گجرات (جی پی آئی) 28 محرم الحرام کو رانا مشرف علی ناز مرحوم کی رہائشگاہ پر سالانہ مجلس عزاء منعقد ہو گی۔ جس کے بعد رایتی جلوس شبیہہ ذوالجناح عقیدت و احترام کے ساتھ برآمد ہو گا۔ گزشتہ روز 28 محرم الحرام کے انتظامات کا جائزہ لینے کے سلسلہ میں میٹنگ کا انعقاد کیا گیا۔ جس سے خطاب کرتے ہوئے بانی 28 محرم الحرام مجلس عزاء رانا ثاقب مشرف نے کہا کہ 28 محرم الحرام کے جلوس کے سلسلہ میں انتظامات مکمل کئے جا رہے ہیں۔ حسب روایت یہ جلوس عقیدت و احترام کے ساتھ برآمد ہو گا جس کے انتظامات میرے ساتھ سید کاظم عباس کاظمی’ سید عرفان کاظمی’ سید گلفام کاظمی’ کے زیر انتظام منعقد ہو گا ۔ جلوس کے تمام انتظامات و لنگر انہی برادران کے زیر انتظام ہوں گے۔ گزشتہ دنوں ایک مقامی جریدہ میں انٹرویو کے دوران کچھ نام سہواً لکھے گئے ۔ کاظمی برادران کے ساتھ ملکر ہر سال کی طرح اس سال بھی جلوس بھر پور طریقہ سے برآمدہو گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ممتاز ثناء خوان رسول غلام سرور نقشبندی نے ممتاز کاروباری شخصیت صوفی محمد افضل کو حج کی سعادت حاصل کرنے پر مبارکباد پیش کی ہے اور کہا ہے کہ حج بیت اللہ کا شرف بہت بڑی سعادت ہے۔ اللہ تعالیٰ ہر مسلمان کو یہ شرف حاصل کرنے کی توفیق عطا فرمائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) سرپرست علماء مشائخ بورڈ نے جامع مسجد نظامی میں محفل میں خطاب کرتے ہوئے کہا کہ اللہ کو اپنے بندے کا سب سے محبوب عمل اس کی مقررہ وقت کی نماز ہے۔ اور اللہ کو سب سے زیادہ نا پسند عمل کلمہ گو کا نماز نہ پڑھنا ہے۔ حدیث پاک میں آیا ہے پیارے محبوب ۖ نے ارشاد فرمایا اے صحابہ بتائو اگر کسی کے دروازے پر ایک دریا ہو اور وہ دن رات میں پانچ دفعہ غسل کرے تو اس کے جسم پر میل رہ جائے گی تو صحابہ کرام نے عرض کی یا آقا ۖ اس کا بدن بالکل صاف ہو جائے گا۔ فرمایا پانچ وقت کی نمازوں کی مثال بھی ایس یہی ہے۔ ایک اور حدیث میں فرمایا قیامت کے روز اللہ تعالیج اپنے بندوں سے جو سب سے پہلا سوال کرے گا وہ نماز ہے۔ حدیث پاک میں ہے کہ اللہ نے اپنے بندے سے بہت پکا وعدہ کیا ہے کہ جو بندہ پانچ وقت نماز فرض ادا کرے گا نماز قائم کرے گا اس کو جنت میں داخل کرے گا۔ ایک حدیث میں آقا ۖ نے قسم اٹھا کر فرمایا مجھے قسم ہے اس ذات کی جس کے قبضہ قدرت میں میری جان ہے۔ میں نے ارادہ کیا کہ صحابہ کو لکڑیاں اکٹھی کرنے کا حکم دوں پھر نماز پڑھنے کا حکم دوں اور اذان کہی جائے پھر ایک آدمی کو حکم دوں کہ لوگوں کی امامت کرے پھر ایسے لوگوں کو جو نماز نہیں پڑھتے۔ ان کے گھروں کو آگ لگا کرجلانے کا حکم دیتا مگر ان گھروں میں بچے اور بوڑھے ہیں ہر وہ مسلمان اچھا ہے جو مصروفیت کے باوجود نماز نہیں چھوڑتا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) جنرل سیکرٹری امام بارگاہ سید فرزند علی شاہ سید مظہر عباس کاظمی نے عشرہ محرم الحرام کے دوران انتظامی امور اور شاندار حفاظتی انتظامات کرنے پر ڈسٹرکٹ گورنمنٹ خصوصاً ڈی سی او گجرات لیاقت علی چٹھہ، ڈی پی او گجرات سہیل ظفر چٹھہ ،ADCG عرفان علی کاٹھیا، TMO خرم ترہنگی ، اسسٹنٹ کمشنر نور العین ۔ DSP سٹی عرفان الحق سلہریا، DSP ٹریفک عبدالغنی ، SHO تھانہ بی ڈویژن امجد جاوید کو خراجِ تحسین پیش کیا ہے۔ ہم ضلعی گورنمنٹ کے کردار کو سراہتے ہیں اور آئندہ بھی اپنے بھرپور تعاون کی یقین دہانی کرواتے ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ممتاز صحافی عامر چوہدری ، ڈاکٹر رزاق احمد غفاری اور ذوالفقار علی باجوہ نے مشترکہ بیان میں کھیلوں کے فروغ کیلئے شاندار خدمات پر ڈسٹرکٹ سپورٹس کمیٹی کے ممبران خصوصی ڈسٹرکٹ سپورٹس آفیسر ندیم حسین بٹ کو خراجِ تحسین پیش کیا ہے۔ جن کی شبانہ روز کاوشوں سے ضلع گجرات میں کھیلوں کا فروغ ممکن ہوا ہے۔ انہوں نے کہا کہ کھیل نوجوانوں کی بہتری کیلئے بہت ضروری ہیں۔ جب تک کھیل کے میدان آباد نہ ہوں گے ملکی نوجوان ترقی نہیں کر سکے گا۔ DSO ندیم بٹ نے جب سے چارج سنبھالا ہے کھیلوں کا فروغ ہو رہا ہے جس کیلئے ہم ڈسٹرکٹ سپورٹس آفیسر ندیم بٹ کو مبارکباد پیش کرتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) سٹیزن فرنٹ ضلع گجرات کے صدر چوہدری علی ابرار جوڑا کی قیادت میں ایک وفد نے ضلعی امیر ڈاکٹر طارق سلیم کے صاحبزادے کی دعوت ولیمہ میں شرکت کی اور انکو مبارکباد پیش کی۔ اس دوران وفد نے مختلف سیاسی و سماجی شخصیات سے ملاقاتیں بھی کیں۔ وفد میں چوہدری علی ابرار جوڑا کے ہمراہ شیخ عرفان پرویز’ مہر مشتاق احمد’ و دیگر شامل تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈی سی او لیاقت عل چٹھہ نے کہا ہے کہ دودھ بنیادی انسانی ضرورت ہے، شہریوں کے تعاون سے دودھ میں ملاوٹ کرنیوالوں کو بے نقاب کرکے کڑی سزا ئیں دی جائیں گی۔ ان خیالات کا اظہا ر انہوںنے لائیو سٹاک ڈیپارٹمنٹ کے زیر اہتمام دودھ کانفرنس سے خطاب کرتے ہوئے کیا، ڈائریکٹر لائیو سٹاک گوجرانوالہ ڈویژن ڈاکٹر غلام محمد گل، ڈی او لائیو سٹاک ڈاکٹر واجد ارشد، ڈی او زراعت مبشر چیمہ ، ڈاکٹر طاہر عزیز ، ڈاکٹر خرم شاہ و دیگر نے بھی اظہار خیال کیا جبکہ کانفرنس میں ڈاکٹرز، کسانوں، خواتین سمیت دودھ کی پیداوار سے استعمال کرنیوالے افراد کی بڑی تعداد نے شرکت کی۔ ڈی سی او لیاقت علی چٹھہ نے کہا کہ دودھ میں ملاوٹ کے مذموم کاروبار کی روک تھام کیلئے شہریوں کا تعاون ناگزیر ہے، شہری سے دودھ میں کیمکل، پائوڈر، یوریا اور دیگر خطرناک اجزا کی ملاوٹ کرنیوالوں کی نشاندہی کریں ، کامیاب ریڈ پر نشاندہی کرنیوالو ں کو 50ہزار روپے انعام دیا جائے گا۔ انہوںنے کہا کہ ضلع گجرات میں دودھ میںملاوٹ کرنیوالوںکے خلاف کاروائی کیلئے اسسٹنٹ کمشنرز کی سربراہی میں پہلے ہی ٹیمیں کام کررہی ہیں اور اے سی گجرات اور اے سی سرائے عالمگیر نے ہزاروں لٹر کیمکل سے تیار کردہ اور ملاوٹ شدہ دودھ ضائع کرکے اس کاروبار میں ملوث عناصر کے خلاف سخت کاروائی کی ہے۔ انہوںنے کہا کہ ضلع میں شہریوں کو بہترین دودھ کی فراہمی کیلئے ضلع میں ماڈل شاپس کی حوصلہ افزائی کی جارہی ہے جہاں دودھ کی قیمت عام دوکانوں سے 10روپے فی لٹر زیادہ مقرر کی گئی ہے۔ ڈی سی او لیاقت علی چٹھہ نے کہا کہ کیمکل ، پاوڈر، یوریا جیسے خطرنا ک اجزا سے تیار کردہ دودھ انسانی گردوں اور جسمانی صحت کیلئے نہایت خطرناک ہے، اس مکروہ دھندے کی روک تھام کرکے شہریوں کو بیماریوں سے محفوظ رکھنے کے ساتھ صحت کے بجٹ کو کم اور دیگر فلاحی منصوبوںکیلئے استعمال کیا جاسکتا ہے۔ ڈائریکٹر لائیو سٹاک ڈاکٹر غلام محمد گل نے کہا کہ دودھ ایک مکمل غذا ہے تاہم خطرناک اجزا سے تیار کردہ ڈبے کا دودھ کینسر، گردے اور دیگر خطرناک بیماریوں میں اضافہ کا باعث بن رہا ہے جس کے حوالے سے شہریوںمیں آگاہی نہایت ضروری ہے، ملاوٹ کرکے دودھ فروخت کرنے والے اور کیمکل و پائوڈر استعمال کرکے دودھ گاڑھا کرنیوالے انسانی صحت سے کھیل رہے ہیں جن کے خلاف سخت ترین ایکشن لیا جانا چاہیے۔ انہوںنے کسانوں سمیت مختلف شعبہ ہائے زندگی سے تعلق رکھنے والے افراد پر زور دیا کہ وہ خالص دودھ کے حصول کیلئے مویشی بانی پر توجہ دیں ۔ اس سے قبل ڈی اولائیو سٹاک ڈاکٹر واجد ارشد نے خطبہ استقبالہ پیش کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) شہباز شریف پارک میں سیر کیلئے آنیوالوں کی توجہ کیلئے سہولیات میں ہر ممکن اضافہ کیا جائے گا، پارک کے ساتھ منی چڑیا گھر میں جانوروں کی تعداد میں اضافہ کیلئے اقدامات کئے جائیں گے، شہری پارک کے چڑیا گھر کیلئے جانور یا پرندے دینا چاہیں تو انکے پنجرے پر عطیہ کرنیوالوں کے نام بھی آویزاں کئے جائیں گے۔ ان خیالات کا اظہار ڈی سی او لیاقت علی چٹھہ نے شہباز شریف پارک بورڈ آف گورنرز کے اجلاس سے خطاب کرتے ہوئے کیا، ایڈیشنل کمشنر اشتمال ملک غضنفر اعوان، ڈی او بلڈنگزمحمدشریف، ڈی او پلاننگ حافظ مبشر ، ڈی او فارسٹ قاضی عبدالرحیم، صدرچیمبر ابرار سعید، صدر پریس کلب سید عرفان جعفری،ممبر پنجاب بار چوہدری فیاض ایڈووکیٹ، ذیشان زیب بٹ، نگہت قریشی، شہزادہ عبدالمجید، سیٹھ قمر، عدنان خان، اسلم چیمہ و دیگر بھی موجود تھے۔ ڈی سی او لیاقت علی چٹھہ نے کہا کہ پارک کے داخلی گیٹ کے قریب خوبصورت مسجد تعمیر کی جائے گی جس کیلئے منصوبہ بندی کی جارہی ہے، پارک کے ساتھ سڑک کو 32فٹ چوڑا تعمیر کیا جائیگا، سیر کیلئے آنیوالوںکی سہولت کیلئے مزید مقامات پر واٹر کولر لگائے جائیںنیز بچوں کی دلچسپی کیلئے مختلف گیمرز کا بھی اضافہ کیا جائے جس میں جھیل کے ساتھ خوبصورت پہاڑی ، جوائے لینڈ اور دیگر پراجیکٹس شامل ہیں۔ ڈی سی او لیاقت علی چٹھہ نے کہا کہ وزیر اعلی پنجاب کی ہدایات کے مطابق ایسے انتظامات کئے جارہے ہیں کہ پارک معاشی لحاظ سے خود کفیل ہو۔ ڈی سی او لیاقت علی چٹھہ نے کہا کہ پارک سے منسلک 10ایکٹر اراضی ریسٹورنٹ اور دیگر مقاصد کیلئے وقف کی گئی ہے اس کے ساتھ یہاںشوٹنگ کلب بھی بنایا جائے گا جس سے اس اہم کھیل کو فروغ دینے میں مدد ملے گی ۔انہوںنے ڈی او فارسٹ اور نگران کو ہدایت کی کہ پارک میں صفائی کیلئے مزید عملہ تعینات کیا جائے ۔ اس سے قبل بورڈ آف گورنرز کے ممبران نے پارک کو خوبصورت اور بہتر بنانے کیلئے تجاویز پیش کیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) استحکام پاکستان کیلئے اتحاد و یکجہتی انتہائی ضروری ہے ۔ فرقہ واریت کے خاتمے اور امن کے فروغ کیلئے تمام فروعی اختلافات ختم کرکے تمام مسالک کو مشترکات پر متحد ہوجانا چاہیے۔اتحاد امت وقت کا تقاضا بھی ہے اور امتِ مسلمہ کے غلبہ کیلئے سنگِ میل بھی۔ ہمارے اسلاف صحابہ کرام اور آلِ رسول ۖ نے امت کے اتحاد کیلئے بے پناہ قربانیاں دیں ۔ آج پاکستان کو ترقی یافتہ بنانے کیلئے پوری قوم کو پاک فوج کے ہاتھ مضبوط بنانے ہوں گے ۔ ملک دشمن عناصر اور بھارت اپنے مذموم مقاصد کی تکمیل کیلئے دہشت گردی اور فرقہ واریت کو ہوا دیتا ہے ۔ ماہِ محرم الحرام میں تمام سٹیک ہولڈز نے ذمہ داری کا ثبوت دیتے ہوئے بین المسالک و بین المذاہب ہم آہنگی کو فروغ دیا جس سے عشرۂ محرم پر امن گزرا ۔ ہم پاک فوج اور حکومت کی بہترین حکمتِ عملی کو خراج تحسین پیش کرتے ہیں اور مذہبی راہنمائوں کے جذبۂ حب الوطنی کو بھی داد دیتے ہیں۔ تحریک اویسیہ پاکستان انشاء اللہ ملک و ملت کے مفاد اور فروغ امن و دفاعِ پاکستان کیلئے ہمیشہ اقدامات اُٹھاتی رہے گی۔6نومبر2016ء اتوار دن 1بجے کمیونٹی ویلفیئر سنٹر آڈیٹوریم آبپارہ اسلام آباد میں تحریک اویسیہ پاکستان راولپنڈی /اسلام آباد کے زیر اہتمام منعقد ہونے والی اتحاد امت و دفاعِ پاکستان کانفرنس بھی اسی سلسلہ کی کڑی ہے ۔ انشاء اللہ سیدنا خواجہ اویس قرنی رضی اللہ عنہ کے فیضان سے اس کانفرنس میں اتحاد امت دفاع پاکستان کے حوالے سے بہترین تجاویز سامنے آئیں گی ۔ کیونکہ پاکستان کی ترقی و استحکام ہمیں جان سے بھی عزیز ہے ۔ ان خیالات کا اظہار مرکزی امیر تحریک اویسیہ پاکستان پیر غلام رسول اویسی ، نائب امیر میاں غلام اویس اویسی اور مرکزی ناظم اعلیٰ علامہ پیر محمد تبسم بشیر اویسی نے ڈھوک سبال ،سوہاوہ ،جہلم ،گوجر خاں، روات اور راولپنڈی /اسلام آباد میں تنظیمی اجلاسوں سے خطاب کرتے ہوئے کیا ۔ انہوں نے کہا ہم سیدنا خواجہ اویس قرنی رضی اللہ عنہ کی روحانی اولاد ہیں ۔ ان کے جذبۂ عشقِ رسول ۖ کو فروغ دے کر درود و سلام کی صدائوں کو بلند کر کے ہم بارود کی بدبو کا خاتمہ کریں گے ۔