گجرات (پ۔ر) جمعیت علماء پاکستان ضلع گجرات کا ہنگامی اجلاس’ جامعہ میمونہ بنات المسلمین محلہ اُچا دارا گجرات میں ہوا۔ جس کی صدارت پیر محمد انصر محمود انجم ضلعی صدر جمعیت علماء پاکستان نے کی۔ اجلاس میں ضلعی جنرل سیکرٹری صاحبزادہ محمد اسلم قادری’ مولانا قاری محمد اعجاز جلالی ‘ قاری عابد حسین قادری جلالی’ قاری محمد عمران فاروقی’ علامہ راشد حسین نقشبندی’ مولانا محمد حنیف جلالی ڈویژنل کنوینر’ پیر محمد شبیر احمد سیفی سمیت کثیر تعداد میں کارکنان و عہدیداران نے شرکت کی۔ اجلاس میں فیصلہ کیا گیا کی غازی اسلام ممتاز حسین قادری شہید کو نذرانہ عقیدت پیش کرنے کیلئے الماک بصر میں تین روزہ سوگ منایا جائے گا۔ اور دو مارچ 2016ء بروز بدھ صبح 10 بجے جامعہ جلالیہ میراں صاحب گجرات میں تعزیتی اجلاس ہو گا۔ جس میں ضلع بھر سے حضرات علماء و مشائخ شریک ہوں گے۔ اجلاس سے خطاب کرتے ہوئے صاحبزادہ محمد اسلم قادری نے کاہ کہ حکمران ملک کو خانہ جنگی کی طرف لے کر جا رہی ہے۔ ملک میں قانون ناذف کرنے والے ادارے خود لا قانونیت کو ہوا دے رہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ممتاز ماہر تعلیم وائس چیئرمین آل پاکستان پرائیویٹ سکولز مینجمنٹ ایسوسی ایشن شہزاد شفیق شرقپوری نے کہا ہے کہ پرائیویٹ تعلیمی ادارے فروغ تعلیم میں اہم کردار ادا کر رہے ہیں۔ وہ گزشتہ روز جناح سکالرز پبلک سکول کی تقریب تقسیم انعامات کے موقع پر خطاب کر رہے تھے۔ انہوں نے کہا کہ جناح سکالرز پبلک سکول کی کاوشیں قابل تحسین ہیں۔ اور بچوں نے جس طرح خوبصورت انداز میں اپنی صلاحیتوں کا مظاہرہ کیا ہے وہ قابل تحسین ہے۔ محدود وسائل اور کم فیس پیکیج میں علاقہ کے غریب و مستحق طلباء کو تعلیم فراہم کرنا قابل تحسین ہے۔ میں اس سلسلہ میں چیئرمین چوہدری انصر اور انکی ٹیم کو خراجِ تحسین پیش کرتا ہوں جو دن رات فروغ تعلیم کیلئے کام کر رہے ہیں۔ انہوں نے کہا کہ جناح سکالرز پبلک سکول کی انتظامیہ اور بچوں کو بہترین کارکردگی پر خراجِ تحسین پیش کرتے ہیں۔ حکومت پاکستان کو چاہئے کہ وہ ان تعلیمی اداروں کی بہتری کیلئے اقدامات کرے جو کہ ایسے علاقہ میں واقع ہیں جہاں پر مزدور طبقہ رہائش پذیر ہے۔ انہوں نے کہا کہ آل پاکستان پرائیویٹ سکولز اینڈ مینجمنٹ ایسوسی ایشن تعلیمی اداروں کے حل کیلئے کوشاں رہے گی۔ چیئرمین چوہدری محمد انصر نے کہا کہ ہم علاقہ کی عوام کے خدمت کے تحت کام کر رہے ہیں تاکہ علاقہ کے بچوں کو بہترین تربیت کے مواقع مل سکیں۔ پرنسپل پنجاب سکول آف سائنسز محمد احسان نے کہا کہ ہم شاندار کارکردگی پر سکول انتظامیہ کو خراجِ تحسین پیش کرتے ہیں اور اُمید ظاہر کرتے ہیں کہ یہ ادارہ اسی طرح علاقہ کے عوام کی خدمت کے مشن کے تحت کام کر تا رہے گا۔ اس موقع پر مسز غفاری نے خطاب کرتے ہوئے کہا کہ یہ ادارہ بلا شبہ علاقہ کے عوام کی بہترین خدمت کر رہا ہے اور مجھے امید ہے کہ اسی طرح خدمت کا سلسلہ جاری رہے گا۔ اس موقع پر بچوں نے مختلف ٹیبلو’ ملی نغمات بھی پیش کئے۔ مہمانان گرامی نے بچوں کی کاوشوں کو بے حد سراہا اور بچوں میں انعامات تقسیم کئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) چیئرمین بیوٹیفکیشن کمیٹی گجرات اورنگ زیب بٹ نے کہا ہے کہ تعلیم کے فروغ کیلئے دی ایگزا سکول سسٹم کی کاوشیں قابل تحسین ہیں۔ وہ گزشتہ روز دی ایگزا سکول گجرات کی تقریب تقسیم انعامات کے موقع پر خطاب کر رہے تھے۔ انہوں نے کہا کہ ضیغم وڑائچ کی سربراہی میں ایگزا سکول دن دگنی رات چوگنی ترقی کر رہا ہے۔ اور مجھے آج ان کے بچوں کی پرفارمنس دیکھ کر دلی خوشی ہوئی ہے۔ جس طرح بچوں نے پورے اعتماد سے اپنی صلاحیتوں کا مظاہرہ کیا ہے وہ قابل تحسین ہیں۔ پرائیویٹ تعلیمی ادارے بلا شبہ فروغ تعلیم کیلئے دن رات کوشاں ہیں۔ حکومت پرائیویٹ سکولز کی حوصلہ افزائی کیلئے اقدامات کر رہی ہے۔ اصلاحی موضع پر اپنی صلاحیتیوں کا اظہار کیاہے۔ صاحبزادہ حکیم جواد الرحمن نظامی سیفی نے کہا کہ ضیغم ثناء وڑائچ اور ان کے رفقاء کار بہتر انداز میں کام کر رہے ہیں۔ اللہ تعالیٰ انہیں دن دگنی ‘ رات چوگنی ترقی عطا فرمائے۔ سب انسپکٹر ایلیٹ فورس سکندر نے کہا ہے کہ بلا شبہ دی ایگزا سکول سسٹم بچوں کی کردار سازی میں اپنا کردار اہم طریقے سے ادا کر رہا ہے۔ ڈائریکٹر دی ایگزا سکول سسٹم نے کہا کہ میں مستقبل کے ڈاکٹرز انجینئرز ان بچوں کی شکل میں دیکھ رہا ہوں۔ اور میرے لئے وہ دن مسرت کا باعث ہو گا جب یہ بچے اعلیٰ افسر بن کر اسی سکول میں بطور مہمان خصوصی آئیں گے۔ میں بچوں کی اس طرح تربیت سازی کر رہا ہوں کہ ان میں آگے بڑھنے کا جذبہ پیدا ہو اور وہ مستقبل کے چیلنجز کا مقابلہ کر سکیں۔ مجھے خوشی ہے کہ بچے میری توقعات کے مطابق سیکھ رہے ہیں اساتذہ کی بہترین ٹریننگ کا اہتمام کیا گیا ہے اس موقع پر بچوں نے مختلف خاکہ جات پیش کئے ‘ ملی نغمے پیش کئے اختتام پر مہمانوں نے بچوں میں شیلڈز’ اور انعامات تقسیم کئے۔ جبکہ بہترین کارکردگی کا مظاہرہ کرنے والے اساتذہ کو بھی خصوصی انعامات سے نوازا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) پاکستان مسلم لیگ (ق) کے مرکزی راہنما چوہدری حسین الٰہی گزشتہ روز تعزیت کیلئے پاکستان مسلم لیگ (ق) شعبہ خواتین کی راہنما رانی تنظیم اختر کی رہائشگاہ پر گئے اور انکی والدہ محترمہ کی وفات پر گہرے رنج و غم کا اظہار کیا۔ انہوں نے چوہدری وجاہت حسین کی طرف سے بھی تعزیت کی۔ اس موقع پر راجہ شوکت علی خا ں چب،راجہ شبیر حسین ،راجہ ضمیر حسین ،راجہ ندیم اقبال،راجہ عامر شہزاد’ سابق ناظم چوہدری شہزاد گل’ مظہر اقبال چوہان’ ماجد حسین ساجد’ چوہدری رفاقت علی پرنس’ سعادت نواز اجنالہ’ شیراز شوکت، سیف اللہ خالد’ حمید اللہ بھٹی’ و دیگر اہم شخصیات بھی موجود تھیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) پاکستان مسلم لیگ (ق) کے راہنما چوہدری حسین الٰہی گزشتہ روز تعزیت کیلئے سابق کونسلر جاوید اقبال کباڑیہ کی رہائشگاہ پر گئے اور ان کی پھوپھی جان کی وفات پر تعزیت کا اظہار کیا اور ان سے فاتحہ خوانی کی۔ پر راجہ شوکت علی خاں’ سابق ناظم چوہدری شہزاد گل’ مظہر اقبال چوہان’ ماجد حسین ساجد’ چوہدری رفاقت علی پرنس’ سعادت نواز اجنالہ’ راجہ سیف اللہ خالد’ حمید اللہ بھٹی’ و دیگر اہم شخصیات بھی موجود تھیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) پاکستان مسلم لیگ (ق) کے مرکزی راہنما چوہدری حسین الٰہی نے کہا ہے کہ پاکستان مسلم لیگ (ق) شعبہ خواتین کی کارکردگی قابل تحسین ہیں اور ہم نے عوامی رابطہ مہم کا آغاز کر دیا ہے تاکہ خواتین کو دوبارہ متحرک کیا جا سکے۔ وہ گزشتہ روز رانی تنظیم اختر سے گفتگو کر رہے تھے۔ انہوں نے کہا کہ مجھے رانی تنظیم اختر اور ان کی ساتھیوں کی کاوشوں کے بارے میں پتہ چلا ہے کہ وہ مسلم لیگ (ق) کی ترقی کیلئے بھر پور انداز میں کام کرتی رہی ہیں۔ ہماری خواہش ہے کہ وہ دوبارہ اسی طرح سے کام کریں۔ کیونکہ خواتین ہمارے ملک کا اہم حصہ ہیں اور خواتین کی ترقی کیلئے ہماری حکومت نے بے پناہ کام کئے اور خواتین کو ہر شعبہ میں نمایاں نمائندگی دی۔ اور ہم اسی طرح ہی خواتین کی بہتری کیلئے کام کریں گے۔ رانی تنظیم اختر نے کہا کہ ہمارا چوہدری برادران کے ساتھ قریبی تعلق ہے اور ہم ان کی دل سے عزت کرتے ہیں اور ہم ہمیشہ مسلم لیگ(ق) کے پلیٹ فارم سے چوہدری برادران کے ساتھ تعاون جاری رکھیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)گجرات جم خانہ کے الیکشن میں خان عدنان خان سات ووٹوں کی برتری سے کامیاب ، گزشتہ روز گجرات جم خانہ کے الیکشن کا انعقاد ہو ا جس میں گجرات جم خانہ کی جاب سے خان عدنان خان اور مرزا امجد فاروق نے حصہ لیا ،جس میں ٹوٹل 300ممبران میں سے 255ممبران نے ووٹ کا سٹ کیے ،خان عدنان خان نے 132جبکہ الحاج مرزا امجد فاروق نے 125ووت حاصل کیے اس طرح خان عدنان خان نے سات ووٹوں کی برتری سے سیکرٹری گجرات جم خانہ منتخب ہو گئے ہیں ،پرزائیڈنگ آفیسر احمد رضا سراء تھے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)گوجرانوالہ امن کمیٹی کے ممبر اور اسپیشل پرسن لالہ جی سعید اقبال مرزا نے ایک بیان میں ڈی سی او گجرات لیاقت علی چٹھہ سے اپیل کرتے ہوئے کہا ہے کہ گجرات میں معذور بچوں کے تمام سکولوں کی چاردیواری کو بھی سکیورٹی کے لہاظ سے اونچا کیا جائے تاکہ تعلیم حاصل کرنے والے معذور بچے محفوظ رہ سکیں انہوں نے کہا کہ حکومت تمام سرکاری اور غیر سرکاری سکولوں میں سکیورٹی کی حوالہ سے چاردیواری کو اونچا کر رہی ہے لہذا معذور بچوں کے تعلیمی اداروں کی چار دیواری کو اونچا کرنے کے احکامات جاری کریں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)ڈاکٹر نعیم احمد آف میلوڈی ان ہوٹل کے سسر شیخ ظہور احمد آفیسر ٹیکس ٹربیونل اسلام آباد انتقال کر گئے مرحوم کو گزشتہ روز سینکڑوں سوگواروں کی موجودگی میں اسلام آباد میں سپردخاک کردیا گیا نماز جنازہ میں سرکاری افسران کے علاوہ ٹیکس ٹربیونل افسران کے علاوہ گجرات سے اہم افراد نے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)انٹرنیشنل سول ڈیفنس ڈے کے موقع پر شہریوں میں شعوراجاگر کرنے کے لئے محکمہ شہری دفاع کے زیراہتمام آگاہی واک یکم مارچ بروز منگل صبح ساڑھے 9بجے گورنمنٹ ایلیمنٹری کالج گجرات تا ضلع کونسل ہال ہوگی، واک کی قیادت ڈی سی او/کنٹرولر سول ڈیفنس لیاقت علی چٹھہ کریں گے بعد ازاں ضلع کونسل ہال میں سیمینار بھی ہوگا جس سے ڈی سی او لیاقت علی چٹھہ، چیف وارڈن گجرات انصر محمود گھمن، ڈی او سول ڈیفنس محمد اشفاق و دیگر خطاب کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ڈی سی او لیاقت علی چٹھہ نے ضلع بھر میں ڈینگی وائرس کے تدارک کیلئے دفعہ 144نافذ کر دی ہے، انہوںنے اسسٹنٹ کمشنر ز اور متعلقہ دیگر متعلقہ افسران کو ہدایت کی ہے کہ ناقص صفائی ، خالی پلاٹس میں کھڑے پانی اور دیگر وجوہات کی بنیاد پر ڈینگی کے فروغ کا باعث بننے والے افراد اور اداروں کے خلاف فوری فوجداری مقدمات قائم کیے جائیں اور قانون کے مطابق سخت کاروائی عمل میں لائی جائے ان خیالات کا اظہار انہوںنے انسداد ڈینگی کیلئے انتظامات کا جائزہ لینے کیلئے منعقدہ اجلاس سے خطاب کرتے ہوئے کیا جس میںاے ڈی سی عرفان علی کاٹھیا ، اسسٹنٹ کمشنرز میاں اقبال مظہر ، شعیب نسوانہ ، نور العین ، ای ڈی او ہیلتھ ڈاکٹر طاہر بشیر ، ڈاکٹر عابد غوری ، ٹی ایم اوز و دیگر افسران نے شرکت کی ڈی سی او لیاقت علی چٹھہ نے ہدایت کی کہ شہری آبادی میں موجود خالی پلاٹوں جن میں پانی کھڑا ہے یا کندگی کے ڈھرے لگے ہوئے ہیں ان کے مالکان کو فوری طور پر نوٹسز جاری کریں کہ ان پلاٹوں میں مٹی ڈلوا کر پانی خشک کیا جائے اور ان کی چاردیواری مکمل کروائی جائے تا کہ ڈینگی سے بچائو ممکن بنایا جا سکے نوٹسز بھجوانے کے باوجود جو مالکان ان پر عملدرآمد نہیں کریں گے ان کے خلاف ایف آئی آر درج کروا کر انہیں فوری جیل بھیجوایا جائے ۔ ڈی سی او لیاقت علی چٹھہ نے کہا کہ سیکرٹری آر ٹی اے گجرات سے چلنے والی پبلک ٹرانسپورٹس پر ڈینگی سے آگاہی کے متعلق نمایاں فلیکسزلگوائی جائیں ، ٹائر شاپس مالکان کو سختی سے پابند کیا جائے کہ ٹائروں میں پانی جمع نہ ہونے پائے ۔ انہوںنے محکمہ صحت کے افسران کو ہدایت کی کہ ڈینگی سے متعلق ادویات اور وارڈز فنکشنل ہونے چاہیں ۔ ٹی ایم اے گجرات اور محکمہ صحت عوام میں ڈینگی سے آگاہی کے متعلق مشترکہ واک کا اہتمام کریں جو کہ ٹی ایم اے ہال سے لیکر ضلع کونسل ہال اختتام پذیر ہو ۔ انہوں نے ہدایت کی کہ ڈینگی برگیڈ گاڑی تیار کی جائے جو شہر میں معائنہ ٹیموں کے ساتھ مستقل طور پر موجود رہے جن علاقوں میں محکمہ صحت کی ٹیمیں معائنہ کریں ان گھروں کے باہر مخصوص سٹیکر لگائے جائیں اس سلسلہ میں کسی بھی قسم کی کوتاہی ہرگز برداشت نہیں کی جائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ضلع بھر میں گراں فروشوں کے خلاف کریک ڈائون جاری ہے پرائس مجسٹریٹس نے ماہ فروری کے دوران مختلف علاقوں میں کاروائی کرتے ہوئے اشیاء خورد و نوش کے زائد نرخ وصول کرنے والے 578گراں فروشوں پر 5لاکھ 11ہزار روپے جرمانہ عائد کر دیا ہے جبکہ 185کے خلاف مقدمات درج کروا کر انہیں فوری گرفتار کروا دیا گیا ، پرائس مجسٹریٹس عوام کو ریلیف فراہم کرنے کیلئے چیکنگ کا سلسلہ مزید موثر بنائیں اور مصنوعی مہنگائی کا باعث بننے والوں سے ہرگز کوئی رعایت نہ کی جائے ۔ ان خیالات کا اظہار ڈی سی او لیاقت علی چٹھہ نے ضلع بھر کے پرائس مجسٹریٹس کے اجلاس سے خطاب کرتے ہوئے کیا اجلاس میںاے ڈی سی عرفان علی کاٹھیا ، اسسٹنٹ کمشنرز میاں اقبال مظہر ، شعیب نسوانہ ، نور العین ، ڈاکٹر عابد غوری ، ٹی ایم اوز و دیگر افسران نے شرکت کی، انہوںنے ضلع میں روٹی کی قیمت میں اضافہ کا سخت نوٹس لیا اور فوری طور پر سابقہ قیمتیں بحال کر کے لاگو کرنے کے احکامات جاری کیے ۔ ڈی سی او لیاقت علی چٹھہ نے بتایا کہ پرائس مجسٹریس نے ضلع بھر میں گزشتہ ماہ کے دوران مجموعی طور پر 2663دکانوں اور مارکیٹوں میں اچانک کاروائی کرتے ہوئے ریٹ لسٹیں اور اشیاء خورد و نوش کی قیمتوں پر عملدرآمد کا جائزہ لیا اس دوران مجموعی طور پر 578خلاورزیوں پر فوری سخت ایکشن لیا گیا اور لاکھوں روپے جرمانہ عائد کیا گیا ۔ ڈی سی او لیاقت علی چٹھہ ڈسٹرکٹ آفیسر لائیو سٹاک کو ہدایت کی کہ ضلع بھر میں غیر قانونی سلاٹر ہائوسز کا سختی سے خاتمہ یقینی بنایا جائے اسی طرح حفظان صحت کے اصولوں کا خیال نہ رکھنے والے قصابوں کے خلاف سخت ترین کاروائی عمل میں لائی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)عقیدئہ توحید انسان کو رب کی بندگی اور عقیدئہ رسالت امام الانبیائۖ کی اطاعت اور فرماں برداری کے حلقہ میں آتا ہے مسلمان کو کوئی ایسا عمل زیب نہیں دیتا جو توحید وسنت کے منافی ہوان خیالات کا اظہارممتازسکالر مولانا علامہ عطااللہ بندیالوی ،مولانا پرو فیسرمحمد افضل ضیاء مولانا مفتی محمد یونس عثمانی اور محمد عثمان یونس مغل اور حافظ طاہر شہزادمہر نے مدرسہ تعلیم القرآن بھیلووال اور جامع مسجد اشاعت توحیدو سنت لالہ موسیٰ میں خطاب اورگجرات میں اراکین توحیدوسنت کے مشاورتی اجلاس میںگفتگوکرتے ہوئے انھوں نے کہا کہ اسلام عقائدو عبادات کے ساتھ ساتھ اخلاقیات و معاملات پر بھی زور دیتا ہے تاہم اس کی بنیاد ایمانیات پر استوار کی گئی ہے عقائد ونظریات کی تطہیر کے لیے اللہ تعالیٰ نے قرآن کریم میں بے شمار دلائل پیش فرمائے ہیںان سے استفادہ کے لیے ہمیں قرآن پاک کی تلاوت اور اس پر غوروفکر کے لیے وقت نکالنا ہوگاقرآنی تعلیمات کے سانچے میں زندگی ڈھال کر ہی ہم دنیا و آخرت میں سرخ روہو سکتے ہیں علماء کرام کے کہا کہ اسلام نے سب کے حقوق متعین اورواضح کردئیے ہیں اب ان کو دینااور پورا ہر کسی کا اپنا فریضہ ہے اس کیلئے تعلیم وتربیت کی ضرورت ہے کسی خلاف اسلام بل کے ذریعے حقوق نہیں دئیے جاسکتے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)پاکستان مسلم لیگ ن ضلع گجرات کے مرکزی رہنما چودھری رضا علی وڑائچ نے کہا ہے کہ مسلم لیگ ن کی حکومتعوام کی خوش حالی کیلئے دن رات کوشاں ہے ترقی کے لئے امن اورتعلیم بہت ضروری ہے ہماری حکومت اس کیلئے بھرطورپر سرگرم عمل ہے ہم اپنے علاقہ سے دشمنوں کے خاتمے اور قیام امن کیلئے کوشاں ہیںہم نے اپنی سیاست کیلئے دشمنوں کے خاتمے اور قیام امن کیلئے دشمنیوں کو ہوا دینے کی بجائے عوام میں اتحاد اور رواداری کو فروغ دیا ہے ہماری سیاست کا محور عوام کی خدمت اور رضائے الہٰی کا حصول ہے ۔ ہم آئین اخلاق اور اپنے وسائل کے اندر رہتے ہوئے ہمہ وقت عوامی خدمت کے لئے کوشاں ہیںاخوت ،محبت اور خدمت کی سیاست کی بنیاد پر مسلم لیگ ن کے ا میدوار بھاری اکثریت سے کامیاب ہوئے ہیں ان خیالات کا اظہار انھوں نے اپنے ڈیرہ مخلتلف وفود سے گفتگوکرتے ہوئے کیا چودھری رضا علی وڑائچ نے کہا کہ عوام میں شعور بیدار ہو رہا ہے وہ کام کرنے والے ، عوامی مسائل کے حل کرنے کے لئے کوشاں لوگوں اور صرف شور کرنے والوں میں فرق کرنا جان گئے ہیںبلدیاتی الیکشن کے نتائجاس کی نشاندہی کرتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)ڈی پی او گجرات پولیس کو سپیشل احکامات صادر فرمائیں کہ دوران ناکہ عوام کے ساتھ خوش اخلاقی کے ساتھ پیش آئیں اور جب انہیں روکا جائے تو سب سے پہلے انہیں سلام کیا جائے ۔یہ بات پاکستان مسلم لیگ ن کے پریس سیکرٹری زاہد مصطفی اعوان نے ایک بیان میں کہی انھوں نے کہا کہ دنیا بھر میں پولیس کا اعلی نظام موجود ہے ۔پولیس کسی کے گھر جب ریڈ کرتی ہے تو وہاں دیواریں پھلانگ کر گھروں میں داخل نہیں ہوتی ،بلکہ دروازہ کھٹکایا جاتا ہے ۔اور اگر ٹریفک پولیس روک لے تو سب سے پہلے ڈرائیور کو سلام کرتی ہے ،پنجاب پولیس بھی اس قانون کو لاگو کرے ۔انھوں نے مطالبہ کیاکہ ڈی پی او گجرات اس حوالے سے فوری ایکشن لیں اور پولیس کو آرڈر جاری کہ دوران ناکہ یا کسی اور ایمرجنسی میں گاڑیوں موٹر سائیکل سواروں کے سب سے پہلے سلام کریں ،اس کے بعد اپنا فرض نبھائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)ملکہ اور گردو نواح میں گلیوں نالیوں میں پانی جمع ہو گیا ۔ڈینگی کا شدید خدشہ تفصیل کے مطابق ملکہ اور گردو نواح میں گلیوں اور نالیوں سمیت صدیق سالک شہید روڈ جو کہ زیر تعمیر ہے پر لوگوں کے گھروں کا پانی جمع ہو گیا ہے ۔جس پر مچھر مکھیوں کی بھر مار ہو گئی ہے ۔پانی کے جوہڑ بنے ہوئے ہیں محکمہ ہیلتھ کے لئے سوالیہ نشان ہے اگر پانی اسی طرح اکٹھا رہا تو ڈینگی کے آنے کا شدید خطرہ پید ا ہو گیا ہے ۔معلوم ہوا ہے کہ محکمہ ہیلتھ کی ٹیم نے ملکہ کا دورہ کیا اور پنکچر لگانے والے دو افراد کو نوٹس جاری کئے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)ملک کے معروف نوجوان کالم نگار،روزنامہ جذبہ کے ایڈیٹر راجہ تیمورطارق کے اعزازمیں صدر شمسہ ویلفیئر فاونڈیشن گلیانہ چوہدری سرفراز سبحانی، عزیزالرحمان مجاہد اور چوہدری ہارون سبحانی نے علی بابا ریسٹورنٹ لالہ موسیٰ میں پر تکلف عشائیہ دیاعشائیہ کی تقریب میں روزنامہ جذبہ انٹرنیشنل کے چیف ایڈیٹر چوہدری اعجاز حسین پیارا،انجمن صحافیان لالہ موسیٰ کے ڈاکٹر چوہدری عرفان احمد صفی، پریس کلب کھاریاں کے جنرل سیکرٹری آفتاب احمد نذر،چوہدری یوسف سونو، شفقٹ بٹ جذبہ ، وقاص بھٹی جذبہ، حکیم نیئرصدیقی،عبدالعزیزگوندل، امجد حسین امجد،شہزاد احمد، اعجازمرزا، سید تنویرنقوی،سید مغفورالحسنین شاہ ،عتیق لال، جبارعلی ساگر،عمرفاروق اعوان،محمد شہباز گلیانہ، وسیم انور،حسن ضیا اعوان،حسیب اللہ اعوان اور دیگر نے شرکت کی اس موقع پہ خطاب کرتے ہوئے راجہ تیمور طارق نے کہا کہ میں اپنے دوستوں چوہدری سرفراز سبحانی اور عزیزالرحمان مجاہد کا مشکور ہوں کہ جنہوں نے ہمارے اعزاز میں اتنی پروقار ضیافت اور تقریب کا اہتمام کیا ہے انہوں نے کہا کہ شمسہ ویلفیئر فاونڈیشن کے حوالے سے میں نے بہت کچھ پڑھا اور سنا تھا آج اس تقریب میں آکر مزید آگاہی حاصل ہوئی ہے گلیانہ جیسے پسماندہ اور شہروں سے بہت دوراتنے وسیع پیمانے پہ خدمت انسانیت کے مختلف پراجیکٹس کے آغاز اور کامیابیوں کے ساتھ اس کے تسلسل پہ میں شمسہ ویلفیئر فاونڈیشن کے صدر چوہدری سرفراز سبحانی اور عزیزالرحمان مجاہد کو زبردست خراج تحسین پیش کرتا ہوں انہوں نے کہا بہت جلد ہم سارے دوست شمسہ ویلفیئر فاونڈیشن آکر ان پراجیکٹس کو وزٹ کریںگے۔راجہ تیمورطارق نے کہاکہ نیکی اور بھلائی کے کاموں میں اور خدمت خلق کرنے والی تنظیمات اور افراد کے ضلع گجرات کا میڈیا ساتھ ساتھ ہوتا ہے انشاء اللہ شمسہ ویلفیئر فاونڈیشن کے پراجیکٹس میںروزنامہ جذبہ بالخصوص اور ضلع گجرات کا میڈیا ہرممکن تعاون کرے گا۔