گجرات (جی پی آئی) سدھار کے زیر اہتمام پریس بریفنگ سے خطاب کرتے ہوئے ڈسٹرکٹ کنونئیر علی ابرار جوڑا ماسٹرٹرینر افتخار بھٹہ اور ڈسٹرکٹ کوارڈنیٹر اسامہ افتخار نے کہا ہے کہ سول سوسائٹی کا تیار کردہ چار ٹر آف ڈیمانڈ سدھار نے جامع پروگرام کے تحت پانچ اضلاع گوجرانوالہ ، گجرات، حافظ آباد ، سیالکوٹ ، اور نارووال میں سروے کیا گیا انتخابی اصلاحات کے حوالے سے سیاسی ورکرز اراکین اسمبلی و سینٹ سے میٹنگ کی گئیں میڈیا پر بریفنگ ضلعی کنونشن پبلک سیمینار دستخطی مہم ور معلوماتی مواد کے زریعے مسئلہ کی اہمت کو اجاگر کیا گیا اور عوام کی دلچسپی کو ابھارا گیا ، ضلعی گرو پ برائے انتخابی اصلاحات کی دن رات محنت اور نگ ودو سے انتخابات کے حوالے سے ایسے معاملات کی خامیاں ، پولنگ اسکیم کے مسئلہ اور حلقہ بندیوں سے بے باقاعدگیاں سامنے آئی ہیں جن کو پیش نظر رکھا گیا ہے اور پوری غور و فکر کے بعد کچھ اہم اصلاحات کی سفارش کی جا رہی ہے ملک میں ایساانتخابی نظام رائج کرنے کی اشد ضرورت ہے جو قابل اعتماد مہم اور جس پر انتخابات کے بعد کم سے کم اعتراض ہوں ، مستقبل میں ہونے والے انتخابات کا معیار بہتر ہو ، اس پر اجیکٹ کے تحت 2013ء کے جنرل الیکشن میں ووٹوں کے اعتبار سے ضلع گجرات میں پہلی پانچ سیاسی جماعتوں کے نمائندگان سے ضلعی الیکشن کمشنر ضلعی حلقہ بندی آفیسرکے انٹر ویو ز اور ایک سائٹفک طریقہ کار کے تحت 816گھرانوں کا سروے کیا گیا اور تمام سٹیک ہولڈرز کی مشارت سے ایک چار ٹر آف ڈیمانڈ تیار کیا گیا ، اس چارٹر آف ڈیمانڈ پر تمام سٹیک ہولڈز نے دستخط بھی کئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پرائیویٹ سکولز پر ضلعی انتظامیہ کی طرف سے بے جا پابندیوں اور پولیس کی طرف سے پرائیویٹ سکولز مالکان اور اساتذہ کیخلاف بد تمیزی ناقابل برداشت ہے۔ پولیس گردی گجرات کے تمام کالجز اور سکولز کی تنظیمیں متحد ہو گئیں اور وزیر اعلیٰ پنجاب سے پر زور مطالبہ کیا گیا ہے کہ پرائیویٹ تعلیمی اداروں کے مالکان اور اساتذہ کے ساتھ بد تمیزی کرنے والے پولیس افسران کو فوری طور پر معطل کیا جائے ورنہ ملکی سطحی پر پر زور احتجاج کیا جائے گا۔ گزشتہ روز پرائیویٹ سکولز کی نمائندہ تنظیموں کے قائدین نے عرفان احمد کاٹھیا اسسٹنٹ ڈسٹرکٹ کلکٹر سے ان کے آفس میں ملاقات کی اور انہیںمحکمہ تعلیم کے افسران اور پولیس کی طرف سے پرائیویٹ سکولز کو ہراساں کرنے اور خواتین سٹاف سے بد تمیزی کرنے اور پولیس کی وردی میں سکولز میں گھس کر خوف و ہراس پھیلانے پر شدید غم و غصہ اور احتجاج کیا گیا۔ وفد میں طارق جاوید چوہدری’ ڈائریکٹر فاران انسٹی ٹیوٹ آف ٹیکنالوجی’ شہزادہ شہزاد شفیق شرقپوری ایڈمنسٹریٹر دی ایجوکیٹرز بارہ دری کیمپس ‘چوہدری محمد تسنیم کائونٹی پبلک سکول’ چوہدری افتخار احمد چیمہ ‘ ڈائریکٹر دار ارقم سکولز’ چوہدری محمد شہزاد گل ڈائریکٹر دی ایجوکیٹرز فاطمہ کیمپس لالہ موسیٰ ‘ چوہدری محمد شریف ڈائریکٹر دی ایجوکیٹرز احمد کیمپس’ طارق اقبال چوہدری گجرات گروپ آف کالجز ‘ چوہدری شہزاد ڈائریکٹر سراج سکول آف سائنسز ‘ چوہدری عا مر بشیر پرنسپل شادمان کمیونٹی شامل تھے۔ انہوں نے کہا کہ حکومت پناب کی ہدایات کے مطابق جن اداروں میں امتحانات ہو رہے ہیں وہ معمول کے مطابق کام کر رہے ہیں ان کو بلا وجہ ہراساں کیا جا رہا ہے۔ اگر یہ سلسلہ جاری رہا تو تمام ضلع میں احتجاج کیا جائے گا اور اس احتجاجی مہم کو ملکی سطح پر چلایا جائیگا جس پر عرفان احمد کاٹھیا نے وفد کو یقین دلایا کہ کسی بھی تعلیمی ادارے سے زیادتی نہیں ہو گی اور پرائیویٹ تعلیمی اداروں کو تحفظ فراہم کیا جائے گا۔ ڈی سی او گجرات کی ہدایات پر پرائیویٹ تعلیمی اداروں کو تحفظ فراہم کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) دی ایجوکیٹرز سکول سسٹم کے ریجنل ہیڈ سینٹر ریجن عثمان چیمہ ‘ ٹیراٹری انچارج حسن سعید اور آئی ٹی انچارج محمد قاسم ایجوکیٹرز ہیڈ کوارٹرز نے دی ایجوکیٹرز گجرات بارہ دری کیمپس کا دورہ کیا۔ جہاں ان کا استقبال ڈائریکٹر شہزاد شفیق نقشبندی نے کیا۔ اس موقع پر ایڈمنسٹریٹر حافظ محمد طاہر ‘ وائس پرنسپل مسز شازیہ شفیق و دیگر سٹاف موجود تھا۔ ریجنل ہیڈ عثمان چیمہ نے دی ایجوکیٹرز بارہ دری کیمپس کی کارکردگی کو بے حد سراہا اور سکول کے معیار ‘ صفائی اور بچوں کی تعلیم و تربیت کے معیار کی تعریف کی۔ انہوں نے کہا کہ شہزاد شفیق شرقپوری کی قیادت میں دی ایجوکیٹرز بارہ دری کیمپس کی بہترین کام کر رہا ہے۔ انہوں نے شاندار کارکردگی پر شہزاد شفیق اور ان کے سٹاف کو تعریفی سرٹیفکیٹ بھی دئیے۔ اس موقع پر ممتاز ماہر تعلیم طارق جاوید چوہدری مینیجنگ ڈائریکٹر فاران گروپ آف ٹیکنیکل انسٹی ٹیوٹ اور ڈائریکٹر گجرات گروپ آف کالجز چوہدری محمد طارق بھی موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) حکومت پنجاب کی ہدایات کے مطابق دی ایجوکیٹرز بارہ دری کیمپس میں موسم گرما کی چھٹیوں کا آغاز ہو گیا ہے۔ جو کہ 15 اگست تک رہیں گی۔ ڈائریکٹر دی ایجوکیٹرز بارہ دری کیمپس شہزاد شفیق شرقپوری نے بتایا ہے کہ بچوں کی بہتر تعلیم و تربیت کو مد نظر رکھتے ہوئے 4 جون کو صبح 8 بجے سے 2 بجے تک پیرنٹ ٹیچر منعقد ہو گی جس میں بچوں کا سمر پیک اور سلیبس دیا جائے گا۔ حکومتی احکامات کو مد نظر رکھتے ہوئے تعطیل کا اعلان کیا گیا ہے۔ بچوں کے ٹرم امتحانات چھٹیوں کے بعد ہوں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) جی پی آئی کا تعزیتی اجلاس ڈاکٹر رزاق احمد غفاری کی صدارت میں منعقد ہوا۔ جس میں روزنامہ آئینہ انقلاب کے ایڈیٹر عبداللطیف نجمی کے والد محترم کی وفات پر گہرے رنج و غم کا اظہار کیا گیا۔ اور مرحوم کے ایصال ثواب کیلئے فاتحہ خوانی کی گئی ۔ اجلاس میں سماجی کارکن مہر فاروق خالد ‘ ذوالفقار علی باجوہ’ یاسر وریا’ عامر چوہدری ‘ عمران کمبوہ و دیگر بھی موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈسٹرکٹ سپورٹس کمیٹی کے زیر اہتمام دوسرا شہباز شریف فلڈ نائٹ کرکٹ ٹورنامنٹ 6 رمضان المبارک کو شہباز شریف پارک میں منعقد ہو گا۔ ڈسٹرکٹ سپورٹس آفیسر ندیم حسین بٹ نے کہا ہے کہ اس فلڈ نائٹ ٹورنامنٹ میں انعامات ہی انعامات دئیے جائیں گے اور ضلع بھر کی اہم ٹیمیں شریک ہوں گی ۔ جو ٹیمیں شریک ہونا چاہتی ہیں وہ اپنی انٹریز یکم رمضان المبارک تک ڈسٹرکٹ سپورٹس آفیسر کے دفتر میں جمع کروا دیں ۔ جبکہ اس موقع پر مختلف نمائشی میچز بھی منعقد ہوں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ممتاز ماہر تعلیم طارق جاوید چوہدری ‘ شہزاد شفیق شرقپوری اور چوہدری تسیم کوثر اور شہزاد گل نے انسپکٹر پولیس چوہدری محمد نواز گجر کو عمرہ کی سعادت حاصل کرنے پر مبارکباد پیش کی ہے اور نیک تمنائوں کا اظہار کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ممتاز ماہر تعلیم طارق جاوید چوہدری ‘ شہزاد شفیق شرقپوری اور چوہدری تسیم کوثر اور شہزاد گل نے الحاج امجد فاروق کو CPLC ضلع گجرات کا چیئرمین منتخب ہونے پر مبارکباد پیش کی ہے اور نیک تمنائوں کا اظہار کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) عزیز بھٹی شہید ٹیچنگ ہسپتال میں MSڈاکٹر شیر علی نیازی کو سول سوسائٹی اور اوورسیز پاکستانیوں نے بہترین کارکردگی پر خراجِ تحسین پیش کیا۔ ایم ایس ڈاکٹر شیر علی نیازی مریضوں کیلئے مسیحا کا درجہ رکھتے ہیں۔ ہمہ وقت مریضوں کے مسائل کو خوش اسلوبی کیساتھ حل کرتے ہیں اور آنے والے سائلین کے مسائل کو فوری حل کرتے ہیں۔ خادم اعلیٰ پنجاب میاں شہباز شریف ‘ سیکرٹری ہیلتھ ‘ ڈی سی او لیاقت علی چٹھہ کے مشکور ہیں جنہوں نے عزیز بھٹی شہید ٹیچنگ ہسپتال میں MS ڈاکٹر شیر علی نیازی کو تعینات کر کے تحفہ دیا ہے اُمید کرتے ہیں کہ مریضوں کو مزید سہولیات فراہم کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پی ایف یو جے کی نو منتخب کابینہ کو دل کی اتھاہ گہرائیوں سے مبارکباد پیش کرتے ہیں سنیئر صحافی ضیاء سید ،مرزا عامر بیگ ،راجہ محمد ریاض بھٹی ،ذولفقار علی باجوہ ،یاسر احمد وریاء ،خرم پرنس اور عبدالغفار چوہدری نے پاکستان فیڈرل یونین آف جرنلسٹ کی نو منتخب عہدیداران صدر رانا محمد عظیم دنیا نیوز ،نائب صدر چوہدری شاہد اختر جی ٹی وی گجرات ،جنرل سیکرٹری جی ایم جمالی نمائندہ ایکسپریس نیوز اورنو منتخب کابینہ کے دیگر عہدیداران کو الیکشن سال 2016-17میں بھر پور اور شاندار کامیابی حاصل کرنے پر مبارکباد دیتے ہوئے کہا ہے کہ چوہدری شاہد اختر کی کامیابی گجرات کے لیے بہت بڑے اعزاز کی بات ہے چوہدری شاہد اختر نے گجرات یونین آف جرنلسٹس میں بطو ر صدر جو ممبران کی بہتری اور یونین کی فلاح و بہبود کے لیے ان تھک محنت کی ہے یہ اسی محنت کا ثمر ہے کہ وہ بھاری اکثریت سے انتخابات جیت کر اللہ پاک کے فضل سے ملکی سطح پر پاکستان کی نامور صحافتی تنظیم پاکستان فیڈرل یونین آف جرنلسٹ میں نائب صدارت کے اہم عہدے پرفائز ہو گئے ہیں جو نہ صرف گجرات بلکہ گجرات یونین آف جرنلسٹس اور تمام ممبران کے لیے بھی انتہائی عزت افزاء ہے ان کی جیت گجرات یونین آف جرنلسٹس کے وقار میں مزید اضافہ ثابت ہو گی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) جمعیت علما اہلحدیث پاکستان کے سربراہ قاضی عبدالقدیر خاموش نے ایران اور بھارت کے بڑھتے ہوئے سفارتی تعلقات پر تشویش کااظہار کرتے ہوئے کہا ہے کہ پاکستان کو اپنے دفاع کے لئے کاونٹر پالیسی تشکیل دینا ہوگی۔ میڈیا سے گفتگو میں انہوں نے کہا کہ ایران ،پاکستان کے لئے انڈیا سے زیادہ خطرناک ہوتا جارہا ہے، جب تک اس بارے میں پالیسی تبدیل نہیں کی جاتی ، خطے میں طاقت کا توازن ممکن نہیں۔ ان کا کہنا تھاکہ گذشتہ چند ماہ میں عالمی سطح پر جو واقعات رونما ہوئے ہیں، انہوں نے محب وطن پاکستانیوں کی آنکھیں کھو ل دی ہیں۔ملا اختر منصور کی امریکی ڈرون حملے میں شہادت اور بھارتی خفیہ ایجنسی را کے ایجنٹ کلبھوشن کی ایرانی شہر سے گرفتاری سمجھنے کے لئے کافی ہے کہ ایران اور انڈیا ، اسرائیل اور امریکہ کو انٹیلی جنس فراہم کررہے ہیں۔قاضی عبدالقدیر خاموش نے کہا کہ وہ گذشتہ ایک دہائی سے ایران کی پاکستان دشمنی کی طرف تسلسل کے متوجہ کررہے ہیں، مگر اب ملک کے ایک بڑے طبقے کو اس کی سمجھ آنا شروع ہوئی ہے۔ ان کا کہنا تھاکہ ملکوں کے درمیان دوستی اور دشمنی مستقل نہیں ہوتی، لیکن ہندوستان کے ساتھ جنگوں میں ایران کے مقابلے میں سعودی عرب کا جھکا و ہمیشہ پاکستان کی طرف رہا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) آئی ایل ایم کالج گجرات میں طالبات کے شاندار کلچرل فیسٹول کا انعقاد،طالبات نے مختلف علاقوںکے ملبوسات اورثقافت کی عکاسی کی۔ آئی ایل ایم کالج کے مین کیمپس میں طالبات میں اپنے ملک کے مختلف علاقوںکی ثقافت سے آگہی کیلئے ایک کلچرل فیسٹیول کااہتمام کیاگیا۔کلچرل فیسٹیول میں سمرکیمپ کی طالبات نے بے حددلچسپی لی اوربہت جوش وخروش سے حصہ لیا۔کلچرل فیسٹول کا اہتمام کرنے میںکالج کی خواتین ٹیچرزنے اہم کرداراداکیا ۔طالبات نے بڑے دلکش انداز میں تمام صوبوں کی نمائندگی کی۔ ایف ایس سی میڈیکل اور انجینئر نگ کی طالبات نے بلوچی اور سندھی کلچر کی نمائندگی کی ۔مس بشریٰ عندلیب اورمس زینب نے ان کا بھر پور ساتھ دیا۔دوسری طرف ics نے مس ھاجرہ گل کی زیر نگرانی پنجابی کلچرل شوپیش کیا جو قابل ستائش تھا۔i.com اور ایف اے کی طالبات نےkpk کی ثقافت کی نمائندگی اس قدرپرفیکٹ انداز میں کی کہ حاضرین عش عش کراٹھے۔ طالبات نے علاقائی کھائے علاقائی لباس اور آرائش وزیبائش کا بھر پور خیال رکھا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) حکومت پنجاب کی طرف سے طلبہ و طالبات کو گرمی کی شدت سے محفوظ رکھنے کے لئے تعلیمی اداروں میں فوری طور پر گرمیوںکے چھٹیوںکے اعلان پر عمل درآمد یقینی بنانے کے لئے ضلعی انتظامیہ اور محکمہ تعلیم کے افسران پر مشتمل ٹیموںنے ضلع بھر کے مختلف علاقوں میں اچانک چیکنگ کی ۔ ڈی سی او لیاقت علی چٹھہ کی ہدایت پر چھٹیوں کے حکومتی فیصلے پر عمل درآمد کا جائزہ لینے کے لئے ڈی او سی ماجد بن احمد، ای ڈی او ایجوکیشن طاہر کاشف، ڈسٹرکٹ ایجوکیشن افسران، ڈپٹی اور اسسٹنٹ ایجوکیشن افسران نے اپنے علاقوں کے ہنگامے دورے کئے اس دوران بیشتر تعلیمی ادارے بند پائے گئے تاہم بعض بڑے اداروںمیںتدریسی عمل جاری تھا جس کا سخت نوٹس لیتے ہوئے ان تمام اداروں کی انتظامیہ کو فوری طور پر سکولوںمیں چھٹیاں کرنے کی ہدایات جاری کر دی گئیںاور حکومتی ہدایات پر موقع پر عمل درآمد کرادیا گیا۔ دریں اثنا ء ڈی سی او لیاقت علی چٹھہ نے کہا ہے کہ حکومت کی طرف سے تعلیمی اداروںمیں فوری چھٹیوں کے اعلان کا مقصد طلبہ و طالبات کو موسم کی شدت سے محفوظ رکھنا ہے ، ان ہدایات پر عمل نہ کرنیوالے تعلیمی اداروں کی انتظامیہ کے خلاف مقدمات درج کرائے جائیں گے اور انکی رجسٹریشن منسوخ کر دی جائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) خوبصورت گجرات پراجیکٹ کے تحت پبلک پرائیویٹ پارٹنر شپ کے تحت تعمیر ہونیوالے منصوبہ باب گجرات کا باقاعدہ افتتاح آج کیا جائے گا اس سلسلے میں خصوصی تقریب شام سات بجے جی ٹی روڈ نزد کٹھالہ چناب منعقد ہوگی جس کے مہمانان خصوصی ڈی سی او لیاقت علی چٹھہ، منتخب عوامی نمائندگان اور سرکاری افسران ہوں گے۔ ان خیالات کا اظہار اے ڈی سی عرفان علی کاٹھیا نے افتتاحی تقریب کے انتظامات کا جائزہ لینے کے لئے منعقدہ اجلاس سے خطاب کرتے ہوئے کیا، باب گجرات پراجیکٹ کے سپانسر سی پی ایل سی کے چیئرمین اور ممتاز کاروباری شخصیت الحاج امجد فاروق ، ٹی ایم او خرم محمود، ڈی ایس او ندیم بٹ اور دیگر افسران بھی اس موقع پر موجود تھے۔ اے ڈی سی عرفان علی کاٹھیا نے کہا کہ 1کروڑ 25لاکھ روپے لاگت سے تعمیر ہونیوالا یہ منصوبہ گجرات کی خوبصورتی کی علامت بنے گا جبکہ اسکا جدید طرز تعمیر اہل گجرات کے ترقی پسند ہونے کا ثبوت ہوگا۔ الحاج امجد فاروق نے بتایا کہ باب گجرات کے افتتاح کے بعد مہمانوںکے اعزاز میں تقریب شہباز شریف پارک میں ہوگی جس میں بڑی تعداد میں افسران، عوامی نمائندوں کے علاوہ معززین گجرات، میڈیا کے نمائندگان شرکت کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) جامعہ گجرات میں پنجاب ہائر ایجوکیشن کمیشن کے اشتراک سے منعقدہ اساتذہ کے لیے پانچ روزہ تربیتی ورکشاپ اختتام پذیر ہو گئی۔ اس ورکشاپ کا بنیادی مقصد اساتذہ کو نئے تعلیمی تصورات سے روشناس کرواتے ہوئے ان کی تدریسی صلاحیتوں میں اضافہ اور ان کے تعلیمی تجربہ کو طلبہ کے لیے زیادہ نتیجہ خیز بنانا تھا ۔ اس ورکشاپ میں جامعہ گجرات کے مختلف شعبہ جات کے پینتیس اساتذہ نے شرکت کی اور ممتاز تربیت کاروں اور ماہرین جن میں طاہر محمود چوہدری،نذیر احمد وید، عاکفہ امتیاز،پروفیسر ڈاکٹر رفاقت علی اکبر،ڈاکٹر بشیر گوندل اور رضائے مصطفی شامل تھے،نے اساتذہ کی تدریسی و ابلاغی صلاحیتوں میں اضافہ کے لیے مختلف موضوعات پر معلوماتی لیکچر پیش کیے۔پانچ روزہ ورکشاپ کے اختتام پر کامیابی حاصل کرنے والے اساتذہ کے اعزاز میں تقریب تقسیم اسناد کا اہتمام کیا گیاتھا۔جس کے مہمان خصوصی رجسٹرار جامعہ گجرات ڈاکٹر طاہر عقیل تھے۔ اس تقریب کے مہمانان اعزازی میں کنسلٹنٹ برائے VC طاہر محمود چوہدری ،چیئر پرسن مینجمنٹ سائنسز ڈاکٹر غلام علی،ڈائریکٹر HRD پنجاب ہائرایجوکیشن کمیشن سید موسیٰ حسن،ڈائریکٹر ڈاکٹر مدثر اقبال اورڈائریکٹر شہزاد سرفراز شامل تھے۔ڈاکٹر طاہر عقیل نے اساتذہ سے خطاب کرتے ہوئے کہا کہ موجودہ دور میں تعلیم کو بہتر بنانے کے لیے اساتذہ کی تربیت کاری تعلیمی نظام کا اہم حصہ ہے۔دور حاضر میں تدریس کے تقاضے احسن اندازسے پورا کیے بغیر طلبہ کا اطمینان ناممکن ہے۔ تدریس ایک آرٹ ہے اور ایک بہترین استاد ہی طلبہ کا آئیڈیل ہوتا ہے۔ ٹیکنالوجی کی بے پایاں ترقی کی وجہ سے علمی تحقیق کے نتائج کو صنعت ومعاشرہ کی ترقی کے لیے پیش کرنا جامعات کا اہم فریضہ ہے۔جامعہ گجرات کمیونٹی ڈویلپمنٹ اور ملکی صنعتی ترقی کے لیے اہم منصوبہ جات کو پروان چڑھانے میں مصروف ہے۔ طاہر محمود چوہدری نے کہا کہ اساتذہ ہماری تعلیمی ترقی اور معیار تعلیم کے محافظ ہیں۔ ان کی عملی شراکت کے بغیر تعلیمی نظم و ربط کو قائم رکھنا اور علمی معیار میں بہتری لانا نا ممکن ہے ۔ طلبہ میں تحقیقی شعور کی ترویج اور قومی خدمت کے جذبہ کا احساس پیدا کرنا اساتذہ کا فریضہ ہے۔ سوچ کے دائرہ کار کو وسیع کر کے ہی ہم قومی مستقبل کی بہترین منصوبہ بندی کر سکتے ہیں۔سید موسیٰ حسن نے کہا کہ پنجاب ہائرایجوکیشن کمیشن صوبہ میں اعلیٰ تعلیم کے معیار کی بہتری کے لیے کئی اقدامات کر رہا ہے۔اساتذہ اپنے طلبہ کے لیے مشعل راہ ثابت ہوتے ہیں۔تربیت کاری کا عمل انسانی صلاحیتوں کو نکھارنے اور استعداد کار کو بڑھانے میں مدد دیتا ہے۔ جامعہ گجرات کی تحقیقی و عملی سرگرمیاں قابل ستائش ہیں۔ ڈاکٹر مدثر اقبال نے کہا کہ ORIC جامعہ گجرات عالمی اداروں کے تعائون سے صنعت و تعلیم مابین روابط کو مضبوط کرتے ہوئے معاشرتی و سماجی ترقی کی راہیں مزید کشادہ بنانے کی جانب گامزن ہے۔اساتذہ نے اپنے تاثرات میں کہا کہ اس تربیتی ورکشاپ کے ذریعے انھیں علم ونظر کے زاویوں سے شناسائی حاصل ہوئی ہے۔ تقریب کے اختتام پر ڈاکٹر طاہر عقیل نے اساتذہ میں اسناد تقسیم کیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈی سی او لیاقت علی چٹھہ نے ماڈل ٹائون کا دورہ کیا وہاں جاری سیوریج سسٹم پر تعمیراتی کام کا جائزہ لیا اور سوسائٹی کے ممبران سے ملاقات کی۔ ایگزیکٹو انجینئرز رائے نواز، بشیر احمد بھٹی، سید یاور عباس، ٹی ایم او خرم محمود، چیف آفیسر عظمت فرید، ماڈل ٹائون سوسائٹی کے سید تسنیم افتخار ایڈووکیٹ، ڈاکٹر مسعود انور، مرزا لطیف و دیگر بھی موجود تھے۔ ڈی سی او لیاقت علی چٹھہ نے کہا کہ ماڈل ٹائون میں سیوریج کے مسائل حل کرنے کے لئے 3300فٹ سیوریج پائپ لائن بچھانے کا کام جاری ہے، انہوںنے ایکسئین پبلک ہیلتھ کو ہدایت کی کہ سیوریج لائن بچھانے کا کام جلد مکمل کیا جائے ، ٹی ایم اے گجرات سیوریج کے بند پائپ چالو کرے تاکہ شہریوں کو نکاسی آب کے مسائل کا ازالہ ہو سکے۔ انہوںنے ڈی او روڈ ز کو ہدایت کی کہ ماڈل ٹائون مین روڈ کی تعمیر کے حوالے سے تخمینہ تیار کیا جائے جس پر آئندہ مالی سال میں کام شروع کیا جائے گا۔ انہوںنے کہا کہ سوسائٹی میں مشترکہ مفادات کے لئے مختص اراضی کے بہتر استعمال کرنے کے لئے ضلعی انتظامیہ بھرپور تعاون کرے گی۔ ماڈل ٹائون کے مکینوں ڈاکٹر مسعور انور، سید تسنیم افتخار ایڈووکیٹ اور دیگر ممبران نے علاقہ کے مسائل کا نوٹس لینے پر ڈی سی او لیاقت علی چٹھہ کو سراہا۔ انہوںنے بائپاس روڈ کی تعمیر کا بھی خیر مقدم کیا اور کہا کہ اس منصوبے سے شہریوںکو بھرپور سہولیات میسر آئی ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) ہماری کوشش ہے کہ قوم کے نونہالوںکے مستقبل کوتابناک بنانے کے لئے انکی نصابی وغیرنصابی سرگرمیوںمیںنکھارپیداکیا جائے۔