گجرات (جی پی آئی) ڈسٹرکٹ سپورٹس آفیسر ندیم حسین بٹ نے کہا ہے کہ کھیلوں کے فروغ کیلئے دن رات بھرپور کام کر رہے ہیں۔ وہ گزشتہ روز اپنے آفس میں پر ہجوم پریس کانفرنس سے خطاب کر رہے تھے۔ انہوں نے کہا کہ ضلع گجرات میں گزشتہ سال کے دوران درجنوں سپورٹس ایونٹ کا انعقاد کیا گیا جن میں کھلاڑیوں نے بڑھ چڑھ کر حصہ لیا اور بچوں کو آگے بڑھنے کا موقع ملا۔ انہوں نے کہا کہ ڈی سی او گجرات لیاقت علی چٹھہ کی سربراہی میں سپورٹس کی ترقی کیلئے کام کر رہے ہیں۔ شہباز شریف پارک میں بھی کھیلوں کے فروغ کیلئے کام ہو رہا ہے اپنے ساتھیوں کے تعاون سے اس مشن کو آگے بڑھائوں گا گجرات کی صحافی برادری بھی اس سلسلہ میں بھر پور تعاون کرتی ہے۔ اور کھیلوں کے فروغ کو یقینی بنایا جا رہا ہے۔ اور کھیلوں کے ایونٹس کو بھر پور کوریج دی جاتی ہے۔ جس کیلئے ہم گجرات کی صحافی برادری کے بے حد شکر گزار ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈسٹرکٹ سپورٹس آفیسر ندیم بٹ نے گزشتہ روز ڈویژن سپورٹس کمپلیکس کھاریاں کا دورہ کیا جہاں پر لیفٹیننٹ کرنل راشد محمود اور میجر عبدالمنان سے ملاقات کی۔’ انہیں ڈویژن سپورٹس کمپلیکس میں فراہم کی جانے والی سہولیات بارے بتایا۔ جہاں پر بہت بڑا ٹینس گرائونڈ سکوائش کورٹ’ سوئمنگ پول’ جمنازیم کی سہولت فراہم کی گئی ہے۔ لیفٹیننٹ کرنل راشد محمود نے بتایا کہ اس کمپلیکس میں مارشل آرٹس کا سنٹر بھی شروع ہو جائے گا۔ ڈسٹرکٹ سپورٹس آفیسر ندیم بٹ نے انہیں گجرات میں سپورٹس کی ایکٹیویٹی بارے بریفنگ دی اور بتایا کہ گجرات میں سپورٹس کے ایونٹس کو بھر پور پذیرائی مل رہی ہے۔ اور ہم کھیلوں کے فروغ کیلئے بھر پور طریقہ سے کام جاری رکھیں گے۔ اور پاکستان آرمی کے اشتراک سے کھاریاں کینٹ میں سپورٹس ایونٹ کا انعقاد کیا جائے گا۔ انکے ہمراہ ممبران سپورٹس کمیٹی ڈاکٹر رزاق احمد غفاری’ مارشل آرٹ انسٹرکٹر راشد بٹ ‘ خالد کے کے بھی تھے۔ میجر عبدالمنان کی طرف سے وفد کیلئے ظہرانے کا بھی اہتمام کیاگیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈی پی او گجرات سہیل ظفر چٹھہ نے کہا کہ جرائم پیشہ افراد کے دل میں پولیس کا خوف ہونا چاہئے اور شریف اور پر امن شہریوں کے دل میں احترام ۔ وہ گزشتہ روز صحافیوں سے گفتگو کر رہے تھے۔ انہوں نے کہا کہ ہم گجرات کے عوام کی بہتری اور حفاظت کیلئے بھر پور طریقہ سے اقدامات کر رہے ہیں۔ اور پولیس افسران تفتیش کے نظام کو بہتر بنائیں گے۔ پولیس اور عوام کے درمیان رابطے کو بہتر بنایا جائے گا۔ ڈی پی او گجرات نے کہا کہ صحافیوں کو تمام معلومات بروقت فراہمی کیلئے اقدامات کئے جائیں گے۔ انہوں نے کہا کہ گجرات پولیس کے جوان اور افسران محنتی ہیں اور انکی مدد سے جرائم پر قابو پانے میں مدد ملے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) زمانہ جہالت کی مثال زندہ ہو گئی۔ پیسے کی خاطر سنگدل باپ نے معصوم بیٹی کو موت کے گھاٹ اتار دیا۔ تفصیلات کے مطابق تھانہ ککرالی کے موضع جھکڑ کے رہائشی شہباز جو کہ بیروزگاری سے تنگ تھا اور لوگوں سے ادھار لے کر گزارا کر رہا تھا جس پر لاکھوں روپے ادھار تھا۔ 16 اگست کو رندھیر گائوں کے قریب پولیس کو سکول یونیفارم میں ملبوس ایک بچی کی نعش نہر سے ملی۔ اور بذریعہ وائرلیس ضلع بھر میں اطلاع کی گئی۔ بچوں کے اغواء کی افواہوں کی وجہ سے عوام میں خو ف و ہراس پھیل گیا۔ پولیس نے نعش کے ورثاء کی تلاش شروع کر دی تھانہ ککرالی میں بچی کی نعش کو شہباز نامی شخص نے شناخت کر لیا ۔ لیکن پولیس کو بچی کے باپ پر شک گزرا تو تفتیش کا سلسلہ شروع کر دیا گیا۔ دوران تفتیش بچی کے والد نے اس بات کا اعتراف کیا کہ اس نے بچی کو خود ہی نہر میں پھینک دیا۔ لوگوں کی ہمدردیاں اور حکومتی امداد کیلئے بچی کو قتل کیا ۔ ڈی پی او گجرات سہیل ظفر چٹھہ نے کہا کہ ایسے سنگ دل شخص جس نے اپنی بیٹی صبیحہ کو سکول چھوڑنے کے بہانے گھر سے لے جا کر قتل کر دیا کے خلاف مقدمہ درج کر لیا گیا اور بچی کی والدہ نے خاوند ہونے کی وجہ سے اپنے میاں کو معاف کرنے کا ارادہ کیا لیکن ہم نے مقدمہ سرکار کی مدعیت میں درج کیا ہے ۔ کسی شخص کو قتل کرنا بہت بڑا جرم ہے اور ہم اس کو کیفر کردار تک پہنچائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) گجرات یا پنجاب میں کہیں بھی انسانی اعضاء کی فروخت کا کاروبار نہیں ہو رہا۔ ڈی پی او گجرات سہیل ظفر چٹھہ نے پریس کانفرنس سے خطاب کرتے ہوئے کہا کہ کچھ لوگ بچوں کے اغواء کی افواہیں پھیلا کر لوگوں میں خوف و ہراس پیدا کر رہے ہیں۔ جن میں کوئی صداقت نہیں ہے۔ اور ابھی تک کوئی بھی ایسا واقعہ ثابت نہیں ہوا جس میں بچوں کے اغواء کا معاملہ سامنے آئے۔ جو واقعات بچوں کے غائب ہونے کے ہو ئے ہیں ان میں بچے والدین کے جھگڑوں یا غربت کی بدولت اپنی مرضی سے گھر چھوڑ کر جاتے ہیں ۔ جو کہ لاہور داتا صاحب یا ریلوے اسٹیشن سے مل رہے ہیں۔ ہم پولیس افسران کو اس بات کے پابند بنا رہے ہیں کہ وہ سکولوں میں جائیں اور بچوں اور والدین اور انکے ساتھ ساتھ اساتذہ کو آگاہ کریں کہ بچوں کے اغواء کی وارداتوں میں کوئی صداقت نہیں۔ ۔ پولیس عوام کے تحفظ کیلئے بھر پور طریقہ سے کوشاںہے اور عوام کو چاہئے کہ قانون کو ہاتھ میں نہ لے۔ بلکہ کہیں پر بھی اگر کہیں قانون شکنی نظر آئے تو فوری طور پر پولیس کو آگاہ کرے۔ ڈی پی او گجرا ت نے میڈیا سے تعاون کی اپیل کی کہ وہ عوام میں شعور بیدار کریں تاکہ خوف و ہراس میں کمی ہو سکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) جامعہ گجرات کے انسٹی ٹیوٹ برائے ہوٹل و ریسٹورنٹ مینجمنٹ کے بورڈ آف سٹڈیز کا ایک اہم اجلاس وائس چانسلر سیکرٹریٹ کے کانفرنس روم میں منعقد ہوا ۔جس کی صدارت ڈین فیکلٹی برائے مینجمنٹ و ایڈمنسٹریٹو سائنسز ڈاکٹر ندیم صفوان نے کی۔ اس اجلاس میںIHRMکے شعبہ میں BSہاسپیٹلٹی مینجمنٹ کے چار سالہ پروگرام کے اجراء کے لیے بنیادی معاملات کا جائزہ لیا گیا۔ جامعہ گجرات کےIHRMکے زیراہتمام ایسوسی ایٹ ڈگری برائے ہوٹل و ریسٹورنٹ کے شعبہ میں اپنی خدمات سرانجام دے رہے ہیں۔ اس اجلاس میں اکڈیمک ڈائریکٹرIHRMیاسر علی، ایسوسی ایٹ پروفیسرFMASڈاکٹر غلام علی بھٹی، جنرل مینجر جیوسن ہوٹل سیالکوٹ قمر عباس، ڈائریکٹر اکبر کنارہ منظم چوہدری، ایاز نورانی، محمد صفوان صدیقی، ذوالفقار علی، عائشہ اختر، قاسم رضا، عثمان تحسین اور اے ڈبلیو طور نے شرکت کرتے ہوئےBSچار سالہ پروگرام کے مختلف پہلوئوں کا جائزہ لیا اور اس سلسلہ میں اپنی مفید تجاویز و تجزیے پیش کرتے ہوئے جامعہ گجرات میں اس پروگرام کا اجراء کرنے کی بھرپور تائید کی۔ شرکاء نے کہا کہ ہوٹل و ریسٹورنٹ کے شعبہ کو دنیا بھر میں ایک انڈسٹری کی حیثیت حاصل ہو چکی ہے اور اس شعبہ میں ہیومن ریسورس کی کمی کو پورا کرنے کے لیے جامعہ گجرات کاIHRMاعلیٰ خدمات سر انجام دے رہا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) سیکرٹری اوقاف پنجاب نوازش علی نے دریائوں اور برساتی نالوں میں ممکنہ سیلاب سے بچائو کیلئے ضلعی انتظامیہ کی طرف سے اٹھائے گئے اقدامات پر اطمینان کا اظہار کیا ہے اور ہدایت کی ہے کہ کسی بھی ہنگامی صورتحال میں ریسکیو اور ریلیف سرگرمیوں کے لئے تمام محکمے الرٹ رہیں، سو فیصد مشینری کو چالو حالت میں رکھا جائے، محکمہ انہار حفاظی پشتوں کو مضبوط بنانے کیساتھ وافر مقدار میں اضافی پتھر کا انتظام یقینی بنائے ، ٹی ایم ایز بھی سیوریج نالوں کی صفائی یقینی بنائیں۔ ان خیالات کا اظہار انہوںنے وزیر اعلی پنجاب کی ہدایت پر گجرات میں سیلاب سے بچائو کے انتظامات کا جائزہ لینے کیلئے دریائے چناب کے کوٹ پتواں حفاظتی بند کے دورہ اور ڈی سی او آفس میںاہم اجلاس سے خطاب کرتے ہوئے کیا، ڈی سی او لیاقت علی چٹھہ، ڈی او سی نواز گوندل، اے سی ذوالفقار علی باگڑی، ایکسئین انہار سید قلب عباس ، ٹی ایم او خرم محمود، ڈی او ریسکیو 1122حافظ عبدالرشید،ڈی او سپورٹس ندیم بٹ، اور دیگر افسران نے شرکت کی۔ڈی سی او لیاقت علی چٹھہ نے سیلاب سے بچائو کے اقدامات بارے بریفنگ دیتے ہوئے سیکرٹری اوقاف کو بتایا کہ ضلع گجرات میں سیلاب کی صورت میں متاثرین کو محفوظ مقامات پر منتقل کرنے کیلئے 25ریلیف کیمپ قائم کرنے کیلئے انتظامات مکمل ہیں ،محکمہ صحت کے پاس کسی بھی ہنگامی صورتحال سے نمٹنے کے لئے وافر مقدار میں ادویات موجود ہیں، سیلاب کی صورت میں متاثرہ علاقوں میں پھنسے افراد کو نکالنے کے لئے ریسکیو1122کے پاس7جدید کشتیاں167لائف جیکٹس اور 8غوطہ خور موجود ہیں جبکہ پرائیویٹ سیکٹر میں بھی 13کشتیوں کا انتظام ہے ۔ انہوںنے بتایا کہ ہلال احمر اور ریسکیو 1122کے پاس ٹینٹ، پلاسٹک میٹ اور دیگر ضروری اشیاء بھی سٹاک میں موجو د ہیں۔ انہوںنے کہا کہ محکمہ آبپاشی کے تمام حفاظی بندوں پر کام بڑی حد تک مکمل کیا جا چکا ہے تاہم اضافی پتھر سٹاک کرنے کیلئے مشکلات درپیش ہیں ۔ انہوںنے کہا کہ لائیو سٹاک ڈیپارٹمنٹ کے پاس 5موبائل ڈسپنسریاں موجود ہیں جبکہ محکمہ نے ضلع بھر میں لائیو سٹاک کی ویکسینیشن کا عمل مکمل کر لیا ہے جس کی تھرڈ پارٹی آڈٹ میں تصدیق بھی ہوئی ہے جبکہ سیلاب کی صورت میں متاثرہ علاقوں میں جانوروں کو فراہمی کے لئے وافر مقدار میں ونڈے کا بھی انتظام ہے۔