضلعی انتظامیہ سے ،مزاکرات کئے۔اور طے پایا کہ اہلسنت کسی قسم کا احتجاج نہیں کریں گے۔کیونکہ اہلسنت امن پسند ہیں ۔انتظامیہ کے ساتھ امن وامان کے قیام کے سلسلہ میں ہمیشہ تعاون کیا جاتا ہے ۔انتظامیہ اور علماء اہلسنت کے مابین اختلافات ختم ہو گئے ہیں اور صاحبزادہ پیر عثمان افضل قادری اور دیگر علماء کرام کو رہا کردیا گیا ہے جبکہ پیشواء اہلسنت پیر محمد افضل قادری بھی جلد اپنے چاہنے والوں کے درمیان ہوں گے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) بچوں کی کردار سازی تعلیم کے ساتھ ساتھ بہت ضروری ہے۔ ان خیالات کا اظہار ممتاز سماجی شخصیت سابق نائب صدر گجرات چیمبر سید آصف رضا نقوی نے گزشتہ روز دی ایگزا سکول شادمان کیمپس میں سالانہ تقریب تقسیم انعامات جونیئر کلاسز سے خطاب کرتے ہوئے کیا۔ انہوں نے کہا کہ وہی تعلیمی ادارے ترقی کر سکتے ہیں جو اپنے بچوں کی تعلیم کی طرف توجہ دیتے ہیں جب تک بچوں کی بہترین تعلیم و تربیت کا بندوبست نہ ہو معاشرہ ترقی نہیں کر سکتا۔ دی ایگزا سکول سسٹم مبارکباد کا مستحق ہے کہ انہوں نے اس سمت میں کام کیا۔ اور بچوں میں یہ جذبہ پیدا کیا کہ وہ خود آگے بڑھیں اور اپنے بل بوتے پر نام کمائیں۔ جس طرح بچوں میں خود اعتمادی پیدا ہوئی اس کی مثال نہیں ملتی۔ دی ایگزا سکول بلا شبہ ترقی کی منازل طے کر رہا ہے ہماری دعا ہے کہ اسی طرح یہ دن دگنی رات چوگنی ترقی کرے۔ اس موقع پر خطاب کرتے ہوئے عالمی شخصیت خاور بشیر بٹ نے کہا کہ بچوں کی صلاحیتیں دیکھ کر سکول کے معیار کے بارے میں پتہ چلتا ہے اور آج جس طرح بچوں نے اپنی صلاحیتوں کا مظاہرہ کیا ہے اس سے بچوں کی صلاحیتیں اجاگر ہوئی ہیں ہمیں خوشی ہوئی ہے کہ گجرات میں ایک ایسا ادارہ موجود ہے جس پر والدین اعتماد کر سکیں۔ عنقریب اس ادارے کی مقبولیت میں بے پناہ اضافہ ہو گا۔ ڈائریکٹر دی ایگزا سکول شفاقت زبیر نے کہا کہ ہم چاہتے ہیں کہ ہمارے سٹوڈنٹس کل فخر سے اپنے ادارے کا نام لیں اس لئے ہم بچوں کی بہتر تعلیم و تربیت کی طرف توجہ دے رہے ہیں ۔ بچوں میں کردار سازی کے حوالہ سے کام کر رہے ہیں۔ اس موقع پر طلباء و طالبات نے مختلف خاکہ جات پیش کئے۔ جبکہ انعامات حاصل کرنے والے طلباء میں جونیئر مونٹسوری اینجل میں پہلی پوزیشن عنیا یٰسین ‘ عروج فاطمہ’ محمد دائود جبکہ دوسری پوزیشن پر محمد علی ‘ میرب فاطمہ’ سفیان جاوید’ حسین طور اور تیسری پوزیشن اینجل فاطمہ’ سید ایمن عباس’ ایلیان ساجد’ محمد ابراہیم’ ایشال آصف’ احمد رضا ‘ صفی اللہ’ عبدالرئوف ‘اور محمد عبداللہ اور عبدالسمیع شامل تھے۔ جونیئر مونٹسوری بٹرفلائی میں اقصیٰ بی بی اور محمد مصطفی نے پہلی پوزیشن حاصل کی۔ سبحان حسین ‘ مشعل حسین’ نے دوسری پوزیشن جبکہ در نجف’ تسمیہ فاطمہ’ احمد مدثر’ سیدہ ائیزہ سیف’ وردا شہزادی’ عنایا ساجد’ عون محی الدین نے تیسری پوزیشن حاصل کی۔ ایڈوانس ٹیولپ میں عبدالمعیز اور محمد عدین نے پہلی پوزیشن حاصل کی جبکہ زینب عرفان’ نے دوسری اور تیسری پوزیشن پر رضوان احمد’ صوابیہ بن فیصل ‘عبداللہ ماجد’ زینہ شہزادی’ دعا فاطمہ’ احمد سجاد’ روہا نوید’ ماہین انور’ محمد علی رہے۔ ایڈوانس ڈیفوڈلز میں حنا فاطمہ نے پہلی پوزیشن حاصل کی فاطمہ شکیل نے دوسری پوزیشن جبکہ عبادلہادی ‘ خرد فاطمہ جنت عمران’ ماہنور تصدق’ نورین نوید’ عبن جلال’ علی حسن’ جنتا عزیز’ گنیم حسین’ ایمن سجاد اور شہزادہ نواب نے تیسری پوزیشن حاصل کی۔ جونیئر ون گرلز میں ایمن ساجد نے پہلی پوزیشن’ ردا زینب اور کائنات حمید نے دوسری جبکہ عائشہ بشیر’ زرنین عمر’ سدرہ عارف’ عبیرہ نعیم’ در ثمن’ لاریب نوید نے تیسری پوزیشن حاصل کی۔ جونیئر ون بوائز میں محمد اذان ‘ احمد رضطان اور محمد اویس قرنی پہلی پوزیشن حاصل کی جبکہ ریحان علی بٹ نے دوسری اور محمد مرتضیٰ اور ماہد مظہر نے تیسری پوزیشن حاصل کی۔ جونیئر دوسری کلاس بوائز میں حماس صدیق نے پہلی پوزیشن ‘ عبدالواصیح اور رباس صدیقی نے دوسری جبکہ اویس صدیقی ‘ حذیفہ بن عمران اور ریحان انور نے تیسری پوزیشن حاصل کی۔ جونیئر دوسری کلاس گرلز میں افرہ عمران پہلی ‘ عربہ فاطمہ اور حمنا شہزاد دوسری جبکہ مریم سلیم اور مرتبہ فاطمہ نے تیسری پوزیشن حاصل کی۔ جونیئر تھری میں محمد دائود نے پہلی ‘ فضا عمر نے دوسری اور میرب شہزادی نے دوسری جبکہ ماہن ثناء ‘ عروج فاطمہ’ خدیجہ سیف’ سید حاصل اوصاف’ مسلمہ ظفر ‘ حبیبہ مظہر’ عبداللہ نواز’ اور محمد ابراہیم نے تیسری پوزیشن حاصل کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)چھٹی سالانہ محفل میلاد مصطفی ۖ لجپا ل نبی میرے ” موضع نواں پنڈ شیخ علی کے میں منعقد ہوئی۔ جس میں ممتاز علماء کرام نے شرکت کی۔ نقابت کے فرائض اکرم حسین گیلانی نے سرانجام دئیے۔ خصوصی نعت شکیل اشرف’ سید عمران افگن شاہ ‘ شہزاد حنیف مدنی’ و دیگر نے پیش کئے۔ مہمان خصوصی ممتاز عالم دین قاری عامر رضوان قادری تھے۔ خصوصی خطاب مولانا جعفر حسین قریشی ملتان والے نے کیا۔ بذریعہ قرعہ اندازی عمرہ کا ٹکٹ بھی دیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)(معروف سماجی راہنما ڈاکٹر طارق سلیم نے جامعہ گجرات کے حافظ حیات کیمپس میں وائس چانسلر پروفیسر ڈاکٹر ضیاء القیوم کے ساتھ خیر سگالی ملاقات کی اور جامعہ گجرات کی تدریسی، علمی اور تعلیمی سرگرمیوں کو معاشرہ و سماج کے لیے مزید نتیجہ خیز اور ثمر آور بنانے کے لیے سماجی وفلاحی حلقوں کی جانب سے بھرپور تعاون کا یقین دلایا۔ ڈاکٹر طارق سلیم نے کہا کہ جامعات کسی بھی سماج و معاشرہ کے راہنما ادارے ہوتے ہیں۔ جامعہ گجرات نے مثالی کارکردگی کا مظاہر ہ کرتے ہوئے گذشتہ چند برسوں میں گجرات کی علمی و تہذیبی ثقافت کو اجاگر کرنے میں اہم کردار ادا کیا ہے۔ اہل گجرات اپنے پُر خلوص جذبہ کا ثبوت دیتے ہوئے جامعہ گجرات کے انڈومنٹ فنڈ کو مضبوط تر بنانے کے لیے اپنا بھرپور کردار ادا کریں گے۔ تعلیم و تربیت کا اعلیٰ انتظام اجتماعی فلاح و ترقی کا پیش خیمہ ہوتاہے۔ جامعہ گجرات کے طلبا و طالبات کو وظائف کی شکل میں مالی سہولیات کی فراہمی ہماری بنیادی ذمہ داری ہے۔ڈاکٹر ضیاء القیوم نے ان کے نیک و خوش آئند جذبات کو سراہتے ہوئے کہا کہ جامعہ گجرات اپنے طلبا و طالبات کو جدید تقاضوں سے لیس اعلیٰ و بہترین تعلیم و تربیت کے بھرپور مواقع فراہم کر رہی ہے۔ جامعہ گجرات کے انڈومنٹ فنڈ کے قیام کا مقصد ان ذہین، محنتی و باصلاحیت طلبہ کو یکساں تعلیم کے مواقع فراہم کرنا ہے جو کسی بنا پر مالی سہولیات میسر نہ ہونے کی وجہ سے تعلیم کی درخشاں راہوں کو ترک کرنے پر مجبور ہو جاتے ہیں۔ تعلیم کے نور سے منور ہونا ہرانسان کا بنیادی حق ہے۔ مجھے امید ہے کہ جامعہ گجرات کا انڈومنٹ فنڈ مخیر و صاحبِ دل حضرات کے کشادہ عطیات سے جلد ہی اتنا مضبوط ہو جائے گا کہ جامعہ گجرات کا ہر مستحق و باصلاحیت طالب علم اعلیٰ تعلیم کی راہوں کا پُر عزم مسافر بننے میں کوئی محرومی محسوس نہ کرے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)تحریک لبیک یارسول اللہ کے بانی اور عالمی تنظیم اہلسنت کے مرکزی امیر حضرت پیر محمد افضل قادری ودیگر علماء کو فی الفور رہا کیا جائے۔ دہشت گردوں کی بجائے پاکستان کے بزرگ ترین اور شدید علیل عالم دین کی گرفتاری انتہائی قابل مذمت ہے۔ ان خیالات کا اظہار پیر عثمان افضل قادری، پیر قاضی محمود احمد، علامہ حنیف طاہر، مفتی عبد الرحمن نعیمی، پیر نصر اللہ قادری، پروفیسر محمد عظیم، علامہ شاہد چشتی، مولانا عبد الواحد سیالوی، مولانا نعیم اختر رضوی، ڈاکٹر نور محمد دانش ودیگر نے کیا۔ انہوں نے کہا کہ ضرورت اس امر کی تھی کی ساری توجہ آپریشن رد الفساد کی طرف مبذول کی جاتی لیکن دہشت گردی کے ازلی ابدی مخالف علماء مشائخ کو بے جا پریشان کیا جارہا ہے۔ یاد رہے کہ حضرت پیر محمد افضل قادری کی گرفتاری کے بعد سے اندرون وبیرون ملک ان کے مریدوں اور عقیدتمندوں میں شدید تشویش پائی جاتی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) پیر عثمان افضل قادری ودیگر علما بدھ کو چار بجے سہ پہر پریس کلب گجرات میں پریس کانفرنس کریں گے۔ الیکٹرک وپرنٹ میڈیا کے حضرات سے گزارش ہے کی کوریج کا اہتمام کریں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) جعلی کھادیںاور زرعی ادویات فروخت کرنیوالوں کے خلاف بلا تفریق کریک ڈائون کیا جائے، زراعت افسران جعلی ادویات فروخت کرنیوالوں کے خلاف سخت ترین قانونی کاروائی عمل میں لائیں، ان خیالات کا اظہار اسسٹنٹ کمشنرگجرات ظہیر عباس چٹھہ نے زرعی ٹاسک فورس کے اجلاس سے خطاب کرتے ہوئے کیا ، ڈپٹی ڈائریکٹر زراعت توسیع محمد رفیق تارڑ، اطہر لطیف، مختلف محکموں کے نمائندگان اور کسان نمائندے بھی موجود تھے۔ اسسٹنٹ کمشنر ظہیر عباس چٹھہ نے کہا کہ حکومت پنجاب کی ہدایات کے مطابق کھادوں کی قیمتوں پر سختی سے عمل درآمد یقینی بنایا جارہا ہے او ر اوورچارجنگ کرنیوالے بارہ افراد کے خلاف مقدمات اور 1لاکھ 27ہزار روپے جرمانہ عائد کیا گیا ہے۔ انہوںنے بعض افراد کی طرف سے بلا لائسنس زرعی ادویات کی فروخت کا بھی سخت نوٹس لیا اور اسسٹنٹ کمشنرز، محکمہ زراعت کے افسران اور سپیشل برانچ کو ہدایت کی کہ ضلع بھر میں سروے کرکے ایسے افراد کی نشاندہی کی جائے تاکہ انکے خلاف قانون کے مطابق سخت کاروائی کی جاسکے۔ انہوں نے واضع کیا کہ کسی بھی ڈیلر کو اوور چارجنگ یا جعلی زرعی ادویات کی فروخت کی اجازت نہیں دی جائے گی ۔انہوں نے ہدایت کی کہ محکمہ زراعت کسانوں کی رجسٹریشن کا عمل تیز کرے تاکہ وزیر اعلی پنجاب میاں شہباز شریف کے خصوصی زرعی پیکج سے زیادہ سے زیادہ چھوٹے کسان مستفید ہو سکیں اس مقصد کیلئے محکمہ زراعت کے فیلڈ افسران ریونیو اہلکاروں کے ہمراہ قانوں گوئی کی سطح پر کسانوں سے میٹنگز کرکے انہیں شعور فراہم کریں۔ اس سے قبل ڈپٹی ڈائریکٹر زراعت توسیع محمد رفیق تارڑ و دیگر افسران نے بریفنگ دی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)ریسکیو1122کے جوانوں نے ٹھٹھہ پور کے قریب نہر میں گرنے والی کار سے ایک خاتون کو زندہ نکال لیا ہے، حادثہ میں جاں بحق ایک خاتون کی نعش تلاش کر لی گئی ہے جبکہ دو افراد کی تلاش جاری ہے، ڈی او ریسکیو 1122ملک عبدالرشید نے بتایا کہ گزشتہ روز پیش آنیوالے افسوسناک حادثہ کی اطلاع ملتے ہی ریسکیو ٹیمیں موقع پر روانہ کر دی گئی تھیں۔ انہوں نے بتایا کہنواحی علاقہ” ٹھٹہ پور ” پل کے قریب نہر میں گرنے والی کار نمبر (LEC-4389) میں چار افراد سوار تھے ۔ ریسکیو ٹیموں نے فوری طور پر گاڑی میں سوار افراد کی تلاش کا کام شروع کر دیا اور عائشہ نامی خاتون کو زندہ باہر نکال لیا، زہرہ بی بی جو کہ عائشہ کی ساس ہے اسکی نعش بھی نکال لی گئی ہے جبکہ عائشہ کے سسر عبدالرزاق اور خاوند بلال کی تاحال تلا ش جاری ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)نواز شریف میڈیکل کالج جامعہ گجرات کے زیر اہتمام ایک سلسلہ ہائے تربیتی ورکشاپ کی اختتامی تقریب کا انعقاد عزیز بھٹی شہید ٹیچنگ ہسپتال میں کیا گیا۔ اس سلسلہ ہائے ورکشاپ میںNSMCکے طلبا و طالبات نے کثیر تعداد میں شرکت کرتے ہوئے اپنے علم و آگہی میں اضافہ کیا۔ یہاں پر یاد رہے کہ جامعہ گجرات کا NSMCمارچ کے پہلے ہفتہ میں ایک بین الاقوامی کانفرنس میڈکون انٹرنیشنل2017ء ”پاکستان کے موجودہ تناظر میں عالمی مسائل صحت اور انکے مقامی حل ” کروانے جا رہا ہے۔ حالیہ سلسلہ ہائے تربیتی ورکشاپ اسی سلسلہ کی ایک کڑی تھا۔ پانچ تربیتی ورکشاپوں کے اس سلسلہ میں طلبا و طالبات کو اینڈوسکوپی، ENT، انستھیزیا، انتہائی نگہداشت،CPR، جنرل سرجری، نیوروسررجی، آرتھو پیڈکس ، ریڑھ کی ہڈی کی سرجری جیسے میڈیکل موضوعات پر عملی تربیت اور خصوصی لیکچروں کا موقع فراہم کیا گیا۔ اس سلسلہ کی اختتامی ورکشاپ آرتھو پیڈکس اورریڑھ کی ہڈی کے حوالہ سے امراض کے متعلق آگاہی پر مشتمل تھی۔ جس میں معروف ماہرسرجن ڈاکٹر عامر عزیز اور ڈاکٹر رضوان اختر نے لیکچروں ، سلائیڈوں اور عملی تربیت کے ذریعے مختلف طبی و سرجری سے متعلق سرگرمیوں پر سیر حاصل روشنی ڈالی۔ پرنسپل نوازشریف میڈیکل کالج پروفیسر ڈاکٹر ظفر اقبال نے اختتامی تقریب کے شرکاء سے خطاب کرتے ہوئے کہا کہ میڈیکل کے زیر تعلیم طلبہ میں عملی مہارتوں کا فروغ انکی صلاحیتوں میں اضافہ کا سبب بنے گا۔ مجھے امید ہے کہ نواز شریف میڈیکل کالج کے طلبا و طالبات کو تربیتی ورکشاپوں کے اس سلسلہ سے بے پناہ فوائد حاصل ہونگے۔ ہمارا مشن اپنے طلبا و طالبات کو ہر ممکن تعلیمی سہولیات فراہم کرتے ہوئے مستقبل کے بہترین ڈاکٹر بنانا ہے جو خدمت خلق کے جذبہ سے لیس ہو کر قومی فلاح کا باعث بنیں۔ تربیتی ورکشاپ کے اختتام پر ڈاکٹر ظفر اقبال گل نے مہمانانِ گرامی کو یادگاری شیلڈیں پیش کیں۔ ان تربیتی ورکشاپوں کے شرکاء میں NSMCکے فیکلٹی ممبران، صدور شعبہ جات، ABSTHکے ڈاکٹر اور ضلع گجرات کے میڈیکل ڈاکٹر و سرجن شامل تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)پاکستان مسلم لیگ ق کی رکن صوبائی اسمبلی خدیجہ عمر فاروقی نے کسان پیکیج میں فراڈ اور جعلسازی سے لاکھوں روپے لینے پر پنجاب اسمبلی میں تحریک التوائے کار جمع کروادی ۔