گجرات (جی پی آئی) اولیاء کرام کے آستانے امن و محبت کا پیغام دیتے ہیں۔ ان خیالات کا اظہار ممتاز عالم دین صاحبزادہ غلام بشیر نقشبندی نے گزشتہ روز آستانہ عالیہ بائولی شریف میں بزرگان بائولی شریف کے عرس مبارک کے موقع پر خطاب کرتے ہوئے کیا۔ انہوں نے کہا کہ دنیا کی تاریخ اس بات کا واضح ثبوت ہے کہ اولیاء کرام کے آستانوں سے ہمیشہ امن اور محبت کی آواز نکلی ہے اور بزرگان بائولی شریف نے اس علاقہ میں دین کی تعلیم ‘ ترویج کیلئے اپنا کردار ادا کیا۔ اور بائولی شریف میں تمام آستانوں سے تعلق رکھنے والے بزرگوں کی آمد اور حصول تعلیم کے شواہد ملتے ہیں۔ انہوں نے کہا کہ ہمیں چاہئے کہ بزرگان دین کی تعلیمات سے مستفید ہوں۔ ممتاز عالم دین صاحبزادہ پیر سید فدا حسین شاہ آستانہ عالیہ حافظ آباد نے کہا کہ ہم بائولی شریف میں تقریر کرنے کیلئے نہیں بلکہ تقدیر سنوارنے کیلئے آتے ہیں۔ اور بزرگان بائولی شریف کی خدمات کسی سے ڈھکی چھپی نہیں۔ آج بھی بائولی شریف سے نکلنے والی آواز سے دنیا مستفید ہو رہی ہے۔ صاحبزادہ غلام بشیر نقشبندی کی شکل میں ایک جید عالم دین اُمت مسلمہ کی رہنمائی کر رہے ہیں۔ پیر سید عرفان علی شاہ آستانہ عالیہ رواتڑہ شریف نے کہا کہ بزرگان دین کی خدمات سے ایک زمانہ مستفید ہو رہا ہے ۔ اور آستانہ عالیہ بائولی شریف کی خدمات ہر خاص و عام کیلئے کھلی کتاب کی شکل ہے۔ اس موقع پر ملک کی ممتاز علماء کرام اور ثناء خوانوں نے ہدیہ نعت پیش کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ضلع گجرات کی معروف تعلیمی درسگاہ دی ایجوکیٹرز بارہ دری کیمپس میں 14 واں سالانہ مقابلہ حسن نعت آج 8 دسمبر بروز جمعرات منعقد ہو رہا ہے ۔ جس میں ضلع بھر کے مختلف تعلیمی اداروں کے طلبہ و طالبات شریک ہونگے۔ ڈائریکٹر دی ایجوکیٹرز بارہ دری کیمپس نے بتایا ہے کہ دی ایجوکیٹرز بارہ دری کیمپس کے طلبہ و طالبات کے والدین کیلئے بھی ایک عدد عمرہ کا ٹکٹ رکھا گیا ہے جو کہ بذریعہ قرعہ اندازی دیا جائے گا۔ تمام والدین و طلبہ وقت مقررہ پر تقریب میں شریک ہوں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) صاحبزادہ رضوان منصور آوانی زیب سجادہ نشین آستانہ عالیہ مہمدہ شریف و آوان شریف کی زیر صدارت برسی طفیل محمد رحیم یار خاں میں سالانہ عرس مبارک غوث الاعظم کا انعقاد کیا گیا۔ غوث الاعظم کے عرس مبارک کی تقریبات تین روز تک جاری رہیں۔ جن میں ملک بھر سے عقیدت مندوں کی کثیر تعداد نے شرکت کی۔ ملک کے معروف قوال حاجی انعام اللہ ‘ حاجی سعید اللہ و ہمنوائوں نے اپنی خوبصورت حاضری پیش کی۔ عرس مبارک کی اس بابرکت تقریب میں ملک بھر سے آستانہ عالیہ آوان شریف سے تعلق رکھنے والے عقیدت مندوں نے شرکت کی۔ جبکہ محفل میلاد النبی ۖ کی نقابت حافظ محمد اورنگ زیب نے سرانجام دئیے۔ تلاوت قرآن پاک میزبان محفل محمد اقبال انور صمدانی اور قاری کلیم اللہ سعیدی نے سرانجام دئیے۔ نعت رسول مقبول پاکستان ٹیلی ویژن اور ریڈیو کے ممتاز خوان رسول چوہدری محمد عارف شاہد گوندل گجرات’ رحیم یار خاں اور صادق آباد کے ممتاز ثناء خوان رسول بشیر دیوانہ’ ہون محمد سعیدی’ حافظ عاشق’ کلیم پیراں دتہ’ منظور احمد سعیدی’ رشید احمد قادری’ محمد ذیشان’ شاہد قادری’ علائو الدین’ سلیم قادری’ اشفاق سلطانی’ محمد حفیظ شہزاد’ حافظ نذیر ‘ حافظ عثمان ‘ اشفاق سلطانی’ محمد حفیظ شہزاد’ حافظ نذیر’ حافظ عثمان نے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) چوہدری عبدالمجید جو گزشتہ روز رضائے الٰہی سے وفات پا گئے تھے ۔ ان کا ختم دسواں 11 دسمبر بروز اتوار کو سنہری مسجد اندرون شاہ دولہ گیٹ پڑھا جائیگا۔ شرکت فرما کر ثوابِ دارین حاصل کریں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) مجلس احرار اسلام ضلع گجرات امیر مولانا حافظ ضیاء اللہ ہاشمی نے 11-12ربیع الاول بروز اتوار سومواردو روزہ ختم نبوت کانفرنس چناب نگرضلع چنیوٹ کی تیاریوں کے سلسلہ مختلف دیہاتوں ناگڑیاں ،کوٹلہ ارب علی خان اور مرکز احرار ماڈل ٹائون گجرات کے تنظیمی دورہ کیموقع پر خطاب کرتے ہوئے کہاکہ عشق رسول کے دعویدار ختم نبوت کا وفدار ہونا لازم ہے ختم نبوت کا تحفظ آپ کی ذات کا تحفظ ہے حضور اکرم صلی اللہ علیہ وآلہ وسلم کی آمد سے دنیا سے جہالت اور مایوسیوں کے تمام بت پاش پاش ہوگئے ہر طرف امن و محبت اور سلامتی کی شمعیں روشن ہوگئی مساوات ،عدل و انصاف کا بول بالا ہوا رحمتوں اور برکتوں کا نزول شروع ہوگیا دشمن بھائی بھائی بن گئے خاتم المرسلین رحمةللعالمین صلی اللہ علیہ وآلہ وسلم کی آفاقی تعلیمات سے پر امن معاشرے کی تشکیل سے پرچم اسلام پوری دنیا میں سر بلند ہوگیا ماہ ربیع الاول ایمان کی موسم بہار ہے یہ ولادت رسول صلی اللہ علیہ وآلہ وسلم کا مہینہ ہے جس کی آمد پر ہر چہرہ خوشی سے کھل اٹھتا ہے مگر افسوس کہ ہم سیرت البنی صلی اللہ علیہ وآلہ وسلم کو اپنانے کی کوشش نہیں کرتے جبکہ زبانی جمع خرچ تو بہت کرتے ہیں مگر جب قرآن و سنت پر عمل کی باری آتی ہے تو ہمارا عمومی چلن منافقین سے مشابہت رکھتاہے جبکہ اسلام ایک عملی دین حضور اکرم ۖ اس کاعملی نمونہ ہیں مسلمان اپنے قول و عمل کے تضاد کو ختم کردے تو دنیاو آخرت میں سرخرو ہوسکتاہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)دربار عالیہ غوث یگانہ چھالے شریف میں 12 ربیع الاول کو عظیم الشان محفل میلاد النبی ۖ منعقد ہو گی۔ سجادہ نشین آستانہ عالیہ غوث یگانہ چھالے شریف پیر سید انتصار الحسن شاہ سروری قادری کی زیر صدارت ہونیوالی اس عظیم الشان محفل میں ملک کے ممتاز علماء کرام ‘ و مقررین شریک ہونگے۔ جبکہ بذریعہ قرعہ اندازی عمرہ کے ٹکٹ بھی دئیے جائیں گے۔ محفل کا آغاز دن ایک بجے ہو گا۔ یہ محفل عصر تک جاری رہے گی۔ جبکہ خصوصی شرکت سید انتصار الحسن شاہ سید ابرار الحسن شاہ کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) آستانہ عالیہ غوث فضلیہ کھیپڑانوالہ شریف میں جشن عید میلاد النبی ۖ کے سلسلہ میں عظیم الشان محفل و گیارہویں شریف 10 ربیع الاول بروز ہفتہ نماز ظہر تا نماز عصر منعقد ہو گی۔ جس کی صدارت پیر سید محمود الحسن شاہ بخاری قادری کریں گے۔ ملک کے ممتاز علماء کرام و ثناء خوان رسول شریک ہونگے۔ جبکہ 11 اور 12 ربیع الاول کی درمیانی شب کو شب بیداری ہو گی اور بروز سوموار صبح فجر کے وقت دعا کی جائے گی اور مٹھائی تقسیم کی جائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ڈائریکٹر جنرل سوشل ویلفیئر پنجاب وحید اختر انصاری نے کہا ہے کہ نصابی تعلیم کے ساتھ تربیت کے مواقع فراہم کرکے طلبہ و طالبات کی صلاحیتوں کو نکھارا جا سکتا ہے،ان خیالات کا اظہار انہوںنے سوشل ویلفیئر ڈیپارٹمنٹ پنجاب اور پنجاب یونیورسٹی شعبہ سوشل ویلفیئر کی طرف سے رورل کمیونٹی ڈویلپمنٹ ٹریننگ پروگرام میں شریک طلبہ کے گروپس سے عملی تجربات کے حوالے سے بریفنگ کے موقع پر کیا، ہیڈ آف ڈیپارٹمنٹ ڈاکٹر زاہد جاوید، پروفیسر ایم ارشد عباس، ڈی او سوشل ویلفیئر امجد محمود کلیر، چوہدری ارشد، ڈی ڈی او محمد عمر ، چیئرمین یونین کونسل محمد افضل اور موضع سماں سے تعلق رکھنے والے معززین بھی اس موقع پر موجود تھے۔ڈی جی سوشل ویلفیئر نے بتایا کہ یونیورسٹی آف پنجاب کے شعبہ سوشل ویلفیئر کے گروپوں کو صوبہ بھر کے مختلف اضلاع میں بھجوایا گیا ہے ان میں سے چھ گروپس کو ضلع گجرات کے مختلف دیہات میں ایک ماہ کی عملی تربیت کیلئے بھیجا گیا ہے جہاں وہ اپنی صلاحتیوں کا عملی مظاہر ہ کرکے ماحولیاتی صورتحال، سینی ٹیشن، واٹر سپلائی، تعلیم، صحت، یوتھ کے مسائل، خواتین کے مسائل کی نشاندہی کرکے انکے حل کیلئے تجاویز مرتب کریں گے۔ انہوںنے کہا کہ لاہور جیسے بڑے شہر میں پڑھنے والے ان نواجوانوں نے خود کو دیہی ماحول میں کامیابی سے ایڈجسٹ کیا اور کمیونٹی کی مدد سے ان علاقوں کو درپیش مسائل کی نشاندہی کی اور انکے حل کیلئے شہریوں کے تعاون سے اور ضلعی حکومت اور میونسپل کارپوریشن کے تعاون سے کامیاب اقدامات کئے جو قابل تحسین ہے۔ انہوںنے طلبہ پر زور دیا کہ وہ عملی تربیت کے دوران جانفشانی اور محنت سے کام کریں ، انکے یہی تجربات عملی زندگی میں انکی راہنمائی کرتے رہیں گے ۔ اس سے قبل زیر تربیت طلبہ نے ڈی جی سوشل ویلفیئر وحید اختر انصاری ، ڈاکٹر ایم ارشد عباس کو بریفنگ دی اور عملی تربیت کے دوران سامنے آنیوالے تعلیم، صحت، روڈ سیفٹی اور دیگر مسائل اور انکے حل کیلئے اٹھائے جانیوالے اقدامات بارے آگاہ کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) عام انتخابات 2018میں ووٹ کاسٹنگ کی شرح میں اضافہ کرکے اسے ترقی یافتہ ممالک کے برابر لانا الیکشن کمشن آف پاکستان کا ہدف ہے، عام کے آدمی کے ووٹ کا حق استعمال کرنے سے جمہوری نظام کو فروغ اور جمہوری ادارے مضبوط ہونگے، ان خیالات کا اظہار ڈسٹرکٹ الیکشن کمشنر فرید اللہ خان نے چیف الیکشن کمشنر جسٹس (ر) سردار محمد رضا کی ہدایت پر منعقدہ نیشنل ووٹرز ڈے کے موقع پر ضلع کونسل ہال میں منعقدہ سیمینار سے خطاب کرتے ہوئے کیا، اے ڈی ایل جی محمود اقبال گوندل، صدر مرکزی انجمن تاجراں جاوید بٹ، افضل ملہی اور عثمان سرور نے بھی اظہار خیال کیا، اسسٹنٹ کمشنر گجرات ظہیر چٹھہ، ڈی او سوشل ویلفیئر امجد محمود کلیر ، چوہدری ارشد، ماسٹر ٹرینر سید ابرار حسین شاہ ، مختلف شعبہ ہائے زندگی سے تعلق رکھنے والے افراد اور کالجز کے طلبہ بھی اس موقع پر موجود تھے،سیمینار میں شریک افراد کو معلوماتی پمفلٹس بھی دیے گئے۔ ڈسٹرکٹ الیکشن کمشنر فرید اللہ خان نے کہاکہ ووٹ کا انداراج کرانے کا اہل ہر وہ پاکستانی شہری ہے جس کی عمر اٹھارہ سال ہو اور قومی شناخی کارڈ کا حامل ہو ، ووٹ کا اندراج نہایت سہل ہے ، نیا ووٹ بنوانے اور اپنا ووٹ دوسرے حلقہ میں منتقل کرانے کیلئے ضلعی الیکشن کمشن کے آفس سے فارم اے حاصل کرکے دیا جائے جس کے بعدووٹ کے انداراج اور منتقلی کا عمل بلاتاخیر مکمل ہو جائے گا ۔ ڈسٹرکٹ الیکشن کمشنر نے بتایا کہ 2013سے ابتک ضلع گجرات میں 70ہزار نئے ووٹرز رجسٹرڈ کئے گئے ہیں ان میں سے 65ہزار افراد نے نئے شناخی کارڈ بنوائے جبکہ گھر گھر ویری فکیشن کے دوران مزید پانچ ہزار نئے ووٹ درج کئے گئے ہیں۔ انہوںنے بتایا کہ الیکشن کمشن کے ہیلپ لائن نمبر 8300پر اپنا شناخی نمبر ایس ایم ایس کرکے آپ معلوم کر سکتے ہیں کہ آپکا ووٹ کا انداراج ہوا ہے اور کس حلقہ میں ہے۔ انہوںنے شہریوں پر زور دیا کہ وہ اپنے ووٹ کا اندراج کرائیں اور اپنے گرد و پیش افراد کو بھی اسکی افادیت بارے آگاہ کریں ۔دیگر مقررین نے شرکاء سیمینار خصوصا نوجوانوں پر زور دیا کہ وہ اپنے ووٹ کا ہر صورت انداراج کرائیں اور اپنے دیگر ساتھیوں، گھروالوں کی بھی راہنمائی کریں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) پاکستان مسلم لیگ ضلع گجرات اور تحریک انصاف ضلع گجرات کا مشترکہ اجلاس چوہدری ظہور الٰہی ہائوس گجرات میں ہوا ۔ جس میں نو منتخب چیئر مین یونین کونسلز نے شرکت کی اجلاس میں فیصلہ کیا گیا کہ دونوں جماعتیں مل کر بلدیاتی الیکشن میں حصہ لیں گی اور اجلاس میں امیدواروں کی کامیابی کے لیے بھرپور محنت کا عہد کیا گیا ،مشاورتی اجلاس میں تحریک انصاف کی ضلعی قیادت نے بھی اپنے موقف بیان کئے اور متحد ہو کر ٹیم کی شکل میں الیکشن لڑنے کا فیصلہ کیا گیا ، اجلاس میں سابق وزیر اعظم چوہدری شجاعت حسین ، سابق نائب وزیر اعظم چوہدری پرویز الٰہی ،سابق وفاقی وزیر چوہدری وجاہت حسین ،سابق نگران وزیر اعلیٰ میاں افضل حیات ، رہنما پی ٹی آئی چوہدری محمد الیاس سرائے عالمگیر، چوہدری محمد ارشد سابق ایم پی اے ، میاں عمران مسعود ، سید فیض الحسن شاہ ، راجہ نعیم نوازآف پوران، چوہدری ناصر چھپر ایڈووکیٹ، چوہدری میاں خاں، محمد حنیف چوہدری، چوہدری اعجاز اسلم ، چوہدری شرافت ایڈووکیٹ، چوہدری باسط علی ، چوہدری غلام رسول شارق ایڈووکیٹ ، میاں ارشد حیات، فاروق علی بھٹی ، چوہدری طاہر امتیاز، میاں مبین حیات، چوہدری قاسم ، چوہدری نزاکت علی ، چوہدری اکرم آف بزرگوال و دیگر نے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) یونین کونسل 7 شہر گجرات سے چیئر مین نصراللہ کھوکھر نے چوہدری ظہور الٰہی ہائوس میں مسلم لیگ کے صدر و سابق وزیر اعظم چوہدری شجاعت حسین اور پاکستان مسلم لیگ کے سنیئر مرکزی رہنما و سابق نائب وزیر اعظم چوہدری پرویز الٰہی سے ملاقات کی اور بلدیاتی الیکشن کے حوالے سے قائدین سے کہا کہ مسلم لیگ کے تمام فیصلوں کا پابند رہوںگا۔ قائدین جو بھی ذمہ داری سونپیں گے بطریق احسن سر انجام دوں گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ایڈیشنل سیشن جج گجرات نے محلہ اسلام گڑھ جلالپورجٹاںمیںواقع ”شیخاںدی حویلی ”کے خلاف ماسٹراقبال کی شفع کی اپیل خارج کرکے چودھری ظفراقبال آف شاہدولہ پریس کے حق میں فیصلہ دے دیا۔تفصیلات کے مطابق چودھری ظفراقبال آف شاہدولہ پریس نے اٹھارہ سال قبل اسلام گڑھ میں واقع پونے دوکنال رقبہ پر محیط مشہورشیخاںدی حویلی خریدی تھی جس کے خلاف ایک شخص ماسٹراقبال نے شفع کردیا۔سول جج درجہ اول نے 2012ء میںیہ شفع خارج کردیاجس کے بعد ماسٹراقبال نے اس فیصلہ کے خلاف اپیل دائرکردی تھی۔گزشتہ روزایڈیشنل ڈسٹرکٹ اینڈ سیشن جج رانامحمداشفاق نے یہ اپیل بھی خارج کردی۔ماسٹراقبال کی جانب سے راجہ ارشدایڈووکیٹ اورراجہ منورایڈووکیٹ نے وکالت کی جبکہ چودھری ظفراقبال آف شاہدولہ پریس کی جانب سے ملک مشتاق احمدایڈووکیٹ نے دلائل دیے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) معروف شاعر لطیف سیف گذشتہ روز رضائے الٰہی سے انتقال کر گئے انا للہ وانا الیہ راجعون ،مرحوم کی نماز جنازہ آج بروز جمعرات چار بجے سہ پہر ان کے آبائی گائوں سوک کلاں میں ادا کی جائے گی ،احباب سے شرکت کی استدعا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) کھیل جسم کوچاک وچوبندرکھنے میںبنیادی کرداراداکرتے ہیں۔صحت مندافرادہی ملک وقوم کوترقی میںاہم کرداراداکرسکتے ہیں۔معاشرے اورملک وقوم کی تعمیرکوتعلیم یافتہ افرادہی پروان چڑھاتے ہیںاورتعلیم کے لئے صحت مندذہن وجسم ہونا ضروری ہے۔اس کے لئے کھیل بنیادی کرداراداکرتے ہیں۔ قوم کے نونہالوںکوتعلیم کے ساتھ ساتھ کھیل کودکے مواقع فراہم کرنے سے انکی چھپی ہوئی صلا حیتیں اجاگر ہوتی ہیں۔ان خیالات کا اظہارڈسٹرکٹ سپورٹس آفیسر ضلع گجرات ندیم حسین بٹ نے میڈیا سے گفتگو کرتے ہوئے کیا انھوں نے کہا کہ ۔کھیل کے میدان آبادہونے سے معاشرے میںپھیلی بے راہ روی کاخاتمہ اورہسپتال ویران ہوجائینگے انشاء اللہ ہم گجرات میں کھیلوں کے ٹیلنٹ کو نہ صرف ملکی بلکہ انٹرنیشنل سطح پر بھی متعارف کروائیں گے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) بزم غلامان گھمکول شریف ضلع گجرات کے زیر اہتمام منعقد ہونیوالی تیسری سالانہ میلاد مصطفٰی ریلی میں شامل ہونے والے شرکا ء کے تہہ دل سے مشکور ہیں ان خیالات کا اظہار چوہدری افتخار احمد ملہی ناظم اعلٰی غلامان گھمکول شریف گجرات، عامر الیکٹرونکس کے ڈائریکٹر مہر عبدالرحمٰن ،راجہ پرویز احمد و دیگر نے میڈیا سے گفتگو کرتے ہوئے کیا انھوں نے کہا کہ بزم غلامان گھمکول شریف ضلع گجرات آقا دو جہاں محمدۖ کے ذکراور آپ ۖکی سنت کو عام کرنے کے لیئے کوشاں ہے ہم تیسری سالانہ کامیاب میلاد مصطفٰی ۖ ریلی کے انعقاد پر اللہ رب العزت کے ہاں سجدہ شکر بجا لاتے او عاشقان مصطفٰی ۖکی طرف سے اس میں جوق در جوق شرکت کرنے پر ان کے مشکور ہیں بالخصوص ہم چیئر مین مارکیٹ کمیٹی حاجی اورنگزیب بٹ ،صدر مرکزی انجمن تاجران جاوید بٹ ،صدر پریس کلب گجرات سید عرفان جعفری ایگزیکٹو ممبر گجرات چیمبر آف کامرس سیٹھ ظہیر عباس ،خان شبیر خان ،بائو محمد آصف سمیت دیگر تاجر برادری کے بھی تہہ دل سے مشکور ہیں جنھوں نے اپنی محبت اور عشق رسول ۖکا ثبوت دیتے ہوئے اپنا قیمتی وقت نکال کر میلاد مصطفٰی ریلی میں شرکت کی اس کے ساتھ ہم انتظامی ممبران حاجی محمد ارشد ،چوہدری اکرم ،مرزا تاشفین ،چوہدری عبدالرحمٰن ککرالی ،فیاض چیمہ ،ایوب بٹ ،ملک خضر علی ،راجہ عامر ،غلام عباس ،عمیر اعوان ،مرزا عادل ،توصیف گوندل ،عمران ارشاد ،رانا رضوان و دیگر کو بھرپور تعاون اور ریلی کو کامیاب بنانے کیلیئے بہترین انتظامات پر خراج تحسین پیش کرتے ہیں اور ساتھ ہی میڈیا نمائندگان اور اخبارات مالکان کے بھی تہہ دل سے مشکور ہیں جنھوں نے اس ریلی کو بھرپور کوریج دی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) مرحبا ویلفیئر سوسائٹی لالہ زار کالونی علاقہ میں عوام کی خدمت اور لوگوں کی فلاح و بہبود کے لیئے صدر چوہدری محمد بوٹا ،نائب صدر حاجی صداقت علی ،جنرل سیکرٹری ہمایوں صداقت ،فنانس سیکرٹری چوہدری ارشد شیر گڑھ اور چیئرمین محمد علی وڑائچ کے قیادت مین دن رات کوشاں ہے مرحبا ویلفیئر سوسائٹی نے علاقہ میں اپنی مدد آپ کے تحت گلیوں نالیوں کی مرمت ،کفن دفن کے اخراجات ،اور علاقہ کی صفائی و ستھرائی کے لیئے بے شمار اقدامات کیے ہیں حال ہی میں سوسائٹی نے علاقہ سے گندے پانی کے نکاس کیلیئے