گجرات (جی پی آئی) ڈی سی او لیاقت علی چٹھہ نے کہا ہے کہ عوام کو ریلیف فراہم کرنے کے لئے ضلعی انتظامیہ کی طرف سے پرچون کے ساتھ ہول سیل مارکیٹ کے لئے مقررہ نرخوں پر بھی عمل درآمد یقینی بنایا جائے گا، کسی بھی سطح پر گرانفروشی ناقابل برداشت ہے ایسے عناصر کے خلاف کریک ڈائون مزید تیز کر دیا جائے گا اور انکے خلاف مقدمات درج کرائے جائیں گے۔ ان خیالات کا اظہار انہوںنے ڈسٹرکٹ پرائس کنٹرول کمیٹی کے اجلاس سے خطاب کرتے ہوئے کیا، اے ڈی سی عرفان علی کاٹھیا، ایس او سیٹلمنٹ الیاس گل، ڈی او انڈسٹری اکرام الحق، ڈاکٹر طارق سلیم، صدر انجمن تاجراں جاوید بٹ، صدر ریلوے روڈ ٹریڈرز ایسویسی ایشن ملک سرفراز، صدر کریانہ مرچنٹ ایسویسی ایشن حاجی ریاض انصاری، صدر سبزی منڈی انجمن آڑھتیاں ساجد محمود، صدر فروٹ منڈی انجمن آڑھتیاں حافظ عزیز الرحمان، صارفین کے نمائندگان نگہت اقبال قریشی، صدیق بٹ، نوازش علی ایڈووکیٹ اور دیگر ممبرا ن بھی موجود تھے۔ ڈی سی او لیاقت علی چٹھہ نے کہا کہ ماہ رمضان المبارک میں حکومت کا فوکس شہریوں کو سستے داموں معیاری اشیائے خورد و نوش کی فراہمی ہے اسی مقصد کے پیش نظر ضلع گجرات میں پرچون اور ہول سیل کی الگ الگ ریٹ لسٹیں تاجروں کی مشاورت سے طے کی گئی ہیں جن پر عمل درآمد تاجروں کی ذمہ داری ہے۔ انہوں نے واضع کیا کہ پرچون کے ساتھ ہول سیلر ز کی بھی چیکنگ کی جائے گی اور اوور چارجنگ کرنے والوں کو جیل کی ہو ا کھانا پڑے گی۔ ڈی سی او لیاقت علی چٹھہ نے کہا کہ وہ خود او ر ڈسٹرکٹ پولیس آفیسر رائے ضمیر الحق روزانہ سبزی اور فروٹ منڈیوں میں جاکر اشیائے ضروریہ کی نیلامی کے عمل کی نگرانی کرتے ہیں ، پرائس کنٹرول کمیٹی کے ممبران بھی منڈیوں کا دورہ کریں اور کوتاہیوں کی نشاندہی کریں تاکہ انہیں دو ر کیا جا سکے۔ ڈی سی او لیاقت علی چٹھہ نے کہا کہ ضلع کے تمام دس رمضان بازاروں مین چینی چینوٹ شوگر ملز اور مدینہ شوگر ملز سے خریدکر فراہم کی جاتی ہے ۔ انہوںنے کہا کہ ضلع میں 10رمضان بازاروں میں اعلی کوالٹی اشیائے خورد و نوش سستے داموں فراہم کرنے کے ساتھ متعدد اشیائے پر سبسڈی بھی دی جارہی ہے جبکہ 25فیئر پرائس شاپس پر بھی آٹا سستے داموں فراہم کیا جارہا ہے۔ صدر انجمن تاجراں اور دیگر تاجر نمائندوں نے اس عزم کا اظہار کیا کہ ضلعی انتظامیہ کی طرف سے فراہم کردہ ریٹ لسٹوں پر عمل درآمد یقینی بنایا جارہا ہے اور واضع کیا کہ ایسے عناصر جو گرانفروشی اورذخیرہ اندوزی میں ملوث ہیں انکے خلاف کاروائی کے تائید کرتے ہیں۔ صارفین کے نمائندوں نے اوپن مارکیٹ اور رمضان بازاروںکے حوالے سے اپنے مشاہدات سے ڈی سی او کو آگاہ کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈی سی او لیاقت علی چٹھہ نے رمضان بازار ظہور الہی اسٹیڈیم اور ریلوے روڈ کا اچانک دورہ کیا اور دونوں بازاروں میں لگائے گئے مختلف سٹالز کا معائنہ کیا اور خریداری کے لئے موجود افراد سے بات چیت کی۔ رمضان بازاروں میں فراہم کی جانیوالی سہولیات کا جائزہ لینے کے لئے ڈی سی او گجرات رمضان سستا بازار کے انتظامات کا جائزہ لینے کے لئے رمضان سستا بازار ظہور الہی اسٹیڈیم پہنچے جہاں سٹالز پر مختلف اشیاء موجود تھیں جبکہ خریدار بھی مختلف اشیاء خرید رہے تھے تاہم رمضان بازار کے انتظامات کے لئے ذمہ دار افسران ڈیوٹی پر موجود نہ تھے جس پر انہوںنے سخت ناپسندیدگی کا اظہار کیا اور افسرا ن کی سخت سرزنش کی۔ انہوںنے افسران کو ہدایت کی کہ وزیر اعلی پنجاب کے وژن کے مطابق عوام کو ریلیف فراہم کرنے کے لئے مزید ذمہ داری کے ساتھ کام کریں اور بروقت ڈیوٹی پر حاضر ہوں۔ دریں اثنا رمضان سستا بازاروں کے معائنہ کے موقع پر ڈی سی او لیاقت علی چٹھہ نے مختلف سٹالز کا معائنہ کیا اور وہاں رکھی گئی اشیاء کی کوالٹی کا جائزہ لیا۔ انہوںنے آٹے کے سٹال پر رکھے گئے تھیلوں کا وزن بھی چیک کیا اور ہدایت کی کہ صارفین کی تسلی کے لئے کنڈا موقع پر ہی رکھا جائے ۔ انہوںنے ہدایت کی کہ رمضان بازاروں میں تمام اسٹالز پر اشیائے ضروریہ وافر مقدار میں موجود ہونی چاہیے نیز تمام پیک اشیاء برانڈڈ ہوں اور ان پر ایکسپائری کی تاریخ بھی درج ہو۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ڈسٹرکٹ پولیس آفیسر رائے ضمیر الحق اور ایڈیشنل ڈسٹرکٹ کلکٹر عرفان علی کاٹھیا نے علی الصبح سبزی منڈی لالہ موسیٰ کا دورہ کیا اور وہاں سبزیوں کی نیلامی کے عمل کی نگرانی کی۔ دونوں افسران نے منڈی کے مختلف حصوں کا معائنہ کیا اور تاجروں اور خریداروں سے بھی بات چیت کی۔ اس موقع پر بات چیت کرتے ہوئے ڈی پی او رائے ضمیر الحق نے کہا کہ شہریوں کو ریلیف فراہم کرنے کے لئے تاجر برادری اپنا کردار ادا کرے۔ انہوںنے واضع کیا کہ بغیر نیلامی اشیائے خورد و نوش کی فروخت کی ہرگز اجازت نہیں دی جائے گی ، مارکیٹ کمیٹی اور انجمن آڑھتیاں کے عہدے دار اس امر کو یقینی بنائے کہ منڈی میں لائی جانیوالی ہر چیز کے شفاف نیلامی کے بعد ریٹس کا تعین کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ضلع میں گرانفروشوں کے خلاف کریک ڈائون جاری ہے اور ریٹ لسٹیں آویزاں نہ کرنے اور اوور چارجنگ کرنیوالے مزید 9افراد کے خلاف مقدمات درج جبکہ متعدد گرانفروشوں پر بھاری جرمانے عائد کر دیے گئے ہیں۔ ڈسٹرکٹ پرائس کنٹرول کمیٹی کے ممبران کو بریفنگ دیتے ہوئے اے ڈی سی عرفان علی کاٹھیا نے بتایا کہ ڈی سی او لیاقت علی چٹھہ کی ہدایات کے مطابق ضلع بھر کے 17پرائس مجسٹریٹس نے مختلف علاقوں میں چھاپوں کا آغاز کر دیا ہے گذشتہ ایک روز کے دوران 73مقامات پر اچانک ریڈ کئے گئے ، اس دوران 23مقامات پر ریت لسٹوں پر عمل درآمد نہ ہونے کی شکایات سامنے آئیں جس پر فوری ایکشن لیتے ہوئے 7ملزمان کے خلاف مقدمات درج کرادیے گئے جبکہ 16گرانفروشوں پر 43ہزار روپے جرمانہ عائد کردیا گیاہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) مارکیٹ کمیٹیوں کے ایڈمنسٹریٹرز اور سیکرٹری رمضان بازاروں میں تمام اشیائے خورد و نوش کی وافر مقدار میں فراہمی یقینی بنائیں، رمضان بازار صبح نو بجے تک لگ جانے چاہییں، ریٹ لسٹوںکی ضلع بھر کے تمام بازاروں اور مارکیٹوںمیں بروقت فراہمی یقینی بنائی جائے۔ ان خیالا ت کا اظہار ڈی سی او لیاقت علی چٹھہ نے ضلع بھر کے رمضان بازاروں کے ایڈمنسٹریٹرز اور سیکرٹریز کے اجلاس سے خطاب کرتے ہوئے کیا، اے ڈی سی عرفان علی کاٹھیا، ایس او سیٹلمنٹ الیاس گل، ڈی ایم او وقار خان، ای ڈی او زراعت محمد جمیل، ایڈمنسٹریٹرز مارکیٹ کمیٹی ملک توقیر، ملک خالق اعوان ، عمران احمد و دیگر بھی موجود تھے۔ ڈی سی او لیاقت علی چٹھہ نے کہا کہ ایڈمنسٹریٹر اور سیکرٹری ذاتی دلچسپی لے کر تمام رمضان بازاروں میں دالوں، چنے، سبزیوں، پھلوں کی وافر مقدار میں فراہمی یقینی بنائیں، فیئر پرائس شاپس کو مزید موثر اور فعال بنایا جائے اس ضمن میں رمضان بازار سرائے عالمگیر میں قائم فیئر پرائس شاپ قابل تقلید ہے۔ انہوںنے ہدایت کی کہ اگر کسی بھی پراڈکٹ کی دستیابی میں رکاوٹ ہو تو اس بارے انہیں آگاہ کیا جائے۔ اس سے قبل ایڈمنسٹریٹرز اور سیکرٹریز مارکیٹ کمیٹی نے مختلف مسائل کے بارے میں ڈی سی او کو آگاہ کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)معروف نعت خواں نسیم احمد چشتی مرحوم کے فرزند علی نسیم چشتی نے کہا ہے کہ ماہ رمضان المبارک امت مسلمہ کے لئے گناہوں سے توبہ، ، نیکیاں کمانے کا مہنیہ ہے، اللہ تعالی اس ماہ مقدس کے دوران اپنے بندوں کو رحمتوں، برکتوں اور مغفرت سے نوازتا ہے۔ انہوں نے کہا کہ اللہ تعالی کا فرمان ہے کہ روزہ میر ے لئے ہے اور میں ہی اسکی جزا ہوں ماہ رمضان کی عظمتوں کا عکاس ہے، روزے کی فرضیت کا بنیادی مقصد مسلمانوں تقویٰ اخیتار کرنے کی جانب مائل کرنا ہے۔ انہوںنے کہا کہ ہم سب کی ذمہ دار ی ہے کہ اس ماہ مقدس کے دوران عبادات پر خصوصی توجہ دیں، غرباء ، مساکین کی دل کھول کر مدد کریں تاکہ دنیا و آخرت کی فلا ح کے حقدار قرار پائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قاضی عبدالقدیر خاموش کا اورلینڈنائٹ کلب میں فائرنگ پر اظہار افسوس، دہشت گردی کی کوئی بھی شکل ہو قابل مذمت ہے گجرات(جی پی آئی) اسلامی یکجہتی کونسل کے چیرمین قاضی عبدالقدیر خاموش نے امریکی شہراورلینڈکے کلب میں فائرنگ کے واقعہ میں 50۔ سے زائد افراد کی ہلاکت پر افسوس کا اظہار کرتے ہوئے کہا ہے کہ انتہا پسندی کے واقعات تیسری دنیا کے باسیوں کے لئے مشکلات کا باعث بنتے ہیں۔ ایک بیان میں عبدالقدیر خاموش نے کہا کہ دہشت گردی کی کوئی بھی شکل ہو قابل مذمت ہے۔ انہوں نے کہا کہ ہر ملک ور مذہب کے اپنے قوانین ہیں، جن پر وہ درست سمجھتے ہیں تو دوسرے مذاہب اور ممالک کے افراد کو انہیں قتل کرنے کا حق نہیں، ہم جنس پرستی قبیح اور حرام فعل ہے، مگر اگر امریکی قوانین اس کی اجازت دیتے ہیں تو کسی شخص کو شدت پسند ی کی اجازت نہیں دی جاسکتی۔ انہوں نے کہا کہ کسی انسان کو قتل کرنے کی اجازت نہیں دینی چاہیے، اگر کسی قانون سے اختلاف ہے تو اس کے خلاف مہم چلا کر قانون سازی کو تبدیل کروائے، جو مہذب معاشروں میں طریقہ کار ہوتا ہے۔ قتل کی کسی صورت اجازت نہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)کمانڈر شہزاد میونسپل لائبرئری لالہ موسیٰ کی اپ گریڈیشن کے لئے 2ہفتوں میں 25لاکھ روپے مالیتی فراہم کر دی جائیں گی، لائبرئری کے انتظامات چلانے کے لئے پبلک سروس کمشن کے ذریعے گریڈ 17کے لائبریرین کا تقرر کیا جائے گا جبکہ شہر میں سماجی سرگرمیوں کے لئے دوسری منزل پر منی آڈیٹوریم کے لئے فوری تخمینہ تیار کیا جائے۔ ان خیالات کا اظہار ڈی سی او لیاقت علی چٹھہ نے لائبرئری کی اپ گریڈیشن کے سلسلہ میں اہم اجلاس سے خطاب کرتے ہوئے کیا، اے سی کھاریاں ذوالفقار علی باگڑی، ٹی ایم او شفقت منیر، ٹی او آر تنویر عباس گجر، عرفان احمد صفی، ریٹائرڈ ڈی او ایجوکیشن سید مشتاق حسین شاہ، پرنسپل گورنمنٹ ڈگری کالج لالہ موسیٰ پروفیسر امجد محمودو دیگر بھی موجود تھے۔ ڈی سی او نے کہا کہ لائبرئری کے لئے وزیر اعلی پنجاب میاں شہباز شریف نے 7.6ملین روپے کی گرانٹ منظور کی تھی اس رقم میں سے 25لاکھ روپے لاگت سے کتابیں خریدی جائیں گی یہ کتابیں نامور مصنفین کی ہیں جو مختلف شعبوں کے سکالرز کے لئے ریسرچ ورک کے لئے انتہائی مفید ہوں گی، انہوں نے کتابوں کی خریداری کے لئے ٹی او آر کھاریاں تنویر عباس گجر، سماجی راہنما عرفان احمد صفی اور گورنمنٹ ڈگری کالج لالہ موسیٰ کے لائبرئرین مظہر سجاد پر مشتمل تین رکنی کمیٹی تشکیل دے دی جو دو ہفتوں میں اپنا کام مکمل کرکے رپورٹ دے گی۔