گجرات (جی پی آئی) 8 ویں محرم الحرام کے سلسلہ میں امام بارگاہ سید فرزند علی شاہ کاظمی سے مرکزی جلوس شبیہہ ذوالجناح برآمد ہوا۔ اس سے قبل مجلس عزاء کا انعقاد کیا گیا۔ جس میں ذاکرین و علمائے کرام نے خطاب کیا۔ جلوس زیر انتظام اولاد سید فرزند علی شاہ کاظمی برآمد ہوا۔ جلوس سے قبل امام بارگاہ میں مجلس عزاء منعقد ہوئی۔ جس میں ذاکرین نے فضائل و مصائب شہدائے کربلا بیان کئے۔ جلوس امام بارگاہ سید فرزند علی شاہ سے برآمد ہو کر محلہ شاہدولہ روڈ’ شاہدولہ گیٹ’ پتاسہ والا چوک’ مسلم بازار’ مچھلی چوک سے ہوتا ہوا مقبرہ پانڈی شاہ پہنچا جہاں پر ممتاز عالم دین علامہ سید الطاف حسین رضوی’ اور ذاکر اہل بیت مولانا طفیل نے فضائل و مصائب شہدائے کربلا بیان کئے۔ نقیب ممبر سید سلیمان باقر کاظمی تھے۔ جلوس مقبرہ پانڈی شاہ’ بازار صرافہ’ کھاری کھوئی’ پتاسہ والا چوک سے ہوتا ہوا واپس امام بارگاہ سید فرزند علی شاہ کاظمی میں اختتام پذیر ہوا۔ اس موقع پر ممتاز شیعہ راہنمائوں کی کثیر تعداد موجود تھی۔ سید الطاف عباس کاظمی’ پروفیسر سید سرفراز حسین جعفری’ جواد حسین جعفری و دیگر نے جلوس میں انتظامات کی نگرانی کی۔ ڈی پی او گجرات سہیل ظفر چٹھہ’ ڈی ایس پی سٹی محمد عرفان کی سربراہی میں پولیس کی بھاری نفری تعینات تھی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ممتاز عالم دین علامہ سید الطاف حسین رضوی نے مقبرہ پانڈی شاہ میں خطاب کرتے ہوئے کہا کہ محرم الحرام کے دوران شیعان حیدر کرار ماتمی جلوس اور مجالس عزاء کا انعقاد کر کے شہدائے کربلا کے ساتھ یکجہتی کا اظہار کرتے ہیں۔ اور انتظامیہ اپنی تمام کوششوں کے باوجود ان جلوسوں و مجالس میں رکاوٹ نہیں ڈال سکتی۔ کیونکہ شہدائے کربلا کا غم پوری کائنات مناتی ہے۔ کربلا ایک نظریے کا نام ہے۔ اور یوم عاشور کو شہدائے کربلا میں حق کا پرچم بلند کیا۔ سید سلیمان باقر کاظمی نے کہا کہ ہم جلوس کے دوران شاندار انتظامات کرنے پر ضلعی انتظامیہ’ پولیس ‘ ٹی ایم اے ‘ کیساتھ ساتھ تاجر برادری اور صحافی برادری ‘ ڈاکٹر رزاق احمد غفاری کے شکر گزار ہیں جو کہ ہمارے ساتھ بھر پور تعاون کرتے ہیں۔ انہوں نے کہا کہ ہم یہ مجالس اور محافل مناتے رہیں گے اور ہر سال پہلے سے بڑھ کر عزاداران شریک ہوتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) دی ایجوکیٹرز بارہ دری کیمپس میں عظیم الشان محفل ذکر حسین کا انعقاد کیا گیا ۔ جس کی صدارت ڈائریکٹر دی ایجوکیٹرز بارہ دری کیمپس شہزاد شفیق نقشبندی نے کی۔ خصوصی نعت ممتاز ثناء خوان رسول عمران شاکر نے پیش کی۔ اس موقع پر خطاب کرتے ہوئے شہزاد شفیق نے کہا کہ قیامت تک کائنات کا ہر ذرہ شہدائے کربلا کا غم مناتا رہے گا اور ہم شہدائے کربلا کو خراجِ عقیدت پیش کرنے کیلئے جمع ہوئے ہیں۔ بلا شبہ حضرت امام حسین کی قربانی نے اسلام کو زندہ و جاوید کر دیا۔ اس موقع پر طلبہ و سٹاف کی کثیر تعداد موجود تھی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) 8 محرم الحرام کو محمد جیولرز بازار صرافہ میں سالانہ ختم پاک غازی عباس علمدار و شہدائے کربلا کا انعقاد کیا گیا۔ جس میں ممتاز شخصیات کی کثیر تعداد نے شرکت کی۔ ملکی ترقی و سلامتی کیلئے خصوصی دعائیں کی گئیں۔ سیٹھ یاسر لطیف صراف اور سیٹھ کاشف لطیف صراف نے حاضرین میں لنگر تقسیم کیا۔ اس موقع پر محمد خلیل’ عمران ‘ ذوالفقار باجوہ’ ڈاکٹر رزاق غفاری’ استاد خادم’ و دیگر موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) آج 9 محرم الحرام کو ماتمی جلوس شبیہہ علم و تعزیہ رہائشگاہ قاسم بی بی محلہ فتو پورہ سے برآمد ہو گا۔ جو کہ ایسٹ سرکلر روڈ سے ہوتا ہوا شاہدولہ چوک’ امام بارگاہ حسینیہ پہنچے گا جہاں پر دوسرا جلوس برآمد ہو گا۔ دونوں جلوس اندرون مسلم بازار ‘ مقبرہ پانڈی شاہ’ تمبل بازار ‘ چوک نواب صاحب سے ہوتا ہوا واپس اپنے مقررہ مقام پر اختتام پذیرہو گا۔ جلوس سید ناصر پپو شاہ اور حسینیہ ٹرسٹ کے زیر انتظام برآمد ہو گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) 28 محرم الحرام کو ذاکر اہل بیت محمد اشرف گوہر اور رانا مشرف ناز کی رہائشگاہ محلہ مسلم بازار میں عظیم الشان سالانہ مجلس عزاء زیر انتظام رانا ثاقب مشرف ناز اور برادران منعقد ہو گی۔ جس میں ملک کے اہم علمائے کرام اور ذاکرین فضائل و مصائب شہدائے کربلا بیان کریں گے۔ جس کے بعد ماتمی جلوس شبیہہ ذوالجناح برآمد ہو گا جو کہ اپنے مقررہ راستوں سے ہوتا ہوا امام بارگاہ حسینیہ میں اختتام پذیر ہو گا۔ جلوس کے انتظامات رانا مشرف علی ناز مرحوم کے صاحبزادے رانا ثاقب مشرف کی زیر نگرانی ہو رہے ہیں جبکہ ان کے معاونین میں سید عرفان شاہ’ سید گلفام شاہ و دیگر شامل ہیں۔ یاد رہے کہ یہ جلوس قیام پاکستان سے قبل انڈیا میں برآمد ہوتا تھا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) مرکزی راہنما جماعت اسلامی پاکستان حافظ محمد ادریس کی اسلامک سنٹر میں پریس کانفرنس کے موقع پر سابق امیر جماعت اسلامی ضلع گجرات ڈاکٹر سید احسان اللہ شاہ کی خدمات پر انہیں خراجِ تحسین پیش کیا گیا اور مرحوم کے ایصال ثواب کیلئے فاتحہ خوانی کی گئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ڈی سی او لیاقت علی چٹھہ نے کہا ہے کہ ضلع میں129سی سی ٹی وی کیمروں کی مدد سے 10 محرم الحرام تک برآمد ہونیوالے ماتمی جلوسوں کی مانیٹرنگ کی جا رہی ہے،امن و امان برقراررکھنے کیلئے 3721پولیس افسران و جوانوں کے ساتھ، پاک فوج کی 2کمپنیاں فرائض سرانجام دیں گی جبکہ ضلع میں دفعہ 144نافذ کرتے ہوئے نو اور دس محرم الحرام کے دوران موٹر سائیکل کی ڈبل سواری پر بھی پابندی لگادی گئی ہے۔ ان خیالات کا اظہار انہوںنے پاک فوج کے بریگیڈئر احمد فراز، ڈی پی او سہیل ظفر چٹھہ کے ہمراہ ٹی ایم اے آفس میں مرکزی کنٹرول روم، حسینہ ٹرسٹ گجرات، شادیوال او ر لالہ موسیٰ میں جلوسوںکے روٹس کے معائنہ کے موقع پر کیا، ایڈمنسٹریٹر ٹی ایم اے نورالعین، اے کھاریاںذوالفقار علی باگڑی، ٹی ایم او خرم محمود، ملک شفقت ممبر کور امن کمیٹی خادم علی خادم و دیگر بھی موجود تھے۔ڈی سی او لیاقت علی چٹھہ نے کہا کہ موٹر سائیکل کی ڈبل سواری پر پابندی یقینی بنانے کیلئے واضع ہدایات جاری کر دی گئی ہیں ،نیز اسلحہ کی نمائش پر سختی سے پابندی یقینی بنائی جارہی ہے ۔ انہوںنے بتایا کہ مرکزی مجالس اور جلوسوںکے داخلی راستے پر واک تھرو گیٹ لگائے گئے ہیں، ہر جلوس کے ساتھ پولیس کی تین درجاتی سکیورٹی لگائی گئی ہے جبکہ وہ خود بھی ڈی پی او گجرات کے ہمراہ فیلڈ میںموجود ہیں اور تمام جلوسوں کی نگرانی کی جا رہی ہے ۔ ڈی پی او سہیل ظفر چٹھہ نے بتایا کہ رواں سال گذشتہ برسوں کی نسبت تین گنا زائدسکیورٹی انتظامات کئے گئے ہیں اس مقصد کے لئے3721پولیس اہلکاروں کے ساتھ ایلیٹ فورس کی 22سپیشل فورس کی تین ٹیمیں، ریجینل ریزو اور 465پولیس قومی رضا کار عزا داروں کے تحفظ کے لئے دن رات ڈیوٹی کر رہے ہیں۔ انہوںنے بتایا کہ خواتین کی مجالس اور جلوسوںکی سکیورٹی کے لئے لیڈی پولیس اور رضا کار تعینات ہیں انکو سکیورٹی کے لئے تربیت بھی دی گئی ہے۔ ڈی پی او نے بتایا کہ مجالس اور جلوسوںکی سکیورٹی کے لئے وردی پوش اہلکاروں کے ساتھ سادہ لباس اہلکار بھی تعینات کئے گئے ہیں جو جلوسوں میں شامل افراد پر نظر رکھے ہوئے ہیں۔ ڈی سی او اور ڈی پی او نے منتظمین مجالس سے کہا کہ وہ مجالس اور جلوسوںکے مقررہ اوقات کی ہر صورت پابندی یقینی بنائیں ، انہوںنے بھرپور تعاون پر ضلع بھر کے علما کرام، شہریوں اور مختلف مکاتب فکر کے افراد کا شکریہ ادا کیا۔ اس سے قبل کنٹرو ل روم میں ایڈمنسٹریٹر نور العین نے بریفنگ دی۔ پاک فوج کے بریگیڈئر احمد فراز نے کہا کہ حکومت پاکستان کی ہدایات کے مطابق فوجی دستے اپنی ذمہ داریوں کی ادائیگی کیلئے چوکس ہیں۔ انہوںنے کہا ضلعی انتظامیہ اور پولیس کے موثر انتظامات اور پاک فوج کی معاونت سے عوام کے جان و مال کا تحفظ یقینی بنایا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)گورنمنٹ گرلز سکول گندرا میں50لاکھ روپے لاگت سے چوہدری احمد سعید ہائی سکول بلاک کی تعمیر 3ماہ کی قلیل مدت میں مکمل کر لی گئی ہے، ڈی سی او لیاقت علی چٹھہ نے سروس گروپ کے ڈائریکٹر چوہدری حسن جاوید کے ہمراہ نوتعمیر شدہ بلاک کا افتتاح کیا، ای ڈی او ایجوکیشن طاہر کاشف، ہیڈ مسٹریس شبانہ اشفاق، چیئرمین یونین کونسل عتیق الزمان ڈوگہ، چیئرمین یونین کونسل دھمہ ملکہ عامر مہدی، چوہدری اسلام، چوہدری نواز ریحانیہ اور معززین علاقہ بھی اس موقع پر موجود تھے۔ افتتاحی تقریب سے خطاب کرتے ہوئے ڈی سی او لیاقت علی چٹھہ نے کہا کہ گورنمنٹ گرلز ہائی سکول کی حیثیت سے اپ گریڈیشن کے بعد سکول میں ریگولر ہیڈ مسٹریس کا تقرر کر دیا گیا ہے جبکہ سٹاف کی تعیناتی کے بعد کلاسز بھی شروع کر دی گئی ہیں، سکول کی اپ گریڈیشن سے نہ صرف گندرا بلکہ درجن سے زائد نواحی دیہات کی طالبات بھی میٹرک تک تعلیم حاصل کر سکیں گی ۔ انہوںنے کہا کہ گورنمنٹ گرلز سکول گندرا کی سکول کونسل نہایت فعال ہے جس نے ادارے میں کئی ترقیاتی کام بھی کرائے ہیں اسے مزید متحرک بنانے کیلئے چیئرمین یونین کونسل ڈوگہ کو بھی کونسل میں شامل کر دیا گیا ہے ۔ انہوںنے کہا کہ حکومت پنجاب نے دیگر اداروں کی طرح گورنمنٹ گرلز ہائی سکول کی کونسل کو بھی فنڈز دیے ہیں جبکہ ضلعی حکومت مزید 5لاکھ روپے کی گرانٹ دے گی نیز سکول کیلئے بہترین سائنس و کمپوٹر لیب اور طالبات کے گذرنے کیلئے سٹرک بناکر دے گی۔ ڈی سی او لیاقت علی چٹھہ نے کہا کہ وہ گورنمنٹ گرلز ہائی سکول گندرا کو ماڈل تعلیمی ادارہ دیکھنا چاہتے ہیں اور اس کی کارکردگی پر خصوصی نظر رکھیں گے۔ ڈائریکٹر سروس گروپ آف انڈسٹریز حسن جاوید نے کہا کہ گندرا انکا آبائی گائوں ہے یہاںکے عوام کی ویلفیئر انکی ترجیحات میں شامل ہے۔ انہوںنے کہا کہ سکول میں مزید سہولیات بشمول سائنس لیب، کمپوٹر لیب کیلئے بھی وسائل فراہم کئے جائیں گے۔ اس سے قبل چیئرمین یونین کونسل اور ہیڈ مسٹریس نے بھی خطاب کیا اور مہمانان خصوصی اور مہمانان گرامی کا شکریہ ادا کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)محکمہ تعلقات عامہ ضلع گجرات کے زیر اہتمام امن ، برداشت اور ہم آہنگی کے عنوان سے سیمینار کا انعقاد کیا گیا جس کی صدارت ڈسٹرکٹ انفارمیشن آفیسر سید وقار نقوی نے کی جبکہ صدر پریس کلب سید عرفان جعفری ، سیکرٹری پریس کلب ملک شفقت اعوان مہمانان خصوصی تھے سینئر نائب صدر اعجا ز شاکر، نوازش علی نوازش، رزاق غفاری، ذوالفقار علی باجوہ، شہزاد بٹ، سید عابد علی ، ابدال شاہ، تجمل منیر ، شاکر بیگ، طاہر جمیل ودیگر صحافی سیمینار میں شریک ہوئے۔ اس موقع پر اظہار خیال کرتے ہوئے صدر پریس کلب سید عرفان جعفری نے کہا ہے کہ ملک کی ترقی اور وطن عزیز کے خلاف دشمنوںکے ناپاک عزائم ناکام بنانے کیلئے معاشرے میں رواداری ، بھائی چارے اور اتحاد بین المسلمین کا فروغ وقت کا تقاضا ہے ،دنیا میں صرف انہیں ممالک نے ترقی کی ہے جہاں باشعو ر شہریوںنے اپنے حقوق کے ساتھ اپنی ذمہ داریوں کو بھی پہچانا۔ انہوںنے کہا کہ پاکستان کو ترقی کی منازل سے روشناس کرانے کیلئے امن ، محبت، رواداری وقت کا اہم ترین تقاضا ہے۔ ڈسٹرکٹ انفارمیشن آفیسر سید وقار نقوی نے کہا کہ آج ملک کو سنگین چیلنجز درپیش ہیںدشمن پاکستان کی سالمیت کو نقصان پہنچانے کے درپے ہے ، ان حالات کا تقاضا ہے کہ ملک کی جغرافیاتی اور نظریاتی سرحدوں کے دفاع کیلئے پوری قوم متحد ہوجائے تاکہ کوئی بھی مکار دشمن اپنی ناپاک سازشوںمیںکامیاب نہ ہو سکے اس مقصد کیلئے میڈیا نہایت اہم کردار ادا کر سکتا ہے۔ سیکرٹر ی پریس کلب ملک شفقت اعوان نے کہا کہ اسلام اپنے پیروکاروں کو اتحاد و اتفاق کا درس دیتا ہے اس حوالے سے قرآن و سنت کی تعلیمات نہایت واضع ہیں اللہ تعالیٰ نے قرآن مجید میں مسلمانوں کو تفرقہ بازی سے منع کیا ہے اور باہم اتحاد کی تعلیم دی ہے۔ سیمینار کے شرکاء نے اس عزم کا اظہار کیا کہ ملک میںرواداری، ہم آہنگی اور برداشت کے فروغ کیلئے وہ اپنا بھرپور کردار ادا کرتے رہیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)چوہدری مختار احمد ڈھل کی قیادت میں 30ستمبر کی طرح30اکتوبر کو بھی اسلام آباد دھرنے میں بھرپور شرکت کریں گے نوجوان اپنے لیڈر کی آواز پر لبیک کہتے ہوئے اسلام آباد پہنچیں گے ان خیالات کا اظہار راہنما پی ٹی آئی وائس پریذیڈنٹ کنٹونمنٹ بورڈ کھاریاں مسعود احمد چوہان نے کیا۔ انہوں نے کہا کہ عوام پانامہ لیکس چوروں کے خلاف منہ بولتا ثبوت ہے جس کو چھپانے کے لئے کوششیں کی جا رہی ہیں مگر ہم ایسا نہیں ہونے دیں گے اپنے چیئرمین عمران خان کی آواز پر لبیک کہتے ہوئے اپنے لیڈر چوہدری مختار احمد ڈھل کی قیادت میں 30اکتوبر کو بھی بھرپور شرکت کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) سنی علماء کونسل کھاریاں کے زیراہتمام علماء کرام اپنی اپنی مسجد میں ذکر امام حسین کی محافل کا انعقاد کر رہے ہیں ان خیالات کا اظہار ممتاز عالم دین راہنما سنی کونسل مولانا اصغر توحیدی نے کیا۔ انہوں نے کہا کہ حضرت امام حسین انسانیت کے امام ہیں اس بات میں کسی رنگ، نسل، ذات پات یا مذہب کی تفریق نہیں ہے۔ جو قربانی نواسہ رسولۖ نے کربلا کے میدان میں پیش کی وہ پہلے کوئی خدا کی نواسہ رسولۖ نے کربلا کے میدان میں پیش کی وہ پہلے کوئی خدا کی راہ میں پیش کر سکا اور نہ ہی قیامت تک کوئی پیش کر سکے گا انہوں نے علماء کرام سے اپیل کی کہ وہ پورے اہتمام کے ساتھ ذکر امام حسین کی محافل کا انعقاد کریں اور اپنی نسل نو کو نواسہ رسولۖ کی فضلیت کے بارے میں بتائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) محرم الحرام صبر اور استقامت کا درس دیتا ہے نواسہ رسول امام حسین نے جو پیغام دیا اس کو عام کرنے کی ضرورت ہے آج بھی اگر انسان اسوہ حسینی پر عمل شروع کر دے تو کامیابی حاصل کی جا سکتی ہے۔ ان خیالات کا اظہار ملک یٰسین لہڑی صدر ورکرز ویلفیئر فیڈریشن گجرات ریجن نے کیا۔ انہوں نے کہا کہ دین اسلام کی بقاء اور سربلندی کے لئے کربلا والوں نے جو لازوال قربانیاں دیں ان کی یاد قیامت تک زندہ رہے گی انہوں نے مزید کہا کہ اگر امت مسلمہ متحد ہو کر اسوہ حسینی پر عمل پیرا ہو جائے تو مسلمانوں کے خلاف ظلم و ستم ختم ہو سکتا ہے اور دین کی سربلندی کے لئے بھی کام کیا جا سکتا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) امام حسین نے کربلا کے میدان سے حق سچ کی جو آواز بلند کی اس کی گونج آج بھی سنائی دے رہی ہے اور رہتی دنیا تک حسینیت ہی زندہ آباد رہے گی ان خیالات کا اظہار PTI سابق امیدوار چیئرمین یوسی بھگوال ملک محمد بشارت گولڑہ ہاشم نے کیا۔ انہوں نے کہا کہ محرم الحرام کا احترام انسانیت پر اور بالخصوص ہم کلمہ گو انسانوں پر بے حد ضروری ہے حضرت امام حسین نے حق سچ پر ڈٹ کر اللہ تعالیٰ کی خوشنودی اور دین اسلام کی سربلندی کے لئے اپنی اور اپنے رفقاء کی جانوں کی قربانیاں دے کر پوری دنیا کو بتا دیا کہ حق کی خاطر کسی بھی قربانی سے دریغ نہیں کیا جاتا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) سید شفقت نقوی ایڈووکیٹ صدر شیعہ علماء کونسل ضلع گجرات کی قیادت میں جنرل سیکرٹری میر ثقلین اکبر، تحصیل صدر کھاریاں سید ندیم عباس ،جنرل سیکرٹری تحصیل کھاریاں کاظم نقوی اور سیکرٹری اطلاعات محمد شفیق جعفری نے پورے ضلع گجرات میں منعقد ہونے والے ماتمی جلوسوں اور مجالس کے دورے کر رہے ہیں اور انتظامات کو بھی چیک کر رہے ہیں گذشتہ روز پوری ٹیم نے7محرم الحرام کے سلسلہ میں نکالے گئے کھاریاں ماتمی جلوس میں شرکت کی اور انتظامات کو بھی چیک کیا گیا سید شفقت نقوی نے مقامی انتظامیہ اور پولیس کے انتظامات پر اظہارِ اطمینان کیا۔ شیعہ علماء کونسل ضلع گجرات کی ان کاوشوں پر سید صابر حسین شاہ نقوی گلیانہ، چوہدری رئوف سلطان کھاریاں اور راجہ حسنین عباس کھاریاں نے خراج تحسین پیش کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) امام حسین نے کربلا کے میدان میں قیامت تک دین اسلام کو زندہ و جاوید کر دیا اور انسانیت کی بقاء کی جنگ بھی جیت لی وہ قربانی پیش کی گئی جس کی مثال پہلے تھی اور نہ ہی قیامت تک ملے گی ہم حضرت امام حسین اور اُن کے جانثار ساتھیوں کی عظمت کو سلام پیش کرتے ہیں ان خیالات کا اظہار مشترکہ طور پر صدر کھاریاں بار چوہدری خالد حسین شیخو چک ایڈووکیٹ اور جنرل سیکرٹری چوہدری محبوب علی ڈھولہ ایڈووکیٹ نے کیا۔ انہوں نے کہا کہ اگر ہم دنیا اور دین میں سرخرو ہونا چاہتے ہیں تو ہمیں اسوہ حسینی پر عمل پیرا ہونا ہوگا۔ دین اسلام کی سربلندی کی خاطر نواسہ رسولۖ کی قربانی کو قیامت تک یاد کیا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) معروف زمیندار کے ساتھ پولیس گردی، جھوٹے بے بنیادمقدمہ میںجیل بھیج دیا۔چٹھہ لیگ کے سنیئر راہنما،حامد ناصر چٹھہ کے قریبی ساتھی عزیزچک کے رہا ئشی وسابق کونسلر زمیندارچوہدری محمدمشتاق چیمہ نے صحافیوںسے گفتگوکرتے ہوئے بتا یا کہ میںاپنی گاڑی نمبرLEC -07-8419پرگوجرانوالہ کے رائس ڈیلروںسے چاولوںکی رقم وصول کرکے واپس آرہے تھے کہ تھا نہ کوتوالی کے گوجرانوالہ کے علاقہ میںمیری گاڑی سڑک پرکھڑی گاڑی سے ٹکرا گئی جس پرگاڑی کے مالکان نے مجھ سے چار لاکھ روپے مانگے میںنے ان سے کہا کہ جو مرمت پر خرچہ آئے گاوہ دے دیتا ہوںجس پرانہوںنے تھا نہ کوتوالی پولیس کوطلب کرکے اس کے حوالہ کردیاپولیس بھی مالکان کو4لاکھ روپے دینے پرمجبورکرتی رہی۔میرے انکار پرمتعلقہ ایس ایچ او نے میرے خلاف جھوٹے مقدمات درج کرکے حوالات میںبند کردیااورمیرے پاس موجودرقم 314000روپے ،قیمتی موبائلJ7 مالیت 29ہزارروپے میرالائسنسی السحہ پمپ ایکشن 12بورپی اونمبر5340 3358/DM, قبضہ میںلیکرمیرے چالان کرکے جیل بھیج دیا حالاںکہ کہ میںنے ایس ایچ او بتا یا کہ میرااسلحہ لائسنسنی ہے جس پر طیش میںآکر مجھے گالی گلوچ کرنے پراترآیااور4لاکھ روپے متعلقہ پارٹی کودینے پربضد رہا۔ضمانت پررہا ہونے کے بعداپنی گاڑی ،موبائل،لائسنسی اسلحہ اورنقدرقم کی سپرداری کی رپورٹ کروانے کوتوالی تھانہ گوجرانوالہ گیاتولیت ولعل سے کام لیتے ہوئے مجھے چکروںمیںالجھا دیا۔متعلقہ پولیس میری سپرداری کرنے کوتیار نہیں۔ایف آئی آرمیںموبائل J7،نقد رقم 314000 درج نہ کرناانکی نیت میںفتورظاہر کرتا ہے۔تھانے کے چکر لگا نے پرایس ایچ او مجھ مزیددومقدمات کی دھمکی دے رہا ہے۔چوہدری محمدمشتاق چیمہ نے وزیراعلیٰ پنجاب،اعلیٰ پولیس حکام سے مطالبہ کیا ہے کہ مجھے پولیس کے ظلم وستم سے نجات دلا ئی جائے اورمیری رقم،موبائل ،گاڑی اوراسلحہ واپس دلوایا جائے اوربلاوجہ میرے خلاف مقدمہ بنانے والوںکے خلاف قانونی کاروائی عمل میںلائی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) عمران خاںکاوزیراعظم بننے کاخواب کبھی حقیقت میںتبدیل نہ ہوسکے گا،ملک دشمن سیاستدان عوام کے سامنے بے نقاب ہوچکے ہیں۔سیاستدان حکومت کی سا لمیت کے لئے ساتھ دینے کی بجا ئے اسلا م آبادبندکرکے مداری لگاناثابت کرتا ہے کہ عمران خاںملک دشمن طاقتوںکاایجنٹ ہے۔ان خیالات کااظہارضلعی صدرمسلم لیگ (ن)مستنصر علی گوندل نے محمدعمران سنی کمبوہ کوپی ایم ایل (ن)کاسٹی نائب صدرکانوٹیفیکیشن دینے کے موقع پر کیا۔اس موقع پرمقصود ڈار،حافظ مشتاق کوکب،عمران رسول بٹ،الطاف احمدہاشمی،مختاراحمدشاہین،فارق احمدچیمہ،گوگی شاہ،فرقان بٹ ودیگر بھی موجودتھے۔انہوںنے کہا کہ گجرات کے مسلمانوںکے قاتل وذہنی مریض مودی کی کھوکھلی دھمکیاںپاکستانی عوام کے لئے کوئی حیثیت نہیںرکھتیں۔پاکستان ایک ایٹمی طاقت ہے جس پرپورے ملک کی عوام کوجنرل راحی شریف پرفخرہے اورپاکستانی عوام پاک افواج کے ساتھ کھڑی ہے۔پوری پاکستانی قوم بھارتی دھمکیوںکامنہ توڑ جواب دینے کے لئے پاک فوج کے شانہ بشانہ کھڑی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) نواسہ رسول ۖ حضرت امام حسین نے میدان کربلا میںشجاعت،بہادری اورتسلیم ورضا کی نئی مثالیںقائم کیں اورانکی شہادت اسلا م کے ماتھے کوجھومرہے۔آپ نے میدان کربلا میںاپنا سب کچھ قربان کرکے دین اسلا م کوقیامت تک زندہ وجاوید کردیا۔ان خیالات کااظہارذاکرین نے 7محرم الحرام کی مجالس اورجلوسوںسے خطاب کرتے ہوئے کیا۔سابق صوبائی وزیرشاہنواز چیمہ،تحصیلدار غلام مصطفی انصاری،ایس ایچ او سٹی ملک محمدافضل،ممبران امن کمیٹی ملک محمدیوسف چاند،ملک شکیل احمد،خواجہ محمدشعیب،خواجہ روحیل،لالہ محمدخلیل،جماعت اسلا می کے صابر حسین بٹ،امیدوارچیئرمین وزیرآبادبابو محمدشعیب ادریس،کونسلرزچاند عثمان،نوید یونس ،علی رضا ودیگرمعززین علا قہ جلوس کے ہمرا ہ تھے۔7محرم کے جلوس امام بارگا ہ قاضی غالب علی،امام بارگا ہ قصر سکینہ (مہاجرین) اورمحلہ صلے شاہ سے برآمد ہوئے۔ٹی ایم اے کی جانب سے صفا ئی کے بہترین انتظامات کئے گئے۔اس موقع پرعزاداروننے سینہ کوبی کی اورذوالجناح نکالے ۔تمام جلوس صلے شاہ میںاکٹھے ہوئے اوربعدازاںاپنی اپنی امام بارگا ہوںپراختتام پذیر ہوگئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) آل پاکستان پرائیویٹ سکولزمینجمنٹ ایسوسی ایشن ملک شکیل احمدکے مطابق تمام نجی ادارے9اور10محرم الحرام کے احترام میںبندرہیںگے اورادارے دوبارہ13اکتوبربرازجمعرات کوکھلیںگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) مسلم لیگ (ن)کے رہنمااورممبرقومی اسمبلی جسٹس(ر) افتخاراحمدچیمہ نے کہا ہے کہ وزیراعظم نوازشریف کی قیادت میںملک ترقی کی را ہ پرگامزن ہے۔قوم عمران خاںکی گیدڑبھبھکیوںسے آگا ہ ہے۔ایوان کے مشترکہ اجلاس کابائیکاٹ کرکے عمراںکے فیصلے سے کشمیرکازکونقصان پہنچا ہے۔عمران خاںکااسلا م آبادکوبندکرنے والا اعلان حقیقت نہیںبن سکتا۔30اکتوبر کااحتجاج پھربری طرح ناکام ہوگالاہورمیںپہلے ہی ناکامی ہوچکی ہے۔قوم کے قیمتی126دن ضائع کرنے والے ٹولے کوملکی ترقی ہضم نہیںہورہی۔ان خیالات کا اظہارانہوںنے مسلم لیگی رہنماعبد الحمیدٹھیکیدار کی طرف سے دئے گئے عشائیہ کے موقع پر گفتگوکرتے ہوئے کیا۔اس موقع پر امیدوار چیئرمین ضلع کونسل گوجرانوالہ امتیازاظہر باگڑی،شاہد نواز چٹھہ ایڈووکیٹ،سابق تحصیل نائب ناظم میرماجد علی سالار،صدر پریس کلب افتخاراحمدبٹ،شجا ع الحق،افتخاراسلم بھٹی،نثاراحمدبٹ،وقاص خالد ہاشمی،صدریوتھ ونگ فرحان شاہ،شہروزعبد الحمید ودیگر بھی موجودتھے۔انہوںنے کہا کہ کنٹینر ٹولہ وزیراعظم نوازشریف کے عزم کوکمزورنہیںکرسکتاتبدیلی کے کھوکھلے نعرے لگا نے والوںنے خیربرپختونخواہ کوتباہی سے دوچار کردیا ہے۔انکے پاس ملکی مسائل کے حل کاکوئی پروگرام نہیں۔مسلم لیگ (ن)کے جھنڈے تلے ترقی کاکارواںچلتا رہے گا۔موجودہ حالات میںملک کومتحد کرنے کی ضرورت ہے تقسیم کی سیاست کرنیوالوںکوہوش کے ناخن لینے چا ہئیں۔نوازشریف اورشہبازشریف کی قیادت میںملک ترقی کی شاہراہ پرگامزن ہوچکا ہے ۔عام انتخابات میںملک میںافراتفری کی سیاست کرنیوالوںکوکڑے عوامی احتساب کاسامنا کرنے پڑے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)حوثی باغیوں اور دیگر دہشت گرد ملکوں کی طرف سے سعودی عرب کی سر حد پر جمع ہونے کا اعلان اور مسلسل سعودی عرب کے شہروں پر میزائل حملے قابل افسوس اور نہ قابل قبول ہیں۔ اقوام متحدہ ، اسلامی سربراہی کانفرنس ، عرب لیگ اور عالمی انسانی حقوق کے ادارے فوری طور پر اس کا نوٹس لیں۔ حکومت پاکستان اور دیگر اسلامی ممالک مسلمانوں کے مرکز سعودی عرب کے خلاف ہونے والی سازشوں کو روکنے کیلئے اپنا کردار ادا کریں۔ یہ بات پاکستان علماء کونسل کے مرکزی چیئرمین اور وفاق المساجد پاکستان کے صدر حافظ محمد طاہر محمود اشرفی نے اپنے ایک بیان میں کہی۔انہوں نے کہا کہ ایک پلاننگ کے تحت حوثی باغیوں اور علی عبد اللہ صالح کے گروپوں کو مسلح کیا گیا اور ایران کی طرف سے ان گروپوں کی مدد کے نتیجہ میں گذشتہ دو سال سے مسلسل سعودی عرب کے شہریوں اور شہروں کو نشانہ بنایا جا رہا ہے۔ گذشتہ روز ایک جنازے پر ہونے والے حملے کو بنیاد بنا کر سعودی عرب کے خلاف جارحیت کے اعلان کیے جا رہے ہیں جبکہ سعودی عرب اور عرب اتحاد خود اس حملے کی مذمت کر چکا ہے اور اقوام متحدہ سمیت دنیا کے تمام اداروں کو تحقیقات کیلئے کہہ چکا ہے۔ انہوں نے کہا کہ مشکل حالات میں پاکستان اور دیگر اسلامی ممالک کو کسی صورت سعودی عرب کو تنہاء نہیں چھوڑنا چاہیے۔ حکومت پاکستان فوری طور پر عسکری اور سیاسی قائدین کا ایک وفد سعودی عرب روانہ کرے اور سعودی عرب کی عوام اور حکومت سے ہر سطح پر تعاون کیا جائے۔ انہوں نے کہا کہ جمعتہ المبارک 14 اکتوبر کو ملک بھر میں سعودی عرب کے ساتھ یکجہتی کے دن کے طور پر منایا جائے گا۔ وفاق المساجد پاکستان سے متصل 74000 سے زائد مساجد میں سعودی عرب کے ساتھ یکجہتی کا اظہار اور سعودی عرب کے ساتھ مکمل تعاون کی قراردادیں منظور کی جائیں گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) پاکستان مسلم لیگ کے سینیٹر کامل علی آغا نے گیس کی قیمتوں میں اضافہ روکنے کیلئے اس کے خلاف سینیٹ میں تحریک جمع کروا دی ہے۔ سینیٹر کامل علی آغا کی پیش کردہ تحریک التوا میں کہا گیا ہے کہ تمام قومی پریس نے وفاقی حکومت کی جانب سے گیس کی قیمتوں میں 36فیصد اضافہ کی خبر شائع کی ہے، چونکہ یہ نہایت اہم عوامی مسئلہ ہے اس لیے سینیٹ میں اسے زیربحث لایا جائے۔ دریں اثناء سینیٹر کامل علی آغا نے میڈیا سے گفتگو کرتے ہوئے کہا کہ ن لیگ کے دور میں اشیائے خور و نوش سمیت روزمرہ استعمال کی تمام چیزوں کی قیمتوں اور یوٹیلیٹی بلوں میں کئی گنا اضافہ ہو چکا ہے جس سے عام اور غریب آدمی سخت پریشان ہے، اب وفاقی حکومت کا یہ اقدام عوامی مسائل میں مزید اضافہ کا موجب ہو گا۔ انہوں نے کہا کہ بہتر یہ ہے کہ عوام پر مہنگائی کا مزید بوجھ ڈالنے کی بجائے حکومت انہیں سہولتیں فراہم کرے۔# ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودہا (جی پی آئی)ڈسٹرکٹ پولیس آفیسرکیپٹن ریٹائرڈ سہیل احمد چو ہدری نے کہا ہے کہ ٹریفک پولیس سرگودہا نے 9 اور 10 محرم الحرام کو ماتمی جلوسوں کے پیش نظر اندرون شہر ٹریفک کی روانی کو رواں دواں رکھنے کیلئے ٹریفک پلان جاری کر دیا ہے ۔ ٹریفک پلان کے مطابق 9 محرم الحرام کو مرکزی جلوس بلاک نمبر 23 ـالف سے برآمد ہو گا جو مقررہ راستوں سے ہو تا ہوا امام بار گاہ بلاک نمبر 7 پہنچ کر اختتام پذیر ہو گا ۔اس طرح کینٹ ایریا یونیورسٹی روڈ سے آنے والی ٹریفک شاہین چوک سے براستہ لیاقت مارکیٹ غلہ منڈی چوک ‘ بانس بازار ‘ فاطمہ جناح روڈ سے کباڑی بازار بینک والی گلی سے ہوتی ہوئی قربان چوک سے کربلا چوک پہنچ کر عیدگاہ روڈ استعمال کرتے ہوئے بلاک نمبر 12 فیصل بازار اور سٹی روڈ استعمال کرسکے گی ۔ 9 محرم الحرام کو خوشاب روڈ اندرون شہر کی ٹریفک پرانا بم چوک سے مالبرو چوک سے ڈی ایچ کیو ہسپتال کی عقبی سڑک ‘ موہنی روڈ ‘ فیکٹری ایریا چوک براستہ لک اڈ ا چوک اور سلانوالی روڈ سے استقلال آباد جھال سے نہر کے ساتھ ساتھ پل نہر لوئر جہلم خوشاب روڈ استعمال کی جائے گی۔ ٹریفک پلان کے مطابق عاشورہ 10 محرم کے روز پہلا جلوس مقام حیات کھجور والا چوک نزد شیر پاؤ چوک سے گول چوک تک دوسرا جلوس بلاک نمبر 5 سے براستہ کچہری بازار گول چوک جبکہ تیسرا جلوس امام بارگاہ بلا ک نمبر 10 سے براستہ فیصل بازار ‘گول چوک پہنچ کر مرکزی جلوس کی شکل اختیار کر کے سٹی روڈ ‘ ریاض ہوٹل ‘ میاں خان روڈ سول ہسپتال چوک سے امام بارگاہ بلاک نمبر 7براستہ نوری گیٹ کارخانہ بازار ‘ امین بازار ‘شربت چوک ‘ بلاک نمبر 23چوک سے بلاک نمبر 22چوک (تھانہ اربن ایریا چوک ) سے کربلا چوک پہنچ کر ختم ہو گا ۔ جس کے پیش نظر جب مقام حیات والا جلوس روانہ ہو گا تو تمام ٹریفک واٹر سپلائی روڈ اور مین خوشاب روڈ بلاک نمبر 16تک چلائی جائے گی ۔جب جلوس گول چوک پہنچے گا تو ہر قسم کی ٹریفک کیلئے پرانا پٹھہ منڈی روڈ پر ٹریفک چلا کر واٹر سپلائی روڈ چوک سے رفیقہ ہسپتال چوک ‘ چاندنی چوک سے اقبال کالونی چوک سے زم زم چوک ٹی اینڈ ٹی چوک سے کوٹ فرید سے قربان چوک سے حبیب بینک والی گلی سے فاطمہ جناح روڈ تک چلائی جائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودہا (جی پی آئی)ڈی سی او سرگودہا دانش افضال اور ڈی پی او سرگودہا کیپٹن ریٹائرڈ سہیل احمد چوہدری نے آج ساہیوال او رفروکہ میں عاشورہ محرم کو نکالے جانے والے مرکزی جلوسوں کے روٹس کا تفصیلی معائنہ کیا ۔ انہوں نے سیکورٹی اداروں کو فول پروف سیکورٹی کے علاوہ جلوس کے راستوں میں آنے وا لے گھروں او ردکانوں پر سائنپرز تعینات کرنے او رجلوسوں کے راستوں میں آنے وا لی گلیوں کو خاردار داروں اور قناتوں سے بند کرنے کی ہدایت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودہا (جی پی آئی)بورڈ آف انٹر میڈیٹ ا ینڈ سیکنڈری ا یجوکیشن سرگودہا نے جماعت گیارہویں کے سالانہ امتحان 2016 کے نتائج کاآج اعلان کر دیاہے ۔ بورڈ ترجمان کے مطابق امتحان میں کل 34295 امیدواراوں نے حصہ لیا جن میں 200036 امید وار کامیاب قرار پائے ہیں ۔ ترجمان کے مطابق امیدوار اپنے نتائج بورڈ کی ویب سائٹ پر ملاحظہ کرنے کے علاوہ اپنے موبائل فون سے ایس ا یم ایس کر کے بھی معلوم کر سکتے ہیں ۔ ترجمان کے مطابق ایسے امیدوار جو اپنے امتحانی پرچے ری چیکنگ کروانا چاہتے ہیں وہ فیس 1050 روپے جمع کرواغ کر 25 اکتوبرتک بورڈ انتظامیہ سے رابطہ کر سکتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودہا (جی پی آئی)کمشنر سرگودہا ندیم محبوب نے کہا ہے کہ ڈی ایچ کیو ٹیچنگ ہسپتال سرگودہا میں استعمال شدہ میٹریل کو جلانے کیلئے انسنیریٹر کی تنصیب کر دی گئی ہے ۔ ڈی ایچ کیو ہسپتال میں لگایا جانے والا یہ پہلا انسنیریٹر ہے ۔ ا س سے پہلے ضلع بھر میں کسی بھی سرکاری یاغیر سرکاری ہسپتال میں یہ انسنیر یٹر موجود نہیں تھا۔ انہوں نے یہ بات آج ڈی ایچ کیو ٹیچنگ ہسپتال میں لگائے جانے والے پہلے انسنیریٹر کامعائنہ کرتے ہوئے کہی ۔ اس موقع پر ایم ایس ڈاکٹر پرویز حیدر کے علاوہ دیگر ڈاکٹرزاور متعلقہ افراد موجود تھے ۔ایم ایس ڈاکٹر پرویز حیدر نے بریفنگ دیتے ہوئے بتایا کہ یہ انسنیریٹر فیصل آباد کی ایک مخیر شخصیت نے اس ہسپتال کیلئے عطیہ دیاہے جس کی مالیت بیس لاکھ روپے سے زائد ہے ۔اس سے پہلے ہسپتال کے ویسٹ کو جلانے کے بعد دفن کر دیاجاتا تھا اب ہسپتال کے ویسٹ کو جدید سائنسی طریقے سے تلف کیا جا ئے گا جس کی وجہ سے انفیکشن او ربیماریوں کے کنٹرول میں مدد ملے گی ۔ یہ انسنیریٹر موجود ہ دور کے تقاضوں کے مطابق ہے ایسی ہی ٹیکنالوجی کی پرائیویٹ سیکٹر میں بھی ضرورت ہے ۔ انہوں نے انسنیریٹر کی تنصیب کیلئے کمشنر ندیم محبوب کی ذاتی دلچسپی کا ذکر کرتے ہوئے بتایا کہ انہوں نے اس سال مارچ میں اپنی تعیناتی کے فورا بعد انسنیریٹر کی تنصیب کی یقین دہانی کرا ئی تھی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودہا (جی پی آئی) ڈی سی او دانش افضال نے کہا ہے کہ عاشورہ محرم کے دوران سیکورٹی کے فول پروف انتظامات کئے گئے ہیں ۔ ضلعی حکومت نے سیکورٹی کو یقینی بنانے کیلئے مزید بیس واک تھروگیٹس ڈی پی او سرگودہا کے حوالے کر دیئے ہیں جس سے مجالس او رجلوس کے داخلی راستوں پر لوگوں کی مانیٹرنگ کی جائے گی ۔ ڈی سی او نے کہا کہ محرم الحرام کے دوران تمام سیکورٹی اداروں او رمتعلقہ محکموں کو ریڈ ا لرٹ کر دیاگیاہے تاکہ کسی بھی ہنگامی صورتحال سے نمٹنے کیلئے موثر حفاظتی اقدامات کئے جاسکیں۔ اس ضمن میں ضلعی انتظامیہ او رپولیس نے تمام ہوم ورک مکمل کر کے کنٹنجنٹ شپلان جاری کر دیاگیاہے ۔ علمائے کرام کے ساتھ میٹنگز او رمشاورت کا عمل مکمل کیا جاچکاہے ۔ علمائے کرام نے انتظامیہ کو امن کے قیام کیلئے بھر پور تعاون کی یقین دہانی کرائی ہے کسی جگہ نقص امن کاکوئی خطرہ نہیں ۔ جلوسوں او رمجالس کے مقامات کا جا ئزہ لے کر پولیس کے ساتھ فلیگ مارچ بھی کر لیا گیا ہے ۔ ضابطہ اخلاق کی خلاف ورزی کرنے والے عناصر کے ساتھ سختی سے نمٹا جائے گا۔ کسی کو اشتعال انگیز تقاریر کے ذریعے مذہبی منافر ت پھیلانے کی اجازت نہیں دی جائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودہا (جی پی آئی)ڈی ایس پی ٹریفک سرگودہا شیر بہادر خان نیازی نے کہا ہے کہ ڈی سی او سرگودہا نے 9 اور 10محرم الحرام کو ضلع بھر میں موٹر سائیکل کی ڈبل سواری پر پابندی عائد کر دی ہے ۔ ا س ضمن میں خلاف ورزی کے مرتکب افراد کے ساتھ کوئی رعایت نہیں برتی جائے گی اور امن عامہ کی صورتحال کے کنٹرول کو ہر قیمت پر یقینی بنایا جائے گا۔ انہوں نے بتا یاکہ اس حکم پر عمل درآمد کیلئے ٹریفک پولیس کو متحرک کر دیاگیاہے او رمختلف ٹیمیں تشکیل دی گئی ہیں ۔ انہوں نے عوام الناس سے اپیل کی کہ وہ امن عا مہ کی صورتحال کیلئے ٹریفک پولیس سے تعاون کریں۔ ڈی ایس پی ٹریفک نے بتا یا کہ دفعہ 144 کے تحت 9او ر10محرم کو ضلع بھر میں موٹر سائیکل کی ڈبل سواری پر پابندی عائد رہے گی تاہم اس حکم کا اطلاق آرمی او رڈیوٹی پر موجود پولیس کے علاوہ خواتین او ربارہ سال سے کم عمر بچوں او رمیڈیا کے نمائندوں پر نہیں ہو گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودہا (جی پی آئی)سیکرٹری داخلہ پنجاب میجر ریٹائرڈ اعظم سلیمان خان نے ضابطہ فوجداری کی دفعہ 144 کے تحت صوبہ بھر میں کھلے مقامات ہوٹلز ‘ ریسٹورنٹس ‘ پارکس ‘ کیفے ‘ کلبز وغیرہ میں شیشہ حقہ کے استعمال پر پابندی عائد کر دی ہے ۔ یہ حکم دوماہ تک نافذ العمل رہے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی (جی پی آئی)محرم الحرام کے دوران اتحاد اور بھائی چارے کا ماحول قائم کر کے ملک پاکستان میں امن و امان کی صورت حال کو بہتر کریں،ملکی سنگین حالات کا تقاضا ہے کہ ہم اپنے تمام مذ ہبی ،مسلکی ،گروہی، اور دیگر تمام اختلافات فراموش کر کے اتحاد اور یگانگت امن و امان کا قیام مذہبی ہم آہنگی کے فروغ اور فرقہ ورانہ انتہا پسندی اور دہشت گردی کے خاتمے کیلئے تمام مسالک اور تما م مذاہب کے قائدین کو اپنا بھر پور انداز میںکرداار ادا کرنا ہوگا ان خیالات کا اظہار بانی و یکرٹری جنرل بین المذاہب کمیشن برائے امن و ہم اہنگی علامہ محمد احسان صدیقی نے علما اور مذہبی قائدین سے گفتگو کرتے ہوئے کہا کہ جس طرح میدان کربلا میں حضرت امام حسین نے صبر کی ضرب سے جبر کو پاش پاش کر دیا اسی طرح آج ضرورت اس بات کی ہے کہ تمام مذہبی قائدین اور عوام الناس اتحاد و اتفاق کی ضرب سے فساد کو پاش پاش کر دے۔پاکستان میںا من اور اخوت و بھائی چارگی کی ضرورت جتنی آج ہے اس سے پہلے کبھی نہ تھی،علمائے کرام ماہ محرم الحرام کے ضابطہ اخلاق پر پورے سال عمل کرنے کے ساتھ ساتھ امن کے پیغام کو معاشرے تک پہچانے میں اپنا فریضہ ادا کرتے رہیں،اسلام اور پکستان دشمنوں کے عزام خاک میں مل جائیں گے۔ اس موقع پرکیلاش سرحدی ،مولانا محمدناصر زامرانی، علامہ محمد رضوان نقشبندی ،مفتی الیاس علامہ محمد ریحان المصطفیٰ ، قاری محمد عرفان صدیقی، مولانا محمد ذیشان، پنڈت وجے گڈوو ، پنڈت نو روتن داس، ڈاکٹر اگوبن، خرم صدیقی، موجود تھے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی (جی پی آئی) پی ٹی آئی سندھ کے سینئر نائب صدر حلیم عادل شیخ نے کہاہے کہ ملک کے سب سے بڑے چور حکومت میں ہیں جبکہ شناختی کارڑ اور موٹر سائیکل کے کاغذات نہ رکھنے والوں کی چھترول کی جارہی ہے ۔ عادل ہائوس سے جاری بیان میں حلیم عادل شیخ کا کہنا تھا کہ انتظامیہ اپنی نااہلیوں کی سزا غریب شہریوں کو نہ دے ،سب جانتے ہیں کہ ان کے اس طرح کے اقدامات سے جرائم میں کمی نہیں لائی جاسکتی مگر یہ ضرور ہے کہ وہ عوام جو پہلے ہی بھوک سے مررہی ہے انہیں مزید لوٹنا شروع کردیا جاتاہے۔ انہوں نے کہاکہ حکومت کی اس تدبیر کو یہ نہ سمجھا جائے کہ یہ ہی سارے مسئلے کا حل ہے کہ کچھ روز کے لیے ڈبل سواری پر پابندی لگادی جائے اگر یہ عمل ٹھیک بھی ہے تو کم از کم غریب موٹر سائیکل سواروں سے لوٹ مار نہ کی جائے ،امن وامان کی بہتر ی کے لیے ٹھوس اقدامات کی ضرورت ہوتی ہے جو ان سے ہوتے نہیں ہیں ۔ہم سمجھتے ہیں کہ ڈبل سواری کے نام پر شہریوں میں خوف وہراس پھیلا کر دہشت گردی کے واقعات کو نہیں روکا جاسکتا،ایسے اقدامات کو کرکے حکومت خود کو سمجھتی ہے کہ انہوں نے بہت بڑا کارنامہ اداکردیاہے اس کے بعد شامت صرف ان غریبوں کی آتی ہے جن کو ہیلمٹ اور کسی مجبوری میں ڈبل سواری کی پاداش پر ان کی جیبوں کا صفایا کیا جاتاہے ،ماضی میں ڈبل سواری کے اعلانات کے بعد بھی دہشت گردی کے واقعات رونما ہوتے رہے ہیں،ان اقدامات سے شہریوں کو جو پریشانی ہوتی ہے ایسے میں ٹرانسپورٹ مافیا کی چاندی ہوجاتی ہے ،انہوں نے کہاکہ ملک میں حکمرانوں کی جانب سے عوام کو جہاں معاشی دہشت گردی کا سامنا ہے وہاں شرپسندی کے واقعات میں جانیں بھی انہیں غریب لوگوں کی قربان ہوتی ہیں۔انہوں نے مزید کہا کہ شہریوں کی جانب سے ڈبل سواری کے نام پر لوٹ مارکی شکایتیں مل رہی ہیں جبکہ میڈیا بھی اس کو نشر کررہاہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)چیئرمین ڈیڈیک فضل حکیم خان اور ایم این اے مراد سعید نے ایک سادہ تقریب میں ودودیہ ہائی سکول سیدوشریف میں ہائرسیکنڈری سیکشن کا افتتاح کیا ۔اس موقع پر حاجی فضل مولا ،منتخب نمائندے ،پی ٹی آئی ورکرز ،سکول انتطامیہ و طلبہ اور متعلقہ محکموں کے آفسران موجود تھے۔حاضرین سے غیر رسمی گفتگو کرتے ہوئے فضل حکیم خان اور مراد سعید نے کہا کہ پی ٹی آئی تعلیم کے میدان میں کئے گئے وعدوں میں سے ایک ایک کی تکمیل پر عمل پیرا ہے۔انھوں نے کہا کہ مینگورہ سید و شریف اور ان کے قریبی علاقوں میں میٹر ک پاس طلبہ کو فسٹ ائر میں داخلوں کے سلسلے میں شدید مشکلات درپیش تھیں تاہم ودودیہ ہائر سکینڈری ،شاہدرہ ہائر سیکنڈری اور ڈگری کالج کی نئی عمارت کی تکمیل اور سیکنڈ شفٹ کے اجرا ء کے بعد بڑی تعداد میں طلبہ کو داخلہ اور اعلیٰ تعلیم کی سہولیات مل سکیں گی۔انھوں نے کہا کہ سوات میں ہر سطح پر تعلیم کی بہتری کے اقدامات جاری ہیں اور پرائمری سے لے کر یونیورسٹی سطح تک تعلیم کی بہتری واضح طور پر دیکھی جاسکتی ہے۔انھوں نے ہائر سیکنڈری سیکشن کی نئی عمارت کا معائینہ کیا ۔ اس موقع پر آفسران نے انہیں بتایا کہ عمارت کا 95فیصدکام مکمل ہے جبکہ بقیہ کام چند روز میں مکمل ہو جائے گا۔اس موقع پر انھوں نے ہائر سکینڈری سکول کا باضابطہ افتتاح کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)پشاور الیکٹرک سپلائی کمپنی کے اعلامیہ کے مطابق 132کے وی سب سٹیشن سوات کے گلکدہ اور11 کے وی مینگورہ ون فیڈرز کی تقسیم کے کام کے باعث 11کے وی مینگورہ ون اور فور ، گلکدہ ، سنگر ،سیدوشریف، مرغزار اور سینور فیڈرز پر 27,25,24,20,17,15, اور 31اکتوبر 2016کو صبح آٹھ بجے سے دوپہر دو بجے تک بجلی بند رہے گی۔