گجرات (جی پی آئی) ممتاز عالم دین علامہ ارشد محمود نقشبندی کی دعوت ولیمہ ملن میرج ہال میں منعقد ہوئی۔ جس میں اہم شخصیات کی کثیر تعداد نے شرکت کی۔ مہمانوں کا استقبال علامہ انصر محمود انجم’ حافظ محمد فیاض سلطانی’ کاشف شریف مصطفائی’ قاری محمد شفیق سیالوی’ صاحبزادہ حامد رضا نے کیا۔ اس موقع پر علامہ عبدالرشید اویسی’ علامہ عبدالوحید جلالی’ علامہ ابو تراب بلوچ’ عنصر محمود انجم’ قاری محسن رضا قادری’ علامہ راشد نقشبندی’ علامہ عبدالستار چشتی’ علامہ قاری عبدالخالق نقشبندی’ علامہ قاری سلیم سیالوی’ علامہ قاری مختار سعیدی’ استاد نذیر احمد’ مولانا جمیل صدیقی’ صوفی اشرف ‘ مولانا فیاض سلطانی’ مولانا حسنات جلالی’ قاری حنیف جلالی’ صاحبزادہ شبیر سیفی’ صوفی نور حسن’ صوفی محمد ارشد’ عادل جاوید’ صوفی آفتاب’ علامہ عبدالرئوف’ ٹھیکیدار چوہدری حسن اختر’ مہربان حسین’ محمد عرفان’ علامہ قاری اسلم’ مولانا سکندر’ مولانا عبدالخالق’ چوہدری مجید اللہ ملہی’ حافظ امجد محمود’ حافظ الیاس جلالی سوہل خورد و ‘ حافظ کرامت حسین’ ڈاکٹر رزاق احمد غفاری’ چوہدری شکیل گجر آف معروف’ دیگر شریک تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)گزشتہ روز پاکستان آرمی کے افسران نے محرم الحرام کے سلسلہ میں منعقدہ جلوسوں کے روٹس کا معائنہ کیا۔ اس موقع پر ممتاز مذہبی شخصیت سید الطاف عباس کاظمی اور سید مظہر شاہ’ خادم علی خادم’ نے انکا استقبال کیا۔ اور انہیں گجرات میں محرم الحرام کی صورتحال کے حوالے سے بریفنگ دی ۔ پاکستان آرمی کے میجر شعیب نے تمام انتظامات پر اطمینان کا اظہار کیا اور کہا کہ محرم الحرام کے دوران بھر پور حفاظتی انتظامات کئے جائیں گے اور پاکستان آرمی انتظامیہ کے ساتھ بھر پور تعاون کرے گی۔ انہوں نے حسینیہ ٹرسٹ گجرات کا بھی دورہ کیا جہاں پر انہیں حفاظتی انتظامات کے بارے میں بریفنگ دی گئی۔ اس موقع پر تمام شرکاء نے انتظامات کے حوالے سے بھی انتظامیہ کو سراہا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) تھانہ اے ڈویژن گجرات میں محرم الحرام کے سلسلہ میں خصوصی میٹنگ منعقد ہوئی۔ جس کی صدارت ڈی ایس پی سٹی حافظ امتیاز نے کی۔ اس موقع پر گجرات شہر کے بانیان مجالس اور جلوس نے شرکت کی۔ جبکہ انجمن تاجران کے نمائندگان نے بھی شرکت کی۔ اس موقع پر سید الطاف عباس کاظمی نے محرم الحرام کے انتظامات پر بریفنگ دی۔ اور کہا کہ ہم انجمن تاجران اور ضلعی انتظامیہ کے شکر گزار ہیں جو کہ ہمیشہ کی طرح اس سال بھی بھر پور تعاون کر رہے ہیں اور ہم عزاداری امام حسین کو منانے کے سلسلہ میں کوشاں ہیں اور انتظامیہ سے تعاون کی بھر پور یقین دہانی کروائی۔ جاوید بٹ ‘ افتخار احمد شاکر’ خادم حسین سلیمی’ نے بھی خطاب کیا جبکہ ایس ایچ او تھانہ اے ڈویژن ‘ تھانہ بی ڈویژن بھی موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) محلہ نور پور پڈھے میں ایک ہی روز صدر کاٹیج فرنیچر ایسوسی ایشن چوہدری منور پڈا’ اور انکے بھتیجے محمد شعیب پڈا کا اکٹھا جنازہ اُٹھا۔ ہر طرف کہرام مچ گیا۔ ہر آنکھ اشکبار نظر آئی۔ تفصیلات کے مطابق صدر کاٹیج فرنیچر ایسوسی ایشن چوہدری منور پڈا اور انکے بھتیجے محمد شعیب پڈا جو گزشتہ روز رضائے الٰہی سے انتقال کر گئے تھے۔ مرحومین کی نماز جنازہ قبرستان میراں صاحب محلہ نور پور پڈھے میں ادا کی گئی۔ مرحومین کی نماز جنازہ صاحبزادہ پیر محمد عبدالقادری’ سجادہ نشین آستانہ عالیہ مراڑیاں شریف نے کی۔ جبکہ اس موقع پر ہر مکتبہ فکر سے تعلق رکھنے والے افراد نے شرکت کی۔ اس دوران ہر آنکھ اشکبار تھی۔ اہل علاقہ ایک دوسرے سے تعزیت کا اظہار کر رہے تھے۔ مرحومین کے ایصال ثواب کیلئے ختم قل آج صبح 10 بجے جامع مسجد غوثیہ محلہ نور پور پڈھے میں منعقد ہوگا۔ دوست احباب سے شرکت کی اپیل کی جاتی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ممتاز علامہ دین علامہ مفتی محمد عنصر القادری صاحبزادہ پیر سید سعید احمد شاہ گجراتی صاحبزادہ پیر رضوان منصور آوانی نے ممتاز ثناء خوان رسول محمد عارف شاہد گوندل کے والد محترم مولانا امان اللہ نعمانی کی وفات پر گہرے رنج و غم کا اظہار کیا ہے اور دعا کی اللہ تعالیٰ مرحوم کو جنت الفردوس میں جگہ عطا فرمائے اور لواحقین کو صبر جمیل عطا فرمائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ممتاز سماجی شخصیت چوہدری عمر گجر ‘ کی رہائشگاہ پر عظیم الشان محفل میلاد مصطفی کا انعقاد کیا گیا۔ ممتاز ثناء خوان رسول قاری محسن رضا قادری نے تلاوت قرآن پاک کا شرف حاصل کیا اور خوبصورت انداز میں نعت رسول و منقبت پیش کی۔ اس موقع پر مہمان خصوصی یو اے ای کی ممتاز شخصیت چوہدری محمد شکیل گجر آف معروف تھے۔ چوہدری عمر گجر نے خطاب کرتے ہوئے کہا کہ نبی پاک ۖ کی مداح بیان کرنا اور سننا بڑے نصیب کی بات ہے۔ اور وہ لوگ مبارکباد کے مستحق ہیں جو حضور ۖ کی محافل سجاتے ہیں۔ میں قاری محسن رضا قادری اور انکے رفقائے کار کا شکر گزار ہوں کہ انہوں نے ہمیں اس بات کا موقع دیا کہ ہم اپنی رہائشگاہ پر سرکار کی محفل کا انعقاد کر سکے۔ اس موقع پر ڈاکٹر رزاق احمد غفاری و دیگر بھی موجود تھے۔ ملکی ترقی و سلامتی کیلئے دعائیں کی گئیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ترجمہ کا عمل تہذیبوں، قوموں اور ثقافتوں کے مابین رواداری کو فروغ دیتا ہے۔ ترجمہ کی روایت زبانوں اور ان سے وابستہ ثقافتوں کی باہمی افہام و تفہیم کے لیے نہایت اہم ہے۔ پاکستان میں بولی جانے والی تمام زبانیں ہماری شناخت کی علامت ہیں۔ تمام زبانوں کا ادب ِ پاکستان کا مشترکہ ثقافتی اثاثہ ہے۔ زبانوں کے فروغ کے لیے علمی و فکری ماحول کی فراہمی جامعات کی ذمہ داری ہے۔ ترجمہ ایک ناگزیز تہذیبی ضرورت اور مؤثر ابلاغ کا ذریعہ ہے۔ مرکز برائے السنہ و علوم ترجمہ کا قیام جامعہ گجرات کا اہم کارنامہ ہے۔ ان خیالات کا اظہار وائس چانسلر پروفیسر ڈاکٹر ضیاء القیوم نے جامعہ گجرات میں مرکز برائے السنہ و علوم ترجمہ اور ہائر ایجوکیشن کمیشن پاکستان کے اشتراک سے منعقدہ دو روزہ قومی کانفرنس ”ترجمہ اور قومی زبانیں” کے افتتاحی اجلاس سے خطاب کرتے ہوئے کیا۔ انہوں نے مزید کہا کہ عالمی یوم ِ ترجمہ کے حوالہ سے اس علمی کانفرنس کا انعقاد اہمیت کا حامل ہے۔ اکیسویں صدی کا تقاضا یہ ہے کہ ہم مختلف موضوعات پر علمی ، سائنسی اور فکری کتابوں کو جلد از جلد اُردو اور دیگر علمی زبانوں میں منتقل کرتے ہوئے پاکستانی قومیت کی تشکیل میں اپنے حصہ کا ہاتھ بٹائیں۔ معروف تجزیہ نگار وسعت اللہ خاں نے کہا کہ علم کے فروغ کے لیے ترجمہ کی اہمیت واضح ہے۔ ترجمہ کاری کی سرپرستی ایک عظیم قومی خدمت ہے۔ ترجمہ اگرچہ ایک مشکل فن ہے مگر مسلم تہذیب میں ترجمہ کی روایت بہت قدیم ہے۔ ترجمہ کے عمل میں ابلاغ کو مرکزی اہمیت حاصل ہے۔ عصری علوم اور لفظوں کے مزاج سے شناسائی اور اصطلاحات سے واقفیت ایک نفیس ترجمہ کو حاصل کرنے کے لیے ضروری ہے۔ پاکستان کی علاقائی زبانوں کو تراجم کے ذریعے فروغ دے کر ہم قومی یکجہتی کے ہدف کو حاصل کر سکتے ہیں۔ معروف دانشور و کالم نگار یاسر پیرزادہ نے کہا کہ ہمیں اپنی جامعات اور علمی اداروں میں تنقیدی شعور کی حامل سوچ کو پروان چڑھانے کی ضرورت ہے۔ سماجی علوم قوموں کی ترقی کا باعث بنتے ہیں۔ ترجمہ بھی ایک سماجی عمل ہے۔ ترجمہ کرتے ہوئے مترجم کو دونوں زبانوں کے مزاج اور تہذیبی استعاروں کو ملحوظ خاطر رکھنا چاہیے۔ نامور کالم نگار اینکر حبیب اکرم نے کہا کہ ترجمہ میں ابلاغ کو اہم حیثیت حاصل ہے۔ ملک بھر میں اُردو زبان کے سرکاری سطح پر نفاذ کے لیے سپریم کورٹ کا فیصلہ نہایت اہم ہے۔ جامعہ گجرات میں مرکز برائے السنہ و علوم ترجمہ کا قیام مسلمانوں کی نشاط ثانیہ کا آغاز بن سکتا ہے۔ قومی زبان اُردو میں بہترین علمی کتابوں کے تراجم کی اشد ضرورت ہے۔ میری تجویز ہے کہ پاکستان کی قومی و مقامی زبانوں کے ادب کو دنیا کی مختلف زبانوں میں تراجم کے ذریعے پھیلایا جائے۔ مسلمان ممالک کے مابین باہمی ہم آہنگی کے فروغ کے لیے تراجم کا کردارا ہم ہے۔ معروف کالم نگار و مزاح نگار گل نوخیز اختر نے کہا کہ ترجمہ ایک مشکل اور صلاحیت طلب عمل ہے۔ ہر زبان کا مزاج مختلف ہونے کے باعث ہر لفظ اور ترکیب کا ترجمہ دوسری زبان میں بعینہ نہیں کیا جا سکتا۔ ترجمہ ہمیشہ عام فہم، آسان اور قابل سمجھ ہونا چاہیے۔ صدر مرکز برائے السنہ و علوم ترجمہ ڈاکٹر غلام علی نے مہمانوں کو خوش آمدید کہتے ہوئے کہا کہ یہ مرکز پاکستانی جامعات میں اپنی نوعیت کا واحد مرکز ہے۔ مرکز السنہ و علوم ترجمہ فنون ترجمہ کے میدان میں تحقیقی و علمی سرگرمیوں کو محور بناتے ہوئے طلبہ کی تدریس میں مصروف ہے۔ یہ مرکز قومی بیانیہ کی تشکیل میں اہم کردار ادا کرے گا۔ مرکز مختلف تحقیقی رسائل کی اشاعت کے علاوہ حکو مت پنجاب کے قوانین کو بھی تیزی سے اُردو زبان میں منتقل کرنے کا فریضہ سر انجام دے رہا ہے۔ مجھے اُمید ہے کہ یہ قومی کانفرنس ملک میں جاری ترجماتی سرگرمیوں کو مہمیز کرنے میں ساز گار ثابت ہو گی۔ ڈائریکٹر پریس و میڈیا شیخ عبدالرشید نے کہا کہ موجودہ دور میں فن ترجمہ نگاری سے صرف نظر ممکن نہیں۔ تحقیق و تجسس علوم کی آبیاری میں مدد گار ثابت ہوتے ہیں۔ ترجمہ کے ذریعے ہم نئے اسالیب سے آشنا ہوکر علم و ادب کی بہتر خدمت کا فریضہ سرانجام دے سکتے ہیں۔ غیر ملکی زبانوں سے علمی تراجم فکری ثمر آوری کا شاخسانہ ہیں۔ اس کانفرنس میں جامعہ گجرات کے اساتذہ و طلبہ کے علاوہ یونیورسٹی آف سرگودھا، یونیورسٹی آف لاہور اور UOGراولپنڈی کیمپس کے اساتذہ و طلبہ بھی دلچسپی سے شریک ہوئے۔ کانفرنس کے پہلے دن کے دوسرے سیشن میںKPKاور بلوچستان سے تشریف لانے والے لسانی ماہرین پروفیسر ڈاکٹر نصرا للہ وزیر اور پروفیسر ڈاکٹر عرفان بیگ نے پشتو میں ترجمہ کی روایت اور بلوچی زبان کے موجودہ سیاسی و جغرافیائی تناظر کے موضوعات پر فکر انگیز مقالات پیش کیے جبکہ معروف استاد صاحبزادہ احمد ندیم نے ترجمہ اور قومی بیانیہ کی تشکیل کے حوالہ سے اپنا مقالہ پیش کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) جامعہ گجرات کے مرکز برائے السنہ و علوم ترجمہ کے زیراہتمام ہائر ایجوکیشن کمیشن پاکستان کے تعاون سے ایک دو روزہ قومی کانفرنس”ترجمہ اور قومی زبانیں” کا آغاز حافظ حیات کیمپس میں ہو گیا۔ قومی کانفرنس کے افتتاحی اجلاس کی صدارت کا فریضہ وائس چانسلر پروفیسر ڈاکٹر ضیاء القیوم نے سرانجام دیاجبکہ ملک بھر سے نامور دانشور، اساتذہ اور ماہرین لسانیات وسعت اللہ خاں، یاسر پیرازدہ، حبیب اکرم ، گل نوخیز اختر، پروفیسر ڈاکٹر نصر اللہ وزیر، پروفیسر ڈاکٹر عرفان بیگ اور صاحبزادہ احمد ندیم نے اس کانفرنس میں شرکت کرتے ہوئے قومی زبانوں کی ترقی و ترویج کے لیے فن ترجمہ اور اس سے وابستہ موضوعات پر اپنے بیش قیمت اور تکنیکی مقالات پیش کیے۔