گجرات (جی پی آئی) سدھار سوسائٹی انتحابی اصلاحات کی ضرورت و اہمیت اجاگر کرنے کے لئے کام کررہی ہے ان خیالات کا اظہار ڈسٹرکٹ کنوئینئر سدھار سوسائٹی چوہدری علی ابرار جوڑا نے لیڈز کالج میں منعقدہ ڈسٹرکٹ کنونشن سے خطاب کرتے ہوئے کیا انھوں نے کہاکہ فافن کی سفارشات کو مختلف شراکت داروں تک شئیر کی جاتی ہیںاس سلسلہ میں عوامی مہم منعقد کی گئی ہے۔مہم کی نمایاں کامیابیوں میں ووٹر لسٹوں کے نقائص ،حلقہ بندیوں میں ہو نے والی بے ضابطگیوں کی نشاندہی کی گئی ہے۔اس سلسلہ میں ایک چارٹر آف ڈیمانڈ مرتب کیا گیا ہے جس میں الیکشن کمیشن کے ازسر نوتشکیل و دیگر مطالبات شامل ہیںاس کنونشن میں کامیاب میں بلدیاتی اراکین ،صحافی،خواتین ،طلبائ،ڈاکٹر ز نے شرکت کی۔شرکاء سدھار سوسائٹی کی کارکردگی کے بارے میں آگاہ کیا گیا افتحارالدین بھٹہ نے پاکستان کی انتحابی تاریخ پر روشنی ڈالی۔شرکاء کو تحریری مواد بھی دیاگیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) سابق چیف جسٹس آف پاکستان افتخار محمد چوہدری نے کہا ہے کہ سیرت النبی ۖ پر عمل پیرا ہو کر ہم تمام چیلنجز کا مقابلہ کر سکتے ہیں۔ وہ گزشتہ روز اکادمی ادبیات اسلام آباد میں معروف تنظیم سخن ور کے زیر اہتمام پروفیسر تفاخر محمود گوندل کی کتاب ”تجلیات رسالت ۖ ” کی تقریب پذیرائی کے موقع پر اظہارِ خیال کر رہے تھے۔ انہوں نے کہا کہ یہ بات میرے لئے باعث صد افتخار ہے کہ میں اس تقریب میں شریک ہوا ہوں جس میں نبی پاک ۖ کے چاہنے والے موجود ہیں۔ اور یہ بات میرے لئے باعث افتخار ہے کہ تفاخر محمود گوندل کی کتاب پڑھنے کا اعزاز حاصل کیا ہے۔ کوئی شخص اس وقت تک مومن نہیں ہو سکتا جب تک اپنی اولاد ‘ اپنے والدین اور اپنے اہل و عیال سے بڑھ کر نبی کریم ۖ سے محبت نہ کرے۔ سیرت النبی ۖ پر لا تعداد کتابیں لکھی جا چکی ہیں اور پروفیسر تفاخر محمود گوندل نے بھی اس موضوع پر قلم اٹھایا ہے اور جب تک نبی پاک ۖ کی نظر نہ ہو کوئی بھی بندہ اس موضوع پر کچھ تحریر نہیں کر سکتا۔ کیا یہ المیہ نہیں کہ جس قوم کے پاس بہترین رہبر موجود ہوں اور بہترین دستور موجود ہو اور وہ قوم غفلت کا شکار ہو کر بھٹکتی پھرے۔ فرقہ واریت اور ذات پات کے چکر سے نہ نکل سکے۔ انہوں نے کہا کہ پاکستان دنیا کا بہترین ملک ہے لیکن یہ اس وقت تک ترقی نہیں کر سکے گا جب تک کرپشن کا مکمل خاتمہ ممکن نہیں ہو گا۔ حکمرانوں کو اس بات پر غور کرنا چاہئے اور خود کوئی قدم اٹھانا چاہئے کیونکہ کرپشن حکمرانوں کے تعاون کے بغیر ختم نہیں ہو سکتی۔ معروف سائنسدان سابق ڈائریکٹر اٹنامک کمیشن آف پاکستان ڈاکٹر سلطان بشیر محمود تمغہ امتیاز نے کہا کہ یہ بات قابل تحسین ہے کہ آج بھی ایسے لوگ موجود ہیں جو کہ سیرت النبی ۖ پر کام کر رہے ہیں۔ اور کوئی بھی شخص اس نازک موضوع پر لب کشائی نہیں کر سکتا یہ صرف حضور ۖ کی نذر عنایت ہے۔ ڈاکٹر زاہد حسن چغتائی نے کہا کہ بلا شبہ تفاخر محمود گوندل کی کتاب ادب اور سیرت نگاری پر اچھوتا قدم ہے جس پر میں تفاخر محمود گوندل کو مبارکباد پیش کرتا ہوں اور اس کے تراجم مختلف زبانوں میں کئے جائیں۔ میں اللہ تعالیٰ کا شکر گزار ہوں کہ مجھے یہ سعادت حاصل ہوئی کہ میں نے نبی کریم ۖ کی سیرت پر قلم اٹھانے کا موقع ملا۔ اس موقع پر ملک کی ممتاز شخصیات شریک ہوئیں۔ چوہدری شکیل گجر آف یو اے ای’ ڈاکٹر رزاق احمد غفاری’ ندیم شہباز’ و دیگر اہم شخصیات موجود تھیں۔ جنہو ںنے تفاخر محمود گوندل کو اس علمی ادبی کارنامہ پر مبارکباد پیش کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) جشن بسلسلہ ولادت با سعادت سرکار امام زمانہ’ قائم آل محمد ‘ محبت آخر ، امام بارگاہ حسینیہ میں رات بسلسلہ ولادت با عسعادت امام آخر الزماں ایک جشن منایا گیا۔ مومنین ودیگر برادران اسلام کی ایک کثیر تعداد نے شرکت فرمائی۔ ظہور سرکار امام مہدی کیلئے دعائیں کی گئیں پروفیسر سید سرفراز حسین جعفری اور قاری العقائد ذاکر اہل بیت ملک منتظر مہدی آف لاہور نے قصیدہ خوانی کرتے ہوئے ہدیہ عقیدت پیش کیا۔ بہترین لنگر و تبرک کا انتظام کیا گیا۔ سید ناصر عباس پپو شاہ’ سید الطاف عباس کاظمی’ جواد حسین جعفری’ سید محمد رضا نقوی’ میر فدا حسین ‘ میر اکبر علی’ فراز بخاری’ سید مظہر زیدی’ وقار الحسن ہیرا’ سید علمدار شاہ’ سید مظہر شاہ’ سید وقار حیدر شاہ’ کے علاوہ کثیر مومنین و مومنات نے شرکت کی۔ تصجیل ظہور امام کے علاوہ پاکستان کی سلامتی کیلئے دعائیں کی گئیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)82کروڑ روپے لاگت سے شاہین چوک فلائی اوور کی تعمیر کا کام آئندہ 2ہفتوں میں شروع ہو جائے گا، کنٹریکٹر میسرز “سارکو”نے میشنری اور دیگر وسائل موقع پر پہنچا دیے ہیں جبکہ زمین کے تجزیے کا کام جاری ہے، ڈی سی او لیاقت علی چٹھہ نے ای ڈی او فنانس اینڈ پلاننگ چوہدری اصغر کے ہمراہ کمپنی کے پلانٹ اور فلائی اوور کے مجوزہ مقام کا دورہ کیا جہاں سارکوکے سائیٹ انچارج نثار احمد چیمہ نے انہیں بریفنگ دی۔ اس موقع پر بات چیت کرتے ہوئے ڈی سی او لیاقت علی چٹھہ نے کہا کہ شاہین چوک فلائی اوور حکومت پنجاب کا میگا پراجیکٹ ہے جس کی مجموعی لمبائی 750میٹر ہوگی، پل کے سپین 12سے بڑھا کر 15کر دیے گئے ہیں جبکہ اسے ایک سال کے عرصہ میں مکمل کیا جائے گااس منصوبے کی تکمیل سے اس علاقہ میں ٹریفک کے حوالے مسائل کا خاتمہ ہوگا۔ انہوںنے ہدایت کی کہ شاہین چوک فلائی اوور پر کام کے آغاز سے قبل ٹریفک کا جامع متبادل پلان وضع کیا جائے نیز ہلکی ٹریفک کے لئے سروس روڈز بنائی جائیں۔ انہوںنے ہدایت کی کہ منصوبے کی تعمیر میں اعلی کوالٹی میٹریل کا استعمال یقینی بنانے کے ساتھ اسے مقررہ مدت میں مکمل کیا جائے تاکہ شہریوں کو مشکلات سے بچایا جا سکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ہلال احمر کو موثر اور فعال بنانے کے لئے اسکی تنظیم نو کر دی گئی ہے،ہلال احمر ضلع گجرات کے چیئرمین/ ڈی سی او لیاقت علی چٹھہ نے ممتاز سماجی و کاروباری شخصیت میاںمحمد اعجاز کو ہلال احمر گجرات کا صدر مقرر کر دیا ہے ، نثار الدین ساجد راٹھور بدستور سیکرٹری کی حیثیت سے ذمہ داری سرانجام دیتے رہیں گے جبکہ ممبران میں سی پی ایل سی کے صدر الحاج امجد فاروق، چیئرمین بیوٹیفکیشن کمیٹی حاجی اورنگزیب بٹ، جاوید بٹ، نعیم بٹ، صدر پریس کلب سید عرفان جعفری، سینئر صحافی مرزا نعیم الرحمان ،چوہدری نواز ریحانیہ، خالد پرویز، ملک سرفراز، سیف الدین بھٹی، شیخ شاہد انور، حاجی ریاض ابراہیم، بابر بھیا، خادم علی خادم شامل ہیں۔ اس موقع پر خطاب کرتے ہوئے ہلال احمر ضلع گجرات کے چیئرمین /ڈی سی او لیاقت علی چٹھہ نے کہا کہ ہلال احمر کی تنظیم نو کا فیصلہ تنظیم کو فعال کرنے کے لئے کیا گیا ہے ، ہلال احمر گجرات میں کڈنی سنٹر کی تعمیر میں مرکزی کردار ادا کر رہی ہے اسی طرح صنعت پورہ کھاریاں میں اسکاہسپتال چل رہا ہے، خوجیانوالی میں عمارت تکمیل کے قریب ہے جبکہ کالرہ میں عمارت کے لئے جگہ حاصل کرلی گئی ہے اسی طرح سیشن کورٹ ڈسپنسری کی تعمیر جاری ہے ۔ انہوںنے بتایا کہ سٹاف گلہ کے علاقہ میں ہسپتال کے لئے بنائی جانیوالی عمارت میں بھی جلد علاج کی سہولیات کی فراہمی کا آغاز ہلا ل احمر کے زیر اہتمام کر دیا جائے گا۔ انہوںنے بتایا کہ ہلال احمر کے زیر اہتما م طلبہ وک ابتدائی طبی امداد کے لئے تربیت کا جولائی سے آغاز کر دیا جائے اسی طرح ہر سکول میں فرسٹ ایڈ کٹ رکھوائی جائے گی اور طلبہ وطالبات کو تربیت دی جائے گی۔ انہوںنے کہا کہ ہلال احمر کو فنڈز سے زیادہ متحرک ممبران اور رضا کاروں کی ضرورت ہے ۔ صدر ہلال احمر میاں محمد اعجاز نے کہا کہ وہ اور دیگر ممبران ٹیم کی صورت میں اپنی ذمہ داری نبھائیں گے اور ہلا ل احمر کو متحرک و فعال بنا کر شہریوں کو علاج معالجہ کی بہتر سہولیات اور ہنگامی حالات میں امداد کی فراہمی کے لئے کام کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)کڈنی سنٹر گجرات کی تعمیر کا کام تیزی سے جاری ہے، منصوبے پر ابتک 2کروڑ 95لاکھ روپے خرچ ہو چکے ہیں جبکہ 27رمضان المبارک کو منصوبے کا باقاعدہ افتتاح کرکے مریضوں کے علاج معالجہ کا آغاز کر دیا جائے گا۔ ان خیالات کا اظہار ڈی سی او لیاقت علی چٹھہ نے کڈنی سنٹر کے تعمیراتی کاموںکا جائزہ لینے کے موقع پر مینجمنٹ کمیٹی کے ارکان سے بات چیت کرتے ہوئے کیا، ای ڈی او فنانس چوہدری محمد اصغر،کمیٹی کے صدر میاں محمد اعجاز، ممتاز سماجی شخصیت حاجی اورنگزیب بٹ، صدر انجمن تاجران جاوید بٹ، سی پی ایل سی کے صدر الحاج امجد فاروق، چوہدری نواز ریحانیہ، بابر بھیا، خادم علی خادم، سیکرٹری ہلال احمر گجرات نثار الدین ساجد راٹھور،، سینئر صحافی مرزا نعیم الرحمان، عامر بٹ،عارف علی عارف، و دیگر بھی موجود تھے۔ ڈی سی او لیاقت علی چٹھہ نے بتایا کہ 12کروڑ روپے لاگت کے اس منصوبے کے لئے ابتک 3کروڑ15لاکھ روپے کے عطیات وصول ہو چکے ہیں ان فنڈز سے بیسمنٹ، گراونڈ فلور مکمل، پہلی منزل کا بیشتر کام مکمل ہو چکا ہے ۔ انہوں نے بتایا کہ گجرات میں ڈائیلسز کے مریضوں کی تعداد 500کے قریب ہے سنٹر میں مجموعی طور پر 26ڈائیلسز مشینیں نصب کی جائیں گی جو روزانہ 60ڈائیلسز کر سکیں گی ۔ انہوںنے بتایا کہ مخیر حضرات پہلے ہی 10مشینیں عطیہ کرنے کا اعلان کر چکے ہیں جن میں ہلا ل احمر پاکستان 3ہلال احمر پنجاب 3، ممتاز کاروباری شخصیت عابد فاروق 2شعیب میر 2مشینیں عطیہ کرنے کا اعلان کر چکے ہیں سنٹر میں ہیپاٹائیٹس اے ، بی اور جنرل کے لئے الگ الگ فلٹریشن پلانٹس لگائے جائیں گے۔ڈی سی او لیاقت علی چٹھہ نے کڈنی سنٹر کے لئے بھرپور فنڈز فراہم کرنے پر حاجی اورنگزیب بٹ، چوہدری ندیم اختر ملہی، چوہدری نواز ریحانیہ، بابر بھیا اور دیگر مخیر حضرات کے جذبہ کو سراہا اور اہل گجرات خصوصا اوورسیز پاکستانیوں سے سنٹر کے باقی کام کی جلد تکمیل کے لئے عطیات فراہم کرنے کی اپیل کی اس مقصد کے لئے وہ خود تین رمضان کو ڈونرز کے اعزاز میں افطار کا اہتمام بھی کریں گے۔ صدر مینجمنٹ کمیٹی میاں محمد اعجاز نے کہا کہ کڈنی سنٹر بلڈنگ کی تعمیر میں اعلی ترین کوالٹی یقینی بنانے کی کوشش کی گئی ہے اس سنٹر میں نصب مشینوں میں سے 50فیصد پر فری ڈائیلسز ہوگا جبکہ باقی پر ایسے افراد جو اخراجات برداشت کر سکتے ہیں ان سے اخراجات وصول کئے جائیں گے ۔ انہوںنے کہا کہ سنٹر کی بیسمنٹ اور گرائونڈ فلور کو کمرشل مقاصد کے لئے استعمال کیا جائے گا اس مقصد کے لئے اخبارات میں اشتہار بھی دیا گیا ہے اور وصول ہونیوالے کرایہ سے سنٹر کے اخراجات پورے کئے جائیں گے۔ انہوںنے ابتک ہونیوالے اخراجات اور آمدن سے بھی اجلاس کے شرکاء کو آگاہ کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ضلع میں تین روزہ انسداد پولیو مہم کا آغاز کر دیا گیاہے، چار لاکھ 33ہزار بچوں کو پولیو سے بچائو کے قطرے پلانے کے لئے مہم کا افتتاح ڈی سی او لیاقت علی چٹھہ نے کیا جبکہ ای ڈی او فنانس اینڈ کمیونٹی ڈویلپمنٹ چوہدری اصغر بھی انکے ہمراہ تھے۔ انسداد پولیو مہم کے لئے ضلع بھر میں بچوں کو پولیو سے بچائو کے قطرے پلانے کے لئے مجموعی طور پر 853موبائل ٹیمیں تشکیل دی گئی ہیں ، 120فکسڈ اور 32ٹرانزٹ ٹیمیں بھی شامل ہیں۔ افتتاحی روز ڈی سی او لیاقت علی چٹھہ نے انسداد پولیو مہم کا جائزہ لینے کے لئے میونسپل ویگن اسٹینڈ، جنرل بس اسٹینڈ سمیت مختلف ٹرانزٹ پوائنٹس کا دورہ کیا۔ انہوںنے ٹیموں کو ہدایت کی کہ پوری جانفشانی سے اپنی ذمہ داری سرانجام دیں اور پانچ سال تک عمر کا ایک بھی بچہ ویکسین سے محروم نہیں رہنا چاہیے۔ انہوںنے کہا کہ پولیو کا خاتمہ ہم سب کی قومی ذمہ داری ہے انسداد پولیو ٹیموں کی کامیابی کے لئے والدین، علماء کرام، میڈیا، این جی اوز سمیت ہر طبقہ فکر کے لوگوںکو اپنا کردار ادا کرنا چاہیے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)پیپلز پارٹی کے سینئر راہنما اور سابق جنرل سیکرٹری پیپلز یوتھ پاکستان انصر بھٹی اور دائود بھٹی کے والد الحاج چوہدری محمد انور کی روح ایصال ثواب کے لیے ختم چہلم گزشتہ روز ان کی رہائش گاہ محلہ شاہ جامع مسجدمیں پڑھا گیا جس میں ممتاز روحانی شخصیت اور ممتاز عالم دین علامہ غلام بشیر نقشبندی نے والدین کے حقوق پر تفصیل کے ساتھ بیان کیا ،اس موقع پر سیاسی سماجی شخصیات نے ختم چہلم میں بھر پور شرکت کی ،جن میںچیئرمین چوہدری افتخار احمد وڑائچ،چیئرمین چوہدری طاہر مانڈہ،زاہد حسین سلیمی،چوہدری مسعود احمد گجر،چوہدری غلام مصطفی گوارئیہ،سید فیاض ہا شمی، چوہدری عمران گوندل،سید علیمامتیاز جنگی، حاجی وارث، زیشان زیب بٹ،رانا عارف،چوہدری طارق باوا،چوہدری غلام ربانی،مہر عارف،مہر آصف،مشتاق راج ، جاوید بھٹی،ملک اخلاق احمد ،سید ساجد حسین شاہ، چوہدری منصور احمد،مہرریاض ،مرزا نعیم گل،شمریز احمد،مولوی ارشد،راشد کھٹانہ،راجہ قیصر،سید آصف شاہ،مبین اشرف،خالد پہلوان،شعیب اکرم بٹ،سید اشفاق ہاشمی،چوہدری خالد حسین،چوہدری منظور حسین،آغا محمد علی،مولوی جاوید،عثمان طیب،ملک شفقت،انور شیخ میاں ارشد، ڈاکٹر گلریز منیرسمیت دیگر نے شرکت کی، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) حکومت پنجاب نے پنجاب بھر کے تمام تعلیمی اداروں میں چھٹیوں کا اعلان کر دیا ہے اور اس کا باقاعدہ نوٹیفیکیشن بھی جاری کر دیا ہے آج 24مئی سے چودہ اگست پنجاب کے سرکاری اور غیر سرکاری تعلیمی ادارے بند رہیں گے اس سلسلہ میں ڈی او سی گجرات ماجد بن احمد نے ای ڈی او ایجوکیشن گجرات کاشف طاہر کو ہدایت جاری کیں ہیں کہ وہ گجرات کے تمام پرائیویٹ تعلیمی اداروں کو چھٹیوں کا پابند بنائیں ،کیونکہ گجرات کے بعض تعلیمی ادار ے چھٹیاں نہیں کرتے اس لیے ان کے خلاف قانونی کاروائی عمل میں لائی جائے گی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ٹی ایم اے یونین گجرات کے صدر رمضان دا نش جنرل سیکرٹری کے خالدگل نے ایک بیان میں کہا ہے کہ ٹی ایم اے گجرات میں ڈیلی ویجز کام کرنے والے ملازمین کو ہر صورت ریگولر کرایا جائے گا اور ان کے تمام مسائل کو بہتر اندازمیں حل کیا جائے گا ان خیالات کا اظہار انہوں نے گزشتہ روز یونین کے ایک اجلاس میں خطاب کرتے ہو ئے کیا اس موقع پر یونین کے تمام ممبران اور عہدہ دران بھی موجودتھے ،رمضان دانش اور خالد گل نے کہا کہ ڈیلی ویجز ملازمین کے کنٹریکٹ کے تین سال مکمل ہو چکے ہیں ٹی ایم اے گجرات کو خود ہی چاہئے تھا کہ ان ملازمین کو ریگولر کر دیتی مگر ان کو ابھی تک ریگولر نہ کر نا زیادتی ہے انہوں نے کہا کہ ہم اپنے ملازمین کا دفاع کر نا جانتے ہیں حالانکہ پنجاب حکومت نے ڈیلی ویجز ملازمین کوریگو لر کرنے کی باقاعدہ چھٹی بھی جاری کر رکھی ہے مگر اس کے باوجود ریگولر نہیں کیا جارہا انہوں نے اپنے ڈیلی ویجز ملازمین کو مکمل یقین دلاتے ہوئے کہا ہے کہ ان کو ریگولر کروانے کے لیے کسی بھی قربانی سے دریغ نہیں کریں گے اس سلسلہ میں ٹی ایم اے کے اعلی آفسران سے بھی معاملات طے ہو چکے ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) تھانہ لاری اڈا پولیس نے سات سالہ لڑکے کے ساتھ بدفعلی کرنے والے 52سالہ شخص کو فتار کر کے مقدمہ درج کر لیا ہے ،بتایا گیا ہے کہ محلہ نور پڈھے میں محمدافضل نے اپنے محلہ کے ایک سات سالہ وہاب بابر سے بد فعلی کر رہا تھا کہ محلہ داروں نے موقع پر پکڑ کر پولیس نے حوالے کر دیا پولیس لاری اڈا کے انچارج عبا س ڈوگر نے ملزم کو گرفتا رکرکے اس کے خلاف مقدمہ درج کر لیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)جماعت اسلامی یوتھ ونگ ضلع گجرات کے صدر میاں عبدالحنان گجرنے25مئی کو ضلع گجرات کے ہزراوں نوجوان لالہ موسیٰ میں امیر جماعت اسلامی پاکستان سراج الحق کی قیادت میں کرپشن کے خلاف آنے والے ٹرین مارچ کے شرکاء کاشاندار اور تاریخی استقبال کریں گے۔