DCO لیاقت علی چٹھہ سے بھی وفد کی صورت میں ملاقات کی اور گندے پانی کی نکاسی کی نکاسی کا مسئلہ حل کروانے کی تحریری درخواست پیش کی جس کو DCO لیاقت علی چٹھہ نے اس مسئلہ کے حل کے لیئے ٹی ایم او کو فارورڈ کیا اور جلد سے جلد اس کو حل کرنے کی یقین دہانی کروائی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) گڑھی احمد آبادروڈ کی تعمیر کے لیے 85لاکھ روپے کے فنڈز کی منظوری ہو چکی ہے بہت جلد اس روڈ کی تعمیر شروع ہو جائے گی یہ فنڈز پوری ایمانداری کے ساتھ خرچ کیے جائیں گے ان خیالات کا اظہار میئر آف گجرات کے امیدوار حاجی ناصر محمود نے مسلم لیگی راہنما مرزا عبدالروف کے ساتھ ایک خصوصی ملاقات کے دوران کیا اس موقع پر دیگر مسلم لیگی راہنما بھی موجود تھے حاجی ناصر محمود نے کہا کہ گجرات شہر کی تمام یونین کونسلز میں تعمیراتی کاموں کے لیے فنڈز کی منظوری بھی ہو چکی ہے انشاء اللہ بہت جلد شہر بھر کی تمام یوسی میں تعمیراتی کام شروع ہو جائیں گے انہوں نے کہا کہ گڑھی احمد آبادسڑک کی تعمیر کا دیرینہ مسئلہ بھی حل ہو گیاہے،شہر کی تمام یوسی میں بلا امتیاز ترقیاتی کام کیے جائیں گے اس سلسلہ مین وزیر اعلی پنجاب میاں شہباز شریف سے بات چیت بھی ہو چکی ہے بہت جلد فنڈز ریلیز ہو جائیں گے انہوں نے کہا اس کے علاوہ گجرات شہر کے بڑے مسائل کو بھی ہنگامی منیادوں پر حل کیا جائے گا ،اس موقع پر مرزا عبدالرئوف نے کہا کہ مسلم لیگ ن کی حکومت عوامی مسائل حل کرنے میں مخلص ہے حاجی ناصر محمود نے ہمیشہ سے ہی گجرات کی تعمیروترقی کی طرف خصوصی توجہ دی ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ٹی ایم اے گجرات کی سستی اور نااہلی کی وجہ سے ڈھکی قلعہ شمالی اور جنوبی میں ایک ہفتہ سے پانی کی قلت ہے مگر ٹی ایم اے گجرات اس طرف کوئی توجہ نہیں دے رہا جس کی وجہ سے علاقہ کے مکین سخت پریشانی کے عالم میں مبتلا ہیں ،واٹر سپلائی کے پائب بھی جگہ جگہ سے ٹوٹ پھوٹ کا شکا ہو چکے ہین اور لوگ گندا پانی پینے پر مجبور ہو چکے ہیں ٹی ایم اے کے اعلی احکام کو کئی بار آگاہ کیا گیا مگر کوئی شنوائی نہیں ہو رہی اور نہ ہی پائپ لائن کو درست کیا جارہا ہے ،ڈھکی شمالی و جنوبی میں پانی نہ ہونے کی وجہ سے کربلا کا منظر ہے ،ٹی ایم اے کے احکام روزانہ یہ کہہ کت ٹال دیتے ہیں کہ آج واٹر سپلائی کی موٹر خراب ہے بہت جلد ٹھیک ہو جائے گی مگر عوام سخت کرب میں مبتلا ہے کیونکہ عوام اور لوگوں کو روزانہ دور دراز سے پانی لانا پڑتا ہے ،ممتازسماجی کارکن اور سابق امیدوار برائے صوبائی اسمبلی عمرانہ خالد نے ڈی سی او گجرات اور اے ڈی سی گجرات ٹی ایم او گجرات سے فوری نوٹس لینے کا مطالبہ کیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ٹی ایم اے ایمپلائز یونین سی بی اے کے سینئر نائب صدر حاجی مشتاق بٹ نے مسلم لیگ ن کے چینئر راہنما اور سابق امیدوار برائے چیرمین مرزا عبدالرئوف کی کوششوں سے پاک ایمپلائز یونین کے صدر فراست حسین ڈار کی حمایت کا اعلان کرتے ہوئے باقاعدہ طور پر شمولیت کا اعلان کر دیا ہے انہوں نے یہ اعلان گزشتہ روز مرزا عبدالرئوف اور فراست حسین ڈار کے ساتھ ایک خصوصی ملاقات کے بعد کیا ہے ،اس موقع پر حاجی مشتاق بٹ نے کہا کہ انشاء اللہ یونین میں باقاعدہ شمولیت کی ہے آئندہ مل کر یونین کاا لیکشن لڑیں گے مرزا عبدالرئوف اور فراست ڈار کے ساتھ میرے پرانے تعلقات ہیں اور یہی میرا سنگ اور ڈھڑا ہیں انشاء اللہ آئندہ یونین کے پلیٹ فارم سے ٹی ایم اے کے ملازمین کے مسائل کو بہتر انداز میں حلکروائیں گے،اس موقع پر مسلم لیگی رانما مرزا عبدالرئوف نے حاجی مشتاق بٹ کا شکریہ ادا کتے ہوئے کہا کہ حاجی مشتاق بٹ کی شمولیت سے ہماری یونین مضبوط ہو گی ہم ان کو اپنی طرف سے مکمل تعاون کا یقین دلاتے ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی) ضلعی حکومت اس سال12ربیع الاوّل کے موقع پر بہترین چراغاں اور سجاوٹ کرنے والوں میں اوّل، دوئم، سوئم اور10خصوصی انعامات بھی دے گی ان خیالات کا اظہار گذشتہ روز A.C کھاریاں ذوالفقار علی باگڑی نے اپنے دفتر میں میڈیاکے نمائندوں سے گفتگو کرتے ہوئے کیا۔ انہوں نے بتایا کہ اس سلسلہ میں ڈی سی او گجرات لیاقت علی چٹھہ نے کمیٹی بنائی ہے جو کہ پورے ضلع میں وزٹ کرے گی اور بہترین چراغاں، سجاوٹ کرنے والوں کا تعین کرے گی پہلا انعام ایک لاکھ، دوسرا75 ہزار روپے، تیسرا انعام 50ہزار روپے جبکہ10 خصوصی انعامات بھی دیئے جائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی) AC کھاریاں ذوالفقار علی باگڑی نے گذشتہ روز جی ٹی روڈ کھاریاں پریس کلب کی طرف جانے والے راستے پر تزئین و آرائش کے کام کا افتتاح کر دیا۔ اس موقع پر تحصیلدار کھاریاں طارق سعید محسن، TMOملک شفقت منیر، TOR تنویر عباس گجر، سی او شیخ وجاہت حفیظ صدیقی، سینٹری انسپکٹر چوہدری احسان الٰہی اور دیگر افسران بھی موجود تھے اس مقام پر سڑک کے دونوں اطراف میں گھوڑوں کے ماڈلز کو خوبصورتی کے ساتھ نصب کیا گیا ہے صحافی برادری اور عوامی حلقوں کا خراج تحسین۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی) چوہدری تنویر کوٹلہ کو ضلع گجرات کی چیئرمینی کا ٹکٹ ملنا علاقہ بلکہ ضلع بھر کے لئے اعزاز ہے انشاء اللہ یہ بھاری اکثریت سے کامیاب ہوں گے ہم جہاں ان کی کامیابی کے لئے دعا گو ہیں وہاں پر بھرپور کوشش بھی کریں گے ان خیالات کا اظہار راہنما مسلم لیگ(ن) یونین کونسل ڈوگہ محمد ناصر ایوب سیٹھ کونسلر رڑیالہ نے کیا۔ انہوں نے کہا کہ M.N.A چوہدری عابد رضا اور MPA چوہدری شبیر احمد کی خدمات کے اعتراف میں قائدین نے یہ اعتماد کیا ہے انشاء اللہ قائدین کے اعتماد پر پورا اترتے ہوئے ضلع گجرات میں چوہدری تنویر احمد واضح اکثریت سے کامیاب ہوں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی) مرکزی انجمن تاجران کھاریاں کے زیراہتمام منشیات کے خلاف بہترین کارروائیاں کرنے پر پولیس کے حق میں ریلی نکالی گئی جو کہ تھانہ کھاریاں صدر سے شروع ہوئی اور گلیانہ روڈ چوک جی ٹی روڈ پر اختتام پذیر ہوئی جہاں پر مقررین نے SHO تھانہ کھاریاں صدر شہباز ہنجرا کی ٹیم کی DSP کھاریاں غلام محمد کی قیادت میں منشیات فروشوں خصوصاً نسیم اختر عرف کبی پٹھانی کے خلاف موثر کارروائی پر زبردست الفاظ میں خراج تحسین پیش کیا۔ SHO شہباز ہنجرا نے شکریہ ادا کیا اور اس عزم کا اظہارکیا کہ جرائم پیشہ افراد اور بالخصوص منشیات فروشوں کے خلاف آئندہ بھی کارروائیاں جاری رکھی جائیں گی ریلی میں تاجر برادری، سول سوسائٹی اور نجی سکول کے طلباء طالبات اور اساتذہ کرام نے بھی شرکت کی ریلی کے شرکاء سے چوہدری شوکت علی صدر مرکزی انجمن تاجران کھاریاں، SHO شہباز ہنجرا اور دیگر نے بھی خطاب کیا۔ حافظ لیاقت علی جلالی نے اختتامی دعا کروائی اس موقع پر مقامی میڈیا کے نمائندوں نے بھی شرکت کی اور ریلی کی کوریج کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی) چوہدری محمد علی تنویر کوٹلہ بھاری اکثریت سے کامیاب ہوں گے اور اپنے بھائیوں کی خدمت کی روایت کو آگے بڑھائیں گے انشاء اللہ ضلع گجرات کی چیئرمینی کی ”پگ” چوہدری محمد علی تنویر کے سر پر ہی سجے گی ان خیالات کا اظہار نوجوان مسلم لیگی راہنما میاں طاہر الرحمن رڑیالہ نے کیا۔ انہوں نے کہا کہ حلقہ این اے107 کی تعمیر و ترقی کوٹلہ برادران MNA چوہدری عابد رضا اورMPA چوہدری شبیر احمد کوٹلہ کی عوامی بے لوث اور بلاتفریق خدمت کا منہ بولتا ثبوت پیش کر رہی ہے انشاء اللہ چوہدری محمد علی تنویر کامیاب ہو کر اسی طرح ضلع گجرات کو بھی پورے پنجاب میں نمایاں بنائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی) چوہدری محمد علی تنویر کوٹلہ کی کامیابی یقینی ہے ہم ضلع گجرات کی چیئرمین شپ کے لئے مسلم لیگ(ن) کا ٹکٹ ملنے پر مبارکباد پیش کرتے ہیں ان خیالات کا اظہار مشترکہ طور پر راہنما مسلم لیگ(ن) راجہ عبدالرحمن میڑھ پنجوڑیاں اور کونسلر قاضی محمد صفدر پنجوڑیاں نے کیا۔ انہوں نے کہا کہ کوٹلہ برادران کی پارٹی اور عوام کے لئے خدمات کھلی کتاب کی طرح ہیں انشاء اللہ چوہدری محمد علی تنویر ضلع گجرات کی تعمیر و ترقی اور عوامی فلاح و بہبود کے لئے کوئی کسر باقی نہ چھوڑیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی) مختلف اخبارات میں گذشتہ روز قبل میرے اور میرے والد کے خلاف شائع ہونے والی خبر کا حقیقت سے کوئی تعلق نہیں ہے میرے چچا نے میڈیا کے سامنے جو باتیں کی ہیں وہ صریحاً غلط اور بے بنیاد ہیں ان خیالات کا اظہار کاروباری شخصیت راجہ محمد قاسم ولد سابق کونسلرراجہ کاظم حسین نے کیا۔ انہوں نے کہا کہ اس پلاٹ کے ساتھ ہمارا دور دور تک کوئی تعلق نہیں ہے یہ پلاٹ ابھی بھی اوپن پڑا ہے یہاں کوئی تعمیرات نہیں ہو رہی یہ پلاٹ میرے تایا راجہ محمد اعظم کی ملکیت ہے جس سے میرے چچاراجہ حمید کا سرے سے کوئی تعلق نہ ہے کسی کے ورغلانے پر ہمارے خلاف بے بنیاد اور من گھڑت پروپیگنڈہ کیا جا رہا ہے ہم معززین شہر کو دعوت دیتے ہیں کہ وہ موقع پر آ کر حقائق سے خود پردہ اٹھا لیں اگر ہمارے سامنے ایک انچ بھی جگہ ہوئی تو ہم اُسی وقت چچا کو دے دیں گے۔ راجہ محمد قاسم نے اپنے چچا کی طرف سے بے بنیاد اور غلط خبر کی پرزور مذمت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی) سیشن کورٹ جی ٹی روڈ کھاریاں کے سامنے مقامی انتظامیہ کے زیراہتمام شجر کاری مہم کا آغاز کر دیا گیا اس موقع پر اے سی کھاریاں ذوالفقار علی باگڑی، DSPغلام محمد، ایڈیشنل سیشن جج محمد نوید اقبال، ایڈیشنل سیشن جج سیف اللہ ہنجرا، ایڈیشنل سیشن جج شبریز اختر، سول جج میڈم شبانہ جمیل، صدر کھاریاں بار چوہدری خالد حسین ایڈووکیٹ، جنرل سیکرٹری کھاریاں بار چوہدری محبوب علی ایڈووکیٹ، TMO ملک شفقت منیر، سی او وجاہت حفیظ، TOR تنویر عباس گجر اور دیگر وکلاء حضرات، تحصیل انتظامیہ کے افسران اور میڈیا کے نمائندے بھی موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)مولاناظفر علی خان کاقلم ہندوئوںاورانگریز سامراج کے خلاف ننگی تلوارسے زیادہ ثابت ہوا۔مولاناکی طرز سیا ست وصحافت سے اختلافات کے باوجودمخالفین انکی صلاحیتوںکے معترف تھے۔مولاناپنجاب میںہندوئوںاورانگریزکے درباریوں،پاسبانوں،پالشیوں اورمیاںمٹھوئوںسے مغلوب،مظلوم،مقروج ،مفلوج مسلم قوم کاآزادی دلوائی۔ان خیالات کا اظہارسیاسی وسماجی رہنماملک محمدشہبازکلیارنے گورنمنٹ مولاناپوسٹ گریجوایٹ کالج وزیرآبادکی گولڈن جوبلی تقریبات کے سلسلہ میںبابائے صحافت مولاناظفر علی خان اورانکی جدوجہدآزادی کے عنوان سے بین الکلیاتی تقریری مقابلوںکے موقع پرکیا۔اس موقع پر،پرنسپل سرسید سکول محمداصغرچوہدری،خالد محمودچیمہ ،پروفیسرزمحمدارشد بخاری،نذیراحمداعوان،سیدجنید الحسن،اعجازاحمدقصوری،مبشراحمدکھوکھر،راشد عباس چیمہ،حامد الرحمان،ملک خالد حیات بلوچ ،سیدرضا سلطان ودیگربھی موجودتھے۔صدر تقریب پرنسپل پروفیسرڈاکٹرآصف ہزاروی نے کہا کہ برصغیر پاک وہندکی اردوصحافت خوش قسمتی ہے کہ مولاناظفر علی خان جیسے نڈربے باک صحافی ،مصنف میسرآئے مولانانے مسلمانوںکے لئے علیحدہ ریاست کے لئے حق وسچ کاجوپرچم بلندکیاآج انکی کوششوںسے ہم آزادخطہ اراضی میںسانس لے رہے ہیں۔مقررین نے کہا کہ مولاناظفر علی خان کوجدوجہدآزادی کی کوششوںمیںمولانامحمدعبد الغفورہزاروی جیسے علماء کرام کاتعاون حاصل رہا۔ مولاناظفر علی خان اورمولانامحمدعبد الغفورہزاروی نے اپنی شعلہ بیانیوںسے مسلمانوںمیںآزادی کی تڑپ پیداکی انکے جلسوںسے سے مسلمانان ہند ایک نیا جوش وولولہ لیکرجاتے تھے۔بعدازاںتقریری مقابلوںمیںگورنمنٹ مرے کالج سیاکوٹ کے عبد المجید اول،پنجاب کالج ڈسکہ کے حافظ علی حسنین دوئم اورگورنمنٹ کالج آف کامرس وزیرآبادکے حمزہ اشرف کوتیسری پوزیشن حاصل کرنے پر مہمانان خصوصی نے سرٹیفیکیٹ اورٹرافیاںدیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)ڈائریکٹرتاج گارڈن مہرمحمدرفیق بھٹہ،کونسلر خواجہ محمدشعیب اورمعروف سیاسی وسماجی شخصیت لالہ محمدخلیل ،چوہدری محمدیونس سابق کونسلرنے امیدوار چیئرمین میونسپل کمیٹی وزیرآبادبابو شعیب ادریس کومسلم لیگ (ن)کا ٹکٹ ملنے پر مبارکباد پیش کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)ملاوٹ کرنے اورناقص اشیائے خوردونوش فروخت کرنے اورانسانی زندھیوںسے کھیلنے والونسے آہنی ہاتھوںسے نپٹا جا ئے گا۔قیمتوںکے کنٹرول اورمعیارمیںبہتری کے لئے انتظامیہ کی ٹیمیںمارکیٹس،گلی بازاروںکے دورے کرکے عوامی شکایات کازالہ کریںگی۔ان خیالات کا اظہاراسسٹنٹ کمشنروزیرآبادمحمدانوربریارنے مختلف فاسٹ فوڈشاپس ،ریسٹورنٹس اوردوکانوںپرچھاپے مارنے کے دوران این ایف سی کو5ہزار،بسم اللہ سجی کو20ہزارورپے جرمانہ اورحافظ ہوٹل کووارننگ دی۔ جرمانے کئے ۔انہوںنے کہا کہ جومعیاراورکوالٹی کوبہترنہیںکرے گااس کوجرمانے ودیگرسزائیںبھی دی جائینگی۔بعدازاںاے سی محمدانوربریارنے ٹی ایچ کیو ہسپتال وزیرآبادکادورہ کیااورمریضوں کی عیادت کی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)جماعت اسلا می وزیرآبادزون کے امیرناصر محمودکلیرنے کہا ہے کہ جماعت اسلا می حلقہ پی پی 104میںماہ ربیع الاول میںعشرہ ربیع الاول کوشایان شان طریقے سے منانے کی منصوبہ بندی کرلی ہے۔9دسمبر بروزجمعتہ المبارک امیرجماعت اسلا می پاکستان سراج الحق،صوبائی امیرمیاںمقصوداحمد وزیرآبادکادورہ شام 4بجے بائی پاس سے جماعت اسلا می یوتھ ونگ کی شان مصطفیۖ ریلی کی قیادت 6بجے گل میرج ہال میںسیرت النبی ۖ کانفرنس سے خطاب کرینگے۔اس سلسلہ میںکمیٹیاںتشکیل دیکرکام کاآغازہوچکا ہے۔وہ جماعت اسلا می زون کے ذمہ داران کے اجلاس سے خطاب کررہے تھے۔کانفرنس میںمردوںکے علاوہ خواتین بھی بڑی تعدادمیںشرکت کرینگی۔انہوںنے کہا کہ اسکے علا وہ یونین کونسل اوروارڈزکی سطح پرسیرت النبیۖ کانفرنسزاورمحفل نعت کے پروگرامزمنعقدہونگے۔جسمیںفرید احمدپواچہ،حافظ محمداویس،راشدنسیم،عبد الرحمان رانجھا،حافظ غلام مصطفی،بلال قدرت بٹ،ڈاکٹر محمدعبید اللہ گوھرودیگرذمہ داران خطاب کرینگے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)استقبا ل ماہ مبارک ربیع الاول اہلسنت کے ہرفردکی خوشی وشادمانی مسرت کے باعث ہے۔اس ماہ مقدس میںآقا دوجہاںرحمت العالمین ۖ اورمحبوب خداحضرت محمدمصطفی ۖ کی دنیامیںتشریف آوری سے مظلوموں،کمزوروںکورہبرورہنمامل گیا۔آپ ۖ ظالم کے آگے ڈھال بن گئے اورمظلوم کوجینے کے ڈھنگ حاصل ہوگئے۔ان خیالات کااظہارناظم انجمن طلباء اسلا م گورنمنٹ مولاناظفر علی خان پوسٹ گریجوایٹ کالج سید معاذارشدبخاری نے ماہ ربیع الاول ریلی کے موقع پر کیا۔اس موقع پرنائب ناظم فلک شیرگجر،جنرل سیکرٹری شہزاداحمد،جائنٹ سیکرٹری امیرحمزہ کے علا وہ کارکنان انجمن اوراہلسنت جماعت کے افرادکثیر تعدادمیںموجودتھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)نوشین ماڈل ہائی سکول میںجشن عید میلادالنبی ۖ انتہائی جوش وکروش اورتزک واحتشام سے منایا جائے گا۔علی الصبح سکول میںقرآن خوانی کروائی جائے گی اورسرورکائنات حضور نبی کریم ۖ کے حضورنذرانہ عقیدت پیش کیا جائے گا۔بچوںکانعتیہ مقابلہ بھی ہوگا۔صدارت چیئرمین آل پاکستان پرائیویٹ سکولز مینجمنٹ ایسوسی ایشن ملک شکیل احمدکرینگے مہمان خصوصی ڈسٹرکٹ ایجوکیشن آفیسرقمر الزماںہونگے۔اول دوئم اورسوئم آنے والے طالب علموںمیںانعامات تقسیم کئے جائینگے رات کوسکول کی عمارت پرشاندارچراغاںہوگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)خارش زدہ ،زخمی کتوںنے عوام کاجینادوبھرکردیا،لوگوںکوگھرسے باہر نکلنامحال ہوگیا۔سکولوںکے باہرصبح کے وقت یہ آوارہ ؤوارہ اورزخمی کتے طالب علموںاورانکے والدین کے لئے پریشانی کاباعث بن چکے ہیں۔انتظامیہ اس سلسلہ میںکاموش تماشائی کاکرداراداکررہی ہے۔کوئی پرسان حال نہیں۔اس ضمن میںچیئرمین پرائیویٹ سکولزملک شکیل احمداورصدر انجمن تحفظ حقوق عوام افتخاراحمدبٹ نے متعددباراے سی محمدانوربریاراورڈپٹی ڈسٹرکٹ ہیلتھ آفیسرچوہدری محمداصغرکے نوٹس میںیہ بات لائی ہے لیکن کتوںکے خاتمہ کے لئے کوئی موثراقدامات عمل میںنہ لائے جاسکے ہیں۔معلوم ہوا ہے کہ کتوںکے خاتمہ کے لئے دی جانے والی ادویات کافی مہنگی ہیںلہذاء محکمہ ہیلتھ اورٹی ایم اے والے دونوںاس کی ذمہ داری ایک دوسرے پرڈال رہے ہیںجبکہ کتوںکی تعدادمیںاضافہ روزبروزاضافہ ہورہا ہے۔طلبا ء وطالبات سکولزمالکان اوروالدین نے کمشنرگوجرانوالہ سے اصلا ح واحوال کامطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) پاکستان مسلم لیگ کے صدر و سابق وزیراعظم چودھری شجاعت حسین، سینئرمرکزی رہنما و سابق نائب وزیر اعظم چودھری پرویزالٰہی اور مونس الٰہی نے چترال سے اسلام آباد جانے والے مسافر طیارہ کے حادثہ میں جنید جمشید سمیت دیگر قیمتی جانوں کے ضیاع پر دلی رنج و غم کا اظہار کیا ہے۔ مسلم لیگی قائدین نے غمزدہ خاندانوں کیلئے صبر جمیل اور مرحومین کی مغفرت کیلئے دعا کی ہے۔# ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)جمعیت علما پاکستان کے مرکزی صدر پیر اعجاز احمد ہاشمی نے ہارٹ آف ایشیا کانفرنس میںبھارتی رویے کی شدید مذمت کرتے ہوئے زوردیا ہے کہ حکومت خارجہ پالیسی پر نظر ثانی کرے کہ دہشت گردی کا مرکز ہندوستان ہمیں دہشت گرد کیوں کہہ رہا ہے۔ اس کا توڑ کیوں نہیں کیا گیا۔ ہتک آمیزبھارتی رویے کا نوٹس لیا جانا چاہئے۔ قوم کے سامنے وضاحت کی جائے کہ انڈیا سے تعلقات اور تجارت جاری رکھنا پاکستان کی مجبوری کیوں ہے۔افغان صدر اشرف غنی کے الزامات احسان فراموشی اور نمک حرامی کی بدترین مثال ہے۔ علما سے گفتگو میں پیر اعجاز ہاشمی نے کہا کہ مشیر خارجہ سرتاج عزیز پاکستان کا دفاع کرنے میں ناکام رہے ہیں۔مودی ہمیں گالیاں دیتا رہے ، قوم کیسے برداشت کرسکتی ہے۔ اس کی وضاحت کی جائے۔ انہوں نے کہا کہ بھارت کو جنگی جنون کا خمار ہے۔بہادر فوج رکھنے والی ایٹمی قوت پاکستان کے ساتھ ہتک آمیز رویے کا حکمرانوں کو جواب دینا ہوگا۔ ان کا کہنا تھاکہ دنیا جانتی ہے کہ بھارت نے نہ صرف کشمیر بلکہ دوسری ریاستوں میں بھی ہمیشہ انسانی حقوق کی خلاف ورزی کی اور جمہوری اصولوں کو پامال کیا۔ کشمیر میں جاری جنگ آزادی کے طمانچوں سے توجہ ہٹانے کے لئے مودی کبھی لائن آف کنٹر ول اور ورکنگ باونڈری پر گولہ باری کرکے مسائل کھڑے کرتا ہے تو کبھی شہری آبادیوں کو نشانہ بناتا ہے۔ اس پر پارلیمنٹ کو اعتماد میں لے کر نئی خارجہ پالیسی تشکیل دینی چاہیے۔ پیر اعجاز ہاشمی نے کہا کہ پاکستان ایٹمی قوت اور غیرت مند قوم کا ملک ہے۔ حکمران توہین نہ کروائیں۔ کسی ملک کا وزیرخارجہ نہ ہوتو سفارت کاری کیسے کرسکے گا؟ انہوں نے کہا کہ پاکستان نے افغانستان کو بچانے کے لئے ہر طرح کی قربانی دی اور افغان باشندوں کی تیس سال سے میزبانی کررہا ہے مگر اس کے بدلے میں افغان حکمرانوں نے ہمیشہ انڈیا کی غلامی کا طوق اپنے گلے میں ڈال کر بھارتی حکمرانوں کے جوتے پالش کئے ہیں۔ان کا کہنا تھا کہ حکومت کوبھی اس پر غور کرنا چاہئے کہ ہمارے دوستوں میں کمی اور دشمنوں میں اضافہ کیوں ہوتا جارہا ہے۔ ایران ہم سے ناراض ہے۔ افغانستان بھی بھارتی موقف کی حمایت کررہا ہے تو کہیں تو خرابی موجود ہے، جس کی نشاندہی کرنا اور اس کا علاج کرنا ضروری ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی(جی پی آئی)کراچی تاجر الائنس ایسوسی ایشن کے چیئرمین ایاز میمن موتی والا نے کہاہے کہ کسی ایک علاقے کی نہیں پورے کراچی میں بلدیاتی نظام میں بہتر ی لانے کی ضرورت ہے ۔سو روزہ صفائی مہم مسئلے کا حل نہیں ہے بلکہ جب تک شہر قائد کو مکمل طورپر گندگی سے پاک نہیں کردیا جاتا جب تک یہ مشن جاری رکھنا چاہیے اور اس سلسلے میں شہر یوں ،سول سوسائٹی کے لوگوں سمیت ہماری پوری تاجر برادری ہی میئر کراچی وسیم اختر کے ساتھ کھڑی ہے ، ان خیالات کااظہار انہوں نے ڈیفنس آفس میں تاجر برادری کے ایک وفد سے ملاقات میں کیا ،انہوں نے کہاکہ کراچی شہر کو دہشت گردوں نے کہیں کا نہ چھوڑا ہے اس پر انتظامیہ کی لاپرواہی نے بھی اس شہر کی ساکھ کو خراب کیا ہے، کراچی میں اداروں کے پاس ضروری آلات نہ ہونے کے برابر ہیں ۔ حکومت کو فنڈ دینا چاہیے ،صفائی ستھرائی کے لیے موجود مشینریاں ناکارہ ہیں ،ایاز موتی والا نے کہاکہ حکومت ساتھ نہ کھڑی ہوئی تو بلدیاتی اداروں کی کوشش کسی کام کی نہیں ۔انہوں نے کہاکہ بلدیاتی محکمے بغیر اختیارات اور فنڈکے اس شہر قائد کی ترقی کے لیے کچھ نہیں کرسکیں گے ،اگر بلدیاتی اداروں کی باگ ڈور پیپلزپارٹی کے نمائندوں کے پاس آجاتی تو کیا صوبائی حکومت ان کے بھی اختیارات اورترقیاتی فنڈ کو روک لیتی ؟ اس کے لیے ہم سمجھتے ہیں کہ شہر قائد کسی ایک جماعت کا نہیں ہے بلکہ اس میں ڈھائی کروڑ عوام کے حق ہے یہ کراچی پورے پاکستان کی عوام کا ہے اس میں جس انداز میں سیاست کی جارہی ہے اس کا نقصان کسی جماعت کو نہیں بلکہ اس شہر کی کروڑوں عوام اور خود شہر کو اٹھانا پڑرہاہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)شیعہ علما کونسل پنجاب کے صدر علامہ سید سبطین حیدر سبزواری نے کہا ہے کہ وفا ق المدارس الشیعہ کے بانی صدر محسن ملت مولانا صفدر حسین نجفی کی علوم اسلامی کے فروغ اور قومی معاملات میں خدمات ناقابل فراموش ہیں۔ مرحوم تعمیر ملت کا نمایاں کردار، مدارس دینیہ کا جال بچھانے اورقائدین ملت جعفریہ کا ساتھ دینے والے تھے۔سید العلمامولانا صفدر نجفی کی یاد میں منعقدہ نشست سے خطاب میں علامہ سبطین سبزواری نے کہا کہ مرحوم استادالعلمانے 40سے زائد کتب لکھیں اور150 سے زائد مدارس دینیہ پاکستان، عراق ،عرب امارات،یورپ اور امریکہ میں قائم کئے۔ انہوں نے کہا کہ مولانا صفدر نجفی ، قائد تحریک نفاذ فقہ جعفریہ پاکستان مفتی جعفر حسین مرحوم کے ساتھ نائب صدر کے طور پر ذمہ داریاں نبھائیں ، اور ان کی وفات کے بعد علامہ عارف حسین الحسینی شہید کی قیادت سامنے لانے میں اہم کردار ادا کیا۔ جبکہ ان کے شاگرداس وقت دنیا بھر میں اسلامی تعلیمات اور سیرت محمد و آل محمد کے فروغ میں کردار ادا کررہے ہیں۔علامہ سبطین سبزواری نے کہا کہ تفسیر نمونہ کی 27جلدوں اور تفسیر موضوعی کا ترجمہ مرحوم کی کاوشوں کا نتیجہ ہے۔آیت اللہ حافظ ریاض نجفی، قاضی نیاز حسین نقوی، علامہ شیخ محسن علی نجفی اور ان سمیت مرحوم صفدر نجفی کے ہزاروں شاگر د دنیا میں موجود ہیں،جو قوم کی اصلاح اور تحاد امت کے حوالے سے سرگرم ہیں۔انہوں نے کہا کہ مولانا صفدر نجفی کے لگائے گئے ، پودے اب تناور درخت بن چکے ہیں۔ جو قومی ضروریات کو پورا کررہے ہیں۔انہوں نے تفسیر نمونہ کے ترجمے کئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نارووال(جی پی آئی)تحریک اویسیہ پاکستان اوربزم ثنائے حبیب ضلع نارووال کے زیر اہتمام ماہ ربیع الاول شریف میںملک بھر کے مختلف اضلاع میںمحافل میلاد مصطفےٰ ۖ کاشیڈول جاری۔ جس کی صدارت پیر غلام رسول اویسی مرکزی امیر تحریک اویسیہ پاکستان فرمائیں گے جبکہ خصوصی خطاب چیئرمین ادارہ تاجدار یمن پاکستان علامہ پیر محمد تبسم بشیر اویسی مرکزی ناظم اعلیٰ تحریک اویسیہ پاکستان و سجادہ نشین مرکز اویسیاں نارووال فرمائیں گے ۔ محافل میلاد مصطفےٰ ۖ میں علامہ محمد سرور سلہریا صوبائی راہنما مرکزی جماعت اہلسنت پنجاب ،چوہدری محمد یعقوب اویسی ایڈووکیٹ ضلعی صدر تحریک اویسیہ پاکستان، علامہ بشیر اسماعیل سیفی صدر بزم ثنائے حبیب ۖ ضلع نارووال، پیر ارشد محمود قادری نعیمی آستانہ عالیہ تکیہ کلاں شریف، قاری محمد ارشد اویسی ناظم تحریک اویسیہ پاکستان ضلع نارووال، علامہ محمد اعظم عطاری امیر عالمی تنظیم اہلسنت تحصیل نارووال، قاری خالد محمود نقیبی جامع مسجد رحمانیہ ، قاری محمد ناظم چشتی صدر مرکزی جماعت اہلسنت ضلع نارووال،علامہ مفتی محمد طفیل جماعتی آف ظفروال،صوفی شوکت علی اویسی صدر تحریک اویسیہ سٹی نارووال، حافظ محمد عرفان اسلام اویسی صدر بزم رضائے محمد ۖ ضلع نارووال، مولانا علی رضا اویسی دیپوکے،علامہ ملک منیر احمد نعیمی قادری، حافظ سیف الرحمن اویسی ،محمد محسن اویسی،محمد سجاد اویسی،محمد عاصم بشیر اویسی، محمد آکاش شبیر اویسی،علی احمد اویسی،محمد وقاص اویسی اور دیگر خطابات کریں گے ۔شیڈول کے مطابق7دسمبر بدھ بعد نماز عشاء مراکیوال سیالکوٹ،8دسمبر جمعرات گوجرہ نزد منڈی بہائوالدین،9دسمبرجمعہ آستانہ عالیہ وزیر آباد،10دسمبرہفتہ بادامی باغ لوہے والی پلی لاہور،11دسمبراتوار بعد ظہر قلعہ دیدار مصطفےٰ گوجرانوالہ،11دسمبر اتوار بعد عشاء طارق آباد تحصیل پھالیہ ضلع منڈی بہائوالدین،12ربیع الاول پیر بعد نماز فجر جامع مسجد رحمانیہ رحمان پورہ نارووال،12ربیع الاول پیر جلوس مرکز اویسیاں نارووال،12ربیع الاول پیر جامع مسجد بلال قیام پور نزد جسٹر ،13دسمبر منگل برمکان ملک محمد زمان محلہ رسول نگر نارووال،14دسمبر بدھ جامع مسجد کوٹ ناجو تحصیل ظفروال،14دسمبر بدھ برمکان محمد بوٹا صدیق محلہ رسول نگر نارووال،15دسمبر جمعرات جامع مسجد ٹھٹھی بلوچ ہیڈ خانکی گوجرانوالہ،15دسمبر جمعرات برمکان سید احسان شاہ محلہ رسول نگر نارووال،16دسمبر جمعہ بعد عصر آستانہ عالیہ باماں کسانہ شکرگڑھ،16دسمبر جمعہ جامع مسجد گلزار مدینہ محلہ رسول نگر نارووال،16دسمبر جمعہ بعد نماز عشاء گوڑھا جٹاں سرائے عالمگیر،17دسمبر جمعہ بعد عشاء گرین سٹی نارووال،17دسمبر ہفتہ جامع مسجد محبوب ربانی گھاس منڈی نارووال،17دسمبر ہفتہ بعدنماز عشاء ملک پور نزد بدوملہی،18دسمبر اتوار اڈہ ماچھی والا موڑ کھنڈا ضلع ننکانہ،20دسمبر منگل بھروکے نزد بڈیانہ،21دسمبر بدھ خان پور نزد سرائے عالمگیر،22دسمبر جمعرات آستانہ عالیہ نقشبندیہ سرداریہ محلہ افضال پورہ نارووال،23دسمبر جمعہ برمکان ملک محمد امین مشتاق محلہ رسول نگر نارووال،24دسمبر ہفتہ بعد نماز عشاء کوٹلی نزد شکرگڑھ،24دسمبر ہفتہ بعد نماز عشاء باغبانپور ہ لاہور،25دسمبر اتوار دن 11بجے چکرالی نزد مردانہ شریف شیخوپورہ،25دسمبر اتوار بعد عشاء سیہول نزد دھم تھل،25دسمبر اتوار برمکان محمد شہزاد اکرم محلہ رسول نگر نارووال،26دسمبر بروز پیر بعد عشاء جامع مسجد گلزار مدینہ محلہ رسول نگر نارووال،27دسمبر بروز منگل صبح 9بجے مرکز اویسیاں محلہ رسول نگر نارووال،27دسمبر بدھ برمکان ملک محمد عبد اللہ اسلم محلہ رسول نگر نارووال اور31دسمبر ہفتہ بوتھ نزد دربار بابا سرور شہید سیالکوٹ منعقد ہو گی ۔محافل میلاد مصطفےٰ ۖ میں ملک و ملت کی سلامتی اور قیام امن کیلئے خصوصی دعا کی جائیگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی(جی پی آئی)پاکستان تحریک انصاف کے رہنما حلیم عادل شیخ نے کہاہے کہ وزیراعظم کی پاکدامنی اور معصومیت کے قصے بہت دررناک ہیں، حکمرانوں کے نزید آئین اور قانون کی بالا دستی وزیراعظم ہائوس کی بالادستی سے بڑھ کر نہیں ہیں ۔نواز لیگ کے ڈھنڈورچی وزیراعظم کو بچانے کے لیے ایک کمزور کیس کی مسلسل حمایت کررہے ہیں جو کسی بھی لحاظ سے آسان کام نہیں ہے ،عدالت سے نکلتے ہی ان کی شکلوں سے معلوم ہو جاتا ہے کہ اب یہ وزیراعظم کی مداح سرائی کا کونسا نغمہ بجانے والے ہیں۔عادل ہائو س سے جاری بیان میں حلیم عادل شیخ کا کہنا تھا کہ ملک میں کر پشن اورناانصافی پھیلانا ان لوگوں کا محبوب مشغلہ ہے ، اس وقت کچھ وفاقی کابینہ کے ممبران یا اس قسم کے عہدے پر فائز ہونے کے خواہشمند لیڈران وزیراعظم کی معصومیت کا ڈھونڈرا پیٹتے نہیں تھکتے ،نواز لیگ کے یہ سیاستدان صرف پرائم منسٹر ہائوس کی میڈیا سیل کی خوشنودی حاصل کرنے کے لیے آئے روز بے تکی پریس کانفرنسیں کررہے ہوتے ہیں ، جیسی BMWمریم نواز کے پاس ہے اس طرح کی گاڑیاں حکومت کو سرکاری طور پر منگوالینی چاہیئے جس کی فروخت سے کئی گناہ فائدہ ملتاہے ، حلیم عادل شیخ نے کہاکہ عوام سے ووٹ لیکر عوام کو ہی لوٹنا توکوئی شریف برادران سے ہی سیکھ سکتا ہے ۔قومی سرمائے کو داداجی کا سرمایہ بتا کر قوم کو بے وقوف بنایا گیاہے ،انہوں نے کہاکہ ہم سمجھتے ہیںکہ دسمبر کے مہینے میں پانامہ کے کیس کا فیصلہ ہوجاناچاہیئے کیونکہ یہ معاملہ جتنا طویل ہوا اس کا فائدہ کرپٹ حکمرانوںکو ملے گا اور عوام کو موجود ہ حکمرانوں کو مزید جھیلنے کا صدمہ برداشت کرنا پڑے گا،ا نہوں نے مزید کہاکہ یہ سب ہی جان چکے ہیں کہ حکمران اپنا اقتدار بچانے کے لیے طرح طرح کے جھوٹ بول رہے ہیں۔
اویس اسد خان 11 ویں نیشنل بنک کپ باسکٹ بال ٹورنامنٹ کے کھلاڑیوں میں انعامات تقسیم کرینگے
گجرات کی خبروں کی تصویری جھلکیاں