ڈاکٹر ضیاء القیوم نے اپنے کلیدی خطاب میں مؤثر ابلاغ کے لیے ترجمہ کی اہمیت پر روشنی ڈالتے ہوئے ترجمہ کاری کو ایک اہم قومی عمل قرار دیا۔صدر مرکز برائے السنہ و علوم ترجمہ ڈاکٹر غلام علی نےCeLTsکی سرگرمیوں پر روشنی ڈالی جبکہ ڈائریکٹر پریس و میڈیا شیخ عبدالرشید نے نظامت کا فریضہ سرانجام دیتے ہوئے کہا کہ موجودہ دور میں ترجمہ کاری سے صرف نظر ناممکن ہے۔ یاد رہے کہ ہر سال30ستمبر کو دنیا بھر میں عالمی یوم ترجمہ منایا جاتا ہے۔ اس حوالہ سے اس قومی کانفرنس میں ترجمہ کی اہمیت کو اُاجاگر کرنے کے لیے ایک کیک کاٹنے کا اہتمام بھی کیا گیا۔ جامعہ گجرات میں اس قومی کانفرنس کا انعقاد سپریم کورٹ کے پاکستان بھر میں اُردو کے بطور دفتری زبان نفاذ کے تناظر میں بہت اہم ہے۔ علاوہ ازیں جامعہ گجرات کا مرکز برائے السنہ و علوم ترجمہ حکومت پنجاب کے ساتھ ایک معاہدہ کے تحت آج کل انتہائی تیزی سے قوانین کو اردو میں ڈھالنے کا فریضہ سرانجام دے رہا ہے۔ یہ منصوبہ اُردو کے بطور دفتری زبان نفاذ کے سلسلہ میں انتہائی اہمیت کا حامل ہے۔ اس قومی کانفرنس کا مقصد غیر ملکی زبانوں کے علوم کو پاکستان زبانوں اور خصوصی طور پر اُردو میں منتقل کرنے کے حوالہ سے ترجمہ اور علوم ترجمہ کے تعمیری کردار کا جائزہ لیتے ہوئے تمام ممکنات کا تعین کرنا تھا۔ لسانیاتی وسائل، لغات نویسی، بین الزبانی اصطلاحات اور ترجمہ کے بنیادی امور کو مبحث بناتے ہوئے پاکستان کے موجودہ لسانی مسائل کو حل کرنے میں یہ قومی کانفرنس اہم کردار ادا کرے گی۔ اس کانفرنس میں ملک بھر کی جامعات سے اساتذہ و طلبہ نے شرکت کرتے ہوئے پاکستان کی مختلف زبانوں میں ترجمہ کے حوالہ سے سرگرمیوں کی حوصلہ افزائی کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پاکستان مسلم لیگ ق کی رکن صوبائی اسمبلی خدیجہ عمرفاروقی نے محکمہ سکول ایجوکیشن کی ناقص حکمت عملی کے باعث لاہور میں6ماہ کے دوران 102سرکاری سکولوں سے 3100طلباء کی پڑھائی چھوڑنے پر پنجاب اسمبلی میں تحریک التوائے کار جمع کروادی ۔انہوںنے اپنی تحریک التوائے کار میں کہا کہ یہ امر مقام افسوس ہے کہ گورنمنٹ اسلامیہ ہائی سکول ملتان روڈ لاہور سے 254طلباء نے سکول چھوڑا ۔جبکہ دیو سماج گرلز سکول سے124طالبات اور وزیراعظم و وزیراعلیٰ کی ذاتی رہائشی علاقہ جاتی امراء سے105طلباء ،سی ڈی جی ایل قلعہ لکشمن سنگھ سے78طلباء ، سی ڈی جی ایک مغلپورہ سے57طالبات ،گورنمنٹ ہائی سکول کرشن نگر سے 124طالبات،مسلم لیگ ہائی سکول ایمپریس روڈ سے 55طلباء ،گورنمنٹ سکول بابوصابو سے53طلبائ، شیر شاہ کالونی سکول سے37طلبائ، ستارہ کالونی سے78طلبائ، پریکٹسنگ سکول ٹائون شپ سے 58طالبات، گورنمنٹ سکول بیدیاں روڈ سے23 طالبات،سوڈیوال سکول سے23طلبائ،شیر شاہ کالونی سے23طلبائ، نواب پورہ سے15طلبائ، شاد باغ سکول سے 31طلباء اور کوٹ خواجہ سعید سے31طلباء نے سکول چھوڑا ۔خدیجہ فاروقی نے کہا کہ حکومت پنجاب کے سرکاری سکولوں کی بوسیدہ اور خطرناک عمارتیں،پانی و دیگر سہولیات سے محرومی اور ناقص حکمت عملی کے باعث عوام کا سرکاری سکولوں پر سے اعتماد اٹھتا جارہا ہے ،لاہور میں 3100طلباء و طالبات کا پڑھائی چھوڑنا جعلی انرولمنٹ کی نشاندھی ہے جبکہ حکومت پڑھو پنجاب بڑھو پنجاب کے نعرے لگارہی ہے جبکہ عملی میدان میں تعلیمی معیار گرتا جارہا ہے انہوںنے کہا کہ اربوں روپے خرچ کرکے چند دانش سکولوں کے قیام سے معیار تعلیم نہیں بڑھ سکتا۔اگر یہی فنڈز پنجاب کے سکولوں پر خرچ ہوتا تو ایسی افسوسناک صورتحال سامنے نہ آتی ۔انہوںنے کہا کہ حکومت طلباء و طالبات کی پڑھائی چھوڑنے پر کیا اقدامات اٹھارہی ہے اس سے پنجاب اسمبلی کو آگاہ کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پاکستان مسلم لیگ کے سینئرمرکزی رہنما و سابق نائب وزیر اعظم چودھری پرویزالٰہی نے کہا ہے کہ نریندر مودی پاکستان اور کشمیر کا ہی نہیں بلکہ امن کا دشمن ہے، مقبوضہ کشمیر کو ہاتھ سے نکلتے دیکھ کر کنٹرول لائن پر فائرنگ اور ایسی کارروائیاں بھارتی بوکھلاہٹ اور باقاعدہ پلاننگ کا نتیجہ ہیں۔ یہاں اپنی رہائش گاہ پر میڈیا سے گفتگو کرتے ہوئے انہوں نے کہا کہ مادرِ وطن کے دفاع اور تحفظ کیلئے پاکستان کے عوام اپنی مسلح افواج کے ساتھ سیسہ پلائی دیوار ہیں اور وہ ہر حملہ آور کا منہ توڑ دینے کیلئے ہمہ وقت تیار ہیں۔ انہوں نے کنٹرول لائن پر شہید ہونیوالے فوجی جوانوں کو خراج عقیدت پیش کرتے ہوئے کہا کہ پاکستانی دستوں کی بھرپور جوابی کارروائی قابل تحسین ہے، مودی حکومت ایسی کارروائیوں، ڈراموں اور شوشوں سے پاکستان کو خوفزدہ نہیں کر سکتی، بھارتی حکومت اور فورسز کی کارروائیوں کا ہماری مسلح افواج کی جانب سے مناسب جواب دیا جا رہا ہے، افسوس کہ نوازشریف اور دفترخارجہ نے جنرل اسمبلی کے اجلاس کے موقع پر بھارتی حاضر سروس فوجی افسر کل بھوشن کی بلوچستان میں دہشت گردی اور کراچی میں ‘را’ کی تخریبی کارروائیوں سے متعلق قومی اداروں کے فراہم کردہ ثبوت اقوام عالم کے سامنے پیش نہ کر کے دہشت گرد مودی حکومت کو بے نقاب کرنے کا سنہری موقع کھو دیا اور وہ آج ایسی کارروائیاں کر رہی ہے، وزیراعظم نوازشریف اور دفتر خارجہ کو چاہئے کہ وہ یہ ثبوت کم از کم اب تک دنیا کو دکھانا شروع کر دیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) سالارقافلہ چوہدری عابد رضا اور ممبر صوبائی اسمبلی چوہدری شبیر احمد کی سرپرستی میں چیئرمین ڈاکٹر محمد عباس چوہدری اور شمیم محمد چوہدری کی کوششوں سے چوہدری فضل دادگورنمنٹ میٹرنٹی ہسپتال کوٹلی بجاڑ (یونین کونسل گلیانہ )ڈاکٹر اریشہ اسلم کی سربراہی میں عوام کی خدمت میں 24گھنٹے مصروف عمل، بہترین انتظامات اور بڑھتی ہوئی او پی ڈی پرڈی سی او گجرات لیاقت علی چٹھہ کا ڈاکٹر اریشہ اسلم کو شاباش،گزشتہ روزچوہدری فضل دادگورنمنٹ میٹرنٹی ہسپتال کوٹلی بجاڑ (یونین کونسل گلیانہ )میں ڈی سی او گجرات لیاقت علی چٹھہ کے دورہ کے موقع پہ ڈاکٹر اریشہ اسلم نے ڈی سی او گجرات کو بتایا کہ گزشتہ ماہ 1410او پی ڈی،34ایمرجینسی،56ان دور مریض،اور 132 لیبارٹری ٹیسٹ کئے گئے جبکہ گزشتہ ماہ 5 جبکہ ماہ ستمبر میں ابھی تک4نارمل ڈیلیوری کے کیس کئے گئے۔