گزشتہ روز میڈیا سے گفتگو کرتے ہوئے انہوں نے کہا کہ حکمران شاہانہ طرز حکومت ، اقرباپروری اور کرپشن چھوڑنے کو تیار نہیںہیں اور رمضان المبارک سے قبل منافع خور ،ذخیرہ اندوز سرگرم ہوچکے ہیں ۔ ابھی رمضان شروع ہوا نہیں کہ اشیاء خورد ونوش کی قیمتوں میں ہوشربا اضافہ ہوچکا ہے۔نا جائز منافع خور ذخیرہ اندوز اور کمیشن مافیا سرگرم ہو چکے ہیں ۔انہوں نے کہا کہ ملک میں مہنگائی اور بے روز گاری میں مسلسل اضافہ ہو رہا ہے مہنگائی اس قدر بڑھ گئی ہے کہ اشیاء ضروریہ غریب آدمی کی پہنچ سے دور ہوتی چلی جارہی ہیں ہر چیز میں ملاوٹ اور دو نمبری کی کثرت پائی جاتی ہے ،آٹا ، تیل ، چینی ، چاول ، سبزی ، گویاکہ روزمرہ استعمال میں ہونے والی چیزوں میں دن بدن اضافہ ہونا ملک میں حکمرانوں کی ناکامی کا منہ بولتا ثبوت ہیں، بے روز گاری اپنی انتہاء کو پہنچ چکی ہے ملکی معیشت دن بدن تباہ ہوتی چلی جارہی ہے، حکومتی ایوانوں میں باتیں صرف اپنے مفادات کے لیے ہو رہی ہے عام آدمی کا اس میں بھلا نہیں ہے ۔انہوں نے کہاکہ حکمرانوں کو اپنے ذاتی مفادات سے بالا تر ہو کر غربت ، مہنگائی اور بے روزگاری کو ختم کرنے کا سوچنا ہوگا اور اس بار رمضان المبارک میں حکومت اپنے اعلان کردہ رمضان پیکیج اور عوام کے درمیان حائل رکاوٹیں ختم کرے اور اگر حکومت حقیقی معنوں میں رمضان پیکیج سے عوام کو ریلیف فراہم کرنا چاہتی ہے تو ذخیرہ اندوزوں اور عوام کی جیبوں پر ڈاکہ ڈالنے والوں کا قلع قمع کرے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)آئی ایل ایم کالج گجرات میں ثقافتی میلے کا انعقاد ،طلباء نے پاکستان کے مختلف صوبوںاور کشمیر کا کلچر پیش کیا۔پروگرام کی سرپرستی آئی ایل ایم گروپ آف کالجز کے پرنسپل سید سلمان حیدر نے کی۔ثقافتی میلے میں طلباء نے پنجاب ، سندھ، بلوچستان ،خیبر پختونخواہ اور کشمیر کے کلچر کوانتہائی خوبصورتی سے پیش کیا ۔ طلباء نے اپنی پرفارمنس سے ناظرین کے دل موہ لیے۔ تمام طلباء نے بھی خوب انجوائے کیا ۔تقریب کا آغاز تلاوت قرآن مجید سے کیا گیا۔ تلاوت کی سعادت علی حسنICS (A) نے حاصل کی اور نعت سید حسن اسماعیل FSC نے پیش کی۔ اس کے بعد FA کے طلباء نے پنجابی ثقافت پیش کی ۔ پنجابی ثقافت مظاہرہ انصار احمد ، لہراسب ریاض ، زین شہزاد اورغلام مصطفی نے پیش کی ۔اس کو تیار کروانے کا سہراFA کے کلاس ٹیچر سر جاوید اسلم کے سر ہے۔ اس کے بعد ICS(B) نے KPK کی ثقافت کو بڑے خوبصورت انداز میں پیش کیا۔ ICS (B) کے طلباء نے سندھی ثقافت کوپیش کیا۔ ان طلباء کو تیار کروانے کا سہرا سر عبد الباسط کے سر ہے۔ اس کے بعد I.Com کے طلباء نے بلوچستان کی ثقافت کو پیش کیا اور ان طلباء کو تیار کروانے کا سہرا سر شجر ناصر کے سر ہے۔ اس کے بعد FSc کے طلباء نے کشمیری ثقافت کو پیش کیا اس کلاس کے طلباء کو تیارکروانے کا سہرا سر جواد رضا کنجاہی کے سر ہے۔ثقافتی میلے کے ججز کے فرائض سر انجام دینے والوں میں پروفیسر ریاض احمد چیمہ ،پروفیسر سیف الرحمن سیفی اور آئی ایل ایم کالج گجرات کے پرنسپل سید سلمان حیدر شامل تھے۔ ثقافتی میلے میںنمایاں پوزیشن حاصل کرنے والے طلباء کو انعامات دیے گئے۔تقریب کے آخر میں تمام طلباء اور اساتذہ نے کھڑے ہو کر قومی ترانہ پڑھا۔ تقریب کو آرگنائز کرنے میں آئی ایل ایم کالج کے اساتذہ، وائس پرنسپل شہزاد بٹ، امجد حسین، عمیر عزیز اور حافظ عبد القادر نے بھر پور محنت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)آئی ایل ایم گروپ آف کالجزگجرات کے پرنسپل سیدسلمان حیدرنے کہاہے کہ پاکستان کی ثقافت پاکستان کا وہ اثاثہ ہے جس کی حفاظت کیلئے برصغیر کے مسلمانوں نے الگ وطن کا مطالبہ کیا اور اپنی ثقافت کو تحفظ فراہم کیا۔اب ہماری نوجوان نسل کی ذمہ داری ہے کہ وہ اپنی ثقافت کواپنائے رکھیں اوراس کی حفاظت کریں۔ان خیالات کااظہار انہوں نے کالج میں منعقدہ کلچرڈے کے موقع پر طلباء سے خطاب کرتے ہوئے کیا۔انہوں نے مزیدکہا کہ اس طرح کی تقریبات ILMکالج کا ہمیشہ سے اعزاز رہا ہے اور آئندہ بھی اس طرح کی تقریبات کا انعقاد کر کے اس چیز کی طرف توجہ دلائی جا تی رہے گی کہ ہم سب پاکستانی ایک پرچم کے سائے تلے ایک ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)شب برأت مومن کے لئے روحانی بالیدگی کا سبب ہے ۔توبہ اور رجوع الی اللہ کی اس رات میں لاکھوں حامیان اسلام کے لئے مغفرت کے پروانے جاری کئے جاتے ہیں۔دو نفل پڑھنے پر سینکڑوں سال کی عبادت کا اجر و ثواب نامہ اعمال میں درج کر دیا جاتا ہے ۔اس رات کثرت سے توبہ و استغفار کرنے سے بندۂ مومن معرفت کی بلندیوں پر فائز ہو تا ہے ۔نبی کریم ۖ نے گناہ گار مسلمانوں کو شبِ برأت میں عبادت کی رغبت دلا کر اپنے خالقِ حقیقی سے معافی کی خواست گاری کی طلب کو بڑھایا ہے ۔