سیکرٹری اوقاف نے ہدایت کی کہ محکمہ انہار دریائوں اور برساتی نالوںکے ساتھ تجاوزات کا خاتمہ اور نئی تعمیرات کی روک تھام یقینی بنائے۔ڈی سی او لیاقت علی چٹھہ کی نشاندہی پر سیکرٹری اوقاف نے ہدایت کی کہ محکمہ انہار سرخپور بند اصل نقشہ کے مطابق بحال کریں جبکہ کوٹ پتواں بند کے متاثرہ حصہ کی تعمیر کی جائے۔انہوںنے کہاکہ اضافی پتھر کے سٹاک کی فراہمی کیلئے مشکلات کا معاملہ وہ سیکرٹری آبپاشی کے نوٹس میںمعاملہ لائیں گے۔ انہوںنے ٹی ایم ایز پر زور دیا کہ کالرہ ڈرین کی طرح شاہ حسین ڈرین کی صفائی کے لئے بھی جامع پلان بنایا جائے ۔ سیکرٹری اوقاف نے 2014کے سیلاب کے بعد شہریوں کے جان و مال کی حفاظت ، ریسکیو اور ریلیف کے لئے بہتر اقدامات کرنے پر ڈی سی او لیاقت علی چٹھہ اور انکی ٹیم کی کارکردگی کو سراہا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) سیکرٹری اوقاف پنجاب نوازش علی نے ڈی سی او لیاقت علی چٹھہ کے ہمراہ شہباز شریف پارک کا دورہ کیا اور گجرات کے شہریوںکو بہتر تفریحی سہولیات کی فراہمی کیلئے حکومت پنجاب کے اس میگا پراجیکٹ کا جائزہ لیا، ڈی او ریسکیو 1122حافظ عبدالرشید،ڈی او سپورٹس ندیم بٹ، ڈسٹرکٹ انفارمیشن آفیسر سید وقار نقوی، چوہدری قدیر حسین بھی انکے ہمراہ تھے۔ ڈی سی او لیاقت علی چٹھہ نے سیکرٹری اوقاف کو بتایا کہ92ملین روپے لاگت سے شہباز شریف پارک کا بیشتر کام مکمل کر لیا گیا ہے جبکہ پبلک پرائیویٹ پارٹنر شپ کے تحت پارک کے ساتھ ریسٹوران اور جائے لینڈ کے قیام کا منصوبہ منظوری کیلئے حکومت کو بھجوایا جاچکا ہے۔ انہوںنے بتایا کہ شہباز شریف پارک میںعیدالفطر کے دوران عید میلہ کا انعقاد کیا گیا تھا جس میں ساڑھے 4لاکھ سے زائد افراد نے سیر و تفریح کیلئے پارک کا رخ کیا۔ انہوںنے بتایا کہ پارک میں کرکٹ گرائونڈ بھی بنائی گئی ہے جس میں روزانہ بڑی تعداد میں نوجوان کھیلنے کیلئے آتے ہیں۔ سیکرٹری اوقاف پنجاب نے شہباز شریف پارک کے قیام کے منصوبے کو سراہا اور اس امید کا اظہار کیا کہ حکومت پنجاب کے اس میگا پراجیکٹ سے اہل گجرات اور نواحی اضلاع کے عوام اس پراجیکٹ سے بھرپور مستفید ہوتے رہیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈی سی او لیاقت علی چٹھہ نے کہا ہے کہ 90ملین روپے کی لاگت سے ای لائبرئری کے قیام کا منصوبہ جون 2017 تک مکمل کر لیا جائے گا، ای لائبرئری کے ساتھ آرٹس کونسل ہال اور گجرات کے دانشوروں اور ادیبو ں کیلئے گوشہ ادب بھی قائم کیا جائیگا۔ ان خیالات کا اظہار انہوںنے ای لائبرئری کے تعمیراتی کام کے معائنہ کے موقع پر بات چیت کرتے ہوئے کیا ، مختلف محکموں کے افسران بھی اس موقع پر موجود تھے۔ ڈی سی او لیاقت علی چٹھہ نے کہا کہ عزیز بھٹی شہید ہسپتال کے باالمقابل سپورٹس جمنزیم سے منسلک اراضی پر ای لائبرئری بلڈنگ کی تعمیر پر مجموعی طور پر 30ملین روپے خرچ ہوں گے جبکہ یہاںجدید کمپوٹرز، انٹرنیٹ اوردیگر جدید سروسز کی فراہمی پر 60ملین روپے اخراجات کا تخمینہ ہے۔ انہوںنے بتایا کہ ای لائبریری میں فراہم کی جانیوالی جدید ترین سہولیات سے طالب علم، ریسرچ سکالرز بھرپور طریقے سے مستفید ہو سکیں گے اور دنیا بھر کے نامور مصنفین اور محقیقین کی کتابیں اور مقالہ جات انہیںبلامعاوضہ دستیاب ہو سکیں گی۔ ڈی سی او لیاقت علی چٹھہ نے کہا کہ ای لائبرئری بلڈنگ کی پہلی منزل پر آرٹس کونسل ہال تعمیر کیا جائے گا جس میںمختلف ثقافتی پروگراموں، تقریبات اور نمائشوں کا انعقا د اور مقامی ثقافت کو بہتر طریقے سے اجاگر کیا جاسکے گا ۔انہوںنے بتایا کہ گوشہ ادب کے قیام کا مقصد گجرات کے ادیبوں کو ایک پلیٹ فار م مہیا کرنا ہے جہاں وہ نہ صرف جدید ادبی تخلیقات بارے آگاہی حاصل کرسکیں گے بلکہ مقامی سطح پر تخلیق کئے جانیوالے ادب کے بارے میں بھی بحث مباحثے کر سکیں گے ، گوشہ ادب سے منسلک دانشور اور ادیب گجرات کے تھنک ٹینک کی حیثیت سے بھی کام کریں گے۔ڈی سی او لیاقت علی چٹھہ نے بلڈنگز ڈیپارٹمنٹ کے افسران کو ہدایت کی کہ ای لائبرئری کے منصوبے کی بروقت تکمیل یقینی بنائیں اور واضع کیا کہ ناقص کوالٹی میٹریل کسی صورت بھی برداشت نہیں کیا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) کڈنی سنٹر گجرات کی تعمیر کا کام 15ستمبر تک مکمل کر کے گردے کے امراض میںمبتلا مریضوں کو ڈائیلسزکی سہولیات کا باقاعدہ آغاز کر دیا جائے گا ، یہ فیصلہ ڈی سی او لیاقت علی چٹھہ کی زیر صدارت کڈنی سنٹر کے بورڈ آف گورنرز کے اجلاس میں کیا گیا ای ڈی او فنانس چوہدری اصغر،صدر چیمبرا ف کامرس و ڈویلپمنٹ کمیٹی میاں اعجاز ، حاجی اورنگزیب بٹ، نثارالدین ساجد راٹھور، چوہدری اکرم، نواز ریحانیہ، انجینئر قمر و دیگر بھی موجود تھے۔ ممبران نے بلڈنگ کے تعمیراتی کا م کا بھی معائنہ کیا جبکہ انہیںابتک وصول ہونیوالے عطیات اور اخراجات بارے بھی آگاہ کیا گیا۔ ڈی سی او لیاقت علی چٹھہ نے بتایا کہ کڈنی سنٹر کیلئے 25ڈائیلسز مشینوںکی خریداری اور واٹر فلٹریشن پلانٹس کی خریداری کیلئے ادائیگی کی جاچکی ہے عمارت کی تعمیر مکمل ہوتے ہی کنٹریکٹر کمپنیاں یہاںمشینیں اور واٹر فلٹریشن پلانٹس کی تنصیب کیلئے تیار ہیں ۔ انہوںنے کنٹریکٹر کو ہدایت کی کہ منصوبہ پر کام کی رفتار تیز کی جائے اور اسے مقررہ مدت میں ہرصورت مکمل کیا جائے۔ ڈی سی او لیاقت علی چٹھہ نے کڈنی سنٹر کیلئے بھرپور وسائل فراہم کرنے پر گجرات کے مخیر حضرات کے جذبہ کو سراہا اور اس عزم کا اظہار کیا کہ کڈنی سنٹر گجرات کا سب سے معیاری فلاحی منصوبہ ثابت ہوگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈسٹرکٹ کلکٹر گجرات لیاقت علی چٹھہ نے 4نائب تحصیلداروںکے تبادلوںکے احکامات جاری کر دیے ہیں۔ اس سلسلے میںجاری نوٹیفکیشن کے مطابق نائب حال ہی میں تعینات ہونیوالے نائب تحصیلدار عارف انجم کو کنجاہ ون اور ٹوکا ریونیو آفیسر مقرر کر دیا گیا ہے انکے پیش رو ریونیو آفیسر مہربان علی سے دونوںسرکلز کا اضافی چارج واپس لے لیا گیا ہے۔ نائب تحصیلدار گلزار احمد کوگجرات ون ٹو سے ٹرانسفر کرکے ٹانڈہ ون، ٹو اورپیرو شاہ ون او ر ٹو کا نائب تحصیلدار مقرر کیا گیا ہے گلزار احمد سے این ٹی او کا اضافی چارج بھی واپس لے لیا گیا ہے ۔نائب تحصیلدار ٹانڈہ ون ٹو ، پیرو شاہ محمد طفیل کو ٹرانفسر کرکے نائب تحصیلدار گجرات ون ٹو لگایا گیا ہے جبکہ انہیں این ٹی او کا اضافی چارج بھی دے دیا گیا ہے۔ نائب تحصیلدار مہربان علی کو کانگو سرکل دولت نگر ون اور ٹو کا اضافی چارج دے دیا گیا ہے۔ تمام افسران کو ہدایت کی گئی ہے کہ وہ فوری طور پر اپنی نئی ذمہ داریاں سنبھال لیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)اسسٹنٹ کمشنر کھاریاں ذوالفقار علی باگڑی کا ہمراہ محمد طارق تحصیل فوڈ انسپکٹر و دیگر سٹاف نے پنجن کسانہ جی ٹی روڈ کھاریاں کا دورہ کیا ۔ دوران چیکنگ گجر سویٹ ہائوس کو چیک کیاگیا جس کا کارخانہ نہایت ہی گندہ اور مکھیوں کی بھر مار تھی اور اس کے علاوہ ان کے پاس نہ تو فوڈ لائسنس تھا اور نہ ہی ملازمین کے ہیلتھ کارڈز تھے۔ جس کی بناء پرگجر سویٹ ہائوس کے کارخانہ کو سیل کردیا گیا اور چالان فوڈ اتھارٹی گجرات کو ارسا ل کردیا گیاہے۔ مزید چیکنگ جاری ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) پانی سے بھرے ٹب میںڈوب کرمعصوم بچی جا ں بحق،بکر گلہ کے رہا ئشی معروف سیا سی وسما جی شخصیت بابو امتیازاحمدمغل فرنیچر والے کی ایک سالہ پوتی گھرمیںکھیل کود کے دوران پانی والے ٹب میںگر گئی جس کی وجہ سے حالت غیرہوگئی ۔تشویشناک حالت کے پیش نظرطبی امدادکے لئے ہسپتال لے جایاگیاجہاں پروہ دم توڑگئی۔واضح رہے کہ معصوم متوفیہ کاوالدفیصل مغل سعودی عرب میںمقیم ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)جماعت اسلا می وزیرآبادزون کے قائمقام امیرعبد الوکیل علوی نے کہا ہے کہ جماعت اسلا می قوم کومخلص اوردیندارقیادت فراہم کرسکتی ہے۔یہی ملک کی تقدیر بدلے گی۔کارکنان رابطہ عوام مہم کوموثر بناکرتنظیم سازی مکمل کریں۔وہ ذمہ داران کے خصوصی اجلاس سے خطاب کررہے تھے۔انہوںنے کہا کہ ہرگھراورفردتک جماعت اسلا می کاپیغام پہنچانااورووٹربناناہے۔انہوںنے کہا کہ موجودہ حالا ت میںہرفردخوفزدہ اورپورا ملک دہشت گردی کی لپیٹ میںہے۔ہمیںذاتی اختلافات کوپس و پشت ڈال کرقومی پالیسی بناناچاہئے۔انہوںنے کہا کہ جماعت اسلا می ملک کوامن ،محبت واخوت کاگہوارہ بنانا چاہتی ہے۔مظلوم وبے بس افرادکاساتھ دیناعدل وانصاف کے لئے جدوجہد کرنا ہر مسلمان پرفرض ہے۔علا قہ ازیں امیرزون چوہدری ناصر محمودکلیرنے ذاتی مصروفیات کی وجہ سے عبد الوکیل علوی کوقائمقام امیرزون مقررکیاانہوںنے حلف اٹھایا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)14 اگست تجدید عہد کا دن ہے قائد اعظم محمد علی جناح کے اقوال زریں پر عمل پیرا ہو کر ہی پاکستان کی تکمیل ہو سکتی ہے۔ جشن آزادی کی روح کی اصل حقیقت کوپانے کے لئے نوجوان نسل میںقومی نظریہ اورفکری سوچ کی آزادی کی اہمیت کواجاگرکرنا ہوگا۔نوجوان نسل ہی ہمارا بہترین مستقبل ہے۔ہندو بنیاء ہماری نوجوان نسل کے گمرا ہی کے اسباب پیداکررہا ہے۔ان خیا لات کا اظہار ایم پی اے شوکت منظورچیمہ نے منظورآباد میں یوم آزادی کے سلسلہ میںتقریب سے خطاب کرتے ہوئے کیا۔