انہوں نے کہا کہ ہمارے پاس اوپی ڈی، ایمرجینسی، نامل ڈیلیوری،مختلف قسم کے خون کے ٹیسٹ، ایکسرے اور الٹراسائونڈاور ایمرجنسی کی صورت میں ایمبولینس کی سہولت موجود ہے ۔جس پہ ڈی سی او گجرات لیاقت علی چٹھہ نے ڈاکٹر اریشہ اسلم کو شاباش دیتے ہوئے ان کی کارکردگی کو سراہا اور سٹاف کی کمی13 لیڈی ہیلتھ ورکرز کی فوری فراہمی کے ساتھ ساتھ ہسپتال کی دیگر ضروریات پوری کرنے کے لئے ای ڈی او ہیلتھ کو احکامات جاری کردئیے۔یاد رہے کہ اس وقت چوہدری فضل دادگورنمنٹ میٹرنٹی ہسپتال کوٹلی بجاڑ (یونین کونسل گلیانہ )میں ایک گائناکالوجسٹ، دو وویمن میڈیکل آفیسرزاور ایک چائلڈسپیشلسٹ موجود ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) SHO تھانہ کھاریاں صدر شہباز ہنجرا نے علاقہ تھانہ صدر پنڈی سلطان پورہ سے شراب کی چالو فیکٹری پکڑ لی۔ 400بوتلیں شراب، معرکے، خالی بوتلیں، کیمیکل اور مشینری کے ساتھ تین ملزمان کو گرفتار کرلیا۔ گذشتہ پریس کانفرنس سے خطاب کے دوران SHO نے بتایا کہ DPO گجرات سہیل ظفر چٹھہ کی خصوصی ہدایات پر میری ٹیم ASI غلام حسن اور عملہ نے محمد ادریس ولد صابر حسین سکنہ پنڈی سلطان پور، عمران ولد عبدالغفور ساکن پنڈی سلطان پور اور محمد توصیف گل شیر سکنہ پنڈی سلطان پور کے قبضہ سے یہ بڑی کھیپ پکڑ لی ہے شہباز ہنجرا نے مزید بتایا کہ میڈیا کے ذریعے عوام الناس کو یہ پیغام دیتا ہوں کہ یہ زہر ہرگز استعمال نہ کریں اس کھیپ میں سے انتہائی زہریلا کیمیکل بھی برآمد ہوا ہے جو کہ چند قطرے زیادہ پینے سے انسان کی موت واقع ہو سکتی ہے اور ملک کے کئی علاقوں میں زہریلی شراب پینے سے اموات واقع ہوئی ہیں اس کے علاوہ میڈیا کا تعاون بھی بے حد ضروری ہے تاکہ ملکر جرائم کا خاتمہ کیا جا سکے انہوں نے مزید بتایا کہ محمد نواز ساکن سرگودھا سے بھی ڈیڑھ کلو چرس برآمد کر کے اس کے خلاف بھی مقدمہ درج کیا ہے اور جیل بھیجا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) چوہدری محمد الیاس، چوہدری مختار احمد ڈھل اور چوہدری محمد اکرم پیارا کی قیادت میں آج پی ٹی آئی کے نوجوان بھرپور انداز میں رائیونڈ پہنچیں گے ان خیالات کا اظہار صدر پی ٹی آئی یوتھ ونگ حلقہ پی پی 115چوہدری اجمل حسین پیارا وائس چیئرمین یونین کونسل بدر مرجان نے کیا۔ انہوں نے کہا کہ آج عمران خان کی قیادت میں عوام کا ٹھاٹھیں مارتا ہوا سمندر رائیونڈ پہنچے گا اور کرپٹ حکمرانوں کے خلاف فیصلہ دے گا ہم تمام نوجوان اپنے مقامی لیڈروں کی قیادت میں بھرپور شرکت کریں گے اور پارٹی میں ہراوّل دستے کا کردار ادا کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) حکومت پاکستان نے حج کے موقع پر سعودی عرب میں اپنے حاجیوں کو سہولیات فراہم کیں ہم خراج تحسین پیش کرتے ہیں ان خیالات کا اظہار معروف سیاسی سماجی شخصیت حاجی ملک فضل حسین اعوان بدرمرجان نے کیا۔ انہوں نے کہا کہ میں نے اس سال اپنی فیملی کے ہمراہ حج کی سعادت حاصل کی ہے وہاں پر حکومت پاکستان کے انتظامات واقعی قابل تحسین ہے وزیر حج سردار یوسف نے وزیراعظم میاں نواز شریف کی قیادت میں ملک کا نام روشن کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) کھاریاں پریس کلب کا ماہانہ اجلاس زیر صدارت صدر حاجی عبد الرئوف منعقد ہوا اجلاس میں کثیر تعداد ممبران پریس کلب نے شرکت کی۔ آئینی کمیٹی کے چیئرمین زمان احسن نے آئینی ترمیم کے حوالے سے بریفنگ دی اور تمام صحافیوں نے متفقہ طور پر اپنی رائے دے کر منظور کیا اجلاس کی کارروائی خوشگوار ماحول میں ہوئی کھاریاں پریس کلب کے تمام صحافیوں نے تمام فیصلوں پر اعتماد کا اظہار کیا۔ انعام مرزا، جنرل سیکرٹری آفتاب احمد نذر،فنانس سیکرٹری جبار ساگر، چیئرمین تعمیراتی کمیٹی سید تنویر نقوی، سینئر نائب صدر حافظ عمران خلجی، کوارڈی نیٹرز اعجاز مرزا، عبدالعزیز گوندل، راجہ طاہر اقبال، طاہر رشید صدیقی، بلال بٹ، شبیر انجم، حکیم غلام شبر، احسان الحق، عتیق لال، وقاص رئوف، امجد حسین امجد، قربان گجر، علی اکبر، محمد انور چوہان اور دیگر نے شرکت کی۔ ماہانہ اجلاس سے خطاب کرتے ہوئے صدر کھاریاں پریس کلب حاجی عبدالرئوف نے کہا کہ کھاریاں پریس کلب میں ورکنگ صحافیوں کو ہی ترجیح دی جائے گی۔ صحافیوں کی فلاح و بہبود کا مشن جاری رکھیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)تیزرفتارٹکرکی موٹر سائیکل کوٹکر،میاں بیوی جاں بحق۔اچہ کلیر کارہا ئشی 40سالہ پرویز مسیح اپنی بیوی نرگس کے ہمرا ہ وزیرآبادآرہا تھا کہ تیزرفتارٹرک نے مولاناظفر علی خاںچوک پرموٹرسائیکل کو پیچھے سے ٹکر مار دی جسکے نتیجے میںپرویز مسیح موقع پرجاں بحق جبکہ نرگس ہسپتال میںدم توڑ گئی ۔