اسی طرح 11کے وی مینگورہ II فیڈر کی تقسیم اور تاروں کی تبدیلی کے کام کے باعث 11کے وی مینگورہ II، تختہ بند،کبل ایک،کبل دو، کبل تین ،کبل چار،ملم جبہ اور بانڈئی فیڈرز پر 23,21,18,15 اور 28 اکتوبر 2016کو صبح آٹھ بجے سے دوپہر دو بجے تک بجلی بند رہے گی جبکہ 11کے وی یونیورسٹی آف سوات فیڈر کی تقسیم کے باعث 11کے وی شانگلہ ،چارباغ، خوازہ خیلہ ، مٹہ ،شور ،چپریال اور بیدرہ فیڈرز پر 27,24,22,18,16,15 اور 29اکتوبر 2016کو صبح آٹھ پجے سے دوپہر دو بجے تک بجلی بند رہے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (جی پی آئی)محرم الحرام کے موقع پر ضلع بھمبر میں سیکورٹی کے فول پروف انتظامات کیے گئے ہیں ضلع بھمبر کے تمام داخلی و خارجی راستوں پر آرمی اور پولیس کی مشترکہ چیک پوسٹوں پر تمام آنے اور جانے والے لوگوں کا مکمل ڈیٹا رکھا جاتا ہے محرم کے دوران ضلع بھمبر میں پولیس کی بھاری نفری تعینات کی گئی ہے جبکہ تمام مین شاہراؤں اور بازاروں میںآرمی کے دستے گشت کرتے ہیں کسی بھی مشکوک شخص یا سامان کی فوری طور پرمتعلقہ تھانہ میں اطلاع دیں ان خیالات کااظہار ڈپٹی کمشنر مرزا ارشد محمود جرال نے صحافیوں سے خصوصی گفتگو کرتے ہوئے کیا انہوںنے کہاکہ 9اور 10محرم الحرام کے موقع پر کسی بھی ہنگامی صورتحال سے نمٹنے کیلئے سیکورٹی کے فول پروف انتظامات کیے گئے ہیں 10محرم الحرام کو ذوالجناح کے جلوس کے تمام راستوں پر خفیہ کیمرے لگائے جائیںگے جبکہ پولیس کی بھاری نفری بھی تعینات کی جائیگی ضلع بھمبر کے تمام داخلی و خارجی راستوں پر آرمی اور پولیس کی مشترکہ چیک پوسٹوں پر آنے اور جانے والے افراد کا مکمل ڈیٹا رکھا جاتاہے انہوںنے کہاکہ شہری مشکوک افراد اور اشیاء پر نظر رکھیں کسی بھی مشکوک فرد یا چیز کے بارے میں فوری طور پر متعلقہ تھانے یا کنٹرول روم میں اطلاع کریں انہوںنے کہاکہ محرم کے دوران ڈپٹی کمشنر آفس میں کنٹرول رو م قائم کر دیا گیا ہے جسکی مانیٹرنگ اسسٹنٹ کمشنر راجہ طارق خان کررہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی)9اور 10محرم الحرام کے موقع پر سیکورٹی کے فول پروف انتظامات کیے گئے ہیں گزشتہ روز سول انتظامیہ اور آرمی کا مشترکہ فلیگ مارچ کیا گیا جسکی قیادت اسسٹنٹ کمشنر راجہ طارق خان کررہے تھے فلیگ مارچ نے پورے شہر کا چکر لگایا اور ڈپٹی کمشنر آفس میں اختتام پذیر ہو گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی) تعمیر ملت انٹر کالج دھندڑ کلاں کے سرپرست اعلیٰ کیپٹن (ر) محمد اسلم ڈار گذشتہ روز حرکت قلب بند ہونے سے وفات پا گئے ہیں مرحوم کو نمازجنازہ کے بعدانکے آبائی قبرستان دھندڑ کلاںمیں سپردخاک کر دیا گیا نمازجنازہ ممتاز عالم دین مولانا محمد امین نے پڑھا ئی نماز جنازہ میں پرنسپل (ر) محمد یونس ،ڈی ای او (ر) چوہدری عنایت اللہ ،ایس ای سجاد حسین بٹ ،مسلم لیگ ن کے راہنما چوہدری ظہیر الدین بابر سینئر قانون دان محمد رفیق ڈار ایڈووکیٹ ،حافظ فضل الرحمن ڈار ایڈووکیٹ ،اوورسیز کشمیری راہنما محمد سلیمان میر ،عبدالرحمن میر ،چوہدری محسن انور انجینئر،مقصود احمد بٹ سابق صدر کشمیر پریس کلب ناصر شریف بٹ ،پرنسپل انسٹی ٹیوٹ آف ایجوکیشن راجہ اشفاق احمد ،پرنسپل الائیڈ سکول طارق محمود شاکر ،انجینئر حسیب چوہدری ،ندیم احمد ڈار صوبیدار محمد اکرم ڈار ،عبدالرؤف ڈار ،منیجر حبیب بنک چوہدری سرفراز مہر ،ماسٹر طارق محمود سمیت وکلاء ،صحافیوں ،تاجروں ،عوامی نمائندگان ،سول سوسائٹی ،عوام علاقہ اور عزیز واقارب کی کثیر تعداد می ں شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی)وزیر اعظم آزادکشمیر کی گڈ گورننس کا بھمبرمیں پہلا مظاہرہ 275ویں نمبر پر موجود سینئر معلمہ کو ڈائریکٹ ڈپٹی ڈسٹرکٹ ایجوکیشن آفیسر تعینات کر دیا گیا جو معلمہ ابھی ہیڈ مسٹریس بننے سے بھی 275نمبر پیچھے ہے اس کو سینئر ترین ہیڈ مسٹریس کی جگہ ڈپٹی ڈی ای او زنانہ تعینات ہونا تعلیمی حلقوں کیلئے معمہ بن گیا اور وزیر اعظم کی صاف و شفاف حکومت اور گڈ گورننس پر سوالیہ نشان ثبت ہو گیا تفصیلات کیمطابق ڈپٹی ڈی ای او محترمہ نبیلہ نذیر قاضی کو ذاتی پسند و ناپسند کی بنیادپر تبدیل کر دیا گیا اور انکی جگہ سینئر معلمہ جسکا سینارٹی لسٹ میں ہیڈ مسٹریس بننے کیلئے 275واں نمبر ہے جو بنا صدر معلمہ بنے ڈپٹی ڈی ای او تعینات کر دی گیا ہے یاد رہے کہ ڈپٹی ڈی ای او کی پوسٹ پر ہمیشہ سینئر ترین صدر معلمہ کو تعینات کیا جاتا ہے مگر موجودہ حکومت نے گڈ گورننس کا عملاً ثبوت دیتے ہوئے ایک اپنی منظور نظر خاتون کو یہ عہدہ تجویز کر دیا جو صدر معلمہ بننے کیلئے بھی ابھی 275نمبر پیچھے ہے موصوفہ کو پہلے محض صدر معلمہ کو چارج دیا گیا اور بعد ازاں راتوں رات ڈپٹی ڈسٹرکٹ ایجوکیشن آفیسر تعینات کر دیاگیا عوامی اور تعلیمی حلقوں نے وزیر اعظم آزادکشمیر کے اس اقدام پر سخت مایوسی کا اظہار کرتے ہوئے مطالبہ کیا ہے کہ برائے کرم محکمہ تعلیم کو تحتہ مشق نہ بنایا جائے اور آئندہ نسلوں کے مستقبل سے کھیلنے کی بجائے کہیں اور زور آزمائی کی جائے جبکہ محکمہ تعلیم میں اہل اور سینئر ترین لوگوں کو ذمہ دار عہدوں پر تعینات کیا جائے تاکہ سرکاری اداروں کی نا گفتہ بہ حالت میں بہتری کے امکانات پیدا ہو سکیں۔
کراچی جماعت اسلامی کی خبریں 10/10/2016
گجرات کی خبروں کی تصویری جھلکیاں