دیارغیر میں محنت مزدوری کرکے پیسے تو سب کماتے ہیں لیکن ان پیسوں میں سے اپنے ملک کے مستحق اور نادار بہن بھائیوں کی فلاح و بہبود کے لئے کام کرنا کسی کسی کے نصیب میں آتا ہے چوہدری سرفراز سبحانی بہت خوش قسمت ہیں جن کو عزیزالرحمان مجاہد جیسے متحرک اور بے باک صحافی کی دوستی میسر آئی عزیزالرحمان مجاہدکا شمار ضلع گجرات کے ان گنے چنے صحافیوں میں ہوتا ہے جو اپنی صحافت اور تعلقات کو ذاتی فائدے کی بجائے اللہ کی مخلوقات کی خدمت کے لئے استعمال کرتے ہیں ۔اس موقع پہ خطاب کرتے ہوئے چوہدری اعجاز حسین پیارا نے کہا کہ آج ہم اتنے خوبصور ت ریسٹورنٹ میں اتنے اچھے ماحول میں کھانا کھا رہے ہیںجس پہ اللہ کا جتنا شکرکیا جائے کم ہے جبکہ اس ملک میںگزشتہ روز بھوک اور افلاس سے مجبورہوکرایک باپ اپنے کے ساتھ مل کر اپنی قبریں کھود کراپنے ہاتھ سے اپنے بیٹے کو زہر پلاکر خودکشی کرتاہے ایسے میں ہمیں سوچنا چاہیے کہ ہم اپنے ملک سے بھوک، افلاس اور غربے کے خاتمے کے لئے اپنے حصے کاکیا کام کررہے ہیں۔انہوں نے کہا کہ چوہدری سرفراز سبحانی کو میں آج سے نہیں بلکہ گزشتہ سولہ سالوں سے جانتا ہوںانہوں نے اپنے علاقے کے عوام کی غربت اور افلاس کے خاتمے کے لئے ہمیشہ بڑھ چڑھ کرکام کیا ہے،ڈاکٹر چوہدری عرفان احمد صفی نے کہا کہ شمسہ ویلفیئر فاونڈیشن کے مختلف پراجیکٹس کو قریب سے دیکھنے کا مجھے کئی بار اتفاق ہواہے گزشتہ دنوں شمسہ فری ووکیشنل ٹریننگ انسٹی ٹیوٹ کی طالبات کو ریسکیو1122کی خصوصی تین روزبنیادی فرسٹ ایڈ دی جارہی تھی مجھے اس موقع پہ طالبات سے مخاطب ہونے کا موقع بھی ملا۔میرااحساس ہے کہ شمسہ ویلفیئر فاونڈیشن اور اس کے مختلف پراجیکٹس نے ایک سال میں جتنی کامیابی حاصل کی اس کی مثال نہیں ملتی،اس کے پیچھے جہاں چوہدری سرفراز سبحانی اور ان کے خاندان کاخلوص شامل ہے وہاں ہمارے بھائی عزیزالرحمان مجاہد کی دن رات کی انتھک محنت اور کاوشیں بھی شامل ہیں۔عشائیہ کی تقریب کے شرکاء سے خطاب کرتے ہوئے عزیزالرحمان مجاہد نے کہا کہ ہم دونوں بھائیوں نے اگست 2014ء میں علاقے سے چائلڈ لیبر کے خاتمے ، خواتین کی فلاح و بہبود اور علاقے سے غربت اور بے روزگاری کے خاتمے کا خواب دیکھا تھا جو آج شرمندہ تعبیرہوچکاہے۔انہوں نے کہا کہ ہم نے اپنی مرحومہ بہن شمسہ امتیاز کے ایصال ثواب کے لئے شمسہ ویلفیئرفاونڈیشن کی بنیاد رکھی اورگھروں میں فارغ بیٹھی لڑکیوں اور بے ہنر خواتین کو ہنر سکھانے کے لئے شمسہ فری ووکیشنل ٹریننگ انسٹی ٹیوٹ قائم کیا الحمد اللہ آج ایک سو سے زائد خواتین کو ہم ٹیلرنگ اور بیوٹیشن کے کورسز بالکل مفت کروا چکے ہیں۔ہمارے ادارے سے فارغ ہونے والی خواتین کی ایک بڑی تعداد اپنے گھروں میں کام کا آغازکرکے اپنے خاندان کے لئے معقول اور باعزت روزگار کے ذریعے کمارہی ہیں،ہم نے عزا کلوزٹ کے نام سے ایک انٹر نیشنل معیارکا بوتیک اورروشی سٹائل اینڈ بیوٹی کے نام سے بیوٹی پارلربنایا ہے جہاں عالمی معیار کی سروسز مہیا کی جارہی ہیں اور دونوں شعبوں ملنے والا منافع شمسہ ویلفیئر فاونڈیشن کے پراجیکٹس پہ لگایا جارہا ہے۔انہوں نے کہا کہ ہم نے گلیانہ میں پہلی بارفری ایمبولینس سروس کا آغاز کیا ہے ۔اس کے علاوہ بلڈ ڈونیشن کے حوالے سے ہمارا سندس فاونڈیشن کے ساتھ الحاق ہے جبکہ الفلاح سکالرشپ سکیم کے ساتھ مل کر نادار لیکن ذہین بچیوں کو تعلیمی وظائف دے رہے ہیں۔انہوں نے کہا کہ ہماری خواہش ہے کہ میڈیا کہ دوست ہمارے کام کو مزید اجاگر کریں تاکہ ہم مزید بہتر انداز میں انسانیت کی خدمت کا فریضہ سرانجام دے سکیں۔اس موقع پہ صدر شمسہ ویلفیئرفاونڈیشن چوہدری سرفراز سبحانی نے راجہ تیمور طارق اور دیگر مہمانوں کا شکریہ اداکرتے ہوئے کہا کہ آپ ہماری دعوت پہ تشریف لائے ہم تہہ دل سے آپ کے مشکور ہیں انہوں نے کہا کہ شمسہ ویلفیئر فاونڈیشن کا سارا خواب کبھی شرمندہ تعبیرنہ ہوتا اگرمیرے بچپن کے دوست اور بھائی عزیزالرحمان مجاہدکا ساتھ مجھے نصیب نہ ہوتا۔میری بیرون ملک کاروباری مصروفیات کے باوجود عزیزالرحمان مجاہد نے اتنی محنت اور خلوص کے ساتھ شمسہ ویلفیئر فاونڈیشن کے خواب کو تعبیر میں بدلہ اس پہ میں اللہ کا شکرگزار ہوں کہ اللہ رب العزت نے مجھے اتنا پیارا اور مخلص دوست دیاجنہوں نے کبھی بھی میری عدم موجودگی کو محسوس نہیں ہونے دیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)گورنمنٹ گرلز اصغر علی ڈگری کالج کھاریاں میں آج تقریب تقسیم انعامات ہوگی مہمانِ خصوصی ممبر صوبائی اسمبلی حلقہ پی پی 115 چوہدری شبیر احمد کوٹلہ ہوں گے۔ اس موقع پر معززین شہر، میڈیا کے نمائندے اور سرکاری افسران بھی شرکت کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)ملک ممتاز قادری کی پھانسی کے خلاف کھاریاں میں بھی مختلف مذہبی تنظیموں کے زیراہتمام احتجاج کیا گیا مظاہرین نے ایک گھنٹہ جی ٹی روڈ بلاک رکھا۔ مظاہرین نے حکومت کے خلاف نعرے بازی بھی کی۔ علماء کرامنے خطابات میں ملک ممتاز قادری کی پھانسی کی شدید الفاظ میں مزمت کی۔ اس موقع پر سنی علماء کونسل کھاریاں، تحریک تحفظ اسلام پاکستان اور دیگر تنظیموں کے مقامی راہنمائوں اور کارکنان کی کثیر تعداد نے شرکت کی نمایاں طور پر مولانا اختر جلالی، مولانا مفتی محمود احمد، مولانا عبداللہ، قاری وارث علی، قاری عبدالغفور، مولانا مختار حسین اور دیگر سینکڑوں افراد شامل تھے اس موقع پر سیکورٹی کے لئے DSP کھاریاں ملک منظور حسین اعوان، SHO کھاریاں صدر شہباز ہنجرا، SHO تھانہ گلیانہ چوہدری امجد گجر اور SHO ککرالی امیر عباس چدھڑ بھی اپنی اپنی نفری کے ہمراہ موجود تھے مقامی صحافیوں نے بھی کوریج کے لئے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)منیجر ہاشم ویلفیئر ہسپتال (رجسٹرڈ) پنڈی ہاشم ملک خضر حیات اعوان نے کہا ہے کہ یہاں پر سے روزانہ سینکڑوں افراد استفادہ کر رہے ہیں حقدار، نادار لوگوں کے لئے چیکنگ اور ادویات بالکل فری ہیں اس کے ساتھ ساتھ ہفتہ وار فری آئی کیمپ سے درجنوں خواتین و حضرات کی آنکھوں میں بذریعہ آپریشن لینز لگائے جا رہے ہیں اور زچہ بچہ کا شعبہ بھی کامیابی سے جاری ہے تمام عملہ سرپرست اعلیٰ حاجی ملک محمد نواز اور چیئرمین ڈاکٹر ادریس اعوان کی قیادت میں اپنی ڈیوٹی کو فرض سمجھ کر ادا کر رہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)PTI عوامی جماعت ہے جوکہ دن بدن پورے ملک میں اپنا منفرد اور بلند مقام حاصل کر رہے ہیں لوگ جوق در جوق پاکستان تحریک انصاف میں شامل ہو رہے ہیں انٹرا پارٹی الیکشن بھی PTI کا ہی کارنامہ ہے جو کہ سیاسی جماعتوں کے اندر جمہوریت کو رائج کرنے کی کڑی ہے ان خیالات کا اظہار راہنما PTI چوہدری مختار احمد ڈھل نے کیا۔ انہوں نے کہا کہ مسلم لیگ(ن) اور پیپلز پارٹی ملک میں مک مکا کی سیاست کر رہی ہیں باریاں لینے کے لئے ایک دوسرے کا ساتھ دے رہے ہیں مگر انہیں یہ بھی معلوم ہونا چاہئے کہ اب وقت بدل چکا ہے عوام باشعور ہو چکے ہیں لہٰذا ان کی باریاں بھی ختم ہو چکی ہیں آنے والا دور انشاء اللہ PTI کا ہے عوام ان دونوں جماعتوں کی مک مکا والی سیاست کا خاتمہ کر دیں گے اور قومی الیکشن میں PTI کو ووٹ دیں گے اور حکومت بھی پاکستان تحریک انصاف کی بنے گی۔ چوہدری مختار احمد ڈھل نے مزید کہا کہ PTI دن بدن عوام میں مقبولیت حاصل کر رہی ہے جس سے حکمرانوں کی نیندیں حرام ہو رہی ہیں آنے والا دور PTI کا ہی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)29فروری تاریخ کا سیاہ ترین دن ہے ملک ممتاز قادری کی پھانسی سے دنیا اسلام کا ناقابل تلافی نقصان ہوا ہے ان خیالات کا اظہار مولانا لیاقت علی جلالی راہنما انجمن جلالیہ رضویہ صلع گجرات نے کیا۔ انہوں نے کہا کہ گستاخ رسولۖ کی سزا اسلامی قوانین کے مطابق سزائے موت ہے۔ ممتاز قادری نے گستاخ رسولۖ کو جہنم واصل کر کے پکا، سچا عاشق رسولۖ ہونے کا عملی ثبوت پیش کیا ان کے اس کارنامے کو ہمیشہ یاد رکھا جائے گا انہوں نے مزید کہا کہ ممتاز قادری پہلے غازی تھا اب شہادت کا رتبہ بھی حاصل کر چکا ہے اور اسلامی دنیا کا ہیرو بھی بن گیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)ممتاز سماجی و مذہبی شخصیت سید ضیاء اللہ شاہ ایڈووکیٹ کی قیادت میں ملک ممتاز شہید کی نمازِ جنازہ میں شرکت کے لئے قافلہ آج صبح10بجے جامع مسجد شفیق جی ٹی روڈ کھاریاں سے لیاقت باغ راولپنڈی کے لئے روانہ ہوگا سید ضیاء اللہ شاہ نے کہا ہے کہ ٹرانسپورٹ کا بندوبست کیا گیا ہے نمازِ جنازہ میں شرکت کرنے کے خواہش مند حضرات صبح10بجے سے پہلے جامع مسجد شفیق پہنچ جائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)مرکزی جنرل سیکرٹری تحریک تحفظ اسلام پاکستان مولانا اصغر توحیدی نے کہا ہے کہ ملک ممتاز قادری شہید عالم اسلام کے ہیرو ہیں اور دربار رسالتۖ کے مقبول عاشق رسولۖ ہیں جو کہ شہادت کے اعلیٰ مرتبے پر فائز ہوئے ہیں ہم حکومت پاکستان کے عالمی دبائو میں پھانسی دینے کی بھرپور مزمت کرتے ہیں انہوں نے کہا کہ عاشقان رسول اور غلامان مصطفی نے پرامن احتجاج کر کے اپنا حق ادا کیا ہے تحریک تحفظ اسلام پاکستان کے کارکن مبارکباد کے مستحق ہیں جنہوں نے ملک بھر میں پھانسی کے خلاف بھرپور احتجاج کیا ہے ہم ملک ممتاز قادری شہید کی عظمت کو سلام پیش کرتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)الیکٹرانک میڈیا کونسل کھاریاں کا قیام خوش آئند اقدام ہے ہم سید تنویر نقوی کے اس فیصلے کی مکمل تائید کرتے ہیں بھرپور ساتھ دیں گے ان خیالات کا اظہار مشترکہ طور پر سینئر صحافی اعجاز مرزا اور عبدالعزیز گوندل نے کیا۔ انہوں نے کہا کہ الیکٹرونک میڈیا دن بدن ترقی کر رہا ہے اور مختلف ٹی وی چینلز کے نمائندہ بھی عملی طور پر اپنی خدمات سرانجام دے رہے ہیں پورے ملک کی طرح کھاریاں شہر میں بھی الیکٹرانک میڈیا کے لئے ایک پلیٹ فارم کی ضرورت تھی جو کہ اب پوری ہونے جا رہی ہے ہم کھاریاں کے ٹی وی چیلنجز کے نمائندوں کے لئے الیکٹرانک میڈیا ایسوسی ایشن کے قیام کی مکمل حمایت کا اعلان کرتے ہیں ان کے ساتھ مکمل تعاون کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)خواندہ فرداورتعلیم ملکی ترقی میںاہمیت کی حامل ہے آج کاطالبعلم کل کاڈاکٹر،انجنیئراورملکی ترقی کاضامن ہے۔ان خیالات کا اظہارپروفیسرحافظ عثمان نوازلیوسف پبلک ہائی سکول کے سالانہ جلسہ تقریب انعامات کے موقع پرخطاب کرتے ہوئے کیا۔اس موقع پرانٹرنیشنل گولڈ میڈلسٹ شاہد اللہ خاں،ڈائریکٹرمحمداکرم ،حافظ عنا یت اللہ گھمن،پرنسپل معظمہ،تجلہ افتخار ودیگرنے بھی خطاب کیا۔انہوںنے کہا کہ موجودہ ترقی کے دورمیںخواندگی میںاضافہ بہت ضروری ہے۔اس کے لئے ہم کوگھرگھرتعلیم کی افادیت بارے آگاہی پہنچا نا ہوگی تاکہ قوم کاہر بچہ تعلیم کی جانب راغب ہو۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)مسلم لیگ عوامی جماعت ہے اپنے ورکروںکارکنوںکی عزت ووقارکی بلندی کے لئے کوشاں ہے ۔عمران سنی کمبوہ مسلم لیگ (ن)یوتھ ونگ کاسرمایہ ہے۔انہوںنے مسلم لیگ (ن)کی یوتھ میںایک جذبہ وولولہ متعارف کروایا۔ان خیالات کا اظہارمسلم لیگی رہنماامتیازاظہر باگڑی نے وائس چیئرمین پنجاب ہیلتھ کمیٹی محمدعمران سنی سے ملاقات میںکیا۔اس موقع پرمحمدنعیم مغل،بابا قیصر،بابر طور،جواد شاہ،فرحان شاہ،محمدعثمان ودیگر بھی موجودتھے۔انہوںنے کہا کہ ہم مسلم لیگ (ن)یوتھ ونگ کومضبوط بنیادوںپرمنظم کررہے ہیںتاکہ حلقہ این اے101کے ضمنی الیکشن میںوہ مسلم لیگ (ن)کے امیدوارقومی اسمبلی حلقہ این اے101جسٹس(ر)افتخاراحمدچیمہ کی کامیابی میںبھرپورکرداراداکرسکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)جماعت اسلا می وزیرآبادزون کے نائب امیرمحمدمشتاق بٹ نے کہا کہ قومی سلا متی کے لئے کرپشن بہت بڑا خطرہ ہے۔کرپشن فری پاکستان بنانے کے لئے ہمیںعوام میںشعور وآگا ہی پیداکرنے کے لئے منظم بنیادوںپرتحریک چلا نی ہوگی۔کرپشن کے میدان میںتمام متحدہیں۔چورچورکااحتساب نہیںکرسکتا۔سراج الحق کی قیادت میںجماعت اسلا می چوروں لٹیروںسے لوٹی ہوئی دولت واپس لے گی۔وہ وزیرآباد،دھونکل،گکھامیتر،سوہدرہ،بھٹی کے،ونجووالی،منظورآبادمیںاجتماعات سے خطاب کررہے تھے۔انہوںنے کہا کہ ظلم کے نظام کی بڑی وجہ کرپٹ حکمران ہیںجماعت اسلا می ملک کے 18کروڑعوام کوکرپشن فری پاکستان دینا چاہتی ہے۔موجودہ کرپٹ نظام سے نجات دلا نے میںجماعت اسلا می کی تحریک کومضبوط بنا یا جائے۔انہوںنے کہا کہ ملک کے اڑھائی سوارب ڈالربیرون ملک منتقل کئے گئے ہیںیہ ڈالرعوام کے خون پسینے کی کمائی ہے۔انہوںنے کہا کہ ہم عوام کویہ پیغام دینا چاہتے ہیںعوام چاہے توملک کی تقدیربدل سکتے ہیں۔حکمران طبقے سے لوٹی ہوئی دولت واپس مل جائے توتمام قرضے ختم ہوسکتے اورمعیشت بہترہوسکتی ہے۔انہوںنے کہا کہ سینکڑوںکرپشن کیسزنیب کے پا س موجودہیںان کیسزمیںبااثرلوگوںکوبچانے کی کوشش کی جارہی ہے۔جماعت اسلا می عوامی طاقت سے انہیںناکام بنائے گی۔حلقہ این اے101کے ضمنی انتخابات کے سلسلہ میںہماری جماعت نے کسی حمایت کافیصلہ نہیںکیا۔