حادثہ کی اطلاع پولیس کوکردی گئی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)تمام سنیئرکی سرپرستی اورممبران کی مشاورت سے آل پاکستان کٹلری ایسوسی ایشن اینڈاسٹین لیس یوٹینسلزمینوفیکچرراینڈایکسپورٹرزایسوسی ایشن کودرپیش مسائل کے حل کے لئے میری اولین ترجیح ہو گی۔ان خیالات کا اظہارنومنتخب چیئرمین کامران عباس بھٹہ نے حلف لینے کے بعدممبران سے خطاب کرتے ہوئے کیا۔اس موقع پرسابق صدورحمیداخترچڈھا اورمحمدخالد مغل نے 2016-17کے لئے نومنتخب عہدیداران چیئرمین کامران عباس بھٹہ،سنیئروائس چیئرمین ظفراقبال بھٹہ،وائس چیئرمین ناصر محمودطور،ایگزکٹوباڈی ممبران راجہ تحسین اللہ،عزیراشرف خواجہ،ایم شعیب بیگ،ایم شفیق منہاس،شکیل احمدمغل،ایم عارف کھوکھر،ندیم احمدورائچ سے حلف لیا۔تقریب میںکثیرتعدادمیںممبران نے شرکت کی۔حمید اخترچڈھا،محمدخالد مغل اورمحمداقبال شیخ نے نومنتخب عہدیداران کومبارکباددیتے ہوئے امیدظاہر کی کہ نومنتخب عہدیداران ایسوسی ایشن کوفعال بنانے میںکوئی کسرنہ اٹھا رکھیںگے اورممبران سے اپیل کی کہ اس وقت ایسوسی ایشن کوفنڈزکی ضرورت ہے دل کھول کرفنڈزدیںتاکہ ممبران کودرپیش مسائل حل کرنے میںکوئی دقت پیش نہ آئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)پی ٹی آئی کے مرکزی راہنما راجہ عثمان اللہ خان ایڈووکیٹ نے کہا ہے کہ 30ستمبرکوسونامی رائیونڈکی سڑکوںپرہوگا۔پی ٹی آئی اپنے منطقی انجام تک پہنچے گی۔احتجاج اوردھرنے جمہوریت کاحسن ہوتے ہیںمگرکرپٹ سیاست دان مارشل لاء کاواویلا مچاکراحتساب سے بچنے کی کوشش کررہے ہیں۔قومی خزانوںپر ڈاکہ ڈالنے والوںکااحتساب بہت ضروری ہے۔کرپشن مافیا نے ملکی اداروںکوتبا ہ کردیا ہے۔پی ٹی آئی عوام کی طاقت سے قومی لٹیروںکااحتساب کرے گی۔حکمرانوںکی دھمکیوںسے مرعوب نہیںہونگے۔قائد عمران خان اقتدارکے لئے نہیںبلکہ معاشرتی سیاسی اورجمہوری اقتدارکے لئے عوام کوشاہراہوںپرلارہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) والڈ سٹی آف لاہور اتھارٹی نے شاہی قلعے کے اوقات کار تبدیل کر دیئے۔ یکم اکتوبر سے 31مارچ تک قلعہ صبح ساڑھے آٹھ بجے کھل کر مغرب کی نماز سے آدھہ گھنٹہ پہلے بند کر دیا جائے گا۔ اس ضمن میں والڈ سٹی اتھارٹی کی ترجمان تانیہ قریشی کا کہنا ہے کہ ہر سال شاہی قلعہ کے اوقات کار تبدیل کئے جاتے ہیں۔ ان کا کہنا تھا کہ والڈسٹی آف لاہور اتھارٹی شاہی قلعہ کی بحالی کے لئے کام کررہی ہے۔ چوبداروں کی تقرری، صفائی کا بہتر انتظام اور اوقات کار کی پابندی سمیت دیگر مسائل بھی حل کر دیئے گئے ہیں۔ شاہی قلعے میں موجود پانی کے فواروں کو چلا دیا گیا ہے جس سے شاہی قلعے کی خوبصورتی میں اضافہ ہوا ہے جبکہ مغلیہ طرز کے چوبداروں کو دیوان خاص میں مقرر کیا گیا ہے۔ ہماری کوشش ہے کہ یہاں سیاحت کو زیادہ سے زیادہ فروغ دیا جائے تاکہ شاہی قلعے کی انفرادی حیثیت کو نمایاں کیا جا سکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)سماجی تنظیم اخوت کے پراجیکٹ”اخوت ڈریمز” کے زیر اہتمام پنجاب انسٹیٹیوٹ آف کارڈیالوجی کے(عرفان بلاک) میں زیر علاج دل کے عارضہ میں مبتلا بچوں میں تحائف تقسیم کرنے کی رنگا رنگ تقریب کا انعقاد کیا گیا ۔پروگرام کے مہمان خصو صی سٹائیلو کے سی ای اہ یاسر رشید اور ٹرانپیرنٹ ہینڈ کی سی ای او رمیضہ معین تھیں۔اخوت ڈریم کی ڈائریکٹر ڈاکٹرعصمت لغاری’ پروگرام کوآرڈینیٹر مسز روبی ہاشم’عظمیٰ بھٹی ‘AIESM کالج کے طلباء اور طالبات و دیگر بھی اس موقع پر موجود تھے۔ تقریب میں دل کے عارضے میں مبتلا بچوں نے مختلف پروگرام بھی پیش کئے جسے حاضرین نے بے حد پسند کیا۔اس موقع پراخوت ڈریم کی ڈائریکٹر ڈاکٹرعصمت لغاری نے مہمانوں کو اخوت ڈریم کے بارے بریفنگ دی۔انہوں نے بتایا کہ ان کا ادارہ پی آئی سی سمیت پنجاب بھر کے ہسپتالوں میں زیر علاج شدید نوعیت کی بیماری میں مبتلا بچوں سے ان کی خواہش پوچھ کر اسے پورا کرتا ہے اور پھر اس خوشی کے لمحات میں ان کے ساتھ وقت گزار کر ان کی خوشی کو دوبالا کیا جاتا ہے۔اس موقع پر سٹائیلو کے سی ای اہ یاسر رشید نے کہا کہ بیمار بچوں کے ساتھ خوشی کے لمحات گزارنا بھی کسی ثواب سے کم نہیں۔انہوں نے کہاکہ اس سے بڑی نیکی اور کیا ہو سکتی ہے کہ ان بچوں کی دلجوئی کی جائے اور انہیں امید دلائی جائے کہ وہ نہ صرف تندرست ہو جائیں گے بلکہ معاشرے میں فعال کردار ادا کریں گے۔ آج ہم نے خوشی کے لمحات میں ان معصوم بیمار بچوں کے ساتھ وقت گزار ا ہے جنہوں نے انکی خوشی کو دوبالا کر دیاہے۔واضح رہے کہ”اخوت ڈریم” پی آئی سی سمیت پنجاب بھر کے ہسپتالوں میں زیر علاج بچوں سے ان کی خواہش پوچھ کر اسے پورا کرتا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نارووال(جی پی آئی)سیدنا فاروق ِ اعظم رضی اللہ عنہ اسلام کا عظیم سرمایہ ء افتخار تھے۔ نظریہ ء فاروق ِ اعظم رضی ا للہ عنہ کے مطابق گستاخ ِ رسول صلی اللہ علیہ و آلہ وسلم واجب القتل ہے۔ذات ِحضرت عمر فاروق رضی اللہ عنہ پرعدل وانصاف تاقیامت نازاں رہے گا۔ تائید ِ سیدنا عمرفاروق رضی اللہ عنہ میں قرآن حکیم میں 22احکامات موجود ہیں۔ 25لاکھ مربعہ میل پر حکمرانی کرنے والے مراد ِ رسول سیدنا عمر فاروق رضی اللہ عنہ نے قیامت تک آنے والے حکمرانوں کیلئے اصولِ حکمرانی وضع کر دیئے ہیں۔ تاجدار ِ کائنات صلی اللہ علیہ وآلہ وسلم کا فرمان ِ عالی شان ہے کہ سیدناحضرت عمر فاروق رضی اللہ عنہ جنت کے چراغ ہیں ۔ سرور ِ کائنات صلی اللہ علیہ وآلہ وسلم نے فرمایا کہ میرے بعد اگر نبوت کا دروازہ بند نہ ہوتا تو عمر فاروق رضی اللہ عنہ نبوت کے عظیم منصب پر فائز ہوتے ۔ محکمہ پولیس، محکمہ ڈاک، محکمہ شاہرات کا قیام نیزروٹی ،کپڑا، مکان ریاست کے ہر فرد کیلئے ضروری اورفوری عدل وانصاف سیدنا عمر فاروق کی اولین اصلاحات میں شامل تھا ۔اِن خیالات کا اظہار معروف مذہبی سکالر مرکزی ناظم اعلیٰ تحریک اویسیہ پاکستان علامہ پیر محمد تبسم بشیر اویسی نے مرکز اویسیاںنارووال میں تحریک اویسیہ پاکستان ضلع نارووال کے زیر اہتمام منعقدہ ”اجتماع اویسیاں بسلسلہ عظمت سیدنا عمر فاروق، سیدنا عثمان غنی ،سیدنا امام حسین رضی اللہ عنہم ” سے خطاب کرتے ہوئے کیا اس موقعہ پر خطاب کرتے ہوئے ضلعی صدر تحریک اویسیہ پاکستان چوہدری محمد یعقوب اویسی ایڈووکیٹ ،ضلعی ناظم قاری محمد ارشد اویسی، سیدمنظور حسین شاہ گیلانی ضلعی صد ر جمعیت علمائے پاکستان نارووال ،حافظ محمد عرفان اسلام اویسی ضلعی صدر بزم رضائے محمد ۖ نارووال نے کہا کہ سیدنا عثمان غنی رضی اللہ عنہ نے صبر و استقلال ، سخاوت و دیانت ، مخلوق خدا کی خدمت و فلاح سے خلافتِ اسلامیہ کو زینت و کامیابی دی۔ اسلام سخاوت عثمان غنی رضی اللہ عنہ پر تا قیامت نازاں رہے گا۔ نبی کریم ۖنے اپنے دستِ مبارک کو عثمان غنی رضی اللہ عنہ کا ہاتھ قرار دے کر خلیفہ سوئم کو دنیا میں سب سے ممتاز بنا دیا ۔ سیدنا عثمان ذوالنورین رضی اللہ عنہ نے سید الانبیاء ۖ سے دو مرتبہ جنت حاصل فرمائی ہے ۔انہوں نے کہا کہ ذکر امام حسین رضی اللہ عنہ سے دین و دنیا میں سر بلندی ملتی ہے ۔ نواسۂ رسول کی قربانی تا قیامت قرآن و اسلام اوربانیٔ اسلام کی تعلیمات کو غلبہ دے گئی۔ حضور اکرم ۖ نے فرمایا حسین مجھ سے ہے اور میں حسین سے ہوں۔اس موقعہ پر صوفی شوکت علی اویسی، صوفی محمد ریاض اویسی، صوفی مختار احمد اویسی، صوفی محمد رمضان اویسی، محمد سجاد اویسی، قاری غلام حسین اویسی، صاحبزادہ علی احمد اویسی ، صوفی منیر احمد اویسی اور دیگر نے بھی خطاب وہدیہ نعت پیش کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)امریکی کانگریس کا سعودی عرب کے خلاف قانون تعصب پر مبنی ہے ۔ امریکی کانگریس کے قانون کا مقصد دہشت گردی کو تقویت دینا ہے ۔ ملت اسلامیہ سعودی عرب کے خلاف امریکی قانون کو مسترد کرتی ہے ۔ یہ بات پاکستان علماء کونسل کے مرکزی چیئرمین اور وفاق المدارس پاکستان کے صدر حافظ محمد طاہر محمود اشرفی نے اپنے ایک بیان میںکہی۔ انہوں نے کہا کہ امریکہ اور اس کے حواری مسلسل اسلامی ممالک کو نشانہ بنا رہے ہیں۔ عراق، شام ، لیبا، افغانستان کی تباہی کے بعد اب سعودی عرب اور دیگر عرب ممالک امریکہ کے نشانہ پر ہیں۔ انہوں نے کہا سعودی عرب کی حکومت یا عوام کا 9/11 سے کوئی تعلق نہ تھا ، خود امریکی ادارے اپنی تحقیقات سے اس بات کو واضح کر چکے ہیں لیکن سعودی عرب کو بلیک میل کرنے کیلئے قانان لایا گیا ہے ۔انہوں نے کہا کہ سعودی عرب اور اسلامی دنیا خود دہشت گردی کا شکار ہے ۔ آج بھی سعودی عرب میں دہشت گرد حملے کر رہے ہیں لیکن ان دہشت گردوں اور ان کے سر پرستوں کے خلاف امریکہ خاموش ہے۔ حافظ محمد طاہر محمود اشرفی نے کہا کہ امریکہ افغانستان سے لے کر یمن اور لیبیا تک کے انسانوں کو اب یہ حق دے کہ وہ بھی امریکی مظالم کے خلاف عدالت سے انصاف لے سکیں۔ انہوں نے کہا کہ امریکی عدالتوں یا حکومت کی طرف سے سعودی عرب کے خلاف کوئی بھی کاروائی کسی صورت قابل قبول نہ ہو گی اور امریکیوں کو کسی بھی سطح کی بلیک میلنگ سے باز رہنا ہو گا۔ انہوں نے کہا کہ پاکستان علماء کونسل نے عالم اسلام کی مقتدر شخصیات سے رابطوں کا آغاز کر دیا ہے اور بہت جلد اس سلسلہ میں عالم اسلام کی مذہبی و سیاسی شخصیات اور جماعتوں کا متفقہ اجلاس بلایا جائے گا ۔ انہوں نے کہا کہ ایک طرف ہندوستان کی امریکہ پشت پناہی کر کے پاکستان کو بلیک میل کر رہاہے اور دوسری طرف سعودی عرب کو بلیک میل کرنے کی کوشش کی جا رہی ہے امریکہ اور اس کے حواریوں کی یہ کوششیں کسی صورت کامیاب نہیں ہوں گی اور مسلم امة تمام تر مشکلات کے باوجود متحد ہو کر ان مسائل سے نمٹے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)پاکستان مسلم لیگ(ن) کلچرل ونگ کی عہدیدار ومعروف اداکارہ سلومی رانا نے ”شیرنی گروپ ”تشکیل دیدیا ۔گروپ کی قیادت سلومی رانا کرینگی۔”شیرنی گروپ” کی خواتین نے اپنے سروں پر سبز پٹیاں باندھے ہوئی ہیں ۔’شیرنی گروپ” کی قائد سلومی رانا نے کہا کہ لیگی خواتین اپنے قائد اور قائد کے گھر کی حفاظت کرنا جانتی ہیں۔ہماری خاموشی کو کمزوری نہ سمجھا جائے ”شیرنی گروپ” کی خواتین اپنے قائد پر جان تک قربان کر دینگی۔انہوں نے کہا کہ جلسے اور جلوس ہر جماعت کا حق ہے لیکن بدتمیزی اور لچر پن کی اجازت نہیں دی جا سکتی۔سلومی رانا نے کہا کہ اپنی قیادت کی جانب سے کارکنوں کو صبر اور تحمل کے مظاہرہ کی اپیل پر وہ کچھ نہیں کرینگی تاہم اگر کسی نے حد سے تجاوز کیا تو پھر ہم مقابلہ کرنا جانتے ہیں۔انہوں نے کہا کہعمران خان تعصب،افراتفری اور فساد کی سیاست کو فروغ دے رہیں جنہیں الیکشن 2018 میں بھی عوام انہیں دھول چٹادیں گے۔عوام نے پہلے بھی یہودی ایجنڈے کو مسترد کیا تھا اور آئندہ بھی مسترد کر دیں گے ۔