گجرات (جیوڈیسک) تحریک انصاف کا دھرنا ہو یا جلسہ، وقفے وقفے سے نغمے گونجتے ہیں جس پر کارکن جھومتے ہیں۔ ان نغموں کو چلانے والے ڈی جی بٹ کو بھی اب سب جانتے ہیں۔ تحریک انصاف کے جلسے میں اپنا رنگ جمانے کیلئے ڈی جے بٹ گجرات پہنچے تو کارکنوں نے انہیں سر آنکھوں پر بٹھایا اور ریلی نکالتے ہوئے پارٹی ترانوں کی گونج میں ڈی جے بٹ کو سٹیڈیم پہنچایا۔
ڈی جے بٹ نے سٹیڈیم میں انتظامات کا جائزہ لیا اور جاتے جاتے لائٹس اور ساؤنڈ سسٹم کے لئے ساڑھے 27 لاکھ کا بل تھما گئے۔ ڈی جے بٹ کے لاکھوں روپے کے بل کو دیکھ کر مقامی قیادت بلبلا اٹھی۔ پارٹی نغموں پر جھومتے کارکن چاہے مانیں نہ مانیں کہ ڈی جے بٹ جو رنگ جماتے ہیں، یہ مفت میں ہی اتنا شوخ اور گہرا نہیں ہوتا۔
کراچی کے مختلف علاقوں میں رینجرز اور پولیس کی کارروائی، 7 ملزمان گرفتار
عوامی تحریک کل ایبٹ آباد میں عوامی طاقت دکھائے گی