پاک فوج جذبۂ حسینی علیہ السلام کی آئینہ دار ہے ۔وطن عزیز کے دفاع کیلئے ہم پاک فوج کے شانہ بشانہ ہیں ۔انہوں نے کہا کہ پاکستان اسلام کے نام پر بنا اس میں اسلامی نظام کے مطابق گستاخانِ رسول کو سزائیں ہونی چاہئیں۔ ہمیں مذہبی، لسانی،صوبائی اور نسلی تعصبات سے باہر نکل کر حقیقی مسلمان اور پاکستانی بننا چاہئے ۔اجلاسوں میں جانشین شیخ القرآن پیر محمد عارف ہزاروی نے خطاب کرتے ہوئے کہا پاکستان ہمارے بزرگوں کی قربانیوں کا ثمر ہے ۔ اس موقعہ پر محمد عاصم بشیر اویسی، محمد محسن اویسی، مظہر قیوم اویسی ، غلام رسول اویسی، محمد سجاد اویسی ،تاج دین اویسی،خرم شہزاد اویسی،محمد ساجد اویسی اور دیگر نے بھی خطابات کیے ۔اس موقعہ پر کانفرنس کے انتظامات کا جائزہ لیا گیا اور کمیٹیاں تشکیل دے دی گئیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی) یونین کونسل بدر مرجان وائس چیئرمین چوہدری اجمل حسین پیارا گروپ کا یوتھ ممبر کا امیدوار راہنما پی ٹی آئی ملک جاوید اقبال بدر مرجان، حاجی ملک شوکت بدر مرجان، حاجی چوہدری محمد اکرم پیارا کا حمایت یافتہ چوہدری عمر منور سندھاریہ بلامقابلہ کامیاب ہو گیا اس کامیابی پر دوست احباب معززین علاقہ اور پی ٹی آئی کارکنوں نے مبارکباد پیش کی ہے یاد رہے کہ چوہدری عمر منور معروف سیاسی سماجی کاروباری شخصیت ٹھیکیدار چوہدری منور حسین سندھاریہ کا صاحبزادہ ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی) میونسپل کمیٹی کھاریاں سے PTI کے یوتھ ممبر عاکف بھٹی بلامقابلہ کامیاب ہو گئے اس موقع پر باقی امیدواروں کے کاغذات کی جانچ پڑتال کا عمل بھی مکمل ہو گیا۔ آر او ڈاکٹر عابد غوری نے کاغذات کی جانچ پڑتال کی اس موقع پر مسلم لیگ(ن) اور پی ٹی آئی منتخب کونسلرز بھی موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی) کونسلر یونین کونسل ڈوگہ ملک عمران حسین ڈوگہ نے مخصوص نشستوں پر کلین سویپ کرنے پر قائدین کوٹلہ برادران کو خراج تحسین جبکہ چیئرمین ملک محمد اشفاق اعوان ڈوگہ، وائس چیئرمین حاجی راجہ فضل الرحمن مکوال اور نومنتخب لیڈی ممبران، کسان ممبر اور یوتھ ممبر کو مبارکباد دی ہے انہوں نے کہا کہ یونین کونسل ڈوگہ کی تعمیر و ترقی اور عوام کی فلاح و بہبود کے لئے اپنے لیڈروں کی قیادت میں اپنے تمام تر وسائل اور صلاحیتوں کو بروئے کار لائیں گے اور یونین کونسل ڈوگہ کو مثالی بنائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی) ممبر قومی اسمبلی حلقہ این اے107 چوہدری عابد رضا کوٹلہ اورMPA چوہدری شبیر احمد کوٹلہ نے مسلم لیگ(ن) کے نومنتخب چیئرمین راجہ ظفر الحق، صدر میاں محمد نواز شریف اور دیگر عہدیداران کو مبارکباد دی ہے اور کہا ہے کہ مسلم لیگ(ن) اقتدار کی نہیں بلکہ اقدار کی سیاست کرتی ہے انٹرا پارٹی الیکشن کروا کر جمہوری اقدار کو پروان چڑھایا گیا ہے وزیراعظم میاںمحمد نواز شریف کا مسلسل پارٹی کا صدر منتخب ہونا ان کی حب الوطنی اور ہردلعزیز لیڈر ہونے کا منہ بولتا ثبوت ہے ہم نومنتخب عہدیداران کو مبارکباد پیش کرتے ہیں اور امید بھی ظاہر کرتے ہیں کہ نومنتخب عہدیداران حسب سابق اپنی بہترین پیشہ وارانہ صلاحیتوں کو بروئے کار لاتے ہوئے پارٹی کی مضبوطی کے لئے کام کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی) نائب صدر خواتین ونگ PTI صوبہ پنجاب تاشفین صفدر مرالہ اور مرکزی راہنما چوہدری شاہد محمود نے کہا ہے کہ صرف PTI ہی وہ واحد سیاسی جماعت ہے جو کہ جمہوریت اور جمہوری اقدار پر یقین رکھتا ہے اور عمل بھی کرتی ہے مسلم لیگ(ن) کے انٹرا پارٹی الیکشن نہیں سلیکشن تھے اس کو جمہوری نہیں بلکہ آمرانہ اقدام کیا گیا کارکنان ووٹ ڈالنے تو ضرور آئے مگر ووٹ نہ ڈال سکے آمرانہ سوچ رکھنے والے حکمرانوں نے اپنے ہی کارکنوں کے ساتھ بھی مذاق کر گئے جس طرح PTI نے انٹرا پارٹی الیکشن کروائے وہ جمہوری عمل تھا مسلم لیگ(ن) کے لیڈران/ حکمران جھوٹ کا سہارا لے رہے ہیں وزیراعظم نے خطاب میں آلو اور سبزیوں کی قیمتیں غلط بتا کر بھی جھوٹ بولا جو کہ ثابت ہو چکا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی) ذوالفقار علی باگڑی اسسٹنٹ کمشنر کھاریاںکا ہمراہ منشاالرحمان چیف انسٹرکٹر سول ڈیفنس گجرات علاقہ تھانہ ڈنگہ کا دورہ دوران چیکنگ گیس ری فلنگ کرنے اور آگ بجھانے والے آلہ جات نہ ہونے پر فریاد علی، رضوان حیدر، سید اقرار حسین، عبدالستار، محمد یوسف ، عمران ، آصف علی، محمد رمضان ،ملک غلام حسین اور نبیل احمد کے خلاف سخت کاروائی، چالان مرتب کرکے علاقہ مجسٹریٹ جناب نوید عباس سول جج صاحب کھاریاں کی عدالت میں ارسال کردیے گئے ہیں۔ذوالفقار علی باگڑی اسسٹنٹ کمشنر کھاریاںکا تحصیل میں عطائی ڈاکٹروں کے خلاف کریک ڈائون شروع۔ تمام عطائی ڈاکٹروں کو وارننگ دی گئی ہے کہ وہ فوری طور پر کام چھوڑ دیں وگرنہ سخت کاروائی عمل میں لائی جائے گی۔ وارننگ کے 7یوم بعد کاروائی شروع ہوگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)حضرت امام حسین کی قربا نی نے اسلا م کوقیامت تک کے لئے زندہ کردیا۔مسلمان قیامت تک حسینیت پرمحبت وعقیدت کے پھو ل نچھاورکرتے رہیںگے۔نواسہ رسول حضرت امام حسین کاتابندہ کردارقیامت تک ملت اسلا میہ کی راہنما ئی کرتا رہے گا۔ان خیالات کا اظہارعلا مہ مولاناسید احمدرضا شاہ اورقاری عبا س احسان نے مسجد عثمانیہ گلی ارائیاںوزیرآبادمیںشہادت امام حسین کانفرنس کے موقع پر کیا۔اس موقع پر محمدیاسین سندھو،ملک محمدریاض،ملک عبد الستار،مرزا ندیم بیگ ودیگر بھی موجودتھے۔