غلامان محمد ۖ اس رات عبادت کریں تو شیطان لعین چیختا چلاتا ہے ۔زیارت قبور اور کثرت سے نوافل اس رات میں خاص عبادات ہیں۔آج امت مسلمہ جس کٹھن دور سے گزر رہی ہے ہمیں بحیثیت مسلمان اس کا ادراک ہونا چاہیے ۔بر ما ، فلسطین ، کشمیر سمیت دنیا کے ہر خطے میں مسلمان کے خون سے ہولی کھیلی جا رہی ہے ۔پاکستان میں دہشت گردی نے مسجدوں کو بے آباد اور پوری قوم کو ذہنی مریض بنا دیا ہے۔عبادت کی راتوں میں بھی مسجدوں میں پہلے جیسی رونق نظر نہیں آتی ۔ہمیں آ ج کی رات توبہ کر کے ملک و قوم اور اسلام کے لئے اُس پیغام امن کو عام کرنا ہے جس سے مسجدوں میں رونقیں دوبارہ لوٹ آئیں۔ان خیالات کا اظہارسربراہ اتحاد تنظیمات اہلسنت علامہ پیر محمد تبسم بشیر اویسی نے انجمن طلباء اسلام سرائے عالمگیر کے زیر اہتمام منعقدہ مرکز اہلسنت سرائے عالمگیر میں منعقدہ جشن شب برأت کے عظیم الشان اجتماع سے خطاب کرتے ہوئے کیا ۔اس موقعہ پر پیر محمد عارف ہزاروی سجادہ نشین درگاہ عالیہ حضور شیخ القرآن وزیر آباد ،صاحبزادہ محمد عاصم بشیر اویسی مہمانان خصوصی تھے ۔ علامہ مفتی محمد نعیم اللہ نعیمی نے کہا شب برأت بجٹ کی رات ہے ۔اس رات حکمت کے سارے اُمور اللہ تعالیٰ فرشتوں کے سپرد فرما دیتا ہے ۔ ہمیں عبادت و ریاضت میں اس رات کو بسر کر کے اپنا نام خوش نصیب اور نجات دہندہ افراد میں لکھوانا چاہیے۔اللہ تعالیٰ نے امت محمدیہ ۖ کو ایسی با برکت راتیں اس لئے عطا فرمائیں کہ وہ اپنے گناہوں کو بخشوا سکیں ۔اس رات کثرت سے دعا کر کے ہمیں ملت کی تقدیر کو بدلنا ہو گا۔اس موقعہ پر راجہ ثناء احمد ،محمد حمزہ نصیر، محمد عارف ،ماسٹر محمد انور، علی رضا سجاد، نبیل الرحمن ، حافظ محمد زاہد رضوی،مزمل حسین ،محمد زرغام،محمد نواز مصطفائی، محمد مرتضیٰ اور دیگر نے بھی خطاب و ہدیہ نعت پیش کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پاکستان واپڈا ہائیڈروالیکٹرک ورکرز یونین گجرات کے زونل چیئرمین محمد پرویز لنگڑیال نے واپڈا فوٹیفائیڈ ڈسپنسری کا وزٹ کیا۔ اور نئے آنے والے ڈاکٹر محمد سلطان رانا سینئر میڈیکل آفیسر(ایف سی پی ایس )نیورو، جنرل سرجن جنہوںنے گزشتہ روز چارج سنبھال کر کام شروع کیا ہے۔ کے ساتھ ملاقات کی اور انہیں تعاون کی یقین دہانی کرائی۔ چوہدری محمد پرویز نے کہا گجرات کے ملازمین کی خوش قسمتی ہے کہ ایک قابل ڈاکٹر کی ڈیوٹی لگی ہے۔انشاء امید ہے کہ اب ملازمین کو میڈیسن کی پرابلم نہیں ہوگی۔ ملاقات کے دوران احمد خاں رانجھا، چوہدری اورنگزیب ، محمد اقبال شاہ، تنویر احمد، افتخار اعوان بھی موجود تھے۔ ڈاکٹر محمد سلطان رانا نے ملاقات کے دوران کہا کہ میں توواپڈا ملازمین کی کثیر تعداد کی خدمت کرتا تھا۔ اب میری ڈیوٹی گجرات میں لگی ہے انشاء اللہ اگر آپ لوگوں نے تعاون کیا تو دل لگا کر کام کروں گا۔میڈیسن کی ڈیمانڈ بھجوا دی گئی ہے۔بروقت دوائیوں کا انتظام کیا جارہا ہے۔ انہوں نے کہا کہ ڈسپنری کے حوالے سے واپڈا ملازمین کو شکایات ہیں انہیں فوری حل کرنے کی کوشش کی جائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پاکستان مسلم لیگ کے صدر و سابق وزیراعظم چودھری شجاعت حسین اور سینئرمرکزی رہنما و سابق نائب وزیراعظم چودھری پرویزالٰہی نے وفد کے ہمراہ امیر جماعت اسلامی سینیٹر سراج الحق سے منصورہ میں ملاقات کی اور بنگلہ دیش جماعت اسلامی کے امیر مولانا مطیع الرحمن نظامی اور دیگر شہداء کیلئے فاتحہ خوانی کی۔ مسلم لیگی وفد میں سینیٹر کامل علی آغا، طارق بشیر چیمہ ایم این اے اور سابق ایم این اے میاں محمد منیر شامل تھے جبکہ جماعت اسلامی کے رہنما لیاقت بلوچ، فرید پراچہ، امیرالعظیم، ذکر اللہ مجاہد، محمد اصغر، قیصر شریف بھی ملاقات میں موجود تھے۔ میڈیا سے بعد ازاں گفتگو کرتے ہوئے چودھری شجاعت حسین نے کہا کہ بنگلہ دیش حکومت کی پاکستان سے محبت رکھنے والوں کے ساتھ ظلم و زیادتی قابل مذمت ہے، اس میں کوئی شک نہیں کہ مطیع الرحمن نظامی کو پاکستان سے محبت کی سزا دی گئی۔ انہوں نے کہا کہ مجھے زیادہ افسوس پاکستان کے حکمرانوں کی بے حسی پر ہے جنہوں نے آج تک اس معاملے میں کھل کر اپنا موقف پیش نہیں کیا۔ چودھری شجاعت حسین نے پانامہ لیکس کے حوالے سے کہا کہ ن لیگ حکومت ٹی او آر پر بات چیت کیلئے سنجیدگی کا مظاہرہ نہیں کر رہی، جماعت اسلامی کے ساتھ ہمارا تعلق آج کا نہیں بلکہ میرے والد چودھری ظہورالٰہی شہید کے دور سے قائم اس دیرینہ تعلق کو ہم مزید آگے بڑھانا چاہتے ہیں۔ چودھری پرویزالٰہی نے میڈیا کے سوالوں کا جواب دیتے ہوئے کہا کہ ہم نے وقت ضائع کیے بغیر ٹی او آر بنائے، مشترکہ ٹی او آر کیلئے حکومت کی جانب سے ابھی تک کمیٹی کے ارکان بھی فائنل نہیں کیے گئے، حکومت کی سوچ اور رویہ کو دیکھتے ہوئے اپوزیشن جماعتیں آئندہ لائحہ عمل مرتب کریں گی۔ وزیراعظم کے خلاف سپریم کورٹ جانے کے حوالے سے سوالوں کے جواب میں انہوں نے کہا کہ اپوزیشن جماعتیں قانونی مشاورت سے ہی فیصلہ کریں گی۔ قبل ازیں امیر جماعت اسلامی سینیٹر سراج الحق نے چودھری شجاعت حسین اور چودھری پرویزالٰہی کی منصورہ آمد اور مولانا مطیع الرحمن نظامی اور دیگر رہنمائوں کی شہادت پر تعزیت اور فاتحہ خوانی پر شکریہ ادا کرتے ہوئے کہا کہ ہم نے ملکی مسائل پر بھی بات چیت کی ہے، پاکستان مسلم لیگ اور جماعت اسلامی کا نقطہ نظر بہت سے معاملات میں یکساں ہے، چودھری شجاعت حسین کی آمد سے ہمیں حوصلہ ہوا ہے، بنگلہ دیش حکومت پاکستان کا ساتھ دینے والوں کو سزائیں بھارت کو خوش کرنے کیلئے دے رہی ہے، پاکستان اس وقت مشکلات سے دوچار ہے، کراچی سے چترال تک غربت، بیروزگاری، بدامنی کا دور دورہ ہے، پانامہ لیکس کا شور ہر طرف ہے۔ انہوں نے کہاکہ متفقہ ٹی او آر پر جلد فیصلہ کیا جائے اور عوام کو حقائق سے آگاہ کیا جائے، کرپشن کے خلاف 25 مئی سے ہم ٹرین مارچ کا آغاز کر رہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)پاکستان دنیا بھر میں صحافیوں کے لئے سب سے زیادہ خطر ناک ملک بن چکا ہے بد قسمتی سے پاکستان میںصحافی انتہائی مشکل ماحول میں کام کررہے ہیں گذشتہ دہائی بہت سے صحافی مارے جا چکے ہیں جو آزادی اظہار کی خلاف ورزی ہے تا ہم حفاظتی ہدایات اور اخیاطی تدابیر پر عمل کرنے سے صحافتی ذمہ داریاں ادا کرنے میں درپیش خطرات کو کم کیا جاسکتا ہے۔میڈیا استحکام اور جمہوریت لانے والی ایک طاقت ہے کیونکہ یہ عوام کو متواز ن اور حقیقی معلومات تک رسائی دے کر اور آزاد معاشرے کے قیام میں اہم کردارادا کرتی ہے ان خیالات کا اظہار اے سی کھاریاں ذوالفقار علی باگڑی نے ضلع گجرات میں سینٹر فارپیس اینڈڈویلپمنٹ انشیٹوز(سی ڈی آئی) کی طرف سے صحافیوں کی حفاظ کے پروگرام کے تحت ورکشاپ سے خطاب کرتے ہوئے کیااس ورکشاپ میںصحافیوں کو آگاہ کیا گیا کہ تحقیقی مطالعہ سے پتا چلتا ہے کہ اس مقصد کے تحت یہ پروگرام صحافیوں کو راہنما ئی فراہم کرنے کیلئے شروع کیا گیا ہے تا کہ وہ جسمانی اور تکینکی ہدایات کے ذریعے اپنے تحفظ کو مقدم رکھ کر اپنے صحافتی فرائض سرانجام دے سکیں بہت سے صحافیوں بالخصوص تنازعہ والے علاقوں سے رپورٹنگ کرنیوالے صحافیوں کو درپیش چیلنجز کا ذکر کیا گیا جنہیںخطرات اور حملوںکا سامنا کرنا پڑتا ہے تربیت کے دوران صحافیوں کو صحافت سے متعلق پاکستان کی بین الاقوامی ذمہ داریاں کے ساتھ ملکی قوانین،صحافیوں کے لئے حقوق وقانونی تحفظ،تجازعات حسایت،صحافی غیر جانبدارای،باہمی رابطوں ،صحافتی فرض کی ادائیگی سے پہلے کی تیاری،موقع پر کرنے والے ضروری کام،واپسی پر رپورٹنگ کرتے وقت جسمانی حفاظت کے پیش نظر رکھے جانے والے اقدامات،صحافتی اخلافیات اور موجودہ دور میں انتہائی اہم سمجھے جانیوالی سائبر سیکورٹی کے تحت اپنی دستاویزات،رابطوں وغیرہ کو انٹر نیٹ،کمپیوٹر،موبائل فون پر محفوظ رکھنے کی تیکنوں کے متعلق انتہائی اہم معلومات سے آگاہ کیا گیا۔ کھاریاں سے سینئرصحافی نصراللہ چوہدری،سیدتنویرنقوی،محمدانور چوہان،گل بخشالوی اور رزاق انصاری نے شرکت کی گجرات اور سرائے عالمگیر سے بھی صحافی شریک ہوئے سینئرصحافی راجہ نو بہار جہلم اور فیصل منیر دینہ نے بہترین انتظامات گئے تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)ممبرقومی اسمبلی حلقہNA107چوہدری عابدرضا کوٹلہ نے گذشتہ روز کھاریاں پارٹی آفس میں پرہجوم پریس کانفرنس سے خطاب کرتے ہوئے کہا کہ سروس روڈ کھاریاں کے شہریوں کا دیرینہ مسئلہ تھا جو کہ حل ہوچکا ہے اس کے لئے20کروڑ روپے کے فنڈزNHAنے رہلیز کردئیے ہیں جلد ٹینڈر بھی لگ جائے گا2008سے اس مسئلہ کے حل کے لئے کوشاں تھا آج اللہ تعالیٰ کے فضل وکرم سے سرخرو ہوا ہوں کام پر یقین رکھتا ہوں نمائش کو ہرگز پسند نہیں کرتا حلقہ میں اربوں روپے کے ترقیاتی کام جاری ہیں اور اسی طرح کھاریاں میں ترقیاتی کام ہورہے ہیں آج تک پریس کانفرنس پہلے کبھی نہیں کی یہ کھاریاں کے عوام کا دیرینہ مسئلہ تھا جو کہ حل ہوا ہے تھپلہ سے لیکر کھاریاں کینٹ سٹاپ تک ساڑھے4کلو میٹر تک سروس ورڈ میں تعمیر ہوں گی اس منصوبہ کے سامنے آنیوالی رکاوٹوں کا بھی پہلے سے ہی سدباب کرلیا گیا ہے لیز پر حاصل کی گئی کسی بھی پراپرٹی کو نہیں چھیڑا جائے گا جبکہ تجاوزات کیخلاف ضرورآپریشن ہوگا تا کہ سروس روڈ مکمل ہوگئے اس کے ساتھ ساتھ گورنمنٹ گرلز کالج کھاریاں کے اضافی بلاک کے لئے ساڑھے9کروڑ روپے منظور ہوچکے ہیں انشاء اللہ جلد دو فلائی اوور بھی جی ٹی روڈ کھاریاں پر ایک گلیانہ روڈ چوک تا ڈنگہ روڈ چوک اور دوسرا کچہری کے سامنے تعمیر ہوگا اس منصوبہ کے لئے بھی تقریباً26کروڑ روپے کا تخمینہ لگایا گیا ہے آئندہ بجٹ میں یہ بھی شامل ہونگے چوہدری عابدرضا کوٹلہ نے مزید کہا کہ صحافی میری آنکھیں ہیں آپ کی نشاندہی پر مسائل کے حل کے لئے بہتر انداز کام کرسکوںگا ۔اس موقع پرمسلم لیگ ن کھاریاں مقامی راہنمائوں کی بڑی تعداد موجود تھی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)صحافی ڈاکٹر ذکاء اللہ صدیق(پرنسپل دارالسلام ہائی سکول کھاریاں) کی والدہ محترمہ گذشتہ روز رضائے الٰہی سے وفات پا گئیں موضع ڈوگہ تہال میںسینکڑوں سوگواروں کی موجودگی میں سپرد خاک کردیا گیا نماز جنازہ میں معززین علاقہ اورصحافی برادری کی بڑی تعداد موجود تھی نمازجنازہ ڈاکٹر ذکاء اللہ صدیق نے خود پڑھائی۔ نمایاں طور پر چیئرمین یوسی ڈوگہ ملک محمداشفاق اعوان،سیدضیاء اللہ شاہ ایڈووکیٹ سابق امیدوار صوبائی اسمبلی حلقہPP115،چوہدری عرفان احمدصفی لالہ موسیٰ(سابق نائب ناظم)،سید فیاض شبیر شاہ،ڈاکٹر خالد محمود ثاقب،چوہدری محمدغیاث،طارق محمود ثاقب،سینئرصحافی نشان علی سجاد،چوہدری محمدیوسف سونو،چوہدری امجد شہباز ایڈووکیٹ،پروفیسر عابد مغل،صحافی نصراللہ چوہدری،صحافی انعام مرزا،صحافی سیدتنویرنقوی،صحافی اعجاز مرزا،صحافی راجہ آفتاب ٹھوٹھہ رائے بہادر،صحافی جبارساگر،صحافی ایم عمر،صحافی قربان گجر،صحافی زمان احسن،صحافی عبدالعزیز گوندل،صحافی قیصر اسماعیل نصیرہ،صحافی عزیز الرحمن مجاہد،عبدالوحید گلیانہ،محمداشفاق بھٹی نصیرہ،شہزا داحمد غنی(نساء کالج)،ماسٹرادریس کنجیال،ملک احسان الٰہی ڈوگہ،ملک عمران ڈوگہ،ملک ضیاء اللہ ڈوگہ،ڈاکٹر منیر ملک،وقاص علی،ملک خضرحیات پنڈی ہاشم،تنویر گوندل کھاریاں،وقاص علی،محمداختر،مولانا وسیم عباس پنجوڑیاں،رانا محمداقبال کھاریاں،رانا عدنان کھاریاں،احسن علی،محمدنسیم،ولید عبداللہ،حاجی فضل حسین،حافظ اسد اقبال،ثناء اللہ مجاہد،تنویر احمد،راجہ محمدعارف،خرم شہزاد،عامر شہباز،چوہدری محمد اختر،ثقلین حبیب،وقاص عارف،قاسم علی سمیت دیگر نے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)ذوالفقار علی باگڑی اسسٹنٹ کمشنر کھاریاںکا ڈنگہ شہر کا دورہ کیا۔TMAہال ڈنگہ میں رمضان بازار کے سلسلہ میں انجمن تاجران ڈنگہ ، کریانہ ایسوسی ایشن ، مٹن ، بیف ، چکن اورسبزی فروشوں کے نمائندگان کے ساتھ ملاقات کی۔ اور بوہڑ چوک ڈنگہ میں رمضان کے لیے جگہ کا معائنہ کیا۔ تمام تاجر نمائندگان نے اپنے بھرپور تعاون کا وعدہ کیا اور کہا کہ انشاء اللہ تعالیٰ حکومت پنجاب کی ہدایت کے مطابق رمضان بازار وں کو کامیاب بنایا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)اسسٹنٹ کمشنر کھاریاں ذوالفقار علی باگڑی نے سول ہسپتال کھاریاں میں پولیو مہم کے سلسلے میں ہمراہ آفیسران محکمہ صحت میٹنگ کی اور جاری شدہ پولیو مہم کی کارگزاری کا جائزہ لیا۔ جس میں شامل سرکاری ملازمین کو ہدایت کی کہ وہ دیانت داری سے اس مہم کو کامیاب بنائیں اور گھر گھر جاکر بچوں کو پولیو کے حفاظی قطرے پلائیں ۔ نیز لاری اڈا ، ریلوے اسٹیشن پر قائم مراکز پر بھی احسن طریقے سے ڈیوٹی سرانجام دیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)پرانی رنجش کاشاخسانہ نوجوان کوگھرسے بلا کربے دردی کے ساتھ قتل کردیا گیا۔ملزما ن لرزہ خیزواردات کے بعدفرارہونے میںکامیاب ہوگئے۔گزشتہ رات محلہ سچراں کارہا ئشی 26سالہ اسراراحمدگھرپر موجودتھاکہ لقمان عرف مانی نے فون کال کرکے اسے باہر بلا کرکہا کہ تم پولیس کومیرے بارے مخبری دیتے ہوجس پردونوںکی آپس میںتوتکرار ہوگئی جوملزمان لقمان عرف مانی ،ملک نصراورایک کس نامعلوم نے اسراراحمدپراپنے دستی پسٹل سے فائرکھول دیا جس کے نتیجہ میںوہ زمین پرگر گیا۔سفاک ملزمان نے غصہ کی آگ کوٹھنڈاکرنے کے لئے مضروب اسراراحمدکوپے درپے خنجرکے وارکرکے پیٹ چاک کردیا۔زخموںکی تاب نہ لاتے ہوئے زخمی نوجوان ہسپتال لے جاتے ہوئے راستے میںدم توڑگیا۔قتل کی لرزہ خیزواردات کے بعدعلا قہ میںخوف وہراس پھیل گیا۔تھانہ سٹی پولیس نے مقتول کے والدشیخ ریاض احمدکی تحریری درخواست پرزیردفعہ 302/34ت پ مقدمہ درج کرکے ملزمان کی گرفتاری کے لئے چھا پے مارنا شروع کردیئے ہیں۔تاحال کوئی گرفتاری عمل میںنہ آسکی ہے۔لواحقین نے نوجوان قتل کوخون ناحق قراردیتے ہوئے وزیراعلیٰ پنجاب ،آئی جی پولیس پنجاب سے مطا لبہ کیا ہے کہ واقعہ میںملوث ملزمان کوگرفتارکرکے کیفرکردار تک پہنچایا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)مسلم لیگ(ن)کے ایم پی اے چوہدری شوکت منظور چیمہ کے زیر استعمال گیپکو سب ڈویثرن نمبر1 کے بجلی بل جمع ہیں۔انکی رہائش گاہ منظور آباد میں اکاونٹ نمبر22-12231-1572700 بنام چوہدری منظور چیمہ حال صارف ممبر صوبائی اسمبلی شوکت منظور چیمہ کے ذمہ26924 روپے بقایا جات چلے آرہے تھے جن میں سے 14507روپے بقایا جات ہیںجبکہ انکے بھائی یونین ناظم خالد منظور چیمہ کے اکاونٹ نمبر22-12231-1572905 کے واجبات38095 روپے2 مئی ایچ بی ایل گکھڑ میں جمع شدہ ہیں۔معلوم ہوا ہے کہ شوکت منظور چیمہ کرنٹ بل کی بجائے اکثر اوقات سابقہ بل ہی مقررہ تاریخ گزرنے کے بعد بل جمع ہوتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)رقم کے لین دین کے جھگڑا پر فائرنگ کے نتیجہ میں دوکان دار سمیت دو افراد زخمی،بکر گلہ میں پیسوں کے معاملہ پر توتکرار کے بعدکوچہ نامی شخص نے اپنے دیگر ساتھیوں کے ہمراہ زدوکوب اور فائرنگ کرکے دوکاندار خرم اور اُس کے بھائیوں کو زخمی کردیا جبکہ دوسرے فریق نے موٹر سائیکل کو آگ لگا دی تھانہ سٹی پولیس مصروف تفتیش ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)ممتازعالم دین قاری عامرچشتی نے کہا ہے کہ تمام مسائل کاحل تعلیمات اسلا می پرعمل پیراہونے میںپوشید ہ ہے۔