گجرات (جی پی آئی) گجرات پریس کلب کے جنرل ہائوس کا اجلاس 13 دسمبر بروز اتوار دن 1 بجے ہو گا۔ صدارت عبدالستار مرزا کریں گے۔ اجلاس میں سالانہ کارکردگی رپورٹ پیش کی جائے گی اور الیکشن 2016ء کے شیڈول کا اعلان کیا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) سٹیزن فرنٹ ضلع گجرات اگلے ہفتے انتخابی اصلاحات کے بارے میں سیمینار منعقد کروائے گی جس میں ممتاز دانشور اظہارِ خیال کریں گے۔ ان خیالات کا اظہار سٹیزن فرنٹ ضلع گجرات کے صدر چوہدری علی ابرار نے سپریم کونسل کے ماہانہ ااجلاس میں خطاب کرتے ہوئے کیا۔ انہوں نے کہا کہ سٹیزن فرنٹ نے ہمیشہ اہم موضوعات پر سیمینار کروائے ہیں۔ کیونکہ سٹیزن فرنٹ کا مقصد ہی عوام میں شعور اجاگرکرنا ہے۔ اجلاس میں سٹیزن فرنٹ سٹی گجرات کے صدر شیخ عرفان پرویز اور جنرل سیکرٹری خاور بشیر بٹ گولڑوی کی کارکردگی کو سراہا گیا اور سٹی تنظیم کی کارکردگی کو مزید بہتر بنانے پر زور دیا۔ اجلاس میں استقبال ربیع الاول اور مرکزی میلاد جلوس میں شمولیت کے پروگرام کو حتمی شکل دی گئی۔ اجلاس میں سٹیزن فرنٹ دوبئی کے آرگنائزر ایم وائی ناصر نے خصوصی شرکت کی۔ قبل ازیں تلاوت و نعت کے بعد جنرل سیکرٹری سپریم کونسل محمد اشرف منہاس نے سابقہ اجلاس کی کارروائی پڑھ کر سنائی اور اس کی توثیق کروائی۔ اجلاس میں چوہدری ندیم طفیل’ افتخار بھٹہ’ راجہ محمد اعجاز’ مرزا اکبر بیگ برلاس’ شیخ عرفان پرویز’ محمد ا ویس مرزا’ خاور بشیر بٹ گولڑوی ‘ عامر چوہدری’ سلیم خاں’ ڈاکٹر رزاق غفاری و دیگر نے بھی اظہارِ خیال کیا۔ آخر میں تمام اارکین کو پر تکلف ڈنر بھی کروایا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) جشن عید میلاد النبی ۖ کی آمد آمد۔ ملک بھر کی گجرات میں بھی جشن عید میلاد النبی ۖ بھر پور طریقہ سے منایا جائے گا۔ ان خیالات کا اظہار ممتاز اسلامی نظریاتی کونسل صاحبزادہ پیر سید سعید احمد شاہ گجراتی نے جامع مسجد شہنشاہ ولایت میں منعقدہ اجلاس کے دوران کیا۔ انہوں نے کہا کہ جشن عید میلاد النبی ۖ کے موقع پر مرکزی جلوس شہنشاہ ولایت سے نکالا جائے گا۔ جلوس ٹھیک نماز ظہر کے فوراً بعد جامع مسجد شہنشاہ ولایت سے نکلے گا جو کہ اپنے مقررہ راستوں سے ہوتا ہوا چوک پاکستان میں اختتام پذیر ہو گا۔ جلوس میں ضلع بھر کے قافلے شریک ہوں گے۔ ڈی سی او گجرات لیاقت علی چٹھہ اور ڈی پی او گجرات رائے ضمیر الحق کو جلوس کے انتظامات کے حوالہ سے آگاہ کر دیا گیا ہے۔ یہ مرکزی جلوس کئی سالوں سے جامع مسجد شہنشاہ ولایت سے نکلتا ہے۔ جبکہ 18 دسمبر کو جامع مسجد شہنشاہ ولایت سے بہت بڑی موٹر سائیکل ریلی نکلے گی جو کہ مقررہ راستوں سے ہوتی ہوئی واپس جامع شہنشاہ ولایت میں اختتام پذیر ہو گی۔ اس موقع پر مختلف تنظیموں کے ممبران اور عہدیداران نے بھی شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) الحیدر ہومیو سٹور اور بلاسم لیبارٹری لاہور کے اشتراک سے پہلی لکی ڈرا قرعہ اندازی اور الحیدر ہومیو سٹور کی 20 ویں سالگرہ منعقد ہوئی۔ رائل میرج ہالز گجرات میں منعقد ہونے والی اس پر وقار تقریب میں گجرات کے علاوہ آزاد کشمیر ‘ گوجرانوالہ اور وزیر آباد’ پاہڑیانوالہ’ منڈی بہائو الدین’ جہلم ‘ راولپنڈی سے آئے ہوئے ہومیو ڈاکٹر ز کی کثیر تعداد نے شرکت کی۔ مہمان خصوصی چیف ایگزیکٹو بلاسم ہومیو لیبارٹریز ڈاکٹر عمران جاماش ، ڈاکٹر عمران جاوید اور ڈاکٹر محمود علی واثق تھے دیگر مہمانان گرامی میں ڈاکٹر الطاف چوہدری’ ڈاکٹر ندیم احمد شیخ گوجرانوالہ’ ڈاکٹر الیاس ‘ حسیب الرحمن ہاشمی’ ڈاکٹر فرخ جاوید’ ڈاکٹر عابد’ ڈاکٹر انجم نور دین’ ڈاکٹر سید طاہر عباس’ ڈاکٹر ارشد سلیم ماس’ ڈاکٹر لیاقت مہر’ ڈاکٹر رزاق احمد غفاری’ ڈاکٹر ساجد’ ڈاکٹر ناصر چوہدری’ لیڈی ڈاکٹر شمائل زیب چوہدری’ ڈاکٹر نوال ‘ ڈاکٹر عمارہ ‘ ڈاکٹر زاہد بشیر’ ڈاکٹر عبدالرزاق’ ڈاکٹر خالد صبور’ و دیگر اہم شخصیات موجود تھیں۔ اس موقع پر تین موٹر سائیکل’ تین ڈنر سیٹ’ تین مائیکرو ویو اوون بذریعہ قرعہ اندازی دئیے گئے۔ اور سب سے اچھی بات کہ تمام قرعہ اندازیاں شرکاء نے اپنے ہاتھوں سے کیں اور اپنے انعام خود نکالے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) پاکستان مسلم لیگ (ق) کے رہنما حمید اللہ بھٹی اور مہر فاروق خالد گزشتہ روز تعزیت کیلئے صاحبزادہ حکیم جواد الرحمن نظامی سیفی کی رہائشگاہ پر گئے اور انکی ہمشیرہ محترمہ کی وفات پر گہرے رنج وغم کا اظہار کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) دی ایجوکیٹرز بارہ دری کیمپس میں شہدائے آرمی پبلک سکول پشاور سے اظہارِ یکجہتی کیلئے پورا ہفتہ مختلف تقریبات کا انعقاد کیا جائے گا۔ تمام شعبہ جات کے بچے اپنے اپنے انداز میں شہداء کو خراجِ عقیدت پیش کریں گے اختتام پر کچہری چوک میں ریلی کا انعقاد کیا جائے گا اور شہداء کی یاد کو منانے کیلئے موم بتیاں جلائی جائیں گی۔ شہزاد شفیق نقشبندی نے اس سلسلہ میں تمام شعبہ جات سے تعلق رکھنے والے ٹیچرز کی ڈیوٹیاں لگا دی ہیں۔ حافظ محمد طاہر انچارج ہوں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ریجنل جنرل مینجر سوئی نادرن گیس کمپنی گجرات احسان اللہ بھٹی نے بتایا ہے کہ ریجن بھر میں پاٹری انڈسٹری کو تاحکم ثانی گیس کی فراہمی بند کر دی گئی ہے یہ فیصلہ حکومت پاکستان کی ہدایات کے مطابق سردیوں میںگھریلو صارفین کو بہتر طریقے سے گیس کی فراہمی کے لئے کیا گیا ہے۔ انہوں نے بتایا کہ سردیوں میں کم پریشر کی شکایات کے ازالہ کے لئے خصوصی ٹیمیں تشکیل دے دی گئی ہیں جو کسی بھی شکایت پر فوری ایکشن لیں گی۔ ریجنل جنرل مینجر احسان اللہ بھٹی نے شہریوں سے اپیل کی کہ وہ سردیو ں میں گیس ہیٹر، گیس سے چلنے والے جنریٹر وغیر ہ کے استعمال سے گریز کریں تاکہ سخت موسم میں گیس پائپ لائنوں کے ٹیل پر رہنے والے افراد کو بھی کھانا پکانے کے لئے مناسب پریشر کے ساتھ گیس دستیاب ہو سکے۔
بیرم گلی ویلفیئر سوسائٹی ناتھا خان گوٹھ کا پی ٹی آئی کے نو منتخب کونسلرز کے اعزاز میں استقبالیہ
راجہ بشارت کے بھانجے کے قاتل کراچی سے اسلام آباد منتقل ہو گے