انہوں نے عمران خان سے ایک بار پھر مطالبہ کیا کہ وہ اپنے اس افراتفری کے ایجنڈے سے توبہ کریں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی(جی پی آئی) سندھ کی عوام کی جانب سے کراچی سے نکلنے والے پی ٹی آئی کے قافلوں کا جگہ جگہ استقبال ،قافلوں میں شامل ہونے کے لیے عوام کی تعداد میںاضافہ ،سکھر اور دیگر اضلاع میں جگہ جگہ پی ٹی آئی رہنمائو ں کا شاندار استقبال کیا گیامقامی لوگوں نے قافلے کے شرکاء پر پھول برسائے اور حکمرانواں کے خلاف نعرے لگانے میں کپتان کے کھلاڑیوں کا خوب ساتھ دیا۔پی ٹی آئی سندھ کے صدر ڈاکٹر عارف علوی،سینئر نائب صدر حلیم عادل شیخ ، کراچی کے صدر فردوس شمیم نقوی اور دیگر رہنما قافلوں کی قیادت کررہے ہیں۔واضح رہے کہ یہ قافلے بدھ کی صبح اور دوپہر کے اوقات میں انصاف ہائوس سے روانہ ہوئے تھے قافلے میں سیکرٹری منارٹیز جے پرکاش اوکرانی ،حاجی شفت انڑ ،دعازبیر اور دیگر رہنمائوں سمیت میڈیا کے نمائندے بھی کثیر تعداد میں موجود تھے ۔میڈیا سے گفتگو میں رہنما پی ٹی آئی ڈاکٹر عارف علوی اورحلیم عادل شیخ کا کہنا تھا کہ ہمیں روکنے کی کوشش یا کسی قسم کی بدمعاشی ہوئی تو دما دم مست قلندرہوگا۔ہم پرامن لوگ ہیں رائیونڈ مارچ بھی پرامن ہوگا مگر حکومت کی جانب سے ہراساں کرنے کی کوشش کی گئی تو اس سے کشیدگی بڑھ سکتی ہے ۔رائیونڈ مارچ سے پہلے ہی نتائج سامنے آنا شروع ہوجائینگے ،عوام نے دیکھ لیا ہے کہ ان حکمرانوں کی موجودگی میں اس ملک میں نہ بجلی ہے نہ گیس ہے اور نہ ہی پینے کا صاف پانی ان کو میسر ہے اگر عوام کو اپنا مقدر بدلنا ہے اور نئے پاکستان کی بنیاد رکھنی ہے تو انہیں ہر حال میں ہمارے ساتھ رائیونڈ مارچ میں چلنا ہوگا کیونکہ یہ مارچ کسی فرد واحد کے لیے نہیں ہے بلکہ یہ مارچ پاکستان کی بقاء کا مارچ ہے انہوں نے کہاکہ ہمارے ساتھ وہ لوگ شامل ہیں جو اس ملک میں اچھی حکمرانی چاہتے ہیں جو اس ملک میں ترقی اور خوشحالی کا خواب دیکھنے والے ہیں انہوں نے کہا کہ تین تین مرتبہ حکومتیں بناکر بھی ان لوگوں نے اس ملک کی کوئی خدمت نہ کی ہے اب ہمیں نااہل لوگوں کی بجائے قابل اور دیانتدار لوگوں کو آگے لانا ہے ہمیں ایسے لوگوں کو اقتدار سے ہٹانا ہے جو اس ملک کے پیسے سے عیاشیاں کرتے ہیں جو عوام کے خون پسینے کی کمائی سے دنیا بھر کے بینکوں کو بھررہے ہیں ،ہمارے احتجاجی دھرنوں کا مقصد حکومت کو یہ یاددلانا ہے کہ ان کا بنیادی مقصد عوام کی خدمت کرنا ہے ناکہ ان کی پیسوں سے شاہا نہ زندگی کو گزارنا ہے ،حکومت اپنے ساڑھے تین سالوں میں عوام کے لیے جو کچھ کرسکی ہے وہ سب کچھ عیاں ہے ،جس دن پانامہ لیکس پر وزیراعظم اور اس کے خاندان کا بلا امتیاز احتساب ہوا اس دن قوم کو خود ہی معلوم ہوجائے گا کہ یہ کتنے بڑے لٹیرے ہیں ،لہذا حکومت کومزید ڈیڈھ سال دیئے گئے تو اس ملک کا جو حال ہے ہم اس سے بھی ہاتھ دھو بیٹھیں گے ۔انہوں نے کہاکہ نواز لیگ کے دور حکومت میں نہ تو عوام کو کچھ مل سکا ہے اور نہ ہی عوام کو کسی ادارے سے انصاف مل سکاہے انہوں نے مزیدکہا کہ پانامہ لیکس کا ایشوشریف برادران کے گلے کی ہڈی بن چکاہے چیئرمین عمران خان مسلسل اپنا احتجاج جاری نہ رکھتے تو حکومت اپنے کھوکھلے دعوئوں اور جھوٹے وعدوں سے اس ایشو کو بھلانے میں کامیاب ہوجاتے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)پاک فوج مالاکنڈ ڈویژن میںامن وامان کے ساتھ ساتھ فلاحی اور بحالی سرگرمیوں میں بھی سرگرم عمل ہے۔ چترال کی پسماندگی ، غربت اور طبی سہولیات کے فقدان کو مد نظر رکھتے ہوئے پاک فوج کی طرف سے چترال کی حاملہ خواتین اور امراض نسواں کے لئے دوروزہ مفت طبی کیمپ کا انعقاد کیا گیا۔تفصیلات کے مطابق جی او سی مالا کنڈ آرمی ڈویژن میجر جنرل آصف غفور کی ہدایت پر پاک فوج،چترال سکائوٹس اور ڈسٹرکٹ ہیڈ کوارٹرزہسپتال کے زیر اہتما م چترال میںدو روزہ فری میڈیکل کیمپ کاانعقاد کیا گیا۔7 ڈاکٹرز پر مشتمل ٹیم نے خصوصی طور پر اپنی خدمات سرانجام دیں جن کا تعلق پاک آرمی اور سول سے تھا۔ پاک فوج کی یہ کاوش چترال کی عوام کی خدمات کا تسلسل ہے ۔ دوروزہ کیمپ کے دوران 213خواتین کا معائنہ کیاگیا جن میں اوبس(حاملہ خواتین)109اور گائنی کی 94 مریض تھیں۔ 63خواتین کامختلف امراض کی تشخیص کے لئے الٹراسائونڈ کیا گیا جب کہ 160لیبارٹری ٹیسٹ کیئے گئے۔ کیمپ میںصبح نو سے شام تین بجے تک معائنہ اور ادویات کی فراہمی جاری رہی اسکے ساتھ ساتھ ا نچارج سکائوٹس ہسپتال چترال میجر رضوان احمد اور چترال سکائوٹس کے میجر شاہ میرنے بھی ہسپتال کا دورہ کیا۔ اہلیان علاقہ کے علاوہ اردگرد کے تمام گائوں کے لوگوں نے بھی اس فری میڈیکل کیمپ سے بھر پور استفادہ حاصل کیا ۔ اہلیان علاقہ نے طبی کیمپ کے انعقاد پر پاک فوج کا شکریہ ادا کیا اور ایسی سرگرمیوں کو عوام کی فلاح وبہبود کیلئے انتہائی فائدہ مند قرار دیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)ڈی ایس پی ہیڈ کوارٹر درویش خان نے کہاہے کہ مینگورہ سٹی میں ٹریفک کے مسائل کو کنٹرول کرنے کیلئے پلان تیار کرلیا گیا ہے ،جس کے تحت قوانین کی خلاف ورزی کرنیوالے افراد کے خلاف سخت کارروائی عمل میں لائی جائیگی جبکہ جگہ جگہ پارکنگ کرنیوالوں کے خلاف بھی کارروائی عمل میں لائی جائیگی ،کم سن ڈرائیور ،اوور لوڈ گاڑیاں ،کالے شیشے ،بغیر لائسنس اور غیر قانونی نمبر پلیٹ کے استعمال پر بھی قانون کے تحت کارروائی عمل میں لائی جائیگی ان خیالات کا اظہار انہوںنے گزشتہ روز اخباری نمائندوں سے بات چیت کرتے ہوئے کیا انہوںنے کہاکہ ٹریفک پلان پر عمل درامد کیلئے ٹریفک پولیس اہلکاران سمیت