انہوں نے بتایا کہ لائبرئیری کے لئے کمپوٹر اور دیگر جدید آلات کی خریداری کے لئے ٹینڈرنگ کا عمل شروع کر دیا گیا ہے جو روا ں ماہ ہی مکمل کر لیا جائے گا جبکہ لائبرئری کے بڑھتی ہوئی ضروریات کے پیش نظر موجودہ منی آڈیٹوریم کو لائبرئیری کا حصہ بنا کر تیسری منزل پر منی آڈیٹوریم بنانے تجویز زیر غور ہے اور ڈی او بلڈنگز کو فوری تخمینہ جات تیار کرنے کی ہدایت کی۔ انہوں نے ہدایت کی کہ لوڈ شیڈنگ کی صورت میں قارئین کو سہولت فراہم کرنے کے لئے دو عدد یوپی ایس فراہم کئے جائیں۔ انہوںنے بتایا کہ کے انتظامات چلانے کے لئے گریڈ سترہ میں لائبرئرین کے تقرر کے ساتھ اسکی معاونت کے لئے کمپوٹر آپریٹر اور دیگر سٹاف بھی مہیا کیا جائے گا جبکہ انکی تنخواہوںکے اخراجات ٹی ایم اے کھاریاں برداشت کرے گی۔ اس سے قبل ڈی سی او کو بتایا گیا کہ لائبریری میں اس وقت 11ہزار کتابیں موجود ہیں اس کے ساتھ روزانہ اخبارات بھی خریدے جاتے ہیں ، لائبرئری میں روزانہ 150سے زائد افراد مطالعے کے لئے آتے ہیں جبکہ یہ ادارہ صبح آٹھ بجے سے رات 8بجے تک خدمات فراہم کرتا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)گجرات میں تعینات ڈی او سی گجرات ماجد بن احمد کو ہوم ڈیپارٹمنٹ نے گجرات میں پرائس کنٹرول مجسٹریٹ کے اختیارا ت بھی سونپ دئیے ہیں ہوم ڈیپارٹمنٹ نے ماجد بن احمد کا باقاعدہ ان کا نوٹویفیکشن بھی جاری کر دیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) گجرات میں یوٹی اے سی واثق عباس اور کلیم یوسیف کا تین ماہ کا یوٹی شپ کورس گزشتہ روز مکمل ہو گیا ،کورس مکمل ہونے کے بعد عباس لاہور سیکرٹریٹ میں لاء آفیسراسٹیٹ جبکہ کلیم یوسف کو سیکشن آفیسر ایجوکیشن ڈیپارٹمنٹ تعینات کر دیا گیا ہے ، اے سی یوٹی کلیم یوسف اور واثق عباس نے کورس مکمل کرنے کے بعد ڈی اوگجرات ماجد بن احمد کو یادگاری سونیر پیش کیا اس موقع پر صدر پریس کلب محمد انور شیخ بھی موجود تھے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ممتاز سماجی راہنما اور سابق امیدوار حلقہ این 105الحاج مرزا سعید بیگ نے ایک بیان میں کہا ہے کہ گجرات میں لگنے والے سستے رمضان بازار صرف ٹوپی ڈارمہ ہیں ان بازاروں سے غریب عوام کو کوئی ریلیف نہیں مل رہا بلکہ عوام زلیل وخوار ہو رہے ہیں مرزا سعید بیگ نے کہا کہ رمضان بازاروں کی نسبت عام مارکیٹ میں اشیاء سستے داموں فروخت کی جارہی ہیں،رمضان بازاروں میں پھلوں اور سبزیوں کی قیمتیں بہت زیادہ ہیں ،عوام کو رمضان بازار لگا کر دھوکہ دیا جارہا ہے ،اورہر سال لاکھوں روپے کی سبسڈی ہڑپ کر لی جاتی ہے اس سلسلہ میں سب اچھے کی رپورٹ پیش کی جارہی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)گجرات ریلوے روڈ سرگودہا روڈ اور شہر بھر میں کروڑوں کی لاگت سے لگنے والی ایل ای ڈی لایٹس تھوڑے ہی دن جلنے کے ناکارہ ہو گئیں ہیں اس سلسلہ میں ٹی ایم اے گجرات کے اعلی احکام نے بھی چپ سادھ لی ہے اور نہ ہی ٹھیکدار کے خلاف کوئی کاروائی عمل میں لائی گئی ہے شہر بھر لگنے والی ایل ای ڈی لایٹس دن بھر بھی جلتی رہتی ہیں جس کی وجہ حکومت کا لاکھوں روپیہ بجلی کی مد میں ضائع ہو رہا ہے گجرات کے عوام نے ڈی سی او گجرات لیاقت علی چٹھہ سے فوری نوٹس لینے کا مطالبہ کیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)سرکلر روڈ کے ممتاز تاجر راہنما شیخ نبیل انور شیخ نے ایک بیان میں کہا ہے کہ چیئرمین الیکشن کمیشن سرکلرروڈ الیکشن کے انعقاد کے لیے مخلص نظر نہیں آرہے اور نہ ہی وہ دوبارہ الیکشن کروانے کے چکر میں ہیں جس کی وجہ سے تاجروں میں تشویش کی لہر پائی جاتی ہے انہوں نے کہا کہ سرکلر روڈ کی تاجر برادری کے سالانہ الیکشن کا جلد از جلد اعلان کیا جائے تاکہ تاجر اپنی نئی کابینہ کا انتخاب کر سکیں انہوں نے چیئر مین سے اپیل کی ہے کہ وہ نئے الیکشن کا اعلان کریں پوری تاجر برادری ان کے ساتھ ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پریس کلب کے صدر اور چینئر صحافی محمد انور شیخ نے ایک بیان میں ممتاز راہنما اور جنرل سیکرٹری مرکزی انجمن تاجران ملک جاوید اختر اعوان کے والد محترم کی اچانک وفات پر گہرے دکھ اور افسوس کا اظہار کرتے ہوئے کہا ہے کہ اللہ تعالیٰ مرحوم کو جنت میں اعلی مقام دے اور سوگواران کو صبر جمیل دے انور شیخ نے کہا کہ ہم دکھ اور غم کی اس گھڑی میں ملک جاوید اختر کے ساتھ برابر شریک ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) نوجوان سیاسی و سماجی شخصیت راہنما پی ٹی آئی جنرل کونسلر یوسی باہروال چوہدری وسیم جاوید بیگہ کو پی ٹی آئی یوتھ ونگ تحصیل کھاریاں کا صدر منتخب کرلیا گیا ہے اس سلسلہ میں ان کی تقرری کا نوٹیفکیشن بھی جاری کر دیا گیا ہے جو کہ گذشتہ دنوں صدر پی ٹی آئی یوتھ ونگ سینٹرل پنجاب چوہدری عبید الرحمن اور نائب صدر چوہدری وجاہت مختار ڈھل نے جاری کیا اور چوہدری وسیم جاوید بیگہ کے حوالے بھی کر دیا گیا ہے اس موقع پر چوہدری وجاہت مختار ڈھل نے نوٹیفکیشن جاری کرنے پر صدر سنٹرل پنجاب چوہدری عبید الرحمن کا شکریہ ادا کیا اور چوہدری وسیم جاوید بیگہ کو مبارکباد بھی دی انہوں نے کہا کہ چوہدری وسیم جاوید بیگہ جیسے باصلاحیت اور پڑھے لکھے نوجوان بہترین اور منظم انداز میں کام کر سکتے ہیں اور پارٹی کی ترقی ترویج کے لئے کارہائے نمایاں بھی سرانجام دے سکتے ہیں چیئرمین عمران خان کی قیادت میں یوتھ پہلے کی طرح اب بھی اپنا کردار کلیدی حیثیت سے سرانجام دے رہی ہے اور باصلاحیت، محنتی نوجوانوں کو ذمہ داریاں دینے کا سلسلہ بھی جاری ہے ۔ امید ہے کہ تحصیل کھاریاں یوتھ ونگ کے نئے صدر چوہدری وسیم جاوید پہلے سے بڑھ کر محنت کریں گے اور زیادہ سے زیادہ نوجوانوں کو اپنے قافلے میں شامل کریں گے ان کی صلاحیتوں اور سابقہ کارکردگی کو دیکھتے ہوئے انہیں ذمہ داری دینے کا فیصلہ کیا ہے انشاء اللہ یہ ہماری اور قائدین کی امیدوں پر پورا اتریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) پنجاب حکومت کا سال 2016-17 کا بجٹ عوامی امنگوں کی ترجمانی اور غریب کا بجٹ ہے حکومت نے ہر شعبہ کے لئے خاص رقم مختص کی گئی ہے بجٹ میں تلعیم، صحت اور انفراسٹرکچر کے لئے بھی بجٹ میں خاصہ حصہ رکھا گیا ہے آئندہ سال میں تعمیر وترقی کے لئے بھی بڑے بڑے منصوبے دوبارہ شروع ہوں گے بہترین بجٹ پیش کرنے پر ہم وزیراعلیٰ پنجاب کو خراج تحسین پیش کرتے ہیں ان خیالات کا اظہار ممبر صوبائی اسمبلی حلقہ پی پی 115 چوہدری شبیر احمد کوٹلہ نے کیا۔ انہوں نے کہا کہ بجٹ عوامی امنگوں کا ترجمان ہے ان حالات میں اس سے بہتر بجٹ پیش نہیں کیا جا سکتا تھا وزیراعلیٰ پنجاب کے سالانہ ترقیاتی پروگرام سے ہرعلاقہ کو حصہ ملے گا کسانوں کے لئے بھی تاریخ ساز اقدامات کئے گئے ہیں یہ بجٹ پنجاب کی خوشحالی کی نوید لے کر آئے گا چوہدری شبیر احمد کوٹلہ نے کہا کہ حلقہ پی پی 115 کے لئے بھی 2017ء خوشحالی کی نوید لائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) ممتاز سیاسی و سماجی شخصیت حاجی چوہدری محمد اکرم پیارا سابق امیدوار ایم این اے حلقہ این اے 107 نے گذشتہ روز اپنی سابقہ روایات کو برقرار رکھتے ہوئے یونین کونسل بدرمرجان سہنہ اور بھگوال کے چار سو سے زائد خاندانوں میں رمضان پیکیج کے تحت راشن تقسیم کیا۔ راشن میں آٹا، گھی، چینی، بیسن، کھجور، دالیں اور دیگر ضروری اشیاء شامل تھیں اس موقع پر وائس چیئرمین یوسی بدرمرجان چوہدری اجمل حسین پیارا، شفقت شاہ، صحافی لالہ محمد الیاس لدڑ اور دیگر معززین علاقہ بھی موجود تھے اس موقع پر چوہدری محمد اکرم پیارا نے کہا کہ نمود و نمائش کو بالکل پسند نہیں کرتا بلکہ یہ اللہ تعالیٰ کی خوشنودی کے حصول کے لئے کرتا ہوں اپنی طرف سے حقوق العباد کی ادائیگی کی کوشش کرتا ہوں تاکہ مستحق افراد کا حق ادا کر سکوں یہ کام میں اور میرے بچے ہی کرتے ہے انشاء اللہ زندگی بھر یہ سلسلہ جاری رہے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) رمضان المبارک کو اللہ تعالیٰ نے اپنے حبیبۖ کے طفیل باقی مہینوں کی نسبت اعزازات سے نوازا ہے یہی وہ مہینہ ہے جس میں آخری عالمگیر اور الہامی کتاب قرآن مجید نازل ہوئی ان خیالات کا اظہار ممتاز سماجی شخصیت چوہدری اللہ یار چاڑ نے اپنے بیان میں کیا کہ انہوں نے کہا کہ حدیث پاک کے مطابق یہی وہ مہینہ ہے جس کے بارے رحمت دو جہاں والی بے کساں، سیاح لامکاں عالم کون و مکاںۖ نے فرمایا کہ لوگو! تم پر اللہ کی طرف سے ایک ایسا مہینہ سایہ فگن ہونے والا ہے جس کا اوّل رحمت وسط مغفرت اور آخر دوزخ سے آزادی کا ہے چوہدری اللہ یار چاڑ نے کہا کہ صاحب ثروت اور مخیر حضرات اس ماہ میں اللہ کی دی ہوئی دولت کو ضرورت مندوں پر زیادہ سے زیادہ خرچ کریں۔ بروقت زکوٰة اور فطرانہ کی ادائیگی کر کے ہم مستحقین کو بھی اپنی خوشیوں میں شامل کر سکتے ہیں مخیر حضرات کو چاہئے کہ وہ اس بات کا دھیان رکھیں تاکہ مستحقین بھی باآسانی روزے رکھ کر عید کی خوشیاں ہمارے ساتھ منا سکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) ”ظلم کی انتہائ”پاکستانی نجی ٹی وی چینلز پر بیٹھ کر اغیار کے ایجنڈوں پر کام کرنے والے نام نہاد سماجی اور انسانی حقوق کی علمبردار تنظیموں کے کارکنان پر پابندی عائد کی جائے۔ بعض خواتین وحضرات جن کو دین اسلام کی ”الف” ب”کا بھی پتہ نہیں ہوتا اپنی چرب زبانی کے باعث نامور علمائے دین اور مشائخ کو جھٹلانے کی پوری کوشش کرتے ہیں اور اُن کی اس کوشش میں پروگرام کا اینکر پرسن بھی برابر کا شریک ہوتا ہے نجی ٹی وی چینلز اپنی ریٹنگ بڑھانے اور مبینہ طور پر اسلام دشمن قوتوں سے تشہیر کی مد میں لمبی لمبی رقوم وصول کر کے ایسے ایسے پروگرامز پیش کئے جاتے ہیں جن میں سے دین اسلام کے احکامات کے منافی ہونے کی بو آتی ہے اغیار کے پیسوں پر پلنے والی نام نہاد انسانی حقوق کی علمبردار تنظیموں کے سپوکس پرسن ،بے پردہ خواتین بڑی ڈھٹائی سے اخلاق باختہ سرگرمیوں کو اسلام کے ساتھ جوڑنے کی ناکام کوشش کرتے ہیں اور ثابت کرنے کی کوشش کرتے ہیں کہ جتنا دین اسلام کا علم اُن کو ہے کسی اور کو نہیں عوامی سماجی حلقوں نے وزیراعظم پاکستان، چیف جسٹس آف پاکستان، چیف آف آرمی سٹاف، پیمرا ،نجی ٹی ویز مالکان ، وزارت ثقافت سمیت دیگر ارباب اختیار سے مطالبہ کیا ہے کہ ایسے پروگرامز کے نشر کرنے پر پابندی عائد کی جائے جو دین اسلام کے خلاف منفی پروپیگنڈہ پر مبنی ہوں اور جن میں سے اسلام دشمنی کی بو آتی ہو۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) ڈی سی او گوجرانوالہ عامر جان ،سی پی او گوجرانوالہ وقاص نذیر نے وزیرآباد میں لگائے گئے رمضان بازار کا اچانک دورہ کیا۔ اس موقع پر اسسٹنٹ کمشنر وزیرآباد محمد انور بریار، ٹی ایم او قیصر امین وڑائچ، چیف آفیسر شہر یار وڑائچ ویگرعملہ بھی موجودتھا۔ اسسٹنٹ کمشنر محمد انور بریار اور دیگر مقامی افسران نے سی پی او گوجرانوالہ، ڈی سی او گوجرانوالہ کو رمضان بازار کے تمام سٹالز کا دورہ کروایا ۔ڈی سی او عامر جان نے بازار میں آئے خریداروں سے اشیاء کی قیمتوں اور انتظامی تعاون سے متعلق دریافت کیا ۔جس پر شہریوں نے رمضان بازار انتظامیہ کی طرف سے دی گئی سہولتوں پر اعتماد کا اظہار کرتے ہوئے عام مارکیٹ کے مقابلہ میں رمضان بازار میں اشیاء کی قیمتوں کو واضح طور پرکم بتایا ۔ سی پی او گوجرانوالہ نے بھی شہریوں سے قیمتوں کے متعلق استفسار کیا انہوں نے سیکیورٹی معاملات کا بھی جائزہ لیا اور رمضان بازار انتظامیہ کو ہدایات دیں کہ سیکیورٹی کے حوالے سے مزید اقدامات اٹھائے جائیں۔موقع پر موجود شہریوں نے رمضان بازار کا دورہ کرنے والے افسروں کا شکریہ ادا کیا۔ اعلیٰ انتظامی افسران نے رمضان بازار وزیرآباد انتظامات کو تسلی بخش قرار دیتے ہوئے شہریوں کو بلا تفریق مزید سہولیات فراہم کرنے کی ہدایات کی۔ڈی سی اوگوجرانوالہ نے سستے رمضان بازارمیںاشیاء کے معیار،کنٹرول ریٹس اورانتظامات کوسراہتے ہوئے تحصیل بھرمیںسستے رمضان بازاروںکے لئے اے سی محمدانوربریاراورٹی ایم اوقیصر امین وڑائچ کی کاوشوںکوسراہا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) جسم کوچاک وچوبند رکھنے میںکھیل بنیادی اہمیت کے حامل ہوتے ہیں۔صحت مندافرادہی ملک وقوم کی تعمیروترقی کے ضامن ہوتے ہیں۔ان خیالات کا اظہارصدرمرکزی تنظیم تاجراںناصر محموداللہ والے نے الحسین فٹ بال کلب کے زیراہتمام محمدجاوید اللہ والے اورحافظ محمدسلیم اللہ والے آل پنجاب میموریل فلڈ لائٹ ٹورنا منٹ کے فائنل میچ کے موقع پر کیا۔اس موقع پرڈویژنل سپورٹس آفیسرفیصل امیرخاں،پی ٹی آئی کے رہنماشبیراکرم چیمہ،مسلم لیگی رہنما وکونسلرخواجہ محمدشعیب،سعید اللہ والے،حسن البنائ،ندیم چوہان کاجل،ڈاکٹر رضا سلطان، مہرمحمدالیاس ودیگربھی موجودتھے۔ میچ کے اختتام پرمہمانان خصوصی نے کھلاڑیوںمیںانعامات تقسیم کئے۔بہترین پلئیر،بہترین آرگنائزراوربہترین گول کیپرکوموٹر سائیکلزدی گئیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) معاون صدراہلحدیث یوتھ فورس پاکستان نعمت اللہ ظفرنے بتا یا کہ دکھی انسانیت کی خد مت عبادت اورسعادت سمجھ کرکرتے ہیں۔ویلفیئر کاکام ہمیشہ اللہ کی رضا کے لئے رنگ ونسل قومی ولسانی اورمذہبی مسلکی تفریق کے بغیرکیا ہے۔رمضان المبارک رحمت وغفران کامہینہ ہے اس میںاللہ تعالیٰ نفلوںکوفرضوںکے برابراورعام نیکی کوسترسے سات سو گناہ تک بڑھادیتے ہیںلہذاہ اس ماہ مبارک میںدیگرنیکیوںکے علا وہ صدقہ ،زکواة،خیرات بڑھ چڑھ کردینا چا ہئے۔اہلحدیث یوتھ فورس پاکستان دعوت دین کے ساتھ ساتھ دکھی انسانیت کی خدمت میںبھی مصروف عمل ہے ۔جماعت کے شعبہ خدمت خلق الاحسان ویلفیئر فائونڈیشن (رجسٹرڈ)پاکستان کے زیراہتمام الاحسان ویلفیئر ایمبولینس سروسز،الاحسان فری ڈسپنسریز،الاحسان واٹرفلٹریشن پلانٹس،الاحسان فری میڈیکل کیمپس،الاحسان ایجوکیشن سنٹرکام کررہے ہین۔حالیہ دنوںوزیرآبادانسٹیٹیوٹ آف کارڈیالوجی میںبھی واٹر فلٹریشن پلانٹ لگاگیا جس کا افتتاح سیکرٹری ہیلتھ پنجاب نجم احمدشاہ نے کیا۔اسی طرح کسی بھی اچانک آفت ومصیبت خواہ وہ زلزلہ ہویا سیلاب ہم فوری آفت زدہ علاقوںمیںپہنچ کرہنگامی مددفراہم کرتے ہیں۔چند ماہ قبل چترال،دیر،سوات وغیرہ کے زلزلہ وسیلاب میںہم نے مددفراہم کی تھرپارکرکے قحط زدہ علا قے میںموبائل میڈیکل ہسپتال کے ذریعے ہزاروںلوگوںکومفت ادویات فراہم کیںاہل وطن کوہمارے ساتھ بھرپورتعاون کرنا چا ہئے تاکہ ہم ملک وقوم کی خدمت کایہ مشن جاری رکھیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) جمعیت علما پاکستان کے مرکزی صدر پیر اعجاز احمد ہاشمی نے نواسی رسول حضرت سیدہ زینب رضی اللہ تعالیٰ عنہا کے مزار اقدس پر دھماکوں کی مذمت کرتے ہوئے کہا ہے کہ ایسی مذموم کارروائیاں کرنے والے مسلمان نہیں ہوسکتے۔ کیونکہ اسلام کو زندہ رکھنے کے لئے قربانیاں دینے والے اور یزیدیت کو نیست و نابود کرنے والے اہل بیت سے نفرت کرنے والوں کا اسلام سے کوئی تعلق نہیں ہوسکتا۔ کارکنوں سے گفتگو کرتے ہوئے پیر اعجاز ہاشمی نے کہا کہ دمشق میں نواسی رسول کے مزار پر دھماکے انتہا پسندی اور کفریت کی انتہا ہے، اولاد رسول کے یہ مزارات ہی ہیں کہ جہاں سے لوگ صبر واستقامت اور قربانی کا درس حاصل کرتے ہیں۔ ان کا کہنا تھا کہ داعش ہو، طالبان یا القاعدہ اولاد رسول سے دشمنی کر نے والے مسلمان نہیں ہوسکتے، یہ یہودی ہیں یا ان کے ایجنٹ ۔ جے یو پی کے مرکزی صدر نے کہا کہ اقوام متحدہ اور اسلامی ممالک کو ایسے واقعات کا نوٹس لینا چاہیے۔ یہ امت کی ناموس پر حملہ ہے۔ پاکستان ، سعودی عرب، ترکی اور ایران کو مقامات مقدسہ کی حفاظت کے لئے مشترکہ لائحہ عمل تیار کرنا چاہیے۔ برگزیدہ شخصیات کے مزارات فرقہ واریت نہیں، اسلامی تقدس کی علامت ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) شیعہ علما کونسل پنجاب اور اسلامی تحریک کے صوبائی صدر علامہ سبطین حیدر سبزواری نے امریکہ میں نائٹ کلب پر نوجوان کی فائرنگ سے ہلاکتوں پر افسوس کا اظہار کرتے ہوئے اسے اسلام کو بدنام کرنے کی استعماری سازش قراردیا ہے اور خدشات کا اظہار کیا ہے کہ یہاںرہنے والے مسلمانوں کے لئے مشکلات میں اضافہ ہوگا۔ کارکنوں سے گفتگو میں انہوں نے کہا کہ انسانی قتل قابل مذمت ہے، انتہا پسندی کے بڑھتے ہوئے رجحانات سے دنیا کو نقصان ہوگا۔ ان کا کہنا تھاکہ دہشت گرد تنظیموں کا اس طرح واقعات میں قتل و غارتگری کرانا قابل مذمت ہے۔ ایسے واقعات کی ذمہ داری بھی قبول کی جاتی ہے۔ان واقعات اور دہشت گرد تنظیموں کا اسلام اور اہل ایمان سے کوئی تعلق نہیں، یہ لوگ اسلام کو بدنام کرنے کے لئے پیدا کئے گئے ہیں۔ علامہ سبطین سبزواری نے کہا کہ حرمت انسان باقی رہنی چاہیے، اسلام بلاوجہ سکی قتل کی اجازت نہیں دیتا۔ ایسے واقعات اسلام کی سربلندی کی بجائے، نفرت کا سبب بنتے ہیں۔ انہوں نے کہا کہ یورپ اور امریکہ میں لوگ اسلام کی طرف متوجہ اس لئے ہورہے ہیں کہ یہ امن پسند مذہب ہے۔اور طاغوتی قوتیں اسلام کی بڑھتی ہوئی مقبولیت سے خوفزدہ بھی ہیں۔ مگر استعماری شرپسند تنظیموں کی طرف سے ایسے واقعات کو قبول کرنا قابل مذمت ہے۔ جس سے واضح ہوتا ہے کہ وہ ایسا امریکی صدارتی امیدوار ڈونلڈ ٹرمپ جیسے مبخوط الحواس لوگوں کو مسلمانوں کے خلاف زہر اگلنے کا موقع فراہم کرتے ہیں۔تاکہ اسلام کو بدنام کیا جائے کہ مسلمان خوانخوار رہیں۔ ان کا کہنا تھا کہ اسلام انسانی اقدار کا محافظ ہے کسی کا خون بہانے کی اجازت نہیں دیتا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) تھنک ٹینک انسٹی ٹیوٹ فار پالیسی ریفارمز نے ملک میں آبی مسائل اور حکومت کی غیر سنجیدگی پر ایک حقائق نامہ جاری کیا ہے۔ حقائق نامہ کے مطابق ملک میں پانی کی کمی بجلی کی کمی سے بھی بڑا مسئلہ بن چکا ہے جس کی طرف حکومت کو فوری توجہ دینا ہو گی ۔ملک کے اندر پانی کا مسئلہ اتنی ابتر صورتحال اختیارکر چکا ہے کہ اسے فوری طور پر ایک سنجیدہ لیڈر شپ کی ضرورت ہے جو کہ ترجیح بنیادوں پر اس مسئلہ کی طرف توجہ دے لہذا آئی پی آر نے اس سلسلے میں شفارش کی ہے کہ حکومت فوری طور پر دیا میر بھاشا ڈیم کی تعمیر شروع کرے نیز اس ڈیم کی فوری تعمیر کیلئے حکومت چین کی معاونت حاصل کرے۔آئی پی آر کے حقائق نامہ کے مطابق پاکستان میں مالی سال 2015-16میں زرعی پیدوار میں نمایاں کمی دیکھنے میںآئی جس کی کافی وجوہات تھیں جن میںایک بڑی وجہ پانی کی کمی بھی ہے ۔پاکستان دنیا کے ان ممالک میں شامل ہے جن میں پانی کی شدید کمی محسوس کی جا رہی ہے۔ ڈیمز کے اندر سلٹنگ اور ملک میں بڑھتی ہوئی آبادی کی وجہ سے پانی کی کمی بد تر صورتحال اختیار کرتی جا رہی ہے ۔2014-15 میں ملک کی اندر پانی کی مقدار 138.6 ایم اے ایف 138.6 MAF))تھی جو کہ 2015-16میں کم ہو کر 133 ایم اے ایف( 133MAF ) رہ گئی ہے جبکہ ہماری نہروں میں پانی کا بہائو صرف 114ایم اے ایف (114 MAF) ہے جو کہ دن بدن کم ہو تا جا رہا ہے۔ ملک کے اندر آبپاشی کیلئے دستیاب پانی میں 1990سے مسلسل کمی ہوتی جا رہی ہے ۔1980میںملک میں فی ڈیم پانی کی مقدار 320کیوبک میٹر تھی جو کہ اب کم ہو کر صرف 150کیوبک میٹر رہ گئی ہے اوپر سے بڑا ظلم یہ ہے کہ تربیلا ڈیم کے بعد ہم نے آج تک ایک ڈیم بھی تعمیر نہیں کیا ۔آئی پی آر کے حقائق نامہ میں شفارش کی گئی ہے کہ موجودہ حالات میں دیا میر بھاشا ڈیم کی فوری تعمیر شروع ہونی چاہیے کیونکہ یہ ایک انتہائی نازک اور اہم مسئلہ ہے اس کی تعمیر سے ملک کے اندر آبی وسائل میں اضافہ ہو گا۔ اس ڈیم کی تعمیر سے ملک میں پانی کی کل مقدار میں 6.4ایم اے ایف (6.4MAF) اضافہ ہو گا جو کہ پانی کی موجودہ گنجائش کا 35سے 40فیصد بنتا ہے ۔اس کے علاوہ بھاشا ڈیم کی تعمیر سے ملک میں بجلی کی پیداوار میں 4500 میگا واٹ کا اضافہ بھی ہو گا ۔ آئی آر آر کے مطابق بھاشا ڈیم ایک قابل عمل منصوبہ ہے جس کے ملک کو حقیقی معنوں میں نہ صرف فوائد حاصل ہو نگے بلکہ نیشنل سیکورٹی میں بھی اضافہ ہو گا ۔واپڈا جو کہ اس ڈیم کی تعمیر کرنے والی ایجنسی ہے نے اپنی تیکنیکی ضروریات پوری کر لی ہیں جبکہ ڈیم کی تعمیر فنڈز کی عدم دستیابی کی وجہ سے رکی ہوئی ہے ۔آئی پی آر کے مطابق بھاشا ڈیم کی تعمیر کیلئے بیرونی معاونت اور پیشہ وارانہ صلاحیت کی بھی ضرورت ہے لہذا حکومت کو چاہیے کہ اس سلسلے میں چین سے اعانت حاصل کرے۔آئی پی آر کے حقائق نامہ کے مطابق حکومت نے پانی کے مسئلے کو ترجیح بنیادوں پر نہیں لیا جبکہ ہونا تو یہ چاہیے کہ حکومت فوری طور پر چین کے ساتھ ایک اعلیٰ سطحیٰ مذاکرات کرے تاکہ بھاشا ڈیم کی تعمیر کے سلسلے میں چین کی مدد حاصل کی جا سکے نیز حکومت کو چاہیے کہ فوری طور پر پبلک سیکٹر پروگرام سے فوری طور پر اس ڈیم کی تعمیر کیلئے فنڈز جاری کرے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) جمعیت علما پاکستان نیاز ی کے سربراہ قائد اہل سنت پیر سید محمد معصوم حسین نقوی کی زیر صدارت مجلس عاملہ کے اجلاس میں قراردیا گیا کہ امریکہ خود انتہا پسندی کے رجحانات کو جنم دینے کے لئے نام نہاد دہشت گردتنظیموںکو پیدا کرتا ، انہیں فنڈنگ دیتا ہے تاکہ اسلام کو بدنام کیا جاسکے۔ اجلاس میں پیر سید مصطفٰی اشرف رضوی، پیر اختر رسول قادری، محی الدین محبوب کاظمی، ڈاکٹر امجد چشتی، پیر اسرار حسین شاہ اور دیگر بھی موجود تھے۔ ملکی سیاسی صورت حال کا جائزہ لیتے ہوئے مجلس عاملہ نے امیرالمومنین حضرت علی علیہ السلام کی صاحبزادی سیدہ زینب سلام اللہ علیہا کے دمشق میں واقع مزارا قدس پر خوش کش حملوں کی شدید مذمت کرتے ہوئے واضح کیا کہ ایک عرب ملک کی طرف سے اسلام کی برگزیدہ شخصیات کے مزارات مقدسہ کے خلاف انتہا پسندی اور تخریب کاری پر مبنی شخصی نظریات کے باعث یہودیوں کے تشکیل کردہ دہشت گرد گروہ داعش ایک عرصے سے ناپاک سازشیں کررہاتھا۔ اجلاس میں مشرق وسطیٰ میں اسرائیل کے خلاف برسر پیکار اور لبنانی پارلیمنٹ کے حصہ حزب اللہ کی دلیرانہ کارروائیوں کی حمایت کرتے ہوئے کچھ عرب ممالک کی سازشوں کو غیر ضروری قراردیا گیا۔ اجلاس میں کہا گیا کہ اتحاد امت کے لئے ایران اور سعودی عرب کو قریب آنا چاہیے، دونوں کے اختلافات کی وجہ سے امت مسلمہ تقسیم کے خطرناک عمل سے گذر رہی ہے۔ جس کا نقصان اسلامی قوتوں کو ہورہا ہے۔ اجلاس میں مذہبی لبادہ اوڑھے ہوئے چند بدکردار اشخاص کی طرف سے آل سعود کی طرف سے ملنے والے ریالوں کی محبت میں شیعہ سنی اتحاد کی فضا کو خراب کرنے کی شدید مذمت کی گئی۔ مجلس عاملہ نے بلوچستان میں ڈرون حملے پر آرمی چیف جنرل راحیل شریف اور مشیر خارجہ سرتاج عزیز کے دوٹوک موقف کو سراہتے ہوئے انتہا پسندی اور فرقہ واریت کے خاتمے کا مطالبہ کیا ۔ اجلاس میں الیکشن کمشن کی تشکیل نو کے فیصلے اور فاٹا کے علاقوں کو خیرپختونخواہ میں شامل کرنے کی تجاویز کو سراہا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) وفاق المدارس الشیعہ پاکستان کے صدر آیت اللہ سید ریاض حسین نجفی نے کہا ہے کہ فقہ جعفریہ کے مطابق زیادہ تر گندم استعمال کرنے والے افراد تین کلو گندم فی کس یا اس کی مقامی قیمت ادا کریں۔جوکہ اوسط قیمت 100روپے ہے۔جبکہ زیادہ تر چاول استعمال کرنے والے تین کلو چاول فی کس یا اس کی مقامی قیمت ادا کریں۔جوکہ اوسط قیمت تقریباً 300 روپے بنتی ہے۔ میڈیا سیل کی طرف سے جاری اعلامیہ میںانہوںنے اعلان کیا ہے کہ غذامیں زیادہ تر گندم استعمال کرنے والے ایک سو روپے فی کس کے حساب سے جبکہ زیادہ تر چاول استعمال کرنے والے چار سو روپے فی کس کے حساب سے فطرہ ادا کریں گے۔انہوں نے کہا کہ عید الفطر کی رات گھر کے تمام افراد حتی کہ نومولود بچے کا فطرہ دینا بھی واجب ہے۔ان کا کہنا تھا کہ شریعت کے مطابق ہر شخص پر فطرہ واجب ہے جو عید الفطر کی رات غروب آفتاب کے وقت بالغ،عاقل ،اپنے حواس رکھتاہواور فقیر نہ ہو تو ضروری ہے کہ وہ اپنا اور ان تمام افراد کا جو اس کے زیر کفالت ہوں فی کس تین کلو ان غذائوں میں سے جو اس کے شہر یا علاقے میں استعمال ہو تی ہوں ،مثلاًگندم ،جو ،چاول ،مکئی ،کھجور ،کشمش وغیرہ یااس کی قیمت مستحق شخص کو دے ،عید الفطر کی رات غروب آفتاب سے پہلے آنے والے مہمان کا فطرہ بھی صاحب خانہ پر واجب ہے جبکہ غروب آفتاب کے بعد آنے والے مہمان کا فطرہ صاحب خانہ پر واجب نہیں ہے ۔ان کا کہناتھا کہ زکوٰة فطرہ کا استحقاق وہ شخص رکھتا ہے جس کے پاس اپنے اور اپنے اہل و عیال کے لئے سال بھر اخراجات نہ ہوں اور اس کاکوئی روز گار بھی نہ ہو جس کے ذریعے وہ اپنے اہل و عیال کا سال بھر خرچہ پو را کر سکے جبکہ خود مستحق شخص پر فطرہ واجب نہیں ہے ،نیز فطرہ کے مستحق وہی افراد ہیں جو زکوٰة کے مستحق ہیں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔. ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر کی خبر یں بھمبر(جی پی آئی) صحت مند انہ سر گر میوں سے معاشر ے ترقی کر تے ہیں اور برا ئیاں ختم ہوتی ہیں جس ملک کے گراونڈ آباد ہو تے ہیں وہاں ہسپتا ل ویرا ن ہو تے ہیں صحت مند جسم ہی صحت مند دما غ رکھتا ہے ڈھیری وٹاں کے نو جو انوں کو صحت مندانہ سر گر میوں میں حصہ لینے پر مبا رکبا د پیش کر تا ہوں ان خیا لا ت کا اظہا ر ساوتھ افر یقہ کی کا رو با ری وسما جی شخصیت چو ہدر ی حق نواز آف گڑ ھا للیاں نے گزشتہ روز ڈھیر ی وٹاں میں سو ئنگ وال کی نما ئشی میچ میں بحیثیت مہما ن خصوصی خطا ب کرتے ہوئے کیا نما ئشی میچ اقبا ل کلب ڈھیری وٹا ں اور برا ئی کلب سا نگ کے درمیان کھیلا گیا جو کہ سانھ کلب نے 1کے مقابلے میں سیٹ سے جیت لیا دونو ں ٹیموں نے عمدہ کا رکر دگی کا مظا ہر ہ کیا اس موقع پر مہما ن خصوصی نے اپنے خطا ب میں کہا کہ صحت مندا نہ سر گر میوں کے انعقاد پر ٹو رنا منٹ کمیٹی کو مبا رکبا دکر تا ہوں انہوں نے نو جوانوں سے کہا کہ وہ معاشر ے میں بہتر ی کیلئے اپنا کر دارادا کر یں تا کہ ہماری آنیوا لی نسلیں بہتر طریقے سے اپنی زند گی گزار سکیں انہوں نے کہا کہ نو جوانوں کی کھیلوں کے متعلق مسائل کے حل کیلئے ہر وقت حا ضر ہوں انہوں نے ٹو رنا منٹ کمیٹی کیلئے 10ہزار رو پے نقد دئیے جبکہ ونر اور زنر ٹیموں میں چو ہد ری حق نواز ،چو ہدری خا لد بشیر ،چو ہدر ی عا مر نے انعاما ت تقسیم کئے ۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی) مطالبات