گجرات (جی پی آئی) حضرت غوث الاعظم کی تعلیمات سے لاکھوں افراد فیض یاب ہوئے اولیاء کرام نے ہر دور میں تعلیمات اسلامیہ کو عام کیا ان خیالات کا اظہار جانشین عالمی مبلغ اسلام حضرت صاحبزادہ پیر سید محمد احسن شاہ شرافت نوشاہی نے دربار نوشاہی نوشہ پور شریف میں عرس عوث الاعظم کی سالانہ تقریب کے موقع پر صدارتی خطاب کے دوران کیا عرس غوث الاعظم کی سرپرستی عالمی مبلغ اسلام حضرت علامہ پیر سید معروف حسین شاہ عارف قادری نوشاہی نے کی جبکہ مہمان خصوصی صاحبزادہ پیر سید تصور حسین شاہ نوشاہی سجادہ نشین دربار نوشاہی ڈوگہ شریف تھے دیگر مہمانوں میں مولانا خلیفہ لیاقت حسین نوشاہی برطانیہ ، خلیفہ عدالت خاں نوشاہی ہالینڈ ، خلیفہ قاری عبدالقیوم الفت نوشاہی برطانیہ تھے خصوصی خطاب مفتی علامہ محمد عنصر القادری نے کیا جبکہ نقابت کے فرائض علامہ محمد حنیف ساقی نے سرانجام دئیے ، علامہ سید عرفان الحق قادری نوشاہی ، حافظ عبدالقادر نوشاہی ، قاری محمد شفیع نوشاہی نے ہدیہ نعت پیش کیا ، عرس کے انتظامات کی نگرانی ناظم اعلیٰ بزم نوشاہیہ پاکستان چوہدری نثار احمد نوشاہی نے کی جبکہ ممتاز پرڈیوسر چوہدری خالق محمود کی نگرانی میں دربار شریف اور عرس مبارک کی خصوصی کوریج کی گئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) استاد کا کردار معاشرے کی تشکیل میں بہت اہم ہے ضرورت اس امر کی ہے کہ اساتذہ کو وہ مقام دیا جائے جس کے وہ حقدار ہیں جو قومیں اساتذہ کا احترام نہیں کرتیں پھر وقت بھی اس قوم کو صفحہ ہستی سے مٹا دیتا ہے آج دنیا میں جو ترقی ہورہی ہے اس کا سہرا بلا شبہ اساتذہ کے سر ہے ان خیالات کا اظہارڈائریکٹر دی ایجوکیٹرز بارہ دری کیمپس شہزاد شفیق نقشبندی نے اساتذہ کے عالمی دن کے موقع پر خطاب کرتے ہوئے کیا انہوں نے کہا کہ اساتذہ نئی نسل کو پروان چڑھانے اور انہیں اچھی تعلیم دینے میں جو کردار ادا کرتا ہے وہ کسی سے پوشیدہ نہیں حضرت علی نے فرمایا ہے کہ جس نے مجھے ایک لفظ پڑھایا وہ میرا استاد ہے جس سے تعلیم اور اساتذہ کی افادیت کا اندازہ لگایا جاسکتا ہے حکومت اساتذہ کے حقوق کو بحال کرنے اور اساتذہ کو معاشرے میں باعزت مقام دلوانے کیلئے پارلیمنٹ میں قانون سازی کرے تاکہ اساتذہ فخر سے یہ بتا سکیں کہ میں ایک ٹیچر ہوں۔استاد کو معاشی خوشحال بنا کر ہم فروغ علم کی تحریک تیز کر سکتے ہیں ۔ سلام ٹیچر ڈے منانے کے ساتھ ساتھ استاد کو بلند مرتبہ دے کر ہی ہم مغربی دنیا کے مقابلے کے قابل بنیں گے ۔ ایک قابل استاد ہی نئی نسل میں جذبہ حب الوطنی اور قوم کا درد پیدا کر سکتا ہے ۔ اساتذہ کی بدولت ہی غوث اعظم ، امام اعظم ، امام غزالی ، شیخ عبد الحق محدث دہلوی، قائد اعظم ،علامہ محمد اقبال ، عزیز بھٹی شہید رحمہم اللہ تعالیٰ علیہم اجمعین اور فرزندان اسلام و پاکستان کا نام روشن ہوا۔ نبی کریم ۖ نے اپنا تعارف استاد کے حوالے سے بھی کروایا ہے ۔آج ہماری مستقل تعلیمی پالیسی نہ ہونے کے سبب اساتذہ و طلباء ہر سال امتحانات سے پہلے ذہنی دبائو کا شکار ہوتے ہیں ۔استاد کے مقام کی بحالی پورے پاکستان کی خوشحالی کی ضامن ہے ۔ انہوں نے کہا کہ اساتذہ کی ذمہ داری ہے کہ وہ اپنے طلباء میں اسلام ،پاکستان او رملت اسلامیہ کی محبت اور دہشت گردی، صوبائی و لسانی تعصبات، فرقہ بندی سمیت عالمِ اسلام کے خلاف ساز ش سے نفرت پیدا کریں ۔جذبہ ہمدردی و غمگساری طلباء میں پروان چڑھا کر ملک و قوم کو اپنے پیروں پر کھڑا کریں ۔ اساتذہ کی بہترین تربیت ہی طلباء کو بلند مقام اور منزل مقصود تک پہنچاتی ہے ۔ اگر استاد کے بغیر تعلیمی نظام کا ر گر ہوتا تو اللہ تعالیٰ صفہ کے چبوتر ے پر بیٹھنے والے معلم کائنات ۖ کو مبعوث نہ فرماتا ۔ ایک استاد کیلئے سب سے قابل فخر بات اُس کا پیغمبرانہ پیشہ ہے ۔ انہوں نے حکومت پرزور دیا کہ وہ اساتذہ کی تنخواہوں میں اتنا اضافہ کرے جس سے استاد معاشی بدحالی سے نکل کر اپنا فریضہ کما حقہ ادا کر سکیں ۔ہر دفتر اور مقام پر استاد کی عزت نفس کی بحالی کیلئے ایک سرکولیشن جاری کیا جائے ۔ ریٹائرڈ ہونے والے اساتذہ کے پینشن کیس اُس کی دہلیز پر مکمل ہونے چاہئیں تاکہ ملک ترقی کرے ۔اس موقعہ پر طلباء نے اساتذہ کو سیلوٹ کرکے اساتذہ سے اپنی عقیدت کا اظہار کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) حضرت سیدنا امام حسین رضی اللہ تعالیٰ عنہ کی یاد میں سالانہ ذکر حسین کانفرنس 6محرم الحرام کو دربار نوشاہی ڈوگہ شریف میں ہو گی جس کی صدارت پیر سید تصور حسین شاہ نوشاہی کریں گے خصوصی خطاب خلیفہ قاری محمد شفیع نوشاہی کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) 5محرم الحرام کو مرکزی جلوس سید ناصر پپو شاہ کی رہائشگاہ (قاسم بی بی )محلہ فتوپورہ سے برآمد ہو گا جو کہ مقررہ راستوں سے ہوتا ہوا امام بارگاہ حسینیہ پہنچے گا جہاں سے جلوس تعزیہ برآمد ہو گا دونوں جلوس شاہدولہ چوکی سے ہوتا ہوا مسلم بازار ، مقبرہ پانڈی شاہ و دیگر مقامات سے ہوتا ہوا اپنے مقررہ مقامات پر اختتام پذیر ہو گا ضلعی انتظامیہ نے اس سلسلہ میں خصوصی حفاظتی انتظامات کیے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) صاحبزادہ پیر سید سعید احمد شاہ گجراتی نے کہا ہے کہ کشمیر پاکستانی کی بقاء کا مسئلہ اور کشمیر میں در اندازی کرنے والے عناصر سے حکومت کو نپٹنا ہو گا انہوں نے کہا کہ مودی نے پاکستان کی سالمیت کے خلاف جو بیان بازی کی ہے اس کی شدید مذمت کرتے ہیں اور حکومت پاکستان کو چاہیے کہ پاکستان کے خلاف بات کرنے والوں کا محاسبہ کرے پاکستان دنیا کی واحد ایٹمی اسلامی طاقت ہے اور یہ دنیا میں اسلام کے تحفظ اور استحکام کیلئے کام کر رہی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈی سی اولیاقت علی چٹھہ نے کہا ہے کہ وزیر اعلی پنجاب میاں شہباز شریف کے وژن کے مطابق سرکاری ہسپتالوں کو جدید خطوط پر استوار کرکے مریضوں کو بہترین طبی سہولیات اور مفت ادویات کی فراہمی یقینی بنائی جارہی ہے ، شہری علاقوںکے ساتھ بڑے قصبوں میں طبی سہولیات میں بہتری ضلعی انتظامیہ کی اولین ترجیح ہے ،ان خیالات کا اظہار انہوںنے میجر شبیر شریف شہید( نشان حیدر )ہسپتال کنجاہ کے اچانک دورہ کے موقع پر کیا، ایم ایس ڈاکٹر عابد محمود غوری بھی انکے ہمراہ تھے۔ ڈی سی او لیاقت علی چٹھہ نے میجر شبیر شریف شہید ہسپتال مئں مریضوں کو فراہم کی جانیوالی سہولیات کا جائزہ لینے کیلئے ہسپتال کے شعبہ ایمرجنسی، میڈیکل، سرجری، آوٹ ڈور اور چلڈرن وارڈ کا دورہ کیا اور ہسپتال کے شعبہ آئی آوٹ ڈور میں اپنی آنکھوں کا چیک اپ بھی کرایا۔ ڈی سی او نے کہا کہ حکومت پنجاب کی طرف سے گجرات میں صحت عامہ کی سہولیات میں بہتری کیلئے کنجاہ میں 35کروڑ روپے کی لاگت سے انتہائی قلیل مدت میں تحصیل ہیڈ کوارٹر لیو ل ہسپتال کی تعمیر مکمل کی گئی ہے جسے قومی ہیرو میجر شبیر شریف شہید نشان حیدر کے نام سے منسوب کیا گیا ہے۔ انہوںنے کہا کہ ہسپتال میں ماہر ڈاکٹرز کا تقرر، وافر مقدار میں ادویات کی فراہمی اور طبی آلات فراہم کئے گئے ہیں جبکہ ادارے کو جدید ہسپتالوں کے ہم پلہ بنانے کیلئے وقتا فوقتا سامنے آنیوالے مسائل کو بھی فوری حل کیا گیا ہے اسی سلسلے میں حال ہی میں ہسپتال کے شعبہ آئی اور شعبہ ڈینٹل میں 60لاکھ روپے سے زائد مالیت کے جدید طبی آلات کی فراہمی ہے۔ انہوںنے کہا کہ میجر شبیر شریف شہید ہسپتال کی تعمیر اور اس کے فنکشنل ہونے سے عزیز بھٹی شہید ہسپتال اور دیگر طبی اداروں پر مریضوںکے بوجھ میں واضع کمی ہوئی ہے خصوصا کنجاہ اور نواحی علاقوںکے مکینوں کو قریب ترین علاقہ میں بہتر طبی سہولیات کی فراہمی ممکن ہو سکی ہے۔ اس سے قبل ایم ایس ڈاکٹر عابد محمود غوری نے بریفنگ دیتے ہوئے بتایا کہ ہسپتال میں روزانہ مریضوں کی تعداد 1500سے 2000تک ہے ، جنہیں مکمل چیک اپ، ٹیسٹوں اور ادویات کی فراہمی یقینی بنائی جارہی ہے ۔ انہوںنے بتایا کہ ہسپتال میں 24گھنٹے ایمرجنسی کی سہولت اور ڈاکٹرز کی دستیابی یقینی بنائی گئی ہے۔ اس سے قبل ڈی سی او لیاقت علی چٹھہ نے میجر شبیر شریف شہید ہسپتال کے شعبہ آئی میں اپنی آنکھوں کا چیک اپ کرایا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) خوبصورت گجرات پراجیکٹ کے تحت شہر کی تین اہم شاہراہوں کو ماڈل بنایا گیا ہے، منصوبے کیلئے حکومتی وسائل کے ساتھ پبلک پرائیویٹ پارٹنر شپ کے تحت فنذ ز فراہم کئے گئے ہیں، ان خیالات کا اظہار ڈی سی او لیاقت علی چٹھہ نے میڈیا کے نمائندوں سے بات چیت کرتے ہوئے کیا۔انہوںنے بتایا کہ ٹال پلازہ سے نیشنل فرنیچرز تک ساڑھے 14کلو میٹر طویل پرانا جی ٹی روڈکو خوبصورت بنانے کیلئے 2کروڑ روپے لاگت سے جی ٹی روڈ کی مرمت کی گئی ہے، نیشنل اور این ایم فرنیچر کے تعاون سے دو کروڑ روپے لاگت سے جدید طرز تعمیر کے شاہکار باب گجرات کی تعمیر مکمل کی گئی ہے ، سڑک پر مختلف مقامات پر خوبصورت مانومنٹ لگائے گئے ہیں جبکہ فارسٹ ڈیپارٹمنٹ کے زیر اہتمام اور چیمبر آف کامرس کے تعاون سے میڈین اور سٹرک کے اطراف پودے لگائے گئے ہیں۔ انہوںنے بتایا کہ جی ٹی روڈ کے اطراف تجاوزات کا خاتمہ، رامتلائی چوک، جی ٹی ایس چوک، سروس موڑ کی ری ڈئزائننگ، پلازہ جات کے سامنے ٹف ٹائلز لگوائے اور غیر ضروری ہورڈ نگز کا خاتمہ کر دیا گیا ہے۔ انہوںنے بتایا کہ سروس موڑ تا نواز شریف میڈیکل کالج رحمان شہید روڈ کو ماڈل بنانے کیلئے میڈین پر خوبصورت پودے، جیل چوک ، سروس موڑ اور دیگر مقامات پر سلپ روڈز کی تعمیر، جلالپور جٹاں روڈ پر پودے، یونیورسٹی روڈ کی 20کروڑ روپے لاگت سے تعمیر کی گئی ہے ۔ انہوںنے بتایا کہ چوک پاکستان تاائیرپورٹ بھمبر روڈ کو بھی ماڈل بنایا گیا ہے، سڑک کے میڈین، اطراف پودے لگائے گئے ہیں، دونوں اطراف ٹف ٹائل لگائی گئی ، تجاوزات اور غیر ضروری سائن بورڈز کا خاتمہ کر دیا گیا ہے۔ انہوںنے بتایا کہ ماڈل سڑکوںکی صفائی کیلئے خصوصی روڈ گینگ بنایا گیا ہے اورمسافرو ں کی راہنمائی کے لئے سائن بورڈ لگائے گئے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) اسسٹنٹ کمشنر کھاریاں ذوالفقار علی باگڑی نے مختلف علاقوںمیں چیکنگ کے دوران صفائی کے ناقص انتظامات پر 4فوڈ پوائنٹس اور ڈرگ ایکٹ کی خلاف ورزی پر 2میڈیکل سٹور سیل کر دیے ہیں۔ ڈی سی او لیاقت علی چٹھہ کی ہدایت پر کریک ڈائون کے دوران اے سی کھاریاں نے ٹیم کے ہمراہ لالہ موسیٰ کے دورہ کے دوران حفظان صحت کے اصولوں کے مطابق صفائی کے انتظامات نہ کرنے اور فوڈ اتھارٹی کا لائسنس نہ ہونے پر پر گولڑی تکہ شاپ اور المدینہ برگر پوائنٹ جبکہ گلیانہ میں المقبول سمومہ شاپ کو سیل کر دیا ۔ اے سی کھاریاں نے ڈرگ انسپکٹر کے ہمراہ چیکنگ کے دوران ڈرگ ایکٹ کی خلاف ورزی پر سیکریالی میںذیشان میڈیکل سٹور اور کھوجہ میں ارشد میڈیکل سٹور کو سیل کرکے دونوںکے خلاف کیسز مجاز اتھارٹی کو بھجوادیے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) اسسٹنٹ کمشنرسرائے عالمگیر آذبہ اعظم نے موضع باولی خورد کا اچانک دورہ کیا اور سیوریج ڈرین منصوبہ پر تعمیراتی کاموں کا جائزہ لیا، ٹی ایم او عمر شجاع، ٹی او آئی اینڈ ایس اور دیگر افسران بھی انکے ہمراہ تھے۔ اسسٹنٹ کمشنر نے ٹھیکیدار کو ہدایت کی کہ عوامی فلاحی منصوبے کے تعمیر کے دوران اعلی کوالٹی میٹریل کا استعمال یقینی بنایا جائے اور منصوبے کو بروقت مکمل کیا جائے ۔ انہوںنے واضع کیا کہ ڈی سی او لیاقت علی چٹھہ کی ہدایات کے مطابق ناقص میٹریل ہرگز برداشت نہیں کیا جائے گا اور شکایت کی صورت میںسخت کاروئی ہوگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) سیکرٹری ٹرانسپورٹ اور سیکرٹری ایکسائز اینڈ ٹیکسیشن کی ہدایت پر نامکمل کاغذات ، بغیر نمبر پلیٹ اور اوور لوڈنگ ، اوور چارجنگ کرنے والی گاڑیوں کے خلاف ، روڈ ٹرانسپورٹ ڈیپارٹمنٹ اور ایکسائز ڈیپارٹمنٹ کے مشترکہ کریک ڈائون کے دوران درجنوں گاڑیوں کے چالان کر کے مالکان پر بھاری جرمانے عائد کر دئیے گئے ہیں جبکہ متعدد گاڑیوں کو تھانوں میں بند کر دیا گیا ہے ۔ کریک ڈائون کرنے والی ٹیموں کی قیادت ، سیکرٹری آر ٹی اے کامران اکبر ، ڈسٹرکٹ موٹر وہیکل ایگزامنیر الفت رسول اور ایکسائز اینڈ ٹیکسیشن آفیسر ارشد مجید نے کی جبکہ ان کی معاونت ایکسائز انسپکٹرز ملک شوکت ، کاشف شاہ ، ذوالفقار احمد ، شریف بٹ و دیگر نے کی اس دوران سروس موڑ ، رامتلائی چوک اور چناب ٹول پلازہ پر ناکے لگائے گئے جہاں گاڑیوں کی چیکنگ کی گئی ۔ سیکرٹری آر ٹی اے کامران اکبر نے اوورلوڈنگ اور اوور چارجنگ ، فٹنس سرٹیفکیٹ نہ رکھنے والی گاڑیوں پر مجموعی طور پر 25ہزار روپے جرمانہ عائد کیا ۔ ڈسٹرکٹ موٹر وہیکل ایگزامنیر الفت رسول کی قیادت میں ٹیم نے 93گاڑیوں کے چالان کیے 16گاڑیوں کو مختلف تھانوں میں بند کر دیا ۔ اسی طرح ایکسائز اینڈ ٹیکسیشن کی ٹیم نے بھی متعدد گاڑیوں کے خلاف کاروائی کی ۔ دریں اثناء ڈسٹرکٹ موٹر وہیکل ایگزامنر الفت رسول نے بتایا ہے کہ حکومت پنجاب کی ہدایات کے مطابق ہر بدھ کو گاڑیوں کی چیکنگ کیلئے ٹیمیں فیلڈ میں نکلیں گیں اور گاڑیوں کی فٹنس سرٹیفکیٹ حاصل نہ کرنے ، نامکمل کاغذات ، ٹوکن ٹیکس ادا نہ کرنے اور اوور لوڈنگ یا اوور چارجنگ کرنے والوں کے خلاف کاروائی کا سلسلہ جاری رہے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈسٹرکٹ پولیس آفیسر سہیل ظفر چٹھہ کی والدہ محترمہ قضائے الٰہی سے وفات پا گئیں ہیں مرحومہ کو ان کے آبائی گائوں ٹبہ شاہ بہلول پنڈی بھٹیاں میں سپرد خاک کر دیا گیا ہے نماز جنازہ میں ڈی سی او گجرات لیاقت علی چٹھہ ، ریجنل پولیس آفیسر محمد طاہر ، سی پی او گوجرانوالہ وقاص نذیر ، ایم این اے گوجرانوالہ جسٹس (ر) افتخار احمد چیمہ ، ڈی سی او حافظ آباد ، سابق ڈی پی او گجرات افضال کوثر ، ایم پی ایز چوہدری شبیر احمد ، میاں طارق محمود ، چوہدری اشرف دیونہ ، حاجی عمران ظفر ، میجر (ر) معین نواز ، مسلم لیگ ن کے راہنما نوابزادہ طاہر الملک ، چوہدری قمر زمان کائرہ ، سابق ڈی پی او گجرات رائے ضمیر الحق ، رائے اعجاز احمد ، ایس پی کامران ممتاز ، سینئر صحافی طفیل میر ، ڈی ایس پی کھاریاں ہاشم گجر ، راجہ محمد انور ، جاوید بٹ ، خادم علی خادم ، ضیغم ثناء وڑائچ ، سیاسی ، سماجی ، سرکاری افسران ، اور اہل علاقہ کی کثیر تعداد نے شرکت کی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) جامعہ گجرات کی فیکلٹی برائے انجینئرنگ و ٹیکنالوجی کے زیر اہتمام یوم اساتذہ انتہائی احترام سے منایا گیا۔ اقوام متحدہ کے چارٹر کی رُو سے ہر سال5اکتوبر کے دن دنیا بھر میں اساتذہ کو خراج تحسین پیش کرنے کے لیے اساتذہ کے عالمی دن کو منایا جاتا ہے۔ جامعہ گجرات میں یوم اساتذہ کے موقع پر طلبا و طالبات نے اپنے اساتذہ کو عزت و تکریم پیش کرنے کی خاطر انہیں اجتماعی سلام پیش کیا۔ اس موقع پر طلبہ نمائندگان نے اپنے تأثرات میں کہا کہ تعلیم و تربیت کا اعلیٰ نظام کسی بھی معاشرہ کی ترقی کا پیش خیمہ ہوتا ہے۔ اساتذہ تعلیم و تربیت کے عمل کو کامیابی سے پروان چڑھانے کے لیے اعلیٰ خدمات سرانجام دیتے ہیں۔ اساتذہ کا رُتبہ، عظمت اور تعظیم ہم سب پرو اجب ہے۔ ڈین فیکلٹی برائے انجینئرنگ و ٹیکنالوجی ڈاکٹر محمد سلمان طاہر نے طلبہ سے مخاطب ہوتے ہوئے کہا کہ اساتذہ کی دلی عزت و تعظیم ایک روشن خیال اور متوازن معاشرہ کی اوّلین صفت ہے۔ اساتذہ نسلِ نو کی تعلیم و تربیت کا فریضہ سرانجام دیتے ہوئے ایک قوم کی تشکیل کا بندوبست کرتے ہیں۔ اساتذہ کا فرض اوّلین ہے کہ وہ اپنی بے پناہ کوششوں کے ذریعے تعلیم و تربیت جیسے قومی فریضہ کو بہترین انداز میں پایۂ تکمیل تک پہنچانے کے لیے اپنی تمام تر کاوشوں اور توانائیوں کے ساتھ کمربستہ ہو جائیں۔ دین ِ اسلام میں بھی اساتذہ کی تکریم پر خاص توجہ مبذول کروائی گئی ہے۔ ہم سب عالمی یوم اساتذہ کے موقع پر دنیا بھر کے اساتذہ کو نیک جذبات کے ساتھ سلام پیش کرتے ہیں۔ جامعہ گجرات میں عالمی یوم اساتذہ کے موقع پرمنعقدہ اس تقریب میں مختلف شعبہ جات کے اساتذہ اور طلبہ نے شرکت کرتے ہوئے ملک میں بہترین تعلیمی سرگرمیوں کے فروغ کے لیے پُر خلوص اور دیانتدار اساتذہ کی اہمیت پر روشنی ڈالی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) جامعہ گجرات کے چیف سکیورٹی آفیسر میجر(ریٹائرڈ) راجہ عمر یونس کے صاحبزادے راجہ عمیر یونس کا انتقال پُر ملال۔ جامعہ گجرات کے چیف سکیورٹی آفیسرراجہ عمر یونس کے جواں سال صاحبزادے راجہ عمیر یونس جو گذشتہ دنوں ایک روڈ ایکسیڈنٹ میں شدید زخمی ہو گئے تھے، گذشتہ روز انتقال کر گئے۔ اللہ تعالیٰ ان کی مغفرت فرمائے۔ راجہ عمیر یونس ایک مقامی کالج میں زیر تعلیم تھے اور چند روز قبل کالج سے گھر آتے ہوئے ایک شدید حادثہ کا شکار ہو گئے تھے ۔اس حادثہ میں ان کے سرپر شدید چوٹیں آئی تھیں۔ جامعہ گجرات کی سینیئر انتظامیہ ، اساتذہ، طلبہ،ملازمین اور سکیورٹی گارڈز نے راجہ عمیر یونس کے انتقال پُر ملال پر گہرے افسوس کا اظہار کرتے ہوئے راجہ عمر یونس کے دکھ درد میں برابر کے شریک ہونے کا یقین دلایا۔ وائس چانسلر پروفیسر ڈاکٹر ضیاء القیوم نے اپنے تعزیتی پیغام میں کہا کہ ہماری تمام ہمدردیاں گہرے دکھ کی اس سوگوار گھڑی میں راجہ عمر یونس کے ساتھ ہیں۔ ان کے صاحبزادے راجہ عمیر یونس کے انتقال پر جامعہ گجرات کی ہرآنکھ اشکبار ہے۔ ہماری دُعا ہے کہ اللہ تعالیٰ راجہ عمر یونس اور انکے اہل خاندان کو اس جانکاہ صدمہ کو برداشت کرنے کی توفیق عطا فرمائے۔ جواں سال اولاد کابچھڑ جانا والدین کے لیے کسی قیامت سے کم نہیں ہوتا۔ ذرائع کے مطابق راجہ عمیر یونس کی تدفین انکے آبائی ضلع راولپنڈی میں کی جائے گی۔ مرحوم کی نمازِ جنازہ بروز جمعرات مؤرخہ6اکتوبر2016ء کو بوقت 11:00بجے دن راولپنڈی کے قریب انکے آبائی گائوں میں ادا کی جائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی) ماہر معالج، ممتاز آرتھوپیڈک سرجن ڈاکٹر وقاص علی نے تحصیل ہیڈکوارٹر ہسپتال میں بطور آرتھو پیڈک چارج سنبھال کر اپنے فرائض منصبی ادا کرنا شروع کر دیئے ہیں۔ تحصیل ہیڈکوارٹر ہسپتال میں آرتھوپیڈک کی سہولت سے تحصیل کھاریاں کے عوام میں خوشی کی لہر دوڑ گئی ہے۔ قبل ازیں ہڈیوں کے امراض میں مبتلا اور ہڈی جوڑ کے لئے عوام کو جہلم، گجرات، راولپنڈی یا لاہور جانا پڑتا تھا اب یہ سہولت تحصیل ہیڈکوارٹر ہسپتال کھاریاں میں دستیاب ہے ایک ملاقات میں سرجن ڈاکٹر وقاص علی نے بتایا کہ ہڈیوں کے امراض میں مبتلا مریضوں کا علاج معالجہ انتہائی مہنگا ہے تحصیل ہیڈکوارٹر میں میری تعیناتی سے تحصیل کھاریاں کے عوام کو بالکل مفت سہولت میسر آئے گی اور انشاء اللہ تعالیٰ تحصیل کھاریاں کے عوام کو کسی صورت مایوس نہیں کریں گے ہسپتال آنے والے تمام مریضوں کو بلاامتیاز علاج معالجہ کی سہولیات فراہم کی جائیں گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)’پڑھو پنجاب اور بڑھو پنجاب” پاکستان کی امیر ترین تحصیل کھاریاں کے اہم ترین اور پانچ ہزار سے زائد افراد پر مشتمل آبادی والے گائوں ڈوگہ میں قائم گورنمنٹ پرائمری سکول فار بوائز جو1929ء میں قائم ہوا اور اب تک پرائمری سکول ہی ہے یہاں عملہ کا بھی فقدان ہے ایک سال قبل ڈی سی او گجرات لیاقت علی چٹھہ اور ایم پی اے چوہدری شبیر احمد کوٹلہ کو بھی سکول کا دورہ کرایا گیا اور انہوں نے سکول کو اپ گریڈ کرنے اوراساتذہ کی کمی پوری کرنے کی یقین دہانی بھی کرائی لیکن تاحال عمل درآمد نہیں کرایا جا سکا۔ درمیانے، غریب طبقے کے افراد کے بچے مہنگے اور دور سکولوں میں جا کر تعلیم حاصل کرنے پر مجبور ہیں خادم اعلیٰ پنجاب میاں شہباز شریف کے تعلیمی ویژن اور نعرے ”پڑھو پنجاب اور بڑھو پنجاب” کے حوالے سے پورے صوبے میں تعلیم کے شعبے میں فروغ تعلیم کے لئے گراں قدر خدمات سرانجام دی جا رہی ہیں اور کروڑوں اربوں روپے کے فنڈز اس شعبے پر خرچ کئے جا رہے ہیں لیکن اس بدقسمت سکول اور اس گائوں میں رہائش پذیر غریب طبقے کے افراد کی قسمت کب بدلے گی قوم کو زیور تعلیم سے آراستہ کرنے کے حوالے سے آئے روز پالیسیاں بنتی ہیں لیکن اس حلقہ میں پتہ نہیں کب غریبوں اور مسکینوں کے لئے سستی اور معیاری تعلیم ممکن ہو سکے گی۔ سوسائٹی کے وہ افراد جن کے پاس وافر وسائل نہیں ہیں کے بچے مہنگے پرائیویٹ اداروں میں تعلیم حاصل نہیں کر سکتے جس کے نتیجے میں ان کا تعلیمی سلسلہ منقطع ہو جاتا ہے اور وہ کسی ہوٹل، کسی ورکشاپ یا کسی استاد کا ”چھوٹو” بن کر بقیہ زندگی گزارتے ہیں یا کسی وڈیرے کے نوکر بن کر ان کی بھینسوں کا چارہ ڈالنے یا حقہ پانی کا بندوبست کرنے میں مصروف ہو جاتے ہیں معاشرے کے پسے ہوئے طبقے میں تبدیلی صرف تعلیم کے ذریعے ہی ممکن ہے محکمہ تعلیم کے ذمہ داران کی عدم دلچسپی، گائوں کے وڈیروں کی نااہلی اور منتخب نمائندوں کی اپنی ترجیحات کی وجہ سے یہ86سالہ پرائمری سکول ابھی تک پرائمری ہے اس گائوں کے نچلے اور درمیانے طبقے نے حکومت پنجاب محکمہ تعلیم اور ووٹ لے کر منتخب ہونے والے نمائندوں سے مطالبہ کیا ہے کہ اس پرائمری سکول کے اپ گریڈ کرنے کے احکامات جلد از جلد جاری کئے جائیں اور نئے تعلیمی سال سے یہاں مڈل کلاسوں کے شروع کرنے کا بندوبست کیا جائے۔ اہل اساتذہ کو یہاں تعینات کیا جائے تاکہ غریبوں کے بچوں کو اپنے گائوں میں رہ کر سستی اور معیاری تعلیم حاصل کرنے کے مواقع ملیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)ویلڈن چوہدری اجمل حسین پیارا وائس چیئرمین یوسی بدرمرجان صدر پی ٹی آئی یوتھ ونگ حلقہ پی پی115 گورنمنٹ بوائز اینڈ گرلز پرائمری سکول پیارا میں ہال کی تعمیر کے لئے اپنی ذاتی گرہ سے پانچ لاکھ روپے کا عطیہ دے دیا اس سکول میں موضع پیارا اور ابیال کے بچے، بچیاں زیور تعلیم سے آراستہ ہو رہے ہیں اور یہاں پر طلباء و طالبات کے لئے ہال موجود نہیں تھا اس سلسلہ میں وائس چیئرمین چوہدری اجمل حسین پیارا نے ذاتی گرہ سے عطیہ ادا کر دیا انشاء اللہ جلد تعمیر بھی شروع کر دی جائے گی یاد رہے کہ اس سے قبل بھی موضع سندھاریہ میں برساتی نالہ پر پلی کی تعمیر کے لئے پچاس ہزار روپے اور موضع ابیال میں جنازہ گاہ کی تعمیر کے لئے بھی اپنی ذاتی گرہ سے پچاس ہزار روپے ادا کر چکے ہیں اس موقع پر چوہدری اجمل حسین پیارا نے کہا کہ ہم زبانی دعوئوں پر نہیں بلکہ عمل پر یقین رکھتے ہیں حکومت ہمیں فنڈز نہیں دے رہی ہم اللہ کی دی ہوئی توفیق کے مطابق آئندہ بھی عوامی فلاحی کام کرتے رہیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)مورخہ 4اکتوبر کی رات 9بجے کے قریب نامعلوم ٹرالر کی ٹکر سے 12سالہ عبداللہ جان کی بازی ہار گیا ٹرالر فرار ہونے میں کامیاب ہو گیا ڈنگہ روڈ کھاریاں موہری چوک کے قریب سڑک کراس کرتا ہوا۔ 12سالہ عبداللہ ٹرالر کی زد میں آ کر جاں بحق ہو گیا جبکہ ٹرالر فرار ہونے میں کامیاب ہو گیا اس وقوعہ کے بارے میں تھانہ صدر کھاریاں کے عملہ نے لاعملی کا اظہار کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)چیف آفیسر ٹی ایم اے کھاریاں شیخ وجاہت حفیظ صدیقی نے گذشتہ روز میڈیا کے نمائندوں سے گفتگو کرتے ہوئے بتایا کہ محرم الحرام کے عشرہ کے دوران جلوسوں کے روٹوں پر صفائی اور لائٹنگ کا نظام مکمل کر لیا گیا ہے اس سلسلہ میں اے سی کھاریاں ذوالفقار علی باگڑی کی خصوصی ہدایات کی روشنی میں محرم الحرام کو گلیانہ روڈ کھاریاں تا کباڑی بازار ماتمی جلوسوں اور9 محرم الحرام کی شب محلہ ریلوے اسٹیشن تا راجہ منزل محلہ ستار پورہ کھاریاں کے روٹوں کی صفائی کا عمل جاری ہے اور لائٹنگ بھی لگا دی گئی ہے اور جلوسوں کے موقع پر بھی صفائی کی جائے گی اس کے ساتھ ساتھ 10محرم الحرام کے دن بھی راجہ منزل سے برآمد ہونے والے مرکزی جلوس کے روٹ پر بھی ساتھ ساتھ صفائی کی جائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)ایم این اے چوہدری عابد رضا اور ایم پی اے چوہدری شبیر احمد کوٹلہ نے کہا ہے کہ محرم الحرام ہمیں حق سچ پر ڈٹ جانے اور ظالم جابر حکمران کے سامنے کلمہ حق بلند کرنے کا درس دیتا ہے دنیا اور دین میں کامیابی حاصل کرنے کے لئے ہمیں اسوہ حسینی پر چلنا ہوگا حضرت امام حسین نے کربلا کے میدان میں قربانیاں دے کر انسانیت کو یہی پیغام دیا اگر امت مسلمہ متحد ہو جائے اور اسوہ حسینی پر چل پڑے تو ظالم کے خلاف جہاد کیا جا سکتا ہے اور پوری دنیا میں ظلم و بربریت کا شکار مسلمانوں کی مدد بھی کی جا سکتی ہے اور انہیں مظالم سے بچایا جا سکتا ہے انہوں نے مزید کہا کہ محرم الحرام کے دوران بھائی چارے کی فضاء کو قائم رکھنے کے لئے تمام مکتبہ فکر کے علماء اپنا کردار ادا کریں حکومت بھی بھرپور اقدامات کر رہی ہے دہشت گردوں کو بھی مذموم مقاصد سے باز رکھنے کے لئے بھائی چارے کی اشد ضرورت ہے۔ محرم الحرام کا احترام بھی سب پر لازم ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)والفقار علی باگڑی اسسٹنٹ کمشنر کھاریاںلالہ موسیٰ شہر اور گلیانہ کا دورہ کیا۔ دوران چیکنگ گولڑہ تکہ شاپ اور رزاقیہ تکہ شاپ لالہ موسیٰ اور المدینہ برگر شاپ اور المقبول سموسہ شاپ گلیانہ کو ناقص صفائی اور فوڈ اتھارٹی کا لائسنس نہ ہونے پر تما م شاپزسیل کردی گئیں ہیں۔اسسٹنٹ کمشنر کھاریاں کا ہمراہ جاوید اقبال ڈرگ انسپکٹر کھاریاں کا علاقہ تھانہ ڈنگہ کا دورہ موضع سیکریالی اور کھوجہ میں ذیشان میڈیکل سٹور، ارشد میڈیکل سٹورڈرگ ایکٹ کی خلاف ورزی پر سیل کردیے گئے ہیں۔ مزید چیکنگ جاری ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)کھاریاں شہر میں کم عمر رکشہ ڈرائیوروں کی بھرمار کوئی پوچھنے والا نہیں ایک وقت میں 7زندگیاں دائو پر لگی ہوئی ہیں ٹریفک پولیس اہلکارووں کی غفلت اور لاپرواہی سے کسی وقت بڑے حادثہ کی خبر موصول ہو سکتی ہے عوامی حلقوں نے ڈی پی او گجرات اور DSP ٹریفک گجرات سے نوٹس لینے کا مطالبہ کرتے ہوئے کہا ہے کہ کم عمر رکشہ ڈرائیوروں کے خلاف عملی طور پر ایکشن لیا جائے تاکہ کئی قیمتی زندگیاں ضلع ہونے سے بچائی جا سکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)تحصیل ہیڈکوارٹر ہسپتال کھاریاں نے ضلع گجرات بھر میں کارکردگی کے لحاظ سے نمایاں پوزیشن حاصل کی اور سات ٹرافیاں اپنے نام کیں گذشتہ روز شادیوال میں ہونے والی تقریب میں یہ انعامات ڈی سی او گجرات لیاقت علی چٹھہ اور ای ڈی او ہیلتھ ڈاکٹر چوہدری الطاف حسین نےM.S ڈاکٹر فاروق احمد بنگش کو انعامات دیئے۔ اس موقع پر بہترین مینجمنٹ، شعبہ گائنی کی نمایاں کارکردگی سے بہترین صفائی T.Bڈاٹ، ای پی آئی پروگرام کی کامیابی، نمایاں اور پی ڈی اور ماں بچے کی بہترین کیئر کے ایوارڈ دیئے گئے۔ گذشتہ روز M.S تحصیل ہیڈکوارٹر ہسپتال کھاریاں ڈاکٹر فاروق احمد بنگش نے میڈیا کے نمائندوں سے گفتگو کرتے ہوئے تفصیلات سے آگاہ کیا۔ انہوں نے اس عزم کا اظہار کیا کہ اس کارکردگی کو مزید بہتر بنانے میں میں اور میرا عملہ پہلے سے زیادہ محنت کریں گے 7ایوارڈ کا حصول عملہ کی شانہ روز محنت اور لگن کا ثمر ہے افسران بالا کی امیدوں پر پورا اترنے کی بھرپور کوشش کریں گے۔ تقریب میں چوہدری رضا علی متہ، چوہدری مبشر،DHO ڈاکٹر محمد علی مفتی اور محکمہ صحت کے افسران اور اہلکاروں کے ساتھ مقامی معززین نے بھی شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)کھاریاں پریس کلب (رجسٹرڈ) کے لان میں گذشتہ روز چیف آفیسر TMA کھاریاں شیخ وجاہت حفیظ صدیقی کی خصوصی ہدایات پر پودے لگا دیئے گئے اس موقع پر صدر حاجی عبدالرئوف، جنرل سیکرٹری آفتاب نذر، فنانس سیکرٹری جبار ساگر، چیئرمین تعمیراتی کمیٹی سید تنویر نقوی، کوارڈی نیٹر اعجاز مرزا، عبدالعزیز گوندل، جوائنٹ سیکرٹری طاہر رشید صدیقی، امجد حسین امجد بھی موجود تھے۔ صحافیوں سے سی او کا شکریہ بھی ادا کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)ایم این اے چوہدری عابد رضا اور ایم پی اے چوہدری شبیر احمد کوٹلہ کی کارکردگی پورے ضلع گجرات میں منفرد اور نمایاں ہے حلقہ این اے107 پورے ضلع گجرات میں تعمیر و ترقی کے حوالے سے اپنی مثال آپ بن رہا ہے ہمیں اپنے قائدین کوٹلہ برادران کی قیادت پر فخر ہے انشاء اللہ بے لوث خدمت اور تعمیر و ترقی کا یہ سلسلہ ہمیشہ جاری رہے گا ان خیالات کا اظہار مشترکہ طور پر راہنما مسلم لیگ(ن) یوتھ ونگ حلقہ پی پی 115راجہ سجاد حسین پنڈی ہاشم اور راہنما مسلم لیگ(ن) یونین کونسل بھگوال ملک نعیم اکبر دھنگ نے کیا۔ انہوں نے کہا کہ تاریخ گواہ ہے کہ اس سے قبل کے تمام ادوار میں حلقہ این اے107 میں اتنے بڑے پیمانے پر ترقی نہیں ہوئی جتنی کہ گذشتہ ساڑھے تین سالوں میں کوٹلہ برادران نے کی ہے انہوں نے کہا کہ حلقہ این اے107 کے عوامی نمائندگان کارکردگی کے لحاظ سے پورے ضلع گجرات میں پہلے نمبر پر ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)اعجاز حسین جعفری کی رہائشگاہ موضع دھنگ میں 21محرم الحرام کو سالانہ مجلس عزاء منعقد ہوگی جس میں نامور علماء اورذاکرین خطاب کریں گے اس موقع پر خواتین کے لئے پردے اور لنگر حسینی کا بھی وسیع پیمانے پر بندوبست ہوگا بانی مجلس اعجاز حسین جعفری نے مومنین کرام اور مومنات سے مجلس عزاء میں شرکت کی استدعا کی ہے یاد رہے کہ یہ مجلس گذشتہ سالوں سے باقاعدگی کے ساتھ منعقد کی جا رہی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)وفاق المدارس الشیعہ پاکستان کے صدر آیت اللہ حافظ ریاض حسین نجفی ، نائب صدر علامہ نیاز حسین نقوی اور سیکرٹر ی جنرل علامہ محمد افضل حیدری نے کوئٹہ میں بس سوار چارشیعہ ہزارہ مسافر خواتین کی ٹارگٹ کلنگ اور واہ کینٹ ٹیکسلا میں دو عزاداروں کی شہادت کی مذمت کرتے ہوئے کہا ہے کہ افسوسناک واقعات نیشنل ایکشن پلان پر عملدرآمد کے دعووں کی نفی اور سکیورٹی اداروں کی کارکردگی پر سوالیہ نشان ہے۔ مذمتی بیان میں انہوں نے کہا کہ ایک عرصے سے کوئٹہ دہشت گردی اور ٹارگٹ کلنگ کا شکار ہے، جس میں ہزارہ شیعہ نے ہزاروں شہدا پیش کئے ہیں۔ کوئٹہ جیسے شہر میں سڑک پر مسافر بس کو روک کر دہشت گردوں کا فائرنگ کرکے بے گناہ خواتین کو شہید کرکے فرار ہوجانا حکومتی رٹ کے لئے بڑا چیلنج ہے۔ان کا کہنا تھا کہ دہشت گردی کا واقعہ اس دن شام کو رونما ہوا جب اسلام آباد میں ملک کی عسکری اور سیاسی قیادت نیشنل ایکشن پلان پر عملدرآمد پر اطمینان کا اظہارکر رہی تھی اور دعوے کررہی تھی کہ بدامنی کے واقعات میں 75فیصد کمی واقع ہوئی ہے۔ آیت اللہ حافظ ریاض نجفی نے کہا کہ حقیقت یہ ہے کہ دہشت گرد جب ، جہاں اور جسے چاہتے ہیں شہید کردیتے ہیں، انہیں کوئی پوچھنے والا اور روکنے والا نہیں۔ انہوں نے کہا کہ تین دہائیوں سے شیعہ ٹارگٹ کلنگ میں ہزاروں قیمتی جانیں ضائع ہوچکی ہیں، ابھی تک دہشت گردی کے ناسور پر قابو نہیں پایا جاسکا۔ جوکہ ریاستی اداروں کی کارکردگی پر بہت بڑاسوالیہ نشان ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)محرم الحرام میں امن و امان کے قیام اور بین المسالک ہم آہنگی کیلئے ہر سطح پر مشترکہ کوششیں کی جائیں گی۔ مقررین ، ذاکرین ، علماء ، خطباء دوسرے مکاتب فکر کے عقائد ، نظریات ، اور شخصیات کا احترام اپنی تقریروں میں یقینی بنائیں گے ۔ محرم الحرام میں امن و امان کے قیام کیلئے ہر سطح پر حکومت سے تعاون کیا جائے گا۔ غلیظ لٹریچر پھیلانے والوں اور قابل اعتراض تقاریر کرنے والوں سے تمام مکاتب فکر برأت کا اعلان کرتے ہیں۔ بھارتی جارحیت کے خلاف حکومت اور افواج پاکستان کے شانہ بشانہ پوری قوم کھڑی ہے اور مسئلہ کشمیر کو اجاگر کرنے اور بھارتی جارحیت کو بے نقاب کرنے کیلئے تمام مکاتب فکر کے جید علماء کا وفد اسلامی ممالک میں بھیجا جائے گا۔ یہ بات پاکستان علماء کونسل کے زیر اہتمام وحدت امت کانفرنس سے خطاب کرتے ہوئے مقررین نے کہی ۔ کانفرنس کی صدارت پاکستان علماء کونسل کے مرکزی چیئرمین حافظ محمد طاہر محمود اشرفی نے کی جبکہ کانفرنس کے مہمان خصوصی سردار محمد یوسف وفاقی وزیر مذہبی امور تھے۔کانفرنس سے علامہ سید فخر الحسن قراروی ،صاحبزادہ زاہد محمود قاسمی ،علامہ عارف واحدی،علامہ زبیر ظہیر ،مولانا ایوب صفدر،مولانا ریاض کھرل ،علامہ زبیر عابد،مولانا شریف ہزاروی،مولانا عبد الحمید وٹو،مولانا اسد اللہ فاروق،مولانا اسعد زکریا،قاری غلام اللہ ،مولانا نعمان حاشر،مولانا عبد الحمید صابری،مولانا طاہر عقیل سمیت ملک کی 28 سے زائد مذہبی و سیاسی جماعتوں کے نمائندوں نے شرکت کی۔ کانفرنس سے مقررین نے کہا محرم الحرام میں امن و امان کے قیام کیلئے تمام مذہبی و سیاسی جماعتوں اور تمام مکاتب فکر کے افراد کو ہر سطح پر رابطوں کو تقویت دینی ہو گی ۔ تمام مسالک کے قائدین کو ”اپنا مسلک چھوڑو نہیں دوسرے کا مسلک چھیڑو نہیں ”کے اصول پر عملدرآمدکروانے کیلئے کوششیں کرنی ہوں گی ۔ کانفرنس میں پاکستان علماء کونسل کے زیر انتظام قومی مصالحتی کونسل کے ضابطہ اخلاق کی مکمل توثیق کی گئی۔ ضابطہ اخلاق ١۔ ملک میں مذہب کے نام پر دہشت گردی ، قتل و غارت گری خلاف اسلام ہے اور تمام مکاتب فکر اور تمام مذاہب کی قیادت اس سے مکمل اعلان برأت کرتی ہے۔ ٢۔ کوئی مقرر ، خطیب ، ذاکر یا واعظ اپنی تقریر میں انبیاء علیہ السلام ، اہل بیت اطہار ، اصحاب رسول ، خلفائے راشدین ، ازواج مطہرات ، آئمہ اطہار اور امام مہدی کی توہین نہ کرے اور ایسا کرنے والے کی کسی مسلک کے نمائندے سفارش نہیں کریں گے۔ ٣۔ کسی بھی اسلامی فرقے کو کافر قرار نہ دیا جائے اور کسی بھی مسلم یا غیر مسلم کو ماورائے عدالت واجب القتل قرار نہ دیا جائے اور پاکستان کے آئین کے مطابق تمام مذاہب اور مسالک کے لوگ اپنی ذاتی اور مذہبی زندگی گزاریں۔ ٤۔ اذان اور عربی کے خطبے کے علاوہ لائوڈ سپیکر پر مکمل پابندی ہو اور اس کے علاوہ تمام مذاہب اور مکاتب فکر کے لوگ اپنے اجتماعات کے لیے مقامی انتظامیہ سے اجازت لیں۔ ٥۔ شر انگیز اور دل آزار کتابوں ، پمفلٹوں ، تحریروں کی اشاعت ، تقسیم و ترسیل نہ ہو ، اشتعال انگیز اور نفرت آمیز مواد پر مبنی کیسٹوں اور انٹر نیٹ ویب سائیٹوں پر مکمل پابندی عائد کی جائے ۔ دل آزار اور نفرت آمیز اور اشتعال انگیز نعروں سے مکمل اعراض کیا جائے گا اور آئمہ ، فقہ ، مجتہدین کا احترام کیا جائے اور ان کی توہین نہ کی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)جمعیت علما پاکستان کے صدر پیر اعجاز احمد ہاشمی نے پارلیمنٹ کے مشترکہ اجلاس میں سیاسی جماعتوں کی کشمیریوں سے اظہار یکجہتی کو سراہتے ہوئے کہا ہے کہ تحریک انصاف کی طرف سے اہم اجلاس کا بائیکاٹ افسوسناک ، سیاسی ناپختگی اور بھارت کو خوش کرنے کے مترادف ہے۔ حکمرانوں کو بھی پانامہ لیکس پر احتساب کے مسئلے کو حل کرنا چاہیے۔ تاکہ قومی یکجہتی نظر آئے ۔میڈیا سے گفتگو میں پیر اعجاز ہاشمی نے کہا کہ پانامہ لیکس اور کرپشن ہمارے اندرونی معاملات ہیں، ان پر حکومت کو اقدامات کرنے چاہیں، لیکن ان معاملات کی وجہ سے قومی ایشوز پر اختلافات دنیاکو نہ دکھائیں۔ انہوںنے کہا کہ وزیر اعظم نے اقوام متحدہ اور پارلیمنٹ کے مشترکہ اجلاس میں قومی موقف پیش کرکے بھارت کو اچھا پیغام دیا ہے کہ کشمیریوں کے عالمی سطح پر ہم حمایتی ہی نہیں، اس مسئلے کے فریق ہیں۔ کشمیری کسی طور پر آزادی کے مطالبے سے دستبردارہونے والے نہیں۔ان کا کہنا تھا کہ اپوزیشن لیڈر خورشید شاہ ، سینیٹ چیرمین رضا ربانی اور پیپلز پارٹی کے چیرمین بلاول بھٹو زرداری نے اچھا پیغام دیا ہے۔عمران خان ، پارلیمنٹ کے اجلاس میں شریک نہ ہوکر تنہائی کا شکار ہوئے ہیں۔ انہیں ایسا نہیں کرنا چاہیے تھا۔ پیر اعجاز ہاشمی کا کہنا تھاکہ حکومت کو بھی اپنی ضدچھوڑ کر اپوزیشن کے پانامہ لیکس پر مطالبات کو مان لینا چاہیے۔ تاکہ قومی یکجہتی میں جو رکاوٹیں آتی ہیں، انہیں دور کیا جاسکے۔ انہوںنے کہا کہ پارلیمنٹ کی طرف سے بھارت کو اچھا پیغام دیا گیا ہے، اب ضرورت اس امر کی ہے کہ عالمی سطح پر کشمیر پالیسی کو اجاگر کریں اور کشمیر کے مسئلے کا پائیدار حل تلا ش کریں۔ ان کا کہنا تھا کہ پاکستانی قوم متحد ہے ، اسے کوئی تقسیم نہیں کرسکتا۔ ہم مختلف قومیتوں، فرقوں اور علاقوں سے تعلق رکھنے کے ساتھ پاکستان کے خوبصورت گلدستے کا حصہ ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)پاکستان مسلم لیگ ق لاہور کے سیکرٹری اطلاعات ناصررمضان گجر نے کہا ہے کہ پاور پلانٹس کی بندش سے بجلی بحران شدید تر ہوگیا ہے اور ملک میں بدترین لوڈ شیڈنگ سے کاروباری سرگرمیاں متاثر ہورہی ہیں شارٹ فال 5ہزار میگا واٹ سے تجاوز کرچکا ہے جبکہ حکومت دسمبر2018میں لوڈ شیڈنگ کے خاتمہ کی نوید سنارہی ہے۔اور عوام کو طفل تسلی اور دلاسے دے رہی ہے۔ان خیالات کا اظہار انہوںنے مسلم لیگ ہائوس میں پارٹی کارکنوں سے گفتگو کرتے ہوئے کیا۔ ناصر رمضان گجر نے کہا کہ پنجاب کے کئی شہروں میں 16سے 20گھنٹے کی لوڈ شیڈنگ سے شہری بھی پریشانی کا شکار ہیں گرمی اور حبس سے ستائے ہوئے لوگوں کو زندگی کی طویل اور غیر اعلانیہ لوڈ شیڈنگ نے مفلوج کرکے رکھ دیا ہے۔لوڈ شیڈنگ کے دورانیہ میں اضافہ سے طلباء کو پڑھائی میں مشکلات اور صنعتکاروں کو صنعتیں کی بندش سے پریشانی میں مبتلا کردیا ہے ۔انہوںنے کہا کہ بھارت کی جانب سے سندھ طاس معاہدے کی خلاف بیان بازی اور دریائے چنا ب کا پانی روکنے سے کالا باغ ڈیم کی افادیت نمایاں ہوئی ہے توانائی بحران کے خاتمہ کیلئے کالا باغ ڈیم کی تعمیر کا فی الفور آغاز کیا جائے ۔انہوں نے کہا کہ توانائی بحران بڑے آبی ذخائر کی بروقت تعمیر نہ کرنے سے سنگین ہوا ۔اس لیے حکومت ہائیڈل منصوبوں میںکالا باغ ڈیم کی تعمیر کا فوری فیصلہ کرکے فنڈز مختص کرے تاکہ عوام کو سستی اور وافر بجلی دستیاب ہوسکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)پاکستان مسلم لیگ(ن) یوتھ ونگ لاہور ڈویژن کے صدرحافظ محمد جمیل اور میاں احسن جاوید نے مسلم لیگ (ن) سے گہری وابستگی اور نوجوانوں میں فروغ نظریہ پاکستان کے تصور کو اجاگر کرنے کیلئے لیگی رہنماء سلومی رانا کو لاہور ڈویژن کی نائب صدر اور صائمہ شیخ کو جنرل سیکرٹری لاہور ڈویژن نامزد کر دیا جس کے نوٹیفکیشن بھی جاری کر دیئے گئے۔نوٹیفکیشن دینے کی تقریب گزشتہ روز منعقد کی گئی جس میں مسلم لیگ(ن) یوتھ ونگ لاہور ڈویژن کے عہدیدار اور کارکنان کی کثیر تعداد نے شرکت کی۔اس موقع پر میڈیا سے بات کر تے ہوئے سلومی رانا اور صائمہ شیخ نے کہا کہ وہ اپنی قیادت کی بہت مشکور ہیں جنہوں نے انہیں یہ ذمہ داری سونپی اور وہ بھر پور کو شش کرینگی کہ اس ذمہ داری کو احسن طریقہ سے نبھا ئیں اور قیادت کی توقعات پر پورا اتر سکیں۔انہوں نے کہا کہ وہ مسلم لیگ(ن) یوتھ ونگ کو منظم’مظبوط اور فعال کرنے جبکہ رہبر پاکستان محمد نواز شریف اور شہباز شریف کی قیادت میں مسلم لیگ(ن) کا پیغام گھر گھر پہنچانے میں اپنا کردار بھر پور طریقے سے ادا کرینگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) حکومت پنجاب کی ہدایت پر ضلع سرگودھا کی تحصیل کوٹمومن’ شاہپور’ بھلوال’ بھیرہ’ سلانوالی’ ساہیوال کے تحصیل ہیڈ کوارٹر ہسپتالوں میں نرسری وارڈز قائم کرنے کیلئے محکمہ صحت کو ہدایات جاری کردی گئی ہیں ذرائع کے مطابق حکومت پنجاب کی جانب سے سرگودھا سمیت صوبہ بھر کی 136 تحصیلوں میں واقع تحصیل ہیڈ کوارٹر ہسپتالوں میں نرسری وارڈز قائم کئے جارہے ہیں جن کیلئے محکمہ صحت کو تخمینہ لگانے کی ہدایت جاری کردی گئی ہے اسی سلسلہ میں ضلع سرگودھا کی 6 تحصیلوں کے ہسپتالوں میں بھی نرسری وارڈز قائم کئے جارہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) وزارت داخلہ کی جانب سے محرم الحرام کی دو تعطیلات کے اعلان کے بعد وفاقی اور صوبائی محکموں کے متعدد ملازمین نے سوموار کی چھٹی کیلئے درخواستیں اور سفارشیں کرنا شروع کردی ہیں عاشورہ کے موقع پر حکومت نے 11 اور 12 اکتوبر بروز منگل’ بدھ تعطیل کا اعلان کیا ہے وفاقی محکموں کے ملازمین ہفتہ اور اتوار کو معمول کی تعطیلات کرتے ہیں جبکہ اکثریت نے سوموار کے روز چھٹی لینے کیلئے سفارشیں اور چٹھیاں لینا شروع کردی ہیں اس طرح وفاقی محکموں کے ملازمین 5 جبکہ صوبائی محکموں کے ملازمین نے 4 چھٹیاں کرنے کیلئے اقدامات کو حتمی شکل دینا شروع کردی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) سرگودھا سے مخدوم انٹر چینج تک 22 کلو میٹر سڑک کی تعمیر کیلئے 1 ارب 37 کروڑ 3 لاکھ 50 ہزار روپے کے فنڈز منظور ہوچکے ہیں ایم ٹو 42 کلو میٹر سڑک کی تعمیر سے نہ صرف سرگودھا اور لاہور کے درمیان فاصلے کو کم کرنے میں مدد ملے گی بلکہ حادثات میں بھی نمایاں کمی ہوگی سرگودھا لاہور روڈ کو دو رویہ کیا جارہا ہے جس پر عرصہ دراز سے کام تو جاری ہے مگر روڈ مکمل نہ ہوسکا اور مختلف مقامات پر ٹوٹ پھوٹ کا شکار ہے جس پر حکومت پنجاب نے 42 کلو میٹر سڑک کی تعمیر کیلئے 1 ارب 37 کروڑ 3 لاکھ 50 ہزار کی رقم جاری کردی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) اورنج اور میٹرو ٹرین کے علاوہ حکومتی تمام منصوبے کاغذی ہیں سرگودھا میں متعدد بار پینے کے صاف پانی کی فراہمی’ سیوریج کے نظام کی بہتری’ سڑکوں’ گلیوں کی تعمیر و مرمت کیلئے کروڑوں کے فنڈز کے اجراء کی خبریں جاری ہوئیں جو اخبارات تک ہی محدود رہ گئیں ان خیالات کا اظہار سینئر راہنما پاکستان تحریک انصاف الحاج ممتاز اختر کاہلوں نے کیا انہوں نے کہا کہ اورنج اور میٹرو ٹرین کے علاوہ پنجاب بھر میں جتنے بھی منصوبے ہیں وہ تمام کے تمام کاغذی ہیں جن کا حقیقت سے کوئی تعلق نہیں الحاج ممتاز اختر کاہلوں نے کہا کہ اس وقت پاکستان میں لاہور کے علاوہ کہیں بھی ترقیاتی کام نہیں ہورہے اور جو کام ہورہے ہیں وہ زبانی جمع خرچ کے علاوہ کچھ نہیں الحاج ممتاز اختر کاہلوں نے کہا کہ اب وقت آگیا ہے کہ شہری اپنے حق کیلئے پاکستان تحریک انصاف کا ساتھ دیں جب تک پاکستان تحریک انصاف کا ساتھ دینے کیلئے عوام سڑکوں پر نہیں آئیگی اس وقت تک ان کو ان کا حق نہیں ملے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) سرگودھا سمیت ضلع بھر میں قیام امن کیلئے امن کمیٹی ‘ کور کمیٹی’ تاجر تنظیموں اور تمام مکاتب فکر کے لوگوں کو ملکر کام کرنا ہوگا کچھ لوگ امن نہیں چاہتے اس لئے وہ پاکستان کے حالات خراب کرنے کی کوشش کرتے ہیں ہم سب کو ملکر ایسی کوششوں کو ناکام بنانا ہوگا ان خیالات کا اظہار انجمن تاجران کے راہنما اور امن کمیٹی کے ممبر بھائی عبدالرحمن نے کیا انہوں نے کہا کہ سرگودھا کے شہریوں’ تاجروں’ علماء کرام نے ہمیشہ امن کے قیام میں اپنا اہم کردار ادا کیا ہے اور آئندہ بھی انتظامیہ سے بھرپور تعاون کرتے ہوئے امن کے قیام کیلئے سابقہ روایات کو برقرار رکھیں گے بھائی عبدالرحمن نے کہا کہ اس وقت فرقہ وارانہ ہم آہنگی کے فروغ اور باہمی اختلافات کو فراموش کرکے ہمیں ملک دشمن عناصر کے عزائم کو خاک میں ملانا ہوگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) وزارت داخلہ کی جانب سے سرگودھا سمیت پنجاب کے 10 اضلاع کو انتہائی حساس قرار دینے کے بعد علماء کرام اور تمام مکاتب فکر کے لوگوں پر یہ ذمہ داری عائد ہوتی ہے کہ محرم الحرام میں ضلع کے امن کو برقرار رکھنے کیلئے ہمیں باہمی اتفاق’ اتحاد’ مذہبی رواداری کو فروغ دیتے ہوئے ملک دشمن عناصر کے عزائم کو خاک میں ملانے کیلئے سکیورٹی اداروں سے بھرپور تعاون کرنا ہوگا ان خیالات کا اظہار امن کور کمیٹی کے ممبر شاہین احسان مغل نے اپنے ایک بیان میں کیا انہوں نے کہا کہ جغرافیائی لحاظ سے سرگودھا ایک انتہائی حساس ضلع ہے جہاں پر امن کی ضرورت سب سے زیادہ ہے اس لئے ہمیں اپنے گردونواح کے ماحول پر کڑی نظر رکھنا ہوگی تاکہ امن کی فضاء برقرار رہے شاہین احسان مغل نے کہا کہ ہمیں پبلک مقامات پر خصوصی توجہ مرکوز کرنے کی ضرورت ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) استاد کا کردار معاشرے کی تشکیل میں بہت اہم ہے ضرورت اس امر کی ہے کہ اساتذہ کو وہ مقام دیا جائے جس کے وہ حقدار ہیں جو قومیں اساتذہ کا احترام نہیں کرتیں پھر وقت بھی اس قوم کو صفحہ ہستی سے مٹا دیتا ہے آج دنیا میں جو ترقی ہورہی ہے اس کا سہرا بلا شبہ اساتذہ کے سر ہے ان خیالات کا اظہار میئر شپ کے امیدوار مرزا الیاس بیگ نے پنجاب ایجوکیشنل کمپلیکس سرگودھا میں اساتذہ کے عالمی دن کے موقع پر خطاب کرتے ہوئے کیا انہوں نے کہا کہ اساتذہ نئی نسل کو پروان چڑھانے اور انہیں اچھی تعلیم دینے میں جو کردار ادا کرتا ہے وہ کسی سے پوشیدہ نہیں حضرت علی نے فرمایا ہے کہ جس نے مجھے ایک لفظ پڑھایا وہ میرا استاد ہے جس سے تعلیم اور اساتذہ کی افادیت کا اندازہ لگایا جاسکتا ہے تقریب سے خطاب کرتے ہوئے حاجی ماسٹر ملک محمد اسماعیل’ مسلم لیگی راہنما جاوید ملک’ میڈم غزالہ’ میڈم ثمینہ’ میڈم تنویر سمیت دیگر نے بھی خطاب کیا اور کہا کہ حکومت اساتذہ کے حقوق کو بحال کرنے اور اساتذہ کو معاشرے میں باعزت مقام دلوانے کیلئے پارلیمنٹ میں قانون سازی کرے تاکہ اساتذہ فخر سے یہ بتا سکیں کہ میں ایک ٹیچر ہوں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) بھارتی دھمکیوں سے ڈرنے والے نہیں ہر قیمت پر ملکی دفاع کرنا جانتے ہیں اس وقت پاکستان کسی بھی فرقہ واریت کا متحمل نہیں ہوسکتا ممبر و مہراب پر اتحاد و یگانگت کی فضاء کو پروان چڑھا کر شرپسند عناصر کے مذموم مقاصد کو ناکام بنایا جاسکتا ہے ان خیالات کا اظہار عالمی مبلغ مولانا الیاس گھمن’ مولانا عمر فاروقی’ مولانا محمد اکرم طوفانی’ مولانا حاجی شاہین احسان’ قاری عبدالوحید سمیت دیگر نے امن کمیٹی کے ممبران کے اعزاز میں مولانا الیاس گھمن کی جانب سے دیئے گئے عشائیہ سے خطاب کرتے ہوئے کیا مقررین نے کہا کہ محرم الحرام کے دوران پائیدار امن و امان اور مذہبی ہم آہنگی کو اس طرح فروغ دیا جائے کہ پورا سال امن کی فضاء برقرار رہے اور اس میں سب سے اہم کردار علماء کرام ہے جو رواداری کو فروغ دینے میں اپنا مثبت کردار ادا کرسکتے ہیں مولانا الیاس گھمن’ حاجی شاہین احسان’ قاری عمر فاروقی نے کہا کہ سرگودھا میں فرقہ واریت نام کی کوئی چیز نہیں اس وقت سرگودھا امن کا گہوارہ ہے جس میں ڈویژنل اور ضلعی انتظامیہ کا کردار بھی بہت اہم ہے مقررین نے کہا کہ سرگودھا کے لوگ امن پسند اور علماء کرام نے ہمیشہ بھائی چارے کی فضاء کو پروان چڑھاتے ہوئے پائیدار امن و امان اور مذہبی ہم آہنگی کو برقرار رکھتے ہوئے انتظامیہ سے بھرپور تعاون کیا ہے انہوں نے کہا کہ محرم الحرام میں بین المسالک راوداری’ امن و امان کا قیام وقت کی اہم ضرورت ہے محرم الحرام میں امن و امان قائم رکھنا ہماری اولین ترجیح ہے انہوں نے بھارت کی جانب سے جارحیت کی مذمت کرتے ہوئے کہا کہ بھارتی دھمکیوں سے ڈرنے والے نہیں ملکی دفاع ہر صورت یقینی بنائینگے اگر دشمن نے کسی قسم کی جارحیت کا سوچا بھی تو پاکستانی عوام بھارتی فوج پر قہر بن کر ٹوٹ پڑیگی اور انشاء اللہ فتح اللہ کے حکم سے پاکستانی فوج اور عوام کی ہوگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) شہید ملت لیاقت علی خان کا 64 واں یوم شہادت پورے ملک میں 16 اکتوبر کو منایا جائیگا شہید ملت لیاقت علی خان کو 64 سال قبل 16 اکتوبر 1951ء کو راولپنڈی میں نامعلوم افراد نے فائرنگ کرکے شہید کردیا تھا شہید ملت خان لیاقت علی خان پاکستان کے پہلے وزیر اعظم تھے جنہیں راولپنڈی میں فائرنگ کرکے شہید کیا گیا تھا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی)) محرم الحرام میں محکمہ صحت ‘ پولیس’ سول ڈیفنس’ بم ڈسپوزل’ ریسکیو 1122 اور متعلقہ قانون نافذ کرنیوالے اداروں کی چھٹیاں منسوخ کردی گئی ہے اور تمام ملازمین کو یکم محرم الحرام سے 10 محرم الحرام تک اپنی ڈیوٹیوں پر حاضر رہنے کی ہدایت کی گئی ہے تاکہ کسی بھی ہنگامی صورت میں بروقت امداد کو یقینی بنایا جاسکے ذرائع کے مطابق محرم الحرام کے دنوں میں جلوس کے راستوں میں آنیوالی عمارتوں پر ہر 25 عمارتوں کے بعد ایک عمارت پر دور بین کیساتھ ماہر نشانہ باز تعینات ہوگا جبکہ جلوس کے راستے میں آنیوالی تمام عمارتوں پر پولیس کے اہلکار بھی تعینات ہونگے جلوس کے راستوں کی مانیٹرنگ کرنے کیلئے سی سی ٹی وی کیمرے نصب کرنے کیساتھ ساتھ خفیہ اداروں کے اہلکار جلوس کی ویڈیو بھی بنائینگے جبکہ جلوس کے راستوں میں آنیوالی عمارتوں کے مالکان اور کرایہ داروں کے کوائف اکٹھے کرلئے گئے اور کئی اضلاع میں کوائف اکٹھے کرنے کا کام آخری مراحل میں ہے اس کا مقصد امن و امان کی صورتحال کو ہر صورت میں یقینی بنانا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) سرکاری سکولوں کی آئی ٹی لیب کے کمپیوٹرز بڑی تعداد میں ناکارہ ہوگئے جبکہ طلباء و طالبات پرائیویٹ طور پر کمپیوٹر کی تعلیم حاصل کرنے پر مجبور ہیں کئی سکولوں میں آئی ٹی سے متعلقہ اساتذہ ہی تعینات نہیں کئے گئے تعلیمی ذرائع کا کہنا ہے کہ بعض بااثر اساتذہ قیمتی کمپیوٹر گھروں کو لے گئے ہیں اس سلسلہ میں محکمہ تعلیم کے ذرائع کا کہنا ہے کہ سکولوں میں آئی ٹی لیبز میں کمپیوٹرز کی فراہمی کو یقینی بنانے اور اساتذہ کی تعیناتی کیلئے اقدامات کئے گئے ہیں جن آئی ٹی لیبز سے کمپیوٹر غائب ہیں یا ناکارہ ہوئے ہیں ان کی تحقیقات کی جارہی ہے ذمہ داران کیخلاف سخت کاروائی کی جائیگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) گوشت’ دودھ اور دیگر غیر معیاری اشیاء کیخلاف چلائی جانیوالی حکومتی مہم کا بخار اتر گیا شہر بھر کے ہوٹلوں پر غیر معیاری کھانے اور دودھ وغیرہ کی سپلائی کا سلسلہ ایک بار پھر عروج پر پہنچ گیا ہے گزشتہ دنوں سرگودھا سمیت پنجاب بھر میں غیر معیاری’ مضر صحت گوشت کیساتھ ساتھ گدھوں کا گوشت فروخت کرنے اور ہوٹلوں پر صفائی کے انتظامات مکمل نہ کرنے اور غیر معیاری کھانے فروخت کرنے والے ہوٹلوں کیخلاف کاروائی کی گئی جو چند دن جاری رہنے کے بعد دم توڑ گئی اور شہر بھر کے ہوٹلوں میں غیر معیاری کھانوں اور صفائی کے ناقص انتظامات کا سلسلہ ایک بار پھر عروج پر پہنچ گیا ہے جبکہ غیر معیاری اور کیمیکل سے تیار کیا جانیوالا دودھ بھی ضلع بھر میں اسی طرح فروخت کیا جارہا ہے شہریوں کا کہنا ہے غیر معیاری اشیاء کیخلاف چلائی جانیوالی مہم سے عوام کو سہولت حاصل ہوئی تھی اور لوگوں نے سکھ کا سانس لیا تھا مگر نہ جانے حکومت نے کس مصلحت کے تحت اس مہم کو ختم کردیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) سیلز ٹیکس ایکٹ کے ذریعے ایف بی آر کو مرضی کا ٹیکس عائد کرنے کے فیصلے کی ہر سطح پر مذمت کرینگے تاجر پہلے ہی مختلف اقسام کے ٹیکس دے رہے ہیں سیلز ٹیکس کے ذریعے وفاقی حکومت کو مرضی کا ٹیکس عائد کرنے نہیں دینگے ان خیالات کا اظہار معروف تاجر رہنما حارث احسان نے اپنے ایک بیان میں کیا انہوں نے کہا کہ سیلز ٹیکس ایکٹ کی دفعہ 3 کی ذیلی دفعہ 6 کے تحت وفاقی حکومت کو یہ اختیار دیا گیا ہے کہ وہ جب چاہے جہاں چاہے اپنی مرضی کے مطابق کسی بھی قسم کا ٹیکس عائد کرسکتی ہے آئین کے آرٹیکل 77 کے تحت کسی بھی قسم کا ٹیکس عائد کرنا پارلیمنٹ کا اختیار ہے وفاقی حکومت اور ایف بی آر کو ٹیکس کے معاملے پر پارلیمنٹ پر برتری نہیں دی جاسکتی اس لئے حکومت اپنا یہ فیصلہ واپس لے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) محکمہ ریلوے نے 15 اکتوبر سے نیا ٹائم ٹیبل جاری کردیا ہے جس کے مطابق سرگودھا سے چلنے والی 353 پسنجر ٹرین دن 11 بجے کی بجائے صبح 10:30 بجے سرگودھا سے لالہ موسیٰ کیلئے روانہ ہوا کریگی اسی طرح سرگودھا سے ملتان چلنے والی ساندل ایکسپریس کے ٹاٹا پور’ ریاض آباد اور کوٹ عباس شہید کے سٹاپ ختم کردیئے گئے ہیں جبکہ متعدد ٹرینوں کے نئے سٹاپ جاری کئے گئے ہیں ریلوے ذرائع کے مطابق راولپنڈی سے براستہ لالہ موسی’ٰ سرگودھا’ فیصل آباد’ کراچی جانیوالی پاکستان ایکسپریس ٹرین کو منڈی بہائوالدین اور بھلوال میں ایک ایک منٹ کا سٹاپ دیئے جانے پر غور کیا جارہا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) حکومت پنجاب کی جانب سے دیہی روڈز پروگرام پکیاں سڑکاں سوکھے پینڈے کے تحت خادم اعلیٰ پنجاب نے 18 ارب روپے کی لاگت سے سرگودھا سمیت صوبہ بھر میں 1600 کلو میٹر سے زائد سڑکوں کی تعمیر و بحالی کا مرحلہ مکمل کرلیا ہے اب 31 ارب روپے کی لاگت سے 3593 کلو میٹرسڑکیں بنائی جائینگی ان خیالات کا اظہار سابق ایم پی اے مرزا افضال بیگ نے کیا انہوں نے کہا کہ پاکستان مسلم لیگ ن عوام کا معیار زندگی بلند کرنے کیلئے تمام اقدامات بروئے کار لارہی ہے پکیاں سڑکاں’ سوکھے پینڈے پروگرام بھی اسی سلسلہ کی کڑی ہے اس سے پاکستان خصوصاً صوبہ پنجاب ترقی کریگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) ساڑھے 7 روپے والے قومی انعامی بانڈز کی 68 ویں قرعہ اندازی کل بروز سوموار مورخہ 17 اکتوبر کو حیدر آباد میں منعقد ہوگی اس قرعہ اندازی کے کل انعامات کی تعداد 1700 ہے جس میں پہلا انعام 15 لاکھ روپے دوسرا انعام 5 لاکھ روپے کے 3 انعامات اور تیسرا انعام 9300 روپے کے 1696 انعامات خوش نصیبوں میں تقسیم کئے جائینگے یہ رواں سال کی مجموعی طور پر 26 ویں قرعہ اندازی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) پاکستا ن مسلم لیگ ن تحصیل بھلوال کے کوآرڈینیٹر چوہدری آفتاب اللہ وڑائچ نے کہااپوزیشن قائدین سمیت تمام قومی سیاسی قائدین نے بہترین ملکی اور قومی مفاد میں وزیراعظم کی جانب خیرسگالی اور تعاون کا ہاتھ بڑھایایہ خوش آئند بات ہے۔انہوں نے کہا آج ہمیں ایسے ہی جذبے کی ضرورت ہے جس کے تحت دشمن کو ہماری کسی اندرونی کمزوری کا شائبہ بھی نہ گزرے۔ اے پی سی میں دفاع وطن کے تقاضے نبھانے اور ملک کی قومی دفاعی حکمت عملی طے کرنے کیلئے ایک مشترکہ پارلیمانی کمیٹی کا تشکیل دیا جانا طے ہوا ہے تو کیا ہی بہتر ہو تاکہ عمران خان خود اس کمیٹی کا حصہ بن جاتے جس سے پارلیمنٹ میں انکے کردار کے حوالے سے قائم ہونیوالا منفی تاثر بھی زائل ہو جاتا۔انہوں نے کہا اسکے برعکس وہ ملک کو درپیش موجودہ نازک حالات میں بھی قوم کو گھیراو جلاو کی راہ پر لگائے رکھیں گے اور حکومت کو چلنے نہ دینے کی دھمکیاں دیتے رہیں گے تو عوامی پذیرائی سے بھی محروم ہو جائینگے۔ عملی طور پر بھی قومی سیاسی قیادتوں کو اب ایک صفحے پر ہی نظر آنا چاہیے اور فوج کے ساتھ کھڑے ہونے کی بات کرکے اداروں میں غلط فہمیاں پیدا کرنے کی کوشش نہیں کرنی چاہیے۔ انہوںنے کہا بھارتی وزیراعظم مودی نے سرجیکل سٹرائیک کے دعوے سے رجوع کیا ہے مگر ہمیں اب بھارت کے ساتھ تعلقات کے معاملہ میں کوئی نرمی اختیار نہیں کرنی چاہیے اور تجارت سمیت اسکے ساتھ تمام تعلقات منقطع کرکے اپنی دفاعی صلاحیتوں کا ٹھوس پیغام دینا چاہیے۔ حکومتی سطح پر آل پارٹیز کانفرنس کا انعقاد اس حوالے سے یقیناً ایک اہم پیش رفت ہے’ ہمیں یہ ٹمپو اب ٹوٹنے نہیں دینا چاہیے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) پاکستان مسلم لیگ ن کے رہنما چوہدر ی طارق مجید نے کہا ہے کہ عمران خان نے نریندر مودی کی خوشنودی کیلئے پارلیمنٹ کے مشترکہ اجلاس کا بائیکاٹ کیا۔ عمران خان بھارتی وزیراعظم نریندر مودی کے ایجنڈے پر گامزن ہیں اور مسئلہ کشمیر پر بھی قوم کو تقسیم کرنا چاہتے ہیں۔ انہوں نے کہا کہ عمران خان کو مظلوم کشمیریوں پر ہونے والے بھارتی مظالم کا کوئی احساس نہیں۔ وہ ذاتی مفادات کو ترجیح دیتے ہیں۔ عمران خان کی انا پرستانہ سیاست کا مقصد بزور طاقت اقتدار کا حصول ہے جو کسی صورت انہیں نہیں مل سکتا۔ مسلم لیگ (ن) کو عوام نے مینڈیٹ دیاہے اور عوام ہی صرف اپنے ووٹ کے طاقت سے جس کو چاہیں اقتدار دلاسکتے ہیں۔انہوں نے کہا ہے کہ بلوچستان میں کوئی علیحدگی کی تحریک نہیں۔ بلوچستان کے عوام محب وطن ہیں اور وطن عزیز کی خاطر اپنی جانوں کا نذرانہ پیش کرنے کیلئے بھی ہمہ وقت تیار رہتے ہیں۔ انہوں نے کہا کہ بلوچستان کی سرزمین بھارتی ایجنٹوں سے پاک ہوچکی ہے۔ صوبے کے عوام پاکستان کے ساتھ والہانہ محبت کرتے ہیں۔ انہوں نے کہا کہ بھارت نے اپنے ایجنٹوں کے ذریعے بلوچستان کے حالات خراب کرنے کی سازش کی تھی لیکن محب وطن بلوچ عوام نے بھارت کی تمام سازشوں کو ناکام بنا دیا ہے۔ آج بلوچستان کے تمام اضلاع میں حکومتی رٹ قائم ہے اور وزیراعظم نواز شریف نے بلوچستان کو ترقی کی جانب گامزن کردیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) جماعت اسلامی کے رہنما چوہدری میسراحمد گجر نے کہا ہے کہ قومی سلامتی اور کشمیر ایشو پر حکومت سے یکجہتی کا یہ مطلب نہیں کہ ہم احتساب کے مطالبے سے دستبردار ہوگئے ہیں ۔ حکمرانوں کا احتساب مخالف رویہ ناقابل برداشت اور قومی یکجہتی کیلئے زہر قاتل ہے ۔ کرپٹ حکمرانوں نے قوم کے اعتمادکوبری طرح مجروح کیا ہے ۔وزیر اعظم عدالت کے سامنے پیش ہوجاتے تو کرپشن کا خاتمہ مشکل نہیں تھا مگر وہ خود کو ہر قسم کے احتساب اور جواب دہی سے بالا تر سمجھتے ہیں ،ملک میں آئین و قانون کی بالادستی کی راہ میں حکومتی رویہ سب سے بڑی رکاوٹ ہے ۔جب تک پانامہ لیکس کی تحقیقات نہیں ہوتیں اور لٹیروں کو احتساب کے کٹہرے میں نہیںلایاجاتا حکمرانوں کے پاس حکومت کرنے کا اخلاقی جواز نہیں ۔اپوزیشن جماعتیں بہت جلد مل بیٹھ کر پانامہ لیکس اور جوڈیشل کمیشن پر مشترکہ لائحہ عمل دیں گی۔ حکومت اگر قومی دولت لوٹنے والوں کا بلا امتیاز احتساب کرتی اور نیب سمیت احتساب کے قومی اداروں کو آزادانہ تحقیقات کا موقع دیتی تو آج حکمرانوں کو پوری قوم کا اعتماد حاصل ہوتا ۔انہوں نے کہا کہ کشمیر پر قومی یکجہتی اور اتحاد وقت کی ضرورت ہے اور حکومت اور اپوزیشن کی طرف سے اس مسئلہ پر مکمل یکجہتی اس بات کا اظہارہے کہ مودی سمیت کوئی دشمن اس غلط فہمی میں نہ رہے کہ ہم اپنے دفاع سے غافل ہیں اور حکومت اور اپوزیشن کی لڑائی سے کوئی فائدہ اٹھایا جاسکتا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) جماعت اسلامی کے رہنما ضیاء اللہ ملک نے کہا کہ پاکستان کے خلاف دشمن کے مکروہ عزائم کسی سے ڈھکے چھپے نہیں ،مودی کو کسی غلط فہمی میں نہیں رہنا چاہئے ،پاکستانی قوم دشمن کو سبق سکھانے اور اپنے کشمیری بھائیوں پر بھارتی ظلم و جبر کا حساب چکانے کیلئے پوری طرح تیار ہے ۔انہوں نے کہا کہ عالمی برادری عالمی امن کیلئے مودی کے پاگل پن کا علاج کرے اور کشمیر میں رائے شماری کرانے کا انتظام کیا جائے تاکہ خطے کی دوایٹمی قوتوں کے درمیان کشیدگی کا خاتمہ ہوسکے ۔انہوں نے کہا کہ جب تک مسئلہ کشمیر حل نہیں ہوتا اور کشمیری عوام کو ان کا حق خودارادیت نہیں ملتا خطے میں امن کا قیام ممکن نہیں ۔ بھارتی اشتعال انگیزیوں اور کشمیر کی موجودہ صورتحال پر وزیر اعظم کی طرف سے بلائے گئے قومی قائدین کے اجلاس میں ہونے والے اتحاد و اتفاق کو حکومت کوئی نیا رنگ دینے کی کوشش نہ کرے ۔اپوزیشن میں سے کوئی احتساب کے مطالبے سے دستبردار نہیں ہوا ۔انہوں نے کہا کہ بہت جلد اپوزیشن مل بیٹھ کر پانامہ لیکس کی تحقیقات اور جوڈیشل کمیشن کے قیام سے متعلق ایک لائحہ عمل دے گی اور اگر حکومت نے احتساب کے معاملے کو مزید لٹکانے کی کوشش کی تو اس کے خلاف احتجاجی تحریک زور پکڑ سکتی ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) سخی شاہ سلیمان نوری حضوری فائونڈیشن کے سربراہ صاحبزادہ محمد احسان دانش نے کہا کہ پاکستان کی موجودہ صورتحال ہیں تمام مذہبی ، سیاسی جماعتوں کے قائدین اختلافات بھلا کر ملک کے دفاع کے لیے متحد ہوجائیں پاکستان کی طرف میلی آنکھ سے دیکھنے والوں کا انجام عبر تناک ہو گا پا کستان بھر کے درباروں کے تمام مشائخ عظام موجودہ صورتحال میں ملک کے دفاع کے لیے تیار ہیں اور پاک فوج کے ساتھ ہیں تمام سیاسی جماعتوں کے قا ئدین سے اپیل ہے کہ اس وقت کنٹرول لا ئن پر انڈین فوج کھڑی ہے اور جنگ کے لیے تیار ہے اس لیے سیاسی اختلافات بھلاکر اور جلسے جلوسوں احتجاج کا سلسلہ ترک کرکے پاکستان کے دفاع کے لیے اکٹھے ہوجائیں اور ایک دوسرے کے خلاف بیان بازی پر سیز فائر کی جا ئے۔ انہوں نے کہا کہ پاک وہند میں اسلام اولیاء کرام صوفیائے کرام بز رگان دین کی تعلیمات کی وجہ سے پھیلا، اولیاء کرام بزرگان دین کے مزارات رشد و ہدایت کے پیکر ہیں پا کستان میں دہشت گردی عروج پر پہنچ چکی تھی مگر پا ک فوج جنرل راحیل شریف کی ہدایت پر جاری کردہ ضربِ عضب اپریشن کی وجہ سے اس میں کمی ہوئی ہے کچھ لوگ کو بدنام کرنے کے لیے دہشت گردی کا لبادہ اوڑھ رہے ہیں کبھی کامیاب نہیں ہونگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) تحصیل میونسپل آفیسر چوہدری شاہد اقبال نے کہا ہے کہ اتحاد، بھائی چارے اور رواداری کی فضا کو فروغ دے کر امن کی فضا کو مزید بہتر رکھا جاسکتا ہے فرقہ ورانہ اختلافات میں الجھ کر معاشرے کے امن کو خرا ب کرنے کی کسی کو اجازت نہیں دی جائے گی امن پسند قوتیں شرپسندوں کے عزائم کوناکام بنانے کے لیے اپنی روایات برقرار رکھیںانہوں نے کہا کہ تمام مکاتب فکر یکجہتی اورفرقہ ورانہ ہم آہنگی کا مظاہرہ کریں انہوں نے کہا اپنے مسلک پر قائم رہتے ہوئے دوسروں پر تنقید کرنے سے گریز کیا جائے تمام جلوسوں اور مجالس کی حفاظت کو یقینی بنایا جارہا ہے انہوں نے کہا کہ پولیس کی طرف سے تمام حفاظتی اقدامات کئے جا چکے ہیں اور مجالس کی خصوصی نگرانی کی جا رہی ہے مشکوک افراد کی نقل و حرکت کو مانیٹر کیا جا رہا ہے جلوس ، مجالس انتظامیہ پولیس کی مدد کرتے ہوئے اپنے رضا کاروں کے ذریعے شرکاء کی جامہ تلاشی اور شناخت کو یقینی بنائیں جلوسوں اور مجالس کے ارد گرد کسی موٹر سائیکل ، گاڑی کو پارک کرنے، گزرنے کی اجازت نہیں جلوس اور مجالس کی انتظامیہ وقت کی پابندی کو ملحوظ خاطر رکھیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) پاکستان پیپلزپارٹی تحصیل بھلوال کے نائب صدر سید تصور حسین شیرازی نے کہا ہے کہ پاکستان کا ایشیا میں تعلیم پر کم ترین خرچ کرنے والے ممالک میں تیسرا نمبر آنا تعلیم دوستی کے دعوے داروں کی آنکھیں کھولنے کے لئے کافی ہے ۔ انہوں نے کہا کہ کہنے کو تو ہر سال حکومت تعلیم کی مد میں مختص رقم میں اضافہ کرتی رہتی ہے، مگر اس کے باوجود پاکستان ایشیا کے ان ممالک میں تیسرے نمبر پر ہے جو تعلیم پر کم رقم خرچ کرتے ہیں۔ اس سے ہماری حکومتوں کی تعلیم کے فروغ میں دلچسپی باآسانی آشکار ہوتی ہے۔ جی ڈی پی کے تناسب سے یہ رقم 2.5 فیصد ہے جو نہایت کم ہے۔ اس سے حکومت کا یہ دعویٰ کہ سرکاری سکولوں کی جانب طلبہ کا رجحان بڑھ رہا ہے مشکوک نظر آتا ہے۔ سرکاری سکولوں میں بجلی، پانی اور دیگر بنیادی سہولتیں موجود نہیں۔ تو وہاں کون بچے داخل کرائے گا۔ یہی وجہ ہے کہ لاہور کے سرکاری سکولوں میں 2لاکھ 90 ہزار بچوں کے داخلے کا ٹارگٹ پورا کرنے کے لئے اساتذہ کو گھر گھر جاکر مہم چلانے کی ہدایت کی گئی ہے۔ اگر حکومت واقعی ملک بھر میں تعلیم عام کرنے اور بچوں کو سکولوں میں داخل کرنے کے پروگرام میں سنجیدہ ہے تو اسے سرکاری سکولوں میں طلبہ کو ہر قسم کی ضروری سہولتیں اور بہترین نظام تعلیم دینا ہوگا۔ جس کے لئے تعلیمی بجٹ میں معقول اضافہ کرکے اسے ترقی یافتہ ممالک کے برابر لانا ہوگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) پاکستان تحریک انصاف یوتھ ونگ نارتھ پنجاب کے سینئرنائب صدر یاسر فرقان نے کہا ہے کہ خیبر پی کے میں تحریک انصاف تعلیم اور صحت کے شعبے میں انقلابی اقدامات اُٹھا رہی ہے۔ قوموں کی ترقی کا راز تعلیم کے فروغ میں پنہاں ہے۔ کارکنوں کے وفود سے گفتگو کرتے ہوئے انہوں نے کہا کہ سڑکوں اور پلوں کی تعمیر سے ترقی نظر تو آتی ہے اور کمیشن بھی اکٹھا کیا جا سکتا ہے لیکن حقیقی ترقی لوگوں کی خوشحالی ہے۔ مسلم لیگ ن عوام سے جھوٹ بول کر حکومتی امور چلا رہی ہے حکومت ظاہری ترقی پر توجہ دینے کی بجائے انسانوں پر سرمایہ کاری کی کرے نواز شریف عمارتوں پر پیسہ خرچ کر رہے ہیں اور ہم انسانوں پر لگا رہے ہیں۔ انہوں نے کہا خیبرپختونخوا میں نجی سکولوں کے 34 ہزار بچوں کو سرکاری سکولوں میں داخل کرایا گیا۔ انہوں نے مزید کہا کہ عوام حکمرانوں کی پالیسیوں سے بُری طرح متنفر ہو چکے ہیں اور جلد اُن سے نجات چاہتے ہیں۔ حکمران کرپشن کے خلاف عوام کے جذبات کو دبا نہیں سکتے کرپٹ لوگوں کی جگہ جیل ہے تحریک انصاف قوم کی لوٹی ہوئی دولت کو ہضم نہیں کرنے دے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) شیعہ علما کونسل پنجاب کے صدر علامہ سید سبطین حیدر سبزواری نے واضح کیا ہے کہ عزاداری سید الشہد ا پر کسی قسم کی کوئی قدغن کو قبول نہیں کیا جائے گا،عوام کسی کی دھمکیوں اور خوف میں نہ آئیں، کوئی مائی کا لال عزاداری روکنے کی جرات نہیں کرسکتا۔ مجالس اور جلوس اپنے طے شدہ پروگرام کے مطابق ہوں گے۔ ضلع منڈی بہاوالدین کے جیا گاوں میں جاری خواتین کے عشرہ محرم الحرام کی مجلس عزا پر دھاو ا بولنے والے تھانہ کھٹیالہ شیخاں کے ایس ایچ او شوکت ٹوپہ کی طرف سے چادر اور چاردیواری کے تقدس کو پامال کرنے کی مذمت کرتے ہوئے علامہ سبطین سبزواری نے کہا کہ قائد ملت جعفریہ علامہ سید ساجد علی نقوی ہر شیعہ کے پشتی بان اور سرپرست ہیں، جنہوں نے واضح کردیا ہے کہ عزاداری ہمارا آئینی اور شہری حق ہے، جس کے لئے کسی پرمٹ یا لائسنس کی ضرورت نہیں۔یہ ہماری عبادت کا حصہ اور مسلمہ رسم ہے، اسے جاری رکھیں گے۔ انہوں نے کہا کہ جیا گاوں میں خواتین کی مجلس پر ایس ایچ او نے غیر قانونی طور پر دھاوا بولہ اور ذاکرہ کو سٹیج سے اتار دیا اور نازیبا الفاظ استعمال کئے۔ ایسے رویے کسی صورت برداشت نہیں کئے جائیں گے۔آئی جی پنجاب اس بد بخت ایس ایچ او کو فی الفور معطل کریں ۔ ان کا کہنا تھا کہ عزاداری کو محدود کرنے یا نئی مجالس کو روکنے والے کسی خوش فہمی میں مبتلا ہیں۔ ہم رجسٹرڈ اور غیر رجسڑڈ کی کسی بحث کو تسلیم کرتے ہیں اور نہ ہی کسی غیر قانونی طریقے سے اپنی مرضی کرنے دیں گے۔ان کا کہنا تھا کہ مکتب تشیع نے وقت کے ہر یزید سے ٹکر لی ہے، آج کے حکمران کسی غلط فہمی میں نہ رہیں۔اگرعزاداری میں رکاوٹیں بند نہ کی گئیں تو محرم الحرام کے جلوس روک سکتے ہیں، جس پر امن و امان کی ذمہ داری حکومت پر عائد ہوگی۔ ان کا کہنا تھا کہ عوام کو مقامی پولیس ڈرا دھمکا رہی ہے، لیکن غیو ر ملت جعفریہ سے اپیل ہے کہ عزاداری پر کسی قسم کی کوئی پابندی یاحد بندی کو قبول نہ کیا جائے، جہاں عزاداری روکی جائے وہاں ضروری کی جائے۔ چاہے جتنی قربانیاں ہی کیوں نہ دینی پڑیں۔ علامہ سبطین سبزواری نے یاددلایا کہ 30۔ ستمبر1988ء کا معرکہ ڈیر ہ اسمٰعیل خان ابھی نہیں بھولا جب قائد ملت جعفریہ علامہ سید ساجد علی نقوی کی کال پر دس شہدا نے جانیں قربان کردی تھیں، مگر رکے ہوئے جلوس کو طے شدہ روٹ پر نکالا گیا۔ حکومت ہمیں کسی ایسے اقدام پر مجبور نہ کرے کہ ہمیں پھر کوئی کال دینی پڑجائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) مووآن پاکستان پارٹی کے چیئرمین محمد کامران نے گزشتہ روز لائن آف کنٹرول پربھارتی فوج کی بلااشتعال فائرنگ سے شہید ہونے والے فوجی جوان نائیک امتیاز احمدکے گھر فیصل آبادجاکرشہید کے والدین،بچیوں اوردیگر اہل خانہ سے ملاقات کی ۔ محمد کامران نے شہید امتیاز احمد کی بچیوں سے شفقت کا اظہار کرتے ہوئے انہیں پیار کیا اور ان کی کفالت اور تعلیمی اخراجات برداشت کرنے کا بھی اعلان بھی کیا ۔ شکیل احمد اور دوسرے پارٹی رہنماء بھی ان کے ہمراہ تھے ۔محمد کامران نے شہید امتیاز احمد کے بزرگ والدین کے حوصلے اورہمت کوسراہااورکہاکہ میں شہید امتیازاحمد کے بزرگ والدین کو ان کی ہمت پر سلام پیش کرتا ہوں۔ محمد کامران نے شہید نائیک امتیاز احمد کی جرأت اور بہادری کو زبردست خراج عقیدت پیش کرتے ہوئے کہا کہشہید امتیاز احمد ہمیشہ ہمارے دلوں میں زندہ رہیں گے’ شہید امتیاز احمد نے اپنا آج قوم کے کل پر قربان کرکے عظیم مثال قائم کی ہے اور پاکستان کیلئے جام شہادت نوش کرکے پوری قوم کا سر فخر سے بلند کر دیا ہے۔ شہید امتیاز احمد اورشہید حوالدارجمعہ خان پوری پاکستانی قوم کے ہیرو ہیں۔ انہوں نے کہا کہ شہید امتیاز احمد جیسے بہادر سپوتو ںکے ہوتے ہوئے دشمن وطن عزیز کی جانب میلی آنکھ سے دیکھنے کی جرأت نہیں کرسکتا۔شہید امتیازاحمد فوج کے ساتھ پوری قوم کا سرمایہ اور فخر ہے۔ ہمارا ایمان ہے کہ شہید ہمیشہ زندہ رہتے ہیں اورشہید امتیاز احمد بھی ہمیشہ زندہ رہیں گے۔ شہید امتیاز احمدکی عظیم قربانی رائیگاں نہیں جائے گی۔انہوںنے کہا کہ شہداء کا خون ضرور رنگ لائے گااورکشمیریوں کوآزادی نصیب ہوگی۔انہوں نے کہا کہ میں شہید امتیازاحمد کے بزرگ والدین کو ان کی ہمت پر سلام پیش کرتا ہوں۔ پوری قوم شہید امتیاز احمدکے خاندان کے ساتھ ہے۔بعد ازاں انہوں نے شہید امتیاز احمد کے ایصال ثواب کیلئے فاتحہ خوانی بھی کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی(جی پی آئی) پاکستان بزنس مین اینڈ انٹلیکچولز فور م وآل کراچی انڈسٹریل الائنس کے صدر ،بزنس مین پینل کے سینیئر وائس چیئر مین اور سابق صوبائی وزیر میاں زاہد حسین نے کہا ہے کہ غیر ضروری رازداری اور یکطرفہ فیصلے پاکستان اور اس خطے کی تاریخ کے سب سے بڑے منصوبے کا مستقبل دائو پر لگا سکتی ہے۔ اقتصادی راہداری کے روٹ اور دیگر پہلووں پر اعتراض کرنے والوں کو دھمکیاں دینے کے بجائے انھیں مطمئن کیا جائے تاکہ یہ منصوبہ بروقت مکمل ہو کر ملک و قوم کی ترقی میں اپنا کردار ادا کر سکے۔ چھوٹے صوبوں کو اس منصوبے کے فوائد سے آگاہ کیا جائے اور جتنی جلدی ممکن ہو انکے تحفظات دور کیئے جائیں۔ میاں زاہد حسین نے یہاں جاری ہونے والے ایک بیان میں کہا کہ عالمی کسادبازاری اور بے روزگاری کے اس دور میں اقتصادی راہداری کے ذریعے سات لاکھ آسامیاں پیدا ہونگی جبکہ سالانہ شرح نمو میں دو سے ڈھائی فیصد اضافہ ہو گا ۔ یہ منصوبہ ملکی جی ڈی پی کے سترہ فیصد کے برابر ہے جسکی نظیر ملکی تاریخ میں نہیں ملتی تاہم اسکی تکمیل کیلیئے دوست ملک چین کی حکومت اور کمپنیوں کا اطمینان ضروری ہے جنھیں ہم آپس کی ناچاقیوں کے سبب ہر ممکن طریقے سے پریشان کر رہے ہیں۔ ہمارے سیاستدانوں اور دانشور وںکو معلوم ہونا چاہیئے کہ چینیوں کی برداشت کی بھی ایک حد ہے۔ میاں زاہد حسین نے کہا کہ صوبہ خیبر پختونخواہ کے وزیر اعلیٰ کی جانب سے حالیہ آل پارٹیز کانفرنس میں اس منصوبہ کے مغربی روٹ کا معاملہ اٹھانا صورتحال کی سنگین نوئیت کا اندازہ لگانے کیلیئے کافی ہے۔بلوچستان میں بھی اس منصوبے سے مقامی افراد کو ملنے والے فوائد کے بارے میں مختلف سوالات اٹھائے جا رہے ہیں جنکا فوری اور قائل کرنے والا جواب نہ دیا گیا تو صورتحال مزید خراب ہو گی جس کا سارا فائدہ اقتصادی راہداری کے دشمنوں کو پہنچے گا۔ انھوں نے کہا کہ مرکزی حکومت نے ماضی میں کئی بار مغربی روٹ کو ترجیح دینے کا وعدہ کیا ہے مگر زمینی صورتحال اس کے برعکس ہے جس سے مسائل جنم لے رہے ہیں جبکہ ملکی و غیر ملکی سرمایہ کار ہراساں ہو رہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نارووال(جی پی آئی)استاد کو معاشی خوشحال بنا کر ہم فروغ علم کی تحریک تیز کر سکتے ہیں ۔ سلام ٹیچر ڈے منانے کے ساتھ ساتھ استاد کو بلند مرتبہ دے کر ہی ہم مغربی دنیا کے مقابلے کے قابل بنیں گے ۔ ایک قابل استاد ہی نئی نسل میں جذبہ حب الوطنی اور قوم کا درد پیدا کر سکتا ہے ۔ اساتذہ کی بدولت ہی غوث اعظم ، امام اعظم ، امام غزالی ، شیخ عبد الحق محدث دہلوی، قائد اعظم ،علامہ محمد اقبال ، عزیز بھٹی شہید رحمہم اللہ تعالیٰ علیہم اجمعین اور فرزندان اسلام و پاکستان کا نام روشن ہوا۔ نبی کریم ۖ نے اپنا تعارف استاد کے حوالے سے بھی کروایا ہے ۔آج ہماری مستقل تعلیمی پالیسی نہ ہونے کے سبب اساتذہ و طلباء ہر سال امتحانات سے پہلے ذہنی دبائو کا شکار ہوتے ہیں ۔استاد کے مقام کی بحالی پورے پاکستان کی خوشحالی کی ضامن ہے ۔ان خیالات کا اظہار ہیڈ ماسٹر گورنمنٹ نیشنل سیکنڈر سکول میاں محمد سرور ،چیئرمین ادارہ تاجدار یمن پاکستان علامہ پیر محمد تبسم بشیر اویسی ،سیکنڈ ہیڈ ماسٹر محمد اجمل نیازی ،حافظ محمد شعیب زکریا ، محمد عمر فاروق ،محمد اظہار، خالد نواز،کاشف علی ،محمد بشیر گھمن اور محمد سعید عامر آسوی نے گورنمنٹ نیشنل سیکنڈری سکول نارووال میں ”سلام ٹیچر ڈے ”کے حوالے سے منعقدہ تقریب سے خطاب کرتے ہوئے کیا ۔ انہوں نے کہا کہ اساتذہ کی ذمہ داری ہے کہ وہ اپنے طلباء میں اسلام ،پاکستان او رملت اسلامیہ کی محبت اور دہشت گردی، صوبائی و لسانی تعصبات، فرقہ بندی سمیت عالمِ اسلام کے خلاف ساز ش سے نفرت پیدا کریں ۔جذبہ ہمدردی و غمگساری طلباء میں پروان چڑھا کر ملک و قوم کو اپنے پیروں پر کھڑا کریں ۔ اساتذہ کی بہترین تربیت ہی طلباء کو بلند مقام اور منزل مقصود تک پہنچاتی ہے ۔ اگر استاد کے بغیر تعلیمی نظام کا ر گر ہوتا تو اللہ تعالیٰ صفہ کے چبوتر ے پر بیٹھنے والے معلم کائنات ۖ کو مبعوث نہ فرماتا ۔ ایک استاد کیلئے سب سے قابل فخر بات اُس کا پیغمبرانہ پیشہ ہے ۔ انہوں نے حکومت پرزور دیا کہ وہ اساتذہ کی تنخواہوں میں اتنا اضافہ کرے جس سے استاد معاشی بدحالی سے نکل کر اپنا فریضہ کما حقہ ادا کر سکیں ۔ہر دفتر اور مقام پر استاد کی عزت نفس کی بحالی کیلئے ایک سرکولیشن جاری کیا جائے ۔ ریٹائرڈ ہونے والے اساتذہ کے پینشن کیس اُس کی دہلیز پر مکمل ہونے چاہئیں تاکہ ملک ترقی کرے ۔