دی ایجوکیٹرزسکولزوزیرآباداس مشن کوفرائض کی حدتک سرانجام دے رہا ہے اورعلم کے خزانوںکی تقسیم احسن اندازمیںکی جارہی ہے۔ان خیالات کا اظہارڈائریکٹرمحمدعمران بھٹی نے سکول کے ہونہارطالب علموںنورالسحر،ثمرزیب،مشعل کائنات چیمہ سمیت 27طلباء وطالبات کوانٹرنیشنل آسٹریلیاکنگرومیتھمٹکس مقابلہ میںکانسی کے تمغے اورسرٹیفیکیٹ ملنے پرمنعقدہ تقریب سے خطاب کرتے ہوئے کیا۔اس موقع پرہیڈمس سندس بٹ اورڈپٹی ہیڈمیڈم عطرت کے علا وہ دیگرسٹاف بھی موجودتھا۔شہری وسماجی حلقوں افتخاراحمدبٹ،مہرطاہر جاوید مٹھو،ڈاکٹر رضا سلطان،محمداشرف نثار،محمدیوسف مومن،نعیم احمدہاشمی ودیگر نے دی ایجوکیٹرزسکول کے ڈائریکٹرمحمدعمران بھٹی اورسٹاف کی آسٹریلیا کے تعاون سے منعقدہ انٹرنیشنل کنگرواعزازحاصل کرنے پردل ی اتھاہ گہرائیوںسے مبارکباددی اوراس امیدکااظہارکیاکہ آئندہ بھی سکول کے سٹاف وممبران انتھک محنت کواپنا شعاربناکرقوم کے نونہالوںکومقابلے کے لئے تیارکرینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) ) تحصیل ہیڈکوارٹر ہسپتال کااو پی ڈی منصوبہ کی تعمیر کٹھائی میں پڑھ گئی۔فنڈ کی عدم فراہمی متعلقہ ٹھیکیدار نے تعمیر عارضی طور پر روک دی، پنجاب حکومت کی سیلاب سے متاثرہ بلڈنگ تعمیر سکیم کے تحت ڈسٹرکٹ بلڈنگ ڈپارٹمنٹ نے تحصیل ہیڈکوارٹر ہسپتال کی عمارت کو خطرناک قرار دے دیا تھا اور ازسرنو تعمیر کیلئے3 کروڑ69 لاکھ روپے مختص کئے تھے،او پی ڈی بلاک کی بنیادوں کے نقشہ میں گہرائی6 فٹ رکھی گئی بعدازاں گہرائی کو12 فٹ کردیا گیا جس سے اخراجات بڑھ گئے اور مختص فنڈ کم پڑھ گئے۔بتایا جاتا ہے کہ ٹھیکیدار نے متعلقہ حکام کو آگاہ کر دیانقشہ اور مطلوبہ فنڈ کو ریوائس کی منظوری کے بعد فنڈ جاری کئے جائیں تاکہ ہسپتال کی عمارت کو اندر معیاد مکمل کیا جائے اور مریضوں کو پریشانی اور کوفت سے نجات مل سکے اس سلسلہ میں ٹھیکیدار زاہد چٹھہ کے مطابق نیا تخمینہ تیار ہو گیا ہے فائل ای ڈی او فنانس میں ہے جلد فنڈ مل جائیں گے تعمیر دوبارہ شروع کر دیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) ایڈز کے مذید کیس سامنے آگئے،مریضوں کی بڑھتی ہوئی تعداد کی وجہ سے شہر میں سنسنی اور خوف و ہراس کی فضائ،وزیراعلیٰ پنجاب سمیت دیگر اعلیٰ حکام سے نوٹس لینے کا مطالبہ۔وزیرآباد کے مختلف مقامات میں نشہ کے عادی افراد کے علاج کی خاطر ادارہ ترک منشیات قائم ہیں فقط ایک ادارہ کمبوہ ٹریٹمنٹ سنٹر میں داخل مریضوں کا ایڈز ٹیسٹ کرانے پر9 افرادمحمد شہباز بھٹی کے،امجد بٹ علی پور چٹھہ،شیخ عدنان منڈی بہاوالدین میںHIV وائرئس کی تصدیق ہوئی قبل ازیں محمد سعید،نعیم احمد،محمد نواز،محمد آصف،یاسر منیر،محمد عمران میں بھی ایڈز کی تشخیص ہوئی تھی۔ چیف ایگزیکٹو عمران سنی کمبوہ نے بتایا کہ خدشہ ہے کہ ایڈز کے مرض میں مبتلا افراد کے اہل خانہ بھی متاثر ہو سکتے ہیںہمارے پاس وسائل کی کمی ہے حکومت پنجاب مہلک مرض کی روک تھام کیلئے ہمارے ساتھ رابطہ کرئے اور مریضوں اور انکے لواحقین کا علاج معالجہ کیا جائے تاکہ مرض مذید نہ پھیلے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) جھوٹ ودروغ گوئی عمران خاںکی گھٹی میںپڑا ہے،ہم سڑکیںبنانے اورمیگا پراجیکٹس مکمل کرنے والے لوگ ہیںجبکہ مخالفین ملکی ترقی کاپہیہ روکنے کے ایجنڈاپرعمل پیرا ہیں۔ان خیالات کا اظہارمسلم لیگ (ن)کے رکن قومی اسمبلی افتخاراحمدچیمہ نے مسلم لیگ (ن)کے رہنماوکونسلرافتخاراحمدبٹ کی رہا ئشگا ہ پرصحافیوںسے گفتگوکرتے ہوئے کیا۔اس موقع پرکرنل(ر)وقار انورشیخ،میرماجد علی سالار، محمداعجاز پارس،مہر طاہر جاوید مٹھو،حافظ مشتاق کوکب،محمدشفیع بھٹہ ودیگربھی موجودتھے۔انہوںنے کہا کہ گزشتہ تین برس کے دوران کراچی میںخون ریزی ،ٹارگٹ کلنگ،بھتہ خوری اورملک بھرمیںجاری دہشت گردی کی لہرکے سامنے بندباندھ دیا گیا ہے۔آج ماضی کے مقابلہ میںلوڈشیڈنگ کی صورتحال کافی بہترہے۔وزیراعظم نوازشریف کی قیادت میںملک تیزی سے ترقی کے راستہ پرگامزن ہے۔کارخانوںکی چمنیاںدھواںاگل رہی ہیںاورمزدور ے گھرخوشحالی آرہی ہے جبکہ ملکی تعمیروترقی دیکھ کرناچ گانا پارٹی کے سربراہ عمران خاںکے پیٹ میںمروڑاٹھ رہے ہیں۔انہوںنے کہا کہ پاک چین اقتصادی راہداری کامنصوبہ مکمل ہونے کے ساتھ ہی خوشحالی کانیا دورشروع ہورہا ہے۔انہوںنے کہا کہ اپوزیشن کے تمام ترشورشراباکے باوجودمنتخب حکومت اپنی آئینی مدت پوری کرے گی اورآئندہ2018میںہونے والے عام انتخابات میںپاکستان مسلم لیگ (ن)زیادہ اکثریت کے ساتھ کامیاب ہوگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) وفاقی بجٹ2016-17میں وزیرخزانہ اسحق ڈار کو سمال اینڈ میڈیم انٹرپرائز کی بحالی اور ترقی کے لیے مراعات کے عملی اقدامات کرنے ہونگے ان خیالات کا اظہار چیئر مین پاکستان کٹلری اینڈ سٹین لیس یوٹنسلز مینوفکچررز اینڈ ایکسپورٹرز ایسوسی ایشن محمد خالد مغل نے پری بجٹ پریس کانفرنس میںکیاانہوں نے مزید کہاکہ وزیرآباد کٹلری کلسٹرمیں بننے والی مصنوعات کودنیابھرکی مارکیٹوں میں ایکسپورٹ کیاجاسکتا ہے کٹلری وکچن وئیرویلیوایڈیشن سیکٹر ہے اس میں ٹیکنالوجی اپ گریڈیشن کے لیے وفاقی حکومت پرائیوٹ سیکٹر اور پبلک سیکٹرکو ملاکر نئی جدید مشینر ی کے لیے فنڈز مہیا کرے کٹلری مینو فیکچر رز سے خام میٹریل اسٹین لیس اسٹیل امپورٹ کرنے پر جنرل سیلز ٹیکس 5% اور ودہولڈنگ ٹیکس 1%لیاجائے چائنہ اور انڈیا سے خام میٹریل امپورٹ کرکے اس کی ویلو ایڈیشن کاسٹ پاکستان میںان ممالک سے30سے 35فی صد زیادہ ہوچکی ہے جس سے انٹر نیشنل مارکیٹ میں ان کا مقابلہ کرنابہت مشکل ہے کٹلری وکچن وئیر مصنوعات کی ایکسپورٹ ڈیوٹی ڈرا بیک کو بڑھا کر 2016-17میں 5%کیاجائے چائنہ اور دیگر ممالک سے کٹلری وکچن وئیر کی تیار مصنوعات کی امپورٹ پر 35%ریگو لیٹری ڈیوٹی عائد کی جائے اور ان مصنوعات کی ویلیو8ڈالر فی کلو لگائی جائے جس سے مقامی کٹلری وکچن وئیر مصنوعات کی ملک میں کھپت بڑھے گی اور ہزاروں بے روزگار نوجوانوں کو ملازمتیں حاصل ہوجائیں گی کٹلری وکچن وئیر مصنوعات کی ہر قسم کی نئی مشینر ی کی امپورٹ پر جنرل سیل ٹیکس اور ودہولڈنگ ٹیکس صفر کیاجائے وزیرآباد کٹلری کلسٹرمیں 3-5صنعتکاروںپر مشتمل گروپ بنا کر ان کی ایکسپورٹ کے لیے مطلوب