تعمیر و ترقی عوام کا حق ہے جبکہ الیکشن جیتنے کے بعد عوامی خدمت جیتنے والے کا فرض منصبی ہے الیکشن سے واضح کررہا ہوں کہ اگر اللہ تعالیٰ نے کامیابی دی اور قلم میں اختیار آیا تو بلا تحصیص خدمت کو شعار بناؤں گا تعلیم یافتہ نوجوانوں کو مایوسی کے اندھیروں سے نکال کر انصاف کے تقاضوں کو پورا کرتے ہوئے روزگار کے مواقع فراہم کرینگے سفارشی کلچر نے نوجوان نسل کو مایوسی کے اندھیروں میں دھکیل دیا ہے نوجوانوں کو قنوطیت سے رجائیت کی راہ پر گامزن کیا جائیگا ان خیالات کااظہار آزادکشمیر کے سابق سپیکر و امید وار اسمبلی حلقہ بھمبر چوہدری انوار الحق نے اپنے ڈیرے گجرات روڈ پر مختلف عوامی وفود سے کیا چوہدری انوار الحق نے کہاکہ عوام جانتے ہیں کہ گزشتہ 30سالہ سیاست میں کرپشن کی سرپرستی کس نے کی نوجوانوں کو مایوسی کے گڑھوں میں کس نے دھکیلہ منشیات فروشوں ،ٹھگوں ،بدمعاشوں اور شراب فروشوں کی سرپرستی کون کرتا ہے بھائی کو بھائیسے لڑانے اور تھانے کچہری کے کلچر کا دلدادہ کون ہے کون باہر کے غنڈہ گرد عناصر کو حلقے کا امن تباہ کرنے کی دعوت دیتا ہے انشاء اللہ ان سب برائیوں کی سرپرستی کرنے والوں کا قلع قمع کرکے دم لوں گا چوہدری انوار الحق نے کہاکہ ہار جیت سے بالاتر ہو کر اپنی والدہ محترمہ کے حکم پر سیاست کررہا ہوں اور صرف اورصرف مظلوم کی دادرسی اور ظالم کا ہاتھ روکنے کیلئے سیاست کررہاہوں اگآج سیاست چھوڑ دوں تو بھمبرمیں بدمعاش طبقہ غریب مظلوم عوام کا جو حشر لوگ اس بھیانک منظر سے بحوبی آگا ہ ہیں ماؤں ،بہنوں اور شہریوں کی عزت و عصمت چادر چار دیواری کا تقدس صرف اور صرف میرے سیاسی میدان میں ہونے کی وجہ سے ہے جو آج گھر گھر نلکوں ،گلیوں نالیوں کے پیسے دے رہے ہیں گزشتہ 5سال تعمیر وترقی کیوں یاد نہیں آئی آج ٹرانسفامر بانٹ رہے ہیں پہلے بجلی کی ترسیل کی خرابی انکو نظر نہیںآئی آج عوام کے ضمیر خریدنے کیلئے گھر گھر گاؤں گاؤں ٹرانسفارمر بانٹ رہے ہیں الیکشن کمیشن کو بھی اس امر کا نوٹس لینا ہوگا کہ کسطرح کشمیر کونسل کے پیسوں لوگوں کی گھناؤنی ضمیر فروشی کاکام جاری ہے حلقہ کا امن چاہتا ہوں لیکن تالی کبھی ایک ہاتھ سے نہیں بجتی اور ایک بات بالکل واضح کردیان چاہتا ہوں کہ اگر کسی نے حلقہ میں بدمعاشی کی کوشش کی تو نشان عبرت بناکر رکھ دونگا چوہدری انوارالحق نے کہاکہ آج جسطرح حلقہ میں ہر کوئی تبدیلی کی بات کررہا ہے ہر ایک زبان پر تبدیلی کی گفتگو جاری ہے یہ آواز خلق نقارہ خدا ہے جہاں جہاں جاتا ہوں عوام اور بالخصوص نوجوانوں کی آنکھوں میں مخصوص چمک دیکھتاہوں یہ اللہ تعالیٰ کی رحمت کی خصوصی چمک ہے انشاء اللہ نوجوانوں کو مایوسی سے نکال کر کامرانی کے راستہ پر گامزن کیا جائے گا جو لوگ میری میٹنگز میں آرہے ہیں انکے ووٹ مجھ تک پہنچ چکے ہیں وہ دل ضمیر کو مدنظر رکھ کر فیصلہ کریں اپنی ہر میٹنگ میں بغیر کسی دنیاوی لالچ کے صرف ایک دعاکرتا ہوں کہ اپنے پروردگار جو شخص اس حلقہ ریاست اور عوام کیلئے بہتر ہے وہ میرے علم قدرت میں ہے ان کی کامیابی کی راہیں آسان فرما دے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی) گزشتہ رات تحصیل کبل کے علاقہ تو تانوبانڈئی خوڑ کے مقام پر معمول کے گشت پر پولیس موبائل پر نا معلوم افراد کے فائرنگ ASIسمیت 3تین اہلکارزخمی جن کو فوری طور پر سیدوشریف ہسپتال منتقل پولیس اور سیکورٹی فورسز نے علاقے کو گھیرے میں لے کر سرچ آپریشن شروع کیا سیکورٹی فورسز کے جوابی کاروائی میں تین نا معلوم افراد ہلاک جن کو کبل ہسپتال شنا خت کے لئے لائیں گئے لیکن تا حال کوئی شنا خت نہ ہو سکے تفصیلات کے مطابق گزشتہ رات تو تانوبانڈی چوکی پولیس موبائل معمول کے گشت پر رواں دواں تھے کہ تو تانو با نڈئی خوڑ کے مقام پر نا معلوم افراد نے فائرنگ کر کے جس کے نتیجے میں ASIرفیع اللہ خان 2سپاہی جہانگیر اور آیاز زخمی ہوئے جن کو فوری طور پر سیدوشریف ہسپتال منتقل کر دیا گیاواقع کے بعد پولیس اور سیکورٹی فورسز نے علاقے کو گھیرے میں لے کر سرچ آپریشن شروع کیا کہ منجہ کودرے کے مقام پر نا معلوم مسلح افراد کا سیکورٹی فورسز کے ساتھ جھڑپ ہوئے جس کے نتیجے میں 3نامعلوم افراد ہلاک ہوئے جو صبح کے وقت کبل ہسپتال لائے گئے لیکن تا حال کوئی شنا خت نہ ہوسکے علاقے میں ایک بار پھر اس واقع کے بعد لو گوں میں شدید خوف و ہراس پائی جا تی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی) تحصیل کبل تو تانوبانڈی کے علاقہ غا غی بانڈی میں باپ کے فائرنگ سے بیٹی جا بحق پولیس نے رپورٹ درج کر کے مزید تفتیش شروع کر دی تفصیلات کے مطابق گزشتہ روز تحصیل کبل تو تانو بانڈی کے علاقہ غا غی بانڈی میں پولیس رپورٹ کے مطابق سسر اور بہو کے درمیان جھگڑا ہوا جو بیٹی سامنے آکر بچانے کے کوشش کر رہے تھی کہ فائرنگ کے زد میں آکر مسماة (ز)شدید زخمی ہوئی جو ہسپتال منتقل کر تی ہوئی زخموں کے تاب نہ لا تے ہوئی چل بسے واقع کے بعد پولیس روپورٹ درج کر کے مزید تفتیش شروع کر دیا۔
پاکستان اسپورٹس ویلفیر ایسوسی ایشن کے زیر اہتمام کراچی باسکٹ بال ایسوسی ایشن کی اجازت سے SSB کپ رمضان فلڈلٹ باسکٹ بال ٹورنامنٹ 20 جون سے آرام باغ باسکٹ بال کورٹ پر شروع ہوگا
گجرات کی خبروں کی تصویری جھلکیاں