اس موقعہ پر طلباء نے اساتذہ کو سیلوٹ کرکے اساتذہ سے اپنی عقیدت کا اظہار کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور( ) شیعہ علما کونسل پنجاب کے صدر علامہ سید سبطین حیدر سبزواری نے جیلوں میںعشرہ محرم الحرام پر پابندی کی شدید مذمت کرتے ہوئے وزیر اعلیٰ پنجاب میاں شہبا ز شریف سے اسے فوری بحال کرنے کا مطالبہ کیا ہے ۔ اور واضح کیا ہے کہ قیدی ہر سال جیلوں میں قائم امام بارگاہوں میں اکٹھے ہوکر عزاداری کرتے ہیں ، مگر اس بار اس پر پابندی لگانے کی اطلاعات پرعوام میں تشویش پائی جاتی ہے ۔یہ اقدام مذہبی معاملات میں مداخلت ہے ، جبکہ غیر آئینی اقدام سے لگتا ہے کہ حکومت خواہ مخواہ حالات خراب کرنے کی کوشش کررہی ہے۔ میڈیا سیل کی طرف سے جاری بیان میں انہوںنے کہا کہ عزاداری کسی مسلک کے خلاف نہیں، نواسہ رسول کا غم اور یزیدی فکر کے خلاف احتجاج ہے ، جو ہرسال منایا جاتا ہے۔ اس سے کسی کو خطرہ نہیں ہونا چاہیے۔ یہ حکومت کے لئے بھی خطرہ نہیں۔ ان کا کہنا تھا کہ بیوروکریسی آئین میں دی گئی شہری آزادیوں کو کیوں چھیننا چاہتی ہے، وزیر اعلیٰ پنجاب اس کا نوٹس لیں اور فی الفور جیلوں میں مجالس عزا کی بحالی کے احکامات جاری کریں۔علامہ سبطین سبزواری نے افسوس کا اظہار کیا کہ مقبوضہ کشمیر میں بھارتی فوج مسلمانوں کو نماز جمعہ کی ادائیگی سے روک رہی ہے اور یہاں پنجاب کی جیلوں میں محسن اسلام حضرت امام حسین علیہ السلام کی یاد منانے پر پابندیاںعائد کی جارہی ہیں ، جوکہ افسوسناک اور قابل مذمت ہے۔ ایسے ظالمانہ اقدامات کو مسترد کرتے ہوئے حکمرانوں کو متوجہ کرتے ہیں کہ اپنے لئے مشکلات پید ا نہ کرو۔ اگر پابندی لگانی ہے،تودہشت گردوں پر لگاو، غم حسین منانے پر پابندی لگانے والا اپنے لئے بدبختی کے سوا کچھ حاصل نہیں کرسکتا۔ کوئٹہ میں چار خواتین کی شہادت پر افسوس کا اظہار کرتے ہوئے علامہ سبطین سبزواری کا کہنا تھا کہ ٹارگٹ کلنگ کا واقعہ نیشنل ایکشن پلان پر عملدرآمد کے بلند بانگ دعوے کرنے والوں کے منہ پر طمانچہ ہے کہ سکیورٹی ادارے ابھی تک کوئٹہ کو دہشت گردوں سے پاک نہیں کرسکے، جو بسوں میںمسافرو ں کی پہچان کرکے انہیں شہید کرتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) شیعہ علما کونسل پنجاب کے صدر علامہ سید سبطین حیدر سبزواری نے واضح کیا ہے کہ عزاداری سید الشہد ا پر کسی قسم کی کوئی قدغن کو قبول نہیں کیا جائے گا،عوام کسی کی دھمکیوں اور خوف میں نہ آئیں، کوئی مائی کا لال عزاداری روکنے کی جرات نہیں کرسکتا۔ مجالس اور جلوس اپنے طے شدہ پروگرام کے مطابق ہوں گے۔ ضلع منڈی بہاوالدین کے جیا گاوں میں جاری خواتین کے عشرہ محرم الحرام کی مجلس عزا پر دھاو ا بولنے والے تھانہ کھٹیالہ شیخاں کے ایس ایچ او شوکت ٹوپہ کی طرف سے چادر اور چاردیواری کے تقدس کو پامال کرنے کی مذمت کرتے ہوئے علامہ سبطین سبزواری نے کہا کہ قائد ملت جعفریہ علامہ سید ساجد علی نقوی ہر شیعہ کے پشتی بان اور سرپرست ہیں، جنہوں نے واضح کردیا ہے کہ عزاداری ہمارا آئینی اور شہری حق ہے، جس کے لئے کسی پرمٹ یا لائسنس کی ضرورت نہیں۔یہ ہماری عبادت کا حصہ اور مسلمہ رسم ہے، اسے جاری رکھیں گے۔ انہوں نے کہا کہ جیا گاوں میں خواتین کی مجلس پر ایس ایچ او نے غیر قانونی طور پر دھاوا بولہ اور ذاکرہ کو سٹیج سے اتار دیا اور نازیبا الفاظ استعمال کئے۔ ایسے رویے کسی صورت برداشت نہیں کئے جائیں گے۔آئی جی پنجاب اس بد بخت ایس ایچ او کو فی الفور معطل کریں ۔ ان کا کہنا تھا کہ عزاداری کو محدود کرنے یا نئی مجالس کو روکنے والے کسی خوش فہمی میں مبتلا ہیں۔ ہم رجسٹرڈ اور غیر رجسڑڈ کی کسی بحث کو تسلیم کرتے ہیں اور نہ ہی کسی غیر قانونی طریقے سے اپنی مرضی کرنے دیں گے۔ان کا کہنا تھا کہ مکتب تشیع نے وقت کے ہر یزید سے ٹکر لی ہے، آج کے حکمران کسی غلط فہمی میں نہ رہیں۔اگرعزاداری میں رکاوٹیں بند نہ کی گئیں تو محرم الحرام کے جلوس روک سکتے ہیں، جس پر امن و امان کی ذمہ داری حکومت پر عائد ہوگی۔ ان کا کہنا تھا کہ عوام کو مقامی پولیس ڈرا دھمکا رہی ہے، لیکن غیو ر ملت جعفریہ سے اپیل ہے کہ عزاداری پر کسی قسم کی کوئی پابندی یاحد بندی کو قبول نہ کیا جائے، جہاں عزاداری روکی جائے وہاں ضروری کی جائے۔ چاہے جتنی قربانیاں ہی کیوں نہ دینی پڑیں۔ علامہ سبطین سبزواری نے یاددلایا کہ 30۔ ستمبر1988ء کا معرکہ ڈیر ہ اسمٰعیل خان ابھی نہیں بھولا جب قائد ملت جعفریہ علامہ سید ساجد علی نقوی کی کال پر دس شہدا نے جانیں قربان کردی تھیں، مگر رکے ہوئے جلوس کو طے شدہ روٹ پر نکالا گیا۔ حکومت ہمیں کسی ایسے اقدام پر مجبور نہ کرے کہ ہمیں پھر کوئی کال دینی پڑجائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات (جی پی آئی)یونین کونسل رحیم آبادکے سابق ناظم اور قومی وطن پارٹی کے راہنماشاہی دوران خا ن نے کہاہے کہ رحیم آبا اورامانکوٹ میں غیرقانونی اور سیاسی اثر ورسوخ سے گیس کی ناقص وغیر معیاری پائپ لائنیں لگائی گئی ہیں جس سے ہروقت حادثات کاخطرہ رہتاہے جس کا زندہ ثبوت چنددن قبل امانکوٹ میں پائپ لائن کا لیک ہونا اور پھٹ جانا ہے جس سے کئی افراد زخمی ہوئے تھے،میڈیا سے گفتگوکرتے ہوئے انہوںنے کہاکہ یہاں پر اس طرح کی لائنوں کی تنصیب کے بارے میں فوری تحقیقات کرنے کی ضرورت ہے تاکہ پتہ چلے کہ کس کے کہنے پر ایسی ناقص لائنیں لگائی گئی ہیں جو کچھ عرصہ میں بوسیدہ اور خستہ حال ہوگئی ہیں ،انہوںنے گیس لائن پھٹنے کے نتیجے میں زخمی افراد کی عیادت کی اور حکومت سے مطالبہ کیا کہ متاثرہ افرادکا سرکاری سطح پر علاج معالجہ کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات (جی پی آئی)جنرل کونسلر ظفر حیات عرف سپین خان کی قیادت میں علاقہ عمائدین کا بھارت کی جارحیت کے خلاف سوات پریس کلب کے سامنے احتجاجی مظاہرہ ، پاکستان زندہ باد کی نعرہ بازی کی گئی ، مظاہرے سے خطاب کرتے ہوئے ظفر حیات عرف سپین خان نے کہا کہ پاک فوج کی شانہ بشانہ کھڑے ہیں ، بھارت کی جارحیت کے خلاف ہر محاذ پر فوج کے ساتھ کھڑے ہوں گے اور اپنی جانوں کا نذرانہ ملک کیلئے قربان کریں گے ، انہوں نے کہا کہ پاکستانی فوج تنہا نہیں 18 کڑوڑ عوام فوج کے ساتھ کھڑے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات (جی پی آئی)اسلامی جمعیت طلباء نے عزم ہمارا پاکستان مہم کے نام پر ضلع سوات میں عملی آغاز کر دیا اس سلسلے میں اسلامی جمعیت طلباء گورنمنٹ ڈگری کالج کبل کے طلباء کے لئے ویلکم پارٹی کا اہتمام کیا تقریب کے مہمان خصو صی اسلامی جمعیت طلباء ملاکنڈ ڈویژن کے نا ظم افتخار حسین تھے ، اس کے علا وہ ضلعی نا ظم ذکریا پرنسپل ڈگری کا لج کریم اللہ اور دیگر بھی موجود تھے۔تقریب سے خطاب میں افتخار حسین نے کہا کہ نئے طلباء کو خوش آمدید کہنا اسلامی جمعیت طلبا ء کے ایک خوبصور ت روایت ہے جمعیت واحد ملک گیر طلباء تنظیم ہے جو اپنے وطن کے طلباء کے اندر حُب الوطنی کے تصور کو اُجا گر کر تے ہیں عزم ہما را پاکستان مہم اس سلسلے کہ ایک بہترین مثال ہے انہوں نے طلباء کو بہترین الفاظ میں خوش آمدید کہا تقریب سے پرنسپل ڈگری کالج کبل کریم اللہ نے اپنے خطاب میں کہا کہ طلباء ڈسپلن کا خیال رکھیں طلباء اگر اچھا طالب علم بن جائے تو وہ دوسروں کو بھی اچھے تربیت دے سکتے ہیں ، جھوٹ سے پرہیز ہونا چائیے طلباء تمام تر توجہ اپنے تعلیم پر دیں سیاسی سر گرمیاں تعلیمی اداروں میں نہ ہونا بہتر اقدام ہے معاشرہ میں تعلیم بہت اہمیت کا حا مل ہو تا ہے کیونکہ کوئی بھی معاشرہ تعلیم کے بغیر ترقی نہیں کر سکتا اگر آپ لو گوں نے تعلیم پر خصو صی توجہ نہ دیا تو آپ اپنے آپ پر والدین پر اور ملک پر ظلم کرنے کے مترادف ہو گی پروگرام کے آخر میں ہفتہ تکریم اسا تذہ کے حوالے پرنسپل ڈگری کالج کبل کو گلدستہ پیش کیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات (جی پی آئی)گذشتہ روز نیک پی خیل نہر علیگرامہ کے مقام پر ٹوٹنے سے پانی گھروں میں داخل ہوگئے تھے جس کی وجہ سے مقامی لو گ متا ثر ہوئے ڈپٹی کمشنر کے خصو صی ہدایت پر اسسٹنٹ کمشنر کبل نے علیگرامہ کے متا ثرہ افراد میں ٹینٹ تقسیم کی گئی تفصیلات کے مطابق گذشتہ روز نیک پی خیل نہر علیگرامہ کے مقام پر ٹوٹ گیا تھا جس کی وجہ سے پانی گھروں میں داخل ہو گئے تھے ڈپٹی کمشنر سوات کے ہدایت پر تحصیل انتظامیہ نے بر وقت سروے کر کے متا ثرہ افراد میں ٹینٹ تقسیم کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات (جی پی آئی)تحصیل کبل کے علاقہ اشا خیل کانجو تا ننگولئی مسا ئلستان بن گیا،بانڈئی فیڈر کی اوورلوڈنگ اور سوئی گیس کی عدم فراہمی پر یوسی برہ بانڈئی ننگولئی کے تحصیل کونسلر ریاض آحمد اور جماعت اسلامی کے رہنماء رشید احمد نے آل پارٹی کانفرنس بلا لیا۔آل پارٹی کانفرنس کے اجلاس میں تمام مسائل کو فوری طور پر حل کرنے پر اتفاق۔آ ل پارٹی کانفرنس کے انعقاد پر ریاض احمد اور رشید احمد کو خراج تحسین پیش کیا گیا۔تفصیلات کے مطابق گذشتہ روز ننگولئی میں آل پارٹی کانفرنس کا ایک اہم اجلاس زیر قیادت ریاض آحمد منعقد ہوا،اجلاس میں تمام سیاسی جماعتوں کے نمائندوں نے کثیر تعداد میں شرکت کی،آل پارٹی کانفرنس کے جلاس سے میزبان ریاض احمد نے خطاب کرتے ہوئے دو نکاتی ایجنڈا کو پیش کیا،جس میں ایک ہے بانڈئی فیڈر کی اوورلوڈنگ ،بانڈئی فیڈر کی اوورلوڈنگ نے عوام کو ذہنی ازیت میں مبتلا کردیا ہے دن اور رات کو بجلی بند معمول بن چکا ہے گھنٹوں گھنٹوں بجلی بندش سے معمولات زندگی متاثر ہوکر رہ گی ہے جس کی وجہ سے عوام کو سخت مشکلات کا سامنا کرنا پڑتا ہے اور دوسری بات سوئی گیس کی عدم فراہمی ہے سوئی گیس کانجوں سے گزر کر علیگرامہ،ہزارہ،کبل اور سیرسینئی تک منظور کردیا گیا ہے لیکن اشاخیل کانجو تا ننگولئی کو نذر انداز کردیا گیا ہے ،تو اس اہم عوامی مسائل پر آل پارٹی کانفرنس کا اجلاس طلب کرلیا گیا تاکہ متفقہ طور پر اس مسائل کے حل نکا ل سکے۔اس موقع پر تحصیل نا ئب ناظم انجنیر حنیف خان ،جماعت اسلامی رہنمارشید احمد،پی ٹی آئی رہنماء سعید خان، ڈسٹرکٹ ممبرفلک ناز خان،ویلج کونسل ننگولئی ناظم فتح اللہ خان،ویلج کونسل ڈھیرئی ناظم حبیب گل،اے این پی رہنماء لیاقت علی خان، پاکستان مسلم لیگ ن کے رہنما ء علی شیر میاں،ویلج کونسل برہ بانڈئی ناظم اشفاق خان ایڈوکیٹ،ڈاکٹرروح الامین،محبوب خان،اعتبار گل،افضل شاہ،سجاد خان،محب الحق،بخت جان،عزیز الراحمان،اور فضل اکبر نے خطاب کیا،اجلاس میں فیصلہ کیا گیا ہے کہ عوامی مسائل حل کرنے ہم سب کی زمہ داری ہیں،سیاست سے ہٹ کر عوامی خدمت کا سلسلہ جاری رہیگا،اس حوالے سے اعلیٰ حکام تک رسائی کیلئے ایک کمیٹی بھی تشکیل دے دی گئی،جس میں ہر ایک پارٹی سے دو دو نمائندوں کو شامل کرلیا گیا،جس میں اے این پی سے فتح اللہ خان،ابراہیم گلدان،مسلم لیگ ن سے حنیف خان،علی شیر میاں،پی ٹی آئی سے سعید خان اور فلک ناز خان،جماعت اسلامی سے ریاض احمد اور رشید احمد،جے یو آئی سے اشفاق خان ایڈوکیٹ،قومی وطن پارٹی سے سجاد خان،پی پی پی سے فضل ربی،جبکہ میڈیا سے لعل شیرخان اور صلاح الدین کو شامل کرلیا گیا،کمیٹی نے عہد کیا ہے کہ ہر حالت میں بجلی کا مسلہ حل کرنے کی کوشش کرینگے اور بانڈئی کیلئے ایک نیا فیڈر اور سوئی گیس کی فراہمی کو ہر حالت میں یقینی بنائینگے۔اس سلسلے میں آج بمورخہ پانچ اکتوبر اعلیٰ حکام سے ملاقاتیں شروع کرینگے،اجلاس میں یہ بھی فیصلہ کیا گیا کہ اگر موقع اگیا تو آل عوامی کانفرنس بلانے سے بھی دریغ نہیں کرینگے،اس موقع پر تمام سیاسی جماعتوں کے نمائندوں نے آل پارٹی کانفرنس کے انعقاد پر ریاض احمد اور رشید احمد کو خراج تحسین پیش کیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مردان (جی پی آئی)خیبر پختونخواہ کے تاجر رہنمائوں نے اپنے ساتھیوں کی مدد سے گھپلوں کے ثبوت مٹانے کیلئے مردان چیمبر آف کامرس کو آگ لگا دی۔واردات کے بعد تمام ملزم کامیابی سے فرار ہو گئے۔ایف پی سی سی آئی کے یونائیٹڈ بزنس گروپ (یو بی جی )کے زونل چئیرمین اور سابق ممبر قومی اسمبلی حاجی نسیم الرحمان کے مطابق بھاری مالیت کے گھپلوں اور جعلی ووٹروں کی تفصیلات چھپانے کیلئے قبضہ گروپ نے مردان چیمبر کو آگ لگا دی جبکہ حملہ آوروں نے مزاحمت پر کئی افراد کو ذخمی بھی کر دیا اور توڑ پھوڑ کر کے فرار ہو گئے۔ آگ لگانے والوں میں ایف پی سی سی آئی کے سابق صدر سینیٹر حاجی غلام علی، ایف پی سی سی آئی کے سابق نائب صدر مرزا عبدالرحمان، مردان چیمبر کے سابق صدور ظاہر شاہ اور سلطان محمد، چیمبر کے سیکرٹری اور انکے ساتھی شامل ہیں۔ حاجی نسیم الرحمان نے کہا کہ تھانہ سٹی مردان میںحملہ میں ذخمی ہونے والے چیمبر کی ایگزیکٹو کمیٹی کے ممبر نعمان بشیر کی رپورٹ پر مقدمہ درج کر لیا گیا ہے تاہم ملزم فرار ہو گئے ہیں جنکی گرفتاری کی کوشش جاری ہے ۔ انھوں نے کہا اس قبضہ گروپ کی کرپشن کو ہر قیمت پر بے نقاب کیا جائے گا اور ملزموں کو انکے منطقی انجام تک پہنچایا جائے گا۔ انھوں نے کہا کہ مردان چیمبر میں گھپلوں کے خلاف مختلف حکومتی اداروں کو دوخواستیں دی گئی تھیں اور ڈائریکٹر جنرل ٹریڈ آرگنائیزیشن نے پڑتال کے دوران ایک سو بیس ممبران کو جعلی قرار دیتے ہوئے انکی رکنیت منسوخ کر دی جس پر قبضہ مافیا نے پشاور ہائی کورٹ میں ڈی جی ٹی او کے فیصلے کے خلاف مقدمہ دائر کر دیا مگر عدالت نے ڈی جی ٹی او کے فیصلہ کو برقرار رکھا جس پراس مافیا نے چیمبر میں موجود ریکارڈ کو نزر آتش کر دیا گیا تاکہ ثبوت مٹائے جا سکیں۔انھوں نے کہا کہ قانون ہاتھ میں لینے والوں کو غنڈہ گردی مہنگی پڑے گی۔ انھوں نے انتظامیہ سے فوری کاروائی اور تاجر برادری کے تحفظ کا مطالبہ بھی کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (جی پی آئی)مرکزی عید گاہ کے قریب بھمبر میرپور روڈ کی حالت انتہائی نا گفتہ بہ محکمہ شاہرات کے بلڈوزر نے مٹی اکھاڑ کر شہریوں اور گزرنے والوں کیلئے مزید مشکلات کھڑی کردیں سڑک کی لیولنگ کرنیکی بجائے اور بھی بڑے بڑے گڑھے بن گئے مٹی اور دھول کے غبار نے قریبی مکینوںکی زندگیاں اجیرن کر دیں سڑک کی جلد مرمت کرکے شہریوں کو درپیش مشکلات کا ازالہ کیا جائے عوام علاقہ اور شہریوں کا محکمہ شاہرات کے اعلیٰ حکام سے مطالبہ تفصیلات کیمطابق بھمبرشہر کے عین وسط میرپور چوک سے چند فرلانگ کے فاصلے پر مرکزی عید گاہ کے نزدیک چند فرلانگ سڑک کا ٹکڑا گزشتہ 3سال سے عوام کیلئے عذاب بنا ہوا ہے پلی بند ہونے اور محکمہ کی طرف سے متبادل نکاسی آب کا حل نہ ہونے کے باعث سڑک کی حالت انتہائی دگر گوں ہے گزشتہ 3سال سے سڑک پر بڑے بڑے گڑھے بنے ہوئے ہیں جنہیں محکمہ شاہرات مٹی پاؤ پالیسی کے تحت بھرتی آر ہی ہے جبکہ بارش کی صورت میں حالت انتہائی ابتر ہو جاتی ہے جس سے نہ صرف قریبی آبادی کے مکینوں بلکہ سڑک پر سے گزرنے والوںکو شدید کوفت اور عذاب کا سامنا کر نا پڑتا ہے گزشتہ دنوں ایک بار پھر محکمہ شاہرات کے بلڈوزر نے تھوڑی مٹی اٹھا کر گڑھوں میںاضافہ کر دیاہے مٹی اٹھانے کے باعث دھول مٹی کے غبار میں اضافہ ہو گیا ہے پانی کا چھڑکاؤ نہ ہونے کی وجہ سے مٹی اور دھول سے قریبی مکینوں کیلئے سخت مشکلات جبکہ دمے اور الرجی کے مریضوں کو بھی پریشانی کا سامناہے بھمبرکے عوامی اور شہری حلقوںنے محکمہ شاہرات بھمبرکے اعلیٰ حکام سے نوٹس لینے اور اصلاح و احوال کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (جی پی آئی)کشمیر فریڈم موومنٹ سعودی عرب زون کے راجہ یونس شاہین ،محمد تصور جنجوعہ اور پرویز کلیال نے اپنے مشترکہ بیان میں چیئرمین کشمیر ڈویلپمنٹ فاؤنڈیشن چوہدری ظفر اقبال دھمیال کی زوجہ محترمہ ،سابق مرکزی صدر کشمیر فریڈم موومنٹ سلیم اکبر جرال کے والد محترم کی اچانک وفات پر گہرے دکھ اور غم کاااظہار کرتے ہوئے مرحوم کے درجات کی بلندی کیلئے دعائے مغفرت اور پسماندگان کیلئے صبر وجمیل کی دعا کی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (جی پی آئی)بھارت اوچھے ہتھکنڈوں سے کشمیریوں کی آواز نہیں دبا سکتا کنٹرول لائن پر بھارتی افواج کے سرجیکل سٹرائیک کا ڈرامہ بے نقاب ہو چکا ہے پاکستان کا دفاع مضبوط ہاتھوں میں ہے بھارت کسی بھی غلط فہمی میں نہ رہے کسی بھی بھارتی جارحیت کا مقابلہ کرنے کیلئے تیار ہیں ان خیالات کااظہار سابق ممبر ضلع کونسل چوہدری محمد یوسف آف درائیاں نے اپنے ایک بیا ن میں کیا انہوںنے کہاکہ بھارت مقبوضہ کشمیر میں درندگی ،جبر اور طلم کے ذریعے کشمیریوں کی آواز کو دبا نہیں سکتا کشمیریوں نے اب اس بات کا تہیہ کر لیا ہے کہ اب بھارت سے چھٹکارا حاصل کرنا چاہیے اس کیلئے جانوں کی قربانی کیوں نہ دینی پڑے انہوںنے کہاکہ بھارت مقبوضہ کشمیر کے مظالم سے توجہ ہٹانے کیلئے اوچھے ہتھکنڈوں پر اتر آیا ہے کشمیری قوم کنٹرول لائن پر کسی بھی قسم کی بھارتی جارحیت کا مقابلہ کرنے کیلئے تیار ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (جی پی آئی) کنٹرول لائن پر سماہنی اور چھمب سیکٹر میں بھارتی افواج کی بلا اشتعال فائرنگ پاک افواج کی جوابی کارروائی پر بھارتی گنیں خاموش بنڈالہ ،باغسر ،بڑوھ ،نہالہ چاہی ،افتخار آباد،چھمب ،خیرووال ،سکھرانہ ،بالے وال ،سرداری کے رہائشیوں کے حوصلے بلند کسی بھی بھارتی جارحیت کیخلاف پاک فوج کیساتھ ملکر مقابلہ کرینگے عوام علاقہ کا اظہار خیال موجودہ کشیدہ صورتحال کے پیش نظر ڈپٹی کمشنر مرزا ارشد محمود جرال ،SSPسردار الیاس خان اور اسسٹنٹ کمشنر برنالہ مرذاخضر حیات نے عملہ کے ہمراہ چھمب سیکٹر کا تفصیلی دورہ کیا اور کسی بھی ہنگامی صورتحال سے نمٹنے کیلئے عملی اقدامات کا جائزہ لیا برنالہ ،سماہنی اور بھمبرکے تمام ہسپتالوں میں ایمرجنسی نافذ کر دی گئی جبکہ محکمہ صحت عامہ سمیت مختلف ین جی اوز سے ایمبولینس سروسز اور1122کو بھی الرٹ کر دیا گیا تفصیلات کیمطابق ضلع بھمبر کے سرحدی علاقے سماہنی سیکٹر کے مختلف علاقوں باغسر ،بنڈالہ اور بڑوھ ،افتخار آباد،چھمب ،بالے وال ،سرداری میں بھارتی افواج نے رات کے پچھلے پہر 4بجے ہلکی اور بھاری مشین گنوں سے پاکستانی چوکیوں پر فائرنگ شروع کر دی اس دوران مارٹر گنوں کا بھی بے دریغ استعمال کیا گیا فائرنگ کا سلسلہ صبح 6بجے تک جاری رہا جبکہ دوسری طرف سے پاک افواج نے بھی بھرپور جوابی کاروائی کی جس پر بھارتی گنیں خاموش ہو گئی تاہم فائرنگ سے کسی بھی قسم کے نقصان کی اطلاع نہیںملی بھارتی افواج کی بلا اشتعال فائرنگ سے علاقہ کے رہائشیوں کے مورال بلند ہے عوام میں کسی قسم کا کوئی خوف نہیں پایا جارہا بلکہ عوام کا کہنا ہے کہ بھارت کیطرف سے کسی بھی قسم کی بھارتی جارحیت کا مقابلہ کرنے کیلئے تیار ہیں اور پاک فوج کیساتھ شانہ بشانہ کھڑے ہوکر بھارتی افواج کو منہ توڑ جواب دیا جائیگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (جی پی آئی)بھمبر کے رہائشی کا 13سالہ بیٹا پتنگ اڑاتے ہوئے مکان کی چھت سے گرنے سے موقع پر جان بحق والدہ پر غشی کے دورے علاقہ کی فضا سوگوار مرحوم کو نماز جنازہ کے بعد اس کے آبائی قبرستان میں سپردخاک کر دیاگیا تفصیلات کیمطابق گزشتہ روز وارڈ نمبر3محلہ کھوئیاں کے رہائشی محمد رفیق عرف گو گا کا 13سالہ بیٹا محمد عبداللہ اپنے مکان کی چھت پر پتنگ اڑا رہا تھا کہ توازن برقرار نہ رکھ سکا اور چھت سے نیچے گلی میں گرنے سے شدید زخمی ہو گیا جسے فوری طورپر ہسپتال پہنچایا گیا جہاں وہ جانبر نہ ہو سکا اور خالق حقیقی سے جا ملا مرحوم کی وفات سے علاقہ کی فضا سوگوار ہو گئی بھمبرکے سیاسی و سماجی حلقوں نے ڈپٹی کمشنر ارشد محمود جرال ،اسسٹنٹ کمشنر راجہ طارق خان سے مطالبہ کیاہے کہ پتنگ اڑانے اور فروخت کرنے پر فوری طور پر پابندی عائد کی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (جی پی آئی)ضلعی انتظامیہ کا ناجائز تجاوزات رانگ پارکنگ کرنے والوں کیخلاف کریک ڈاؤن خلیل شہید چوک ،کوٹھی موڑ ،ثاقب منیر شہید چوک اور لاری اڈہ سے تمام تجاوزات ہٹا دی تمام دوکانداروںاور ریڑھی بانوں کو وارننگ مین روڈ اور شہر کے اندر ناجائز تجاوزات کرنیوالوں کیخلاف سختی کیساتھ نمٹا جائے گا اسسٹنٹ کمشنر کی چیکنگ کے دوران صحافیوں سے گفتگو تفصیلات کیمطابق گزشتہ روز ڈپٹی کمشنر مرزاارشد محمود جرال کی خصوصی ہدایات پر اسسٹنٹ کمشنر راجہ طارق خان نے ڈسٹرکٹ ٹریفک انچارج اور پولیس کے ہمراہ بھمبرکی مین شاہرات لاری اڈہ اور مین بازار کا دورہ کیا چیکنگ کے دوران تمام دوکانداروں کے سامنے ناجائز تجاوزات ٹھیلوں اور ریڑھیوں کو ہٹا دیا انہوںنے ٹریفک پولیس کو سختی سے ہدایت کی کہ وہ رانگ پارکنگ کرنیوالوں کیساتھ سختی سے نمٹے اس موقع پر انہوںنے صحافیوں سے گفتگو کرتے ہوئے کہاکہ ضلعی ہیڈکوارٹر سے ناجائز تجاوزار ختم کرنا اولین ترجیح ہے تمام دوکاندار اپنی دوکانوںکی حدود میں رہیں خلاف ورزی کرنیوالوں کیساتھ سختی سے نمٹا جائیگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (جی پی آئی)سابق صدر ریاست راجہ ذوالقرنین خان ،سابق سپیکر اسمبلی چوہدری انوار الحق ،سابق چیئرمین ضلع زکوة چوہدری فضل علی ،سابق ممبر ضلع کونسل چوہدری محمد یوسف درائیاں ،ٹھیکیدار محمد الیاس چوہدری ،راجہ شوکت علی ،راجہ عطاء المنعم خان ،قاضی محمد جمیل ،چوہدری ثاقب علی ،ناصر شریف بٹ ،چوہدری عاطف اکرم ،ڈاکٹر طارق شاکر ،ملک شوکت حسین نے اپنے الگ الگ تعزیتی بیان میں مرکزی چیئرمین کشمیر ڈویلپمنٹ فاؤنڈیشن ظفر اقبال دھمیال کی اہلیہ ،کشمیر فریڈم موومنٹ کے سابق صدر مرزا سلیم اکبر کاشر کے والد محترم ،سابق چیئرمین بلدیہ مرزا محمد اجمل جرال کے تایا سسر میجر (ر) مرزا علی اکبر جرال ،چوہدری محمد رفیق عرف گوگا کے بیٹے محمد عبداللہ کی وفات پر دلی رنج وغم کا اظہار کرتے ہوئے مرحومین کیلئے دعائے مغفرت اور ورثاء کیلئے صبر وجمیل کی دعاکی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (جی پی آئی) اسسٹنٹ کمشنر /سب ڈویژن مجسٹریٹ نے بھمبر میں پتنگ بازی اور پتنگ بیچنے پر فوری طور 6ماہ کیلئے دفعہ 144نافذ کر دی ہے خلاف ورزی کرنیوالے پر دفعہ 188APCکے تحت کارروائی عمل میں لائی جائیگی تفصیلات کیمطابق ڈپٹی کمشنر بھمبر مرزا ارشد محمود جرال کی خصوصی ہدایت پر اسسٹنٹ کمشنر راجہ طارق خان نے تحصیل بھمبر میں پتنگ ڈورفروخت کرنے اور پتنگ اڑانے پرفوری طور پر دفعہ 144نافذ کر دی ہے خلاف ورزی کرنیوالوں کیخلاف دفعہ 188APCکے تحت کارروائی عمل میں لائی جائیگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی(جی پی آئی) پی ٹی آئی سندھ کے سینئر نائب صدر حلیم عادل شیخ نے کہاہے کہ وزیراعظم نے قوم کے پیسے اور قومی خزانے کو نقصان پہنچایاہے وہ استعفٰی دیںورنہ ہم اسلام آباد جائینگے قوم کو ایک نیا پاکستان دینے کے لیے ہمارے حوصلے بہت بلندہیں،وفاقی وزارتوں میں 20کھرب کی مالی بے ضابطگیوں کا انکشاف ہواہے ۔اڈیٹر جنرل کی گزشتہ سال کی اڈٹ رپورٹ منظر عام پر آچکی ہے ،ان وفاقی اداروںمیں جو اربوں روپے کی رقم رکھی جاتی ہے وہ عوام کے فلاح وبہبود کے لیے مختص ہوتی ہے مگر یہ لوگ ان بھاری رقموں کو مل بانٹ کا کھاجاتے ہیں اور عوام بیچاری بھوکی کی بھوکی رہ جاتی ہے ۔ثابت ہوگیاکہ نوازلیگ کی حکومت قومی خزانے کے سب سے بڑے چور ہیں ،۔ان خیالات کااظہار انہوں نے عادل ہائوس سے جاری بیان میں کیا۔حلیم عادل شیخ نے کہاکہ حکومت نے ایک خاص مقصد کے تحت قومی خزانے کو دونوں ہاتھوں سے لوٹاہے ، لگتا تو یہ ہے کہ حکومت اس ملک کے غریب آدمی کے خون کا آخری قطرہ تک نچوڑکر دم لے گی ۔موجودہ حکومت غریب عوام کی بھلا کیا مدد کرے گی یہ تو خود ہی یتیم مسکینوں کامال کھانے والے لوگ ہیں،عوام اگر چیئرمین عمران خان ساتھ دے تو یہ مفاد پرست ٹولہ اپنی سازشوں میں کبھی کامیاب نہیں ہوسکتا،عمران خان کی قیادت میںہم موجودہ بوسیدہ نظام کو اٹھاکر پھینک دیں گے ،حلیم عادل شیخ نے کہا کہ چیئرمین عمران خان نے اسلام آبا د جانے کا وقت دیدیا ہے اور ہم نے اس سلسلے میں تیاریاں بھی شروع کردی ہیں کیونکہ ہم ہرحال میں اس ملک کو چور اور ڈاکوئوں سے بچانا چاہتے ہیں ۔انہوں نے کہاکہ ملک کے حالات اب ایسے نہیں ہیں کہ اب ان حکمرانوں کو اور وقت دیا جائے ان لوگوں نے ساڑھے تین سالوں میں ملک کا دیوالیہ نکال دیاہے مزید ایک ایک پل ان کا رہنا پاکستان کی سلامتی اور قومی خزانے کے لیے کسی خطرے سے کم نہیں ہے انہوں نے کہاکہ ان کے تمام وزراء خود بھی کھاتے ہیں اور اپنے رشتے داروںکو بھی پا ل رہے ہیں ان لوگوں کو عوام کی جان ومال سے کوئی سروکار نہیں ہے
نکاح ایک عبادت ہے جسے رسم بنا دیا گیا ہے، معراج الہدی صدیقی
گجرات کی خبروں کی تصویری جھلکیاں