اس موقع پرچیئرمین یونین کونسل منظورآباد خالد منظورچیمہ، احمدرضا، کونسلرزانجنیئرحبیب اللہ،عامر مقبول بڈھا رجادا، گلزاراحمدکولار، محمدمشتاق کھوکھر، چوہدری ثنا ء اللہ چیمہ،چوہدری ریا ست علی، ڈاکٹرتنویر ،رانا ظہیرمشتاق، قاری اویس اصغرقادری،طاہر سلیم،سمیع اللہ نے بھی خطاب کیا۔انہوںنے کہا کہ مسلم لیگ (ن)اورمیاں برادران عوام کی حقیقی سچی خدمت اورملک کوترقی کی را ہ پرگامزن کرنے کے عزم کئے ہوئے ہیں۔ انہوںنے کہا کہ ملک پا کستان کے دشمن اس کواندرونی وبیرونی طورپرنقصان پہنچانے کے درپے ہیں۔مسلم لیگ (ن)کی سیا سی قیادت عسکری قیادت سے مل کران سما ج دشمن عناصرکے خاتمہ لئے کوشاں ہے۔ تقریب کے اختتام پرجشن آزادی کاکیک کاٹا ،غرباء اوربچوںمیںمٹھائی تقسیم کی گئی۔اس موقع پرسکولوںکے بچوںنے ملی نغمے اورٹیبلو پیش کئے اورملکی سلا متی کے خصوصی دعا کروائی گئی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)صدر الخد مت فائونڈیشن وزیرآبادمحمدمشتاق بٹ نے کہا ہے کہ نظریاتی طورپرمضبوط قوم محفوظ مستقبل کی ضامن ہے۔تعلیمی میدان میںبلندمقام حاصل کرناطلباء کامقصدہونا چاہئے۔نسل نوکی نظریہ پاکستان سے آغاہی ضروری ہے۔انسانیت کے لئے خوشیاںقربان کرنا عبادت سے کم نہیں۔وہ الخدمت پروگرام کے تحت آرفن بچوںکی یوم آزادی کے سلسلہ میںتقریب سے خطاب کررہے تھے۔اس موقع پرجہانگیرنثار،جاوید اقبال ،فیصل حمید،ناصر محمودکلیر،صابر حسین بٹ،ناصر محموداللہ والے،محمداشفاق وڑائچ،محموداحمد،افتخارحسین صدیقی،ڈاکٹر حبیب اللہ ،قیصر بٹ سمیت معززین علا قہ کی کثیرتعدادموجودتھی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)پاکستان واپڈا ہائیڈرو الیکٹرک ورکرز یونین کے انتخابات نوٹیفکیشن جاری ،گیپکو ریجن میںپولنگ26 اگست کو ہوگی۔سیکرٹری الیکشن کمیٹی بختیار لیبر ہال کے نوٹیفکیشن کے مطابق گیپکو ہائیڈرو لیبر یونین کے انتخابات کیلئے22 اگست کو کاغزات نامزدگی بختیار لیبر ہال گوجرانوالہ میںوصول کئے جائیں گے جانچ پڑتال اور اعتراضات کے بعداسی دن نشانات الاٹ کئے جائیں گے جبکہ پولنگ26 اگست کو ہوگی۔واپڈا ہائیڈرو الیکٹرک لیبر یونین میں انتخابات ہر دوسال بعد ہوتے ہیں جس میں کینٹ ،ڈسکہ ،حافظ آباد،جلال پور بھٹیاں،کینٹ سرکل اور وزیرآباد ڈویثرن کی ماتحت سب ڈویثرنوں کے ورکرز اپنے نمائندے منتخب کرتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) وزیرآباد کی 36 یونین کونسل کے سیکرٹری اور نائب قاصد دو ماہ تنخواہ سے محروم،چولہے ٹھنڈے دو وقت کی روٹی کے لالے پڑھ گئے۔بلدیاتی اداروں کو اختیار ات کی کشمکش یونین کونسل کے سیکرٹری اور نائب قاصد سمیت دیگر عملہ دوماہ سے تنخواہ سے محروم چلا آرہا ہے درجہ چہارم کے اہلکاروں کے گھر کا چولہا پہلے ہی بہت مشکل سے جلتا ہے اوپر سے محکمہ لوکل گورنمنٹ نے انکی تنخواہوں کا اجراء نہ کرکے ان کیلئے جینا محال کردیا ہے لوکل گورنمنٹ پہلے ماہانہ ہر یونین کونسل کو ایک لاکھ بیس ہزار روپے ادا کرتی تھی عید الفطر پر ہر یونین کونسل کو80 ہزار ادا کئے جس میں بمشکل تنخواہیں بھی پوری نہ ہوئیں یہ سلسلہ بھی گزشتہ دو ماہ سے بند ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)سوئی گیس صارفین کو بل کے حصول کیلئے شدید مشکلات کا سامنا ،کسٹمر سروس سنٹر بے بس بل حاصل کرنے کیلئے گوجرانوالہ یاترا ۔ گزشتہ کئی ماہ سے محکمہ سوئی گیس کا عملہ گیس بل گھروں میں پہچانے کی بجائے محلہ میں کریانہ کی دوکانوں اور رکھ کر اپنا فرض پورا کرنے لگا جبکہ صارفین بل کے حصول کیلئے دربدر اور وزیرآباد میں قائم کسٹمر سروس سنٹر اور گوجرانوالہ کے درمیان شٹل کاک بن گئے ۔اس سلسلہ میں کسٹمر سنٹر اہلکاروں نے بتایا کہ ہمارے پاس کمپیوٹر ہی نہیں متبادل بل کیلئے گوجرانوالہ ہی جانا پڑے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)رہنما (ن)لیگ بابو محمد اکرم سنڈل نے کہا ہے پی ٹی آئی کے کھلاڑیوں کی فیلڈنگ کمزور،بیٹنگ ہارڈ ہٹنگ اور باولنگ کی لائن لنتھ درست نہیں،افراتفری کی سیاست ،یاوہ گوئی سے کپتان خان کی مقبولیت کا گراف زمین بوس ہوچکا ہے۔عوام نے تعمیری سیاست کا قائل ہیں آئندہ کے الیکشن میں عوام ناتجربہ کارخوساختہ لیڈر کوخیبرپختونخواہ سے بھی کک آوٹ کردینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نارووال(جی پی آئی)مکہ اور مدینہ دنیا میں اتحاد امت کے مراکز ہیں جن میں ہر رنگ و نسل کے مسلمان جمع ہو کر اسلام کے رشتۂ اخوت کو مضبوط بناتے ہیں۔حج شریف پر جانے والے وہی خوش نصیب ہوتے ہیں جن کی منظوری بارگاہ خداوندی و مصطفوی میں ہوتی ہے ۔اولیائے امت نے مدینہ منورہ کے آداب بجالا کر پیغام عشقِ رسول ۖ عام کیا ہے۔حرمین شریفین ہمارے مراکز ایمان ہیں ۔