گجرات (جی پی آئی) جامع مسجد منہاج القرآن میں عظیم الشان محفل میلاد مصطفی کا انعقاد منہاج القرآن ویلفیئر فائونڈیشن یورپی یونین کے صدر حاجی ارشد جاوید وڑائچ نے کیا۔ مہمانوں کے اعزاز میں پر تکلف عشائیہ کا اہتمام کیا گیا۔ مرکزی نائب ناظم اعلیٰ تحریک منہاج القرآن رانا محمد ادریس نے خصوصی خطاب کیا۔ ملک کی ترقی و سلامتی کیلئے خصوصی دعائیں کی گئیں۔ ممتاز عالم دین علامہ ساجد محمود قادری نے اس موقع پر اظہارِ خیال کرتے ہوئے کہا کہ اللہ تعالیٰ حاجی ارشد جاوید وڑائچ کو لمبی عمر عطا فرمائے اور ان کے رزق میں اضافہ کرے جو وہ دین کی خدمت کیلئے کام کر رہے ہیں اور لوگوں کی فلاح و بہبود حاجی ارشد جاوید کا معمول ہے۔ ان جیسے لوگ قوم کا اثاثہ ہوتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ممتاز عالم دین خطیب امام بارگاہ و مسجد حسینیہ ٹرسٹ آغا مبارک علی موسوی کی رہائشگاہ پر 25 ویں سالانہ مجلس عزاء بسلسلہ شہادت حضرت امام موسیٰ کاظم منعقد ہوئی۔ جس میں ملک کے ممتاز علماء کرام نے خطاب کیا۔ خصوصی خطاب لبیک ٹی وی یو کے ، کے علامہ محمداصغر یزدانی نے کیا۔ اور فضاء و مصائب امام موسیٰ کاظم و شہدائے کربلا بیان کئے۔ اس موقع پر آغا مبارک علی موسوی ‘ ذاکر غلام عباس شادیوال’ ذاکر امجد حسین سادھوکی’ ذاکر غلام عباس قاسم و دیگر نے خطاب کیا۔ نقابت کے فرائض میر ثقلین اکبر نے سرانجام دئیے۔ عارف موسوی ‘علی موسوی ‘ احتشام موسوی’ سید الطاف عباس کاظمی’ وقار الحسن ہیرا ، سید افضال مہدی کاظمی نے ماتمی دستوں کی قیادت کی۔ تابوت شبیہ حضرت امام موسیٰ کاظم برآمد ہوا۔ ماتم داری کی گئی ۔ لنگر تقسیم کیا گیا ۔ SHO تھانہ بی ڈویژن حسنات شاہ ‘ انچارج شاہدولہ چوکی ذوالفقار گورائیہ کی سربراہی میں پولیس کی بھاری نفری موجود تھی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور15 مئی : وزیراعلیٰ پنجاب محمد شہباز شریف نے لالہ موسیٰ کے قریب ٹرالے کی ٹکر سے سکول جانے والے 2بچوں کے جاں بحق ہونے کے واقعہ پردکھ اور افسوس کا اظہار کیا ہے۔ وزیراعلیٰ نے جاں بحق ہونے والے بچو ںکے ورثاء سے ہمدردی اور اظہارتعزیت کرتے ہوئے دعا کی کہ اللہ تعالیٰ انہیں صبر جمیل عطا فرمائے ۔ وزیراعلیٰ نے ہدایت کی کہ افسوسناک واقعہ کے ذمہ دارڈرائیور کو گرفتار کرکے قانون کے مطابق کارروائی عمل میں لائی جائے اور حادثے میں زخمی ہونے والے بچوں کے باپ کو علاج معالجہ کی بہترین سہولتیں فراہم کی جائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) آج بروز ہفتہ 16 مئی بعد از نماز عشاء عظیم الشان جشن معراج شریف کانفرنس منعقد ہو رہی ہے۔ جس کی صدارت صاحبزادہ غلام بشیر نقشبندی کریں گے۔ خصوصی خطاب پیر سید عبدالغفور شاہ کریں گے۔ اس موقع پر ملک بھر سے اہم شخصیات کی شرکت متوقع ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ضلعی چیئرمین زکوٰة و عشر کمیٹی چوہدری تنویر گوندل نے شریعت کالج برائے خواتین کھاریاں کی 76 طالبات میں 1 لاکھ 63 ہزار 800 روپے کے وظائف تقسیم کئے۔ تفصیلات کے مطابق گزشتہ روز شریعت کالج برائے خواتین میں خصوصی تقریب منعقد ہوئی۔ جس کے مہمان خصوصی چوہدری تنویر گوندل ضلعی چیئرمین زکوٰة و عشر کمیٹی تھے۔ تقریب کی صدارت ناظمہ شریعت کالج محترمہ صوفیہ ملک نے کی۔ اس موقع پر ناظم اعلیٰ قاری توقیر حسین ‘ چوہدری سرور پاکستان مسلم لیگ (ن) ‘ رانا ثاقب مشرف’ سابق ضلعی چیئرمین زکوٰة و عشر کمیٹی چوہدری فرخ مجید ڈاکٹر رزاق احمد غفاری چیف ایڈیٹر GPI ‘ احسان الحق و دیگر صحافی بھی موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی)ممتاز سماجی شخصیت رانا ثاقب مشرف نے کہا ہے کہ ضلعی چیئرمین زکوٰة و عشر کمیٹی چوہدری تنویر گوندل کی خدمات قابل تحسین ہیں وہ مستحق افراد تک انکا حق پہنچانے کیلئے کوشاںہیں جس طرح انہوں نے مورا سکالر شپ سکیم کے تحت بچیوں میں چیک تقسیم کئے ہیں اس سے ان بچیوں کے کئی مسائل حل ہو سکتے ہیں۔ انہوں نے کہا کہ وزیر اعلیٰ پنجاب میاں محمدنواز شریف مبارکباد کے مستحق ہیں کہ وہ طلبہ و طالبات کی فلاح و بہبود کیلئے گرانقدر خدمات سرانجام دے رہے ہیں۔ حکومت کو چاہئے کہ مزید فنڈز فراہم کرے تاکہ مستحقین کی مدد ہو سکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) جمعیت علما اہل حدیث پاکستان کے چیرمین قاضی عبدالقدیر خاموش نے کراچی میں اسمٰعیلی برادری پر حملے شدید مذمت کرتے ہوئے اسے امن دشمن قوتوں کی کارروائی قراردیا ہے۔ ایک بیان میں انہوں نے کہا کہ ملک دشمن تو پاکستان کو دہشت گردی، فرقہ واریت اور انتہا پسندی کے نام پر عدم استحکام سے دوچار کر ہی رہے ہیں۔ مگر قوم سوال پوچھتی ہے کہ قومی سلامتی کے ذمہ دار ادارے کیا کررہے ہیں؟انہوں نے کہا کہ خفیہ ایجنسیوں کے درمیان مضبوط نیٹ ورک کی ضرورت ہے جبکہ دہشت گرد وں میں خوف پیدا کرنے کے لئے فوری سماعت کی عدالتوں کو فعال بنایا جائے۔ جس پر حکومت نے دعوے تو بڑے کئے مگر عملی طور پر کچھ نظر نہیں آرہا۔ ظالموں کو کیفر کردار تک پہنچائے بغیر مظلوموں کو عدل و انصاف کی فراہمی ممکن نہیں ہے۔
قرة العین میمن کا ضلع کورنگی میں صفائی و ستھرائی کے انتظامات کے جائزے کے لئے مختلف علاقوں کا دورہ