اپنی تحریک التوائے کار میں انہوںنے کہا کہ جعل ساز پنجا ب حکومت کے کئی محکموں اور کمپیوٹرائزڈ سسٹم کو مفلوج کرتے ہوئے کسان ریلیف پیکیج میں فراڈ کرکے لاکھوں لے اڑے انہوںنے کہا کہ پنجاب حکومت نے ساڑھے بارہ ایکڑتک زمین رکھنتے والے افراد کے لیے کسان ریلیف پیکیج شروع کیا تھا جس میں چھوٹے کاشتکاروں کو مراعات دی گئی ہیں جھنگ کی تحصیل احمد پور سیال کے موضع عیسیٰ والا میں اس پیکیج کی مد میں بڑے پیمانے پر فراڈ ہوا ۔کم آبادی والے علاقے میں کسان ریلیف پیکیج سے 430کاشتکاروں نے استفادہ حاصل کیا جن میںسے 45افر اد ایسے ہیں جنہوںنے خود کو جعلی طور پر کاشتکار ظاہر کرکے مراعات حاصل کیں جبکہ45افراد نے جعلسازی سے انی ملکیت میں کم زمین ظاہر کرکے مراعات حاصل کیں۔اس طرح مجموعی طور پر90افراد نے پیکیج کی مد میں لاکھوں روپے ہتھیا لیے۔خدیجہ فاروقی نے کہ صر ف ایک تحصیل میں 110موضع جاتا ہیں جن میںس ے صرف ایک موضع میں16لاکھ کا فراڈ کیا گیااگر تحصیل بھر میں تحقیقات کروائی جائیں تو جعلسازی سے ہتھیائی گئی رقم16کروڑ تک جاپہنچتی ہے۔انہوںنے اپنی تحریک میں کہا کہ مبینہ فراڈ کے بعد پنجاب بھر میں کسان ریلیف پیکیج پر مکمل تحقیقات کروائی جائیں اور اس کی رپورٹ پنجاب اسمبلی میں پیش کی جائے کہ ذمہ داران اور فراڈ میں ملوث افراد کے خلاف کیا کارروائی عمل میں لائی گئی نیز فراڈ سے وصول کی گئی رقم بازیاب کرواکر قومی خزانہ میں جمع کروائی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) صدر بار گجرات صابر علی چیمہ ایڈووکیٹ،صدر بار کھاریاں میاں عرفان حبیب ایڈووکیٹ اور سابق صدر بار کھاریاں چوہدری محمد زمان ایڈووکیٹ جاتریہ نے اپنے ایک مشترکہ بیان میں کہا کہ نوازش علی شیخ ایڈووکیٹ نے اشرف پٹواری کو رنگے ہاتھوں گرفتار کروا کر معاشرے کے اند ر اپنا مثبت کردار ادا کیا ہے کیونکہ کرپشن کا ناسور بہت تیزی کے ساتھ معاشرے پھیلتا جا رہا ہے جس کی طرف حکومت کو خصوصی توجہ دینے کی ضرورت ہے اور محکمہ مال کے ذمہ داران کو اشرف پٹواری کے خلاف تادیبی کارروائی کرتے ہوئے فوری طور پر ملازمت سے بر طرف کرے تا کہ دوسرے کرپٹ اہلکاروں کو سبق حاصل ہو اور شریف شہریوں کی بھی کرپشن کے خلاف آواز اٹھانے کیلئے حوصلہ افزائی ہو۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)کنجاہ کارنہرمیںگرنے سے ایک ہی خاندان کے تین افرادسعودیہ پلٹ نوجوان اپنی والدہ،والد سمیت ڈوب کرجاںبحق جبکہ اس کی بیوی معجزانہ طوربچ گئی تفصیلات کے مطابق تھانہ کنجاہ کے علاقہ لدھاکارہائشی سعودیہ پلٹ نوجوان محمدبلال پاکستان چھٹی پرآیاہواتھا کہ رات تقریباًنوبجے کے قریب اس کی گاڑی بے قابوہوکر لدھاٹھٹھہ کے قریب نہرمیںگرگئی بتایاگیاہے کہ متوفی محمدبلال نے مذکورہ گاڑی رینٹ پرلے رکھی تھی اورخودڈرائیوکررہاتھااور5فروری کواس کی شادی ہوئی تھی کہ اپنے سسرال سمرالہ گائوںسے دعوت کھانے کے بعداپنے والدین اوربیوی کے ہمراہ گھرواپس آرہاتھاجس سے محمدبلال اوراس کی والدہ زہراںاوروالدعبدالرزاق موقع پرہی جاںبحق ہوگئے جبکہ اس کی بیوی معجزانہ طورپربچ گئی وقوعہ کی اطلاع ملتے ہی ڈی پی اوگجرات سہیل ظفرچٹھہ،ڈی ایس پی حافظ امتیازاحمد،1122ریسکیوموقع پرپہنچ گئے جبکہ زہراںبی بی کی نعش نکال لی گئی جبکہ باپ بیٹے کی نعشیںتاحال نہیںمل سکیںوقوعہ کی اطلاع ملتے ہیںان کے آبائی گائوںلدھامیںکہرام مچ گیااورہرآنکھ اشک بارتھی متوفی محمدبلال اپنے والدین کااکلوتابیٹاتھااوراس کی بہن پرغشی کے دورے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)موٹرسائیکل اور ٹریکٹر ٹرالی کے تصادم میں تیرہ سالہ بچہ جاں بحق جبکہ اسکا بارہ سالہ کزن شدید زخمی تفصیلات کے مطابق لنگے کا رہائشی ساتویں کلاس کا طالبعلم ارباب علی اپنے کزن ریحان جو کہ چھٹی کلاس کا طالبعلم ہے موٹر سائیکل پر جارہے تھے کہ پرانا منگووال غربی کے قریب انکی موٹر سائیکل کو ٹریکٹر ٹرالی نے ٹکر ماردی جس کے نتیجہ میںساتویں کلاس کا طالبعلم ارباب علی موقع پر ہی جاں بحق ہو گیا جبکہ اسکا کزن ریحان شدید زخمی ہو گیا جسے عزیز بھٹی ہسپتال گجرات داخل کروا دیا گیا۔متوفی ارباب علی کا ختم قل آج دس بجے ان کے آبائی گائوں لنگے میں پڑھا جائے گا اوردعا دن گیارہ بجے ہوگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)پاکستان مسلم لیگ ن ،پاکستان پیپلز پارٹی ۔پاکستان تحریک انصاف اور ق لیگ کی قیادت کا ویر مکاو مشن جاری ۔11سال بعد قتل کے مقدمہ میں نامزد ملزمان کا فی سبیل اللہ راضی نامہ ۔علاقہ بھر میں ،امن کی آشا،مشن کامیابی سے جاری ،معززین علاقہ کا ضلع ناظم چوہدری محمد علی تنویر۔پاکستان پیپلز پارٹی گجرات کے صدر ضیاء محی الدین اور پاکستان تحریک انصاف گجرات کے مرکزی رہنما سید فیض الحسن شاہ کو خراج تحسین۔تفصیل کے مطابق 2006میں سید گلزار حسین شاہ نمبر دار ۔سید مظہر حسین شاہ اور سیداظہر مہندی شاہ کے بھائی سید ھادی شاہ کو کھاریاں میں قتل کر دیا تھا ۔سید ھادی شاہ کے قتل میں بلال احمد حسیب احمد ۔شہزاد حسن۔سوھنا ۔اور نعمان بٹ نامزد ملزمان تھے جنہیں عدالت سے 25/25سال کی قید سنائی گئی تھی ۔ضلع گجرات کی سیاسی قیادت نے ضلع کے امن کے لئے اپنی کوششیں جاری رکھیں ۔بلا خر ضلعی قیادت کی کوششیں رنگ لے آئیں ۔اور سید گلزار حسین شاہ نمبر دار ۔سید مظہر حسین شاہ اور سید مہندی شاہ نے اپنے بھائی کے قاتلوں کو دیت لئے بغیر فی سبیل اللہ معافی کا اعلان کیا ۔اس خوشی کے موقع پر دونوں فریقین اور حاضرین نے تالیاں بجا کر ایک نیک اور احسن فیصلے کی داد دی ۔ چیئرمین ضلع کونسل گجرات چو ہدری محمد علی تنویر ، سید فیض الحسن شا ہ کلیوال سیداں رہنما پاکستان تحریک انصا ف ، چو ہدری ضیا ء محی الدین ضلعی صدر پا کستا ن پیپلز پا رٹی گجرات اور سید جعفر حسین شا ہ آف رسولپور سیداں کی کا وشوں سے سید ہا دی حسین شا ہ کے لو احقین سید گلزار حسین شا ہ ، سید مظہر حسین شا ہ اور سید اظہر مہندی نے اپنے بھا ئی کا قتل فی سبیل للہ معا فی دینے کے بعد علاقہ بھر امن کا گہوارہ بن گیا ہے ۔جس کا سہرا تمام سیاسی جماعتوں کے سربراہان کو جاتا ہے ۔ اکٹھ میں شر کت کرنے والوں میں ،سید حماد شاہ۔چیئرمین یو سی ملکہ ملک محمد اقبال اعوان۔چیئرمین یو سی بھگوال ملک صفدر اعوان ۔ملک امجد بھگوال ۔