انجمن گدائے مدینہ اورانجمن طلباء اسلا م کے زیراہتمام مسجدانوارمدینہ محلہ لکڑمنڈی میں محفل شب بیداری منعقد ہوئی جسکی صدارت ضلعی فنانس سیکرٹری اے ٹی آئی اپنا عمررضا نے کی۔اس موقع پرجمشیدمغل،سعید گوندل،اویس مغل،عاقب مہر ،فیاض مغل،شعیب،کاشف نے بھی خطاب کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)ینجنگ ڈائریکٹردارارقم سکولزمحمدیابسین خاںنے کہا ہے کہ تعلیم سے وابستہ لوگ ملک وقوم کی ترقی کے ضامن ہوتے ہیں۔نظام تعلیم کووطن عزیزسے ہم آہنگ کرنے کرنے کی بجا ئے سیکولرازم کی راہ پرگامزن کرنے کی سازش ہورہی ہے۔بچوںکوتعلیم کے ساتھ ساتھ اچھی تربیت کے لئے اچھے اداروںکاانتخاب ضروری ہے۔وہ دارارقم سکولزکے ریجنل ڈائریکٹرکانفرنس سے خطاب کررہے تھے۔اس موقع پرعلی رضا،شیخ امتیازاحمد،توصیف الرحمان،یحییٰ رشید ،صابر حسین بٹ، سہیل بشیر،عمران مرزا،ملک اظہرمحمود،فیصل پرا چہ،شہزاداحمد،حافظ ساجد اقبا ل،چوہدری محمدشوکت،یحییٰ عبدالعزیز سمیت متعددذمہ داران موجودتھے۔انہوںنے کہا کہ بچے مستقبل کاسرمایہ ہیںجدیداندازمیںنشوونماضروری ہے۔ہم مسلمان اورتعلیم وتربیت کی پندرہ سوسالہ پرانی نسبت دارارقم کوجاری رکھے ہوئے ہیںاورکوشش کرینگے کہ معاشرے کوباشعوراورجدیدعصری تقاضوںسے ہم آہنگ قیادت فراہم کرسکیں۔انہوںنے کہا کہ تعلیم کوفروغ دیئے بغیرترقی ممکن نہیں۔نظریاتی طورپرمضبوط قوم ہی ملک کے محفوظ مستقبل کی ضامن ہے۔قرآنی علوم اورجدیداسلوب کے باہمی امتزاج سے ہی نسل نوعصری تقاضوںسے ہم آہنگ کیا جاسکتا ہے۔اس موقع پر گزشتہ کارکردگی کاجائزہ لیا گیا اورنئی منصوبہ بندی کی گئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)ٹی ایم اے انتظامیہ نے بے حسی کی انتہا کر دی،محلہ حاجی پورہ سیالکوٹ روڈ گلی طاہروزیرآبادی والی میں سیوریج کا گندہ پانی مکینوں کے گھروں میں داخل ہو گیا ہے مگر ٹی ایم اے انتظامیہ نے معنی خیز خاموشی اختیار کر رکھی ہے خواتین،بچوں اور بزرگ نمازیوں کا گھروں سے نکلنا ناممکن ہو چکا ہے سیالکوٹ روڈ کو ملانے والی یہ واحد گزرگاہ ہے جہاں سے روزانہ ہزاروں افراد اپنے کام کاج کیلئے گزر ہوتا ہے اہل علاقہ نے احتجاج کرتے ہوئے اسسٹنٹ کمشنر و ایڈمنسٹریٹر محمد انور بریا سے رحم کی اپیل کرتے ہوئے کہنا ہے کہ موصوف جہاں شہر کی خوبصورتی میںاہم کردار ادا کررہے ہیں وہی ہمیں بھی اس عذاب سے نجات دلانے کیلئے اقدامات کریں۔( ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)شب برات پر اہل اسلام رات بھرمساجد میںگرہ و آزاری کرتے رہے سارا شہر پٹاخوں کی گن گرج سے گونجتا رہا،منچلے نوجوان اودھم مچاتے اور پٹاخے چلا کر ہلکے دھماکے کر کے حلق خدا کی عبادات میں رخنہ ڈالتے رہے،رحمتوں والی رات مقامی پولیس انتظامیہ کیلئے حقیقی معنوں میںرحمت اور کمائی کا زریعہ بن گئی نظام آبا،محلہ سیٹھاںسمیت شہر کے دیگر علاقوں سے تھانہ صدر کے سادہ لباس پولیس اہلکاروں نے آتش بازی کرنے اور سامان فروخت کرنے والے درجنوں افراد کو موقع پرپکڑ کر خوب داد وصول کرکے چھوڑ دیا جبکہ آتش بازی کا سامان پٹاخے پھلجھڑیاںبحق سرکار ضبط کر کے اپنے بچوں کی شب برات رنگین بنانے کیلئے ہمراہ لے گئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) گورنمنٹ گرلز ہائی سکول دھونکل میں تیز آندھی کے باعث سفیدے کا درخت گر نے سے چھٹی جماعت کی انچارج نور فاطمہ شدید زخمی ہونے کی وجہ سے بے ہوش ہو گئی ۔مضروبہ کو فوری طور پر ہسپتال منتقل کر دیا گیا ۔ گورنمنٹ گرلز ہائی سکول دھونکل میں موسم اچھا ہونے کے باعث مذکورہ استانی نے اپنی جماعت صحن میں درخت کے نیچے لگا رکھی تھی کہ اچانک تیز آندھی چلنے سے سفیدے کے درخت کا کچھ حصہ ٹوٹ کر نیچے گر گیا جو کہ استانی کے سر پر آلگا اور وہزخمی ہوگئی جسے فوری طور پر قریبی ہسپتال میں منتقل کیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)آل پاکستان کٹلری مینوفکچرز اینڈ ایکسپورٹرز ایسوسی ایشن کے وائس چیئرمین چوہدری محمد عارف سعید،سابق چیئرمین بائو سجاد،بلال بھٹہ،ندیم عبداللہ وڑائچ ،خواجہ عزیرو دیگر عہدیدران نے وفاقی بجٹ پر اظہار خیال کرتے ہوئے مطالبہ کیا کہ وفاقی بجٹ مالی سال2016/17 میں کاٹیج کٹلری انڈسٹری پر مختلف ٹیکسوں کی شرح میں مناسب کمی کی جائے تاکہ یہ انڈسٹری بھی اپنے پائوں پر کھڑی ہوسکے،پٹرولیم مصنوعات کی قیمتوں کو مستحکم رکھا جائے توانائی بحران پر قابو پانے کیلئے ترجیحی بنیادوں پر بجٹ میںاعلان اور فنڈز مختص کئے جائیں بجلی کی پیداوار کیلئے پہلے سے زیادہ ٹھوس اقدامات کئے جائیں کیونکہ لوڈ شیڈنگ نے کٹلری انڈسٹری کی کمر توڑ کر رکھ دی ہے مسلم لیگ(ن) حکومت سے تاجروں نے کافی امیدیں وابسطہ کر رکھی ہیں وفاقی بجٹ میں معاشی اصلاحات وقت کی اہم ضرورت بن چکی ہیںغیر ملکی سرمایہ کاری رکنے اور برآمدی آڈر پورے نہ ہونے سے زرمبادلہ میں کمی واقع ہوگئی ہے جس کی بڑی وجہ توانائی کا بحران ہے اس سے ہی مہنگائی کا گراف بھی بلند ہوجاتا ہے۔
نیشنل پیس کونسل اور 61 ونگ عبداللہ شاہ غازی رینجرز سندھ کے اشتراک سے کرکٹ میچ کا انعقاد
گجرات کی خبروں کی تصویری جھلکیاں
