گجرات (جی پی آئی) پولیس کے رویے اور بے بنیاد مقدمات کیخلاف محلہ رحمت آباد اور میانہ پورہ کے مکین سراپا احتجاج۔ وفد کی ڈی پی او سے ملاقات۔ پولیس چوکی شاہین کے انچارج و اہلکاروں کے رویہ سے آگاہ کرتے ہوئے بتایا کہ پولیس منشیات فروشی کی آڑ میں ہمیں تنگ کرر ہی ہے۔ جبکہ ہم حلف دینے کو تیار ہیں کہ پہلے بھی جو مقدمات درج کئے گئے وہ بھی بے بنیاد تھے۔ انچارج چوکی شاہین نے اپنے ”کار خاص ”کے ذریعے ہم سے رشوت لی جس کی ویڈیو بطور ثبوت بھی ہمارے پاس موجود ہے۔ وفد میں مہر آصف’ شاہد بٹ’ سابق کونسلر اظہر جٹ’ الماس عرف ننھا’ فیصل بٹ’ پروفیسر محمود’ یاسر خاں’ مرزا ندیم و دیگر شامل تھے۔ اس موقع پر ڈی پی او گجرات رائے ضمیر الحق نے وفد سے گفتگو کرتے ہوئے کہا کہ منشیات فروشی کی ہر گز اجازت نہیں دی جا سکتی البتہ جو پولیس اہلکار جھوٹے مقدمات کا اندراج کر کے شہریوں کو پریشان کر رہے ہیں ان کے خلاف بھر پور کارروائی کی جائے گی اور جو مقدمات ماصی میں درج ہوئے ہیں ان کی انکوائری کروائی جائے گا اور میرٹ پر فیصلہ کیاجائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات ( جی پی آئی )اسسٹنٹ کمشنر گجرات میاں اقبال مظہر نے لینڈ ریکارڈ سنٹر اور رجسٹریشن سنٹر کا اچانک دورہ کیا اور ناقص کارکردگی پر اسسٹنٹ ڈائریکٹر لینڈ ریکارڈ سنٹر اور ڈیوٹی پر موجود نہ ہونے کی وجہ سے رجسٹریشن کلرک کو اظہار وجوہ کے نوٹس جاری کردیے۔ ڈی سی او لیاقت علی چٹھہ کی ہدایت پر اسسٹنٹ کمشنر گجرات اچانک لینڈ ریکارڈ سنٹر پہنچے اور وہاں موجود سائلین سے سنٹر میں فراہم کی جانیوالی سہولیات بارے دریافت کیا ، اس دوران ایک شہری کے انتقال کا عمل درست طریقے سے نہ نمٹانے پر اے سی نے اظہار ناراضگی کیا اور اے ڈی ایل آر سے جواب طلبی کرلی۔ بعدازاں اے سی گجرات نے رجسٹریشن سنٹر کا دورہ کیا جہاں سائلین نے بتایا کہ رجسٹریشن کلرک فضل کافی دیر سے سیٹ پر موجود نہیں جس پر فوری نوٹس لیتے ہوئے متعلقہ کلرک سے بھی جواب طلبی کر لی گئی۔ اسسٹنٹ کمشنر نے لینڈ ریکارڈ سنٹر کی انتظامیہ کو ہدایت کی کہ سنٹر سے ملحقہ زیر تعمیر کمروںکا تعمیراتی کا م ایک ہفتہ میں مکمل کرکے عملہ وہاں شفٹ کیا جائے نیز عوام کی سہولت کے مزید کاونٹرز قائم کئے جائیں۔ انہوں نے رجسٹریشن برانچ کے اہلکاروںکو ہدایت کی کہ سائلین کو بہتر خدمات کی فراہمی کے لئے اپنی ذمہ داریاں احسن طریقے سے سرانجام دیں عوامی شکایات کسی صورت برداشت نہیں کی جائیں گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات ( جی پی آئی )پرائس مجسٹریٹس نے سبزیاں ، پھل اور دہی مہنگے داموں فروخت کرنے پر چار ملزمان کے خلاف مقدمات در ج کر ادیے ہیں۔ ڈی سی او لیاقت علی چٹھہ کی ہدایت پر کریک ڈائون کے دوران اے ڈی سی /پرائس مجسٹریٹ عرفان علی کاٹھیا نے آلو مہنگے داموں فروخت کرنے پر غلام مرتضی کے خلاف مقدمہ درج کرا دیا۔ پرائس مجسٹریٹ/اے سی گجرات میاں اقبال مظہر نے دہی اور پھل مہنگے داموں فروخت کرنے پر عبیداللہ، طارق اور ممتاز کے خلاف مقدمات در ج کر ادیے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات ( جی پی آئی )اسسٹنٹ کمشنر میاں اقبال مظہر کی زیر قیادت انتظامیہ اور پولیس کی ٹیم نے دریائے چناب کے بہلولپور بند کی تعمیر میں رکاوٹ بننے والے اہل علاقہ کو سخت وارننگ جاری کرکے بند کی مرمت کا کام دوبارہ شروع کر ادیا ہے۔ ڈی سی او لیاقت علی چٹھہ کو محکمہ انہار کے افسران نے بتایا کہ مذکورہ دیہات کے بااثر افراد بند پر جاری کام میں رکاوٹ بن چکے ہیں جس کی وجہ سے کام متاثر ہورہا ہے جس پر فوری نوٹس لیتے ہوئے انہوںنے اے سی گجرات میاں اقبال مظہر کی زیر قیادت انتظامیہ کی ٹیم کو فوری موقع پر پہنچنے کی ہدایت کی ۔ اسسٹنٹ کمشنر نے ریونیو افسران اور پولیس کے ہمراہ موقع پر پہنیچے اور پراجیکٹ پر کام میں رکاوٹ بننے والے بااثر افراد کو سخت وارننگ جاری کرتے ہوئے اپنی نگرانی میں کام کا آغاز کر ادیا۔
کوٹلہ کی خبریں 8/8/2015
کراچی : کے سی سی زون v سینئر لیگ کا افتتاح