انہوںنے کہا کہ نواسہ رسول جگر گوشہ بتول سیدنا حضرت امام حسین وہ عظیم المرتبت ہستی ہیںجنہوںنے اپنے خون سے نوروہدایت کے وہ چراغ روشن کئے جوجو متلا شیان حق کے دلوںپرابدی سرمدی صبح صادق طلوع کرگئے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)سیکرٹری جنرل جماعت اسلا می پاکستان لیاقت بلو چ نے کہا ہے کرپشن ،غربت،مہنگائی اوربے روزگاری نظام کی ماںاورترقی کی راہ میںبڑی رکاوٹ ہے۔جمہوریت بلیک میلنگ سے عوام کواحتساب کے مطالبہ سے دستبردارنہیںکروایا جاسکتا۔اسلا م آبادبند ہونہ ہوکرپشن کامکروہ کھیل بندہونا چا ہئے۔کرپشن کے خلاف 23اکتوبرکوپشاوراور30اکتوبرکولاہورمیںجلسے ہونگے۔وہ صابر حسین بٹ کی زیرقیادت جماعت اسلا می یوتھ ونگ کے وفدسے ملاقات کررہے تھے۔وفدمیںزمان حیدرچیمہ،عدنان انورکھرل،اویس جاوید ملک،ندیم صادق تارڑ،عقیل احمدسمیت متعددذ مہ داران موجودتھے۔انہوںنے کہا کہ نوجوان کے کردارکے بغیرمعاشرہ میںتبدیلی ممکن نہیں۔نوجوان ملک کی تقدیربدلنے کے لئے اٹھ کھڑے ہوں۔انہوںنے کہا کہ یوتھ ونگ کے نوجوان ہمارے ماتھے کاجھومر اورہراول دستہ ہیں۔کرپشن کے خاتمے ،امن وامان کے قیام کے لئے انہیںمتحد کیا جائے۔انہوںنے کہا کہ اقامت دین اورغلبہ اسلا م کے لئے جدوجہدکرنا اصل زندگی ہے جب تک ملک میںاللہ کانظام نافذنہیںہوتاقیا م پاکستان کے مقاصدپورے نہیںہونگے۔جماعت اسلا می کی بے با ک اورخداخوف قیادت ہی ملک کوبحرانوںسے نجات دلا سکتی ہے۔انہوںنے کہا کہ انگریز سے وفاداری کے عوض جاگیریںلینے والوںنے عوام کی زندگی اجیرن کردی ہے۔لٹیرے زمین کی سات تہوںمیںبھی چھپ جائیںعوام باہر نکا لیںگے۔کسی جاگیردارکوقومی دولت ہضم کرنے کاموقع نہیںدینگے۔لیاقت بلوچ نے کہا کہ زرداری،مشرف سمیت سب کااحتساب ہونا چا ہئے۔احتساب کمیشن کااعلان کیا جائے وزیراعظم کادامن صاف ہے توثابت کریں۔کرپٹ حکمرانوںنے ملکی اداروںکویرغمال بنا رکھاہے۔انہوںنے کہا کہ وسائل کی غیرمنصفانہ تقسیم نے غریب کوتعلیم،صحت،روزگاراورچھت سے محروم رکھا حکمران ٹولہ عیش کررہاہے۔مغل شہزادوںاورسیا سی برہمنوںسے نجات کے لئے عوام جماعت اسلا می کاساتھ دیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)مسلم لیگ (ن)کے رہنماامیدوارا برا ئے چیئرمین وزیرآباد محمدطارق گوندل نے کہا ہے کہ دھرنے والے پہلے کی طرح اپنے مذموم مقاصدمیںناکام ہوئے اوراب بھی ہونگے۔اسلا م آبادکو غنڈہ گردی سے بندکرنے کے خواب دیکھنے والے پاکستان کی ترقی کی راہ میںرکاوٹ ہیں۔مسلم لیگ نواز کایجنڈاترقی کاایجنڈا ہے ۔انہوںنے کہا کہ مسلم لیگ (ن)کے سیا سی مخالف احتجاج ضرور کریںمگروہ اپنی حدسے تجاوزنہ کریں۔راہداری منصوبہ ملک کی خوشحالی کی ضمانت ہے اس کے مکمل ہونے سے ملک سے بے روزگاری کاخاتمہ ،تجاوت کوفروغ،سستی بجلی کی فراہمی کے علا وہ بے شمار فوائد حاصل ہونگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)جماعت اسلا می یوتھ ونگ وزیرآبادزون کے صدرزما ن حیدرچیمہ ،عثمان حیدرچیمہ کی بھا نجی ،عنصر چیمہ کی بیٹی، سکندرچیمہ ،فاروق چیمہ کی بھتیجی کے قل شریف کاختم مورخہ19اکتوبربروزبدھ بعد نماز ظہر دوپہر2 بجے نوہیانوالہ چٹھہ میں ہوگا۔جسمیں مرحومہ کی روح کے ایصال ثواب کے لئے قرآن خوانی اوراجتماعی دعا ہوگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)جمعیت علما پاکستان کے مرکزی صدر پیر اعجاز احمد ہاشمی نے تشویش کا اظہار کیا ہے کہ تحریک انصاف ایک بار پھر وفاقی دارالحکومت اسلام آباد میں دھرنا دے کر ریاستی نظام کو بند کرنا چاہتی ہے ، ایسے رویے مایوسی کا اظہاراور غیر سیاسی اقدامات ہیں۔ پانامہ لیکس پر مشترکہ لائحہ عمل اختیار کیا جانا چاہیے، نہ کہ عام لوگوں کی زندگیوں میں زہر گھولا جائے۔ مختلف وفود سے گفتگو میں انہوں نے کہا کہ احتجاج ہر سیاسی جماعت کا حق ہے،مگر مہذب معاشروں میں سیاسی احتجاج کا وقت اور تاریخ ایسی رکھی جاتی ہیں کہ لوگوں کو تکلیف نہ یا کم سے کم ہو۔مگر ہمارے ہاں اس کے لئے معیار کچھ اور ہیں۔جس میں عوام کا راستہ روک کر تنگ کیا جاتا ہے۔ کسی جگہ پر جلسے کے اہتمام یا دھرنے کے لئے تین چار دن پہلے ہی تیاریوں کے نام پر راستے روک لئے جاتے ہیں۔ جس سے عام آدمی بری طرح متاثر ہوتا ہے۔ بہتر ہوگا کہ حکومت اور پی ٹی آئی ہی نہیں، پانامہ لیکس پر تمام ادارے اور سیاسی جماعتیں مل کرلائحہ عمل تیار کریں اور اس مسئلے کو حل ہونا چاہیے۔ان کا کہنا تھاکہ دھرنوں سے ملکی معیشت کو ناقابل تلافی نقصان پہنچنے کا اندیشہ ہے، پی ٹی آئی ہوش کے ناخن لے۔ پیر اعجاز ہاشمی نے واضح کیا کہ فوج کا ملکی سیاست میں کوئی کردار نہیں، عسکری ادارے کی آئینی ذمہ داری سرحدوں کی حفاظت اور ملکی سلامتی و استحکام کا تحفظ ہے، آئی ایس پی آر کو شیخ رشید کے اس بیان کا نوٹس لے کر وضاحت کرنی چاہیے جس میں انہوں نے کہا ہے کہ فوج اور نواز شریف اکٹھے نہیں چل سکتے۔ انہوں نے کہاکہ جس تحریک اور سیاسی اتحاد کا مشیر شیخ رشید ہوگا، اس کے ایجنڈے کا اندازہ لگایا جاسکتا ہے کہ اس کے مقاصد کیا اور خدمت کن کی ہے؟ ان کا کہنا تھا کہ انگریزی اخبار کی خبر سے بھارتی لابی کو پروپیگنڈہ کا موقع ملا ہے، اس کا ضرور نوٹس لینا چاہیے، لیکن اس وجہ سے جمہوری نظام کو خطرے کی باتیں کرنا سیاسی رہنماوں کو زیب نہیں دیتا۔ ملکی استحکام اور جمہوریت مضبوط ہیں، اس مقصد کے لئے فوج اور پارلیمنٹ اپنی ذمہ داری نبھانے کے لئے موجود ہیں۔ غیر متعلقہ لوگوں کو بیان بازی سے گریز کرنا چاہیے۔ ایسا کرنے سے ملکی نظام درہم برہم اور ذہنی انتشار کا باعث بنتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)پاکستان علماء کونسل کے مرکزی سیکرٹری جنرل اور ممبر اسلامی نظریاتی کونسل صاحبزادہ زاہد محمود قاسمی نے کہا ہے کہ چین نے پاکستان سے دوستی کا حق اداکردیا ۔ بھارت کا پاکستان کے متعلق بیان مسترد کرکے اس مؤقف کو تقویت دی ہے کہ دہشتگردی کو کسی ایک مخصوص ملک،مذہب یا نسل سے جوڑنے کے مخالف ہیں۔ پاکستان اور چین ایک دوسرے کے کٹھن حالات کے ساتھی ہیں اور دونوں ممالک نے ہمیشہ دہشتگردی کیخلاف بے پناہ جدوجہد کی ہے اور بے پناہ قربانیاں دی ہیں۔ بھارتی وزیر اعظم مودی کی جانب سے پاکستان کو دہشتگردوں کا گڑھ قرار دینے کے بعد چین پاکستان کے حق میں کھل کر میدان میں آیا ہے۔ پاکستان علماء کونسل چین کے اس جراتمندانہ اقدام کو قدر کی نگاہ سے دیکھتی ہے۔ دہشتگردی میں جو تنظیم یا ملک ملوث ہے اس کیخلاف عالمی برادری کو سنجیدگی سے کام کرنا اور انسداد دہشتگردی اور تمام ملکوں کے تحفظ کیلئے تعاون کو مزید فروغ دینا چاہئے۔ انہوں نے کہا کہ چین پاکستان کا قریبی دوست ہے ۔دونوں ممالک کے درمیان مضبوط سفارتی ،معاشی اوردفاعی روابط ہیں ۔سی پیک کی بدولت پاک چین تعلقات مزید مضبوط ہوئے ہیں۔ انہوں نے کہا کہ ہم حکومت سے مطالبہ کرتے ہیں کہ پاک چین اقتصادی راہداری کو تیزی سے آگے بڑھایا جائے اور دونوں ممالک کے درمیان مشترکہ حکمت عملی اور سلامتی کے معاملات کو آگے بڑھایا جائے تاکہ اقوام عالم کیلئے پاک چین اقتصادی راہداری دوستی اور تعاون کی کامیاب مثال بن سکے ۔ پاکستان کی عوا م بھی چین کے ساتھ محبت رکھتے ہیں اور مستقبل میں پاک چین دوستی کو روشن باب سمجھتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)پاکستان مسلم لیگ لاہور کے سیکرٹری اطلاعات ناصر رمضان گجر نے کہا ہے کہ حکومت کی ناقص پالیسیوں کے باعث ملک مقروضستان بنتا جارہا ہے 225ارب ڈالر کے حکومتی قرضے ملک کو قرضوں کے جال میں جکڑ دینگے۔ انہوںنے کہا کہ حکومت پاکستانی صنعتوں کی زبوں حالی کی طرف توجہ دے کیونکہ ملکی برآمدات تیزی سے گرتی جارہی ہیں اور تجارتی خسارہ میں اضافہ اور ملکی زرمبادلہ کے ذخائر میں کمی ہورہی ہے جس کے باعث حکومت قرضے لینے پر مجبور ہورہی ہے ۔ناصر رمضان گجر نے کہا کہ ترقی اور خوشحالی کے حکومتی دعوئوں کا حقیقت سے دور کا بھی تعلق نہیں ، حکومتی ناکام پالیسیوں کے باعث مالیاتی خسارہ بڑھتا جارہا ہے اور حکومت کاروبار زندگی چلانے کیلئے آئی ایم ایف ملکی بنکوں اور دیگر اداروں سے قرضے حاصل کررہی ہے حکومت قرضے حاصل کرنے کی بجائے اپنے شاہانہ اخراجات کو کنٹرول کرے اور وزیروں مشیروں کی فوج ظفر موج کو کم کرے تاکہ قومی خزانے پر بوجھ کم ہوسکے ۔انہوںنے کہا کہ ملک پر بڑھتے ہوئے قرضوں کے بوجھ کے باعث پاکستان میں ہر پیدا ہونے والا بچہ بھی اب لاکھوں کا مقروض پیدا ہورہا ہے انہوںنے کہا کہ قرضوں کا بڑھتا ہوا بوجھ سے ملکی معیشت دبائو میں ہے اس لیے حکومت قرضوں کی بجائے ملکی آمدنی اور ملکی برآمدات میں اضافہ کیلئے اقدامات کرے تاکہ قرضوں سے نجات مل سکے۔انہوںنے کہا کہ کشکول توڑنے کے دعویداروں نے کشکول کا سائز بڑا کرکے قوم کو مقروض بنادیاہے۔انہوںنے کہا کہ ملک کیلئے بیرون اداروں سے ریکارڈ قرضوں کے باعث اسحاق ڈار کو جنوبی ایشیاء کے بہترین وزیر خزانہ کا ایوارڈ دنیا کا سب سے بڑا جھوٹ ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) شیعہ علماکونسل پنجاب کے صدر علامہ سید سبطین حیدر سبزواری نے پہلے عشرہ محرم میں عسکری اداروں ، پولیس اور حکومت کی کارکردگی کو سراہتے ہوئے کہا ہے کہ دہشت گردی کا کوئی بڑا واقعہ نہ ہونا اداروں کی کامیابی ہے، لیکن ضلعی انتظامیہ نے اپنی روایتی نااہلی اور پولیس میں موجود چند شرپسند متعصب عناصر کی وجہ سے مجالس اور جلوس ہائے عزا میں رکاوٹیں کھڑی کی گئیں اور جھوٹے مقدمات درج کئے گئے، جن کی شدید مذمت کرتے ہیں اور مطالبہ کرتے ہیں کہ حکومت انہیں واپس لے۔عزاداری سید الشہدا کو کوئی نہیں روک سکتا ، یہ ہمارا آئینی اور شہری حق ہے۔ ہم رجسٹرڈ نان ر جسٹرڈ کی بحث کو مسترد کرتے ہوئے واضح کرتے ہیں کہ مجالس کاسرکاری ریکارڈ رکھنا، متعلقہ اداروں کاکام ہے، بانیان مجالس کا نہیں۔ ان خیالات کا اظہار انہوں نے عزاداری کونسل کے اجلاس کی صدارت کرتے ہوئے کیا۔ اجلاس میں پہلے عشرے میں مجالس عزا کے انعقادا ور محرم کمیٹی کی کارکردگی کا جائز ہ لیا گیا۔ اس حوالے سے صوبائی کابینہ کا اجلاس طلب کرنے کا بھی فیصلہ کیا گیا، تاکہ محرم الحرام اور صفر المظفر میں مجالس اور جلوسوں کے حوالے سے عزاداری کونسل کے کردار کا تعین کیا جاسکے۔ علامہ سبطین سبزواری نے کہا کہ آبادی بڑھنے کے ساتھ نئی مساجد، امام بارگاہوں کے قیام اورماتمی جلوسوں کے روٹس ہمارا حق ہے، لیکن افسوس کہ نئی مجالس کو بھی روکنے کی سازشیں کی گئیں، مگر ہم پر عزم ہیں کہ قائد ملت جعفریہ علامہ سید ساجد علی نقوی کے حکم کے مطابق پہلے سے زیاد ہ شان و شوکت سے عزاداری کریں گے۔ انہوںنے کہا کہ کوٹلی لوہاراں سیالکوٹ،مظفر گڑھ،سرگودھا، راولپنڈی، منڈی بہاوالدین، ہارون آباد، رحیمیار خان، گکھڑ منڈی اور دیگر علاقوں میں مجالس میں رکاوٹیں پیدا کی گئیں۔مگر عزاداروں نے استقامت کا مظاہرہ کیا۔ ان کا کہنا تھا کہ عزاداری کسی مسلک و مکتب کے خلاف نہیں، یزیدیت کو بے نقاب کرنے کی زینبی تحریک ہے، اسے جاری رکھا جائے گا۔ یہ اسی مقدس تحریک کا اثر ہے کہ آج یزیدیت گالی بن چکی ہے اورشہادت حضرت امام حسین علیہ السلام لوگوں کے دلوں میں نقش ہوچکی ہے۔ حتیٰ کہ جو مجالس اور جلوسوں کی مخالفت بھی کرتے ہیں ،وہ بھی ذکر حسین اپنے انداز میں کرکے کربلا کے شہدا کو خراج عقیدت پیش کرتے نظر آئے ، یہ عزاداری کا ہی اثر ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) جمعیت علما پاکستان کے سربراہ پیر سید محمد معصوم حسین نقوی نے کہا ہے کہ نواسہ رسول حضرت امام حسین علیہ السلام کی اسلام کی راہ میں لازوال قربانی کی دنیا میں کوئی مثال نہیںملتی ہے ۔ جے یو پی واہگہ ٹاون کے زیر اہتمام حسین کانفرنس سے خطاب میں پیر معصوم نقوی نے کہا کہ کربلا حق اور باطل کی جنگ تھی۔ تاریخ انسانی میں ایسی کوئی مثال نہیں ملتی کہ 72 جانثاروں نے ہزاروں کی فوج کو شکست دی ہو۔ لیکن تاریخ گوا ہ ہے کہ شہدا کربلا نے قربانی دے کر یزیدی فوج کوایسی عبرتناک شکست دی کہ آج یزیدیت لاوارث ہوکر گالی بن چکی ہے اورظلم وستم کے خلاف حسینی پرچم بلند ہے۔ ان کا کہنا تھاکہ امام حسین علیہ السلام نے اپنے نانا کے دین کا تحفظ کیا تو اسلامی تعلیمات ہمار ے پاس پہنچیں اور آج ہم مسلمان کہلاتے ہیں، اس لئے اسلام کا ہم تک پہنچنا شہداء کربلا کے خون کی تاثیر ہے۔ انہوں نے کہا کہ یزیدکے باطل ہونے پر مسلمانوں میں کوئی اختلاف نہیں۔میں نہیں سمجھتا کہ نبی کا کوئی امتی یزید کی حمایت کرسکتا ہے۔جے یو پی کے سربراہ نے کہا کہ کربلا جان قربان کرکے دین کو بچانے کا واقعہ ہی نہیں،یہ جرات و شجاعت اور تلوار پر خون کی فتح ہے۔انہوں نے کہا کہ اسلام اتحاد ووحدت اور امن کا درس دیتا ہے تمام مکاتب فکر اپنے انداز میں امام عالی مقام کو یاد کرتے اور ان کی بارگاہ میں عقیدت کا اظہار کرتے ہیں۔ ہمیں اختلافات کو ابھارنے کی بجائے ، مشترکات کو فروغ دینا چاہئے جوکہ زیادہ ہیں۔ تفرقہ بازی کسی صورت دین کی خدمت نہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) مووآن پاکستان پارٹی کے چیئرمین محمد کامران نے کہا کہحکمرانوں کی غلط پالیسیوں کی وجہ سے عوام پر قرضوں کا بوجھ بڑھ گیا ہے اور پاکستان میں ہر پیدا ہونے والا بچہ 1لاکھ 20ہزار روپے کا مقروض پیداہوتا ہے۔ہماری جدوجہد کا بنیای مقصد ملک کے غریب عوام کو انصاف دلانا اور انہیں بدعنوان اور کرپٹ سیاستدانو ں سے نجات دلانا ہے۔جس ملک میں کرپشن کا بازار گرم ہووہاں ترقی نہیں ہوسکتی۔حکمرانوں کو خود کو احتساب کے لیے پیش کرنا چاہئے۔پارٹی کارکنان سے گفتگو کرتے ہوئے انہوںنے کہا کہ حکمرانوں کی توجہ توانائی بحران کے خاتمہ کی بجائے نمائشی منصوبوںکی طرف ہے جس کیلئے پنجاب کے تمام وسائل کا رخ ان منصوبوں کی طرف موڑ دیا گیا ہے ۔انہوںنے کہا کہ عوامی مسائل کے باعث عوامی احتجاج بڑھ چکا ہے اور مال روڈ ہڑتال روڈ بن چکی ہے ۔اور حکومت کی کرپشن کے خلاف سیاسی جماعتیں اسلام آباد کی طرف مارچ کرنے کی تیاریوں میں مصروف ہیں۔اور وہ وقت زیادہ دور نہیں جب موجودہ حکمران عوام کی عدالت میں موجود ہونگے ۔انہوںنے کہا کہ اقتدار میں آنے سے قبل بجلی بند گیس بند کے نعرے اور اشتہارات چھپوا کر اقتدار حاصل کرنے والے ساڑھے تین سال گذرنے کے باوجود توانائی بحران پر قابو نہیں پاسکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی(جی پی آئی) پی ٹی آئی سندھ کے سینئر نائب صدر حلیم عادل شیخ نے کہاہے کہ ہے کہ ملک میں غربت بڑھ رہی ہے اور بے روزگاری میں مسلسل اضافہ ہورہاہے ، حکومت نے ہرسطح پر اس ملک کے غریبوں کا مذاق اڑایا ہے ،مگر اب بہت ہوچکا عوام اب مزید بے بسی کی تصویر نہ بنے اور ہمارا ساتھ دے،قوم جب تک عمران خان کی قیادت میں متحد ہوکر کرپٹ نظام کے خلاف کھڑے نہیں ہونگے جب تک ظلم کا نظام بھی اسی طرح چلتارہے گا۔ان خیالات کااظہارانہوں نے عادل ہائوس سے جاری بیان میں کیا۔حلیم عادل شیخ نے کہاکہ حکومت اپنا رخت سفر باندھ لے ہم اب ان کو مزید مہلت نہیں دینگے ،چیئر مین عمران خان ظالم وجابر سرمایہ داروں کے خلاف قوم کو متحد کررہے ہیں،حکومت جہاں قومی خزانے پر بڑے بڑے ہاتھ صاف کررہی ہے وہاں ان کی سفارشوں سے لگائے کے رشوت خور افسران نے بھی کوئی کسرنہ اٹھارکھی ہے،آئے روز جس انداز میں غریب عوام کی جیبوں سے پیسہ نکالا جارہاہے اس بات کا بہت سے لوگوں کو معلوم ہی نہیں ہوپاتا کیونکہ دن بہ دن ضروریات زندگی کی اشیاء عوام کی دسترس سے دور ہوتی جارہی ہیںکوئی دن ایسا نہیں گزرتا جب کسی کھانے پینے کی چیز کی قیمت میں اضافہ نہ ہوتاہو۔ ا نہوں نے کہا کہ سرکاری اسکولوں میں بچے بنیادی سہولتوں سے محروم ہیں جبکہ یہ ہی حال سرکاری ہسپتالوں اور عوام کے مسائل حل کرنے والے اداروں کا ہے جس میں عام آدمی کاکوئی پرسان حال نہیں ہے ،انہوںنے مزید کہا کہ پی ٹی آئی سندھ کے کارکنان دونومبر کے احتجاج کے لیے خود کو تیار کرچکے ہیں اور اس روز ہم ہزاروں کی تعداد سے اسلام آباد روانہ ہونگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی(جی پی آئی)کراچی تاجر الائنس کے چیئرمین ایازمیمن موتی والا نے کہاہے کہ کراچی کے امن وامان کے لیے تاجربرادری نے سیکورٹی اداروں کے ساتھ بھرپور تعاون کیا ہے یہ ہی وجہ ہے کہ شہر قائد کی رونقیں پھر سے بحال ہوئی ،ان خیالات کااظہار انہوں نے اپنے آفس میں میڈیاکے نمائندوں سے بات چیت کرتے ہوئے کیا۔انہوں نے کہا کہ حکومت کی جانب سے ایک بار پھر سے تاجربرادری کو جان بوجھ کر تنگ کیا جارہاہے حکومت کے کچھ لوگ من پسند تاجروں کے سوا کسی کی نہیں سنتے، انہیں سہولیات دینے کی بجائے ان سے سہولیات کو چھینا جارہاہے انہوں نے کہا کہ عوام اور چھوٹے کاروباری حضرات کا خون نچوڑا جارہاہے اس پرموجودہ حکومت تاجروں کے مشورے کے بغیر معاشی انقلاب لانے کاخواب دیکھ رہی ہے ،ایازمیمن کا کہنا تھا کہ پہلے ٹیکسوں کے نظام میں مشکلات لاکر تاجروں کو ہراساں کیا گیا اب ان لوگوں نے مارکیٹس اور شادی ھال جلدبند کرنے کا حکم نامہ جاری کرکے رہی سہی کسر بھی نکال لی ہے ،حکومت کو غریب عوام کی جان ومال کا کوئی احساس نہیں ہے لوگ غربت کے ہاتھوں مررہے ہیں اور حکومت صرف افسوس کااظہارکرنے کو ہی اپنی ذمہ داری سمجھتی ہے ، ہم اس ملک کو معاشی طور پر مستحکم دیکھنا چاہتے ہیں اورہم اس ملک کی معیشت کے علمبردار ہیںمگر افسوس ہمیں سے جینے کا حق چھینا جارہاہے۔