ضروری سرٹیفیکیشن کی جائے مقامی کٹلری انڈسٹری کی برینڈنگ کے لیے تمام درکار سوشل ویلیوکو پورا کرنے کے لیے وفاقی حکومت وزیرآبادکٹلری کلسٹر کو مکمل سپورٹ فراہم کرے اور پنجاب حکومت کے ذریعہ پنجاب سمال انڈسٹریز کارپوریشن کے توسط سے بننے والی نئی سمال انڈسٹریز اسٹیٹ وزیرآباد میں صنعتکاروںکو نئی بلڈنگ تعمیر کرنے کے لیے بلا سود قرضہ جات دیے جائیںجس سے وزیرآبادکاٹیج انڈسٹری سمال اینڈ میڈ یم انٹر پرائیز میں تبدیل ہو جائے گی اور اس کی ایکسپورٹ میں دگنا اضافہ ہو نے سے یہاں پر روزگار کے نئے مواقع پیدا ہونگے جس سے پنجاب کی معیشت میں بہتری آئے گی ٹیوٹا کے ٹریننگ سینٹر اور کٹلری انسٹیٹیوٹ آف پاکستان کو ملاکر ایک ہی ادارہ بنایا جائے ایک بلڈنگ میں لیبر کی ٹریننگ کے کورسزز کروائے جائیں جس سے اس انڈسٹری کو ٹرینڈورکرز میسر ہونگے اور دوسری بلڈنگ میں جدید ترین مشینری پر کامن فسیلٹی سروسز مہیا کی جائیں اورنوجوانوں کو آن جاب ٹریننگ کروائی جائے جس سے وزیرآباد شہر میں بے روزگاری ختم ہو جائے گی پریس کانفرنس میں سینئر وائس چیئر مین محمد عرفان چڈھا اور وائس چیئرمین چوہدری عارف سعید بھی موجو د تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) شیعہ علما کونسل پنجاب اور اسلامی تحریک کے صوبائی صدر علامہ سید سبطین حیدر سبزواری نے کہا ہے کہ وزارت حج اور وزیر مذہبی امور کے متعصبانہ رویے کے باعث اس سال اہل تشیع سے تعلق رکھنے والے صرف دس فیصد عازمین حج کی درخواستیں منظور کی گئی ہیں، جبکہ95فیصد مسترد کردی گئی ہیں، جس پر ملت جعفریہ میں تشویش پائی جاتی ہے، وزیر اعظم اس کا نوٹس لیں۔ اس زیادتی کے خلاف آواز احتجاج بلند کرنے کے لئے ہم ہر فورم کو استعمال کریں گے۔نجی حج آپریٹرز سے گفتگو کرتے ہوئے انہوں نے کہا کہ ہر سال ہزاروںشیعہ پاکستانی فریضہ حج کی ادائیگی کے لئے حجاز مقدس جاتے ہیں، مگر وزیر مذہبی امور سردار محمدیوسف کے مبینہ مخصوص متعصب فرقہ وارانہ نظریات کی بنا پر95فیصد شیعہ عازمین حج کی درخواستیں مسترد کردی گئی ہیں۔ جس کی ایک وجہ میزبان ملک کی نااہلی اور متعصبانہ پالیسی بھی بتائی جارہی ہے۔ ہم سراپا احتجاج ہیں کسی بھی پاکستانی کو حج سے روکنے کی وزارت حج کو اجازت نہیں ،ملت جعفریہ کے ساتھ زیادتی ہورہی ہے، جس کی وجہ وزارت حج میں بیٹھے مخصوص تنگ نظر سوچ کے حامل افراد بھی ہیں، جن کی سازشوں کے باعث شیعیان حیدر کرار کو حج کی سعادت سے محروم رکھا جارہا ہے۔ ان کا کہنا تھاکہ بیت اللہ خانہ کعبہ اور روضہ رسول پرحاضری تمام مسالک کا حق ہے،یہ کسی شاہی خاندان کی پسند ناپسند کی بات نہیں۔علامہ سبطین سبزواری نے کہا کہ وزارت حج تاجروں کے نرغے میں ہے۔ جہاں کوٹے بکتے ہیں ،اس پر پرائیویٹ حج آپریٹرز بھی احتجاج کرچکے ہیں۔ وزیر اعظم میاں نواز شریف وزارت حج میں ہونے والی بے ضابطگیوں کا نوٹس لیتے ہوئے وفاقی وزیر مذہبی امور سردار یوسف کو ہٹا کر کسی معتدل شخص کو اس اہم وزارت کا قلمدان سونپیں، کیونکہ وہ عدل و انصاف سے عاری ہونے کے ساتھ متعصبانہ رویہ بھی رکھتے ہیں۔ اور مال کمانے میں مصروف ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی(جی پی آئی) پاکستان تحریک انصاف کے رہنماء حلیم عادل شیخ نے کہا کہ سندھ حکومت نے عوام کو سڑکوں پر آنے کے لیے مجبورع کردیا ہے حکومت کے ستائے ہوئے لوگ بے یارومددگار پڑے ہوئے ہیں لوگ روٹی کپڑے اور مکان کے لیے پریشان ہیں حکمران عوام کا پئسہ لوٹ کر اپنے گھر اور پیٹ بھر رہے ہیں نوکریاں بیچی جارہی ہیں جس کے نتیجے میں جب انکوائری کا ٹائیم آتا ہے تو نقصان ان غریبوں کا ہوتا ہے ان خیالات کا اظہار کراچی پریس کلب کے باہر سندھ رزرو پولیس کے اہلکاروں کی جانب سے کیے گئے احتجاج میں شرکت کے بعد میڈیا سے بات چیت کرتے ہوئے کیا انہوں نے مزید کہا کہ سندھ رزرو پولیس کے 1700سے زائد کراچی حیدرآباد اور سکھر سمیت دیگر علائقوں کے جوانوں نے 2012میں ٹریننگ سمیت سمورے کورس مکمل کیئے جس کے بعد انہوں نے پانچ سال تک مختلف علائقوں میں ڈیوٹیاں بھی کی پانچ سال کے بعد انہیں یہ کہہ کر فارغ کردیا گیا کہ سپریم کورٹ کا آرڈر ہے ان میں سے کئی جوان شہید بھی ہوچکے ہیں ان کے گھروں میں فاقے پڑ چکے ہیں مگر حکمران کسی بھی بات کی طرف دیکھنے کے لیے تیار نہیں ہیں وہ صرف اپنی من مانیوں میں مصروف ہیں حلیم عادل شیخ نے کہا کہ ہم ان کے ساتھ کھڑے ہیں ہر فورم پر ان کا ساتھ دیں گے اور سپریم کورٹ سے اپیل کرتے ہیں کے وہ اس معاملے پر نوٹس لیں اور متاثرہ افراد کو انصاف مہیا کریں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی) فیصلہ کرنا حلقہ کے لوگوں کی صوابدیدہے لوگ آزاد ہیں باشعور ہیں اور بہتر فیصلہ کرتے ہیں حقیقت میں فیصلہ لوگ نہیں کرتے بلکہ رب کی ذات کرتی ہے اور لوگوں کے دل نرم کرتی ہے فریق مخالف کہتا ہے کہ بھمبر بدقسمت حلقہ ہے میں کہتا ہوں بھمبر غیور لوگوں کا حلقہ ہے مقابلہ غنڈہ گردی ،بدمعاشی ،منافقت ،برائیوں کی سرپرستی کرنے والوں ،قاتلوں ،راہزنوں کے سرغنوں اور شرافت اورسادگی کا ہے جس سے انتخابات میں حصہ لینا شروع کیاہے کسی مائی کے لعل میںجرات نہیں کہ وہ دوکاندار سے سودا لیکر پیسے نہ دے دھوبی سے کپڑے دھلوا کر ادائیگی نہ کرے ،حجام سے بال کٹوا کر ادائیگی نہ کرے اب بھی ایسا کرکے دکھائیں شہر کو لوگوں کو آزادی میں نے دلوائی ہے دیواریں پھلانگنے والے اب لوگوں کی منتیں کرتے پھرتے ہیں لوگوں میں کپڑے بانٹتے پھرتے ہیں انشاء اللہ یہ لوگوں کے گھروں میں جھاڑوبھی دینگے لیکن اب لوگ انکے جھوٹ ،منافقت اور بھیڑ کی کھال میں بھیڑیے کی مکرہ شکل کو پہچان چکے ہیں حق سچ اور منافقت کا فرق جانتے ہیں فیصلہ عوام کرینگے ان خیالات کااظہار سابق سپیکر قانون ساز اسمبلی چوہدری انوار الحق نے وارڈ نمبر 3بھمبر شہر میں عظیم الشان منعقدہ جلسہ عام سے خطاب کرتے ہوئے کیا چوہدری انوار الحق نے کہاکہ ٹی وی چینل پر عوام کے سامنے جھوٹ بولنے والے فریق مخالف کو چیلنج کرتاہوں کہ وہ کسی فورم پر ٹی وی چینل پر میرے سامنے بیٹھ کراپنی گزشتہ 30سال کی سیاست کا میرے ساتھ مناظرہ کرلے جھوٹ منافقت ،حق سچ کا فرق واضح ہو جائے فیصلہ کرنا عوام کا کام ہے لیکن غنڈہ گردی کی اگر کسی نے کوشش کی تو اس کا دس قدم آگے بڑھ کر جواب دونگا گزشتہ ساڑھے چار سالوں