تمام پارٹیاںمقامی مرکزی سطح پررابطہ میںہیںچندروزتک باضابطہ اعلان کردیا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) شیعہ علما کونسل پنجاب اور اسلامی تحریک کے صوبائی صدر علامہ سید سبطین حیدر سبزواری نے کہا ہے کہ کراچی میں منعقد ہونے والی حالیہ کامیاب علما و ذاکرین کانفرنس نے ثابت کردیا ہے کہ پاکستان کے شیعیان حیدر کرار قائدملت جعفریہ علامہ سید ساجدعلی نقوی کی قیادت میں متحد ہیں۔ ایساہی کانفرنس لاہور میں بھی منعقد کی جائے گی۔جس کی تفصیلات صوبائی کابینہ کے آئندہ اجلاس میںطے کی جائیں گی۔کارکنوں سے گفتگو کرتے ہوئے علامہ سبطین سبزواری نے کہا کہ سندھ کی کانفرنس دینی اور تنظیمی فعالیت کا مظہر تھی، جس میں صوبے بھر سے علما اور ذاکرین نے شیعہ علما کونسل کے پرچم کے نیچے جمع ہوکر قومی وحدت اور اتحاد کا پیغام دیا۔ انہوں نے کہا کہ عزاداری تشیع کا وقار اور پہچان ہے، اس کے تحفظ میں کسی قربانی سے دریغ نہیں کریں گے۔ اتحاد بین المسلمین ہمارا مشن اور جذبہ ہے، جس کے لئے شیعہ علما کونسل نے ہمیشہ بڑھ چڑھ کر حصہ لیا ۔ اسے جاری رکھیں گے۔ ان کاکہنا تھاکہ پاکستان میں بسنے والے ہر شہری کے حقوق کا تحفظ ہونا چاہیے ، جس کی یقین دہانی آئین پاکستان میں بھی کروائی گئی ہے۔ علامہ سبطین سبزواری نے کہا کہ شیعہ علما کونسل میں تنظیم سازی کا عمل مشکل حالات میں بھی جاری رہا۔ حالانکہ ریاستی اور حکومتی جبر کا تحریک جعفریہ شکار ہوئی مگر قیادت نے اپنا فرض نبھایا۔ ایک کارکن کے سوال کے جواب میں انہوں نے واضح کیا کہ ملت جعفریہ علامہ ساجد علی نقوی کی قیادت میں متحد ہے، شیعہ تنظیموں کا کوئی اتحاد زیر غور نہیں۔ کچھ لوگ حالات کے جبر اور عہدوں کے لالچ میں چھوڑ کر چلے گئے تھے، کسی نے انہیں تنظیم سے نہیں نکالا وہ واپس آنا چاہیں تو خوش آمدید کہیں گے۔ لیکن ہم سمجھتے ہیں کہ جو کوئی ،جہاں بھی قومیات کے لئے خدمات سرانجام دے رہا ہے، جاری رکھے۔ کس نے قوم کے لئے کیا کچھ وہ کسی سے ڈھکا چھپا نہیں۔ عوام سب جانتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)توہین رسالت و اہل بیت کے ملزم نام نہاد ذاکر جعفر جتوئی پر فرد جرم عائد کرکے 14۔ مارچ کو گواہوں کو طلب کرلیا گیا ہے۔ انسداد دہشت گردی عدالت نمبر 1 کے جج عزیز اللہ کلو نے ملزم پر فرد جرم عائد کرکے گواہوں کو طلب کرلیا ہے۔ استغاثہ کے وکیل شیر گل قریشی اور ملزم کے وکیل وجیہہ الحسن نقوی پیش ہوئے ۔ واضح رہے کہ ملزم کے خلاف مقدمہ نمبر 923/15 ، زیر دفعہ 295-C، 295-A اور 298-Aپولیس اسٹیشن کوٹ لکھپت لاہور میں مودت اہل بیت فاونڈیشن کے چیرمین چودھری نشان علی کی مدعیت میں درج کیا گیا۔جس میں 20۔ فروری کو ملزم کی بریت کی درخواست کو بھی مسترد کردیا گیا تھا۔عدالت کے باہر صحافیوں سے گفتگو کرتے ہوئے مقدمے کے مدعی چودھری نشان علی نے واضح کیا کہ ملزم جعفرجتوئی کے تانے بانے برطانوی خفیہ ایجنسی MI-6 سے ملتے ہیں۔ جو مسلمانوں میں اختلافات پیدا کرنے کیلئے ناخواندہ اور علم دین سے عاری نام نہاد خودساختہ ذاکرین کو خریدتی ہے ۔ ان میں گستاخ رسول جعفر جتوئی جیسے دیگر غالی ذاکرین حسنین علی کھرل، غضنفر عباس تونسوی، موسیٰ حیدر زیدی، آصف رضا علوی اور دیگر شامل ہیں۔ جو استعماری ہیں اوراہل تشیع کو بدنام کرنے کے لئے خود ساختہ قصے بنا کر مجلس امام حسین علیہ السلام، عزاداری اور تشیع کے خلا ف عقائد بیان کرتے ہیں۔ جن کا قرآن و حدیث اور فرامین معصومین علیہم السلام سے کوئی تعلق نہیں ۔انہوں نے مطالبہ کیا کہ جعفر جتوئی کا نام ای سی ایل میں شامل کیا جائے۔ ملزم کے بیرون ملک فرار ہونے کا خدشہ ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)پاکستان مسلم لیگ لاہورکے سینئر راہنما ناصر رمضان گجر سابق سیکرٹری اطلاعات پاکستان مسلم لیگ لاہورنے کہا ہے کہ خانیوال کے50چیئرمین، کونسلرز کی پاکستان مسلم لیگ میں شرکت چوہدری پرویز الہٰی کی بطور وزیراعلیٰ پنجا ب خدمات کا اعتراف ہیں ان کے دور کے منصوبے جن میں 1122سروس تعلیم، کسانوں کیلئے تاریخی مراعات سمیت سب کیلئے بلاامتیاز ہر شعبہ میں جتنے فلاحی اور ترقیاتی کام سے عوام آج تک مستفید ہورہے ہیں ۔ناصر رمضان گجر نے کہا کہ چوہدری پرویز الہٰی کی خدمات عوام کے دلوں میں ہمیشہ زندہ رہینگی ان کے تمام منصوبے عوام کی فلاح و بہبود کیلئے تھے ۔موجودہ حکمران عوامی خدمات کی بجائے فنڈز عوام کو بے گھرکرنے والے اور تاجروں کے کاروبار تباہ کرنے والے منصوبوںپر لگارہے ہیں ۔ترقیاتی منصوبوں کیلئے اربوں روپے قرض حاصل کرکے پنجاب کو بال بال قرض میں جکڑا جارہا ہے ۔چوہدری پرویز الہٰی کا خوشحال پنجاب آج کنگال پنجا ب بن چکا ہے پنجا ب کا ہر پیدا ہونے والا بچہ بھی مقروض ہے ۔موجودہ بدتر حالات کے باعث عوام چوہدری پرویز الہٰی دور کو یاد کر رہی ہے جس میں عوام خوشحال اور مطمئین زندگی بسر کررہے تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) جمعیت علما پاکستان کے مر کزی صدر پیر اعجاز احمد ہاشمی نے کہاہے کہ عاشق رسول غازی ممتاز حسین قادری کی پھانسی پر دل رنجیدہ اورافسردہ ہوا ہے۔ حکمرانوں کو نتائج بھگتنا ہوں گے، جو سزائے موت کو عمر قید میں بدلنے کی یقین دہانیوں کے باوجود انصاف کا قتل کرنے سے باز نہیں آئے۔ اس کا ہر صاحب ایمان کو دکھ ہوا ہے۔ حکمرانوں نے پھانسی دے کر اللہ اور اس کے رسول کے احکامات کی خلاف ورزری کرکے این جی اوز اور امریکہ کو خوش کیا ہے۔ ایک بیان میں پیر اعجاز ہاشمی نے کہا کہ ممتا ز قادری کے اقدام کے بارے میں علما اور مفتیان کے فتوے موجود ہیں ، جن کی تمام مکاتب فکر کی قیادت نے حمایت کی اور غازی کی رہائی کا مطالبہ کیا تھا۔ مختلف مقامات پر حکمرانوں نے سزائے موت کو عمر قید میں تبدیل کرانے کی یقین دہانیاں بھی کروائی تھیں ،مگراس پر عملدرآمد نہ کرکے وعدہ خلافی کی گئی۔ انہوں نے کہاکہ حکومت ملک کو لبرل ازم کی طرف لے جاکر پاکستان کی اسلامی اساس کو تباہ کرنا چاہتی ہے، جس کی اجازت نہیں دی جائے گی اور بھر پور احتجاج کیا جائے گا۔حکمرانوںنے اہل سنت کو اپنا مخالف بنالیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تھرپارکر(جی پی آئی) پاکستان تحریک انصاف کی ممبرسازی میں نظام کی تبدیلی کے لیے تھر پار کے لوگوں نے عمران خان کو اپنا لیڈر مان لیا،کھپرو میں شاندار ریلی بڑے بڑے وڈیروں اور منتخب نمائندوں کے تاریخ ساز ریلی اور جلسے سے منہ کھلے کے کھلے رہ گئے ،تھر کے لوگ اپنی بھوک اور غربت کو بھول کر عمران خان زندہ باد کے نعرے لگانے میں سندھ کے تمام اضلاع کو پیچھے چھوڑ گئے !