حرم مکہ ولادت مصطفےٰ ۖ ہوئی اور حرم مدینہ حضور اکرم ۖ کی جائے مسکن ہے ۔حج و عمرہ شریف کے ارکان تو مکہ مکرمہ میں ادا کئے جاتے ہیں مگر قبولیت کی مہر مدینہ منور ہ سے لگتی ہے۔حضور نبی انور ۖ نے فرمایا مکہ شریف کو حضرت ابراہیم علیہ السلام نے حرم بنایا اور میں نے مدینہ منورہ کو حرم قرار دیا ہے ۔حرمین شریفین کا تحفظ و دفاع ہمارا ایمانی تقاضا ہے ۔ان خیالات کا اظہار سرپرست اعلیٰ مرکزی انجمن تاجران رجسٹر ڈ ضلع نارووال علامہ پیر محمد تبسم بشیر اویسی نے مرکزی انجمن تاجراں رجسٹرڈ ضلع نارووال ، حافظ عبد الرحمن ٹرسٹ اور مرکزی انجمن شہریاں رجسٹرڈ ضلع نارووال کے زیر اہتمام ای ڈی او ہیلتھ نارووال ڈاکٹر خلیل اختر چوہدری اور ڈاکٹر امتیاز چٹھہ کی حج شریف کیلئے روانگی کی خوشی میں منعقدہ تقریب سے خطاب کرتے ہوئے کیا ۔ اس موقعہ پر صدر مرکزی انجمن شہریاں رجسٹرڈ ضلع نارووال خواجہ محمد ندیم بٹ، صدر مرکزی انجمن تاجران رجسٹرڈ ضلع نارووال مزمل حفیظ بابر، جنرل سیکرٹری ڈاکٹر عبد الحق انصاری، صدر حافظ عبد الرحمن ٹرسٹ عابد محمود بٹ ، ضلعی صدر تحریک اویسیہ پاکستان نارووال چوہدری محمد یعقوب اویسی ایڈووکیٹ ، چیف کوارڈینیٹر حافظ عبد الرحمن ٹرسٹ محمد رضوان انور، حاجی محمد رضوان بٹ، مرزا محمد نعیم،خالد پرویز بھٹی ،علی رضا بٹ، ایم ایس ڈاکٹر محمد افضال راجپوت ،صاحبزادہ محمد عاصم بشیر اویسی، میاں محمد اسلم ایڈووکیٹ، محمد محسن اویسی،خواجہ محمد عبد الوحید بٹ اور دیگر نے بھی شرکت کی۔اس موقعہ پر مقررین نے خطاب کرتے ہوئے کہا کہ ڈاکٹر کا پیشہ مسیحائی پیشہ ہے ۔ڈاکٹر خلیل اختر چوہدری اور ان کے رفقاء نے ڈسٹرکٹ ہسپتال نارووال نے انسانیت کی مثالی خدمت سر انجام دی ہے ۔خدمت انسانیت بندے کو قرب الہٰی نصیب کرتی ہے ۔آج یہ مخلوق خدا کی دعائوں کی بدولت سفر حرمین شریفین کو روانہ ہو رہے ہیں۔ہم ان کے سفر کی آسانی کیلئے دعا گو ہیں اور یہ حرم کعبہ اور حرم نبوی میں جاکر ہم سب کیلئے دعا کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)گھانا کے سفیر الحاجی باوا نے کہا ہے کہ پاکستانی سرمایہ کارتیزی سے ترقی کرتے افریقی ملک گھانا میں سرمایہ کاری امکانات کا جائزہ لیں جہاں مثالی ترغیبات دی جا رہی ہیںجس میں صنعت کیلئے ٹیکس کی مکمل چھوٹ اور زراعت کیلئے مفت زمین شامل ہے۔گھانا کی شرح نمو چھ فیصد تک پہنچ چکی ہے جبکہ غیر ملکی سرمایہ کاری چار ارب ڈالر سے زیادہ ہے جو سرمایہ کاروں کے اعتماد کا ثبوت ہے۔گھانا کے سفیر نے یہ بات اسلام آباد کے مئیر شیخ انصر عزیز سے خصوصی ملاقات کے دوران کی۔ اس موقع پر گھانا کے قونصل جنرل شاہد رشید بٹ بھی موجود تھے۔گھانا کے سفیر الحاجی باوا نے کہا کہ اقتصادی آزادی کے لحاظ سے گھانا دنیا میں 71 ویں آزاد معیشت ہے جہاں غیر ملکی سرمایہ کاروں کو وہ تمام سہولیات میسر ہیں جو کسی بھی مقامی سرمایہ کار کو ہوتی ہیں جس میں منافع کی دنیا میں کہیں بھی منتقلی شامل ہے۔ جو پاکستانی سرمایہ کار وہاں سرمایہ کاری کر چکے ہیں انھیں بہتر منافع مل رہا ہے اور وہ سرمایہ کاری میں اضافہ کر رہے ہیں کیونکہ وہاں 1992 سے جمہوریت مستحکم ہے، غربب آبادی کی تعداد میں پچاس فیصد کمی آئی ہے اور حکومت صورتحال کو مزید بہتر بنا رہی ہے ۔ گھانا میں اوسط ٹیکس 8.6 فیصد ہے جبکہ بیس کمرشل بینک کام کر رہے ہیں جبکہ پاکستانی سرمایہ کاروں کو خصوصی مراعات دی جا رہی ہیں جن میں مزید اضافہ کیا جائے گا۔ اس موقع پر اسلام آباد کے مئیر شیخ انصر عزیزنے کہا کہ پاکستان اور گھانا کے مابین خوشگوار تعلقات قائم ہیں۔ ہمارے کئی افریقی ممالک سے خصوصی تعلقات ہیں جہاں کی منڈیاں ہماری اشیاء کی منتظر ہیں۔روائیتی ایکسپورٹ مارکیٹس میں کساد بازاری ہے جس سے برامدات متاثر ہو رہی ہیں اسلئے غیر روائیتی مارکیٹوں کو توجہ دی جائے۔ انھوں نے کہا کہ گھانا کی طرف سے پاکستانی سرمایہ کاروں کیلئے خصوصی مراعات پر اطمینان کا اظہار کرتے ہوئے کہا کہ ہماری کاروباری برادری اس پیشکش سے فائدہ اٹھائے۔ اس موقع پر شاہد رشید بٹ نے شیخ انصر عزیزکو بطور مئیر منتخب ہونے پر مبارکباد دی اور امید ظاہر کی کہ وہ عوام کی خدمت کیلئے اپنی تمام صلاحیتیں بروئے کار لائینگے۔ شیخ انصر عزیز نے کہا کہ وہ شہریوں کے مسائل حل کرنے کی ہر ممکن کوشش کرینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)تنظیم مشائخ عظام پاکستان کے امیر اور چیئرمین لاثانی ویلفیئرفائونڈیشن انٹرنیشنل قائدروحانی انقلاب صوفی مسعوداحمدصدیقی نے کہاہے کہ نیشنل ایکشن پلان پر عملدرآمد کرانے کیلئے جنرل جنجوعہ جیسے پروفیشنل اور محب وطن جنرنیل کا انتخاب انتہائی مثبت اقدام ہے ، ان کے انتخاب سے عوام امنگوں کے عین مطابق ایکشن پلان پر فی الفور عملدرآمد ہوگا ۔