انہوں نے کہا کہ اگر تاجر برادری پریشان ہوتو اس ملک میں معیشت کا پہیہ کس طرح کامیابی سے چل سکتاہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی)بھمبر ٹریفک وارڈن دوران ڈیوٹی بے ہوش اطلاع پر ریسکیو 1122نے ڈسٹرکٹ ہسپتال منتقل کر دیا تفصیلات کیمطابق گزشتہ ٹریفک پولیس بھمبر کا وارڈن عامر باب کشمیر پل پر کھڑا تھا کہ اچانک چکرآجانے پر گڑپڑا اور بے ہوش ہو گیا جس پر ریسکیو 1122کے دفتر فون کرکے اطلاع کی اطلاع ملنے پر ریسکیو 1122ایاز بزمی ایمبولینس لیکر موقع پر پہنچ گئے اور بے ہوش ٹریفک وارڈن کو فوری طور پر ڈسٹرکٹ ہیڈ کوارٹر ہسپتال منتقل کر دیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی)27اکتوبر یوم سیاہ کے موقع پر کشمیر اسٹوڈنٹس فریڈم موومنٹ بھارت کے ریاست جموں وکشمیر پر جابرانہ تسلط کیخلاف راولپنڈی میں اقوام متحدہ کے مبصر دفتر کے سامنے احتجاجی مظاہرہ کرے گی ان خیالات کااظہار کشمیر اسٹوڈنٹس فریڈم موومنٹکے مرکزی راہنما چوہدری وسیم نذر ،چوہدری محمد وقاص اور ذیشان مصطفی نے اپنے مشترکہ بیان میں انہوںنے کہاکہ 27اکتوبر کو بھارت نے ریاست کے ایک بڑے حصے پر جابرانہ قبضہ کیا پوری کشمیری قوم 27اکتوبر کو یوم سیاہ کے طو رپر منائے گی KSFM،27اکتوبر کو راولپنڈی میں اقوام متحدہ کے دفتر کے سامنے احتجاجی مظاہرہ کرے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی)محرم الحرام اور یوم عاشور کے دوران امن وامان قائم رکھنے یوم عاشور کے جلوس کی بہتر راہنمائی سہولیات فراہم کرنے ،رواداری بھائی چارے کی فضا قائم اور بھرپور تعاون کرنے پر ضلعی انتظامیہ علمائے کرام مذہبی تنظیموں کے انتہائی شکر گزار ہیں ان خیالات کااظہار انجمن حسینیہ بھمبرکے ترجمان سید مدثر بخاری نے میڈیا بریفنگ کے دوران کیا انہوںنے کہاکہ محرم الحرام کے پہلے دس روز ضلعی انتظامیہ نے امن وامان کیلئے سیکورٹی کے بہترین اور فول پروف انتظامات کیے محرم الحرام کے دوران بھمبرکے مختلف مکاتب فکر کے علمائے کرام تاجر برادری شہریوں اور عوام علاقہ ،سول سوسائٹی نے بھی بھرپور تعاون کیا بالخصوصی یوم عاشور کے جلوس کے دوران رواداری اور بھائی چارے کی بہترین مثال قائم ہوئی جس کے باعث اہل تشیع کے عزاداران نے بلاخوف و خطر اپنے مذہبی فریضہ کو انجام دیا انہوںنے کہاکہ انجمن حسینیہ بھمبر ضلعی انتظامیہ کے سربراہ ڈپٹی کمشنر ،اسسٹنٹ کمشنر ،تحصیلدار ،نائب تحصیلدار ،سی آئی اے سٹاف ،سٹی تھانہ پولیس بھمبر ریسکیو 1122،محکمہ صحت عامہ ،DHO سٹاف ،پبلک ہیلتھ ،ایس ایس پی پولیس ،ڈی ایس پیز ،لیڈیز پولیس ،بلدیہ بھمبر ،محکمہ برقیات سمیت پولیس اہلکاران کے انتہائی شکر گزارہیں جنہوںنے مل جل کر امن وامان سمیت دیگر سہولیات کی فراہمی میں بھرپور کردار ادا کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی)کشمیر فریڈم موومنٹ مقبوضہ کشمیر زون کے صدر مصدق معراج نے کہاہے کہ کشمیری عوام بھارتی افواج کے ظلم اور جبر کا بھرپور مقابلہ کررہے ہیں بھارتی افواج کے ظلم و تشدد کشمیری قوم کو اپنی جدوجہد آذادی سے نہیں روک سکتے بھارتی افواج کی طرف سے وادی میں کرفیو کے نفاذ کے 100روز گزر گئے وادی میں قحط کا سماں پیدا ہو گیا ہے عالمی برادری سمیت بالخصوص آذادکشمیر اور پاکستان کے حکمرانوں کی بے حسی کی بھی انتہا ہو چکی ہمارے جسم کا حصہ اور آذادی کا بیس کیمپ آزادکشمیر کے حکمرانوں کی بے حسی پر بہت افسوس ہے وادی کے کشمیری بے سروسامان آزادی کی جنگ لڑ رہے ہیں اور اپنے آزادکشمیر کے بھائیوں کی مدد کے طلب گا رہیں آزادی کے بیس کیمپ سے تحریک آذادی کی سپورٹ کیلئے بھرپور تحریک چلائی جانے ضروری ہے آذاد کشمیر حکومت وادی میں بھارتی ظلم وستم و بربریت اور مسلسل کرفیو سے پیدا صورتحال سے دنیا کو آگاہ کرنے کیلئے اپنی ذمہ داریاں پوری کرے اور عالمی ضمیر کو جھنجوڑنے کیلئے بھرپور آواز اٹھائی جائے انہوںنے کہاکہ ہم انشاء اللہ اپنی جدوجہد آزادی کسی صورت پیچھے نہیں ہٹیں گے ہم پہلے بھی قربانیاں دیتے آئے ہیں آج بھی قربانیاں دے رہے ہیں اور آئندہ بھی قربانیاں دیتے رہیں گے جب تک ریاست جموںوکشمیر کے عوام کو ان کا پیدائشی حق نہیں مل جاتا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی)27اکتوبر کو پوری کشمیری قوم بھارت کے ریاست جموںوکشمیر پر جابرانہ قبضے کیخلاف یوم سیاہ منائیںگے 27اکتوبر کو جنوبی افریقہ میں مقیم کشمیری کمیونٹی جوہانسبرگ میں بھارت کے کشمیر پر تسلط غاصبانہ قبضے اور ریاست میں بھارتی ظلم و ستم کیخلاف بھرپوراحتجاجی مظاہرہ کرینگے کشمیری قوم اپنے حق آزادی کیلئے جدوجہد ہر حال میں جاری رکھے گی ان خیالات کااظہار جنوبی افریقہ کی معروف کاروباری شخصیت اوورسیز کشمیری راہنما چوہدری حق نواز آف گڑھا للیاں نے صحافیوں کیساتھ ٹیلی فونک پیغام میںکیا انہوںنے کہاکہ 27اکتوبر 1947کو بھارت نے اپنی افواج وادی کشمیر میں اتار کر ریاست پر جابرانہ قبضہ کیا اسی وجہ سے کشمیری قوم 27اکتوبر کے دن کو بھارت کے جابرانہ قبضے کو یوم سیاہ کے طور پر مناتی ہے انہوںنے کہاکہ 27اکتوبر کو پوری کشمیری قوم مقبوضہ کشمیر ،آذادکشمیر ،پاکستان اور بیرون ممالک میں بھرپور احتجاج کرتے ہوئے یوم سیاہ کے طور پر منائیں گے 27اکتوبر کو جنوبی افریقہ میں مقیم کشمیری کمیونٹی جوہانسبرگ سٹی میں جمع ہو گی اور بھارت کیخلاف بھرپور احتجاجی مظاہرہ کیا جائیگا انہوںنے کہاکہ کشمیری قوم ریاست جموںوکشمیر کی آزادی تک جدوجہد ہر حال میں جاری رکھیں گے اور بھارت کے ظلم وجبر کو بے نقاب کرتے رہیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)سیدو شریف پولیس نے کاروائی کرتے ہوئے لاکھوں کی چوری پکڑی ،تفصیلات کے مطابق ایک ہفتہ پہلے نو اکتوبر 2016 کو 13سالہ شاہ زیب ولد عبدالقدیر سکنہ چیل شگئی نے رائل کالونی سیدوشریف میں اکبرزیب کے گھر سے 15تولے سونا نقد اٹھ ہزار روپے اورسات ہزار سعودی ریال اور ایک بریکیس جس میں تمام قیمتی دستاویزات چوری کی جسے پولیس نے دن رات کوشش کرکے ایک ہفتے کے اندر برامد کردی ۔