پاک فوج کے جوانوں کے خدمات بھی حاصل کئے جارہے ہیں انہوںنے کہاکہ سوات بھر اور خصوصا مینگورہ سٹی میں گزشتہ عرصے سے رش بڑھنے کیوجہ سے ٹریفک مسائل میں اضافہ ہوا ہے تاہم انتظامیہ اور ٹریفک پولیس عوامی مشکلات کے پیش نظر ان مسائل کے حل کیلئے کوشاں ہیں اور تمام ادارے مل جل کر مسائل کا حل نکالنے میں مصروف عمل ہیں انہوںنے عوام سے بھی اپیل کرتے ہوئے کہاہے کہ وہ بھی قوانین کی پابندی کو یقینی بناتے ہوئے انتظامیہ اور پولیس کے ساتھ تعاون کا سلسلہ جاری رکھیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)پشتوکے معروف مزاحیہ ادا کار فضل رحمن عرف سیلئی گزشتہ روز دل کا دورہ پڑنے سے انتقال کرگئے ،مرحوم کا نماز جنازہ کانجو کے جنازگاہ میں اداکی گئی ،نماز جنازہ میں مقامی اداکاروں سمیت ہر طبقہ فکر سے تعلق رکھنے والوں افراد نے کثیر تعداد میں شرکت کی ،مرحوم کو ہزاروں اشکھبار انکھوں کے سامنے ابائی قبرستان کانجومیں سپردخاک کردیاگیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)معیار ی اوربا مقصد تعلیم حا صل کر نے والے طلبہ ہی مستقبل میں ملک و قوم کی تعمیر و ترقی میں اہم کردار ادا کر ستکے ہیں ، جد ید تعلیم کے حصول کے سا تھ دینی علوم ہی انسا نیت کی راہ دکھا تے ہیں ان خیا لا ت کا اظہار گز شتہ روز گور نمنٹ ڈاکٹر خان شہید ڈگر کا لج کبل کے پر نسپل کر یم اللہ نے تقسیم انعا مات کے موقع پر تقریب سے خطا ب کر تے ہو ئے کیا ، اس موقع پرپر وفیسر مکمیل خان ، پر و فیسر سید عفور اور دیگر نے بھی خطا ب کیا ، تقریب کے دوران طلبہ نے مختلف قسم کے خا کے ملی نغمے اور تقار یر پیش کیں ، اس موقع پر پو زیشن ہولڈر طلبہ عا بد علی خان ، میا ں گل رحما ن، مصطفیٰ کمال ، واجد علی خان ، محمد ایوب ، ابرار احمد ، حضرت حسین نقد ی اور انعا مات تقسیم کئے ۔مقر رین نے تقریب سے خطا ب کر تے ہوئے کہا کہ اپنی زیا دہ تر توجہ پڑھا ئی پر دو تا کہ مستقبل میں اپنے ملک وقوم کی بے لو ث خد مت کیلئے کمر بستہ ہو جا ئیں ۔ تقریب میں دیکھا گیا کہ زیا دہ تر طلبہ کر سیا ں نہ ہو نے کی وجہ سے فر ش پربیٹھے ہو ئے تھے جو کہ منتخب نما ئندوں کیلئے لمحہ فکر یہ ہے ۔ ذرائع کے مطا بق اس پرو گر ام کیلئے ایم پی اے محب اللہ خان کو خصو صی دعوت دی گئی تھی لیکن رائیونڈ مارچ اور سیا سی سر گر میو ں کی وجہ سے وہ طلبہ کے داد رسی کیلئے نہیں آئے جس کی وجہ سے طلبہ میں کا فی ما یو سی نظر آئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)مسلم لیگ تحصیل کبل کے رہنما ئوںاورکارکنان نے عبد الغفور خان پر بھر پور اعتماد کا اظہار کیا گزشتہ روز تحصیل کبل لیگی کارکنان کا ایک اجلاس ہوا جس میں تحصیل کابینہ یونین کونسل ویلج کونسل اور گائوں کے سطح پر تنظیم سازی کے حوالے بات چیت کے گئے جس میں کارکنان نے تحصیل صدر عبد الغفور پر مکمل اعتماد کا اظہار کر تے ہوئے کہا کہ عبد الغفور علا قے کے عوام کے خا طر دن رات محنت کر کے خدمت فرض کے طرح کر رہے ہیں لہٰذا ہم ان پر بھرپور اعتماد کر تے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)کمیونٹی ڈویلپمنٹ ارگنائزیشن سوات کے نام سیایک رجسٹر تنظیم عمل میں لا یا گیا علاقہ نیکپیخیل کے پہلے NGOکمیونٹی ڈویلپمنٹ آرگنائزیشن نے سوات کے سطح پر کام کا آغاز کر دیا۔ ایگزیکٹیو با ڈی ۔ عبد القدوس، آفتاب احمد ، محمد رفیق ، نعیم اللہ ، ارشد علی ، حمید اللہ ، راشد منہاس ، اسماعیل خان ، انعام اللہ ، شمس الرحمن۔ شامل کی گئی کمیونٹی ڈویلپمنٹ ارگنائزیشن کے وجود میں آنے سے علا قے کی محرومیوں کا ازالہ ممکن ہو سکے گا۔ان خیا لات کا اظہارکمیونٹی ڈویلپمنٹ ارگنائزیشن سوات کے چیف ایگزیکٹیوعبد القدوس گذشتہ روز ایگزیکٹیو با ڈی کے دیگر ممبران کے ساتھ ایک مشترکہ پریس ریلیز جاری کر تے ہوئے کیا اُن کا کہنا تھا کہ علا قہ نیک پی خیل میں کسی NGOکا نہ ہونا باعث افسوس تھا کیونکہ یہاں بیشتر آبادی غریب ، یتیم ، بیوہ تعلیم سے محرومی اور بے روز گار ی پر مشتمل ہے اور ہما را مقصد ان کے حقوق کے لئے کام کر نا ہے انہوں نے کہا کہ ہمارے NGOکا مقصد خواتین نو جوانوں بچوں اور بزرگوں کے فلا ح وبہبود کے لئے کام کر نا ہے اور ہمارے مسقبل کے منصوبوں میں صحت و صفائی تعلیم شعور و اگاہی انسانی حقوق، قدرتی آفات، غربت کے خا تمے ، ووکیشنل ایجوکیشن اور امن و امان کے لئے کام کر نا ہے ان کا کہا تھا کہ بہت سے مسائل ہے جن پر کام کرنے کی اشد ضرورت ہے ۔ہمارا NGOنہ صرف نیکپخیل تک محدود رہے گا بلکہ اس کو ترقی دے کر پورے ملک میں فلا حی کاموں کا جال بچھائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)گزشتہ روز قومی وطن پارٹی ضلع سوات کا ایک اہم اجلاس گالوچ تحصیل کبل میں دلدار شاہ با چا کے رہائش گاہ پر منعقد ہوا اجلاس میں کثیر تعداد میں پارٹی ورکرز اور عہداداروں نے شرکت کی پروگرام کا آغاز تلاوت کلام پاک سے ہوا بعد میں دلدار شاہ باچا جو کہ قومی وطن پارٹی ضلع سوات کا کھیل و ثقافت اور ادب کا سیکرٹری بھی تھا نے اپنے خطاب کے دوران پارٹی سے مکمل لا تعلقی کا اعلان کیا اور کہا کہ میرا اور میرے دوستوں کا قومی وطن پارٹی کے منشور سے مکمل اتفاق تھا لیکن ادھر ملاکنڈ ڈویژن اور بالخصوص سوات میں پارٹی پالیسی کچھ اور ہے پا رٹی کو دیوار سے لگایا جار ہا ہے اس لئے میں پارٹی کے مفاد میں استعفیٰ دیتا ہوں۔
پیرمحل کی خبریں 30/9/2016
جھنگ کی خبریں 30/9/2016