ان خیالات کا اظہار انہوں نے مرکزی سیکرٹریٹ پر منعقدہ آپریشن ضرب میں لازوال قربانیوں اور کامیابیوں پر افواج پاکستان کو خراج تحسین پیش کرنے کیلئے منعقدہ تقریب سے خطاب کرتے ہوئے کیا ، انہوں نے مزید کہاکہ ملک کو امن و امان کا حقیقی گہوارہ بنانے اور دہشت گردی کے خاتمے کیلئے جوخدمات افواج پاکستان نے وطن عزیز کے عظیم سپوت اور آرمی چیف جنرل راحیل شریف کیاقیادت میں سرانجام دیں ہیں پاکستانی عوام صدیوں یاد رکھے گی اور ان کا جومقام عوام کے دلوں میں ہے کوئی نہیں مٹا سکتا پوری قوم آرمی چیف کی آواز پر لبیک کہنے کیلئے تیار کھڑی ہے تقریب سے تنظیم مشائخ عظام پاکستان کے مرکزی رہنما صاحبزادہ پیر شبیر احمد صدیقی ، پیر الطاف حسین نقشبندی، پیر رفاقت نقشبندی ، پیر سید عدنان اکرم ، پیر سید احمد ندیم شاہ، پیر محمد طاہر نقشبندی ، پیر فریاد حسین نقشبندی ، پیر حاجی افتخار نقشبندی سمیت مرکزی مجلس شوریٰ کے دیگراراکین نے بھی اپنے خطاب میں افواج پاکستان کی بے مثال قربانیوں پر زبردست خراج عقیدت پیش کیا ، تقریب کے اختتام پر ملکی سلامتی و ترقی خوشحالی اور آپریشن ضر ب عضب کی مزید کامیابیوں کیلئے خصوصی دعا بھی کی گئی ،بعد ازاں شرکاء میں لنگر بھی تقسیم کیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نارووال(جی پی آئی) امیر ملت رحمة اللہ علیہ کے فیضان سے پاکستان کا قیام ہوا۔ تحریک پاکستان سے لے کر تحریک ختم نبوت تک پیر سید جماعت علی شاہ محدث علی پوری رحمة اللہ علیہ نے مسلمانانِ پاک و ہند کی راہنمائی فرمائی ۔تحریک پاکستان میں جب سب نے حضرت قائد اعظم کے حوالے سے کفر کے فتویٰ صادر کیا تو حضرت قبلہ عالم امیر ملت محدث علی پوری رحمة اللہ علیہ نے فرمایا کہ تم اس کو کافر کہتے ہو میں اس کو اللہ تعالیٰ کا ولی کہتا ہوںاور تحریک پاکستان میں حضرت امیر ملت رحمة اللہ علیہ نے فرمایا کہ اگر قائد اعظم رحمة اللہ علیہ مطالبہ پاکستان سے دستبرداربھی ہوں جائیں تو بھی ہم پاکستان بنائیں گے۔پاکستان میں قیام امن ہی سب کی پہلی ترجیح ہونی چاہیے کیونکہ قیام پاکستان فیضان اولیاء کا ثمر ہے ۔ آج ملک و ملت میں مخالفین پاکستان ہی رخنہ ڈال رہے ہیں ۔دہشت گردی اور قتل و غارت کے پیچھے قادیانیت اور ملک دشمن عناصر کارفرما ہیں ۔حکومت محب وطن علماء و مشائخ کے ساتھ مل کر قیام امن ، فروغِ رواداری اور نفاذِ نظام مصطفےٰ ۖ کیلئے حکمت عملی وضع کرے ۔ ان خیالات کا اظہار مہر الملت پیر سید منور حسین شاہ جماعتی سجادہ نشین آستانہ عالیہ حضرت امیر ملت علی پور سیداں شریف نے دربار عالیہ حضرت امیر ملت علی پور سیداں شریف پر منعقدہ ماہانہ محفل میلاد مصطفےٰ ۖ و مرکزی انجمن شہریاں کے زیر اہتمام جشن آزادی کے موقعہ پر منعقدہ تقریب سے خطاب کرتے ہوئے کیا اس موقعہ پر خطاب کرتے ہوئے مرکزی ناظم اعلیٰ تحریک اویسیہ پاکستان علامہ پیر محمد تبسم بشیر اویسی نے کہا کہ جشن آزادی کا منانا یقینا جذبۂ حب الوطنی کی علامت ہے ۔ پاکستان کی ترقی اور استحکام ہمیں جان سے عزیز ہے ۔ حکومت نے پاکستان کو ترقی یافتہ اور پر امن بنانے کیلئے جتنی کاوشیں کی ہیں قابل تحسین ہیں۔پاکستان اللہ تعالیٰ کی نعمت ہے ۔ پاکستان سے محبت عبادت کا درجہ رکھتی ہے ۔ آج آپس کے لڑائی جھگڑے یا سیاسی شور لگانے کی ضرورت نہیں ۔ آج پوری قوم کو اتحاد و یکجہتی کا مظاہرہ کرنے کی ضرورت ہے ۔پاکستان کو مسائل سے نکالنے کیلئے تمام سیاسی پارٹیاں ایک سوچ کی حامل ہو جائیں وہ سوچ صرف اور صرف پاکستان ہو ۔اس موقعہ پر خطاب کرتے ہوئے مرکزی انجمن شہریاں رجسٹرڈ ضلع نارووال کے صدر مزمل حفیظ بابر، جنرل سیکرٹر عبد الحق انصاری، علامہ محمد ریاض الدین صدیقی آف گوجرانوالہ، عابد محمود بٹ صدر حافظ عبد الرحمن ٹرسٹ ، چوہدری محمد یعقوب اویسی ایڈووکیٹ صدر تحریک اویسیہ پاکستان ضلع نارووال اور قاری محمد ارشد اویسی نے کہا کہ حقیقی جشن آزادی اُس وقت ہی منائی جا ئے گی جب پاکستان مسائل کی دلدل سے نکل کر ترقی و استحکام کی منزل پر فائز ہو گا اس کے لئے تمام سیاستدانوں کو ایثار و قربانی کا مظاہرہ کرنا ہو گا۔بھارتی جارحیت کھلی دہشت گردی ہے ۔پاکستان میں بم دھماکوں ،صوبائی تعصبات اور فرقہ وارانہ فسادات میں تو بھارت کا ہاتھ ہے۔پاکستانی قوم اپنے وطن و پاک سر زمین کی حفاظت کے لئے پُر عزم اور ہر قربانی دینے کو تیار ہے۔اس موقعہ پر صاحبزادہ محمد عاصم بشیر اویسی، محمد محسن اویسی، علی رضا بٹ ، محمد رضوان انور اور دیگر نے بھی خطاب کیا ۔ اس موقعہ پر سبز حلالی پرچم بھی لہریا گیا اور ملک و ملت میں قیام امن اور استحکام پاکستان کے ساتھ ساتھ دہشت گردی کے تدارک کیلئے خصوصی دعا کی گئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تحفظ فراہم کیا جاتا تو شوبز میںپاکستان کی ثقافتی ترقی میںاہم کرداراداکرسکتی تھی ،گلوکارہ معصومہ خالد لاہور(جی پی آئی) معروف گلوکارہ معصومہ خالدالمعروف کومل ملک نے کہا ہے کہ مجھے تحفظ فراہم کیا جاتا تومیں شوبز میں نہ صرف پاکستان کی ثقافتی ترقی میں اپناکرداراداکرسکتی تھی بلکہ اپنا معاشی تحفظ بھی کرسکتی تھی مگر مجھ پر 2013میں بھی حملہ کیاگیا جب میں ایک پروگرام کے بعدمری سے لاہور واپس فیملی کے ساتھ آرہی تھی۔ تو نامعلوم افرادنے راستے میںمیری گاڑی کو پیچھے سے ٹکرماردی۔ جس کے نتیجے میں میری والدہ جاں بحق ہوگئیں جبکہ میری فیملی سمیت میں شدیدزخمی ہوئے۔اصل میں وہ مجھ پر قاتلانہ حملہ تھا مگراس واقعے کو انتظامیہ نے ایک حادثہ قراردے کر ختم کردیا کیونکہ حملہ آور فرارہوچکے تھے۔بعدازاں میں جب بھی کسی تقریب یاپروگرام میں شوزکرتی تو کئی نامعلوم افراد نے مجھے کئی معاملات میں الجھانے اور یہ تاثردینے کی کوشش کی کہ شوبز ایک برا شعبہ ہے اورمجھے اس شعبے سے دور کرنے کی بھی کوشش کی۔میرے پروموٹرز نے بھی کام دینابند کردیا۔مجھے معاشی اوراخلاقی طور پر کمزور اور ہراساں کرنے کی سازشیں کی جاتی رہیں۔جب میں کسی پروگرام میں جاتی تو ایسے محسوس ہوتا جیسے کوئی میراتعاقب کرتا ہے۔ ڈر،پریشانی اورخوف کے باعث مجھے کئی پروگرامزدرمیان میں ہی چھوڑ کرآناپڑتا۔جن لوگوں کو پتہ چلتا کہ میں اقلیتی ہوں تو زیادہ ہوٹنگ اور غیراخلاقی حرکات والفاظے کستے۔مجھے تحفظ فراہم کیا جاتا تومیں شوبز میں نہ صرف پاکستان کی ثقافتی ترقی میں اپناکرداراداکرسکتی تھی بلکہ اپنا معاشی تحفظ بھی کرسکتی۔ان حالات میں میرے لئے خطرات ہی ہیں۔پاکستانی میڈیا جانتا ہے کہ اس سے پہلے نادرہ سمیت ہماری کئی سنیئر فنکارائوں کوقتل کیاگیا۔حال ہی میں قندیل بلوچ کو ملتان میں قتل کردیا گیا۔شوبز کے کئی بڑے نام ملک بھی چھوڑ چکے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ معروف شاعر وکالم نگار ایم اے تبسم سینے میں انفیکشن کے باعث ہسپتال پہنچ گئے لاہو(جی پی آئی)معروف شاعر وکالم نگار ایم اے تبسم گزشتہ روز سینے میں انفیکشن کے باعث علیل، جنرل ہسپتال میں چیک اپ۔تفصیلات کے مطابق معروف شاعر وکالم نگار ایم اے تبسم گزشتہ کئی روز سے سینے میں درد اور جلن محسوس کررہے تھے۔گزشتہ شب اچانک انہیں سانس لینے میں دشواری پیش آئی تو انہیں مقامی کلینک میں لے جایا گیا مگرڈاکٹرز نے انہیں فوراً ہسپتال لے جانے کامشورہ دیا جس پر انہیں جنرل ہسپتال لے جایا گیا ۔ڈاکٹروں کے چیک اپ کے بعد حالت بہترہونے پر گھرواپس آگئے۔شوبز اور صحافت سے وابستہ معتدد شخصیات نے ان کی خیریت دریافت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی (جی پی آئی) پاکستان تحریک انصاف کے رہنما حلیم عادل شیخ نے کہاہے کہ پی ٹی آئی سندھ میں پیپلزپارٹی کے متبادل جماعت کے طور پرسامنے آچکی ہے ،پی ایس 14 جیکب آباد میں ہمارے امیدوار میر راجہ خان جھکرانی پی ٹی آئی کی ٹکٹ پر بھاری اکثریت سے کامیاب ہونگے ، یہاں سے کامیاب ہونے والوں نے اس حلقے کی کوئی خدمت نہیں کی ہے ان لوگوں نے ہمیشہ یہاں کے رہنے والوں کا دل کھایا ہے ،یہ حلقہ پیپلزپارٹی کے پاس رہا ہے، عوام خود بتائیں کہ پیپلزپارٹی کے لوگوں نے جیکب آباد کی ترقی اور خوشحالی کے لیے کیا کچھ کیاہے ؟۔ تحریک انصاف جیت کر پی ایس 14کی عوام کی خدمت کرے گی ۔وہ جیکب آباد میں پی ایس 14جیکب آبادمیں ضمنی انتخاب کے حوالے سے پی ٹی آئی کے امیدوار میر راجہ خان جکھرانی کی الیکشن مہم کے حوالے متعلقہ حلقے میں پہنچے تھے حلیم عادل شیخ نے حلقے کا دورہ کیا،ان کے ہمراہ طاہر نیازی ،خالد نیازی ،وقاص ایوان ،نزیرنیازی اور پی ٹی آئی کے دیگر رہنمائوں سمیت پارٹی میں سوشل میڈیا کے ایکسپرٹ صدام کنبھر بھی موجود تھے ،حلیم عادل شیخ نے موقع پر موجود میڈیا سے گفتگو کی انہوں نے فوج کی نگرانی میں ضمنی انتخاب کرانے کا مطالبہ کرتے ہوئے کہاکہ پیپلزپارٹی سندھ میں دھاندلی کے بغیر کہیں سے نہیں جیت سکتی ،کسی بھی قسم کی بدمزگی سے بچنے کے لیے ہمارا مطالبے پر عمل کرناضروری ہے ،جبکہ پی ٹی آئی سندھ میں ہونے والے ہر انتخاب میں بھرپورانداز میں حصہ لے گی کیونکہ سندھ کی عوام پیپلزپارٹی سے چھٹکارا چاہتی ہے اور پی ٹی آئی کو سندھ کے ایوانوں میں دیکھنا چاہتی ہے۔
صحافی برادری کا جھوٹھے مقدمہ کے خلاف دوسرے روز بھی احتجاج جاری
یہ دنیا فانی ہے اصل زندگی موت کے بعد ہی شروع ہوتی ہے، قاری نواز رضوی