پولیس نے تفتیش کے دوران چوری کے وارداتوں میں ملوث چند افراد کو پکڑے تھے جس میں ایک نے تفتیش کے دوران 13سالہ کے شاہ زیب کیساتھ سعودی ریال دیکھنے کی انکشاف کی ۔جس پر اے ایس ائی شیر عالم نے کاروائی کرتے ہوئے شاہ زیب کو گرفتار کیا جس سے تفتیش کرتے ہوئے 13تولے سونا20000روپے 5000ہزار سعودی ریال اور بریکیس برامد کرلی جبکہ باقی تفتیش جاری ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)ڈی ایس پی سیدو شریف پیر سید خان اور تحصیل ناظم اکرام خان نے کہاہے کہ پولیس اور عوام ایک دوسرے سے تعاون کا سلسلہ بڑھائے تاکہ علاقے میں جرائم کا خاتمہ جلد سے جلد ممکن ہوسکے ان خیالات کا اظہار انہوںنے گزشتہ روز تھانہ سیدو شریف میں کھلی کچہری سے خطاب کرتے ہوئے کیا اس موقع پر ایس ایچ او سید وشریف اعجاز خان ،سب انسپکٹر نجات خان ،تحصیل کونسلر راحت علی خان ،ویلج کونسل سیدو شریف کے ناظم روزی خان اور علاقہ مشران بھی موجود تھے انہوںنے کہاکہ تمام کونسلرز اور پولیس ایک دوسرے کے ساتھ تعاون کرے اور علاقے میں پائیدار امن کیلئے مل جل کرکام کرے جبکہ جرائم پیشہ افراد پر کھڑی نظر رکھے ایک اچھے شہری ہونے کے ناطے ہم سب کا فرض ہے کہ جرائم کے روک تھام کیلئے قانون نافذ کرنیوالے اداروں کے ساتھ تعاون کریں ڈی ایس پی پیر سید خان اور تحصیل ناظم اکرام خان نے اپنے اپ کو پیش کرتے ہوئے عوام سے کہاکہ کسی بھی مسئلے کے صورت میں عوام ہم سے براہ راست رابطہ رکھیں اور اپنے مسائل سے ہمیں اگاہ کرتے رہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)کبل کے علا قہ گالوچ ٹانگئی چینہ میں گھر کے اندر خا تون کے لاش برآمد ورثاء نے بغیر کسی رپورٹ نماز جنا زہ ادا کر کے سپر دخا ک کر رہے تھے کہ DSPکبل فاروق جان بمعہ نفری پہنچ کر لا ش کو دفنانے سے روک کر کبل ہسپتال لا کر رپورٹ درج کر کے ملزم کو گرفتار کر لیا ملزم کے دوران تفتیش اعتراف جرم کر کے جس پر کبل پولیس نے مزید تفتیش شروع کر دی تفصیلا ت کے مطابق تحصیل کبل کے علا قہ ٹانگئی چینہ گالوچ میں مسما ة (ث) زوجہ یا ر محمد خان عمر 20سال کی تشدد زدہ لاش برآمد ہوئے جس پر کبل پولیس حرکت میں لاش کو سپر د خاک کرنے سے روک دیا کبل پولیس کے مطابق بروقت کاروائی کر تے ہوئے لاش کو کبل ہسپتال منتقل کر دیا جبکہ ملزم یار محمد خان کو گرفتار کر لیا ملزم نے دوران تفتیش قتل کا اعتراف اور اہم انکشافات بھی کی کبل پولیس نے مقدمہ درج کر کے مزید تفتیش شروع کر دی ذرائع کے مطابق ملزم واردات کرنے کے بعد سعودی عرب بھاگ رہا تھا کہ قلا گے کنڈو کے مقام پر پولیس نے در لیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی) PTIکے سینئر رہنما شاہی محمد خان نے کہا ہے کہ میرے بارے میں کارکنان نے تحصیل صدارت دینے کے حوالے بیا نات پر میں کارکنان کا بے حد مشکور ہوں۔کہ انہوں نے میرے نام تحصیل صدارت کے لئے تجویز کی انہوں نے کہا کہ اسلام آباد دھرنے کے لئے میں نے پچاس افراد پر مشتمل قافلہ تیار کیا ہے جس کا تمام خرچہ میں خود ادا کرونگا ہمارے خلاف بیا نات دینے والے بتائے کہ وہ کتنی افراد کو لے کر جائینگے وہ دو افراد کا خرچہ بھی برداشت نہیں کر سکتا عمران خان ، محمود خان ، مراد سعید اور محب اللہ خان نے کہا ہے کہ ایسی افراد سامنے لائیں جو عوام کا خدمت کرنے کا جذبہ رکھتے ہیں انہوں نے کہا کہ میں اس ہفتے میں ایک سو افراد کا شمولیتی پروگرام بھی منعقد کرونگا بیانات دینے والے بتائے وہ پارٹی اور عوام کیلئے کیا کرینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی) تحصیل کونسلرPTIانجینئر اکرام خان نے کہا ہے کہ تحصیل صدارت کے لئے خواہش مند تمام حضرات خود سا ختہ اعلانات اور ہنگامی کھڑے کرنا چھوڑ دے PTIقیادت کہ اہل وہ درینہ کارکن ہونگے جو قربانی اور جدوجہد کا عملی مظاہرہ کر چکے ہیں انہوں نے مزید کہا کہ اعلیٰ قیادت سے توقع ہے کہ تمام فیصلے میرٹ پر کی جائینگی انہوںنے اپنے قیادت اور کارکنان سے مطالبہ کر تے ہوئے کہا ہے کہ ایسے افراد کو عہدوں کے لئے منتخب کریں جن کا خدمت کرنے کا جذبہ ہو۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی) سوات ہومن رائٹس پروٹیکشن سوسائٹی نے صوبائی اسمبلی کا دورہ کیا صوبائی اسمبلی کے کاروائی بھی دیکھیں کانجو میں لڑکوں کے لئے کالج جبکہ سیدو اور سنٹر ہسپتال میں تمام ضروریات جلد پورا کرنے کی یقین دہانی چیئر مین SHRPSمحمد رحیم رما خیل ایڈوکیٹ ہمراہ وائس چیئر مین کمال خان و سابق صدر کبل بار سردار احمد خان کے ہمراہ صوبائی اسمبلی خیبر پختون خواہ کا دورہ کرکے صوبائی اسمبلی کی کاروائی دیکھیں بعد میں صوبائی اسمبلی ممبر محب اللہ خان اور فضل حکیم ڈیڈک چیئر مین کے ساتھ طویل ملا قا ت کی ملا قا ت کے دوران محب اللہ خا ن نے کانجو میں لڑکوں کے کالج بنانے کا وعدہ کر کے جبکہ فضل حکیم خان نے سنٹر اور سیدو ہسپتال کے مسائل حل کرنے کا وعدہ کیا ممبران اسمبلی نے سوات ہومن رائٹس پروٹیکشن سو سائٹی کو یقین دہانی کرائیں کہ علا قے میں بنیادی حقوق کے تحفظ کے لئے کسی بھی قربانی سے دریغ نہیںکرینگے۔
عوام اقتدار پر قابض کرپٹ ٹولے کی بجائے دیانتدار قیادت کو منتخب کریں۔ مہر بہادر خان
گجرات کی خبروں کی تصویری جھلکیاں