سابق ناظم ملکہ راجہ عابدحسین آف ملاگر ، ملک صفدر ، چیئرمین یو سی گلیانہ ڈاکٹرمحمد عباس ، راجہ ذوالفقا ر ،وائس چیئرمین ملک زاہد اعوان ، راجہ رئیس کسان ممبر یو سی ملکہ پی ٹی آئی یو سی ملکہ ملک ظفر اعوان جند ، چو ہدری لطیف گلیانہ ، چو ہدری پرویز گو ٹر یالہ ، جا وید بٹ دھم ، نعمان ایڈووکیٹ ، ملک غلا م حیدر اعوان، محبوب ایڈووکیٹ ۔جاوید بٹ دھم۔چوہدری سجاد اکبر سابق ناظم گلیانہ۔چوہدری اکرم۔راجہ خرم ایڈووکیٹ۔راجہ منظور حسام ۔راجہ نعیم ممبر یو سی ملکہ ۔ملک اقبال ملکہ پوہیہ ۔ملک جاوید جیالا۔سید جعفر حسین شاہ۔چوہدری محمد لطیف ٹھیکیدار۔صوبیدار لطیف۔سید محسن شاہ ۔سید سلیم شاہ۔پٹواری سید شمشاد حسین شاہ۔سید محمود الحسن شاہ۔سید رضوان شاہ۔سید عظمت شاہ۔نعمان ایڈووکیٹ۔ذوالفقار بٹ ۔پاکستان ٹیلی ویژن نیوز فرانس کے نمائندہ اور پاک پریس کلب فرانس کے صدر زاہد مصطفی اعوان ۔کے علاوہ کثیر تعداد میں معززین نے شرکت کی اور راضی نامے کے تاریخی فیصلے کو سراہا ۔اس موقع پر خطاب کرتے ہوئے ضلع چیئرمین چو ہدری محمد علی تنویر نے کہا کہ معا ف کرنا ظا ہری طو ر پر ایک چھو ٹاسا لفظ ہے مگر معا ف کر دینا بہت بڑا کام ہے ، سا دات فیملی نے بٹ فیملی گلیا نہ کو معا ف کر کے بڑے پن کا مظا ہرہ کیا ہے۔ سید فیض الحسن نے کہا کہ سید گلزار حسین شاہ نمبر دار ۔سید مظہر حسین شاہ اور سید مہندی شاہ کے فیصلے سے علاقہ امن کا گہوارہ بن جائے گا ۔پی پی پی کے ضلعی صدر چوہدری ضیاء محی الدین نے خطاب کرتے ہوئے کہا کہ اللہ تعالی دونوں فریقین کو استکامت دے ۔آمین ۔ ضیا ء محی الدین نے مذیدکہا کہ معا ف کرنا بہت اچھا عمل ہے۔چیئرمین یو سی ملکہ ملک اقبال نے مبا رک با د ی ۔راجہ عابد حسین نے کہا سادات فیملی نے اچھا کا م کیا ہے ۔آخر میں حافظ کاظم حسین شاہ نے دعا کروائی۔اور آخر میں مہمانوں کے لئے ریفریشمنٹ کا اہتمام کیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)پاکستان تحریک انصاف کے ضلعی جنرل سیکرٹری چوہدری سلیم سرور جوڑا نے کہا ہے کہ اپریشن رزالفساد کے آغاز سے ملک میں اچھے نتائج حاصل ہونگے اپریشن کے بغیر پرامن پاکستان کا خواب شرمندہ تعبیر نہیں ہوسکتا اگر نیشنل ایکشن پلان بروقت عمل درآمد ہوتا تو آج ملک کے حالات کچھ اور ہوتے ملک میں حالیہ دہشت گردی کی لہر نے پاکستان کے عوام کو خوف میں مبتلا کردیا ہے چوہدری سلیم سرور جوڑا نے کہاکہ نیشنل ایکشن پلان تمام سیاسی جماعتوں کا مشترکہ فیصلہ تھا جس پر بدقسمتی سے عمل درآمد نہیں ہوسکا آج پاکستان بہت نازک دور سے گزر رہا ہے لہٰذا ہمیں اپنے تمام مفادات بھلا کر پاکستان اور اس کے عوان کے تحفظ کے لیے مل کر اپنا کردار ادا کرنا ہوگا اگر پاکستان ہے تو ہم ہیں انہوں نے کہاکہ خودکش دھماکوں میں بے گناہ افراد شہید ہورہے ہیں گڈ گورننس کے دعوے کرنے والے بھی اب محفوظ نہیں ہیں اب پاکستان کے عوام کا فرض ہے کہ پاکستان کو پرامن پاکستان بنانے کے لیے پاک فوج کا ساتھ دیں اور دہشت گردی کو جڑ سے اکھاڑکر پھینکنا ہوگا چوہدری سلیم سرور جوڑا نے مزید کہاکہ اب دہشت گردی کے خاتمہ کے لیے ملک بھر کی طرح پنجاب کے پر اضلاع میں بلا تفریق اپریشن ہونا چائیے ہمیں مل کر اس اپریشن ردالفسار کو امن کے حصول کے لیے کامیاب بنانا ہوگا اسی میں ہماری اور ہمارے ملک کی بقا ہے انہوں نے مزید کہاکہ دہشت گردوں اور ان کے سہولت کاروں کوکسی صورت معاف نہ کیا جائے چاہے وہ کسی عہدہ پر ہوں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)پاکستان مسلم لیگ کے راہنماء اور سابق امیدوار برائے چیئرمین یوسی چار مرز ا عبد الرئوف نے کہاکہ گڑھی احمد آباد روڈ کی تعمیرکے لیے 83لاکھ روپے کی فنڈز کی منظور ی ہوچکی ہے انشاء اللہ بہت جلد گڑھی احمد آباد سڑک کی تعمیر شروع ہوجائے گی انہوں نے کہاکہ عنقریب سٹی میئر گجرات حاجی ناصر محمود اور سابق ایم این چوہدری مبشر حسین اور ایم پی اے حاجی عمران ظفر اپنے دست مبارک سے اس سڑک کی تعمیر کا افتتاح کریں گے مرزا رئوف نے کہاکہ گڑھی احمد آباد روڈ کی تعمیر اور گلیوں نالیوں کی تعمیر کا دیرینہ مطالبہ پورا ہوگیا ہے ن لیگ کے قائدین حاجی ناصر محمود، ایم پی اے حاجی عمران ظفر، چوہدری مبشر حسین اور دیگر کے شکر گزار ہیں جن کی وساطت سے اس شاندار منصوبے کا آغاز ہوا ہے انہوں نے کہاکہ الیکشن کے قبل سے ن لیگ نے جو عوام کے ساتھ وعدہ کیا تھا اس کو عمل جامعہ پہنچا دیا گیا ہے انہوں نے مزید کہاکہ یونین کونسل چار کے دیگر مسائل کو بھی احسن طریقہ سے حل کیا جائے گا اس موقع پر سابق صدر ٹی ایم اے یونین فراست حسین ڈار اور دیگر بھی موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)ریلوے روڈ پر تجاوزات کے خاتمہ کے لیے سٹی میئر حاجی ناصر محمود نے جامعہ پلان تیار کرلیا بتایا گیا ہے کہ سٹی میئر حاجی ناصر محمو دنے ریلوے روڈ پر تجاوزات کے خاتمہ کے لیے جامع پلان بتایا ہے کہ جس میں ریلوے روڈ کے تمام ریڑھی بانوں کو پابند بنایا گیا ہے اور ریلوے روڈ پر دونوں اطراف ایک لائن لگادی گئی ہے اور اس کے اندر اندہ رہ کر ریڑھی بان اپنی ریڑھی لگائے گا اور ضابطہ اخلاق کے تحت ریلوے روڈ کے تمام ریڑھی بان ماہانہ ایک ہزارروپے فی ریڑھی کارپوریشن کے آفس میں جمع کروا کر رسید حاصل کرے گا حاجی ناصر محمود نے ریلوے روڈ کے ریڑھی بانوں کے ایک وفد سے گزشتہ روز بات چیت کرتے ہوئے کہاکہ اب ریڑھی والے کسی دوکاندار کو منتھلی نہیں دیں گے بلکہ وہ ہر ماہ کارپوریشن میں فی ریڑھی ایک ہزارروپے جمع کروا کر رسید حاصل کرے گا جس پر ریلوے روڈ کے تمام ریڑھی بان متفق ہوگئے ہیں جبکہ ٹی ایم اے کی جانب سے انہیں مکمل ریلیف دیا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)پاکستان مسلم لیگ ق کے راہنما وجوائینٹ سیکرٹری پاکستان مسلم لیگ لاہور میاں کامران سیف نے کہا ہے کہحکومتی قرضوں کا حجم 23۔ہزار ارب پہنچنا ملکی معاشی صورتحال کیلئے نقصان دہ ہے حکومتی بڑھتے ہوئے قرضوں کے باعث ہر پاکستانی اور پیدا ہونے والا بچہ بھی 1لاکھ 55ہزار کا مقروض ہے ۔انہوںنے کہا کہ معیشت کا پہیہ چلانے کی خاطرگزشتہ کئی دہایئوںس ے ہر آنے والی حکومت نئے قرضے کا بوجھ عوام پر چھوڑ جاتی ہے موجودہ حکومت بھی2018میں اپنی مدت کی تکمیل کے بعد یہ قرضے آنے والی حکومت کے ذمہ چھوڑ کر رخصت ہوجائے گی ان خیالات کا اظہار انہوںنے مسلم لیگ ہائوس میں کارکنوںسے گفتگو کرتے ہوئے کیا۔میاں کامران سیف نے کہا کہ حکومت نے برسر اقتدار آتے ہی عوام سے کشکول توڑنے کا وعدہ کیا او ر غیر ملکی قرضے وصول نہ کرنے کا اعلان کیا لیکن اقتدار سنبھالنے کے کچھ عرصہ بعد قرضے لینے کا لامتناعی سلسلہ شروع کیا اور حکومتی قرضے بڑھتے بڑھتے23ہزار ارب تک پہنچ گئے جبکہ اسٹیٹ بینک کی رپورٹ کے مطابق 31دسمبر2016ء تک ملکی مجموعی قرضوں کی مالیت میں سال بہ سال10فیصد کا اضافہ ہوا موجودہ حکومت نے اپنے دور اقتدار کے تین سال کے دوران25ارب ڈالر کا قرضہ حاصل کیا۔ اور اب بھی حکومتی امور چلانے کیلئے قرض لینے کا سلسلہ جاری ہے جو تشویشناک امر ہے حکومت قرضے لینے کی بجائے ملکی برآمدات میں اضافہ کے اقدامات کرے تاکہ حکومتی زرمبادلہ کے ذخائر بڑھیں اور قرضوں سے نجات مل جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)وفاق المدارس الشیعہ پاکستان کے اعلٰی اختیاراتی ادارے مجلس اعلٰی اور مرکزی کابینہ کا مشترکہ اجلاس 22۔ مارچ کو طلب کرلیا گیا ہے۔جامعتہ المنتظر ماڈل ٹاون لاہور میں منعقد ہونے والے اجلاس کی صدارت رئیس الوفاق آیت اللہ حافظ سید ریاض حسین نجفی کریں گے۔ جس میںمجلس اعلیٰ کے اراکین قائد ملت جعفریہ پاکستان علامہ ساجد علی نقوی، مفسر قرآن علامہ شیخ محسن علی نجفی، علامہ رضی جعفرنقوی ، علامہ شیخ محمد محسن مہدوی، علامہ غلا م حسن جاڑا، علامہ ملک اعجاز حسین نجفی شریک ہوں گے۔ جبکہ ارکان مرکزی کابینہ علامہ قاضی نیاز حسین نقوی، سابق سینیٹر علامہ سید جواد ہادی، علامہ محمد جمعہ اسدی، علامہ عبدالمجید بہشتی ، علامہ محمد افضل حیدری ، مولانا فیاض نقوی ، مولانا ارشد جعفری ، مولانا شاہد نقوی اور مولانا شبیر حسن میثمی بھی شریک ہوں گے۔ اجلاس میں نیشنل ایکشن پلان ، نیکٹا کا قومی بیانیہ، علما و مشائخ نیشنل کونسل کی نصاب جائزہ کمیٹی کی رپورٹ ،متحدہ علما بورڈ پنجاب کا ضابطہ اخلاق، مدارس دینیہ کے دورہ جات کی رپورٹ، مدارس دینیہ کے نصاب کی تدوین ،ذرائع ابلاغ اور 26۔ ستمبر 2016 کو ہونے والے اجلاس کے فیصلوں پر عملدر آمد کے جائزہ سمیت دیگر قومی امور زیر بحث آئیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)کوآرڈینیٹر وزیر اعلیٰ پنجاب اورپاکستان یونائیٹڈ کونسل کے چیرمین ڈاکٹر عبدالغفور راشد نے مفتی سید عاشق حسین بخاری کو پی یو سی کا وائس چیرمین مقرر کردیا ہے، جس کا باقاعدہ اعلان کل2۔مارچ بروز جمعرات ، 12بجے دن جامعہ بیت القرآن ورکشاپ چوک ،گلبرگ میں ہونے والے مذہبی رواداری اور ردالفساد سیمینار کے موقع پر کیا جائے گا۔ سیمینار کے مہمان خصوصی وزیراوقاف و مذہبی امور پنجاب صاحبزادہ سید زعیم حسین قادری ہوں گے۔جبکہ صدارت ڈاکٹر عبدالغفور راشد کریں گے۔مفتی عاشق بخاری نے کہا کہ مذہبی رواداری وقت کی ضرورت ہے، جس کے فروغ کے لئے پاکستان یونائیٹڈ کونسل گرانقدر خدمات سرانجام دے رہی ہے۔ اور اس قافلے کا حصہ بن کر وہ اسلام کے زریں اصولوں کے مطابق خدمات سرانجام دیں گے۔انہوںنے کہا کہ پاکستان کے استحکام کے لئے ضروری ہے کہ تمام مذاہب و مسالک کا احترام کیا جائے، اور بھارتی سازشوں کو بے نقا ب کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی (جی پی آئی)پاکستان تحریک انصاف کے رہنماء حلیم عادل شیخ نے کہا کہ حکومت کی جانب سے پی ایس ایل کا میچ لاہور میں کرانے کی ضد پر اڑ جانا سمجھ سے بالاتر ہے حالیہ دہشتگردی کی لہر میںجس قدر لاشیں اٹھانے کو ملی ہیں اس کو دیکھ کر اس طرح کا ایونٹ ضد میں کرنا مناسب نہیں یہ ایک اچھا قدم ہے کہ اس طرح کے ایونٹ ملک میں منعقد کیے جارہے ہیں مگر اس وقت ایسے حالات نہیں ہیں کہ یہ ایونٹ یہاں پر کیا جائے حکومت لاہوریوں کی زندگی دائو پر لگا کر اپنی ضد پوری کرنا چاہتی ہے حکومت ضد کی بجاء ہوش سے کام لے میچ سے زیادہ لوگوں کی زندگیاں اہم ہیںعادل ہائوس کراچی سے جاری کردہ بیان میں حلیم عادل شیخ کا کہنا تھا کہ ہمیں سب سے پہلے حالیہ دہشتگردی کی لہر کا پیچھا کرنا ہوگا اور دہشتگردوں اور ان کے سہولتکاروں کو ختم کرنا ہوگا جب امن امان قائم ہوجائے تو اس طرح کے ایونٹ کرائے جائیں اس وقت ساری دنیا کی نظریں پی ایس ایل پر لگی ہوئی ہیں خدانخواستہ اگر کوئی دہشتگردی کا واقعہ پیش آگیا تو پاکستان کا ایک خراب امیج دنیا کے سامنے جائے گا جس سے نواز برادران کو کوئی فرق نہیں پڑتا کیوں کہ یہ حکمران ملک کانہیں بلکہ ہمیشہ ہر بات میں ذاتی فائدے کا سوچتے ہیں اس وقت لوگوں کی زندگیاں اہم ہیں جسے دائو پر لگا کر میچ کھیلنا افسوسناک فیصلہ ہے اتنے سیکیورٹی حصار میں ہم دنیا کو پرامن پاکستان کا پیغام نہیں دے سکتے مریم اورنگزیب کو کوئی سنجیدہ نہیں لیتا ساری قوم کو پتہ ہے کہ ن لیگی کرپشن دفاع گینگ اپنا ہوش کھو چکی ہے مریم اورنگزیب پھولن دیوی بننے کی کوشش کررہی ہیں حکومت پی ایس ایل کے ایونٹ کو سیاسی بنا کر کھیلنا چاہتی ہے اگر کوئی بھی ناخشگوار واقعہ پیش آیا تو ذمیوار پنجاب اور وفاقی حکومت ہوگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فیصل آباد (جی پی آئی)پاکستان علماء کونسل کی مرکزی مجلس شوریٰ کا اجلاس آج جامعہ قاسمیہ میں ہوا۔ اجلاس میں ملک بھر سے 500سے زائد علماء نے شرکت کی ۔اجلاس میں ملک کی موجودہ صورتحال اور جماعتی امورپر تفصیلی غور وخوض کیا گیا۔مرکزی مجلس شوریٰ کے اجلاس میں لاہو،پشاور،ڈیرہ اسماعیل خان اوردرگاہ سیہون شریف سمیت ملک بھر میں ہونے والی دہشتگردی کی شدید مذمت کی گئی۔اسلام بے گناہ انسانیت کے قتل عام کی ہر گزاجازت نہیں دیتا ۔علماء نے فیصلہ کیا ہے کہ آپریشن ردالفساد جس کا آغاز پاک فوج اور قانون نافذ کرنے والے اداروںنے کیا ہے اس کو منبر و محراب سے کامیاب بنائیں گے۔ علماء نے عہد کیا ہے پاکستان کی سلامتی اور استحکام کیلئے کسی بھی قربانی سے دریغ نہیں کیا جائے گااور ملک کی سلامتی اور استحکام کیلئے جدوجہد جاری رکھیں گے۔ اجلاس میں فیصلہ کیا گیا ہے پاکستان علماء کونسل کے زیر اہتمام ملک بھر میں خصوصاًپنجاب کے تمام ڈویژن میں علماء امن کنونشنز منعقد کئے جائیں گے۔علماء نے اس عزم کا اظہار کیا ہے پاکستان کی سرحدوں کی حفاظت پر مامور پاک فوج کے شانہ بشانہ کھڑے ہیں اور ہمیں اس بات پر فخر ہے کہ ہمارے اس وطن عزیز کا دفاع مضبوط ہاتھوں میں ہے۔اسلام اور پاکستان کے پرچم کو کبھی بھی سرنگوں نہیں ہونے دیاجائے گا۔پاکستان علماء کونسل کی مرکزی مجلس شوریٰ نے مولاناطاہراشرفی کو چیئرمین کے عہدہ اورپاکستان علماء کونسل کی ذیلی تنظیموں (وفاق المساجد پاکستان )،(علم وامن فائونڈیشن)،(تحفظ مدارس دینیہ پاکستان )کی بنیادی رکنیت ختم کرتے ہوئے تمام عہدوں سے ہٹادیا ہے اور نئے چیئرمین صاحبزادہ مولانازاہد محمود قاسمی کو منتخب کردیا ہے۔دریں اثناء پاکستان علماء کونسل کے نو منتخب چیئرمین صاحبزادہ مولانا زاہد محمود قاسمی نے دیگر ارکان شوریٰ کے ہمراہ پریس کانفرنس کے ذریعے مرکزی مجلس شوریٰ کے فیصلوں کا اعلان کرتے ہوئے کہا ہے کہ پاکستان علماء کونسل کے دستور کی شق نمبر 7دفعہ نمبر11کے مطابق کونسل کا نظام شورائی ہے اور شوریٰ یہ حق رکھتی ہے کہ چیئرمین اور عہدیداران کا انتخاب و تبدیلی اکثریت ارکان کی رائے سے کی جائے گی۔ سب سے پہلے پاکستان علماء کونسل کی مرکزی مجلس شوریٰ کے تمام علماء کا میں مشکور ہوں جنہوں نے مجھ ناچیز پر یہ بھاری ذمہ داری عائد کی ہے اس پر میں تمام علماء کویقین دہانی کرواتا ہوں کہ پاکستان علماء کونسل توحید وسنت اور دین کے صحیح راستے پر چلتے ہوئے ملک میں قیام امن اور ملک کی سلامتی اور استحکام کیلئے جدوجہد جاری رکھے گی۔ چونکہ علماء کونسل کے سابقہ چیئرمین داخلی اور خارجی امور میں فرد واحد فیصلے صادر کرتے تھے اور ان فیصلوں میں ارکان شوریٰ کی رائے شامل نہ ہوتی تھی۔ بعض مصدقہ حقائق اور شواہد سامنے آئے ہیں جس میں کونسل کے سابق چیئرمین نے غیر ملکی معاہدے کئے ہیں جو کہ سراسر اسلام اور پاکستان علماء کونسل کے دستور اور نصب العین کے خلاف ہیں۔ علماء کونسل کے دستور کی دفعہ نمبر 5میں یہ بات واضح ہے کہ کونسل اپنی جدوجہد کو خفیہ تحریکوں کے طرز پر نہیں چلائے گی جس کے مطابق سابقہ چیئرمین مولانا طاہر اشرفی ارکان شوریٰ کا اعتماد کھو چکے ہیں۔دستور کی شرائط رکنیت کی دفعہ نمبر 6شق نمبر 8کے مطابق کونسل کی اکثریت ان پر مطمئن نہیں ہے ۔ پاکستان علماء کونسل کی مرکزی مجلس شوریٰ نے موجودہ جماعتی دستور ، منشور اور کونسل کے تمام عہدیداران کے اختیارات اور جماعتی طریقہ کار کو مزید بہتر بنانے عصر حاضر کے تقاضوں کے مطابق نیا دستور ومنشور بنانے کیلئے 5رکنی کمیٹی تشکیل دے دی ہے۔صاحبزادہ مولانا زاہد محمود قاسمی نے کہا ہے کہ مرکزی مجلس شوریٰ نے پاکستا ن کے موجودہ حالات کے پیش نظر ملک کی دیگر سیاسی اور مذہبی جماعتوں کے ساتھ رابطے اور معاملات کو از سر نو بہتر بنانے کا فیصلہ کیا ہے لہٰذا جمعیت علماء اسلام (ف) کے زیر اہتمام اپریل میں ہونے والے تین روزہ صد سالہ عالمی اجتماع کو کامیاب بنانے اور شرکت کرنے کا فیصلہ کیا ہے اور پاکستان علماء کونسل کے زیر اہتمام12اپریل کو کنونشن سنٹر اسلام آباد میںہونے والی دوسری سالانہ ”پیغام اسلام کانفرنس ”کو ملتوی کرنیکا کا فیصلہ کیا ہے۔ پاکستان علماء کونسل کے زیر اہتما م بہت جلد اسلام آباد میں تحفظ ناموس رسالت ۖ آل پارٹیز کانفرنس بلائی جائے گی۔پاکستان علماء کونسل کی ذیلی تنظیموں وفاق المساجد پاکستان اور تحفظ مدارس دینیہ پاکستان کے بارے میں وفاق المدارس العربیہ پاکستان کی قیادت سے مشاورت کے بعد لائحہ عمل کا اعلان کیا جائے گا۔ مرکزی مجلس شوریٰ نے پاکستان علماء کونسل کے داخلی اور خارجی امور کا از سرنو جائزہ لینے اور آئندہ سے ارکان شوریٰ کی مشاورت سے تمام امور چلانے کا بھی فیصلہ کیا ہے۔اس موقع پر مولانا محمد رفیق جامی،مولانا امداد الحسن نعمانی،مولانا عبد الحمید وٹو،مولانا عبید الرحمن ضیائ،مولانا اسد اللہ فاروق،مولانا شبیر احمد عثمانی،حافظ محمد امجد،قاضی مطیع اللہ ،قاضی کفایت اللہ،مولانا زبیر عابد،مولانا عثمان بیگ فاروقی،مولانا سلطان محمود ضیائ،مولانا عبد الرائوف چشتی،مولالانا تاج محمود ریحان،مفتی وحید احمد سواتی،مولانا نعمان حاشر،مولانا عبد الحمید صابری،مولانا محمد مشتاق لاہوری،مولانا اسید الرحمن ،مولانا محمد احمد ندیم،مولانا عبد العلیم حقانی،مولانا عبد الحکیم،مولانا رسال الدین آزاد،مولانا فہیم الحسن،قاری وقار عثمانی،مولانا مبشر حضور ،مفتی سید احمد ،مولانا شکیل قاسمی،مولانا حسان صدیقی،مولانا محمد نواس،مولانا سید عبد الشکور شاہ،مولانا حق نواز خالد ،مفتی احمد علی،مولانا حبیب الرحمن عابد،قاری عصمت اللہ معاویہ،مولانا اعظم فاروق،مولانا حفیظ الرحمن،مولانا سلمان عثمانی،مولانا محبوب ،مولانا غلام یٰسین صدیقی،مفتی محمد شاہد،مولانا عبد اللہ رشیدی،مولانا شبیر احمد قصوری،مولانا عابد فاروقی،مولانا عمر فاروق،مولانا محمد اسماعیل رحیمی،مولانا محمد نعیم طلحہ،مولانا عمر جامی،حافظ محمد طاہر،مولانا الطاف اللہ فاروقی،مولانا ثاقب عزیز،مولانا عامر اشرف،مولانا یاسر علوی،مولانا کرم داد حذیفی،مولانا قاری محمد عثمان،مولانا محمد حمزہ طاہر،قاری اختر عثمانی،مولانا محمد اکرم،مولانا محمد حیات،مولانا سلیم نواز ،مولانا یوسف فاروقی،قاری عبد الجبار رحیمی،مولانا منظور احمد ، مولانا سلیمان احمد ،مولانا رب نواز،مولانا سعید مدنی،مولانا اللہ بخش ودیگر بھی موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)کوآرڈینیٹر وزیر اعلیٰ پنجاب اورپاکستان یونائیٹڈ کونسل کے چیرمین ڈاکٹر عبدالغفور راشد نے سعودی عرب اور عراق کے درمیان سفارتی تعلقات کی بحالی کو خوش آئند قراردیتے ہوئے کہا ہے کہ دونوں ممالک خطے میں امن قائم کرنے میں اہم کردار ادا کرسکتے ہیں۔ شام کا مسئلہ بھی حل ہوگا۔ جے یو پی کے رہنما مفتی عاشق حسین بخاری سے گفتگو کرتے ہوئے انہوںنے کہا کہ عراق امت مسلمہ کا اہم ملک ہے، جس کے سعودی عرب سے ماضی میں کشیدہ حالات کے باعث کچھ کمزوریاں پید ا ہوئی تھیں، سعودی عرب امت مسلمہ کی قیادت کی اہلیت رکھتا ہے اور مسلمانوںکے درمیان اتحاد وحدت کے لئے شاہ سلمان کوشاں رہتے ہیں، تاکہ غلط فہمیوں کا ازالہ ہو۔ ان کا کہنا تھاکہ عالمی حالات کے تناظر میں اسرائیلی اور امریکی سازشوں کے مقابلے کے لئے ضروری ہے کہ مسلم ممالک باہمی اتحاد کو فروغ دیںتاکہ استعماری قوتیں اپنی سازشوں میں کامیاب نہ ہوسکیں۔ ڈاکٹر عبدالغفور راشد نے کہا کہ سعودی حکومت کا عالمی ایشوز پر واضح موقف امت کی ترجمانی ہے، جس کا مقصد دہشت گردی کے خلاف جنگ کو کامیاب بنانا اور دہشت گردوں کی کمر توڑنا ہے، ورنہ حالات کسی کے قابو میں نہیں رہیں گے۔ انہوںنے کہا کہ نئے امریکی صدر ڈونلڈ ٹرمپ امریکہ کا اصلی چہرہ ہیں، جس نے دنیا پر واضح کردیا ہے کہ استعماری قوتیں اسلام سے کتنی خوفزدہ ہیں۔ سابق صدر باراک اوباما منافقت سے کام لیتے رہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)وزیر اعلی خیبر پختونخواہ کے مشیر برائے اطلاعات و تعلقات عامہ اور اعلی تعلیم مشتاق احمد غنی نے کہا ہے کہ صوبائی حکومت تعلیم کے فروغ اور طلباء و طالبات کیلئے مفت تعلیم کی فراہمی کیلئے کوشاں ہے اور تعلیمی اصلاحات سے صوبے میں تعلیمی انقلاب برپا ہوگیا ہے ان خیالات کا اظہار انہوں نے انہوں نے یونیورسٹی اف سوات میں مستحق بلباء و طالبات میں ہائیرایجوکیشن کمیشن آف پاکستان کے نیڈبیسڈسکالرشپ پروگرام وظائف کی تقسیم کی تقریب سے خطاب کرتے ہوئے کیا اس موقع پر مہمان خصوصی مشتاق احمد غنی نے کثیر تعداد میں طلباء و طالبات میں سکالرشپس تقسیم کیئے۔ یونیورسٹی کے وائس چانسلر ڈاکٹرجہان بخت نے اپنے خیرمقدمی خطاب میں مہمان خصوصی، علاقہ عمائدین اور دیگر شرکاء کا شکریہ اداکرتے ہوئے کہا کہ چندماہ پہلے جب اُس نے یونیورسٹی کا چارج سنبھالا تواُس قت قدرتی وانسانی آفات سے سوات عمومی طور پر جب کہ یونیورسٹی خصوصی طورپر متاثرہوئی تھی تاہم یونیورسٹی منتظمین کے شبانہ روزمحنت کی بدولت آج یونیورسٹی تمام تر تعلیمی سہولیات سے مزین ہے ۔ اُنہوں نے ایچ ای سی کا شکریہ ادا کرتے ہوئے واضح کیا کہ امسال یونیورسٹی کی درخواست پر اُنہوں طلباء و طالبات کے لئے وضائف کا کوٹہ دُگنا کیا۔ اس موقع پر وزیراعلٰی کے مشیر برائے ہائیر ایجوکیشن و مہمان خصوصی مشتاق احمد غنی نے خطاب کرتے ہوئے کہا کہ تعلیم کے بغیر ترقی کا خواب ادھوراہے۔اور کوئی بھی قوم تعلیم کے بغیر ترقی نہیں کرسکتی اورپی ٹی ائی کی حکومت اسی اصولوں پر کاربند ہے انہوں نے کہا کہ وزیر اعلی پرویز خٹک کی خصوصی ہدایت پر پورے صوبے میں تعلیم کے شعبے میں ایسے اصلاحات نافذ کئے جس سے صوبہ بھر میں تعلیمی انقلاب برپا ہوگیا ہے اور عوام کے مسائل میں کمی ائی ہے انہوں نے کہا کہ کرپشن کے خاتمے کیلئے قائد عمران خان کی قیادت میں ٹیم پوری طرح متحرک ہے اور اس صوبے سے کرپشن کا خاتمہ کرکے دم لینگے ،انہوں نے کہا کہ انشاء اللہ وہ دن دور نہیں جب خیبر پختون خواہ کے عوام دیگر ترقیافتہ ممالک کے صف میں کھڑے نظر اینگے اور اسی جذبے کے تحت ہم تعلیم پر خصوصی توجہ دے رہے ہیں اُنہوں نے موجودہ یونیورسٹی کے وائس چانسلر کی کاوشوں کو سہراتے ہوئے کہا کہ ایچ ای ڈی کے رپورٹس کے مطابق یونیورسٹی کی کارکردگی دوسری یونیورسٹیوں کے مقابلے میں بہترہے جس کااندازہ داخلہ لینے والے طلبا وطالبات کے بڑھتی ہوئی تعداد سے بخوبی لگایاجاسکتا ہے۔ اُنہوں نے کہا کہ موجودہ حکومت نے تحقیقی ماحول کوپروان چڑھانے کے لئے حکومت نے گرانٹ منظورکرائی ہے جس سے فائدہ اُٹھانے کے لئے یونیورسٹی کے فیکلٹی ممبران کوزیادہ سے زیادہ پراجیکٹس جمع کرانے کی ضرورت ہے جس سے نہ صرف یونیورسٹی میں تحقیق کا شعبہ مظبوط ہوگی بلکہ طلباء وطالبات میں بھی کچھ مثبت کردکھانے کا جذبہ پیداہوگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)وزیراعلیٰ خیبر پختونخوا کے مشیر برائے اطلاعات و اعلیٰ تعلیم مشتاق غنی نے کہا ہے کہ صوبا ئی حکومت شعراء ادباء اور دانشور طبقات کو قد ر کی نگاہ سے دیکھتی ہے اور نہ صرف ان کے فلاح و بہبود کیلئے مناسب اقدامات اٹھائے گی بلکہ معاشرہ کی بھلائی اور ترقی کیلئے ان کی تعلیمات اور تجاویز سے سود مند استفادہ کرنے کی بھی بھر پور کوشش کر ے گی۔وہ پیر کے روز سوات پریس کلب میں ریجنل آفیسر انفارمیشن سوات ایم سرور محمود خٹک کے پہلے شعری مجموعہ ”د شہباز منزل ”کی تقریب رونمائی سے خطاب کر رہے تھے جس کا اہتمام سوات پختو ادبی و کلتوری نڑیوالہ جرگہ نے کیا تھا۔تقریب میں کثیر تعداد میں شعراء ، ادبائ، دانشوروں اور ادب دوستوں کے علاوہ ضلع ناظم سوات محمد علی شاہ، تحصیل ناظم اکرام خان اور انجینئر عمر فاروق نے بھی شرکت کی ۔ مشیر اطلاعات نے کہا کہ دنیا بھر میں جو سماجی ترقی ہوئی ہے اس میں بے باک اور جری اہل قلم کا کلیدی کردار ہے جنہوں نے زندانوں اور جابرانہ حربوں کی پر واہ نہ کرتے ہوئے اپنی قوموں کوجبر کے نظاموں سے نجات دلا کر ہی دم لیا۔انھوں نے توقع ظاہر کی کہ ” د شہباز منزل” نئی نسل کو روشن مستقبل کی راہیں متعین کرنے کیلئے رہنمائی فراہم کرنے میں اہم کرداار ادا کر ے گی جیسا کہ ناقدین نے اپنے تنقیدی مقالوں میں نشاندہی کی ہے۔سرور محمود خٹک اور فیض علی فیض ایڈو کیٹ کی جانب سے پیش کر دہ مطالبات جن میں شعراء کیلئے صحت کارڈ کے اجراء شعراء اور اہل فن کے وظائف کی تعداد میں اضافہ ، نادار شعراء کی کتابوں کیلئے کثیر فنڈ مختص کرنے اور پشتو کلچر کے نام پر فحاشی پھیلانے والوں کے خلاف سخت اقدامات اٹھانے کے مطالبات شامل تھے کا حوالہ دیتے ہوئے مشتاق غنی نے یقین دلایا کہ وہ یہ اہم مطالبات وزیر اعلیٰ پر ویز خٹک کے خد مت میں پیش کرکے ان کو حل کرنے کی کو شش کریں گے ۔ اس موقع پر پروفیسرعطا الرحمان عطا ، روح الامین نا یاب، پرویش شاہین، فیض علی فیص، امجد علی سورج ،فیض علی صدف، سرور خٹک سینئر ، مصطفی شازلی ، جاوید اثراثر ،بخت زمین زمین،انور علی عاطر، جاوید اختر اختراور ریاض احمد حیران نے کتاب کی مختلف پہلوں پر مقالوں، تاثرات ، نظموں اور تنقیدی تحریروں کے ذریعے روشنی ڈالی اور اس کو پشتو ادب میں ایک قابل قدر اضافہ اور نئی نسل کی مثبت رہنمائی کا ذریعہ قرار دیا۔ تقریب کے آخری حصے میں آزاد مشاعرہ ہوا جس میں سوات بھر کے شعراء نے اپنا پنا کلام پیش کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)مینگورہ شہر کو صاف رکھنے کے لئے ہفتہ صفائی مہم کا آغاز ہوگیا ہے ، ٹی ایم او خضر حیات شاہ کی نگرنی میں نو یونین کونسلوں میںنالے ، گلی کوچے صاف کرنے کا کام جاری ، 5مارچ تک جاری رہیگا ، مینگورہ شہر کے نو یونین کونسلوں اور 25اربن کونسلوں میں پاک فوج ، ضلعی حکومت اور تحصیل میونسپل ایڈمنسٹر یشن کی جانب سے ہفتہ صفائی مہم کا آغاز کیا گیا ہے ، جسمیں لنڈیکس ، محلہ ملکانان ، گل کدہ ، پانڑ ، رنگ محلہ ، قمبر ، رحیم آباد ، نویکلے ، شاہدرہ ، بنڑ طاہر آباد ، ملوک آباد ، مکانباغ اور دیگر علاقوں میں ہفتہ صفائی مہم کا آغاز ہوگیا ہے ، جس کی نگرانی تحصیل میونسپل افیسر خضر حیات شاہ کررہے ہیں اور ان علاقوں میں نالوں گلی کوچوں کی صفائی کاکام تیزی سے جاری ہے ، خضر حیات شاہ نے میڈیا کے نمائندوں سے گفتگو میں کہا کہ یہ مہم پانچ مارچ تک جاری رہیگا اور اس مہم کا مقصد سوات کے ہیڈ کوارٹر مینگورہ شہر کو صاف ستھرا رکھنا ور یہاں کے عوام کو اچھا ماحول فراہم کرنا ہے ، انہوں نے کہا کہ شہر میں وقفے وقفے سے صفائی کے مہم جاری رکھے ہوئے ہیں اور عوام کو تمام ترسہولیات فراہم کرنے کے لئے کوشاں ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)ال سوات اخبار فروش یونین کے نمائندہ وفد نے صدر عبدالواہاب اور جنرل سیکرٹری سمین خان کے قیادت میں صوبائی مشیر اطلاعات جناب مشتاق احمد غنی سے سوا ت پریس کلب میں ملاقات کی او ر اخبار فروشوں کے مطالبات کی یاداشت انہیں حوالہ کی جس میں صحت انصاف کارڈ ، اینڈومنٹ فنڈ سمیت دیگر مطالبات شامل تھے ، صوبائی مشیر اطلاعات