کاروان انصاف اور اس کے ارد گردلگے ممبر سازی کے کیپموں پر عوام کا بھاری تعدا د میں رش تھر کے لوگوں نے عمران خان کی شان پر بنائے گئے نغموں کو فرمائشی انداز میں بار بار سنا اور کھل کر اپنے جذبات کا اظہار کیا۔پی ٹی آئی کے استقبال کے لیے نکالی گئی ریلی نے کھپرو کے گلی محلوں اور بازاروں میں خوب رنگ جمایا اور تبدیلی کے حق میں نعروں کی گونج کو صوبے میں حکومت کے دعوے داروں تک پہنچادیا کہ اس بار سندھ کسی اور کا نہیں عمران خان کا ساتھ دیگا۔حلیم عادل شیخ نے عوام کے جم غفیر کی اس قدر بڑی تعداد میں شرکت کوزبردست انداز میں سراہا اور خوب دیر تک تھر کی عوام کا شکریہ ادا کیاجس نے کاروان انصاف کو امید سے زیادہ پزیرائی بخشی ،انہوں نے کہا کہ جب تھر جاگتا ہے تو سندھ میں عام آدمی بھی بیدار ہوجاتا ہے اور عمرا ن خان کا جو پیغام ہم لیکر آئیں ہیں اسے تھر کی عوام نے جس انداز میں قبول کیا ہے اور جو پی ٹی آئی کا ساتھ دینے کا وعدہ کیا ہے !اس کے لیے صوبہ سندھ کی پوری عوام ہی مبارکباد کی مستحق ہے انہوں نے کہا کہ سندھ کے لوگ ہمارا ساتھ اس لیے بھی دے رہے ہیں کیونکہ وہ دیکھ رہے ہیں کہ ان کے وہ لیڈر جو کبھی روٹی کپڑا ور مکان دینے کا وعدہ کرتے تھے آج وہ یا تو جیل میں ہیں یا ضمانتوں پر یا پھر احتساب کے ڈر سے بھاگنے کے لیے پر تول رہے ہیں, پہلے مرحلے کی طرح دوسرے مرحلے میں بھی شاندارانداز میں سندھ کے لوگوں نے ہمیں خوب عزت سے نوازا ہے جس سے ثابت ہوگیا ہے کہ سندھ کے لوگ قائد عمران خان کو ہی سندھ کے بہتر مستقبل کی ضمانت سمجھتے ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی) امیر جماعت اسلامی ضلع سوات ڈاکٹر فضل سبحان نے کہا ہے کہ قرآن پاک ایک مکمل ضابطہ حیات ہے جس میں ہم جملہ مسائل کا حل موجودہے ، قرآن کے احکامات پر عمل پیرا ہونے سے ہی دونوں جہانوں میں کامیابی نل سکتی ہے ، ہمیں چاہئے کہ خود بھی قرآن پاک سکھیں اور دوسروں کو بھی سکھائیں ، ان خیالات کا اظہار انہوں نے جامعہ حقانیہ سنگوٹہ میں بزم قرآن کے زیر اہتمام مقابلہ حسن قرآت و نعت خوانی کی اختتامی تقریب سے خطا ب کرتے ہوئے کیا ، تقریب سے معاون بزم قرآن صوبہ خیبر پختونخوا محمد اسلام ، امین جمعیت طلبہ عربیہ خیبر پختونخوا مولانا شمشیر شاہد ، جمعیت طلبہ عربیہ سوات کے منتظم عثمان ، بزم قرآن سوات کے صدر ضیاء الرحمن ، معاون مسعود خان اور شاہد نے بھی خطاب کیا ، مقررین نے طلباء پر زور دیا کہ وہ قرآن و سنت کی تعلیمات حاصل کرکے گھر گھر تک اسلام کی دعوت پہنچائیں ، تقریب کے آخر میں مہمان خصوصی نے پوزیشن ہولڈر طلبہ میں انعامات تقسیم کیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)پاکستان مسلم لیگ نواز ضلع سوات کے جنرل سیکرٹری انجینئر عمر فاروق نے کہاہے کہ اقبال ظفر جھگڑا کو گورنر خیبر پختونخواہ منتخب ہونے پر مبارکبا د پیش کرتے ہیں اور قائد محترم پاکستان میاں نواز شریف کا شکریہ ادا کرتے ہیں کہ انہوںنے ایک دیرینہ اور مخلص ساتھی کو اس عہد ے پر فائز کیا ان خیالات کا اظہار انہوںنے گزشتہ روز اخباری نمائندوں سے بات چیت کرتے ہوئے کیا انہوںنے کہاکہ میں ضلع سوات کے تمام لیگی کارکنان کو نومنتخب گورنر صوبہ خیبر پختونخواہ اقبال ظفر جھگڑا کو مبارکباد پیش کرتے ہیں اور وزیر اعظم پاکستان میاں نواز شریف کا شکریہ ادا کرتے ہیں کہ انہوںنے کارکنان کے امنگوں کے مطابق ایسے شخصیت کو گورنر نامزد کیا جو غیر متنازعہ شخصیت کے مالک ہونے کے ساتھ ساتھ کارکنان کے مسائل سے بخوبی واقف ہے ہم امید کرتے ہیں کہ گورنر خیبرپختونخواہ اقبال ظفر جھگڑا صوبے کے عوام کی بہتری کیلئے اپنی تمام تر صلاحیتیں بروئے کار لائیںگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)کبل کے علا قہ قلا گے میںدیوراور اس کے بیٹے کے فائیرنگ سے بھا بی زخمی ہسپتا ل منتقل پولیس نے رپو ر ٹ در ج کر کے مزید تفتیش شرو ع کر دی تفصیلات کے مطا بق تحصیل کبل کے علاقہ قلا گے در یا ب میںخا تون مسما ة (س)زو جہ خا نزا دہ فا ئیرنگ سے زخمی ہوئی متا ثرہ خا تو ن نے پو لیس کو رپو ر ٹ دیتے ہو ئے مو قف اختیا ر کی ہے کہ میری دیور بہا در خان ولد غلا م حیدر اور اس کے بیٹے سلطان زادہ ولد بہا در خان نے مجھ پر فا ئیرنگ کر دی پو لیس نے رپو ر ٹ درج کر کے مزید تفتیش شروع کر دی وجہ تا حا ل معلو م نہ ہو سکی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)گذ شتہ رو ز تحصیل کبل کے علا قہ ما نڑئی سیرئی عوامی نیشنل پا رٹی کے ایک شمو لیتی تقریب کا انعقاد کیا گیا جس سے خطا ب کر تے ہوئے سابق ممبر صوبائی اسمبلی وقار احمد خان، ANPکے ڈپٹی جنرل سیکرٹری ضلع سوا ت ابراہیم دیولئی ، سابق نا ظم ریا ض خان، عبدالحمید خان ، آفرین خان ، ڈاکٹر فضل غنی ، شیر رحمان ملک اور دیگر نے کہا کہ مسلم لیگ پنجاب کے پارٹی ہے ان کا پختون قوم کے مسائل اور مشکلات کے کوئی پروا نہیں ہمارا صوبہ معدنیات سے مالا مال ہے لیکن بدقسمتی سے ہمارے وسائل پر پنجاب قا بض ہے تبدیلی کے دعویدار حکومت بتائے کہ اب تک کو نسا تیر ما را ہے 350ڈیم بنانے کے دعوی کرنے والوں نے سکولوں میں کلاشنکوف کلچر متعارف کرا کر پختون قوم کے بچوں کو تعلیم سے محروم کرنے کے کوشش کی جا رہے ہیں ANPنے امن کے خاطر ووٹ لیا تھا اور امن قائم کرنے میں سینکڑوں کے تعداد میں کارکنان اور مشران کے قربانیاں دی ہم نے جب اقتدار سنبھالا تو دہشت گردوں کا راج تھا جب دہشت گردوں پا قا بو پا لیا تو سیلاب آیا لیکن پھر بھی اپنے دو سالہ دور حکومت میں جو ترقیا تی کام کی ہے اس کاکوئی مثال نہیں آج اے این پی کے بدولت صوبائی خودمختیاری حا صل کی پہلے صوبے کو 65کروڑ روپے ملتے تھے اب 35ارب روپے مل رہے ہیں انہوں نے کہا کہ اب پختون قوم میں شعور بیدار ہو گئے ہیں اور انہوں نے پنجاب اور میانوالی کے سیاست کو مسترد کر دی گئی ہے اس موقع پر شیر رحمان ملک اپنے خاندان اور درجنوں ساتھیوں سمیت پاکستان مسلم لیگ کو خیر باد کہہ کر عوامی نیشنل پارٹی میں شامل ہو گئے مقررین نے مزید کہا کہ مسلم لیگ نے پختون قوم کے تباہی کے دہانے پر لا کھڑا کر دیا ہے واحد عوامی نیشنل پارٹی ہے کہ وہ صر ف اور صرف پختون قوم کے لئے آواز اُٹھا رہے ہیں تعلیم کے مد میں ANPکے کارنامے قابل تحسین ہے ہمارے دور حکومت میں کی گئی ترقیاتی کام ہم کسی پر احسان نہیں کر تے بلکہ یہ ہم نے اپنا فرض پورا کیا ہے موجودہ حکومت کے نمائندے ہمارے منصوبوں پر اپنے نام پے تختیاں لگا رہے ہیں موجود MPAبتائے کہ ہمارے دور حکومت میں منظور شدہ مانڑئی ارچالئی سڑک سے 2کلو میٹر راستہ کیو ں کم ہوئے مختلف NGOsکے کاموں پر اپنے نام کرانے والوں نے اب تک کونسا میگا پراجیکٹ تعمیرکی ہے انہوں نے کہا کہ تبدیلی کے دعویدار حکومت نے عوام کو کشمکش میں مبتلا کر کے صرف اپنے ہی تقدیر بدل رہے ہیں ان کا عوام کے کوئی پروا نہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)ANPضلع کونسل کے جائنٹ سیکرٹری عبد الصبور اف سر سینئی کے والدہ انتقال کر گئے نماز جنازہ ادا کرنے کے بعد سپر د خاک جنازے میں علاقے کے عوام ، صحا فیوں ، وکلا ء ، سیاسی مشران وقار خان، ضلعی نائب ناظم عبد الجبار خان ، تحصیل نا ظم اکرام خان ، ابراہیم دیولئی ، نیاز احمد خان ، رحمت خان اف کانجو، عبد الغفور، عثمان غنی ، کبل بار کے صدر سردار یوسفزئی کے علاوہ دیگر مکا تب فکر کے لوگوں نے کثیر تعداد میں شرکت کی فا تحہ خوانی حا فظ شیر علی مسجد میں ادا کی جا رہی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی) جماعت اسلامی یوتھ پی کے 83کے صدر طارق خان اور پریس سیکرٹری عثمان خان نے کہا ہے کہ ہم نے جما عت اسلامی یوتھ کے رجسٹریشن شروع کر دی ہے اور ہر یونین کونسل کو 50افراد کو یوتھ کے رجسٹریشن کا ٹارگٹ دیا گیا ہے اور ساتھ ساتھ تمام یونین کونسل کے صدور کو کوششیں تیز کرنے کے تلقین کی ہے انہوں نے کہا کہ اس پروگرام کے زریعے پاکستان سے کرپشن کا خا تمہ ہوگا ہم جماعت اسلامی کو ایک مضبوط قوت بنائینگے سیراج الحق نے کرپشن کے خلاف جو آواز اُٹھائے ہے ہم اس آواز کو گھر گھر پہنچائینگے اور شفاف نظام کو اس ملک میں لائینگے اس شفاف نظام کیلئے جدوجہد کوہم اپنے گھر اور محلوں سے شروع کر رہے ہیں اور کرپٹ حکمرانوں کو سیاست سے دور رکھینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)صوبہ خیبر پختونخوا کے وزیر برائے کھیل وامور نوجوانان محمود خان نے ضلع سوات کے سرکاری محکموں کے افسران کو خبردار کیا ہے کہ وہ ترقیاتی کاموں میں غفلت و تساہل اور ہیرپھیر کی عادت چھوڑدیں ورنہ پرانی عادات کو نہ چھوڑنے والے افسران کی سوات میں کوئی گنجائش نہیں ۔انھوںنے اس امر پر سخت ناراضگی کا اظہار کیا کہ سوات میں بعض محکموں میں اب بھی بدعنوانیوں کی مصدقہ اطلاعات موصول ہو رہی ہیں جو پی ٹی آئی کی حکومتی پالیسیوں کے خلاف جنگ کے مترادف ہے انھوںنے بعض افسران کو خبردار کیا کہ وہ اپنا رویہ درست کریں اور اگر وہ اپنا قبلہ درست نہیں کرتے تو ان کو قانونی کاروائی کے ذریعے نشان عبرت بنایا جائے گا ۔وہ پیر کے روز ڈی سی آفس سوات میں ضلعی محکموں کے سربراہان اور افسران کے ایک خصوصی اجلاس سے خطاب کر رہے تھے اس موقع پر ایڈیشنل ڈی سی غلام سعید بھی موجود تھے صوبائی وزیر نے کہا کہ پی ٹی آئی کی واضح اور غیر مبہم ہدایات اور پالیسیوں سے بخوبی آگاہی کے باوجود بعض افسران غفلت اور تساہل کا مظاہرہ کرتے ہیں اور بعض کھلم کھلا کرپشن میں ملوث ہیں جو کسی صور ت قابل برداشت نہیں ۔صوبائی وزیر نے اپنے حلقہ میں سی ڈی ایل ڈی کی جانب سے شروع کئے گئے پراجیکٹس پر تا حکم ثانی پابندی لگاتے ہوئے کہا کہ وہ ان منصوبوں میں کی گئی بے ضابطگیوں اور بد عنوانیوں کا ثبوتوں کے ساتھ تحقیقات کریں گے اور غلطی کا ارتکاب کرنے والوں کو سخت قانونی سزا دیں گے ۔اسی طرح انھوں نے سینئر افسران کو ہدایت کی کہ وہ اپنے محکموںکے بعض جونیئر افسران کے طور اطوار کی درستگی کو یقینی بنائیں اور خبردار کیا کہ اگر انھوںنے فوری طور پر اپنا رویہ درست نہ کیا تو انھیں نشان عبرت بنادیا جائے گا ۔انھوںنے کہا کہ اگر وہ کرپشن اور بد عنوانی کی روک تھام اور ٹرانسپرنسی کے نفاذ میں ناکام ہو گئے تو پھر انھیں حکومت کرنے کا کوئی حق نہیں۔صوبائی وزیر نے محکمہ آبنوشی کے افسران کو ہدایت کی کہ وہ بعض مقامات پرنئی آبنوشی سکیموں کے لیے خریدی گئی پرانی ٹینکیوں کی تحقیقات کرکے انھیں رپورٹ پیش کریں۔اسی طرح انھوںنے محکمہ آبنوشی ،آبپاشی،ہائی ویز ،ٹی ایم اے مٹہ ،سی اینڈ ڈبلیو روڈز اور بلڈنگ،صحت،تعلیم اور دیگر محکموں کے افسران کو ہدایت کی کہ وہ جاری سکیموں کو مقررہ وقت پر مکمل کرنے کو یقینی بنائیں ،نئی سکیموں کے سروے مختصر اور مناسب وقت میں مکمل کرکے متعلقہ دفاتر اور صوبائی وزیر کو پیش کریں ۔تمام منصوبوں پر کام بہترین معیار کے مطا بق یقینی بنائیں تاکہ عوام کو ان منصوبوں کے ثمرات سے بروقت بہرور کیا جا سکے ۔محمود خان نے ٹی ایم اے مٹہ کے افسران سے کہا کہ وہ ہر ایک سکیم کا خود معائنہ کریں گے لہٰذا تمام سکیموں میں وقت اور معیار کا خیال رکھا جائے ۔صوبائی وزیر نے ڈی ایف او سوات کو ہدایت کی کہ وہ سوات میں زیادہ سے زیادہ پودے لگا کر سونامی بلین ٹری مہم کا مثالی ضلع بنائیں تاکہ سوات کا ماحول بہتر ہو اور اس کی سیاحتی کشش میں بھر پور اضافہ ہو۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)یکم مارچ 2016سے ڈینگی مچھر کے خاتمے کے لیے سروے شروع ہو رہاہے جو کہ 10مارچ 2016تک جاری رہے گا۔سروے مینگورہ سٹی کے 9یونین کونسلوں اور یونین کونسل قمبر اور اوڈیگرام میں ہوگا ۔گھروں کے اندر خواتین سٹاف اور باہر مرد سٹاف کی ٹیمیں تشکیل دی گئی ہیں ۔ڈ ی ایچ او ضلع سوات ڈینگی سیل کے انچارج اورفوکل پرسن محی الدین نے عوام الناس ،منتخب نمائندوں اور لوکل کمیونٹی سے اپیل کی ہے کہ وہ ڈینگی مچھر کے خاتمے کیلئے سروے ٹیموں کے ساتھ تعاون کریں تاکہ اس مچھر کابروقت خاتمہ ہو سکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)چئیرمین ڈیڈیک فضل حکیم خان کی زیر صدارت ایک اجلاس ہوا۔اجلاس میں منتخب ضلع،تحصیل و جنرل کونسلرزاور پارٹی عہدیداروں نے شرکت کی ۔اجلاس میں پارٹی الیکشن کے حوالے سے تفصیلی غوروخوص کیا گیا اور فیصلہ کیا گیا کہ انتخابات میں دوستانہ اور جمہوری ماحول کو قائم رکھا جائے گااور اس کو باہمی ناراضگی کا زریعہ نہیں بنایا جائے گا۔پارٹی انتخابات کو دوسری پارٹیوں کے لیے قابل تقلید نمونہ بنایا جائے گا جس سے پورے ملک میں جمہوری اقدار مضبوط ہوں گے ۔اس موقع پر یہ بھی فیصلہ کیا گیا کہ پارٹی کارکن سرکاری محکموں کے تعمیراتی کاموں پر بھی نظر رکھیں گے اور اس مقصد کے لیے مناسب کمیٹی تشکیل دی جائے گی ۔چئیرمین ڈیڈیک نے کہا کہ ترقیاتی کاموں میں کرپشن کی کسی صورت اجازت نہیں دی جائے گی اور قوم کا پیسہ قوم پر خرچ کیا جائے گا ۔اس موقع پر پارٹی عہدیداروں اور منتخب نمائندوں نے اپنے اپنے خیالات کا اظہار کیا او ر مفید مشورے دیئے۔
قادری کے جنت میں جانے پر عوام کا احتجاج
8 بچوں کی ماں گذشتہ کئی روز سے بااثر کی زیادتیوں خلاف سراپا احتجاج