میں میرے کارکنوں پر سینکڑوں پرچے درج کروائے اللہ کے فضل سے ایک بھی ثابت نہیں کر سکے جھوٹ اور منافقت سے لوگوں کو مرغوب نہیں کیا جاسکتا فریق مخالف ملازمین کو دھمکیاں دیتا ہے کہ آپ سیاست میں حصہ نہ لیں اس کے گھر کے تمام افراد املازم ہیں میں نے کبھی ان پرانگلی نہیں اٹھائی فریق مخالف ملازمین پر اعتراض کرنے سے پہلے اپنے گریبان میں جھانکے میرا 8ماہ کا دور وزارت اور 10ماہ کی سپیکر شپ کی کارکردگی اور فریق مخالف کی گزشتہ 30سال کی اقتدارکی کارکردگی جس پر ٹی وی شو میں بیٹھ کر میرے ساتھ مناظرہ کرلے دودھ کا دودھ اور پانی کا پانی کردونگا تعمیر وترقی کے جھوٹے اور کھوکھلے دعوے عوام کے سامنے لے آؤں گا چوہدری انوار الحق نے کہاکہ بارش کے باوجود آپ لوگوں کا جم کر بیٹھنا اس بات کی دلیل ہے کہ اللہ تعالیٰ رحمت شامل حال ہے اس سے قبل ڈیرہ چوہدری انوا رالحق سے پرانا اڈاہ تک عظیم الشان ریلی کی شکل میں چوہدری انوار الحق کو جلسہ گاہ تک لایا گیاجلسہ عام سے ذیلدار چوہدری نبیل مختار،راجہ نعمان رسول ودیگر نے بھی خطاب کیا اس موقع پر سابق چیئرمین زکوة و عشر چوہدری فضل الرحمن ،سابق صدر پریس کلب چوہدری عزیز الرحمن ناز،انجینئر عتیق الرحمن ،حاجی محمداسلم بٹ ،محمد اختربٹ،راجہ محمد صدیق خان ،راجہ فیصل انقلابی ،راجہ روحیل ناصر،راجہ محمدیونس ،راجہ ذالفقار بھٹو،راجہ جنید امتیاز،بشارت نذیر،مرزا ہارون الرشید جرال،مرزا بلال رشید جرال،عنایت فیصل چوہدری طیب منیر،چوہدری علی منیر،سید سرفراز شاہ ،گوری خان ،مرزا عبدالکریم ،مرزا شہزاد یاسین نے اپنے کنبے قبیلے سمیت ن لیگ اور چوہدری طارق فاروق کا ساتھ چھوڑ کر چوہدری انوارالحق کے قافلے میں شمولیت کا اعلان کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٭ تقریب کا آغاز تلاوت قرآن پاک سے ہوا تلاوت کی سعادت قاری مصطفی نے جبکہ نعت رسول مقبول ۖ کی سعادت شیخ فیصل مقصود نے حاصل کی ۔ ٭ تقریب کے مہمان خصوصی سابق سپیکر اسمبلی کو سینکڑوں موٹر سائیکلوں اور گاڑیوں کے لمبے جلوس کے ہمراہ جلسہ گاہ لایاگیا ۔ ٭ ریلی نے منٹوں کا سفر گھنٹوں میں طے کیا ۔ ٭ ریلی کی قیادت سابق سپیکر اسمبلی چوہدری انوار الحق ،سابق وائس چیئرمین بار کونسل راجہ مظہر اقبال ایڈووکیٹ ،ممتاز صنعت کار راجہ محمد رفیق ،سابق ممبران ضلع کونسل چوہدری محمد یوسف درائیاں ،چوہدری فضل علی ،سابق چیئرمین بلدیہ چوہدری عبدالقیوم ،ایڈمنسٹریٹر بلدیہ راجہ شاہد انور خان ،،چوہدری محمد اشرف آف ستھہ،چوہدری خالدبشیر کررہے تھے۔ ٭ ریلی میں نوجوانوں کا جوش دیدنی تھا ڈھول کی تھاپ پر بھنگڑے ڈال رہے تھے اور راجہ محمد ذوالقرنین خان اور چوہدری انوا رالحق کے حق میں نعرے بازی کررہے تھے۔ ٭ ریلی زمینداراہ ہاؤس سے شروع ہوئی گجرات روڈ ،کوٹھی موڑ ،خلیل شہید چوک ،مسلم بازار چوک ،ہائی ایس اسٹینڈ ،ثاقب منیر شہید چوک اور لاری اڈہ پر جگہ جگہ استقبال کیا گیا ۔ ٭ پروگرام کے دوران نوجوانوں کی کثیر تعداد اسٹیج پر جمع ہوگئی جس پر اسٹیج سیکرٹری نے کہاکہ ہمارا اسٹیج مسلم لیگ ن کی طرح بہت کمزور ہے برائے مہربانی نوجوان اسٹیج سے نیچے اتر جائیں۔ ٭ ریلی کے جلسہ گاہ پہنچنے سے قبل ہی پنڈال بھرگیا تھا ریلی کے شرکاء کی بڑی تعداد نے مکانوں اور دوکانوں کی چھتوں پر کھڑے ہوکر پروگرام دیکھا ۔ ٭ سیاسی پنڈت اسے حلقہ LA7کا بڑا پروگرام قرار دے رہے ہیں ۔ ٭ چوہدری خالد بشیر اور ذیلدار چوہدری نبیل مختار سعودی عرب سے خصوصی طور پر چوہدری انوار الحق کی کمپین میں شرکت کیلئے تشریف لائے اور ریلی میں شرکت کی ۔ ٭ چوہدری نبیل مختار ذیلدار نے کہاکہ کچھ افواہ ساز کمپنیاں ہمارے متعلق کہہ رہی ہیں کہ ہم ن لیگ میں ہیںان پر واضح کر دنیا چاہتا ہوں کہ چوہدری انوار الحق کیساتھ ہیں اور رہیں گے انشاء اللہ کسچناتر سے اپنے قائد انوارالحق کو بھاری اکثریت سے کامیاب کروائیں گے ۔ ٭ حوالدار چوہدری محمد حسین آ ف ستھہ ،محمدریاض عرف مٹھو ،چوہدری ساجد علی ستھہ ،چوہدری عمران مانی نے کہاکہ کل بھی انوار الحق کیساتھ تھے اور آج بھی ہیں اور آئندہ بھی رہے گے ہمارے خلاف ن لیگ میں شمولیت کا پروپیگنڈہ بے بنیاد ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی) ضلعی فوجداری عدالت نے بھمبر کے مشہور قتل اور ڈکیتی کے مقدمہ سرکار بنام سجاد بشیر میں روبکار عدالت بنام شمیم اختر میں ملزم حاضر نہ ہونے پر ضمانتی کو 10لاکھ روپے ادا کرنے کا فوری حکم صادر کر دیا ملزم کی جانب سے چوہدری عارف سرفراز ایڈووکیٹ جبکہ مدعی کی جانب سے راجہ مظہر اقبال ایڈووکیٹ اور پبلک پراسیکیوٹر چوہدری امتیاز تاج پیش ہوئے تفصیلات کیمطابق تھانہ سٹی بھمبر کے مشہور مقدمہ قتل جس میں ملزم سجاد بشیر نے دوران ڈکیتی برطانوی پلٹ حاجی محمد حنیف اور حاجی محمد یوسف کی والدہ محترمہ آمنہ بی بی کو تیز دار آلے سے وار کرکے قتل کر دیا تھا جسکا مقدمہ ضلعی فوجداری عدالت بھمبر جوکہ ڈسٹرکٹ اینڈ سیشن جج محمد منشاء غوث اور ضلعی قاضی عبدالخالق عتیق پر مشتمل تھی نے سماعت کے بعد ملزم کو مجموعی طور پر 35سال قید اور 3لاکھ 40ہزار روپے جرمانے کی سزا سنائی تھی سزا سننے سے قبل ملزم فرار ہو گیا تھا جس پر ملزم کی ضمانت دینے والی خاتون شمیم بی بی کیخلاف روبکار قائم ہوگئی گزشتہ روز سماعت کے بعد ضلعی فوجداری عدالت نے زر ضمانت 10لاکھ روپے ضبط کرنے کے احکامات صادر فرمائے ملزم کی جانب سے چوہدری عارف سرفراز ایڈووکیٹ جبکہ مدعی کی جانب سے راجہ مظہر اقبال ایڈووکیٹ اور پبلک پراسیکیوٹر چوہدری امتیاز تاج ایڈووکیٹ پیش ہوئے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی) پاکستان سکول مصنحہ مسقط عمان مینجمنٹ کمیٹی کے انتخابات مکمل چوہدری محمد الیاس آف بنڈالہ لگاتار دوسری بار صدر منتخب ہو گئے خبر سے پاکستانی کمیونٹی میں خوشی کی لہر دوڑ گئی مسقط عمان میں رہنے والے تمام پاکستانی انکی اس کامیابی پر بہت خوش نظر آرہے تھے انکا کہنا ہے کہ چوہدری محمد الیاس ایک تعلیم دوست ،نیک ،ایماندار اور محب وطن شہری ہیں انکی اس کامیابی سے پاکستانی کمیونٹی کے بچے زیور تعلیم سے آراستہ ہو سکیں گے وہ پاکستانی والدین کو درپیش مسائل اور سکول انتظامیہ کو درپیش مسائل کے حل کیلئے اپنی پوری توانائی صرف کرینگے چوہدری محمد الیاس کی کامیابی سے پاکستان میں انکے تمام دوست اور رشتہ دار بھی بہت خوش ہیں انکا کہنا ہے انکی کامیابی خلوص نیت اور ہمدردی کی بنیاد پر ہوئی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)سوات میں امن کا قیام ، فوج، سیکورٹی اداروں،VDCs اور عوام کی بے دریغ قربانیوں کا ثمر ہے۔ ان خیالات کا اظہار جنرل آفیسرکمانڈنگ مالاکنڈ آرمی ڈویژن میجر جنرل آصف غفور نے ودودیہ ہال مینگورہ ( سوات) میںs VDC کے گرینڈ جرگے کی صدارت کرتے ہوئے کیا۔یہ جرگہ سوات کےs VDC سے براہ راست بات چیت اور ملاقات کیلئے ودودیہ ہال مینگورہ ( سوات) میں منعقد کیا گیا۔ منعقد کئے گئے جرگے میں برگیڈز کمانڈر ،RPO آزاد خان ،سول اور فوجی افسران کے علاوہ VDCs کی کثیر تعداد نے بھی شرکت کی۔ جی او سی نے جرگہ میں خطاب کرتے ہوئے کہا کہ فوج آپ کی ہے اور آپ ہی کی سیکورٹی کیلئے یہاں پر ہے ۔ فوج ، سیکورٹی ادارے ، VDCs اور عوام ملکر علاقے کو دہشتگردوں سے پاک کر رہے ہیں اور عوام کی فلاح و بہبود کیلئے کو ششیں جاری ہیں۔انہوں نے مزید کہا کہ VDCs کی قربانیاں ہمیشہ سنہری حروف میں لکھی جائیں گی۔VDCs اور عوام امن کو قائم رکھنے میں اتنے ہی ذمہ دار ہیں جتنے سیکورٹی اہلکار ہیں۔ سوات کے کینٹ کے قیام سے سوات کی عوام سب سے زیادہ مستفید ہو گی۔ سوات کینٹ عوام کیلئے بہت سے ترقیاتی منصوبے لا رہا ہے جس میں روزگار، سکول اور ہسپتال جیسی سہولیات شامل ہیں۔جب تک عوام پاک آرمی کے ساتھ ہے کوئی دشمن سوات کو ٹھیس نہیں پہنچا سکتا۔ بات چیت کے بعد شرکاء نے کھل کر جی او سی سے سیکورٹی، تعلیم و ترقی اور صحت کے متعلق سوالات بھی کیے جس پر جی او سی نے تسلی بخش جوابات دیئے اور عوام کی مشکلات کو حل کرانے کی یقین دہانی بھی کروائی۔بعد ازیں VDCs نے قیام امن کے حوالے سے فوج کی قربانیوں کو سراہا اور اس سلسلے میں پاک فوج اور جی او سی کا شکریہ بھی ادا کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)منتخب ضلعی کونسلر یونین کونسل خوازہ خیلہ و رہنماء پاکستان مسلم لیگ نواز سیراج خان نے کہاہے کہ پنجاب سے کرائے کے خواتین کو لا کر پختونوں کو بدنام کرنے کی سازش کی جارہی ہے ،سوات کے لوگ ایسے نہیں ہے یہاں کے عوام خواتین کو عزت و احترام سے دیکھتے ہیں ،شب برات کے موقع پر عمران خان کا ڈانس مارچ اور ناچ گانا اسلام اور مسلمانوں کے مذاق اڑانے کے مترادف ہے اے این پی دور اور امیر مقام کے کئے ہوئے کاموں کے افتتاح کرنے سے انقلاب نہیں ائے گا ہمیں ترقیافتہ سوات چاہئے جہاں بہتر سڑکیں ہو اور عوام کو روزگار میسر ائے ان خیالات کا اظہار انہوںنے گزشتہ روزاخباری نمائندوں سے بات چیت کرتے ہوئے کیا انہوںنے کہاکہ سوات میں پی ٹی ائی کا جلسہ ناکام رہا کیونکہ زیادہ تر لوگ سوات سے نہیں بلکہ ملک بھر کے دیگر علاقوں سے لائے گئے تھے انہوںنے کہاکہ ایک سوچے سمجھے سازش کے تحت سوات کے غیور پختونوں کو بدنام کرنے کیلئے پنجاب اور ملک کے دیگر علاقوں سے خواتین کو یہاں لایا گیا تاکہ دنیا میں یہ تاثر جاسکے کہ یہ سوات کی خواتین ہیں لیکن ہم واضح کرنا چاہتے ہیں کہ سوات کی خواتین باعزت اور باپردہ ہیں جو بیہودہ کاموں سے نفرت کرتی ہیں انہوںنے کہاکہ عمران خان اور پرویز خٹک نے سوات کے ساتھ مذاق کرتے ہوئے سوات یونیورسٹی کا افتتاح کیا جبکہ اسی یونیورسٹی لوگ فارغ بھی ہوچکے ہیں جبکہ اسکے علاوہ انہوںنے عوام گمراہ کرنے کیلئے بلدیاتی اداروں کے اختیارات کے جھوٹے دعوئے کئے اج تک کسی بلدیاتی نمائندے کے پاس کوئی اختیار نہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)ڈیڈک کمیٹی کے چیئرمین ایم پی اے فضل حکیم خان نے کہا ہے کہ عمران خان کے جلسہ نے مخالفین کی نیندیں حرام کردی ہے اور انہیں اپنی اصلیت کا اندازہ ہوگیا ہے ، اپنے دفتر میں میڈیا کے نمائندوں سے گفتگو میںانہوںنے سوات کے عوام کا شکریہ اداکرتے ہوئے کہا کہ جنہوں نے 22 مئی کے پی ٹی آئی جلسے میں ہمیں جو عزت بخشی ہے ، اسکو ہم کبھی نہ بھول پائینگے ، انہوں نے کہا کہ 22مئی کے گراسی گراؤنڈ میں جلسے نے مخالفین کو انکی حیثیت کا اندازہ لگا دیا ہے اور اب وہ 20 مئی کے جلسے کو کامیاب قرار دینے کے دعوے کررہے ہیں لیکن سوات کے عوام گواہ ہے کہ پی ٹی آئی کا جلسہ سوات کی تاریخ کا سب سے بڑا جلسہ تھا اور اس سے مخالفین کی راتوں کی نیندیں حرام ہوگئی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)یونین کونسل سیدوشریف کے جاویدالرحمان نے کہا ہے کہ ڈاکٹرخالدمحمودخالدکے خدمات سے پوشیدہ نہیں ہوں ، ڈاکٹرخالد نے سیدوشریف عوام کیلئے بہت قربانیاں دی ہیں ، جووعدے الیکشن میں ہوگئے ہیں وہ وعدے انشاء اللہ پورے ہونگے گلی کوچوں میں راستوں کاکام جاری ہے ، اورسٹریٹ لائٹس کے ریپیرنگ کیلئے لائحہ عمل بنائینگے اوربعض محلوں میں پانی کامسئلہ درپیش ہے انشاء اللہ وہی مسئلہ بھی جلد از جلد ختم ہوجائیگا اورسیدوشریف کے نوجوانان کیلئے گرائونڈ کیلئے بھی قدم اٹھائینگے سیدوشریف عوام نے خالدمحمودخالد پر جواعتماد کیا ہے ، سیدوشریف کے عوام کے اعتماد کو ٹھیس نہیں پہنچائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)پختونخوا میپ کے صوبائی ڈپٹی سیکرٹری اورتحصیل ممبر سیدوشریف ڈاکٹر خالد محمود خالد گوجر نے کہاہے کہ ضلع سوات کے عوام کومزیددوحصوں میں تقسیم کرناموجودہ صوبائی حکومت کی خام خیالی ہے ، پختونخوا وطن کے پختونوں کیخلاف اب بھی سازش شروع ہوچکی ہے، قوم کومزید تقسیم کیاجارہاہے پہلے ہی سے استعماری قوتوں نے پختون قوم کوپانچ حصوں میں تقسیم کرناقوم کیساتھ سراسرظلم اوربے انصافی کی تھی ، سوات ڈسٹرکٹ کودواضلاع میں تقسیم کرنے کو کسی کواجازت نہیں دیں گے ان خیالات کااظہار پختونخوا میپ کے صوبائی ڈپٹی سیکرٹری اورتحصیل ممبر سیدوشریف ڈاکٹرخالدمحمودخالدگوجرنے کہاہے کہ پختون قوم کو مزید تقسیم کرنے سے بچانے کیلئے پختون قوم بیدار اورمتحدہوناپڑیگا، اب بھی سازشی عناصریہ بہادر اورجرأت مند قوم کے اتفاق واتحاد کونقصان پہنچانے کیلئے سرگرم ہوچکے ہیں پختونخوا ملی عوامی پارتی کسی کو ضلع سوات کو دوحصوں میں تقسیم کرنے کی کسی بھی صورت میں اجازت نہیں دینگے ۔ یہی عنسر کے سازش کبھی بھی کامیاب نہیں ہونگے انہوں نے کہا کہ پختونخوا میپ کا یہ جدوجہد جاری ہے کہ پختون قوم چترال سے بولان تک ایک متحدقوم بن جائیگی اورپختونخوا وطن کے پختونوں کیلئے علیحدہ صوبے کی تشکیل اورعلیحدہ اسمبلی کیلئے جدوجہد جاری ہے ۔ ہمارا یہ بھی مطالبہ ہے کہ میاں والی اوراٹک کو خیبرپختونخوا کاحصہ ہے۔ جسمیں فوری طورپرشامل کیاجائے ۔ اورضلع سوات کے عوام کومزید تقسیم کرنے کے ارادے دل سے نکال دیاجائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)گورنمنٹ مڈل سکول دنگرام وپرائمری کامشترکہ ٹرانسفارمرکئی ہفتوں سے خراب ،گورنمنٹ مڈل سکول دنگرام وپرائمری سکول دنگرام کے طلباء گرمی سے بلبلا اُٹھے ، طلباء شدیدگرمی کیوجہ سے بے ہوش ہورہے ہیں ، بچوں کو پینے کاپانی میسرنہیں ، واش روم بندپڑے ہیں سکول کیجانب سے محکمہ تعلیم کو درخواست دیدی گئی ہے جو کہ محکمہ واپڈا کوارسال کی گئی ہے لیکن تاحال ٹرانسفارمرکی مرمت نہیں کی گئی ہے روزانہ دس ، پندرہ طلباء گرمی سے بے ہوش ہوکر سکول سے چلے جاتے ہیں کمروں میں بچے گرمی کیوجہ سے نہیں ٹھہرسکتے ، طلباء کے مشکل کومدنظررکھتے ہوئے علاقہ کے ایم پی اے سے بھی ضروری کارروائی کی اپیل کی جاتی ہے تاکہ طلباء کوشدیدگرمی سے نجات مل سکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)عوامی نیشنل پارٹی کے کارکن محمود جان کو نامعلوم افراد نے راستے میں گولی مار کر قتل کردیا،تفصیلات کے مطابق محمود جان ولد شمشیر خان عمر 45سال سکنہ کوکارئی جو کہ گھر سے مینگورہ جا رہا تھا کہ راستے میں بیٹھے 5آدمیوں نے مقتول محمد جان کو شناختی کارڈ چیک کرنے کو کہا تو جواب میں مقتول محمود جان نے اُن سے کہا کہ آپ لوگ کون ہیں پہلے آپ مجھے اپنا کارڈ چیک کروائیں تو اس بات پر ملزمان نے مقتول محمود جان پر فائرنگ کر کے شدید زخمی کردیا، زخموں کے تاب نہ لا کر محمود جان موقع پر دم تھوڑ گیا، ملزمان نے مقتول سے شناختی کارڈ، لائسنس یافتہ 30بور پستول اور ایک ہینڈ بیگ جس میں 7ہزار سعودی ریال موجود تھے لیکر فرار ہونے میں کامیاب ہوگئے مقامی پولیس کو اطلاع ملتی ہی پولیس موقع پر پہنچ کر مقتول کی لاش اپنے قبضے میں لیکر ہسپتال پہنچایا مقتول عوامی نیشنل پارٹی کا سرگرم کارکن بھی تھا،عوامی نیشنل پارٹی کے ورکر اور سابقہ ایم پی اے شیرشاہ خان کے بھائی نادرشاہ بھی موقع پر موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)مینگورہ سو ل و ٹر نیر ی ہسپتال سید و شر یف کے سا تھ ملحقہ علا قو ں میں مو یشیو ں کی مہلک بیما ر یو ں کے خلا ف و یکسینشن مہم کا ا غا ز و زیر ا علی ٰ کے مشیر بر ا ئے لا ئیو سٹاک و ا مد اد با ہمی محب ا للہ خا ن کی ہد ا یت پر ڈ سٹر کٹ ڈ ا ئریکٹرلا ئیو سٹاک ڈ ا کٹر بخت عا لم اور و ٹر نر ی ہسپتا ل سید و شر یف کے انچارج ڈا کٹرمحمد شعیب کی ز یر ی نگر ا نی و ٹر نری ہسپتا ل سید و شریف کے سا تھ ملحقہ علا قو ں میں مو یشیو ں کے مہلک ا مر اض کے خلا ف و یکسنیشن مہم کا آغا ز23مئی سے کر د یا گیا ہے جو کہ 31مئی2016تک جا ر ی ر ئیگی ا ہنو ںنے تما م مو یشی پا ل حضرات سے ا پیل کی کہ و یکسنیشن ٹیموں کے ساتھ بھر پو ر تعاو ن کر یں اور ا پنے جا نو ر وں کو مفت و یکسنیشن لگوا کر ا نکو مہلک بیما ریو ں سے بچا ئیں۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)پاکستان پیپلز پارٹی کے سرگرم کارکن نویدخان کٹہ خیل آف اینگروڈھیرئی نے کہاہے کہ موجودہ مرکزی اور صوبائی حکومتوں نے سوات کے عوام کیلئے کچھ نہیں کیا جس کی وجہ سے عوام کا دونوں حکومتوں پرسے اعتماد اٹھنے لگا ہے اوروہ مایوسی کا شکار ہیں ،میڈیا سے گفتگو کرتے ہوئے انہوںنے کہاکہ حکومتوں سے مایوس عوام پرامید نظروں سے پی پی پی کی طرف دیکھ رہے ہیں تاہم پی پی پی انہیں ہرگزمایوس نہیں کرے گی ،انہوںنے کہاکہ وزیراعظم نے دورہ سوات کے موقع پر نہ تو کسٹم ایکٹ کی واپسی کااعلان کیا اور نہ ہی سوات کیلئے کوئی میگا پراجیکٹ دیا جس کے سبب عوام کی ان کے دورہ سے وابستہ امیدیں دم توڑگئی ہیں،انہوںنے کہاکہ پی پی پی واحدپارٹی ہے جو عوام کے حقوق کی جنگ لڑ رہی ہے اورجب بھی پی پی پی کی حکومت آئی ہے اس نے عوام کیلئے مسائل کے حل اور انہیں ریلیف دینے کیلئے ترجیحی بنیادوں پر اقدامات کئے ہیں،انہوںنے کہاکہ آنے والا دور بھی پیپلز پارٹی کا ہے اوراقتدارمیںآکر ملک کو ترقی کی راہ پر گامزن کرے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)قومی وطن پارٹی کے زونل چیئرمین فضل رحمان نونونے کہاہے کہ مرکزی حکومت ملاکنڈڈویژن کے عوام کا مذاق اڑانے کا سلسلہ بند کرے،وزیر اعظم نے دورہ سوات کے دوران کسٹم ایکٹ کے خاتمہ کا اعلان نہ کرکے عوام کو سخت مایوس کردیا ہے،میڈیا سے گفتگو کرتے ہوئے انہوںنے کہاکہ وزیراعظم کا دورہ سوات مکمل طورپر ناکام رہا کیونکہ موصوف نے کسٹم ایکٹ کی واپسی کا اعلان نہ کرکے عوام کا مذاق اڑایا ہے جس کے سبب عوام میں سخت بے چینی پھیلی ہوئی ہے ،انہوںنے کہاکہ سوات کیلئے کسی قسم کا قابل ذکر منصوبے کا بھی اعلان نہیں کیا گیا جبکہ پرانے منصوبوں کا اعلان کرکے عوام کی آنکھوں میں دھول جھونکنے کی کوشش کی گئی ہے،انہوںنے کہاکہ ملاکنڈڈویژن کے عوام مختلف حالات سے گزرے ہیں جس کی وجہ سے انہیں قدم قدم پر مسائل اور مشکلات کا سامنا ہے یہاں کے عوام کو ریلیف کی ضرورت ہے مگر ان کے کاندھوں پر ٹیکسوں کا بوجھ ڈالا جارہاہے جو انتہائی قابل افسوس امر ہے،انہوں نے کہاکہ ملاکنڈڈویژن میں کسی بھی صورت کسٹم ایکٹ قبول نہیں کریںگے بلکہ اس کے خلاف آخری حد تک جائیںگے کیونکہ یہاں کے عوام اور سیاسی پارٹیاں سب کسٹم ایکٹ کیخلاف ہیں لہٰذہ کسٹم ایکٹ کے خاتمے تک احتجاج جاری رکھیںگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)ڈسٹرکٹ فوڈ کنٹرولر ابوبکر محمود کے جانب سے سوات کے مختلف تحصیلوں میں کارروائیاں 76ہزار روپے جرمانے عائد 22سیمپلز کو لیبارٹری بجھوادیا گیا ،کارروائیا ں تحصیل کبل ،مٹہ اور بریکوٹ کے مختلف بازاروں میں عمل میں لائی گئی اس موقع پر ڈی ایف سی سوات ابوبکر محمود خان نے اخباری نمائندوں سے بات چیت کرتے ہوئے کہاکہ عوام الناس کو معیار ی اشیائے خردونوش کی فراہمی کیلئے فوڈاتھارٹی سوات کارروائیاں کا سلسلہ جاری رکھی گی انہوںنے کہاکہ اس سلسلے میں کسی کے ساتھ کوئی رعایت نہیں کی جائیگی۔
جشن ولادت امام حسین کے موقع پر محفل منقبت سے مولانا آغا جعفر رضا نجفی خطاب کر رہے ہیں
گجرات کی خبروں کی تصویری جھلکیاں