نے یقن دلایا کہ ان کے مطالبات پر ہمدردانہ غور کیا جائیگا اور صحافیوں کے ساتھ انکو علاج معالجہ کے سہولیات فراہم کی جائیگی ، انہوں نے کہا کہ اخبارفروش کو صنعت میں ریڑھ کی ہڈی کے حیثیت حاصل ہیں اور تحریک انصاف کی حکومت ہر طبقے کے جائز ماسئل اور مشکلات حل کرنے کی کوشش کریگی اور کسی کو مایوس نہیں کیا جائیگا ، وفد نے صوبائی وزیر کا شکریہ ادا کیا اور امید ظاہر کی کہ جلد از جلد اخبار فروش برادری کے جائز مشکلات اورمسائل کے حل کیلئے عملی اقدامات کا مظاہرہ ہوگا اور ان کے مسائل ہنگامی بنیادوں پر حل کئے جائینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)لیڈی کونسلر ضلع کونسل سوات ڈاکٹر بخت ناز نے کہا ہے کہ بلدیاتی نظام کو کامیاب بنانے کے لئے خواتین کو ترقیاتی فنڈز میں اضافہ اور خواتین کے ترقی کے لئے استعمال کرنے کا اختیار دیاجائے سوات کے خواتین کو غربت سے نکالنے کے لئے ووکیشنل سنٹر زفعال کیا جائے بیروزگاری کے خاتمے اور تعلیم کے شرح میں اضافہ کرنے کے لئے اقدامات وقت کی اہم ضرورت ہے تاکہ بے روزگاری سے تنگ آنے والے خواتین کو مدد مل سکے سیاست میں آنے کا خواہش نہیں مگریہاں خواتین کی خدمت کرناہے ضلعی کونسلر کے حیثیت سے وزیر اعلی کے پی نے جو فنڈز ہمیں دیا ہے وہ ایک تعویذکی ایک مثال کی مانند ہے ضلع کونسل سوات میں لنڈاکے تا اتروڑ تک خواتین کے نمائندگی کررہے ہیں جبکہ خواتین کے آبادی بھی سوات کے نصف کے برابر ہیں ان خیالات کا اظہار پاکستان مسلم لیگ خواتین کے صدر لیڈی کونسلر ضلع کونسل سوات ڈاکٹر بخت ناز نے گزشتہ روز میڈیا سے بات چیت کرتے ہوئے کیا ڈاکٹر بخت ناز نے کہا کہ خواتین کے لئے ڈویلپمنٹ فنڈز میں اضافہ کیا جائے ایسے فنڈز کا کیا فائدہ جس میں خواتین کے لئے کچھ نہ کرسکے انہوں نے کہا کہ جس میںروڈ گلیوں کوچوں بور کے کنویں وغیرہ کے کام کرنااور وہ بھی ایک لاکھ کے فنڈز سے مگر ہمارے پاس ستائیس سے زائد شعبے دئیے ضلع کونسل سوات میں اس کے خلاف کئی قرارداد بھی پاس کی ہیں کہ ڈویلپمنٹ فنڈز میں اضافہ اور خواتین سے متعلق ترقیاتی کام کرنے دیا جائے مگر اس پر عمل نہیں کئے جارہے اور نہ ہی ہمیں فنڈز کی صوابدیدی اختیار دیا جارہا ہے اپنے ووکیشنل سنٹر ز عیشال کے نام سے ہیں پچاسی کے قریب سٹوڈنٹس ہنر حاصل کررہے ہیں جو غالیگے گوگدرہ میں فنڈز کی کمی کے باعث بند ہیں مخیرحضرات سے تعاون کی اپیل کی ہے جس میں مشینیں نہیں اسکے باعث غریب خواتین ان سنٹروں میں ہنر سیکھ کر اپنے خاندان کا پیٹ پالنے کے لئے ترس رہے ہیںمخیر حضرات کی تعاون سے ان سنٹروں کو دوبارہ فعال کرکے ہنر سیکھنے کا موقع فراہم کرنے کے لئے اپنے کوشش جاری رکھنے کا ارادہ کرتی ہو کیونکہ مجھے احساس ہے کہ غربت کے مارے خواتین کو باعزت روزگار دلاسکوں ڈاکٹر بخت ناز نے کہا کہ فنڈز کا اختیار دے کر ہم سوات کے خواتین کو باعزت روزگار دینا چاہتے ہیںنہ کہ بے راہ روی کا شکار ہواور برائیوں کو کسی حد تک کم کرنے میں مدد دیںگے اس لئے صوبائی حکومت فوری طور پر ہمیں فنڈز میں اضافہ اور اس کو خواتین کے لئے مختص کرنے کیلئے اقدامات کریں تاکہ ہم سوات کے خواتین کو تعلیم یافتہ اور ہنرمند بنایا جاسکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)یو سی ملوک آبادکے جنرل کونسلراور پی ایم ایل ن کے رہنما موسی خان نے کہا ہے کہ ٹرا نسفر مر اور سوئی گیس میٹر لگوانے کے لئے اپنی کوشش جاری ایک ماہ میں فائل ورک مکمل ہوگاعوام کا اعتماد بحال عوامی خدمت کرتا ہو کسی کے ضرورت نہیں غریب عوامی نمائندہ ہو جبکہ ہمارے یوسی کانمائندہ مسائل حل کرنے کے بجائے یہاں آنے کاگوارہ بھی نہیں کرتے ان خیالات کا اظہار یوسی ملوک آباد پی ایم ایل ن اور جنرل کونسلر موسی خان نے علاقے کے لوگوں سے ٹرا نسفر مر اور سوئی گیس کنکشن کے متاثرین سے بات چیت سے کرتے ہوئے کیاجنرل کونسلر موسی خان نے کہا کہ علاقے کا اپنا نمائندہ تو آنے اور مسائل کے حل کے لئے آنے تک گوارا نہیں کرتے اس لئے اپنی غربت اوردن بھر مزدوری کو علاقے کے عوام پر قربان کرکے حل کرونگاسیاست میں جھوٹ اور وعدے کا کوئی پاسداری نہیں کرتا عملی اقدامات کے لئے عوامی نمائندہ کے حیثیت سے مسائل حل کروںگاعوام کے دیرینہ مسئلہ جلد حل کروںگا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)سوات ڈان نیوز کے صحافی عمرہ ادائیگی کے لئے گزشتہ دنوں سعودی عرب گئے تھے آج وطن واپس پہنچ گئے جہاں پر وہ عمرہ کے ادائیگی کے دوران دوستوں واحباب اور ملک و قوم کے سلامتی اور خوشحالی کے لئے بھی خصوصی دعائیں کیں اس طرح انہوں نے مختلف مقامات مقدسہ کی زیارت بھی کی اور خصوصی عبادات میں اپنے دوست و احباب کو بھی اپنے دعائوں میں یاد رکھا تفصیلات کے مطابق سوات ڈان نیوز کے صحافی اور سوات کے ماہر آثار قدیمہ کے کئی کتابوں کے مصنف فضل خالق خالق اپنی فیملی کے ہمراہ عمرہ ادائیگی کے لئے سعودی عرب پہنچ گئے تھے جہاں پر وہ عمرہ کے ادائیگی کے دوران دوستوں واحباب اور ملک و قوم کے سلامتی اور خوشحالی کے لئے بھی خصوصی دعائیںکیںآج اپنے وطن واپس پہنچ گئے جس کے بعد عمرے کے ادائیگی پر اہل علاقہ اور دوست و احباب مبارکباد دینے کے لئے ان کی رہائش گاپر پہنچ گئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)قومی وطن پارٹی کے زونل چیئرمین فضل رحمان نونونے پنجاب میں پختونوں کے ساتھ جاری ناروا سلوک کی پرزورالفاظ میں مذمت کرتے ہوئے کہاہے کہ مرکزی حکومت پنجاب پولیس کی جانب سے پختونوں کے ساتھ ظالمانہ روئے کا فوری نوٹس لے اگر ظلم کا یہ سلسلہ اسی طرح جاری رہا تو اس کاشدید ردعمل سامنے آئے گا،ایک اخباری بیان جاری کرتے ہوئے انہوں نے کہاکہ سوات میں موجود مسلم لیگ کی قیادت ٹرانسفارمروں اور سوئی گیس کے جعلی منصوبوں کے ذریعے پختونوں کو ورغلانے میں مصروف عمل ہے اوردوسری طرف پنجاب میںموجود اسی قیادت کی حکومت نے پختونوں پر عرصہ حیات تنگ کردیا ہے ،انہوںنے کہاکہ پختون امن پسند اور محب وطن قوم ہے جس نے ہر دور میں ملک کی بقااورسلامتی کیلئے بیش بہا قربانیاں دی ہے مگر افسوس کا مقام ہے کہ آج پختون قوم کو ان کی قربانیوں کا صلہ ان کی پکڑ دھکڑ کی شکل میں مل رہاہے جو کسی بھی صورت قابل برداشت نہیں ،انہوں نے مطالبہ کیا کہ وزیر اعظم اوروزیر اعلیٰ پنجاب پختونوںکے ساتھ جاری مظالم کا فوری نوٹس لیں بصورت دیگر قومی وطن پارٹی شدید احتجاج کرنے پر مجبورہوجائے گی۔
اہل و عیال کیلئے رزق حلال کمانے کو عین عبادت قرار دیا گیا ہے۔ صوفی مسعود احمد
گجرات کی خبروں کی تصویری جھلکیاں
